Skólanámskrá Austurborgar Síða 2³lanámskrá_Austurborgar.pdf · Putaland 2-3 ára börn...
Transcript of Skólanámskrá Austurborgar Síða 2³lanámskrá_Austurborgar.pdf · Putaland 2-3 ára börn...
-
Skólanámskrá Austurborgar Síða 2
-
Skólanámskrá Austurborgar Síða 3
Efnisyfirlit
SKÓLANÁMSKRÁ AUSTURBORGAR .................................................................................................................. 4
LEIKSKÓLINN AUSTURBORG ............................................................................................................................. 5
LEIÐARLJÓS AUSTURBORGAR ........................................................................................................................... 6
NÁM Í LEIKSKÓLA ............................................................................................................................................. 7
NÁM OG LEIKUR ...................................................................................................................................................... 7
NÁM Í DAGLEGU LÍFI ................................................................................................................................................. 8
NÁMSUMHVERFI ................................................................................................................................................... 11
GRUNNÞÆTTIR MENNTUNAR ......................................................................................................................... 12
UPPELDISSTEFNA AUSTURBORGAR ................................................................................................................ 14
STARF Í ANDA REGGIO EMILIA .................................................................................................................................. 15
UMHVERFISMENNT ................................................................................................................................................ 16
BARNASÁTTMÁLI SAMEINUÐU ÞJÓÐANNA ................................................................................................................... 16
ÚTIKENNSLA ......................................................................................................................................................... 16
UPPELDISSTEFNA ................................................................................................................................................... 17
NÁMSSVIÐ LEIKSKÓLA .................................................................................................................................... 18
LÆSI OG SAMSKIPTI ................................................................................................................................................ 19
HEILBRIGÐI OG VELLÍÐAN ......................................................................................................................................... 20
SJÁLFBÆRNI OG VÍSINDI ........................................................................................................................................... 21
SKÖPUN OG MENNING ............................................................................................................................................ 21
HEFÐIR OG HÁTÍÐIR ....................................................................................................................................... 23
TENGSL SKÓLASTIGA ............................................................................................................................................... 26
SAMSTARFSAÐILAR ................................................................................................................................................. 28
MAT Á STARFI ................................................................................................................................................ 29
INNRA MAT ........................................................................................................................................................... 29
YTRA MAT ............................................................................................................................................................ 29
STOÐÞJÓNUSTA ............................................................................................................................................. 30
ÖRYGGISMÁL ................................................................................................................................................. 31
SLYS .................................................................................................................................................................... 31
ÖRYGGISHRINGURINN ............................................................................................................................................. 31
ÖRYGGISTRÚNAÐARMENN. ...................................................................................................................................... 31
ÁFALLARÁÐ .......................................................................................................................................................... 32
Í LEIKSKÓLANUM ER ÁFALLARÁÐ SEM SAMAN STENDUR AF LEIKSKÓLASTJÓRA, AÐSTOÐARLEIKSKÓLASTJÓRA, KENNARA OG
SÓKNARPRESTI. SAMRÁÐ ER HAFT VIÐ AÐSTANDENDUR UM AÐKOMU SÓKNARPRESTS AÐ HVERJU MÁLI FYRIR SIG. HLUTVERK
RÁÐSINS ER AÐ VERA TIL AÐSTOÐAR VIÐ AÐ MÆTA ÞEIM ÁFÖLLUM SEM NEMENDUR, AÐSTANDENDUR OG/EÐA KENNARAR VERÐA
FYRIR. .................................................................................................................................................................. 32
VIÐBRAGÐSÁÆTLUN ............................................................................................................................................... 32
BRUNAÆFINGAR .................................................................................................................................................... 32
-
Skólanámskrá Austurborgar Síða 4
1. Skólanámskrá Austurborgar Samkvæmt Aðalnámskrá leikskóla frá 2011 sem gefin er út af menntamálaráðuneytinu, skal
sérhver leikskóli móta sína eigin skólanámskrá. Námskráin á að vera skrifleg og aðgengileg
öllum þeim sem málið varðar. Þar skal gera grein fyrir hvernig leikskólinn hyggst vinna að
þeim markmiðum sem aðalnámskrá leikskóla setur, hvaða leiðir verða farnar og hvernig
staðið er að mati. Jafnframt skal fjallað um þau gildi sem starf leikskólans byggist á og þær
hugmyndafræðilegu áherslur sem tekið er mið af. Í skólanámskrá eiga einnig að koma fram
þær áherslur og leiðir sem leikskólinn hefur ákveðið að fara í samskiptum við börn, starfsfólk,
foreldra og nærsamfélagið.
Skólanámskrá á að vera lifandi og í stöðugri endurskoðun. Hún skal taka mið af áhuga barna
og sjónarmiðum og skal unnin í samvinnu leikskólakennara, annars starfsfólks, barna og
foreldra. Skólanámskráin er eins konar sáttmáli um uppeldi og nám í leikskólanum.
Í nýrri aðalnámskrá er birt ný menntastefna sem á við um öll skólastig og hefur það markmið
að rækta með markvissum hætti þekkingu, leikni og viðhorf sem styrkir getu einstaklinga í
framtíðinni. Leikskólastarf byggir á lögum um leikskóla þar sem lögð er áhersla á gildi
leiksins. Leikskólar útfæra sjálfir í skólanámskrá hvernig þeir vinna með hæfnisþætti í
samræmi við aldur og þroska barna. Miða skal við námssvið leikskóla sem eru: Læsi og
samskipti, heilbrigði og vellíðan, sjálfbærni og vísindi, sköpun og menning.
-
Skólanámskrá Austurborgar Síða 5
2. Leikskólinn Austurborg
Leikskólinn Austurborg er við Háaleitisbraut 70 og er rekinn af Reykjavíkurborg.
Reykjavíkurborg er rekstraraðili leikskólans og sér til þess að hann starfi samkvæmt lögum,
reglugerðum og aðalnámskrá leikskóla.
Leikskólinn tók til starfa 1. júlí 1974, hann er fjögurra deilda með 100 börn samtímis og
mælist 873 m2. Fjöldi starfsmanna fer eftir aldri og viðveru barnanna hverju sinni.
Skólinn er fjögra deilda og skiptast deildarnar:
Putaland 2-3 ára börn
Bangsaland 3-4 ára börn
Ólátagarður 4-5 ára börn
Kattholt 5-6 ára börn
Við erum með útisvæði sem nýtist vel fyrir leiki og ýmiskonar útileikföng eins og hjól og
snjóþotur. Leikskólinn er miðsvæðis, staðsettur nálægt helstu samgönguæðum borgarinnar
og því auðvelt að ferðast með börnin um borgina.
Dvalartímar
Opnunartími leikskólans er frá 7:30-17:00 alla virka
daga. Dvalartími barnanna er misjafn frá 6-9 tímum
og sækja foreldrar um viðverutíma barna sinna á
rafrænni Reykjavík. Einnig fara allar breytingar á
dvalatíma barnanna þar í gegn og reynir
leikskólastjóri að koma til móts við þarfir foreldra.
Lögð er áhersla á að dvalartími barna sé virtur þar
sem vinnutími starfsmanna fer eftir fjölda barna hverju
sinni.
Þjónustumiðstöð Laugardals og Háleiti, Efstaleiti 1 er Ráðgjafar- og Þjónustumiðstöðin okkar
og þangað sækjum við sérhæfða ráðgjöf og stuðningsþjónustu. Leikskólaráðgjafar starfa á
Skóla og frístundasviði í Borgartúni 14-16.
Trúnaður
Allt starfsfólk Austurborgar er bundið þagnarskyldu um alla þá vitneskju sem það fær í starfi
um málefni barna og foreldra leikskólans. Þagnarskyldan helst þó að starfsmaður láti af
störfum. Gagnkvæmur trúnaður er mikilvægur öllum og eykur traust
innan leikskólans. Myndir sem foreldrar taka á viðburðum skólans á
ekki að birta á samfélagsmiðlum, heldur vera til einkanota.
-
Skólanámskrá Austurborgar Síða 6
3. Leiðarljós Austurborgar
Vil, get og kann eru einkunnarorð skólans og höfum við
þau sem leiðarljós í öllu starfi Austurborgar. Að okkar
mati eru börn góð, virk, áhugasöm og forvitin og teljum
að öll börn vilji, geti og kunni ef þau fá tækifæri til. Við
notum opnar spurningar svo börnin fái tækifæri til að
uppgötva heiminn sem mest á eigin forsendum. Við
leggjum einnig áherslu á jákvæða hvatningu til að stuðla
að auknu sjálfstæði og sjálfsöryggi í gegnum leikinn.
Börnin eru hvött til að rannsaka umhverfið sitt og nýta
öll tjáningarform sín. Í öllu starfi okkar er leitast við að
nota eins mikið val og kostur er því
það gefur barni
möguleika á að efla
skilning á eigin ábyrgð og getu. Við höfum verið í miklum
tengslum við umhverfi skólans og samfélagið allt til því
við teljum það auka víðsýni og upplifun barnanna að
fræðast um nærumhverfi sitt, svo sem heimsóknir á
elliheimilið, bókasafnið, hin ýmsu söfn og viðburði.
