Republika Kosova/Republic of Kosovo Instituti Gjyqësor i ... · Me miratimin e ligjit nr. 02/...
Transcript of Republika Kosova/Republic of Kosovo Instituti Gjyqësor i ... · Me miratimin e ligjit nr. 02/...
Qwertyuiopasdfghjklzxcvbnmqwertyuiopasdfghghjklzxcvbnmqwertyuiopasdflzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuopasdfghjklzxcvbghjklzxcvbnmq Prishtinë, korrik 2013 rtyuioprtyuipd fghjklzxcvf rtyuiopasdfghjklzxcvf
Republika e Kosovës
Republika Kosova/Republic of Kosovo Instituti Gjyqësor i Kosovës/Kosovski Institut za Pravosudje/Kosovo Judicial Institute
RAPORTI
PËR ORGANIZIMIN, HARTIMIN DHE VLERËSIMIN E PROVIMIT PËRGATITOR PËR KANDIDATËT POTENCIAL PËR GJYQTARË DHE PROKURORË
Instituti Gjyqësor i Kosovës Provimi Përgatitor 2013
2
Tabela e përmbajtjes 1. HYRJE ......................................................................................................................................................... 3
2. QËLLIMI I RAPORTIT .................................................................................................................................. 3
3. HISTORIKU ................................................................................................................................................. 3
4. BAZA LIGJORE ............................................................................................................................................ 4
5. KOMISIONI PËR HARTIMIN E PROVIMIT PËRGATITOR .............................................................................. 4
6. STRUKTURA E PROVIMIT PËRGATITOR ..................................................................................................... 5
6.1 Provimi me shkrim ........................................................................................................................ 5
6.2 Provimi me gojë .................................................................................................................................. 6
7. QËLLIMET DHE OBJEKTIVAT E PJESËVE TË PROVIMIT ............................................................................... 6
8. SHPALLJA PUBLIKE..................................................................................................................................... 7
9. REGJISTRIMI I KANDIDATËVE .................................................................................................................... 7
10. HARTIMI I PROVIMIT PËRGATITOR ......................................................................................................... 8
10.1 Tryeza për Hartim të Provimit ....................................................................................................... 8
10.2 Tryeza për Rishikimin e Provimit ................................................................................................. 10
11. FORMATIZIMI, SHTYPJA DHE RUAJTJA E PROVIMIT ............................................................................. 10
11.1 Formatizimi i provimit ..................................................................................................................... 10
11.2. Fotokopjimi i materialeve të provimit ........................................................................................... 10
11.3. Ruajtja e fshehtësisë dhe siguria ................................................................................................... 11
12. PUBLICITETI DHE TRANSMETIMI I TË DHËNAVE TEK KANDIDATËT....................................................... 11
13. ORGANIZIMI DHE ADMINISTRIMI I PROVIMIT ME SHKRIM .................................................................. 11
14. VLERËSIMI I PROVIMIT ME SHKRIM ...................................................................................................... 14
15. SHPALLJA E REZULTATEVE TË PROVIMIT ME SHKRIM .......................................................................... 15
16. PROVIMI ME GOJË ................................................................................................................................ 15
17. REZULTATET PËRFUNDIMTARE ............................................................................................................ 16
17. ANKESAT E KANDIDATËVE .................................................................................................................... 17
18. MASAT E VEÇANTA TË NDËRMARRA PËR TË ARRITUR STANDARDET NDËRKOMBËTARE .................... 17
19. FALËNDERIM PËR MBËSHTETJE ............................................................................................................ 18
20. KOMENTET E MONITORUESVE NDËRKOMBËTARË ............................................................................... 18
21. PËRFUNDIM .......................................................................................................................................... 18
22. AKRONIMET .......................................................................................................................................... 19
Instituti Gjyqësor i Kosovës Provimi Përgatitor 2013
3
1. HYRJE
Trajnimi i kandidatëve për gjyqtarë dhe prokurorë të ardhshëm, para emërimit të tyre është një
prej funksioneve themelore të institucioneve për trajnimin e bartësve dhe bartësve potencial të
funksioneve në gjyqësi dhe prokurori. Kjo nisur edhe nga fakti se trajnimi gjyqësor është
esencial në funksionimin e një sistemi gjyqësor e prokurorial profesional dhe për garantimin e
pavarësisë, paanshmërisë dhe kompetencës profesionale e etike të gjyqësorit.
