Rs. 10/- Vol. 05 - Issue 04 September 2019| | … SO.pdfAyengante amandraji kalborinn alangkaling...

Rs. 10/- Vol. 05 - Issue 04 September 2019| |

Radu garberre radu baran alumben a itsumteji amandranji anlen sanai saij!

JANATTI GARBERANJANATTI GARBERANJANATTI GARBERAN JANATTI GARBERANJANATTI GARBERANJANATTI GARBERAN

Di tordong agarbirtinanaji amanraji apsele aboi tanamyemdagi aganadlaman

Ayengante amandraji kalborinn alangkaling adelen atanangad gijleji,

aninji janggardan atanarum bara ling abmang-godtenji.

Ordar lingan itejja abara ruang lingan anab m'oihan adeten abara saring

murdated. Bo pintu maran abyar j'ena batte kan baran dete.

Mandrengna lingan murda sanaisaijan hangben atangor garberan sadle

okij iteja tangoran agasa.

Girjasingan sabjaben apsele janab janab mandranji ted. Ma'ih tiyj'ena

garber maranji sanaisaij!

Bo gznggam maran auggar anasaran dete bindo, butente a uggar

Kitungan ampara berten di tordong hamangle dakuten.

Abmang god maran Saring birnanAbmang god maran Saring birnanAbmang god maran Saring birnan

TABMED dagi EZRAS ahiman Hangle

Asuyem ayaman Ganru'r gaijan ambrij Odisha desan apsele Kitungan ad'ong sanensenan de-ete. Kitungan asuyeman batte anlen gugudage abara asusulai.

Manan 30 danggardanji Santali,Ho,Sambalpuri,Soura do Kuinji saring 3 anggai sikkoija Tarangada LRC lingan hanangan batte hanglen erardu gorjangban appaiben asan sanedan dean dele, anurungan deleji.

Aninji ampara 10 danggardanji maile 40 danggardanji 3.8.2019 tarikon saring Ezra ahiman hangle hanangan hangteji. Garbirba a d'onganji sayamben apsele sanayam maranji Neemiya Kanyakumari saring yantegamle Kitungan amdungte.

Kara loge Dr. P.Pradeep Kumar Vishwavani Board Chairman ad'ong asentai. Kani anab 4 ompu danggardanji hanangan hangben asan garbirre susuben asan anorden tieten. Benjamin Das, State Coordinator.

Vishwa vani Samarpan kambolan dajiganti lang langan batte Sanabjan deli. Soura, Odia, Hindi, Marati, Kannada, Telugu,Gujurati, Bengali, English, Tamil, Malayalam, Kokborok, KanasanJaban anlen Kitungan aganugun asan Bo mihumlingan

Rs. 100/- Ajiba sintaben.Vishwa Vani Samarpan / September 2019 / SouraVishwa Vani Samarpan / September 2019 / Soura

EXECUTIVE DIRECTOR EXECUTIVE DIRECTOR AMANG SARINGAMANG SARING

AyenganteamandradiledinnangarberanamparaBangsaanobling

baralingantiydamtenjiEXECUTIVE DIRECTOR

AMANG SARING

Vishwa Vani Samarpan / September 2019 / Soura

Bharito Disalingan Anabsitan Bharito Disalingan Anabsitan A Delin Agorjangan Jisukristun A Delin Agorjangan Jisukristun

A Rwbmang Baran Agiyba.A Rwbmang Baran Agiyba.

Bharito Disalingan Anabsitan A Delin Agorjangan Jisukristun

A Rwbmang Baran Agiyba.

Jisu Kristun, butente garbirrenji abyar berrangten, ahim lingan limtaben.

Ayereten 8 anggaij sikkoija bara lingan asayamaiten Kitungan ad'ong sentai. Ahiman ganugu panemengan de-ete, garbernalenj i amdangle butente m a n g l e n s a r i n g a n a b s i t t a n j i absangaijad!

Kan minhum lingan andreng 6 anggai anlen tabkudlabe. Kan asan jarditen gamle atam danisamlenji ambrij sanengsenglenji abojoraiben dete.

Kan asan aur garberben j i , do anumengdage maina tanurdubenji, g g a r b e r b e n j i m a d r a n g l e s i n g birindalingan dile mandrengna lingalen alumben sanaisaij. Kan asan kani anggaij lingan hanagan ahim “Janntti Garberan” gamle atiyhimlai. Kan asan amben aur loge grberben dete, yantegamle Bangsa anobling baran marangle; yar yar manengban harte.

Barata desan ajandrumsengban arajamling Janggardanji rukkuben apsele surda royongan:

Hen Bihar, Jharkhand, Chhattisgarh, Delhi, Uttar Pradesh do Madhya Pradesh arajam ling adakun akuttaji endungle gijben asan ayireten bagu anggai ling royongan hanglai. Kun arajam ling bara maranji a d'ong yantegamle sanengseng tannodba len baranji abardutabe; kun apsele abumenglaiji.

02. Amang Godmar Saring

03. Executive Director Saring..08. Janatti Garberan..18. Murda Danemara Saring..21. Odisha Co-ordinator Saring.25. Janatti Tanamyimanji Apsele27. Jannoganji Abirnan..

1. Mr. Sujendra Soura (Parlakhemundi) Ph - 9439132664, 63708623532. Mr. Anaka Gomango (Gunupur) Ph - 9437160155, 96680760303. Mr. Pilimon Dalabehera (Singpur Gurda) Ph - 8456094268, 87633195234. Mr. Esrael Roita ( R. Udayagiri) Ph - 8480127146, 94373408725. Mr. Narayana Mandal ( Ichagandi) Ph - 8763115706, 8480764324

ANARDAN BIRANJI

Itsum Taniy Asan Contact Number


Hen ayengante arajamban ardule; uante danangdangan agasa amangbanji baiyale yirre kun Gorjanganji danenaben asan a d'onganji gadlamlai. Hen kara loge CNI, Methodist,Baptist, GLC, AG ampara biggarda ranukkunji adane maranji do as'ing birinda maranji butente kan baran apsele garberteji do sanayaman tiyteji; a d'onganji sentaiji. Barata desan kandrabardi amanengban adakun arajamji janang nami kan baranji alumben asan, oskaidamtenji.

Jharkhand saring 8 tabme bara maranji Chhattisgarh saring 11 yage anggai ahangnanji tabkule barara kuttaban andreng ganleji. Baransai saring 28 tabme bara maranji Uttar Pradesh saring 15, Rajasthan saring 20 aninji hangnalingan dakuji. Ahangnanji takudlen saring den, baran lumben apsele oskai dakuji. Amben saring sanayam garberan do bo gorjang lingan bangsa anobling beran arduben apsele, dile anggai 3000/- tangakan tiyben sanaisaij.

'Asnao' ahim bo gorjang Baranasi agorjang saring 65 Km asangai 85 derna maranji dean dele; bo Girjasing ling jarai jarij Kitungan ad'ong Gangkille dakutenji 35X80 ambrij agirjasing asabjaben apsele Jannongan hiben apsele a oskai. 2800 Sq PT Girjasingan sabjaben asan.

Do kan apsele 4 lakiyo 75 ajjar tangkan sanaisaij, bogad Kitungan d'ong-nam baihamtenden, abasuyem gamle kun janattin tiyle d'ong len sayamlen. Kan girjasingan sabjaben apsele okij 8 lokiyo aur sanaisaij, bara maran Chandra Rusen do ranukku lingan dirna maranji amang saring garbirdo taniytiyan omditeji.

Hen 'Machadiya' kuttan saring Lucknow saring 125 Km anagagaij Uttara Pradesh 28.7.2019 adnang ardule derna maranji ampara rukku len agarb i r rena i .do Girjasingan sabjaben apsele jannongan tangoran adamba 100X45 do jannongan ajanatti 3 lokiyo Birendra Kumar do as'ing birindanji kan gorjang lingan baratenji. Asnna onan 15 minhum Bhavan Kumar abumungdage asun hamle anin do bara maran apsele absuyem gamle garberba. Bara maran kan tarangdi lingan as'ing boijan do kani bzmbzm


O'onan Kitungan urungeten, do bo talaiba boijan s'iling Hen 500 tangkan tiyeten do gamihten; Girjasingan asanabja baraling handramba, do d'ongben sayamtaben gamle sibdaij berneten. Kitungana ad'ong sentai. Do kun dinnalingan kun Gorjang lingan derna maranji amukkaling saring Kitungan aganugu Hen gijlai.

Garberba jannongan apsele Girjasingan a s a n a b j a a p s e l e j a n a n g . H o d a l d o ShaihabadHaryana arajam ling janang Girjasingan sabjaben apsele baiyale jannongan hiben sanaisaij. Do Girjasingan asanabja janang umengle adeben sanaisaij. Atiki Madhya Pradesh rajam Bhupal lingan 29 do 30 July adnang baramaranji do dane sanayam maranji

asoban dele, do kuni lingan kan baranji apsele kuddub ranukkunji saring Gupa maranji abo monnan dean dele Vishwavani bara maranji ampara abj'un silin baran lumben apsele a itsumanji gijlai.

Kun amanengban bangsa anobling ber baran apsele danangdangan dakuli janang den, mardih mardih dirna maranji Garberteji, do baran apsele sanayaman tiyteji. Yantegamle mandranji er ahidan amandrengnan hangteji. Kun adnang Emil Buhangan itente abirna oblingeten kun ate anayem hen yiraiten. Jisu Krisyun ahiman Barata desan akuddub garda lingan anamdangan de-ete.

Nami sanengsenglen 1 lokiyo Grjang arduben. Do Jandrumseng desaban saring 46,000 Gorjang bangsa anobling biran abarduben dete. Do Kandrabardi sengban saring 15,000. Darung yung seng ban saring 39,000. Do tarangdi desabanji saring garber maranjigarber lingan marangben dete.

1000 Gorjang lingan Girjasinganji asanabjan apsele :

Atam bangsa anobling bir baranji, aj'o batte mandranji tabbubdatenji do tabmedage ranukkunji ganutulan dete. Ayengante amandraji pintun saring ranabraban deleji, aninji rukkulen ameng Kitungan ad'ong gangkille Kitungan apsele sakki beran oblingben boi boi murda kan a sanna aninji apsele kan rajam lingan Girjasingan asabjaben sanaisaijdam na. Kitungan asuyeman batte 1000 Girjasinganji sabjaben apsele anlen abmangtenbe. Kitungan ahim ganugu panemengan de-ete.

Rajaman Jattinji Ranukkun Girjasingan

Rajasthan Bhil Upplagantla 999

Punjab Jat, Sardar Chak 1000

Uttar Pradesh Awadhi Machadiya 1001

Anlen Garbertenbe do Barata desan a Jandrumsengban Girjasinganji sabjaben apsele jannongan hangtabe. Nami sanaisaij len 1500 saring 2000 sikoija. Kun desa lingan 1 Sq Ft hiben apsele janattin. Kan asan kun amanengba jannonganji hiben


apsele enga janangden bo s'ing birinda amandraji 10 Sq ft ajanatti tyile kan baran apsele d'onglen sayamlenba.

Barata desan Barub yung do darungyung sengban arajam ling baranji apsele garberba:

West Bengal saring Kokata lingan 14 bara maranji hangna lingan dakuji. Knai rajam lingan do jilla linganji Girjasinganji asanabja apsele andreng ayaman dingle. Do dajingte gorjang lingan Girjasingan sabjaben apsele danangdangan daku. Jannongan ajanatti janang aurdam. Do Girjasingan sabjaben asan anorden ahangben boi boi kalkal, kan a san 24 Bargona Jilla Gubindo pur Gorjang lingan Girjasingan rabti assabjai. Bindo Hatpara do hariharpara Murshidabad Jilla lingan Girjasingan sabjaben sanaisaij dam. Kun ampara Midanpur Gonua do SInghforka, Ramondigi do Ditol,Dagshin, do Dinajpur garberba yantegamle

Girjasingan bar Mainabari, Nathua Tea Estate, West Deogaon, Nimbothari Siliguri amanengba janang dete. Kun ampara Sikkim Melli gorjangban janang dete. Sabjaben apsele jannongan daku, Bashikhong' Manipur. Bindo 9 Gorjang lingan Girjasingan sabjaben apsele danangdangan daku. Tripura, Jalpaiguri do Assam Girjasingan asanabja bara susunan dele. Kan kuddub baran do desanji apsele radu garberbenji sanaisaij.

Barata desan kandrabardi do tarangdi a manengban Bangsa anoblingan apsele garberba :

Telangana saring 11, Karnatak saring 3, Hyederbad saring 14 mandra Mavchi do Marathi bara maranji hanangan hangteji. 11 Santali, 9 Ho,10 Sambalpuri, 10 bara maranji kuddub 30 Tarangada Odisah training sing lingan trainingtenji. Maharashtra rajam Soundad do Karnataka Rajam Gantaparty Girjasingan sanabjan dele. Bar Sentraguda, Santhipuram do Patha Mulakalacheruvu Nadhra Pradesh, Besthagudem, Narnoor,Modhanapuram,Laksmipuram Penta do Rengalla telangan rajam. Abasuyem gamle kan rajamanji apsele garberba.

Rajam lingan Jattinji apsele Soban :

September 27 – 29 Central Tamil Nadu – Courtallam

October 2 – 4 Andhra Pradesh - Kanyakumari

October 4 – 6 South Tamil Nadu - Courtallam

October 6 – 8 Telangana - Kanyakumari

October 11 -13 Karnataka - Hyderabad

November 22 – 24 Maharashtra - Kanyakumari

January 10 – 12 National Camp 1 - Hyderabad

January 14 – 16 National Camp 2 - Hyderabad


Ayengante amnadraji jattinji abanangsa beran do bangsa anobling beranji amanarangan apsele garberteji aninji apsele garberba. Bar bara maranji jaitan anidolan adelen asobanji yantegamle maidamtenji garberba. Garberba kun sobanji sanle sanengsenganji yantegamle anojoraian dete. Tungna ganadilan do murda hanangtiy maranji do sanayam taniytianji apsele garberba.