Umhverfi Austurborgar er sveigjanlegt. Við lítum svo á að umhverfið eigi að mótast af þeim
börnum sem í skólanum eru hverju sinni og leyfum okkur að horfa á barnið sem er hér og nú.
Í umhverfinu innan veggja leikskólans birtist menning hans og fyrir hvað hann stendur.
Austurborg er leikskóli í stöðugri þróun, þar sem börn og fullorðnir eru í góðu sambandi
hvert við annað þar sem rík áhersla er lögð á samvinnu milli foreldra, kennara og barna.
-
Skólanámskrá Austurborgar Síða 7
4. Nám í leikskóla
4.1 Nám og leikur
Leikur er órjúfanlegur þáttur bernskuáranna og þungamiðja leikskólastarfsins. Leikur er
sjálfsprottinn, börnum eðlislægur og er meginnámsleið barna (Aðalnámskrá leikskóla 2011).
Í bernsku afla börnin sér þekkingar í gegnum leik.
Gegnum hann læra börnin að umgangast önnur
börn, vinna saman, sýna tillitssemi og umhyggju. Þar
taka börn þátt í lýðræðislegum athöfnum þegar þau
setja fram eigin hugmyndir og virða sjónarmið
annarra. Í frjálsum leik lærir barnið að skapa með
eigin hugarheimi, það tekur ákvarðanir á eigin
forsendum og lærir að leita lausna. Leikurinn er
mikilvægasta tjáningarform barnsins og ýtir undir sköpunarþörf og þroskar athyglisgáfu þess.
Í Austurborg leggjum við áherslu á að vinna með óhefðbundinn og opinn efnivið. Örva áhuga
barnsins með því að hvetja það til að gera tilraunir og finna lausnir. Leikurinn er tæki
barnsins til að takast á við áföll og gleði lífsins um leið og hann losar um orku. Hann er
grunnur fyrir allt frekara nám og flettast því inn í allt leikskólastarfið.
Hlutverk kennarans er að taka þátt í leik barnanna, vera til staðar og grípa inn í og leiðbeina.
Hlutverk leikskólans er að styðja við nám barna í gegnum leik á sem fjölbreyttastan hátt, ætla
leiknum tíma og rými í samfellu við aðra þætti leikskólastarfsins. Leikurinn er hornsteinn
leikskólastarfsins og kennsluaðferð kennarans. Hann kallar á félagsleg samskipti, notkun
tungumálsins, tilfinningatengsl, áræðni, hreyfingu og hugmyndaflug.
-
Skólanámskrá Austurborgar Síða 8
Könnunarleikurinn er hluti af námsumhverfi yngstu barnanna. Þar leika börnin sér með
óhefðbundin efnivið, rannsaka og gera tilraunir með t.d. hljóð, lögun, áferð og eiginleika
hluta. Könnunarleikurinn getur staðið í allt að 45 mínútur en þriðjungur af tímanum felst í því
að taka saman. Tíminn sem fer í tiltektina ,er jafn mikilvægur og leikurinn sjálfur og er hluti af
leiknum. Markmið með könnunarleiknum er að gefa börnunum tækifæri til að auka reynslu
sína og virkja áhugahvöt með efnivið sem hvetur þau til að skoða, prófa og kanna eiginleika
þeirra.
Könnunaraðferðin er að dýpka skilning og þekkingu
barnanna á ákveðnu efni á þeirra forsendum.
Fyrst er kannað og skráð niður hvað börnin vita
um efnið og hvar áhugasvið þeirra liggur.
Verkefnið er unnið á þann hátt að það getur
tekið á sig ýmsar myndir og aldrei að vita hvert
við stefnum fyrirfram í hverju verkefni.
Verkefnin vara í mislangan tíma eftir áhuga
barnanna. Könnunaraðferðin er góð leið til að styrkja
félagslega færni þar sem unnið er í hópavinnu með
samræðum, deila upplýsingum og reynslu og komast að samkomulagi. Kennarar gera síðan
viðfangsefnið sýnilegt fyrir foreldum og börnum.
4.2 Nám í daglegu lífi
Allt starf skólans felur í sér viðamikið og samþætt nám, hvort sem það eru matartímar,
salernisferðir eða markviss þekkingaröflun í gegnum leik og með leiðbeiningu kennara. Börn
uppgötva og læra af öllu sem þau gera og taka sér fyrir hendur í leik og námi.
Heilmikið nám á sér stað í daglegu lífi leikskólans. Þegar
talað er um daglegt líf, þá eru það stundir þegar börnin
eru að mæta í leikskólann, matartíma, hreinlætisvenjur,
að klæða sig í og úr fyrir útiveru, hvíldartími,
samverustundir og kveðjan í lok dags. Allar þessar
venjur eru fastir liðir í skipulaginu. Í Austurborg leggjum
við áherslu á að efla sjálfshjálp og sjálfstæði barna í
daglegu lífi og hvetjum þau áfram til sjálfshjálpar eins
og þroski þeirra leyfir. Að líkamleg og andleg umönnun sé veitt af hlýhug og af
ábyrgðarkennd svo það leiði til trúnaðartrausts og tilfinningatengsla. Hlutverk kennarans er
að veita umönnun, vera til staðar, leiðbeina, hvetja, setja orð á athafnir og vera góð
fyrirmynd.
-
Skólanámskrá Austurborgar Síða 9
Að taka á móti börnum og foreldrum
Að byrja í leikskóla er stórt skref fyrir barn og foreldra þess og því mikilvægt að vel takist til
með alla aðlögun. Hér er lagður hornsteinn að öryggi barnsins og samstarfi heimilis og skóla.
Lykilatriði í aðlögun barns er því góð samvinna milli foreldra og starfsfólks. Þar verða báðir
aðilar að átta sig á þeirri breytingu sem það hefur í för með sér fyrir barn að aðlagast nýjum
aðstæðum og hversu mikilvægt það er að vel takist til ? Í Austurborg leggjum við áherslu á
að taka vel á móti börnunum og foreldum þegar þau koma í leikskólann og viljum að börnin
finni fyrir öryggi og að nærvera þeirra skipti(r) máli. Á sama hátt sköpum við skemmtilega
stund í lok dagsins svo börnin fari sátt heim og hlakki til að koma aftur í leikskólann.
Aðlögun
Áður en barn byrjar í leikskólanum er foreldrum boðið á fund
þar sem farið er yfir dvalarsamninginn og aðrar upplýsingar
sem varða leikskóladvöl barnsins. Foreldrar hitta síðan
leikskólastjóra/aðstoðarleikskólastjóra í salnum í hádeginu á
öðrum eða þriðja degi aðlögunar. Þar verður leikskólastarfið
kynnt nánar og spurningum svarað. Deildarstjóri boðar
foreldra í viðtali á meðan á aðlögun barnsins stendur til að
fá ítarlegri upplýsingar um barnið.
Þátttökuaðlögun er notuð og byggist hún m.a. á þeirri trú að
foreldrar yfirfæri eigin öryggiskennd og forvitni í þessum nýju
aðstæðum á börnin sín. Með því að foreldrar séu
þátttakendur frá fyrsta degi aðlögunar öðlist þeir öryggi um daglegt líf í leikskólanum og það
nám sem þar fer fram. Foreldrar kynnast kennurunum, öðrum börnum og foreldrum.
Hugmyndafræðin á bak við þátttökuaðlögun er Öruggir foreldrar = örugg börn
Hreinlæti
Lögð er áhersla á að börnin tileinki sér almennar hreinlætisvenjur og þroski með sér heilbrigt
og jákvætt viðhorf til líkamans. Salernisferðir eru reglulegar þar til börnin ná sjálf tökum á
þeim. Rík áhersla er lögð á að börnin þvoi hendur og þurrki eftir
bæði salernisferðir og fyrir matmálstíma. Við ræðum
einnig við börnin um hreinlæti, líkamann og klæðnað og
hvetjum þau til að hjálpa sér sjálf og hvert öðru.
Kennarar leggja sig fram um að sinna þörfum barnanna
af hlýju og nærgætni og vera í góðu sambandi við
foreldra um hreinlætisþjálfun þeirra. Unnið er
samkvæmt hreinlætisáætlun leikskólasviðs.
https://www.yumpu.com/is/document/view/27093649/hreinlaetisaaetlun-leikskola-reykjavik
-
Skólanámskrá Austurborgar Síða 10
Matartímar
Í Austurborg er lögð áhersla á ánægjulega
samveru barna og kennara um leið og mikið nám
fer fram. Málörvun á sér stað þegar börn og
kennarar spjalla saman og hlusta hvert á annað.
Börnin æfa fínhreyfingar um leið og þau læra að
nota hnífapör og áhöld við að skammta sér sjálf á
diskinn. Þau taka þátt í undirbúningi máltíða og
ganga frá eftir sig. Börnin læra að smakka allan
mat auk þess að læra almenna borðsiði. Í
leikskólanum er boðið upp á þrjár máltíðir á dag
þ.e. morgunmat, hádegismat, og síðdegishressingu.