IGJK nëpërmjet Programit të Trajnimit Fillestar (PTF) ka zhvilluar programe trajnimi adekuate
në mbështetje të ngritjes së shkathtësive teorike e praktike të kandidatëve për gjyqtarë dhe
prokurorë, duke plotësuar njohuritë e fituara në kualifikimet e mëparshme, me qëllim të
përgatitjes së tyre për të ushtruar me sukses funksionin e gjyqtarit apo prokurorit.
Një shkallë të lartë profesionalizimi të kandidatëve për gjyqtarë e prokurorë të cilët trajnohen në
PTF e siguron Provimi Përgatitor. Organizimi i këtij provimi nga IGJK bëhet në bazë të
standardeve më të larta të cilat tashmë janë krijuar dhe zhvilluar nga gjenerata në gjeneratë.
Provimit Përgatitor në vitin 2013 i janë nënshtruar profesionistët ligjorë të cilët pretendojnë të
jenë kandidatë të gjeneratës së pestë (5) për gjyqtarë dhe prokurorë. Kjo mund të konsiderohet si
një e arritur solide e IGJK-së, pasi që nga viti 2008 kur ka filluar zbatimi i këtij programi,
Provimit Përgatitor dhe trajnimeve në Programin e Trajnimit Fillestar i janë nënshtruar dhe kanë
përfunduar me sukses 141 kandidatë nga katër (4) gjenerata.
2. QËLLIMI I RAPORTIT Nëpërmjet këtij raporti do të paraqitet në mënyrë të detajuar i gjithë procesi i hartimit,
administrimit dhe vlerësimit të Provimit Përgatitor për vitin 2013. Si qëllime kryesore të këtij raporti janë:
Paraqitja e punës së IGJK-së dhe Komisionit për Hartimin dhe Vlerësimin e Provimit
Përgatitor; Prezantimi i standardeve në bazë të cilave është administruar provimi; Prezantimi i rregullave dhe procedurës së hartimit, administrimit dhe vlerësimit të
provimit;
Prezantimi i aktiviteteve që i paraprinë zbatimit të Provimit Përgatitor;
Paraqitja e fazave të zbatimit të Provimit Përgatitor;
Prezantimi i masave të veçanta që u ndërmorën nga IGJK për të arritur standardet
ndërkombëtare në organizim të këtij provimi. 3. HISTORIKU Vitit 2013 është viti i pestë i organizimit të Provimit Përgatitor për kandidatët për gjyqtarë dhe
prokurorë.
Organizimi i këtij provimi ka filluar nga viti 2008 dhe gjatë katër gjeneratave provimit i janë
Instituti Gjyqësor i Kosovës Provimi Përgatitor 2013
4
nënshtruar 720 kandidatë nga të cilët 141 i kanë përfunduar edhe trajnimet në kuadër të
Programit të Trajnimit Fillestar. Provimin Përgatitor IGJK e ka organizuar në konsultim dhe bashkëpunim të ngushtë me KGJK-
në dhe KPK-në.
4. BAZA LIGJORE Me miratimin e ligjit nr. 02/ L-25, “Ligji mbi Themelimin e Institutit Gjyqësor të Kosovës”
(IGJK), nga Kuvendi i Kosovës më datën 23 shkurt 2006, IGJK-së i janë përcaktuar
përgjegjësitë si institucion udhëheqës në fushën e trajnimeve në kuadër të sistemit të drejtësisë së
Kosovës. Ndër përgjegjësitë kryesore të cilat janë të përcaktuara në nenin 2 të këtij ligji janë;
• aftësimi i bartësve aktual dhe bartësve potencial të funksionit në gjyqësi (gjyqtarëve
dhe prokurorëve) dhe • vlerësimi dhe organizimi i Provimit Përgatitor për gjyqtarë dhe prokurorë.