Dabba lebun atanartum, sandan do dile Gorjangan anabdanena gorjanganji apsele Garberba:

Kan minhum lingan yantegamle hanandraman dete, abasuyem gamle 30.9.2019 tarikon abmang enga dele jannagden appaiaiba. Sandanji,Dabba lebun atanartumji, dile anggai Gorjangan abdanedamna baranji ataniytiyan, dane maran amang appaiaian appaile Receipt olan hangba. Ganangkil baranji apsele taniytiybenji garberan sanle hanandraman dete. Kan asan man'oihan batte atiyben asan d'ong-ben agadlamtaben. Kitungan d'ongben do s'iben abara alanangka ling absittaete.

Garberba yante gamle desan anablun hangte do, ayengate a s'ing birinda marji abittinji pangdale aninji okij manarangan deteji:

Kerala do Maharashtra kan bagudesan, ganuran batte surda.. kanalkalan hangleji. Ateng pwrardanji s'edle, bantongijdage arugam banzmbzmanji dungnaiten, ateng bantongijdage abara do dane maranji saring anansa sanamsamanji dungnaiten. Garberba yantegamle kan akuddub sangaite. Garberba;Tamilnadu rajam lingan yantegamle sanaisaijdage ganuran hangle bara lingan tungna dean dele manarangan deteji. Garberban ayingante apasiji kan baranji, Kitungan abaran apsele sanedan deleji, a U'a yanganji apsele, ahangnanji apsele yantegamle sakkaij sidrungan hangteji do bangsa abaran lumteji kan apsele garberba.

Laniman do sanensenan :

21.7.2018 Kalabari Evangelical Church Uttara Pradesh Lucknow CSI Moolachel, Gupa maran ad'ong asentai Kitungan abirna oblingben asan royongan tiylenten. Do Kanyakumari Jillan CCM ranukkulingan 28.7.2019 do 4.8.2019 Gumidipoondi Corner Stone church, JameenPallavaram 11.8.2019 adnang bar kuddub baran anabhana dane maranji kani sanengseng Soba lingan amailinanji 12.8.2019 sallon M.CC. higher Secondary School bar buhangan A.E. Jeyraj, Coordinator murda dane bara mar Chennai do biggarda bara maranji, Kitungan ahimling asintaiji.

Ayengante amandraji garberteji, baran lumteji do man'oihan batte kan meetinganji apsele Kitungan asanitta batte banarijan de-eteji. Kitungan as'ing birindanji ad'ong janang absittaete. Kitungan anabsitta batte baralen do mukalen abpuangete. Yantegamle tangornam sanle desan do rajaman anablun dete. (SK 67:1-2).

Chennai Kitungan a baraling13.08.2019 W. Wilson Gnanakumar

MurdadagiabirnanEmilAnnanSaringVishwaVaniSamarpan–July2003

Roitad kambol baibol lingan garberan apsele bagu janab garber maranji gijtabe, bo mandra jale garberan agarbirten amandra, do bo mandra janatti dage agarber agarberten amandra. Sodom garden amandraji sa'eddage amandraji.

Do Gomora desan amandraji Kitungan a ganijgijling er janatidage amandraji. Ad'onganji buten amandrengnanji urnan ahangben asan dotanagadan sanle ranabraban adeben asan agarberten amandra.

Aninji atengmandra dean dele rukkulen Kitungan ad'ong senle senkendrale amonna linganji adakun akuddub along beranji abpengbale, abyar j'enan batte surped damlen agrbertenji amandranji.

Tordong Gamangtung Kitungan am'oddaman batte mandranji along uggarlingan adakun anogandinji gijle ad'onganji gamte; aninji as'idtenji apanardu abyar j'elin Kitungan as'iling rwbmangdage ajananb adeben asan aitsumten amandra ad'ong gijte.

Kitungan, Abram ad'ong gadlameten; Hen Sodom do Gomora abs'edben apsele yirte, iten asan gamlenden, ganij gijling-Hen apintunji aurdam. Kan asan jradrijten na gamle ad'onganji Hen abs'idtai.

Dele janangden Abram aggamad; O' Kitung abasuyem gamle kun abara luma aninji boi boi duaih marjina. Do Luton butente Kitungan aganijgijling Hen saring ansaneten, anin janang kuni lingan daku. Kan asan kun garden abs'ida aggamad, bindo kun apanardu anin garbereten kun ate jale garberanted, ma'ih janatti garberan.Kan ambrij agarber ordarlingan asuij rabangtabe.

Abram Kitungan ampara arberre gameten; bogad kuni lingan asuisatta derna maranji rukkulen garber linanji den. Manan 10 roitad maranji dakulenji den, E Kitung aman Sidon do Gomora adrabrabe po? Kan atina janatti garberan. Kan ambrij janatti garbiran agarbertenji amandraji Kitungan saite.

Kitungan bagu orde yagi mandra abo j'en dele turdumle janatti garbiran gorjanganji apsele, do gardanji apsele edanan batte agrbertenji; do e Kitung dile mandranji ahim-nam galameteji gamle do kuddub mandranji apintunji saring abyar j'elen anablun hangeteji do amonna linganji itente danuaihan, aggainan, kznsan asan san'ed godban yirteji ad'onganji

JANATTIGARBERAN!JANATTIGARBERAN!JANATTIGARBERAN!


rabraba.

Iten asan saijben dete ?

Ordarban ayirtaihen san'eddage akanalkal saring ranab raban de-eteji, abyar j'ena maranji ataningkailing arabmadan taniyan de-eteji.

Jirusalem garden sanle dile mandra ataningkai ling arabmadan taniyan de-eteji do itente san'eddage abara lumleji ad'onganji tanabmadan de-eteji gamle agarberten amandra janatti garbiran. Ejeki 9:4

Tanimyimdam buhang tonan-henji amben bogad biggardanji apsele aedatinanji aderna maranjiden, bar kan desa lingan arwbmang baran Kitungan absuijete gamle a itsumlenden etteden, kun ambrij agarbir Royongan aer abs'edlabe name adinna linganna garberba.

Etteden iteja asurda anabs'ed ranabten mandrengnababen adyirai. Kan atena janatti garbiran. Kan ambrij mandranji rukkulenbogad Kitungan amang garber linanji den, aninji ablu-maran ad'ong asuyemlen gamle agamtenji arabsuijan na.

Anlen rabod d'ong bzmbzm maran gijle anin pintu-mar apintun asan kan rugaman hameten kani gardalingan abasuben apsele adanenn agasa d'onglen anorden tiylen arengan batte tidle ad'ongan abs'edtai gamle agoganditenji amandraji agarber jale garbiran arabsuijan.

Dile abmanggod maranji kan darakunalingan murda maranji na. aninji apsele kani bangsa royongan daku do anin pintu mar gamle oblengben asan do anin arengan batte tanzdtzdan dean dele karahidan ahangben tungna gamle oblengben asan,

bindo kun apanardu aninji yante gamle kalbari barun alanangkaling Jisun apsele adelen atanangad gijteji, kan asan ad'onganji rabraba. Ad'onganji arengan batte tedle, abs'edben ate jale garbiran, bindo amddan jobrodlead'onganji ravbraba Kitung gamle Jisun amang tanimyiman batte agrbertenji ate janatti garbiran arabsuijan.

Etteden angante anin tagaldan darimadnan saring diten tabd'ong Kitungan amang abrijlen anin garberte, bo birna apsele d'ong-hen tih gamle; hen apsele ateng minhum saring amonna lingan ogandieten, do karahid-hen abmang abojoraiben asan anin d'onghen royongan tiihten.

Kan asan anumeng j'en batte abyarj'en amandrengnan ahangben asan nami itsumhen daku. Atteden anin iten gamte? Satta hen ted, hen ampara bagu o'n henji bo mandra kandrabardi sibanam, do bo mandra Jandrum sibanam ruang rajam lingan gobeteji.


Kan ate yangan anin daman aganugun apsele do apasijanji apsele, as'ing birindanji apsele, ajattidam maranji apsele, aranukkunji apsele do a ompun apsele anin garbereten.

Anin abaran apsele,adanen apsele do purardanji alanu'u apsele anin garbereten. Bo yangan adelein asan apasijanji apsele kan ate sanaisaijdam gamle anin galameten do agarberan jale garbiran arabsuijan na. adarakunan, adanen do apasijdamanji abmele sata anin ogandieten. Kun ampara e U'ang, ruangan asangemling do timang ling-nam Hen pintun lumlai kan a kuddub anabsittan ahangben apsele tungna-hen agasa, bind obo boanta mar-nam ambrij d'ong-hen jaih.Kan atena janatti garbiran.

Bo dinna garbernaben apsele bagu mandra yiraiji!

Bo mandra jale garberre gameten, E Kitung Hen anin ambrijted. Hen atam anosaijan ambrij kuddub mandrengnan abhanatai. Hen gugu jattin saring karudkudan delih. Itente ataniytiy d'ong hen taniyan dele, ad'ongan taniyan addead.

Anumna garberan apsele anin agalame. Bindo hen dile pallin anulen garbertinai, do kuddub janaban apsele galji tanuban amiytib hen tiytai. Kan ambrij anin garbereten. Do anin kun garber lingan kznsanan batte abgugudamnann batte, abmurdadamlen garberneten, kun atena jale garberan arabsuijan.

Atiki okij bo mandran asuij sabngaidamlen marid arangan adamba abdamlin gandroijan do bantong j'en batte labgad damlen anin garberneten; E Kitung hen bo pintu mar d'ong hen abasuyemih. Edanan batte amaddan jobrodle bantong j'en ampara amayongan taddamlenanin garberetend'ong hen tabmadih. Kan agarber jale garbreanted, bindo janatti garberan. Kun ate abgugudamnan ted. Bindo lanagadan do surpeddamnan batte.

Dajingte garberan apintunji absosole. Kun ate parusinji agarberan ambrij, aninji apintunji er abpingbalabe satta alumtenji abara abpemengle garbirtenji. Kan ate lua neban arabsuijan. Lua neb lingan a olanji barij daklu, bindo kuni lingan j'on agasa. Surda baran, jale garberan arabsuijan. Kan ate jolda tungmadgijber maran agarberan.

Bindo butente apintun abpingbale garberten kan ambrij amandraji ordarlingan asuidam. Pannu gargar maran kun arabsuijan. Kan mandran agarber apintudaman abpingbale anin garbereten, bindo butente apintun er abpingbalabe garberten anin anga janangden manarangan adde-e.

kan a san parisinji anga janangden amandrengna linganji anablun ahangadji. Bindo butente apintun abpingbale, surpeddamlen garbertenji aninji


asuyeman do anabsittan hangteji. Panu gargar maran asuyeman hangeten, parusinji agarber jale garber maran agarberanna, bindo Pannu garber maran agarberna janatti garberan.

Bo dinna Mojes Jisu Rajan amangba surpeddamlen garberneten. E Kitung Eliyon bo ganugudage atungmad gijber mar, anin Pitaron batte man'oih j'en batte absuij damneten. Bindo abo ranahim mad lingan Jisun agameten aberna karidale. Kun asan bar okij Jisun Pitaron ad'ong gamete; d'ong Hen sandungih, Hen d'ong-nam mandran hamben apsele hanghangtam.

Atabdong Pitaron garbereten, E Kitung aman Mojes ad'ong do Eliyon ad'ong itente aranabti tiyleji d'ong-hen janang kun ate tih. Aman uante yirte aman d'ong-hen omdale yirdongih, aman kun Golgotta barun alanangka janang yirdong.bindo kani lingan anlen adakunaba. Kan ate d'ongnam gadlamle garbertinai. Kan ate aboi surda… garberan arabsuijan.

Kun ampara Jisun karud kudan indrang de-en 750 minhum abmang, Jisaya Tungmad gijber mar aboi hadabsuijan anin gijeten. Hen apsele buten appaiai. Hen apsele buten yirte. Kun adnang Jisaya adgamad biggarda buteja ad'ong abpaia orde arbertai roi do d'ong-nam agadlamtam agamad orde dajingte baran hen daku kunate tabkudtai atiki d'ong-nam gadlamtam aggamad. Bindo anin gameten,

“Hen tedne daku d'ong hen appaiaih” kan ambrij Jisaya anabyarber dakule. Kani lingan bagu janatti garberan daku. Abmang Hen irmarid maran do anin ardod baran alumten amandra SK 19 lingan bernan daku. Buten apintun abpengbate asanoso pintun saring d'ong hen rabrabih.

Asanoso pintun iten? Ardod itsumanji do pintu anogandinji, kan batte Kitungan ad'ong rabti anlen aggijbe. Kan asan Jisaya gameten, Hen ir marid mar; usaltam hen ir marid biran oblingte. Usaltam hen aj'o gamle Ebri kambol lingan itente anlen rabangtabek

kan asana Jisyan kan ambrij garbereten. Hen ir marid do ir marid jatti maranji ampara hen daku. Kan atena janatti garberan.Abasuyem gamle ardod bara henji aman tabmadih; kan anogandin hadab dakuli.

Kitungan itsumte butente tanabmadan ahangben asan kan ambrij garberteji, ad'onganji maridjanggardan tiyben asan manaridan ahanglen atiki Jisayan agarber dakule; Kitung nami Hen daku; d'ong hen appaiih bernanam oblingben asan.

Ateng mandranji dakuji namintan ir marid lingan dakuji. Aninji aggalameji uan do yan batte manaridan deteji. Ad'onganji janang ganalaman tiaji yante


GARBERAN E Kitung sanabyun ahangben asan darungyung seng saring

barubyungseng sikkoi do bo ganzngan saring miytal

ganzng sikkoi a endungtenji akuddub mandraji ad'ong yante gamle

m'odlen gijte;Annan turdumle agarbereten asan yante gamle Samuel

karudkudan dele,

bar Neemiyan agarber batte yantegamle kantinji anabdin dele do yante

gamle ranukku lingan derna maranji agarber batte purban ayam ling

yantegamle karoijo singan asanangan ranin dele.