Hvíld
Nægjanlegur og reglulegur svefn og góð hvíld er öllum
börnum nauðsynleg, ekki síst fyrstu ár ævinnar þegar
vöxtur og þroski er hvað örastur. Svefn- og hvíldartímar eru
því nauðsynlegir í leikskólanum til að tryggja andlega og
líkamlega vellíðan barnanna. Eftir hádegismat er hvíld á
Ólátagarði, Bangsalandi og Putalandi. Ólátagarður skiptir
hvíldinni í tvennt. Annars vegar börn sem þurfa að sofa og hins vegar
þau börn sem hvílast við tónlist eða hlusta á sögu. Á Bangsalandi og Putalandi sofa börnin
mismikið eða í samráði við foreldra. Börnin eiga sinn fasta hvíldarstað (sérstaklega yngstu
börnin) og haft er í huga að sum börn þurfa meiri nálægð við fullorðna en önnur. Lögð er
áhersla á að eiga rólega og notalega stund saman.
Fataherbergi
Lögð er áhersla á sjálfshjálp. Börnin læra
smám saman að klæða sig úr og í og að ganga
snyrtilega frá fatnaði sínum ásamt því að
hjálpa hvert öðru. Mikil umræða fer þar fram
um fatnað, líkamann, heilsuna, veðrið og
hvernig á að ganga frá. Í fataherberginu fer
fram mikið nám um hugtök, fjölda, liti o.fl.
Við gefum börnunum góðan tíma til að klæða
sig úr og í.
-
Skólanámskrá Austurborgar Síða 11
Útivera
Við leggjum áherslu á að börnin fari út a.m.k. einu sinni á dag. Ef veður er slæmt þá klæðum
við okkur vel og erum bara styttra úti þann daginn. Í útiverunni er allt leiksvæðið í boði og
ímyndunarafl barnsins fær að njóta sín. Kennarar af öllum deildum eru úti með börnunum
og taka þátt í að örva og hvetja þau til leikja, bæði sjálfsprottinna og skipulagðra.
Umgengni
Hæfni til samskipta er grundvöllur þess að lifa, starfa og leika sér með öðrum í sátt og
samlyndi. Hún er nauðsynleg svo að öll börn fái að njóta sín í samskiptum og læra að taka
tillit til annarra. Mikilvægur þáttur í daglegu lífi barna er umgengni og frágangur og tengist
það því að bera virðingu fyrir eigin eigum og annarra. Í Austurborg er lögð árhersla á að börn
taki þátt í að ganga frá leikefni og efniviði með aðstoð kennara og er það stór þáttur í
sjálfbærni þeirra
Samverustundir
Samverustundir eru á öllum deildum á hverjum degi
en tímasetning þeirra getur verið misjöfn á milli
deilda. Þar eru lesnar sögur, sungið, farið í ýmsa leiki
og spjallað saman. Áhersla er lögð á að allir taki þátt
og njóti samverunar en skipulag hennar tekur mið af
þroska og þörfum barna s.s hópaskiptinar og
viðfangsefni.
4.3 Námsumhverfi
Námsumhverfi leikskólans byggir á aðstöðu hans bæði inni og úti. Við lítum svo á að
umhverfið sé þriðji kennarinn og því mikilvægt að virkja umhverfið sem best til að mæta
námsþörfum barna og fullorðinna. Leitast er við að skipta svæðum deilda/ leikskólans þannig
að það mæti þörfum barna og að svigrúm skapist fyrir leik í stærri og smærri hópum.
Mikilvægt er að leikskilyrði hæfi þroska hvers og eins.
-
Skólanámskrá Austurborgar Síða 12
Deildir og sameiginleg svæði leikskólans eru skipulögð þannig að hver deild gengur að sínu
svæði ákveðna daga og skipuleggur starfið út frá því. Skipulagt hópastarf er í skólanum og
þá er hver hópur með sínum hópstjóra í leik og starfi. Valstundir ramma inn frjálsa leikinn og
með valinu nýtist leikumhverfi deildar betur. Í valinu er búið að ákveða hversu mörg börn
geta verið á ákveðnum svæðum en leik- og efniviður tekur mið af áhuga og getu barnanna.
Skólalóðin okkar er stór og býður uppá fjölbreytni með hæðóttu landslagi og góðum
leiktækjum. Leikskólinn er staðsettur miðsvæðis í borginni og er í alfaraleið þannig að gott
aðgengi er að ferðast um alla borg. Námsumhverfi skólans nær út fyrir leikskólalóðina þar
sem fullt er af tækifærum til upplifunar og leiks.
Í nær umhverfi skólans er; Háaleitisskóli, Kringlubókasafn, Öskjuhlíð, Svartiskógur í Fossvogi,
Nauthólsvík.
Fyrir framan skólann er gróið tún með trjáþyrpingu sem við notum allt árið til að fræðast um
náttúruna s.s. veðráttuna, trén, blóm, fugla o.fl. Útinám er mikilvægt ferli í námi skólans sem
við erum að tileinka okkur til að fræða og kenna.
5. Grunnþættir menntunar
Grunnþættirnir snúast um læsi á samfélag, menningu, umhverfi og náttúru þannig að börn
og ungmenni læri að byggja upp andlega og líkamlega færni til að bjarga sér í því samfélagi
sem við búum í og vinna með öðrum. Grunnþættirnir snúast einnig um þá framtíðarsýn,
getu og vilja til að hafa áhrif og taka virkan þátt í að viðhalda samfélagi sínu, breyta því og
þróa það. (Mennta og menningarmálaráðuneytið; Aðalnámskrá leikskóla 2011)
Grunnþáttum menntunar er ætlað að endurspeglast í öllu námi , sem fer fram í skólum.
Í leikskólanum ber að flétta áherslur þeirra inn í daglegt starf, leik og nám barna þannig að
það taki mið af barninu sjálfu, þroska þess og getu.
-
Skólanámskrá Austurborgar Síða 13
Grunnþættir menntunar eru;
læsi - talað mál og ritað, samræður, málörvun, læsi í umhverfi og samskipti
sjálfbærni -umgengni, virðing fyrir umhverfinu, skilja samhengi hluta, bera ábyrð á
eigin lífi og heilbrigði
lýðræði og mannréttindi - tryggja jafnan rétt, hafa áhrif og val, rökræður/gagnrýni,
taka afstöðu, virkni og þátttaka, félagsleg hæfni / umburðarlyndi / samkennd
jafnrétti - allir fái að njóta sín, jafna aðstöðumun, viðfangsefni /nálgun strákar/stelpur
heilbrigði og velferð - andleg og líkamleg heilsa barna, hvíld, næring, umhyggja,
vellíðan, hreinlæti, útivera, hreyfing, jákvæð sjálfsmynd
sköpun - listsköpun, prófa fjölbreyttan efnivið, fá útrás og prófa eitthvað nýtt,
leikurinn, leikræn tjáning, söngur, tónlist, dans
Þegar skólastarf er metið á að skoða hvernig grunnþættirnir setja mark sitt á kennslu, leik og
nám og skólastarfið í heild.
Lestur Sjálfbærni Lýðræði og mannréttindi
Heilbrigði og
velferð Sköpun Jafnrétti
Skólabragur, gildi og
viðhorf
-
Skólanámskrá Austurborgar Síða 14
6. Uppeldisstefna Austurborgar
Leikskólinn Austurborg starfar i anda Reggio–Emilia uppeldisstarfsins sem kennd er við
borgina Reggio Emilia á Norður- Ítalíu. Hugsuðurinn að baki hennar er uppeldisfræðingurinn
Loris Malaguzzi . Hugmyndir hans byggjast t.d. á kenningum John Dewey, Vygotsky og Jean
Piaget . Ein af aðal ástæðum þess að við viljum vinna í anda Reggio er sýn stefnunnar á nám
barna og sú áhersla sem lögð er á lýðræði og áhugahvöt þeirra.
Í Austurborg er lögð áhersla á að börn geti skoðað
einn hlut eða málefni út frá mörgum hliðum og
hvers kyns rannsóknir eru í hávegum hafðar. Við
notum opnar spurningar “hvað, hvernig og hvers
vegna“ og höfum þær að leiðarljósi í öllu starfi því
að þær gefa börnum tækifæri til að skoða og
kanna svör sín. Skynjun og sköpun er börnum
mikilvæg til að geta tengt hluti og atburði fyrri
reynslu sinni og því gefum við börnum færi á að
gera sem mest sjálf. Til að efla sjálfstæði
barnanna örvum við þau til að tjá reynslu sína og
upplifanir. Við leggjum áherslu á að virkja
áhugahvöt og efla sjálfstæði og frumkvæði
barnanna með því að gefa þeim tækifæri á að
takast á við fjölbreytt viðfangsefni sem veitir þeim
gleði og vellíðan en um leið áskoranir. Börnin eru
hvött í lausnaleit með því að leita svara, þora að prófa og læra að það sé í lagi að þurfa að
endurtaka sig – það má gera mistök.