Ky ligj i vë bazat themelore për një institucion modern trajnimi për gjyqtarët dhe prokurorët që
ushtrojnë funksionet e tyre si dhe për përgatitjen profesionale të kandidatëve për gjyqtarë dhe
prokurorë.
“Në bazë të nenit 2.1.a dhe nenit 7 të Ligjit për Themelimin e IGJK-së dhe seksionit B 7 të
Rregullores Nr. 2006/23 për hyrjen në fuqi të këtij ligji, IGJK është institucioni i vetëm
kompetent dhe përgjegjës për organizimin dhe vlerësimin e Provimit Përgatitor për kandidatët
për pozitën e gjyqtarit dhe prokurorit”.
Mbështetur mbi këtë bazë ligjore organizimi i këtij provimi është paraparë dhe rregulluar edhe
me këto dokumente:
· Statuti i IGJK-së;
· Rregullorja për Programin e Trajnimit Fillestar dhe Provimit Përgatitor;
· Rregullat për Procedurën e Organizimit të Provimit Përgatitor;
· Struktura e Provimit Përgatitor.
5. KOMISIONI PËR HARTIMIN E PROVIMIT PËRGATITOR
Në bazë të nenit 8.3 (e) të Statutit të IGJK-së, Këshilli Drejtues i IGJK-së ka miratuar përbërjen
e Komisionit për Hartimin dhe Vlerësimin e Provimit Përgatitor.
Komisioni për Hartimin dhe Vlerësimin e Provimit Përgatitor për vitin 2013 ishte në këtë
përbërje:
z. Fejzullah Hasani, Kryetar i Gjykatës Supreme;
z. Enver Peci, Kryesues i Këshillit Gjyqësor të Kosovës;
z. Ismet Kabashi, Kryeprokuror i Shtetit;
Instituti Gjyqësor i Kosovës Provimi Përgatitor 2013
5
z. Ymer Hoxha, Kryetar i Gjykatës Themelore në Prizren;
z. Halil Ilazi, Avokat;
znj. Raima Elezi, Gjyqtare e Gjykatës Themelore në Prizren;
z. Muharrem Shala, Gjyqtar i Gjykatës së Apelit në Prishtinë;
z. Reshat Millaku, Prokuror në Prokurorinë Speciale të Kosovës;
z. Destan Rukiqi, Avokat;
z. Osman Ismajli, Profesor në Fakultetin Juridik të Universitetit të Prishtinës;
z.Erdogan Haxhibeqiri, Gjyqtar në Gjykatën Supreme të Kosovës.
Përbërja e komisionit të Provimit Përgatitor ka një gjithëpërfshirje dhe pasqyron edhe strukturën
etnike në Kosovë. Po ashtu pjesë e komisionit për provimin përgatitor janë edhe përfaqësuesit
më të lartë të sistemit gjyqësor e prokurorial duke përfshirë Kryetarin e Gjykatës Supreme të
Republikës së Kosovës, Kryesuesin e KGJK-së dhe Kryeprokurorin e Shtetit njëherit Kryesues i
Këshillit Prokurorial të Kosovës.
Me miratimin e Rregullores për Programin e Trajnimit Fillestar dhe Provimin Përgatitor nga ana
e Këshillit Drejtues të IGJK-së me datë 25 janar 2013, komisionit të provimit i shtohet edhe
Drejtori i IGJK-së në cilësinë e anëtarit mandatar.
6. STRUKTURA E PROVIMIT PËRGATITOR Këshilli Programor i IGJK-së miratoi strukturën e Provimit Përgatitor për vitin 2013 sipas së
cilës administrimi i provimit është ndarë në dy pjesë:
1. Pjesa e provimit me shkrim dhe
2. Pjesa e provimit me gojë
6.1 Provimi me shkrim
Kjo pjesë e provimit përbëhet nga pesë seksione.