Do ardod o'nan dayarre ayiraiten asan a u'an rubmangdage dele, kan

ambrij agarbirtinai pintu maranji abyar j'elin adayartaihenji batte ruang

lingan surda…. Man'oihan de-ete gamle Jisu Kristun ahim ling uan

amangban agarbertenai Amen.

gamle aninji janang manaridan deteji. Kan abara alumben asan d'ong hen appaiih, kan ambrij agarberan na janatti garberan.

Jisayan agarbereten ambrij anappai Pol, Williomcery, Pondith Rama Bhai, do Karmikal akuddubanji kun ambrij garberrenji.(anlendaku d'ong-len appailen)

Kitungan d'ong-nam janang gudingte. Butente kan ate kznolte d'ong-hen sandugih hen d'ongnam ham yo mar abmetam. Sandungih hen d'ong nam angajanang adnomda'am. Lanangka ling hen der derna, atalna dinna lingnamaji Kitungan ajanatti baraling handramtam.

Marid janggardan d'ong-nam gudingte. Er ardu gorjanaganji danenaben asan, ayingante agorjang amandraji Kitungan abangsa anobling ber indrang galameji; tanimyimdam buhang do tonanhenji Jisayan ambrij amb en janang kani ganuding biranji amdangba. Jisayan ambrij garberringan turdumle Kitungan abara apsele mandrengnabenji Kitungan as'iling surpedba; E Kitung hen boantanam Hen tidne daku. Tirid silin gamtai d'ong hen appaiaih u'ang

Kan ambrij ayengante adanggardanji amandrengnanji surpedteji, Kitungan abara apsele Barata desan ayar yar maneneg apsele sanaisaij daku. Ateng danggardanji kan abaran apsele surped damlenji. Bogad amang ganudengan hanglenden, surpeddamlen baran alumben asan abmangnaben sanaisaij.

Kitungan aganugu bara apsele butente janattidage agarber garberteji ad'onganji sanaisaij. Garberan batte er ardu Gorjanganji anlen rabti danetenbe . ayengante agorjang ling Bangsa anobling beranji indrang ardue.

Vishwa Vani Samarpan / September 2019 / Soura 12

TAMJI RANUKKUJI DERNAN BATTE ANABHANAN DETE.

Vishwa Vani Samarpan / September 2019 / <lang.>

Neemiyan Ranukkun gutuleten,Kitungan atam

sanengsengan ambrij.Iten asan gamlenden,Kitungan

ad'ong gangkilben asan dirna maranji apsele

Girjasingan sabjaben sanaisaijdamna. Kan ompu

lingan bo mandra adelanglinnan asan dile dinna anlen

dirnan batte anlen baran alumben dete sikkoiden

sanengsenglen anojoraian dete.

Marid janggardan asanayam batte baralenji ja'odage

dete. Janab janab dirnan batte abaraji sanle Kitungan

d'ong len 8 gorjang ling sikkoija Vishwavani sanle

Barata desan ajandrumsengban sanabjan dele. Do 9

mandra bo ompu dean dele Kovilpati saring anlen

Punjab desaban ardule Kitungan aganugu apsele

sanabjan adelen agirjasing surpedle agarberrai.

25.7.2019 sallo Gurudaspur Jilla Granthagarh

agorjang ling. Kitungan ad'ong sanensenan de-ete. Kitungan kani abyar j'e janggardanji

sanle baranji kun rajam lingan madrangeten, Garberba; Kitungan abaran apsele s'ilenji

yantegamle handramte do rabdute.Yantegamle uante agorjang ling Kitungan aganugu

asan Girjasingan sanaisaij kun lingan sanabjanrabti dete. - Anendung melgij ompu bara maranji

Punjab rajaman Hoshiarpur Jillan Bullowal ranukkun saring Satpal

(30 Minhum) Kitungan saring rubmangdage anabsittan dele. 5

minhum sikkoija anin gasal mar dakuli, bar erbangsa gardinji ampara

mailin ardodgodban haneten, janang kulma janggardan batte

kanalkalan hangle. Kan asan as'ingbirinda lingan kuddub mandranji

er sanabyu lingan tum dakuliji. A U'a yanganji Jalandar,Amritsar do

Ludianan sikkoi urungle abbangsaben asan erreji guijleji. Bindo kan kuddub baran batte

iteja sanayaman addead.

Atanakud lingan Bullowal aranukkuba danggardanji batte ad'ongan anurungan dele.

Ranukku lingan bara maran Pradeep Kumar do Ranukku lingan dirna maranji ampara

ad'ongan surpedle garbirreji. Edanan do anumnan batte dirna maranji garberreji. Kan

ambrij agarbiran asan jaitan anidolan adelen ambrij rubmang baranji amandrengna

lingan ganijtan dele. Ayengante amandraji Jisun amang dritenji Satpal amandrengnan

janang banandan dele. Jisun ahimling sanamangan daku, bangsa anobling biran sanle.

Nami anin samangle. Dile dinna Kitungan ad'ong gangkilte, do asanamangan apsele

sakkibirten.O'o Kitungan apsele iteja abara jugardamdageted. - Bara mar Rakesh Kumar

Kanudin sanangaijandete…garbiranbatte


Ayengante amandraji Kitungan apsele auggaran rzteji, tabme mandrengna lingan bangsa anobling bara maranji abara batte manarangan deteji. Do tabme abyar j'ena maranji amandrengna gijle Kitungan ad'ong abguguteji!

Kuntiatutta gorjangan saring Kurda Jilla Odisha, marangle nami 30 deleji. Do dirna maranji mar id janggardan ba t te anuyuban hangle aboi sanna Girjasingan sabjaleji.

Do Kitungan aganugu baran apsele 12.7.2019 sallon adnang Kanuduai idol mar Eliajor Mandal, Josep majhi Bhuyan ampara Routpur Palli Gupa mar Dilip Sabar, bar Pattarkudi Palli gupa mar Sukku Bhuyan, Dicon Ponsu Sabar bar Adibandhu Sabar dirna maranji ampara rukkulen; Surped garbir soban lanuman dele. Edanan batte banwdbwdan man'oihan batte gadagadan, nami yantegamle 30, 60 do 100 tarding sikkoij j'on j'ote garbirba. Yantegamle gorjang lingan akuddub mandranji Kitungan abirna amdangle baiyale abyar j'etenji kani lingan bara mar Deban Karjee apsele janang garbirba. - Bara mar Arjun Bhuyan Paralakhemundi

O'O AMBEN BUTENTE KARA LOGE ATIYDAMTEN!

Kitungan ad'ong sanensenan de-ete, Karnataka rajam

lingan Kalpal Doddi agijben asan janggarda m'odlen

Kitungan rzeten. Rayadurg Glingan baran alumtenji

Kitungan amandranji nami manarangan deleji. Abaranji

apsele ahanglahen aganadlambir, bara mar Anandappa

saring hangle uggarren m'oihten.

Agarbirtinai;kuni gorjang lingan bo Girjasingan sabjaben

asan Kitungan d'ong len ranabtin tiylenten. Yantegamle

Kun Girjasingan bo gorjangan apsele bo Panuang

janabge dete. Kitungan garbirna len amdangle do

ranabtin hangle aboi Girjasingan asabjalai. Buhangan do

Tonanan D.J.Rawlison u'a yanglenji, butente kitungan

abara apsele d'ong len madrang lilenji, do Kitungan kan

ambrij aganugu bara apsele tangor lilenji .

8 mandra dean dele bo ompu ling Kalpalddfor ling ardule girjasingan asanurped bara

4.8.2019 adnang alumlai. 200 saring aur janggardanji rukkulenji. Adirnanji Ma'ddamlen

batte gijben asan royongan ahanglai. Ayirtaihen aminhumling aninji dirna lingan do danisam

lingan manarangan deteji. -MalcolmRajan's family.

AsuiGarbiran Ranukku..BatteLanga


Nowatoli Training center lingan 3 anggai sikkoij dakulen 19 bara maranji Jharkhand rajaman saring tabkudleji. July 30 tarikon adnang Nowatoli lingan ad'onganji surpedle ganarbiran deleji. Chhattisgarh do Jharkhand adaybwr disalingan barunji alanangkaling ataljinganji langale gijle janggardanji anabsamang baran langga loge de-ete.

Jisu Kristun aninji ampara dean dele, butente ordaran atakud tannodan sikkoija Hen amben ampara dakutinai gameten. Aninji ampara dakulin kuni danggardanji togal tamba baranetiji.Tordong Gamangtung

Kitungan ajanggarda aranabti batte bara maranji ataljing uante agorjang ling hadubteji Kitungan anabsitta sanabyun do anablun aninji ampara de-ete! Kani baralingan abmanggod maranji ad'ong asentaiji, kan baranji apsele

May 2019 saring asayam langlinanji bara dane maranji dirna maranji do as'ing birinda maranji butente Ranchi,Ajjari Bhag do Gumla Jillan saring ardule surped garbir soba lingan d'ong len sayamleji. - DIlip Jena.

G S barbiran anandananle

Uttara Pradesh do Nawatali,Jharkhand arajam Surery

aharangna singling ayireten July anggai lingan 10

Ezranji ampara 10 dinna dakunaben apsele royongan

hanglai kan danggardanji, amandradamanji amangba

asarrangdamanji batte Jisu Kristun arakaddang lingan

yangamle amdaijan dele;kun atanimyim birji oblingleji.

Do kun abirnaji amdangle Gorjang maranji amonna banandan dele. Do kan ambri 43

tabme bara maranji ampara as'ing birindanji mailin baratenji. Do maridjanggardan

batte hen imlinai do Uttara Pradesh do Jhardkhand abmang god bara maranji dile

dinnan marid janggardan batte anab hanan dean del baran lumteji.

Garbirba atanimyim baranji yantegamle jan'o dage dean dele dile mandran

abaraling ateng s'ing birindanji abyar j'etenji. Bar janang kan abara maranji apsele

sanayam maranji janang dungteji kan apsele garbirba. – Bishop Paulas Pawar.

MANARANGAN ADELEN MANARANGAN ADELEN A UGGARANJI..A UGGARANJI..

MANARANGAN ADELEN A UGGARANJI..


Kitungan ahim ganugun de-ete, kan baran apsele

ranukku lingan dirna maranji Bishobanji Trichi saring

Gupa maranji ampara 15 bara maranji Uttar Pradesh,

Manipur do Assam sairng 30 Gorjang lingan baran

lumben asan dane bwrdaran pangleji. Kan asoba

C.S.I. kuddub badloyim maranji aranukku Parish Hall

anlen Rt.Rev.Dr. Chandrasekar Missionarinji apsele

tiydamlen kan baran lumben asan aranukku lingan

anorden tiylenten.

Bar anlen Rev S.Suharsan abmanggod bara mar

Kitungan abirna a oblingeten asan bar Rev.M.G.J

Rajaiah DCC Chairman anlen ampara bagu

dinnadakulin; kun surped garber baran lumeten. Bar

janang C.S.I. T.E.L.C. aranukku ling kuddub gupa

maranji ranukku lingan idol maranji do murda bara

maranji ampara Mr. D.Ravi Kumar butente baihbaih

mar do kuddub badloyim maranji aranukku apsele

murda dane mar ad'ongan janang asentai.

Bar janang kan Gorjanganji danelin karsunji sayamben apsele adung linaihenji,

Kitungan aboantanji do as'ing birindanji ad'ong asentaiji. Aninji batte ganaga

janumjuman d'ong len taniyan dele. Bar janang murda do anoskai maranji - A. Samuel, I.Kingston do V.John ampara Promtional Teamanji ad'ong asentaiji.

Surped garbir Soban apselejanattidagebirnan..

Kitungan ad'ong sanensenan de-ete Samba Jillan saring 22

gorjangan sanle 300 mandra Kitungan abirna amdangle abyar

j'elinji, do Swankha gorjang ling July 22 tarikon adnang rukkule

hanangan tiyben apsele royongan ahanglaihen asan Kitungan

ad'ong sanensenan de-ete. Dugri jattinji amanleng janggardan

rwbmang dage baran alumten ate anlen asikki ber tinai.

Ranukku lingan abmang god maranji do bara maranji abara

batte ateng janggardan lanabman adeten ate anlen agijtai. Kara loge Gupa-mar

Pouls Gill ad'ong Jisun ahim-ling alimtai. Butente kani jatti maranji apsele ansa

dage hanangan oskaieten. - Alkoshi Batti

DogriJattinadirnamaranjiapseleSoban


animyimdam kulam lenji Jisu Kristun ahimling boi boi alimtaben. Jarditenna Kitungan Tasuyeman abaran do atanimyiman karalogeSoranji apsele aurdam. Kan asan yantegamle anablun asan bangsa anobling biranji kanada Saibonji saring ettegoina Odisha desan saring ; Ganjam,Gajapati,Rayagada do Khurda Jilla lingan Soranji adakutinanji akuddub gorjangban yantegamle bangsa anobling biran ardute,

kan ate Vishwavani asanengsengan. Kan asan Khurdha jilla lingan 4 bara maran, 20 gorjanglingan Chilika amanengban (Patarakudi) Pallin sanle 7 bara maranji 25 Gorjang lingan. Kan ambrij akuddub 11 bara maranji 55 Gorjang lingan baran halen daku. Do ad'onganji gijben asan buhangan Rupo Bhuyan, Josipal Sabar ad'ong danen taniyan deleji. Kan ampara Patarakudi Palli lingan Gupa maran,

Diconan do Palli lingan bara maranji mailen turdulen baran dean dele;kan aminhum ling thuntiatota agorjang ling Sora Kanuduai sakariya ompu dane maranji ataniytiy batte dean dele Kitungan ganugun hangte. Anogandin do ernaguijnan daku; kan akuddub gorjang ling mandranji yantegamle Jisun ad'ong galamteji.