Markmið Austurborgar er:
að sérhvert barn fái að blómstra á sínum eigin forsendum
að hvetja börn til að hafa trú á eigin getu
að börnin séu lífsglöð og þeim líði vel
að börn beri virðingu fyrir sjálfum sér, öðrum og umhverfinu
að börn, kennarar og foreldrar efli með sér jákvæða samvinnu
að börn séu sjálfsörugg, skapandi og sjálfstæð við lok leikskólagöngu sinnar
Leiðir til að ná fram settum markmiðum eru í gegnum allt sem fram fer í leikskólanum og
með því að tileinka okkur:
hrós og hvatningu til handa öllum í leikskólanum
virða getu allra og hæfileika, áhugamál og hugmyndir
að kennarar séu góð fyrirmynd
-
Skólanámskrá Austurborgar Síða 15
læra virðingu fyrir eigum sjálf síns og annarra
að leyfa sér að bulla og skemmta sér
kanna umhverfið og læra á það
læra að hlusta á aðra
leggja áherslu á samvinnu/hópvinnu
læra um menningu okkar og annarra
vinna að því að börnin finni til öryggis, andlega sem
líkamlega
6.1 Starf í anda Reggio Emilia
Undanfarin ár hafa leikskólarnir Hulduheimar, Engjaborg,
Brekkuborg og Austurborg átt með sér samstarf. Þessir
skólar kalla sig HEBA-leikskóla, eftir upphafsstaf hvers
skóla. Í anda Reggio Emilia er litið á barnið sem megnugt og skapandi. Börnin eru hvött til
að hugsa og tjá sig með öllum málum sínum eftir kenningum Malaguzzi um að börn hefðu
hundrað mál en tekin væru frá þeim 99. Börnin fái aðeins að halda eftir einu þ.e. hinu talaða
máli. Með því að fá að nota málin sín hundrað getur barnið reynt, skynjað og upplifað sama
hlutinn á hundrað vegu.
Umhverfi leikskóla sem starfa í anda Reggio Emilia þarf að vera skapandi svo að barnið upplifi
lýðræði í leikskólanum, að hlustað sé á það og að það hafi áhrif á umhverfi sitt beint eða
óbeint. Gæði náms er háð umhverfinu að hluta til og því þurfa kennarar að skapa umhverfið
þannig að þar sé fjölbreyttur, opinn efniviður, að borin sé virðing fyrir verkefnum barnanna
og gengið frá þeim á fallegan hátt. Fegurð og fjölbreytileiki kallar fram sköpunarmátt fólks.
Efniviður þarf að vera staðsettur í augnhæð barnanna þannig að þau geti sjálf nálgast hann
og unnið með hann út frá eigin áhuga.
-
Skólanámskrá Austurborgar Síða 16
6.2 Umhverfismennt
Markmið okkar er að vekja áhuga barns á náttúru og umhverfi og kenna því að umgangast
hana af ábyrgð og virðingu. Leikskólinn tekur þátt í verkefni á vegum Reykjavíkurborgar sem
nefnist Græn skref og snýst um að efla vistvænan rekstur í starfsemi borgarinnar og minnka
umhverfisáhrif.
Við flokkum pappír og plast með börnunum og þau taka sem dæmi þátt í því að losa pappír
sem ekki er endurnýttur í gám fyrir utan skólann. Eldhúsið flokkar svo plast, ál og gler að
auki. Þá leggjum við áherslu um að fræða þau um hvaðan
efniviðurinn kemur og kenna þeim að nýta betur efnivið
s.s. pappír, plast og annað sem til fellur á leikskólanum.
Heimurinn minn er fræðsluefni um umhverfismennt
ætlað börnum sem hægt er að nýta í umhverfismennt.
Barnið kynnist þannig endurvinnslu og endurnýtingu
hluta sem er byrjun á aukinni vitund og ábyrgari afstöðu
til umhverfissins. Við höfum einnig verið dugleg að fara í
vettvangsferðir með börnin þar sem gefast ótal tækifæri til þess
að kynnast dýrum, plöntum, veðri og áhrifum árstíða á lífríki og umhverfi. Einnig förum við út
og týnum rusl í okkar nánasta umhverfi með börnunum.
6.3 Barnasáttmáli sameinuðu þjóðanna
Í leikskólanum vinnum við með Barnasáttmála sameinuðu þjóðanna með elstu börnum
skólans. Markmið okkar er að kynna barnasáttmálann fyrir börnunum til þess að þau þekki
réttindi sín í samfélaginu. Unnið er með barnasáttmálann í gegnum leik og skemmtileg
verkefni. Inn í verkefnin fléttum við inn hugtök eins og jafnrétti, lýðræði og samfélag og
útskýrum í einfaldari mynd hvað það felur í sér. Við vinnum með sjálfsöryggi, framsögn,
sjálfsmynd og sjálfsþekkingu allt eftir því hvar þau eru stödd í þroska hverju sinni.
6.4 Útikennsla
Austurborg er miðsvæðis í borginni og í nærumhverfi skólans er ýmsilegt sem hægt er að
nýta til útikennslu. Sem dæmi er Fossvogsdalurinn í
göngufæri sem og Laugardalurinn. Við erum dugleg
að nýta Grasagarðinn í Laugardalnum og
Svartaskóg sem er grenndarskógur Háaleitisskóla í
Fossvoginum til þess að breyta til. Við höfum verið
að prófa okkur áfram í útikennslu og eru þrír
starfsmenn skólans í útikennsluteymi á vegum
Náttúruskóla Íslands sem mun vonandi nýtast
okkur vel áfram. Við stefnum að því að gera
útikennslu stærri þátt af daglegu starfi.
http://graenskref.reykjavik.is/http://vefir.nams.is/heimurinn/heimurinn/http://www.barnasattmali.is/
-
Skólanámskrá Austurborgar Síða 17
Útisvæði skólans er einnig stórt og bíður upp á mikla möguleika. Markmið okkar í útiveru er
að stuðla að fjölbreyttum leikaðferðum bæði með hefðbundnum og óhefðbundnum efnivið.
Á sumrin tökum við oft efnivið sem
oftast er nýttur inni og færum út til þess
að fá nýja vídd í verkefnin og heppnast
það alltaf mjög vel. Við nýtum okkur það
sem náttúran hefur upp á að bjóða í
bland við annað. Einnig höfum við lagt
áherslu að kenna börnunum leiki í
samræmi við aldur eins og til dæmis
„Stórfiskaleik“, „köttur og mús“ og „Rebbi hver er liturinn?“. Slíkir leikir stuðla bæði að
samvinnu, eftirtekt og ýta undir félagsfærni.
6.5 Uppeldisstefna
Við höfum skýrar, jákvæðar og einfaldar reglur, sem allir geta framfylgt. Fyrir reglum þurfa
að vera ákveðin rök og tilgangur sem börn skilja og mikilvægt er að hægt sé að standa við
þær reglur sem settar eru. Reglur eru settar til að bæta samvinnu og auka virðingu á milli
barna og kennara. Agi er ekki eingöngu notaður til að takast á við hegðunarerfiðleika, heldur
verkfæri í uppeldi sem felur í sér að skapa börnum öryggi og vellíðan.
Leikskólinn nýtir sér Uppeldi sem virkar – færni til framtíðar við agastjórnun sem er verkefni
á vegum Heilsugæslunnar. Námskeiðið er byggt á gagnreyndum, viðurkenndum
atferlisfræðum og miðast sérstaklega við börn undir 6 ára aldri. Mikil áhersla er á að laða
fram æskilega hegðun barns með því að setja meiri athygli í æskilega hegðun en óæskilega.
Með því að nýta okkur Uppeldi sem virkar – færni til framtíðar verður samræmi milli deilda
sem skapar öryggi hjá börnum og starfsfólki og ýtir undir vellíðan. Við teljum mikilvægt að
starfsfólk sé samstíga og sýni börnunum virðingu sem skapar góð skilyrði fyrir barnið til þess
að læra góð samskipti.
Markmiðið er að með þessu öðlist þau færni í samskiptum sem nýtist þeim til frambúðar. Ef
upp koma hegðunarerfiðleikar, sem er hegðun sem víkur það mikið frá viðurkenndum og
aldurstengdum viðmiðum að það gangi á rétt annarra er unnið eftir fyrirfram ákveðnum
verkferlum sem byggja einnig á Uppeldi sem virkar, færni til framtíðar og má nálgast á
heimasíðu skólans. Einnig höfum við aðgang að hegðunarráðgjöf frá Þjónustumiðstöð
Laugardals og Háaleitis.
-
Skólanámskrá Austurborgar Síða 18
7. Námssvið leikskóla
Börn læra í gegnum leik og daglegt starf innan dyra sem utan. Þau læra í samvinnu við önnur
börn og þegar þau fá stuðning og hvatningu frá hinum fullorðnu. Námssviðin eru samþætt
og samofin öllu í starfi leikskólans. Þau byggjast á skapandi og gangrýninni hugsun og
tengjast leik og daglegum athöfnum í leikskólanum. Við skipulagningu leikskólastarfs skal
jafnframt taka mið af leiðarljósum leikskóla, grunnþáttum menntunar og námssviðum
leikskóla.
Námssvið leikskólans samkvæmt Aðalnámskrá Menntamálaráðuneytisins eru: Læsi og
samskipti, heilbrigði og vellíðan, sjálfbærni og vísindi, sköpun og menning
Leikskólarnir Hulduheimar, Engjaborg, Brekkuborg og Austurborg, HEBA- leikskólar, hafa
verið í samstarfi undanfarin ár og haft samráð um áhersluþætti á hverju námssviði.
-
Skólanámskrá Austurborgar Síða 19
7.1 Læsi og samskipti
Í leikskóla teljum við að nýta eigi þau tækifæri sem gefast í daglegum samskiptum til að efla
málvitund barna þar sem börn læra ný orð og hugtök og þrói (a) áfram tungumálið.