Kjo pjesë e provimit u vlerësua me 90 % nga pikët e përgjithshme të provimit.
Numri i
pjesëve të
provimit
Titulli Përqindja e caktuar në
secilën pjesë të provimit–
Provimi me shkrim të
vlerësohet 90% nga pikët
e provimit
Pikat e caktuara
në secilën pjesë të
provimit
Pjesa 1 Testi i aftësive analitike dhe
Analizë e tekstit i përbërë prej
25 pyetjeve
5 % 50 pikë
Pjesa 2 Etikë profesionale e përbërë
prej 50 pyetjeve
30 % 300 pikë
Pjesa 3 Zgjidhje e shumëfishtë ligjore e
përbërë prej 50 pyetjeve
25 % 250 pikë
Pjesa 4 Ese me shkrim 10 % 100 pikë
Pjesa 5 Rast studimi nga drejta civile 20 % 200 pikë
Instituti Gjyqësor i Kosovës Provimi Përgatitor 2013
6
6.2 Provimi me gojë
Provimi me gojë ishte i përbërë vetëm nga një seksion.
Numri i
pjesëve të
provimit
Titulli Përqindja e caktuar në
secilën pjesë të
provimit
Pikat e caktuara në
secilën pjesë të
provimit
Pjesa 6
Rast studimi nga e drejta penale
(prezantim gojor)
10% nga pikat e
përgjithshme
100 pikë
Kjo pjesë e provimit u vlerësua me 10 % nga pikët e përgjithshme.
7. QËLLIMET DHE OBJEKTIVAT E PJESËVE TË PROVIMIT
Pjesa 1 - (Testi i Aftësive Analitike dhe Analizë e Tekstit)
Kjo pjesë e provimit është dizajnuar që të vlerësohen aftësitë e kandidatëve për të menduar
logjikisht dhe praktikisht gjatë zgjidhjes së problemeve, mënyrën e përdorimit të
informacioneve të reja dhe nxjerrjen e përfundimeve për vlerësimin e aftësive të kandidatëve në
leximin e teksteve të ndërlikuara nën rrethana të vështira dhe vërtetimin e kuptimit thelbësor të
tekstit. Nëpërmjet kësaj pjese vlerësohen aftësitë e kandidatëve për të lexuar shpejt dhe për të
nxjerrë çështjet e rëndësishme brenda tekstit si dhe për të bërë dallimin në mes të fakteve
relevante dhe irelevante.
Pjesa 2 - (Etikë profesionale)
Ka për qëllim që vlerësoj nëse kandidatët posedojnë njohuri të mjaftueshme për parimet dhe
rregullat kyçe të Kodit të Etikës Profesionale për gjyqtarët, prokurorët, gjyqtarët porotë dhe
avokatët si dhe aftësitë e aplikimit të dispozitave të këtyre kodeve. Lidhur me këtë, nga
kandidatët është kërkuar që t’i demonstrojnë aftësitë e tyre përmes ofrimit të përgjigjeve të
strukturuara për vlerësimin e njohurive lidhur me pyetjet e përzgjedhura.
Pjesa 3 - (Zgjidhje e Shumëfishtë ligjore)
Nëpërmjet këtyre pyetjeve synohet të bëhet vlerësimi i aftësive të kandidatëve mbi njohuritë
themelore të ligjit. Pyetjet me mundësi të shumëfishta mbulojnë të gjitha degët e së drejtës duke
përfshirë edhe pyetje nga e drejta penale, e drejta civile, të drejtat e njeriut, kushtetuta, e drejta
ndërkombëtare etj.
Pjesa 4 - (Ese me Shkrim)
Kjo pjesë e provimit është dizajnuar për të vlerësuar aftësitë e kandidatëve në shkrimit. Nga
kandidatët është kërkuar që t’i demonstrojnë aftësitë e tyre përmes ofrimit të përgjigjeve të
strukturuara, argumenteve cilësore dhe vërtetimin e njohurive lidhur me temën e përzgjedhur.