Bar Ganjam Jilla lingan Santiel Gamango 32 bara maranji ampara dakuan dakulen, 162 Gorjang ling baran lumteji kun desan Bangsa anobling biran oblingben asan aur danangdangan daku; bindo Kitungan apsele kuddub baran rojoldage. Kan ate sengsengle bara maranji yantegamle uyub loge baratenji garberba. Barij Ganjam Jilla lingan baranji melgijle gijben asan anin bwrdaran taniyan dele.

Kun ampara yantegamle bara maranji hadab ayamling sanaisaijdage anabkzlkzl hanangan rabti hangteji, kana san Rayagada Jilla lingan Sutrajpur do Kottaguda LC Center daku. Do Gajapati Jillan apsele Langadakuniya do Khombari Sahi lingan daku. Do bara maranji murda dage hananganji hangben apsele do tabme dage tabme bara maranji ad'ong Training tiyben asan Tarangada lingan LRC daku.

Kun LRC lingan 12 kundrasijanji dakulin hangtenji. Aninji apsele abasuyem gamle garberbaj i ,bar janang kun LRC l ingan nami 30 tabme bara maranj i ; Ho,Santali,Sambalpuri,Kui do 10 sora maranji maile 40 bara maranji 3 anggai apsele training hangteji. Kun atakudten atiki, 160 bara maranji apsele B Min training daku. Bar 29 September 2019 saring October 4 tarikon sikkoija Newsland saring Saibonji yirre kani bara maranji ad'ong hanangan tiyteji.

Kan kuddub baranji abhanaben,gijben,do jan'odage abmeben asan karaloge Kitungan aboanta Benjamin Das adanen daku. Abasuyem gamle anin apsele garberba. Kun ampara LRC lingan dakulen baran abj'untenji Kitungan abontanji, buhangan Soloman Gamango,Arjun Bhuyan, Rev. Satya Narayan Sabar,Jiel Gamango,Bijay Raita ampara Dobi Raita do Malek Raita dakuji. Aninji do as'ing birindanji apsele abasuyem gamle garbirbaji. -Kitungan abara ling buhangben Soloman Bhuyan, Vishwa Vani LRC

ODISHA SOURA KUTTA LINGAN ADETEN ABARANJI APSELE GARBER GANADLAM BIRANJI


MURDA DANE BARAMAR SARING

ristu lingan tanimyim marhenji, Ablu maran U'a Kitungan Jisu Kristun ahimling aman Kdo s'ing brirndaling nam Kudduben limtaben. Angante sittin hen idollai, uggar hen

man'oihan batte ganudsuran dele. Angante kun dinnaji hen ayimtai,maridjanggadran

batte buhangan Emil Annan abirnan sanle abmang minhum linganji; Tiki ayam lingan

yangamle baranji deben dete gamle gameten, kun akuddub birnanji hen ayimtai.

Israel akitunganji ad'ong sanensenan de-ete gamle gamba. Kan ate Emil Annan

asanengsengan, dile er ardu gorjangban bangsa anoblingan abarduben ate. Rom 15:21

angante anin Transfer Radio India Lingan International Director dakule, do ayengante

adnang Redion sanle bangsa anobling bir baran susunan dele, saleten sanengsengan

dakuli Barata desa lingan adakun akuddub jatti maranji ajatti sarrangdamanji batte bangsa

anobling biran anoblingan de-ete gamle.

Tripura aboi rajaman kun ate jandrumseng desaban daku. Kun lingan Sora jatti maranji

dakuji, aninji Kokko, Borok, do Bengali sanrrangan batte bertenji. Kan asan Bengali

sanrangan batte Redio lingan anoblingan dele. Bindo buhangan amdangeten, Kok do

Borok, sarrangan batte anoblingan addead. Kan asan anin gameten, buhang Borok

sarrangan batte redio lingan program amdungben asan Kitungan d'ong hen baihtih.

Bar janang kani ambrij anoblingan adeten atiki mandranji sanayam dage deteji orde ijja;

galamben asan sannilsaij baran lumben dete, gamle Kitungan d'ong hen baihtih. Aman

Tripura desaban yirre Hen atiytaman aryongji aman I oskaiay. Kan asan kan ambrij anin

birnan oblingeten anin d'ong hen kokataban appai iyten. Anin d'ong hen gamihten, aman

Rev Saras Kumar Mandal batte Yira, butente kun atiki darung yung seng do Barata desan

barub yung seng desan apsele danedage baran lumeten.

Kan abirnaji hen man'oihan batte jalai. Kun abmang Tripura desaban hen er aniy. Kun

adnang Tripura desan arduben asan 6 dinna sanaisaij dele. Do Kolkata saring Agratala

sikkoija Aneng singan batte 45 Minit, kun adnang Indian Air line ednegij anosaijan dakuli;

mandranji ad'ong bogad sayamben delen den, butente 500/ abateng jitangkan tiyte anin

anorden hangte. Kan asan anlen bagunlen andrukkun July 1990 sallon adnang ayirre.

Do Emil Annan united Bible Collage Pune 1985 adnang Meeting lingan hanangan tiyeten

do kun ayiki Danggardan nepurai Nepurai Jamatia butente B.D hangneten anin rabangle.

Nepurai Jamatia Tripura rajamban ardule d'ong hen sajih gamle gameten.

Agaratala Tripura rajaman asurda garden. Dele janangden, kan ate aboi sanna gorjang

ambrij gijle. Aur erganalam maranji dakule. Tripura Baptist Union TBCU Tripura desa

lingan Bangsa anobling baran lumeten. Do Nepurai Jamatia kun rajam lingan saring bo

gorjang lingan bangsa anobling baran lumeten. Ad'ongan saiben asan kun gorjangban

ardule, asui ayam basun batte ayirre bindo ateng ayam halen ayirre. Atanakidlingan anlen

kun gorjangban ardule. Kun Gorjangan ahiman Layalwav manikiya adam. Kun adamban


aboi sanna barun dakule, kun adnang July anggai do Ganurgaij dakule. Jorda lingan d'an

aurdam dakule, jorda lingan da'anji ahana asanddan amdangle am'oih linnai. Do ontidanji

asanadda amdangle m'oihli len. Do kanalkalan batte anlen as'ingban ardule. Naphurai

d'onglen man'oihan batte jalenten. Do bangsa anobling baranji apsele anlen anin ampara

arbirrai.

Kun Gorjangan abpuangben apsele Corenton addakuad, kana san panuangan apsele

Naphurai bo tonan ad'ong anin gudingeten, karuryo dangan tiyle anin ad'ong appaieten,

kan ganuran adnang kun tonanan aman iten asana man anin ad'ong appaile agamlai, do

anlen agijlai 4 ayon adam Jordan saring anin apangaiten ate. Do kani 4 ayon dargam

dargam ataramtaman dakule, anin as'ing boijan ad'ong tiyeten;anin diheten do kun batte

anlen gagalen am'oihlinai. Gagnalen takudle bangsa anobling biran apsele baranji okij

susunan dele. Anin d'onglen gamlenten name adinna oruban adnang Girjaling hen Soban

daku amben kun lingan dakunaba.

do kun amanengba oruban 5 gonta delenden lungudte. Do Girjasingan ''Uringan” batte

analan dele do kursinji janang “Uringan” batte ansanabja. Kun asan Ganuran yiraiten

janangden kanenkenanji langa saddale. Abubmung dage 2 danggardanji Girjasingan

alungan saring abrijlen kuni yangan ad'ong sandungleji, pasijanji ayirna gijan gijle,

Naphurai janang abrijneten kun adnang panuangan addakuad. Kan asan Kirosen

Lagtaran as'ilingan dakule.

Do danggu lingan t'ogen anoi dakule. kun baran agaramgam iten anlen agandludlilen.

Kun asan lungudlingan bantongan batte bo manengna tanangle adakulinai. Tungar Gonta

atiki, biggardanji janang Girjasingban yirraiji, aninji gamleji; Gupa maran adudin saring

alueten akambun dunglen yireten, kun asan Gupa maran kun pasijanji ampara abrijneten.

Atiki amangbanji yirre anlen aiyle rabangnai. Kun Togal lingan Soban , kenkenan,

sanensenan do hanangan batte anosidan dele.

Anab biyo tagaldan kun Gorjangan saring hanagodan susule, TBCU. Abmanggod dane

maranji ad'ong anlen arabanglaji. Do aninji boi boi man'oihan batte buhangan Rev.

Naphurai Jamatian ad'ong radio lingan hanangan tiyben asan rdeleji. Do Naphurai

Ausgut 1990 saring baralingan maineten do Kok Boro Radio Program 1991 saring

susunan dele. Rev. naphurai Bangsa Gupa mar, Roitad Kambol baibol biranji apsele anin

Kitungan saring taniytiyan hangeten. Anin Kok Barok sarrangan batte, Baibolan

banddaeten. Kun adnang Chennai garden saring Kitungan abara marji Baibolan abladtai

gamle birnan oblingleji.

Bindo Bible society of India batte Bibolan amdungben anlen dinglilen.Tripura rajam lingan

Kitungan ad'ong saile arabangben amandraji apsele Soban dele, kun asoba batte

Kitungan a O'nanji ranukkun ampara mainaben aroyong hangleji, kun atiki, ateng gorjang

lingan Girjasingan sanabjan dele. Do dile Gorjang lingan baranji radule. 1996 sallon

adnang, Rev Naphurai' bo danggarda do Kitungan abara alumben asan umengdam

gamle ganalaman dele. Atiki bo minhum apsele Kolkatalingananin training hangneten.


1996 saring 2003 sikkoija anin bara mar dakule. 2003 saring 2005 Sikkoija Office manager

dakule. 2005 saring Tripura rajam lingan State Coordinator dele. Do hen ampara abara

mar anin dele. Do abaran boi boi bangsa adage abaran dele. Bara maranji, do abirindanji

manarangan deleji. Dille palli lingan tabbubdan dele. Kan ambrij Tripura rajam lingan

baran susunan dele. O'o kun danggardan Vishwajeet Jatia butente Kitungan batte

hanandramdage hanandraman dele. Buhangan Jey Raj Chennai saring Tripura rajamban

anin yiraiten. Agartala adamba jannongan ahiben asan yiraiten., do kun jannongan

Vishwavani Kami anahiman dele.

Anlen a oganditaben saring Kitungan aur surda dage baran lumte. Asuyeman batte

baralenji dile dinnan manarangan dete.

Kitungan abaran apsele taniytiyan itente

d'onglen do biggardanji ad'ong tiyeten, kun ate

abukkaben asan t ra in ing sanaisa i j .

Akundrasijanji ad'onganji sayamben apsele

addkuen apasijanji Kitungan abara altiyberben

apsele sanaisaijdage adeten as'ing bara anabumeng do sanayam

toy maranji, English School anab hanan maranji, butente manglen

yirre baralenji gijteji, aninji gamteji; Tripura desa lingan 177 bara

maranji dakuji . 67 kuttalingan aninji baratenji 7 jilla lingan. Do 346

gorjang lingan baran dete. 285 Gorjang lingan baibol bir hangna

ompun dete. 100 Gorjang lingan Girjasingan daku.

Do kun saring 37 Gorjang lingan Girjasingan apsele Building

sanabjan dele. 12 Gorjang lingan Girjasingan asanabja bara

haten. 30 Kokbaro danggardanji Kitungan abara alumben aasan

anorde royongan omdile dakutenji. Kan kuddub atarangdi ling mandranji a uggar ling 600

Gorjangan yantegamle Jisun amangba yirtai kun apsele mandranji anogandiling daku.

Anganti abmang tara apsele Tripura rajam ban ardule, anlen agijali do, 4 bara maranji

Karuryo danggun donsile kuryo baran ampara Nophurai Jamatia batte baralinji ate agijlai.

Bindo nami Tripura abara maranji haramyo jallan batte ted. Bindo birnan batte

janggardanji ad'ong rukkuteji. Ayengante amandraji Kitungan abirna amdangle ranab

raban deleiji kun ambrij amandraji dile dinnan ranukkulingan mainan deteji. Kan abirna

baran batte anojoraian dele. Kitungan ad'ong sanensenan de-ete!

Garber ben do taniytiyben batte Tripura do Tripuralingan abara manarangan dele.

Kitungan asuyeman do anabsittan ahangben adanemarji ambenna. Nam ayamlin

Kitungan amang saring 100 tarding anabsittan, do tiki ayam ling er ahidan amandrengnan

danebente Amen!

Chennai Kitungan abaraling

13.08.2019 P.Selvaraj

Chairman,Vishwa Vani Network


isu kristun ahim ling boi boi limtaben, hen man'oihan batte kan megazen Jkambolan sanle d'ongben gadlamtinai do,Tordong Gamangtung Kitungan asuyeman batte namintan sikkoija abm'engle dangrableadakkulangtinan asan Kitungan ad'ong sanensenan de-ete. Ateng mandranji biggarda biggarda garamgamanji batte amandrengnanji abs'edteji.

Bindo Kitungan ad'ong sanensenan de-ete, anin d'ong-len ahiman abgugben asan rubmang dage kani anggaij lingan royngan toaiten. Do kan anggai ling hanangan ahim anlen Gijtabe “JANATTI GARBERAN.” Yaraiba Roitad kambol biranji sanle kan garamgamanji galame anlen baran alumba. Hen dirtinai maridjanggardan d'ong-len dandrable tangorre garamgamanji ganludben asan sanayaman tiylangten.