Starfshættir leikskóla eiga að stuðla að því að börn læri að bera virðingu og umhyggju fyrir
öðru fólki og þrói með sér samkennd, tillitsemi og vináttu. Við vinnum samkvæmt læsistefnu
Reykjavíkurborgar. https://issuu.com/skola_og_fristundasvid/docs/l__sisstefna_tilbu__i__2
Í Austurborg er málrækt og málörvun rauður þráður gegnum allt nám barna sem fléttast inn í
flesta þætti leikskólastarfsins eins og með samtölum, opnum spurningum, lestri bóka og
söngstundum. Við leggjum áherslu á að auka orðaforða og málskilning barna með því að
setja orð á athafnir og eru ótal stundir í dagsins önn vel til þess fallnar eins og við matarborð,
í fataherbergi, hópastarfi og lestrar- og samverustundum.
Bókstafir eru gerðir sýnilegir í skólanum, hólf og persónuskúffur barnanna merktar ásamt því
að unnið er með bókstafi við nám og leik. Við leggjum áherslu á að nota hvert tækifæri sem
gefst til að benda á bókstafi og orð í texta þegar lesið er, tengja saman hljóð við bókstafi og
leiða börn áfram í þekkingarleit sinni. Einnig leggjum við áherslu á að ræða við börnin um öll
heimsins mál og hvetjum þau til að taka virkan þátt, segja sína skoðun og virða skoðanir
annarra.
Læsi birtist í leikskólastarfi Austurborgar í eftirtöldum áherslum:
Málvitund/málörvun
Lestur, söngur, þulur, vísur, rím, tónlist, daglegar athafnir,
samverustundir, opnar spurningar, umræður, hlustun, barn
vikunnar, ferilmappa, skráningar, útikennsla, veðurfræðingur,
loðtöflusögur, leikhús.
Leikur og nám
Hlutverkaleikur, frjáls leikur, leikræn tjáning
Þjálfa samskipti, reglur, félagsfærnisögur, barn vikunnar,
brunaverðir, tjáning, fjölmenning, foreldrasamstarf, sjálfræði,
Tölvur og Ipadar
Lífsleikni
/tilfinningatjáning
Bókin mín, Lúlli bangsi, Stiga af stigi, Númi og höfuðin sjö,
Innipúkinn, Mínir einkastaðir. Ræða skoðanir sýnar og tilfinningar.
Umhverfi/vettvangsferðir
Umferðarfræðsla, náttúran, samskipti við nær samfélag, skóli á
grænni grein, útikennsla, virðing fyrir náttúrunni,
umhverfismennt, endurnýtanlegur og náttúrulegur efniviður.
Hvetjandi umhverfi sem stuðlar að læsi í víðum skilningi svo og
jákvæðum samskiptum
Samskipti
Virðing, tilfinningar, tjáning, hlusta á barnið, sjálfræði, lýðræði,
val.
Samvinna heimilis og
skóla
Gefa foreldrum tíma, gæði í daglegum samskiptum, fundir/viðtöl
með foreldrum. Þátttaka foreldra í leikskólastarfi.
https://issuu.com/skola_og_fristundasvid/docs/l__sisstefna_tilbu__i__
-
Skólanámskrá Austurborgar Síða 20
7.2 Heilbrigði og vellíðan
Í leikskóla eiga börn að fá tækifæri til að fást við viðfangsefni sem taka mið af áhuga þeirra,
styrkleikum og þroska þannig að trú þeirra á eigin getu aukist og hneigð þeirra til náms eflist.
Hreyfing og vellíðan hafa jákvæð áhrif á samskipti barna, umgengni
þeirra við umhverfið sitt og hæfni þeirra til að takast á við daglegt líf
og nýjar aðstæður. Hreyfing leggur grunn að heilbrigðu líferni,
lífsstíl og vellíðan. Í Austurborg er lögð áhersla á að öllum börnum
líði vel og finni fyrir öryggi og hlýju. Mikilvægt er að börn og
kennarar upplifi sig sem getumikla og einstaka einstaklinga innan
hópsins.
Í Austurborg fá börn tækifæri til að hreyfa sig frjáls og óhindrað
bæði úti sem inni. Nægjanlegur og reglulegur svefn og góð hvíld
er öllum börnum nauðsynleg til að tryggja andlega og
líkamlega vellíðan. Lögð er áhersla á að öll börn tileinki sér
almennar hreinlætisvenjur og þroski með sér heilbrigt og
jákvætt viðhorf til líkamans.
Allt starf í Austurborg miðar að því að efla lífsleikni barnanna.
Lífsleikni er geta til að laga sig að mismunandi aðstæðum og breyta á jákvæðan hátt. Með
lífsleikni fá börnin tækifæri til að ræða skoðanir sínar og tilfinningar og koma þeim á
framfæri. Börnin læra samskipti og siðgæði og að bera virðingu fyrir sjálfum sér og öðrum.
Heilbrigði og vellíðan birtist í leikskólastarfinu í Austurborg með eftirtöldum áherslum:
Hreyfing Fjölbreytt hreyfing og leikir inni sem úti, dans, skipulagðar
leikfimisstundir vikulega, afnot af íþróttasal í Háaleitisskóla og Fram
Útivera
Dagleg útivera og frjáls leikur, útinám og vettvangsferðir.
Hreinlæti / umhirða
Hreinlætisvenjur, umræður við börnin um mikilvægi heilbrigðis og
jákvæðs viðhorfs til líkamans.
Mataræði
Reynt er að bjóða uppá fjölbreytt og hollt mataræði, ávextir og
grænmeti daglega, hvetja börnin til að smakka allan mat ásamt því
að börnin komi með tillögur að matseðli.
Hvíld/slökun
Hvíld yngstu barna og sögustund eldri barna.
Lífsleikni
Efla sjálfsmynd barna, að börnin fái tækifæri til ræða skoðanir sínar
og tilfinningar með aðstoð námsgagna eins og stig af stigi, Númi,
líkaminn minn og mínir einkastaðir.
-
Skólanámskrá Austurborgar Síða 21
7.2 Sjálfbærni og vísindi
Í leikskóla á að leggja áherslu á sjálfstæði og frumkvæði og hvetja á hvert barn til að taka ábyrgð á sjálfu sér. Starfshættir leikskóla eiga að stuðla að virðingu barna fyrir náttúru og umhverfi sínu. Í Austurborg sköpum við börnum möguleika á að uppgötva og upplifa umhverfið og taka þátt í félagslegum samskiptum. Vettvangsferðir eru farnar um borgina og börnin fá tækifæri til að læra um heiti trjáa, blóma, fugla og skordýra. Þau læra jafnframt um hringrás árstíða og umgengni um umhverfi og náttúru. Þau læra að bera virðingu fyrir öllu lífi í náttúrunni. Hvert barn nýtir reynslu sína til að læra og búa til nýja þekkingu um leið. Í Austurborg fylgjum við Grænum skrefum Reykjavíkurborgar. Börnin taka þátt í að flokka og við leggjum áherslu á að fræða þau um hvaðan efniviðurinn kemur og kennum þeim að endurnýta hann betur s.s. pappír, plast og annað sem til fellur á leikskólanum. Í umhverfismennt nýtum við okkur ýmis verkefni og er Heimurinn minn fræðsluefni ætlað börnum til að vekja áhuga þeirra á náttúru og umhverfi. Vísindanám er mikilvæg leið í þroska og námi barna og grípum við þau tækifæri sem gefast í leik og starfi til að styðja við það. Börnin kynnast möguleikum á notkun tækninnar eins og tölva, myndavéla, myndvarpa, ljósaborða og spjaldtölva. Börn og kennarar hafa aðgang að fjölbreyttum efnivið til að skoða, hlusta, bragða, handleika, flokka og bera saman. Við notum vatn, jarðveg, jarðleir og ýmis tæki til rannsókna. Sjálfbærni og Vísindi birtast í leikskólastarfinu í Austurborg með eftirtöldum áherslum:
Virðing fyrir umhverfi og náttúru
Við leyfum börnunum að horfa, hlusta, snerta og upplifa umhverfi sitt með því að nota útikennslu og útinám í starfinu.
Rannsaka, uppgötva og njóta Við ýtum undir forvitni, ígrundun og vangaveltur barna til að spyrja spurninga og leita mismunandi lausna. Við hvetjum þau til að setja sig í spor ólíkra aðstæðna. Til að auka skilning þeirra og væntumþykju fyrir náttúrunni.
Opinn efniviður Við förum í vettvangsferðir, skoðum og söfnum efnivið. Við ræðum við börnin um fjölbreyttan efnivið í náttúrunni og kennum þeim að umgangast hann.
Víðsýni og umhverfislæsi Rými, fjarlægðir, áttir, hvað er viðeigandi í náttúrunni.
Samspil náttúru og samfélags Við hvetjum börnin til að ganga vel um náttúruna og tölum um jákvæð samskipti og samspil fólks og náttúru. Við þurfum að passa jörðina fyrir komandi kynslóðir. Gerum börnin ábyrgt fyrir gerðum sínum.