Instituti Gjyqësor i Kosovës Provimi Përgatitor 2013
7
Pjesa 5 - (Rast Studimi nga e Drejta Civile)
Kjo pjesë e provimit ka për qëllim vlerësimin e aftësive të kandidatëve lidhur me menaxhimin e
rasteve, marrjes së përgjigjeve analitike në vend të përsëritjes së thjeshtë të fakteve, për zbatimin
e ligjit bazuar në faktet e ofruara dhe arritjen e një përfundimi të arsyeshëm sipas ligjit. Gjatë
vlerësimit të aftësive të kandidatëve në këtë fushë, vëmendja është përqendruar në strukturën e
përgjigjes, kuptimin dhe analizimin e fakteve, identifikimin e çështjeve ligjore dhe zbatimin e
ligjit bazuar në fakte.
Pjesa 6 - (Rast Studimi nga e Drejta Penale – Prezantim Gojor)
Kjo pjesë e provimit është dizajnuar me qëllim të vlerësimit të aftësive linguistike dhe
shkathtësive për komunikim gojor të kandidatëve. Gjatë vlerësimit, kandidatëve u jepet
mundësia t’i demonstrojnë aftësitë e tyre në mënyrë gojore lidhur me një rast praktik, duke e
prezantuar me qartësi dhe në mënyrë të strukturuar dhe me aftësinë për të bërë arsyetim solid
bazuar në faktet e ofruara dhe ligjet e aplikueshme.
8. SHPALLJA PUBLIKE
Me datë 14, 15 dhe 16 maj 2012, në të gazetat ditore është publikuar shpallja publike për
organizimin e Provimit Përgatitor dhe pranimin e kandidatëve potencial për gjyqtarë e prokurorë
në trajnimet e Programit Fillestar për Arsimim Ligjor.
Me qëllim të rishikimit të plotësimit të vendeve të lira për gjyqtarë e prokurorë dhe përcaktimit të
numrit të saktë të kandidatëve për gjyqtarë e prokurorë nga ana e KGJK dhe KPK u kërkua që ky
proces të shtyhej për një periudhë të mëvonshme, për çka IGJK anuloi shpalljen publike dhe
gjithë procesin në maj 2012 deri në një afat të pacaktuar.
Pas përcaktimit të numrit të kandidatëve për gjyqtarë e prokurorë nga ana e KGJK dhe KPK, në
bashkëpunim dhe koordinim të ndërsjellë, KGJK, KPK dhe IGJK me datë 17 dhe 18 maj 2013 në
gazetat e përditshme bënë Shpalljen Publike për Organizimin e Provimit Përgatitor dhe
Programit Fillestar për Arsimim Ligjor, për 22 kandidatë për gjyqtarë dhe 12 kandidatë për
prokurorë.
9. REGJISTRIMI I KANDIDATËVE
Regjistrimi i kandidatëve për të marrë pjesë në këtë provim ka filluar me datë 20 maj dhe ka
vazhduar deri me datën 07 qershor 2013. Regjistrimi është bërë në zyrat e IGJK-së.
Për shkak të kritereve ligjore jo të njëjta për kandidatët për gjyqtarë dhe ata për prokurorë gjatë
regjistrimit, kandidatëve u është kërkuar që të deklarohen se për cilin pozitë do të regjistrohen.
Bazuar në këtë, gjatë procesit të administrimit të provimit është marrë parasysh ky kategorizim.
Gjatë kësaj kohe janë regjistruar 163 kandidatë ku 100 prej tyre kanë qenë meshkuj, 63 femra,
162 shqiptarë, 1 nga komuniteti serb. Nga ata, 104 kandidatë e kanë preferuar profilin për
gjyqtarë, ndërsa 59 profilin për prokurorë.