LK 11:1 anganti kinoltabe anlen galamtabe do, Jisun bo dinna bo darakuna lingan saring garberneten; do anagte agarberan tabkudle, ahanangna maranji saring bo mandra ad'ongan olangle gameten; e hanghang aman d'onglen garberan hang hanaglen.yante gamle Jon ahanangna maranji ad'ong hanghangeten. (NIV.) [1]

Kitungan hanangan atiyeten agarber saring kani agarberreng ateng birnanji d'onglen hanghangte. Kan ate janang ahandramben detena. Arabsuiberan ambrij; anin ahanangna maranji ad'ong iten ambrij ahiman batte garberre arakaddangan alanangkan sikkoija arduben dete gamle birnanji kani garberlingan anlenji galamtabe.

Jisun itente garbereten, kun ambrij na amandrengnalingan ojoraieten. Ettegoijna Tabubda Jon itente ambrij garberben asan tabbubda Jon ahanangna maranji ad'ong hanghangeten, ettegoijna Jisun ahanangna maranji Jisun saring garberan hanghangnaben asan itsumleji.

Jisun akuddub hanangna maranji saring bo hanangna mar Jisun ad'ong ualle gameten, d'ong len garberan hang hanglen. Ettegoina uante uante Girjasing lingan nam adinna ling janang Garbiran ahang hangnaben sanaisaij.

Uante ayamling yan apsele do yan ambrij garberben dete, kun janang ate ahangnaben sanaisaij. Nami anlen garberan apsele arbirtabe, Garberan apsele Kinoltabe, yantegamle garberren hadab dete kun apsele oganditabe. Dele janangden anlen saring dajing mandra itsumtabe Jisun d'ong len garbiran hang hangete gamle?

ITEN ASAN JISUN GARBERNETEN?

Jisun amandrengnan atanakudan sikkoija agarberneten ate gijan gijle anlen yantegamle garber mandrengnan hangtabe, bogad, bangsa anobling

STATE CO-ORDINATOR SARING ODISHA


kambollingan Jisun agarbreten ateji akudduban anidolan addele janangden, dele janangden; angante Korojo singan atimamangban dakule,kanudin batte amandrengnan banarijan deandele agarbereten ate anlen gijtabe. Kan asan na abmangber anualbiran kani annual biranji abyar berben apsele sanayamdage delangten.

Iten asan Jisun garbereten? Anga anga kan ate Kristu maranji apsele sanaisaij dage. Iten asan gamlenden bogad kudduban apsele Jisun Kitunganna. Etteden Kristu maranji iten asan garbertenji? Roitad kambol Baibol beran agalamtenji amandraji gamteji, yage garamgaman asan Jisun garbereten.

1 . yante gamle asanandung maranji apsele aboi arabmad hanandram janabge dete.kan asanna anlen garberan do garbernaben ate galamben sanaisaij. Kan akuddub bernan kani hanang lingan anlen rabangtabe.

2 . Banandan d'ongdage do janggardadage, kan a san d'ongdage anukkan asan garberab abukkanaben dete. Kan anukka Jisun amandrengna saring anlen galamtabe. Jisudi dirna maranji kan a san Jisun ambrij aninji garberrenji.

3 . Ua Kitungan a O'n Kitungan Jisu Kristun do marid janggarda Kitungan mandranji ampara arbirben asan anukkanji kani garbiran.

Jisun do a Janatti garberan..

Jisun biggardanji apsele garbereten Mt 19:13 lingan anlen rabangtabe. Atiki sannara sijanji amangban urungle abo'obanji alanangkaling as'in dakkule aninji apsele garbereten. Kan adnang hanangna maranji Pasijanji ad'ong a urunganitenji amandra ad'ong Pasijanji ad'ong a urungdongai gamle badtong kaihleji, do kun adnang Jisun gameten; Pasijanji amangban ayirben apsele adangdang dongji. Iten asan gamlenden kan ambrij Pasijanji ruang rajaman danetiji. MT 19”14. Jon 17:9 lingan angante kinoltabe, anlen rabangtabe Hen(Jisu) aninji apsele garbereten. Hen Ordaran apsele aggarberai, bindo aman ayingante amandraji ad'ong d'onghen tiylih, iten asan gamlenden kan akuddub mandranji aman ate. Kan asan na, tiyj'enan batte garberan do edanan batte garberan sanaisaij.

Tabme Lebun atanartum dabbanji...

Nami mang ling len Kitungan abara apsele lebun tartumben apsele lebu tanartum dabbanji daku. Kan asan Kitungan abara apsele taniytiybenji kun dabbalingan apedben dete. Kun tanartum lebu dabban saring rzle, 3 anggaijan bo tara disamle dajing tanurtuman dele d'ongben rositon taniyan dete. Bogad mang-nam kan dabban agasa den. Do Kitungan abara apsele tiyben itsumlenden, abasuyemgamle Promotional bara maranji ad'ong gadlambaji. Etteden aninji mangbaben abardutaiji.


Tabmedage bara maranji asaneda do Training...

Kitungan asuyem asan, Kitungan abara amanarangan asan 30 danggardanji tabme dage sanedan deleji. Aninji Santali,Ho,Sambalpuri sarrang ber marji nami aninji Tarangada training sing lingan 3 anggai sikkoija trainingan hangteji. Do angante ahangnanji takudte, adisa do ajatti mardambanji yiran yirre uante bangsa anobling beran indrang j'une; birnan oblingle mandranji ad'ong ababyar j'ele ranukkun gutulben deteji. Kan asan nami anlen 30 tardam tardam s'ing birinda maranji, butente ad'onganji rabri sayamte, ad'ongan sanaisaij. Yantegamle amben saring sanayaman hangle kun buhanganji bangsa anobling beran pangle er ardu gorjangban arduteji.

Sanengseng Sobanji (Vission Meeting)

Kan anggai ling Odisha desa lingan 3 darakuna ling kani sanengseng Sobanji jan'odage anlen alumlai. Kan ate Baleswar, Bolangir do Sambalpur Jilla lingan Augusto 10 tarikon adnang Baleswar Baptist ranukku lingan, Augusto 23 tarikon adnang Dungripada CNI ranukku Bolangir do 24 tarikon adnang Munda Baptist church Sambalpur. Ranukku lingan kuddub Gupa maranji, abmanggod bara maranji anordinji do atanimyimanji asan boi boi asentaiji. Bar janang kan soban alumben apsele sanayam tiy maranji ad'ong janang boi boi asentaiji.

Girjasingan asanurped garber Sobanji...

Kani Katchapaju gorjangan Tulab do boi boi daibwr desan amutti bwrringan daku. Do kan ate Rayagada Jilla Guddari block do 2014 sallon abmang Vishwavani sadan sadle buteja bangsa anobling beran batte kun gorjangban adnarduad. Bindo bangsa anobling ber bara mar Buhanglen “Anant Kraska” kun gorjangan amandraji amangba ardule bangsa anobling beran oblingeten. Do 12 s'ing birinda amandraji derren Jisunna ablu mar len gamle jaleji. Bar janang karanjasing pallin saring Gupa mar ampara bara sanayam do abmanggod bara maranji kan baran adnang anlen ampara dakuji. Kan amanengban Kitungan asurda baran adelen asan Kitungan ad'ong sanensenan de-ete.

Sobanji (Meeting)

Vishwavani Board Chairmen len Augusto 3 tarikon thadnang anab 4 ompu bara maranji apsele

training dinnan abpemengben Kitungan abirna

sanle d'onglen abuyublenten. Kun ampara Kitungan

Augusto 10 tarikon adnang Baleswar Baptist ranukku

lingan do 11 tarikon janang hanangan tiyben asan royongan ahanglaihen asan Kitungan ad'ong ganugun de-ete do Augusto 18 tarikon adnang Kui jatti


Ruangan a man'oihan Anganti anlen, Karnataka rajamlingan adakun

aranukkuji gijben asan hanagodan asusulai, tordong

gamangtung Kitungan a s'idaman batte absittaten

abaraji anlen a imlinai. Itente ate buteja amandra agijad, buteja aludan

adnamdangad, angaja mandran adnogandiad, bindo

ayingante amandraji ad'ongan timyimteji aninji apsele

a oskaieten ate-“ (1 Kor 2:9). Kan ranukkunji

Ujjainipura gorjangan adam tulab darakunalingan.

Bara maran a s'ing birindanji ampara garbiran batte

Kitungan abirna sakki biran ampara oblingtenji asan mandranji abyar j'elin ranukkun

ganutulan dete, do dirna maranji adanisam manarangan dete. Kan ambrij rwbmangdage

Kitungan abara do aimna s'ing birinda marhenji saring 3 mandra anlen agijlai. Anlen Bengalur saring 13 tariko lingan hanan susule anab biyo tagaldan kun darakunaban

ardule. Gorjang maranji amangleng anoblingan adelin abangsa anobling biranji asan,

gorjang maranji amukka ling man'oihan anlen agijlai. Atiki tabme dirna maranji saring okij

bar okij sakki biranji anlen amdanglai. Kun adnang uggarren sanensenan do sanenkendran

batte banarijan dele. Do tabbubda taniyan adelin ate janang anlen agijlai. Man'oihan batte

pasijanji Baibol hangna ompu lingan arukkulinanji ate arabanglai. 200 saring aur mandra

barkudan adelinji ate anlen agijlai. Kan kuddub baranji batte Ujjanipura marid man'oihan batte anab hanan adelin ate

arabanglai. Girjasingan dirna maranji marangli banarijan adelin ate agijlai do Girjasingan

surpedle garbirben asan anlen royongan ahanglai. A imlinai sanayamlenji ganznglingan bo

janatad d'an ajabtadtaben ambrij anlen a imlinai. Bindo kani bo janatad sanna d'a lingan

Kitungan anabsitta batte, arajaman madrangte. Karnataka rajamlingan dirna maranji

ad'ong Kitungan ranabtin tiyete, yantegamle kuddub gorjang lingan kan ambrij atanangad

gijte. Do ruang lingan surda.. man'oihan de-ete! - H. NaliniLawrance, Bengaluru

maranji apsele Vishwavani ranukkun Rayagada Jillan Katchapaju a gorjang ling Tamilnadu saring sanayam dirna maranji atimangling Girjasingan surpedle hanangan tiyben aroyong hanglai.

Bar janang Vishwavani sanengseng Soban Dungripada CNI ranukku lingan 23 tarikon do 24 tarikon adnang Mudda Baptist ranukkun Sambalpur lingan hanangan tiyben asan royongan hanglai. Do 25 tariko lingan Amirpur Baptist ranukku Raurkela lingan hanangan tiyben asan royongan hanglai. Kitungan ad'ong sanensenan de-ete.

Bar kun amaneng do a jillaban adakun bar anab harhar dane maranji bar soban apsele a oskailenji amandraji, bar Sobalinganatiydamlinanji amandraji boi boi sentaiji. - Benjamin Das, State Co-ordinator Odisha, Tarangada LRC



animyimdam kulam henji, Jisu Kristun ahim lingan boi limtaben. Jisu Kristunna butente Tuggarbenji a sanengseng abojoraite. Butente uggarbenji a itsum amben indrang ogandien abmang galamte. Anin anindaman apsele kan ambrij gamte; ganar gar len saring aur loge anin d'onglen tiyte. Anin t'odlinglen birnan indrang dungnen abmang galamte. Kitungan d'ong len bangsale galamte.

Aganugun asana tam tanimyiman ambrij d'ong len taniytiyan tiyte. Do aganugu panemengan ambrij yantegamle anlen baran lumtabe kun ate asanengsengan. Aitsuman daku; sanaisaij lenji ahangben asan ad'ongan garben ate. Anin sibdaij birneten; itente anlen gartabe akuddub d'onglen tiyte gamle. Anlen galamtabe do; Jisun ahimling anlen itente gartabe akuddub ganar gerrenji hangtabe gamle. Kan asan jardijten gamle ruang lingan adakutinan ua Kitunglen amang ganargaran garba gamle. Baibolan gamte, etteden anlen iten agarben dete? Iten garraben den anlen apsele hadab dete? Yiraiba anlen a ogandiba.

BIBLE LINGAN ATENG GARBIRANJI DAKU:

Ateng mandranji agarbir anlen bible lingan gijtabe. Dile garbiran janardi garbiran apsele d'ong len hanghangte.

Abrahaman agarbir : nami anlen ordarlingan daku, uante mandranji anindamanji apsele garbirtenji. Etteden biggardanji apsele anlen garbirtabe po? Biggara biggarda agod dirna maranji aninji endungle mel melle gijteji. Buteja aninji biggardanji apsele garbirteji po gamle. Bo talaiba maran a'onan apsele butente amandrengna lingan ateng tanampaldage sanunji daku, anin kan ambrij gameten do anin atanalaiba ayam lingan buten ad'ongan sagunnite. Bindo kan ate rubmang dage kan order lingan mandranji angante biggardanji apsele garbirteji, kun adnang anlen gijtabe do Abram 18 kardalingan garbireten.

Kan agarbir jananrdin ahangben agarbir. Kitungan Abraham ad'ong gameten, anin asan'ed ayaman yiraiten; tabdong Abraham Kitungan ampara albirre gameten. Aman kun ambrij abs'idong gamle. Kun ate anlen Aparamangta 18:20-33 lingan galamtabe. Asuyem maran Abraham agarbir amdangle butente sanengsengnam band'a Kitung gamle sanengsengnam banddale kun disan abs'idong gamle garbireten.

Annan galameten do anin bo anji boijan asan panudying biranji, Annan a garbir:kanalkalanji,danukkananji anin apsele anasudage gamle galameten. Dele janangden bo langa tangoran gijtabe, Kitungan atimang ling adanukka biranji pwdle palid loge oblingete. Kan abirna batte 1 samuel susunan dele. Ayengante akuddub mandranji edanan batte Kitungan atimangling garbirtenji gijba aninji saring ganaroijan do danukkan atam janardi garbiranji batte sanbngaijan dete.