Umhverfi, aðstæður og námsgögn
Kennarinn skapar heilbrigt umhverfi, aðstæður og námsgögn sem vekja forvitni barna sem aftur leiðir til náms út frá eigin áhuga.
http://vefir.nams.is/heimurinn/heimurinn/
-
Skólanámskrá Austurborgar Síða 22
7.3 Sköpun og menning
Í leikskóla á að hvetja börn til að túlka og tjá sig á fjölbreyttan
hátt, m.a. í gegnum leik, hreyfingu, myndmál, tónlist,
tungumál, tölur og tákn. Starfshættir leikskólans eiga að taka
mið af umhverfi leikskólans og af því samfélagi sem hann er í.
Jafnframt á leikskólinn að vera virkur þátttakandi í
samfélaginu og hafa áhrif á það.
Sköpun er mikilvægur þáttur í námi og þroska barna.
Skapandi starf á fyrst og fremst að beinast að ferlinu sjálfu,
rannsókninni, gleðinni, tjáningunni og því námi sem á sér stað
þegar hugmyndir, tilfinningar og ímyndun fær að njóta sín.
Umhverfi barnanna á að örva skynjun og styðja við
sköpunarkraft þeirra. Gera skal barninu kleift að nálgast viðfangsefni frá mörgum hliðum og
á eigin forsendum. Hlutverk leikskólakennara felst m.a. í því að velja leiðir sem hvetja til
skapandi hugsunar og sjálfstæðra vinnubragða hjá börnunum.
Menning er samofin öllu starfi leikskóla og tengist leik
barna, lýðræði, skapandi starfi og þjóðmenningu. Í
Austurborg eru margar hefðir og venjur sem er
mikilvægur hluti af menningu leikskólans, hvort sem
það eru viðburðir í sal, gestum boðið í heimsókn, opin
hús, leiksýningar eða vettvangsferðir. Síðastliðin ár
höfum við unnið að innleiðingu fjölmenningalegra daga
þar sem börn og starfsfólk af erlendum uppruna kynna
þjóð sína, hefðir og menningu.
Sköpun og menning birtast í Austurborg með eftirtöldum áherslum:
Listsköpun Fjölbreyttur og sýnilegur efniviður, áhöld og tæki. Frjáls
aðgangur að efnivið til sköpunar.
Tónlist Söngur, söngstundir, hljóðfæri, hlustun, dans.
Leikræn tjáning Dans, hreyfing, leikur, helgileikur elstu barna, tákn með tali
Hefðir og venjur Ömmu og afa kaffi, foreldrakaffi, dagur íslenskra tungu, bleikur
dagur, alþjóðlegi bangsdagurinn, fullveldisdagurinn, kaffihúsið
3 kerti, Pálínukaffi, helgileikur, bolludagur, sprengidagur,
öskudagur, þorrablót, opið hús, blómadagur, blár dagur,
páskakanína, þjóðhátíðarvika, tjaldavika, vatnsvika.
Menninga- og
vettvangsferðir
Leiksýningar í leikskólanum, vettvangsferðir á ýmsa
menningaviðburði og söfn. Elstu börn fara í
vinnustaðaheimsóknir til foreldra
Fjölmenning Börn og starfsfólk kynni land sitt og þjóð. Fánar landa barna og
starfsmanna sett í fataherberi.
-
Skólanámskrá Austurborgar Síða 23
8. Hefðir og hátíðir Við höfum gaman af því að gera okkur dagamun í Austurborg. Í leikskólanum eru ýmsar
hátíðir og hefðir haldnar og sjálfsagt að börnin kynnist þeim.
Á 17.júní þjóðhátíðardeginum okkar förum við í
skrúðgöngu um hverfið með fána, syngjum íslensk lög og
grillum pylsur. Boðið er upp á andlitsmálningu.
Afmæli Austurborgar er 1.júlí þá er farið í Skrúðgöngu
um hverfið og allir drekka saman í salnum og borða
afmælisköku.
Afa og ömmudagur er seinnipart dags og bjóðum við upp á veitingar. Skemmtileg stund sem
tengir kynslóðir saman.
Opið hús er á hverju vori í samvinnu við foreldrafélagið.
Skólinn kynnir starfsemi sína og börnin sýna verkin sín. Allir
velkomnir og nýir foreldrar og börn sérstaklega boðnir
velkomnir.
Kaffihúsið 3 kerti er sett upp í salnum á aðventunni. Þá fá
börnin heitt kakó með rjóma og foreldrafélagið býður upp á
bakkelsi. Börnunum er skipt niður í nokkra hópa til að skapa rólega og notalega stund.
Dansað og sungið er í kringum jólatré.
Helgileikur er sýndur af elstu börnum leikskólans. Öll börn skólans trítla yfir í Grensáskirkju
til að horfa á og syngja jólalög. Foreldrar útskriftarárgangs velkomnir.
Jólaball er hátíðardagur í skólanum og þá er dansað í kringum jólatréð og aldrei að vita
nema jólasveinar komi í heimsókn. Í hádegismat fáum við hangikjöt og hátíðar ís í eftirmat.
Pálínukaffi höldum við á þrettándanum þann 6. Janúar. Þá gefst börnunum færi á að bjóða
foreldrum sínum í kaffi eða kakó í skólanum. Pálínukaffi gengur út á að gestirnir komi með
veitingarnar með sér og því biðlum við til foreldra að koma með smákökuafganga með sér.
-
Skólanámskrá Austurborgar Síða 24
Okkur þykir sérstaklega vænt um þennan dag þar sem svo skemmtilega vill til að fyrsti
leikskólastjóri Austurborgar var Pálína Árnadóttir.
Þorrablót er skemmtileg uppákoma þar sem allir borða hefðbundinn þorramat saman í
salnum. Lögð er áhersla á að skapa þjóðlega stemningu með skotthúfum og víkingahjálmum
og syngja þjóðlega söngva.
Bollu – ,sprengi- og öskudagur eru haldnir
hátíðlegir í leikskólanum með því að bjóða uppá
bollur, saltkjöt og baunir og á öskudaginn eru allir í
grímubúningum. Köttur er sleginn úr tunnunni og
síðan er grímuball í salnum.
Bóndadags-konudagskaffi börnin eru frædd um
þjóðlega siði og við gerum okkur dagamun.
Pöbbum er boðið í bóndadagskaffi og mömmum í
konudagskaffi. Börnin bjóða uppá góðgæti í tilefni
þessara daga.
Myndataka er á hverju ári fyrir útskriftarhóp. Annað hvert ár
er myndataka á öllum börnum skólans. Foreldrum er boðið
að kaupa myndirnar.
Páskaeggjaleit er í samvinnu við foreldrafélagið. Börnin
mála hænuegg sem eru falin í garðinum og í skiptum fyrir
eggið fá þau lítið súkkulaðiegg frá Páskakanínunni.
Á Alþjóðlegum bangsadegi 27. október mæta allir með
bangsa í tilefni dagsins. Farið yfir ýmsa góða gullmola um
bangsann þennan dag, bangsalög sungin og bangsasögur
sagðar. Haldið er náttfataball í tilefni dagsins.
Vasaljósadagar eru tveir, einn fyrir
áramót og annar eftir áramót. Allir
mæta með vasaljós og muna þarf að
merkja vasaljósin.
Söngstund í sal er einu sinni í viku og þá
syngjum við öll saman og eru
afmælisbörn þá vikuna hyllt með
afmælissöng. Til tilbreytingar er
stundum eitthvert atriði frá einni deild í senn. Það geta verið leikþættir, dans eða söngur.
-
Skólanámskrá Austurborgar Síða 25
Barn vikunnar
Barn vikunnar fer þannig fram að eitt barn er í brennidepli í heila viku. Barnahóparnir á
deildum leikskóla í dag eru stórir og því er þetta kjörin leið til þess að öll börnin verði
sýnilegri og njóti sín betur. Barn vikunnar fær að :
Umsjónarmaður og aðstoðar við ýmislegt, s.s.
leggja á borð, sækja mat, nýjar bækur, spil og
púsl. Barnið fær að heimsækja aðrar deildir ef
það vill, koma með bók eða geisladisk að
heiman og fær Lúlla bangsa með sér heim. Gerð
er myndaskráning af barni vikunnar sem fer í
ferilmöppu barnsins og er sýnileg í fataherbergi.
Lúlli bangsi
Ferðabangsinn Lúlli er á öllum deildum og á hann heima í bakpoka og fer heim með hverju
barni yfir eina helgi. Bangsanum fylgir dagbók þar sem foreldrar og barn skrá saman viðburði
í heimsókninni, síðan er lesið úr dagbókinni fyrir alla í samverustund og barnið hvatt til að
segja sjálft frá. Þannig tengir Lúlli bangsi heimilin við leikskólann.
Rugldagar eru tveir, en þá koma nemendur og kennarar í einhverju öfugu t.d. sitt hvorum
sokknum, bolur og peysa ranghverf, segjum ,,góða kvöldið” í staðinn fyrir ,,góðan daginn”
o.s.frv.
Litadagar eru fjórir – gulur, rauður, grænn og blár dagur. Þá koma nemendur og kennarar í
fötum með þessum litum.
Á Degi íslenskrar tungu 16. nóvember söfnumst við saman í sal skólans þar sem lögð er
áhersla á íslenskt mál í formi söngs og lesturs.
Leiksýningar eru ein til tvær á vetri, foreldrafélagið sér um
aðra sýninguna en leikskólinn hina.