Instituti Gjyqësor i Kosovës Provimi Përgatitor 2013
8
10. HARTIMI I PROVIMIT PËRGATITOR
10.1 Tryeza për Hartim të Provimit
Nga data 07 – 12 mars 2012 është mbajtur tryeza e punës për hartimin e Provimit Përgatitor. Ky
provim është hartuar jashtë Kosovës me qëllim që pjesëmarrësit të koncentrohen vetëm në
hartimin e provimit duke mos u marr njëkohësisht edhe me obligimet tjera ditore që mund të
dalin papritmas si dhe për të treguar rëndësinë që ka ky proces dhe aplikimin e masave për
ruajtjen e rreptë të fshehtësisë dhe të sigurisë nga ana e pjesëmarrësve. Përveç anëtarëve të komisionit, në tryezën për hartimin e Provimit Përgatitor morën pjesë edhe
zyrtarë nga IGJK dhe monitorues nga OSBE, si:
z. Lavdim Krasniqi, Drejtor i IGJK-së;
z. Besim Morina, Udhëheqës i Programit Fillestar për Arsimim Ligjor; znj. Mary An Aguirre Shahin, Këshilltare Speciale e OSBE-së në IGJK; znj. Flutra Hoxha, Eksperte Ligjore e UNDP-së;
z. Ismet Sadriu, Asistent i Lartë Gjuhësor;
znj. Nora Dedi, përkthyese e UNDP-së;
1. Grupi punues për hartim të provimit
Në këtë tryezë pune, Drejtori i IGJK-së, z. Lavdim Krasniqi, prezantoi para anëtarëve të
komisionit qëllimin, rëndësinë dhe metodologjinë e hartimit të provimit si dhe prezantoj
udhëzimet e nevojshme rreth detyrave të anëtarëve të komisionit.
Para se të fillonte hartimi i provimit anëtarët e komisionit dhe i gjithë stafi tjetër pjesëmarrës
kanë nënshkruar një Deklaratë mbi Konfidencialitetin me të cilën morën obligimin që të ruajnë
sekretin lidhur me përmbajtjen e provimit dhe në asnjë formë të mos e publikojnë atë.
Anëtarët e komisionit kanë punuar të ndarë në grupe punuese, nga tre anëtarë secili grup, me
qëllim të hartimit të provimit në mënyrë të pavarur, në konfidencialitet të plotë dhe fizikisht larg
Instituti Gjyqësor i Kosovës Provimi Përgatitor 2013
9
nga njëri tjetri. Ata kanë hartuar pyetjet nga të gjitha sferat e së drejtës mbështetur në ligjet e
zbatueshme. Secili grup ka hartuar pyetjet në numër të njëjtë për secilën pjesë të provimit, pa e
ditur përmbajtjen e punës së grupit tjetër. Qëllimi i hartimit të më shumë se një versioni të
provimit ishte që të ruhet sekreti në mënyrë që asnjë nga pjesëmarrësit në këtë tryezë të mos di
se cili version i provimit do të përdoret nga kandidatët në provim.
Provimet e hartuara janë rishikuar për ndonjë pasaktësi eventuale apo gabime gramatikore në
formulim dhe çdo pyetje që është konsideruar e paqartë është diskutuar me grupin hartues dhe
është evituar çdo paqartësi. Pyetjet janë rishikuar nga Kryetari i Gjykatës Supreme, Kryesuesi i
KGJK-së dhe Kryeprokurori i Shtetit dhe Kryesues i KPK-së.
Përkthimi i provimeve në gjuhën serbe është bërë menjëherë pas rishikimit nga grupi rishikues.
Po ashtu edhe përkthyesit kanë qenë të ulur larg njëri tjetrit dhe kanë përkthyer pyetjet pa ditur se
nga cili grup janë hartuar ato.
Në fund të çdo dite pune dhe në fund të procesit të hartimit të provimit, pyetjet e hartuara, të
rishikuara dhe të përkthyera janë vendosur në USB e cila është mbajtur nga Administratori i
Provimit dhe janë fshirë nga të gjithë kompjuterët.