Mt 6:6 bindo angante aman garbirten, along akkul singbanam yira sanangan ingadle ua Kitung-nam amang garbira. Butente asanoso darakuna lingan daku, anin uggar-nam gijte do d'ong-nam barij loge asuyem taniy tiyan tiyte. Annan adanukka do akanalkalan Kitungan amang abpingbale garbireten. 1 Sam 1:18 lingan. Kun atiki anin aj'elingan addukka daad. Okij kan ambrij agarbir anin aggarbirad. Annan agrbir tungna jana dage anamdangan dele. Kan ate radu garbiran.

Jakubon agarbir : Jakubon amandrengna ling bagu janab murda garbiran agarbireten ate anlen gijtabe. 28 lingananin garbireten Kitung aman enga janang hen ampara dakuna

-Rev.EmmanuelGnanaraj,Director–PrayerNetwork

JANATTI TANIYTIYANJI APSELE KITUNGAN GARBIRANJANATTI TANIYTIYANJI APSELE KITUNGAN GARBIRANJANATTI TANIYTIYANJI APSELE KITUNGAN GARBIRAN

Vishwa Vani Samarpan / September 2019 / <lang.>

gamle, ad'ongan rabraba do d'ong hen abdayarih gamle turdumle garbireten. Bindo kan agarbir batte satta Kitungan ad'ongan adnab dayarad. Kitungan anabsitta Bittin janang tiyte. Kitungan anabsitta; Kanalkalansairng mandran rabrabte. Kan adanardibiran ambrij angante anin imneten do Kitungan anabsitta bogad adhanglenden, Iteja rabti adhange gamle. Kan ate radu garbiran. Akan ate anle Aparmangta 32 karda lingan galamtabe.

Pitoran a Garbir : Roitad kambol Baibol lingan kan ate kuddub saring duihi garbiran. Kan saring anlen iten ahanang hangtabe? Kanalkal dinna ling-nam aman d'ong-Hen gudingih, etteden Hen d'ong-nam aburtam. Atiki d'ong-hen abguguih. SK 50:15 Junas jale garbiran garbireten anganti anin Ayon kampungling dakule, Pitaran angante d'an alangkaling dirnan batte haneten bindo angante anin kunslaidan gijeten; anin batongle. Do dujhi garbiran garbireten. Kitung d'ong hen rabrabih Mt 14:30 kan ate na kal kal garbiran. Akanalkalan adnang anabyar birana hangle.

RADU GARBIRAN:

Anlen 2 Raj 2 lingan radu garbiran apsele gijtabe, kani radu garbiran tungmad gij mar Eliyon batte dele. Abmang god maran Elisayo Kitungan batte anurungan aderoiten ayam ling Kuddub bara maranji galamleji do Eliyon atanakud garbiran Elisaya ad'ong sandungben asan garbirte gamle. Kan ambrij iten asan anin garbirneten? Iten sengsengle kan ambrij garbirneten? Eliyon 2 Raja 2:9 lingan kan ambrij olangeten. Aman apsele hen iten alumben dete? Eliyon abyar birre gameten, abasuyem gamle anabsitta-Nam bartarding janggardan aranabti mangling hen dakuete. Kan ate na radu garbiran. Kan radu garbiran anabyarbiran dele po? O'o yangamle? Angante Elisayan Kitungan batte anurungandete, anin agijben dete. Anin gijeten po? O'o etteden anin hangeten po? O'o. Etteden Eliyon hangben asan iten lumeten? Anin Elisayon ad'ong sandungeten. Anin ad'ongan adnomda'd. Anin Gilgol sikkoija sandungle pangeten. 2 Raja 2:1 ) – kani adarakuna ling saring ganandroijan sangaile do ganadrerdeb baran susunan dele. (Josu 5:9) (

2 Raj 2:2 anin Bethal sikkoija sandungeten. Kan agaramgam, Kitungan as'ing ling basuben apsele royongan abayemeten.

2 Raj 2:4 – Anin Jiriko sikkoija sandungeten. Jiriko agaramgam; Anggaijan adungten agarda. Jiriko Ordaran arabsuijan.

2 Raja 2:6 – Anin Jordon sikkoija sandungeten. Jordon apadben agaramgam; karahidan d'ong len abimnate. Eliyon kan kuddub tanangadanji sanle sandungeten, kana san agarbiran anamdangan dele. Kulamji anlen kanalkalan sanle garbirtenbe kan asan garbirna len janalangan dete!


ABUMUNG DAGE GANADLAMANAugust 9, 1982 sallo ordarlingan kuddub mandranji apsele anayimdage adinna. Kan adinna kuddub mandranji kzlkzlnan batte adanenji ahangben apsele danen susunan dele. Kan mihuman dile jatti maranji apsele ahiman ahangben adinna. kani jatti maranji kun asarranganji batte mandrengnan abhanben dete.

2011 sallo ordalingan mandranji atam danisaman ambrij 10,45,45,716 jatti maranji dakuji. Kun saring Barat desa lingan 4 tanub Sora maranji daku. 71.5 lakya mandranji saring Tamilnadu, U.N.O. aganalam marji oblingteji do, 36 jananb mandraji satta ganalaman deteji. Kan amdraji irganalam marji do aninji danukka kanalkal lingan dakuji. E Ruang lingan U'a Kitung, Barata desa lingan adakun kani oseng jatti maranji yante gamle manarangan deteji madrangaji!

JANNOGANJIJANNOGANJI

ABIRNANABIRNANJANNOGANJI

ABIRNAN1. Jammu Kashmir Brara jannogan:32Buhangan Sukdev apsele Jisun ad'ong sanensenan de-ete. A uggaran anasudan asamanglen asan Kitungan a d'ong jaeten. Monoj Kitungan abaraling asurpeddamneten asan as'ing birindalingan kuddub mandranji amang ling man'oihan daku. Rimpy do Bhavan Kitungan saring janatti dage anabsitta ahanglenji asan asakki biranji man'oihan batte oblingteji. Dugari jattinji apsele adelen a soba sanle, 300 mandra anabsittan hanglenji asan Kitungan ad'ong sanensenan de-ete.Bunti, Birrisum bzmbzm lingan saring sanamangan dele, bar Mukesh gasalan omdale, Kitungan ad'ong sanensenan de-ete. Ajay boi boi banaggi mar, bindo Kitungan ahim ling anabsittan dele. Kitungan apsele sakki beranji amdangle Swami Kumar do Rajani as'ing birirndaling kuddub mandranji derna lingan marangle sakki beran oblingteji, Kitungan ad'ong sanensenan de-ete.2. Himachal Pradesh Brara jannogan:33Ravi gailan odale Kitungan apsele tabme mar delen asan as'ing birindalingan akuddub mandranji sanabyu lingan dakuji. Bobita as'ing birinda Kitungan ataniytiy 6 minhum atiki kudonleji asan Kitungan ad'ong sanensenan de-ete. 25 mandra abyar j'elin tabbubdan hangleji. Anamdang maranji asoba sanle 34 s'ing birinda tabme mandrengnan ahangben apsele itsumteji.Bara mar Manis Kumar Gardin atanangad batte kanal kal lingan daku, garberba. Kitungan aberna aitsumtenji amandraji apsele 34 gorjang ling soban yantegamle dete garberba. Bangran do Shudhowala agorjang ling Girjasingan yantegamle dete garberba. Baseng gorjangban(Plain Area) abaratenji amandraji apsele Cyclean sanaisai kan apsele garberba. 3. Uttarakhand Brara jannogan:31Tabme abyar j'ena mar Balran Singh amandrengna sakki beran batte akuddub s'ing birindanji JIsun ablu marlen gamle jaleji. Kitungan abara apsele 10 danggardanji surpeddamlinji. Do Taruk do Gadwalli ampara baranaben asan surped damlinji. Sargam as'ing birinda Bandiya


Hen galamtai do ayengante Hen galamtai do ayengante amandraji Kitungan ad'ong amandraji Kitungan ad'ong bantongteji, do Kitungan bantongteji, do Kitungan

atimang ling hanandramdage atimang ling hanandramdage deteji;aninji batte Kitungan deteji;aninji batte Kitungan

abangsa bara harte. abangsa bara harte. (Hanangber 8:12)(Hanangber 8:12)

Hen galamtai do ayengante amandraji Kitungan ad'ong bantongteji, do Kitungan

atimang ling hanandramdage deteji;aninji batte Kitungan

abangsa bara harte. (Hanangber 8:12)

as'ing birindan saring Jisun abara lumben asan gabrij'elinji. 26 mandra abyar j'elin tabbubdan hangleji Kitungan ad'ong sanensenan de-ete.58 mandra tabbubdan ahanglenji amandraji yante gamle derna do janggardalingan yante gamle manarangan deteji garbirba. Nagla agorjang ling do Jadhonpur aranukkuling Girjasingan sabjaben asan jannongan ahiben sanaisaij abasuyem gamle garberba. Banabas amanengba yante gamle bangsa anobling baran susunan dete garbirba. 4. Punjab Brara jannogan:40Granthagarh aranukku ling tabmedage Girjan susunan dele Kitungan ad'ong sanensenan de-ete. 36 mandra abyar j'elin tabbubdan hangle derna maranji amapara mailin Girjatenji. 35 Gorjang lingan togalan adnang bangsa anobling soban dele. 3 s'ing birindan amandraji bangsa anobling biran amdangben asan itsumteji. Do Khaira aranukkuling mainaben asan itsumteji.80 mandra tabbubdan apsele oskai dakuji. Garberba yante gamle Tammana do Sonia bzmbzm darimadnan saring sanamangan hangteji erdirna mar Baljider Singh yantegamle Jisun apsele himnan hangte. garberba gardin batte tanangadan dean dele bzmbzm lingan daku. Jisun ad'ong asaitenji amandraji apsele 40 Gorjang lingan Soban yante gamle dete garberba. 5. Haryana Brara jannogan:15Rekhan Jisu Kristun ahimling kulma janggardan anab kalkaling saring sanamangan dele. Vishwavani lingan bara boij Geeta aninjidam apsele barasu singan sabjaben asan; Kitungan asuyem batte sanayaman hangleji. Radhaksha lingan Baibol bir hangna ompun susunan dele. Kunden do Rakesh asulingan dakuan dakule Kitungan anabsitta imna hangle name aninji sakki beran oblingteji.New Delhi lingan Tabme bara maranji apsele saneda baran dete garberba. Radha birrisum bzmbzm lingan daku yante gamle samangte garberba. Shevil do Nalea.. ling derna maranji adanisam yante gamle manarangan dete garbirba. Bara mar sunil kumar do John Chauhan yantegamle suka samang dakutenji garbirba. 6. Delhi Brara jannogan:02Ayengante atudru mandra abyar j'elin tabbubdan hangleji asakkibiranji oblingle Kitungan ad'ong senteji. Kun soban sanle 20 mandra Kitungan anabsitta hangleji. Okij 7 mandra Kanjankuj amanengba abyar j'elin Girjalingan maidamtenji. Madanpur lingan danggardanji asoba dile sukalaran dete. Kani lingan aturdutinanji amandraji dirna lingan marangle yantegamle Kitungan ad'ong senteji garbirba.Priyonka gorjang ling adelen asoba ling, ayengante amandraji bangsa anobling biran amdangleji; yantegamle Kitung lingan tan'ulan hangteji garbirba. Sarita Bihar do Khadar s'ing lingan adeten amaina tanurdu soba yante gamle Kitung ganalam lingan marangteji garbirba. Rajun gail-mar dakule aomdaeten asan, anin do akuddub s'ing birindanji tanamderan hangteji garbirba. 14 mandra tabbubdan hangben asan hangna lingan dakuji garbirba.7. Rajasthan Brara jannogan:78Kanwara agorjang ling Buhangan Durgan as'ing Kitungan asanabyu janaban ambrij dakkueten. Laghuni do Padikala aranukku ling derna maranji manarangan deteji. Papu as'ing birindan tanamderan sanle erzdnage mandrengnan abhanateji Kitungan ad'ong sanensenan de-ete. Vikram itente akua sabjaeten kun batte, kun amanengba saroba lingan do jannong lingan d'an ardute Kitungan ad'ong sanensenan de-ete.Magwas do Nenbara agorjang lingan Kitungan a berna jateji. Paliyakheda agorjang lingan Girjasingan sabjaben asan jannonagan hiben dete garberba. Limbidi gardin batte tanangadan dean dele ajingan aldzngle yantegamle samangte garberba. Bahaycha amanengba duaih suman abara yantegamle sangaite garberba. 8. Uttar Pradesh – Lucknow amanengba Brara jannogan:16Kitungan ad'ong sanensenan de-ete, Kitungan abara asan bara maranji apsele 3 saikolan' sanayaman hanglabe. Madari pur aranulluling Rampal akalla mar yante gamle amdangben asan Kitungan ranabten tiyte garberba. Adarsha Nagar gorjang ling Guddi bo sing birirndanji