Sveitaferð/vorferð er fjölskylduferð út fyrir
borgina á vegum foreldrafélagsins.
Vinnustaðaheimsóknir
Vinnustaðaheimsóknir er hluti af starfi elsta
árgangs. Okkur er boðið á vinnustaði foreldra sem
eru jafn fjölbreyttir og þeir eru margir. Þar er tekið vel á
móti okkur og eru margar ferðir farnar yfir veturinn. Markmið með þessum ferðum er að
fræða börn um störfin í samfélaginu og gera þau meðvitrari um samfélagið sem við lifum í.
-
Skólanámskrá Austurborgar Síða 26
Útskriftarferð og útskrift elsta árgangs. Elstu börnin fara í dagsferð með kennurum t.d
Vatnaskóg eða Úlfljótsvatn.
Útskrift skólahóps er í lok maí en þá eru elstu börnin kvödd með sameiginlegu stund þar
sem börnin halda sýningu og leggja foreldrar fram veitingar á hlaðborð. Börnin fá rós og
viðurkenningarskjal frá leikskólanum. Þegar börnin hætta fá þau með sér Ferilmöppu sem
inniheldur verk og skráningar um nám þess í skólanum.
9. Tengsl skólastiga Þegar leikskólabörn ljúka leikskóladvöl sinni og fara í grunnskólann verða miklar breytingar í
lífi þeirra. Reynslan hefur sýnt að góð samvinna og tengsl skólastiga veita börnunum öryggi á
þessum tímamótum og því er lögð áhersla á að efla samstarf
skólastiganna tveggja.
Markmiðið samstarfsins:
að tengja skólastigin saman
að stuðla að vellíðan og öryggi barna við að fara
úr leikskóla í grunnskóla
að skapa samfellu í námi og kennslu barna á
þessum tveimur skólastigum
Að hausti er haldin skipulagsfundur og matsfundur að vori. Þá hittast þeir kennarar sem eru
í samstarfinu og fara yfir skipulag vetrarins. Í kjölfar grunnskólaheimsóknanna hefjast
gagnkvæmar heimsóknir elstu barna leikskólans, 1. bekk grunnskólans og börnum sem eru í
Frístundarheimilinu Krakkakoti. Íþróttahús Háaleitisskóla/Hvassaleiti stendur okkur til boða
þegar salurinn er ekki í notkun.
Skilafundir eru í maí en þá er upplýsingum og gögnum um leikskólabörnin skilað til
grunnskólanna. Þetta eru gögn frá greiningaraðilum, upplýsingar um niðurstöður Hljóm-2
prófanna og aðrar upplýsingar sem taldar eru mikilvægar út frá velferð barnsins. Foreldrar
eru upplýstir um hvaða gögn og upplýsingar fylgja börnum þeirra en slík miðlun er gerð með
það að leiðarljósi að grunnskólinn geti sem best tekið á móti hverju barni.
-
Skólanámskrá Austurborgar Síða 27
9.1 Samstarf við foreldra
Við leggjum árherslu á góða samvinnu við foreldra strax í upphafi leikskólagöngunnar. Gott
samstarf heimilis og skóla stuðlar að auknum þroska og styður við nám barna. Foreldrar bera
frumábyrgð á uppeldi og menntun barna sinna en
leikskólastarfið er viðbót við það uppeldi. Markmið
okkar er að eiga gott samstarf og skapa traust milli
foreldra og starfsfólks. Einnig teljum við það
mikilvægt að upplýsingaflæði milli heimili og skóla sé í
góðum farvegi.
Í upphafi leikskólagöngu barns í Austurborg vinnum
við með þátttökuaðlögun þar sem foreldrar eru með
barni sínu þrjá daga í leikskólanum. Þar er lagður
hornstein að því samstarfi sem koma skal því að þar kynnast þeir starfsfólki, starfi skólans og
námsumhverfi barnsins.
Í leikskólanum er starfandi foreldrafélag og foreldraráð. Foreldrafélagið hefur það markmið
að efla tengsl milli foreldra og starfsmanna, auk þess að efla þátttöku foreldra í starfi
leikskólans og tryggja velferð barna sem best. Hlutverk foreldraráðs er að gefa umsagnir til
leikskóla og nefndar, sbr. 2. mgr. 4. gr. um skólanámskrá og áætlanir, ásamt öllum meiri
háttar breytingum á skólastarfinu. Sameiginlegur foreldrafundur er einu sinni á ári og
foreldraviðtöl tvisvar á vetri. Fyrir þessi viðtöl hafa kennarar gert athugun á barninu, stöðu
þess og líðan. Foreldrum gefst þar kostur á að og koma á framfæri óskum og hugmyndum
um starfsemina.
Upplýsingar um nám og starf barnanna fá foreldrar í skóladagatalinu en þar kemur fram það
sem efst er á baugi í starfi leikskólans allt árið. Í fataherbergi eru upplýsingatöflur fyrir
hverja deild, þar sem öll skilaboð eru skrifuð og einnig stuttar skráningar frá starfsemi
deildanna. Hver deild gerir deildarnámskrá þar sem helstu upplýsingar skólans koma fram
ásamt mánaðardagatali. Einnig senda deildarstjórar foreldrum fréttabréf í hverri viku um
starfið. Leikskólinn er með heimasíðu þar sem finna má ýmsar upplýsingar, blogg og myndir
frá starfsemi leikskólans. www.austurborg.is
Foreldrar halda úti facebook síðu sem er hugsuð sem upplýsingasíða og til að spyrja
spurninga, viðrað skoðanir og skipuleggja viðburði. Foreldrar geta óskað eftir viðtali við
deildarstjóra og leikskólastjóra hvenær sem er og setjum við þá niður tíma sem fyrst.
Sérstakir foreldradagar eru á hverju ári eins og Pálínukaffi, bóndadagskaffi, konukaffi, vorferð
og ömmu- og afadagur.
http://www.austurborg.is/
-
Skólanámskrá Austurborgar Síða 28
9.2 Samstarfsaðilar
Leikskólinn hefur samvinnu við ýmsa aðila. Mikilvægt er að þessi samvinna byggi á
gagnkvæmri virðingu og trausti. Hér er t.d. átt við aðra leikskóla, ráðgjafa- og
sálfræðiþjónustu og barnaverndaryfirvöld. Þá er
oft haft samstarf og annars konar tengsl við ýmsar
stofnanir og aðila í nágrenni leikskólans. Við erum
í samstarfi við Háskóla Íslands Menntavísindadeild
um að taka nema í vettfangsnám.
Samstarf við Hvassaleitisskóla
Á hverju hausti er haldin fundur með kennara og
aðstoðarskólastjóra grunnskólans þar sem
samstarf vetrarins er ákveðið. Íþróttahús Hvassaleitisskóla stendur okkur til boða þegar
salurinn er laus. Elsti árgangur eignast vináttubekk sem er börn í 3. bekk í Hvassaleitisskóla,
þau koma í heimsóknir í leikskólann til að mynda tengsl við börnin. Þessir vinir taka síðan á
móti börnunum og aðstoðar þau í grunnskólaheimsóknum og verða þeir aðsoðarmenn/vinir
leikskólabarnanna þegar þau hefja nám í grunnskólanum. Markmiðið með samstarfinu er að
auðvelda börnunum að flytjast á milli skólastiga ásamt því að byggja kennslu á reynslu
barnanna svo að það skapist samfella í námi þeirra.
Samstarf við Grensáskirkju er gott. Börnin fara í skoðunarferð um kirkjuna og spjalla og
syngja fyrir eldriborgara. Elstu börnin setja upp helgileik sem þau sýna í kirkjunni fyrir hádegi
á virkum degi fyrir leikskólabörn og foreldra.
Í Samstarfi kennara leggjum við upp með jákvæð og góð samskipti og fagleg vinnubrögð.
Stuttir fundir í upphafi dags þar sem farið er yfir stöðu deilda.
Deildastjórafundir eru vikulega, umræða og ákvarðanir um
fyrirliggjandi efni og miðlun upplýsinga.
Hver deild er með fundi á hálfsmánaðar fresti,
umræða um innra starf deilda.
Starfsviðtöl, leikskólastjóri býður starfsmönnum í
viðtal einu sinni á ári.
Sex starfsdagar eru á skólaárinu, ýmist hálfir eða
heilir og er leikskólinn lokaður þá daga/dagsparta.
Á haustin er kosið í skemmtinefnd og fjáröflunarnefnd sem
sér um að skipuleggja ýmsar uppákomur fyrir kennara s.s. vinaviku,
jólagleði, ferðir og fleira.
Leiðarljós okkar í samskiptum er: Jákvæðni - virkni – fagmennska
-
Skólanámskrá Austurborgar Síða 29
10. Mat á starfi Í reglugerð um starfsemi leikskóla á grundvelli laga nr. 78/1994 segir að sérhver leikskóli skuli
móta aðferðir til að meta uppeldisstarf, stjórnunarhætti og samskipti bæði innan leikskólans
og utan. Markmiðið er að leggja þar með faglegan grunn að endurbótum í leikskólastarfi,
auka gæði skólastarfsins og gera það skilvirkara. Mat á að leiða í ljós hvort markmiðum hefur
verið náð og hvort breytinga er þörf.