Kompjuterët ku është punuar provimi nuk kanë pasur lidhje interneti, ndërsa komunikimi me
telefon gjatë kohës së hartimit të provimit ka qenë i ndaluar.
2. Anëtarët e komisionit gjatë hartimit të provimit
Kjo tryezë u realizua me mbështetjen e Programit të Kombeve të Bashkuara për Zhvillim
(UNDP).
3. Anëtarët e komisionit dhe grupi për rishikim të provimit
Instituti Gjyqësor i Kosovës Provimi Përgatitor 2013
10
10.2 Tryeza për Rishikimin e Provimit
Organizimi i Provimit Përgatitor në vitin 2012 ishte shtyrë me kërkesën e KGJK dhe KPK,
ndërsa që nga koha e hartimit të provimit në vitin 2012 e deri në kohën e administrimit të
provimit në vitin 2013 ka pasur ndryshime legjislative dhe për këtë arsye është shtruar nevoja e
rishikimit të pyetjeve të hartuara.
Nga data 14-17 shkurt 2013, komisioni në përbërje të njëjtë ka rishikuar të gjitha pyetjet e
hartuara duke i harmonizuar ato me ndryshimet legjislative si dhe Kodin e Etikës për Prokurorë i
cili kishte ndryshuar ndërkohë.
Tryeza për rishikimin e provimit u organizua sipas rregullave dhe procedurës së njëjtë me atë të
hartimit të provimit. Po ashtu edhe kjo tryezë u organizua jashtë vendit.
4. Grupet punuese gjatë tryezës së rishikimit të provimit
11. FORMATIZIMI, SHTYPJA DHE RUAJTJA E PROVIMIT
11.1 Formatizimi i provimit Provimi i hartuar është formatizuar në atë mënyrë që secili version kishte dy forma për pyetjet
me përgjigje të shumëfishta. Secila formë (A ose B) ka pasur pyetjet e njëjta por ka ndryshuar
vetëm renditja e përgjigjeve. Qëllimi ishte që të krijohet një standard unik për të gjitha pjesët e provimit me zgjidhje të
shumëfishta, të vendosen forma unike për të gjitha grupet dhe pjesët e provimit, të standardizohet
teksti dhe elemente tjera të karakterit teknik.
11.2. Fotokopjimi i materialeve të provimit
Procesi i fotokopjimit është kryer në ndërtesën IGJK-së në hapësirë të veçantë pa qasje nga stafi,
me përjashtim të zyrtarit të autorizuar të provimit e në prani të monitoruesit të OSBE-së.
Çdo letër e dëmtuar gjatë fotokopjimit apo ndonjë letër e kopjuar dobët është shkatërruar
menjëherë.
Të gjitha kopjet e përfunduara të provimit janë paketuar nga Drejtori i IGJK-së dhe zyrtari i
autorizuar, duke u siguruar që janë të gjitha kopjet e nevojshme brenda dhe se nuk ka ndonjë
material tjetër në pako.
Instituti Gjyqësor i Kosovës Provimi Përgatitor 2013
11
I gjithë procesi ka qenë nën monitorimin e monitoruesit të OSBE-së që është njëkohësisht edhe
Këshilltare Speciale e OSBE-së në IGJK.
5. Fotokopjimi dhe paketimi i provimit
11.3. Ruajtja e fshehtësisë dhe siguria
Ruajtja e fshehtësisë lidhur me pyetjet dhe përgjigjet e provimeve është konsideruar si çështje me
prioritet të lartë për IGJK-në. Janë aplikuar rregulla dhe procedura të rrepta për t’u siguruar që
asnjë e dhënë lidhur me pyetjet apo përgjigjet e provimit të mos i bëhet e ditur askujt. Kjo është
bërë për t’u siguruar që asnjëri prej kandidatëve të mos ketë përparësi ndaj kandidatëve tjerë për
shkak të çfarëdo përhapje paraprake të të dhënave lidhur me pyetjet e provimit.