kulman anab kalkalling dakuliji, bindo Kitungan ahimling sanamangan deleji. Bara maran Ram Avtar ayang bzmbzman saring Kitungan anin ad'ong absamangeten Kitungan ad'ong sanensenan de-ete. Garberba yantegamle Khiriyawale agorjang amandraji bangsa anoblingbiran dertenji. 100 Hindi Baibolan sanaisaij tabmedage tabbubdan ahanglenji amandraji apsele. Vijauli do Anganepur aranukkuling dirna maranji yantegamle manarangan deteji kan apsele garbirba. Sumitra Devi do Pooja Devi yantegamle pasijan hangteji garbirba. 9. Uttar Pradesh – Varanasi amaneng Brara jannogan:31 Jiaun ahim ling Madhu Ram Birrisum bzmbzman saring sanamangan dele. Vishwavani sanle 320 mandra d'onglingan ersamangan saring regaman hangle sanamangan hangleji. Bara maranji sanle 75 bangsa anoblingan er ardu Gorjangan adakun agorjang anardun dele. Tabme derna maranji asobaling adelin ahananganji amdangle 53 s'ing birinda abyar j'elin tabbubdan hangleji.Tejpur agorjang ling dungnapung bzmbzman batte pasijanji boi boi balai dakuji garberba. Kotwa do taraya agorjang ling adeten abangsa anobling bara yantegamle jan'odage dete garbirba. 25 Gorjangling ranukku lingan abmang god bara maranji agalesaranji tartumben apsele yantegamle anumengan hanteji soban dete, garberba. Newadhiya agorjang lingan Silaikab baran ahanang ahangtenji atonananji yantegamle tiki ayamling aninji apsele banangsan dete garberba. 10. Bihar Brara jannogan:26Manoj do Dilip Ram as'ing birindanji ampara Bikrampur Baibol hangna ompu lingan saring hanangan hangteji. Biswa Karma Ram Tenduni agorjang saring bangsa anobling biran amdangle gailan omdaete. Kitungan ad'ong ganugun de-ete. Nowable boij Sabitri rabti aggije, bangsa anobling biran amdangle; Jisun aranabti batte yantegamle gijte garbirba. Kulhariya do Kaodia agorjang saring mandranji bangsa anobling biran amdangben apsele manarangan deteji. Kitungan ad'ong sanensenan de-ete. Sonpur bai Jagjivan bog gail-mar, yantegamle Kitungan aranabraban hangte garbirba. Katesar gorjang lingan anoblingan adelen abangsa anobling biranji yantegamle jan'odaghe dete garbirba. Bairiganj do Raselpur agorjang aderna maranji yantegamle bangs anobling ber bara lingan tiydamtenji garberba. 5 minhum dele Bijay Ram gorjangan saring bayiran dakuji, garbirba yantegamle sanabyun batte abo maina tanurdu lingan rabti dakutenji.11. Jharkhand Brara jannogan:47 Khuta ranukku ling Ajay Munda Kitungan amandraji ad'ong tamderte,yantegamle Kitungan ad'ongan jabte garberba. Do abyar j'elin Girjanaben apsele maidamten. Sunil Khujur uggar anasuda bzmbzman saring sanamangan hangle, do asanamangan asan sakki biran oblingte. Puja Devi Adar agorjang boij er marid janggardan anab kalkal saring garbiran batte samangle sakki biran oblingte. Anlen Porha do Pajhri agorjangba Kitungan arabsuijan do rubmang baran sanle baran lanuman dete Kitungan ad'ong sanensenan de-ete. Garbirba Kiri Orang 15 minhum saring birrisum bzmbzman batte daku. 600 mandra tabbubdan ahangben apsele a oskai daku, 15 Psaijanji Nawatoli Pasijanji a harangna sing ling mailinji. Yantegamle tiki ayam aninji apsele banangsan dete. Garberba Bero training center saring hangnan atabkudlenji 21 danggardanji Kitungan abara apsele hanandraman deteji.12. Sikkim Brara jannogan:16Amrita Subba bo s'ingbirindanji Kitungan ad'ong gangkilben asan itsumteji. Darap do Singpeng aranukku saring 8 mandra tabbubdan hangleji. Tesenthang aranukku ling derna maranji manarangan deteji. Gaikhana agorjangba yirben apsele tangoran sanabjan dele Kitungan ad'ong sanensenan de-ete.Rakshey a aranukkun saring 3 sing birinda amandraji tabbubdan hangleji. Kharka Bahadur tabme abyar j'elin Kitungan abirna do dirna lingan manarangan deteji. Melli ranukkun adirna maranji batten adam gorjangban bangsa anoblingber baran yantegamle dete garbirba. Hathidunga do Bhalutang aranukku ling adeten Kitungan ad'ong jaben asan aitsumtenji


amandraji a soba sanle yantegamle mandranji abyar j'etenji garberba. 13. Assam Brara jannogan:55Salakati aranukku saring 2 sing birinda amandraji abyar j'elin tabme mandrengnan hangleji. 1120 gorjang lingan bangsa anobling biran abarduben sanaisaij gamle ganalaman dele, Kristunaben apsele aitsumtenji amandraji sanle 122 gorjang lingan bangsa anoblingan abnoblingan dele. Do 151 tabme anosaij baibolan bananten dele. Garberba, bara maran Hiranya Rabha abara sanle yantegamle Harimuta agorjang ling Girjanan susunan dete.41 mandra tabbubdan ahangben apsele oskai dakuji. Gendera, Jalpara do Kaliachowk...agorjang ling yantegamle Girjasingan rabti dete garbirba.9 ranukku ling Girjasingan ayar yar Girjasingan kantin asabjaben daku, Bartipara do Lakhigaon aranukku ling dirna maranji manarangan deteji.14. Tripura Brara jannogan:67Ruthai Kami gorjanglingan yanganji apsele soban adelin asan; Udaipur agorjangan anabsittan dele. 34 mandra Jisun ad'ong jale tabbubdan hangleji. Bothuakami aranukku ling derna maranji bangsa anoblingber baran apsele umengtenji. Sridebi Reang asu bzmbzman saring sanamangan dele do as'ing birindanji derna lingan manarangan deteji, Kitungan ad'ong sanensenan de-ete.Dhalai amanengba meleriya bzmbzman daku, yantegamle sangaite garberba. Lalbumi abob lingan kanalkalan daku yante gamle samangte garbirba. Khatirong do Dhanyarani a s'ing birinda maranji ampara yantegamle anablun hangteji garbirba. Vishwa Vani kami training center lingan 30 mandra Kitungan abara lumben asan hangnan susuteji garbirba.15. West Bengal – Darjeeling amanengba Brara jannogan:51Sanyasi agorjang ling Sunday School hanangan susunan dele. Garbiran sanle Sarita Urang do Kerobinkujur er marid janggardan anab kal kal saring urnan hanglenji. Jadeep anin gardin atanangad batte kal kaldam dakule, bindo garbiran sanle samangle tabme dage mandrengnan hangle.Kitungan kun gorjang lingan dirna maranji apsele, tarzlna jannongan hanangan dele. Singhijhora amandraji Kitungan abirna amdangleji, nami bar okij amdangle dirna lingan manarangan deteji. Keotaline agorjang ling Girjasingan asabjaben apsele susunan dele. Sumitan as'ing birindan duaih suman anab kalkalling daku. Baladina kenser bzmbzman batte kalkaldam daku, Jisun yantegamle absamangte garbirba.16. West Bengal – Kolkata Brara jannogan:2510 minhum atiki Sarisha aranukku bai Moyna Haldar akudonlen asan Kitungan ahim ganugun de-ete. Rabindra Patra gardin atanangad saring rwbmangdage ranabranan adelen asan biggardanji amangba sakki beran oblingte. Lakhin Hasda Mutta bzmbzm mar Kitungan saring sanamangan a imna hangle. Ajay Besra bias jadan batte ranamraman dele janangden, Jisun asuyeman asan tabme mandrengnan ahangtaben ambrij lan'un dele. Ajay Das bangsa anobling biran amdangle Gail baran omdale nami Baibol hangna ompu lingan mailin Kitungan abirna amdangte. Kasipur agorjang ling Kitungan abara apsele adunglen atanamderanji yantegamle sangaite garbirba. Mendipur do Mirajpur agorjang amandraji ampara Kitungan abra apsele yantegamle tabmetabme imalam maranji dungteji garbirba. Biswajit Murmu butente uggaran anasuda bzmbzm lingan daku yantegamle Jisun jable absamangte garbirba. Chandal Mandal Kitungan abara atanamder mar yantegamle abyar j'eten garbirba.17. Odisha – Ho, Santali Brara jannogan:2730 mandra abyar j'elin tabbubdan hangle dirna maranji ampara Girjalingan maitenji. Tabbubdan ahanglenji 10 mandra dirna lingan marangle, yantegamle sakki biran oblingteji garbirba. Devendra Pingua Kitungan abara apsele surpeddamneten. Bonyajurdi aranukku adirna maranji bangsa anoblingber baran lumben asan itsumteji Kitungan ad'ong sanensenan de-ete.


Ananda Gagorai bagu Minhum dele asun batte sani darimadna lingan daku yantegamle samangte garbirba. Karanjia amanengba Kitungan abara apsele agi'jten adanangdang baranji yantegamle sangaite garbirba. Thakurmunda do Ananda pur agorjang ling Girjasingan asanabja bara yantegamle kun ampara Khadibahala aranukku ling janang baran takudte garbirba. Singada Sahi aranukku apsele Kitungan ad'ong gangkilben asan danebdeb jananbanji sanaisaij garbirba. 18. Odisha – Kandhamal Brara jannogan:23Kurimunda ranukkun saring 2 mandra abyar j'elin tabbubdan hangleji. Rankanidhi Digal as'ung birinda maranji ampara tangor tanangadan saring Kitungan rabrabetenji. Malicka sahi aranukku ling tonananji asoba adelen asan Kitungan ad'ong ganugun de-ete. Kunu Digal do Budulu Digal Kitunganasuyem batte asu bzmbzman saring barij sanamangan ahanglenji asan sakki biran oblingteji. Garbirba yantegamle banabyen hangte.Tuni atanongba kahidle, Pradhanpada ag'ijten atanamder yantegamle sangaite garbirba. Adam gorjanganji, manan Nandini do Panasa Sahi Pradhanpada aranukku adirna maranji batte yantegamle bangsa anobling biran harte garbirba. Modhubati do Kisor Digal Kidny bzmbzman daku garbirba. 19. Odisha – Paralakhemundi Brara jannogan:90Jogeswar Mandal amandrengna do asakkiber batte 6 mandra Jisun na ablu mar len gamle jaleji. 4 mandra abyar j'elin tabbubdan hangleji. Kuntiatuta ling Kitungan ad'ong gangkilben asan tabmedage Girjasingan sanabjan dele. Jharana do Bisrampadia aranukku ling dirna maranji dirna lingan manarangan deteji. Kitungan ad'ong ganugun de-ete. Jhuntia Sahin saring 4 s'ing birinda amandraji Kitungan abirna amdangleji ynategamle anablun hangteji garbirba. Garbirba, yantegamle Sobalda do Lumdasing aranukkuling Girjasingan asanabja bara hadab ayamling takudte. Prasanta Mandal uggar anasudalingan daku yante gamle samangte garbirba. Buraipahada do Pekot agorjang saring 17 sing birinda amandraji Kitungan abirna amdangleji, yantegamle abyar j'elin tabme mandrengnan hangteji garbirba. 20. Odisha – Sambalpuri amanengban Brara jannogan:21Bandpada agorjang saring 3 sing birinda abyar j'elin tabme mandrengnan hangleji. Dulusor agorjang saring mandranji bangsa anobling biran amdangben apsele mandranji itsumteji. Boudha amanengba bara maranji basule bangsa anobling biran oblingben asan barasu s'ingan hangleji, Kitungan ad'ong sanensenan de-ete. Drona do SabyaChhatriya abyar j'elin tabbubdan hangleji. Haripur agorjangling, lungud lingan adakun as'ing birinda marji yantegamle anablun hangteji garbirba. 4 Gorjang lingan Girjasingan asanabja baran lumle daku do yantegamle hadab ayam lingan tanabkudan dete garbirba. Sindoul ranukku apsele garbirba. Sasmita Tandia butente anab maya bano maranji abara batte duaih suman anab kalkal banantong lingan daku, yantegamle ranab raban dete garbirba.21. Chhattisgarh Brara jannogan:42Vinod Ratrey kardule, bindo garbiran sanle rabti gijte; Kitungan ad'ong Ganugun de-ete. Abhanpur agorjang lingan adelin danggardanji asoban sanle 90 danggardanji Kitungan anabsitta imnan hangleji. Nagendra Kumar Kitungan ataniytiy manbrij kampong j'on hangleji. Kikasum bzmbzm anasudan saring Rameshwar Sahu garbiran sanle sanamangan dele. Mega Voice sanle 200 mandra Kitungan abirna amdangle Kitungan asuyeman hangleji Kitungan ad'ong sanensenan de-ete.55 tabme gorjang lingan bara maran hangben asan omdile garbirlingan dakuji. Sanna insalo sij Sarda 3 minhum dele asun batte darimadna sandi lingan daku. Garbirba Khardhori aranukkuling girjasingan asanabja baran yantegamle hadab ayamling takudte. Bara mar Raichand adanggardai on Shristy Sagar Operation dele, yantegamle umengle samangte 22. Madhya Pradesh Brara jannogan:46Mamat kabhiddamnaben apsele susule, Bindo bangsa anobling biran amdangle lu'ule. Mahi bangsa anobling biran amdangle do gasalan omdale asan, akuddub s'ing birindan amandraji