10.1 Innra mat
Við notum meðal annars skráningar til að meta leikskólastarfið. Daglega fara fram ýmsar
skráningar um leik barna og samskipti , bæði í myndrænu og skriflegu formi. Þessar
skráningar eru skoðar, rifjaðar upp og metnar til áframhaldandi starfs með börnunum.
Börnin koma einnig að mati með verkefnavinnu um
leikskólann t.d hvar sé uppáhalds staðurinn þeirra,
hvað er gaman / ekki gaman o.s.frv. Hluti af
þessum skráningum fara síðan í Ferilmöppu sem
fylgja barninu alla leikskólagönguna en í möppuna
eru settar teikningar og skráningar úr starfinu,
bæði frá leikskóla og heimili.
Formlegt innra mat leikskólans fer fram á hverju
vori þar sem við metum ákveðna þætti starfsins og
aðbúnað. Þetta mat fer bæði fram í gegnum hópaumræðu og einstaklingslega innan
starfsmannahópsins. Viðtöl eru tekin við börnin að hausti og vori varðandi viðfangsefni
vetrarins. Í lok leikskólagöngunnar eru tekin viðtöl við elstu börn leikskólans að vori um
viðhorf þeirra til leikskólans og upplifanir. Rafrænir spurningalistar eru sendir heim til
foreldra um innra starf leikskólans.
Við úrvinnsluna gefst gott tækifæri til að útskýra starfsþætti, ræða um starfsemina og hvað
betur má/mætti fara. Niðurstöður allra matsgagna eru kynntar fyrir starfsmönnum og nýttar
við gerð nýrrar starfsáætlunar sem kemur út í september ár hvert. Í henni eru sett fram
markmið fyrir komandi ár og/ásamt leiðum til að ná þeim/settum markmiðum. Ásamt
upplýsingum um fjölda barna í hverjum árgangi og kynjaskiptingu.
10.2 Ytra mat
Leikskólasvið, Reykjavíkurborg og Menntamálaráðuneytið sér um ytra mat á skólastarfinu.
Reglulega eru lagðar fyrir starfsmenn og foreldra spurningakannanir. Hver leikskóli fær
niðurstöður fyrir sinn skóla en niðurstöður eru sýndar fyrir alla leikskóla Reykjavíkur í heild
sinni opinberlega. http://www.rvk.is/desktopdefault.aspx/tabid-2277
http://www.rvk.is/desktopdefault.aspx/tabid-2277
-
Skólanámskrá Austurborgar Síða 30
Reglubundið ytra mat ráðuneytisins felst í úttektum, könnunum
og rannsóknum ásamt almennri öflun, greiningu og miðlun
upplýsinga. Ráðuneytið gerir áætlun til þriggja ára um ytra
mat, kannanir og úttektir, sem miða að því að veita
upplýsingar um starfsemi leikskóla. Ytra mat ráðuneytisins
getur m.a. falist í úttektum á skólastarfi í heild eða
einstökum þáttum þess, stofnanaúttektum, úttektum á
ákveðnum þáttum eða innra mati. Einnig getur ytra matið
falist í greiningu á niðurstöðum mats sveitarfélaga.
Niðurstöðum ber að fylgja eftir og tekur eftirfylgni
ráðuneytisins mið af niðurstöðum hverju sinni. Niðurstöður
allra kannana og úttekta eru birtar á vef ráðuneytisins.
https://www.menntamalaraduneyti.is/mat-og-uttektir/leikskolar/
Starfsáætlun
Leikskólinn vinnur starfsáætlun fyrir hvert starfsár. Skýrslur liðinna ára liggja frammi hjá
leikskólastjóra og er einnig að finna á vefsíðu skólans.
Deildarnámskrár
Deildarnámskrá er leiðarljós um starfið á deildinni og er endurskoðað ár hvert, þannig að hún
taki sem best mið af aldri barnanna hverju sinni. Deildarnámskrá er endurskoðuð árlega og
tekur mið af Aðalnámskrá, skólanámskrá og starfsáætlun. Deildarnámskrá segir frá hvaða
leiðir deildin fer að markmiðum skólans. Deildarnámskrá nýtist einnig sem foreldrahandbók.
11. Stoðþjónusta Í Austurborg er unnið eftir hugmyndafræði heiltækrar skólastefnu. Felur það í sér samábyrgð
starfsfólks á barnahópnum, upplýsingastreymi milli starfsfólks og foreldra. Heildtæk
skólastefna felur í sér að sérhvert barn fái verkefni við hæfi, læri að bera virðingu fyrir
náunganum óháð atgervi hans, kyni, húðlit, tungu eða trúarbrögum. Lögð er áhersla á
sterkar hliðar barnsins og unnið út frá þeim í litlum barnahópum þar sem starfið er skipulagt
með það fyrir augum að öll börn séu virkir þátttakendur.
Við skólann er 50% staða sérkennslustjóra sem heldur utan um þau börn sem þurfa stuðning
og skipuleggur fundi með kennurum, foreldrum og sérfræðingum. Hann ásamt
leikskólakennurum gerir einnig formlegar athuganir á þroska barnsins í skólanum með
viðeigandi þroskaprófi eða matstæki, en slík vinna fer alltaf fram með samþykki foreldra og í
samvinnu við þá. Stuðst er við Íslenska þroskalistann sem gerður er til að kanna getu 3-6 ára
https://www.menntamalaraduneyti.is/mat-og-uttektir/leikskolar/
-
Skólanámskrá Austurborgar Síða 31
barna á mál-og hreyfisviði og Smábarnalistann sem kannar þroska 15-38 mánaða barna.
Mat á hverju barni er viðkvæmasta og þýðingarmesta matið sem fram fer í leikskólanum. Í
því felst kjarni uppeldisstarfsins og hjálpar það starfsfólki til að styðja við áframhaldandi
þroska barnsins og að skipuleggja verkefni við hæfi hvers og eins. Fyrir foreldraviðtöl er
gerðar aldurstengdar athuganir sem byggðar eru á bók Brittu Holle, Börns motoriske
Udvikling og Birgittu Jonasson 1984 og Barnehagens pædagogiske rolle. Birgitta Jonasson og
Mia Rocstrtröm. 1985
Við styðjumst við Hljóm - 2 sem eru matstæki fyrir elstu börn leikskólans. Það metur færni
barna í hljóðkerfis- og málvitund. Megintilgangur próftækisins er að finna börn sem eru í
áhættuhópi við síðari lestrarerfiðleika. Prófið er lagt fyrir að hausti svo hægt sé að vinna með
þá þætti sem þurfa þykir yfir veturinn og aftur að vori fyrir þau börn sem komu illa út að
hausti. Einnig notum við Tras sem er málþroskakönnum og nýtum við hana til að gera
skráningu á málþroska ungra barna til að fylgjast betur með málþroska þeirra.
11.1 Öryggismál
Foreldrar eiga að geta treyst því að öryggi barna sé tryggt af fremsta megni meðan á dvöl
þeirra í skólanum stendur. Börnin skulu ætíð vera undir eftirliti þannig að þau skaði hvorki
sjálf sig né aðra meðan á dvöl þeirra stendur. Í starfsmannahandbók fyrir kennara er farið
ítarlegar í vinnureglur varðandi einstaka þætti.
Slys
Ef upp koma óhöpp, veikindi eða slys byrjum við ávallt á því að hringja í foreldra. Í öllum
slysatilfellum þar sem vafi er á um greiningu, er hringt 112 og leitað ráða. Ávallt er fyllt út
slysaskráningarblað þegar börn slasast í leikskólanum. Kennarar fara allir á námskeið annað
hvert ár í tengslum við skyndihjálp barna.
Öryggishringurinn
Á hverri deild er hringur með upplýsingum um skyndihjálp auk viðbragðsáætlana vegna slysa
og eldsvoða. Þar eru einnig helstu upplýsingar um hvert barn á deildinni með símanúmerum
forráðamanna og mynd af barninu.
Öryggistrúnaðarmenn. Einn kennari og aðstoðarleikskólastjóri gegna hlutverki
öryggistrúnaðarmanns og öryggisvarðar. Eftirlitið fer fram hjá utanaðkomandi aðilum en ef
eitthvað kemur upp á höfum við haft samband við hverfamiðstöðina Miklatún eignir og þeir
hafa brugðist skjótt við. Stefnt er að því að hafa brunaæfingu að minnsta kosti einu sinni á
hverju skólaári.
-
Skólanámskrá Austurborgar Síða 32
Áfallaráð Í leikskólanum er áfallaráð sem saman stendur af leikskólastjóra,
aðstoðarleikskólastjóra, kennara og sóknarpresti. Samráð er haft við aðstandendur um
aðkomu sóknarprests að hverju máli fyrir sig. Hlutverk ráðsins er að vera til aðstoðar við að
mæta þeim áföllum sem nemendur, aðstandendur og/eða kennarar verða fyrir.
Viðbragðsáætlun er til staðar í Austurborg í samræmi við áætlun Almannavarna nr.
82/2008 og lög um sóttvarnir nr. 19/1997 um viðbrögð við heimsútbreiðslu inflúensu.
Áætlunin er aðgengileg á deildum og heimasíðu leikskólans www.austurborg.is
Brunaæfingar eru einu sinni á ári og eru á hverri deild áætlun um rýmingu húsnæðis við
brunaboð.
http://www.austurborg.is/