m'oihtenji. Kitungan ad'ong sanensenan de-ete, Rewa Jilla ling adakun akuddub baru gorjang lingan bangsa anobling baran lumben asan royonganji urnadage daku. Ram Krishna akuddub s'ing brinda maranji tabme ganardin adelenji asan Kitungan ad'ong Gangkilben asan sibtaij berrenji. Yantegamle Ramesh Maravi Newsa agorjang ling tanamderan hangte, bindo Kitung lingan dainan dete garberba. Tulasi Jisun amang adirneten asan tanamderan hangte garbirba. Bara mar Ram Ahirwar butente okij bar okij bob anasudan batte kalkal dete yante gamle samangte. Baheri do Gadigamma aranukku ling Girjasingan asabjaben asan jannongan hibendete garbirba.23. Gujarat – Dahod Brara jannogan:36Jisun amang abyar j'elin 11 mandra tabbubdan hangleji. Mandva a gorjang ling abyar j'ena maranji adanisam manarangan dete. Kalpan agorjang ling Girjasingan asanabja bara boi boi man'oihan do sanensenan batte susunan dele. Shaileshbhai Ninama batte V gorjang ling bangsa anobling ber baran hare. Anin b'oban ansuda bzmbzm mar dakule, bindo Kitungan ad'ongan absamangten.Dahoda Jilla lingan danggardanji apsele Soban ganabrin dele, yante gamle anojoraian dete garbirba. 30 Gorjang lingan bangsa anobling ber baran abj'unben asan sanengsengan daku garberba. 12 manbdra tabbubdan ahangben apsele oskaiduji yantegamle dirna lingan marangteji garbirba. Bangsa anobling sabanji sanle yantegamle tabme tabme mandranji ranabangan dete garbirba. 24. Gujarat – Dang Jilla Brara jannogan:22 Buhangan Yasvant bai avlvi gasalan omdaben asan jibjib birneten. Kelipada agorjang saring Vijay Vamvi as'ing birinda Kitungan anabsitta jananban ambrij sanabyun hangleji. Garbiran sanle Devliya bai kulma janggardan anab kal kal saring barij sanamangan hangle. Bhitghar agorjang ling susunan adelen aranukku ling dirna maranji dirna lingan do danisam lingan manarangan detiji, Kitungan ad'ong sanensenan de-ete.Buhangan Budha bai Kitungan abara asanggem mar, yantegamle tabme ganardin dete garbirba. Shivarimal do Jogtava aranukku ling dirna maranji yante gamle dirna lingan manarangan detiji garbirba. Abmang god maranji apsele adelen asobaling rualen hanangan ahanglenji amandranji yantegamle barij ranabtin batte as'id janggardanji ad'ong rukkuben apsele anumengan batte abmang godtenji garbirba. Usha Ben ad'ong lingan purpur bzmbzman dakun asan halen adrabtie, yantegamle Jisun ahim ling samangte garbirba.25. Maharashtra Brara jannogan:65SidhirBhavane abarasu sing Baibol bir hangna darakuna dele. Kitungan ad'ong sanensenan de-ete. Thorat as'ing birinda Gachiroli agorjang saring Kitungan abara apsele abmanggod

thmar deliji. Shihora agorjang ling anab 4 tara apsele Girjasingan anaim sanensen abduran boi boi sanen kanendran batte dele. Gojegaon do Soundad agorjang ling Girjasingan asanabja baran Kitungan atam sanengsengan ambrij dele. Kitungan ad'ong snensenan de-ete.Linjewari agorjang amandraji bangsa anobling biran ajaben apsele itsumteji. Yugthkre ani bo balai-mar do kungdai purpur mar do Mahadev Lonare dirnan saring dayargudle balaile, yantegamle dirna lingan marangteji garbirba. Roha, Salwada do Sukdi agorjang ling Girjasingan sabjaben apsele jannongan hiben sanaisaij. Bar dirna maranji dirna lingan do danisam lingan yantegamle manarangan dete; kan apsel garbirba. 26. Telangana Brara jannogan:63Badakandathanda saring 3 mandra abyar j'elin tabbubdan hangleji. Madharam agorjang saring 5 s'ing birinda amandraji abmang tara apsele bangsa anobling biran amdangleji. Gupa maran abarasu apsele barasu singan asanabja Kristrainpally do Kandamadugu aranukku ling susunan dele. Thorrur aranukku ling agirjatinanji amandraji adanisam marangle nami 50 dele, Kitungan ad'ong sanensenan de-ete. Rangamthanda agorjang ling


Kitungan aranukku ganutulan dele, 7 Gorjang lingan Girjasingan asanabja bara hadab atanabngij ayam lingan takudle. Talamaduku,Kapparla do Tarnam aranukku amandraji bangsa anobling bara lingan tiydamtenji. Girjasingan sabjaben asan Mamillagudem,Boath do Godariguda apsele jannongan hiben sanaisaij. Kan asan garbirba. 27. Andhra Pradesh – Visakhapatnam Brara jannogan:50Jodimamidi agorjang saring 4 sing birinda abyar j'elin dirna maranji ampara mailin girjatenji. Tabmedage Girjasingan Sangamavalasa, Verlamamidi do Padigunta agorjang adelen asan kitungan ad'ong ganugun de-ete. Ranginivalasa agorjang ling bangsa anoblingan asan Kitungan sanangan rzeten. Eedulaputtu agorjang ling adelen asoba batten 100 mandra Kitungan anabsitta hangleji. Paderu amaneng saring 8 mandra abyar j'elin tabbaubdan hangleji. Pangi Appanna kikasuman asan okij bar okij gungte,Logili aranukku amandraji bangsa anobling bara lingan aturdunaben sanaisaij. Surlapalem… agorjangling baranaben apsele Megaphone sanaisaij. Jhancy as'ing birinda, butente 12 minhum adanggardi karahidan hangle abanabyenji apsele garbiran sanaisaij. 28. Andhra Pradesh – Vizianagaram Brara jannogan:58Bommika gardalingan adelen bangsa anobling soban batte, tabme tabme mandranji bangsa anoblingan amdangben asan mangbalen yirtaiji. Tabme dirna mar Laxman do as'ing birindanji Karakovalasa lingan baran susuteji. Ayengante amandraji Chapuruvalasa lingan mailen Girjatenji, dirna lingan manarangan deleji. 15 Gorjang lingan togalan adnang adelen anum garber batte gorjang lingan rwbmangdage Kitungan abaraji ganijtan dete! Tammirajupeta… agorjang ling Prasad Rao Kitungan abara dangdangte. Yante gamle abyar j'eten garbirba. Suri Babu Rangupuram abmanggod mar amang Kidney bzmbzm lingan daku yantegamle samangte garberba. Itika aranukku amandraji aboi Girjasingan ahangben asan Garbirteji. Kondaparthi agorjang saring bangsa anobling biran amdangle, Kitungan aranukkuling amainaben asan itsumteji garbirba. 29. Andhra Pradesh – Vizianagaram Sora Brara jannogan:73Rusini colony saring P Boddu ateng tanamderan hangte, bindo Jisun asuyemann batte uyub sanayin hangle s'ing birinda lingan akuddub mandranji Baibol hangna ompu lingan maitenji 24 mandra apintudamanji iman imlen tanamadan ahangben asan abpengbale, tabbubdan hangleji. Lachana as'ing birinda maranji gasalan omdaben asan sibdaij birrinji, do nami aninji dirna maranji ampara mailin Girjatenji. Bara mar B Nageswar Rao as'ing boi bzmbzm lingan daku yantegamle Kitungan ad'ongan absamangte garbirba.Ushakonda do Sikhalapai agorjang ling yantegamle Girjasingan sanabjan dete garberba. 35 mandra tabbudan ahangben asan oskaina lingan dakuji garbirba. Bangaru butente Kitungan abara dangdangte yante gamle Kitungan aberna jate garberba. Kannayaguda, Jolaguda do J.K. Padu agorjang ling Kitungan abara lumben asan yantegamle sanangan rzten garbirba. 30. Karnataka Brara jannogan:40Bara mar Jackson, gardin batte tanangadan dean dele oparetion abmean abmele ganadan dele. Yantegamle sanamangan hangte garbirba.16 mandraji abyar j'elin tabbubdan hangleji. Uma auggar anasudan saring garbiran batte, samangle nami anin Gudacheluru adirna marji ampara mailin Kitungann ad'ong sente. Manjamman as'ing birindanji man'oihan batte Parsurampura Bible hangna ompu lingan mailin Kitungan abirna amdangteji. Tabbubdan hangben asan 150 mandra hangna lingan dakuji, K.P Doddi ganutulan adelen aranukku sanle adam gorjangban adakun amandraji bangsa anoblingan batte yantegamle anabsittan deteji garbirba. Chellekere agorjang bai Proven kencer bzmbzm lingan daku yante gamle samangte garbirba. Mallasamudra agorjang ling Kitungan apsele agalamben amandraji asoba dete. Garbirba.


July 13 tarikon Palayamkottai Centenary

Hall l ingan 650 mandra rukkulen

garbirrenji, yante gamle kan baranji

manarangan dete. Kitungannad'ong

sanensenan de-ete.

West Bengal do Andhra rajaman saring 20

bangsa anobling bara maranji kan bara

l ingan tiydamlen Kitungan ad'ong

abguguteji. Dirna maranji agarbir asan dile

go r j ang l i ngan ade ten aba ran j i

manarangan dean dele, j'onji dungte.

Kitungan arajam amanarang apsele do

bara maranjiu yantegamle surpeddmtenji;

mandranji dirna dage garbirringan

tiydamtenji. Akuddub bara maranji butente

anlen ampara baratenji alimtaiji.

Tirunelvely Jilla lingan bara anab hana

maranji as'ing birindanji ampara do

ayengante a dirna marnji kan baran apsele

taniytiyan tiyle sayamben asan do tabme

Gorjangban Kitungan abirna tabmedage

abarduben asan itsumteji ad'onganji

janang asentaiji.

- Tamil Selvan, Co-ordinator

Bara maranji bara lingan dakuata

dakuata baranji sakkai loge yangamle

lanuman dete, ad'onganji anabayim,

anabumeng do anab kzlkzl hananganji

dete.

Sanengseng-len yantegamle baran

adeten akuddub gorjang ling baibol

hangna ompun susnan dete. Kan asan

akuddub gorjang lingan mandranji

ababyar j'eben apsele d'onglen

anabkzlkzlan dete. Kan baran

Kitungan aranabte batten dete.

Sikkim rajam lingan adakun Himalaya

barun ajanaita agorjang ling 73 mandra

baratenji. Do ad'onganji Agusto 1

tarikon saring B min Training taniyan

deteji.

Kanin hanangan asanengsengan;

bara maranji Kitungan alumten a jaru

do rwbmang bara hananganji sanle

galamle, dirna maranji ad'ong

gadlamle ad'onganji Jisun ambrij

hanangna maranji abmeben dete.

Do tiki ayam ling aninji tangboij tangboij

maradna arengan, manan sakkaij bara

mar dean dele aninji sanle er ardu

gorjangban bangsa anobling biran

arduete. Do bara maranji kan ambrij

arabsuijdage abara lumeteji. - Ashanand Lima

SANAYAM MARANJI AD'ONG SANAYAM MARANJI AD'ONG

KITUNGAN ANABSITTA..KITUNGAN ANABSITTA..

SANAYAM MARANJI AD'ONG

KITUNGAN ANABSITTA..

Hanangan ahangnaben dete…Hanangan ahangnaben dete…Hanangan ahangnaben dete…


uhangan amarsing Bhai 43 minhum Gujurat disa lingan 9 minhum sikkoija

baraneten kun rajam lingan anin bo panuangan ambrij g'ijle. 5.8.2019 adnang

Karutta gorjang ling baraneten. Adam gorjangbanji bangsa anobling baran lumben

asan Kitungan ad'ongan aur do murda dage handrameten. Kan asan Surat Jillan

Mandvi talukan abaran hare. Ayengante agorjang anin ardule kun gorjang lingan

Girjasingan sanabjan dean dele, dirna maranji dirna lingan ahamangtudge deleji.

Mandranji amang ling banandan adeben asan Kitungan ad'ong bo rwbmang

janabgi handrameten. Kan asakki bir Tuked,Bedkuba,Junwan do Singalwan adirna

maranji sakki birtenji.

Anin Jisun apsele Soa soa janggardanji ad'ong labameten. Gasal maranji ad'ong

gasalan abomdaeten. Duaaih do bzm bzm maranji ad'ong sanamangan tiyben

asan mandranji ad'ong Patal Ranukku ling rukkule bangsa anobling biran

gadlametenji. Bar Vasava do Chaudhari jattinji amangling janang Kitungan atiyeten

aranabti batte bangsa anobling biran oblingeten. Anin ababyar j'ele 89 mandra

ad'ong tabbubdan tiyeten. Do tabbubdan ahangben apsele 15 mandra ad'ong

oskaiete.

Bindo abubmung dage July anggai atanakudban ad'ongan ajandrum sengan

erbararadage dele. Anlen anagajanang er ogandi Kitungan ad'ongan tiyte baiya

loge gudingte gamle. Anin ruangban yirben asan asuyem royongan hangeten.

Abasuyem gamle as'ing boijan Meera Been amaddan kaddable yanarmeng dinna

lingan atanongban ampara arrabangteji do Kitungan ampara ayaman atardayam

sikkoija dakutenji garbirba. Apsijanji bagu, manan Isak Kumar 12 Class do Ignash

Kumar 7 Class apsele garbirba. Yante gamle aninji imtenji do A U'anji Jisun ampara

daku gamle. A turdu bara maranji do dirna maranji ad'ongan apsi'dan aps'idle

dukkana j'en batte dakuji yantegamle a edana j'enji banabyen hangteji garbirba!

B

Am

arsi

ngh

Bha

i Am

pra

anin

a S

’ingb

ojan

do

a’on

anji

Vishwa Vani Samarpan / September 2019 / SouraVishwa Vani Samarpan / September 2019 / Soura

Panuangan Apahidten Ambrij, Amarsingh Bhai

Monloi Kutta lingan tabme dage Girjasingan sabjben asan

sanayaman atiytilenana Kitung ad'ong sanensenande-ete.

Manan, Punjab,Andhra Pradesh do Karnataka;

sanensenan de-ete butente rubmangdage janggardanji,

kan kutta lingan amdungte. Janatti Grberan derna dage U'anji

saring dete.

For Private Circulation only

VISHWA VANI SAMARPAN - SOURA LANGUAGEPrinted and Published by P. Selvaraj on behalf of VISHWA VANI, a registered society ( Regn. No.17871 of 1987)

and printed at CAXTON Offset Pvt. Ltd., 11-5-416/3, Red Hills, HYD-04. and published at 1-10-28/247,Anandapuram, ECIL Post, HYD-62. EDITOR: P. SELVARAJ.

Rs. 10/- Vol. 05 - Issue 04 September 2019| | … SO.pdfAyengante amandraji kalborinn alangkaling...

Documents

Transcript of Rs. 10/- Vol. 05 - Issue 04 September 2019| | … SO.pdfAyengante amandraji kalborinn alangkaling...