12. PUBLICITETI DHE TRANSMETIMI I TË DHËNAVE TEK KANDIDATËT
Të gjithë kandidatët të cilët kanë plotësuar kushtet për t’iu nënshtruar provimit janë njoftuar me
Rregullat e Provimit, Strukturën e Provimit, procedurën e provimit, vendin dhe datën e provimit
si dhe detajet tjera, drejtpërdrejt në momentin e regjistrimit, nëpërmjet e-mailit, telefonit dhe
web faqes së IGJK-së.
13. ORGANIZIMI DHE ADMINISTRIMI I PROVIMIT ME SHKRIM
Provimi me shkrim është mbajtur më 22 qershor 2013, në Akademia e Kosovës për Siguri
Publike (ish Akademia Policore) në Vushtrri. Këtij provimi i janë nënshtruar 146 kandidatë, 94 kandidatë për gjyqtarë (93 shqiptarë dhe 1 i
komunitetit serb) dhe 52 kandidatë për prokurorë. Regjistrimi i kandidatëve për t’iu nënshtruar
provimit është bërë nga stafi i IGJK-së.
Nga numri i përgjithshëm i kandidatëve të regjistruar, provimit nuk ju nënshtruan 17 kandidatë.
Instituti Gjyqësor i Kosovës Provimi Përgatitor 2013
12
6. Stafi i IGJK-së gjatë regjistrimit
Në momentin e regjistrimit, kandidatët janë njoftuar paraprakisht se; telefona, çanta, çanta dore,
letra dhe gjësende tjera personale, që nuk janë veshmbathje, nuk do të lejohen në sallën e
provimit. Ata që me vete kanë marrë gjësende të tilla i kanë dorëzuar ato gjatë regjistrimit dhe të
njëjtat janë vendosur në zarf apo qese të posaçme të cilave iu është vendosur një numër për t’i
identifikuar në momentin e kthimit tek kandidatët. Të gjitha ato gjëra u janë kthyer kandidatëve
pas provimit. Po ashtu në momentin e regjistrimit, kandidatët kanë nënshkruar një formular të pranimit me
nënshkrimin e të cilit ata janë pajtuar se kanë lexuar, kuptuar dhe do të sillen sipas rregullave
dhe udhëzimeve të Provimit Përgatitor. Të gjithë kandidatët kanë bartur në vend të dukshëm një
shenjë dalluese me logon e IGJK-së.
I gjithë procesi i regjistrimit të kandidatëve në AKSP, të cilët janë paraqitur për t’iu nënshtruar
provimit, nga stafi i IGJK-së është bërë në mënyrë shumë mirë të organizuar, shumë
profesionale, të shpejtë, të përpiktë dhe të rregullt.
Para se të fillonte provimi, një kandidat i zgjedhur nga një monitorues ndërkombëtarë ka
zgjedhur grupin e provimit i cili do të përdorej. Më pas kandidatëve u janë dhënë udhëzimet e
nevojshme për provimin në tërësi, ndërsa për pjesët konkrete janë dhënë udhëzime të veçanta.
Udhëzimet hyrëse dhe përmbyllëse janë lexuar në gjuhën shqipe dhe në gjuhën serbe.
Provimi është mbajtur nën drejtimin e përgjithshëm dhe mbikëqyrjen e Drejtorit të IGJK-së i cili
si administrator i provimit ishte mbikëqyrësi kryesor dhe ka pasur autoritetin për vendimmarrje
përfundimtare në rast të ndonjë shkelje të rregullave dhe procedurave për organizim të provimit.
Instituti Gjyqësor i Kosovës Provimi Përgatitor 2013
13
7. Dhënia e udhëzimeve gjatë provimit
Provimi ishte monitoruar nga përfaqësues ndërkombëtarë nga OSBE-ja dhe USAID/EROL,
ndërsa siguria ishte bërë nga personeli i AKSP-së.
Secili kandidat është ulur në një tavolinë të veçantë me largësi të konsiderueshme nga njëra
tjetra.
Pas përfundimit të provimit, kandidatëve iu është shpërndarë një zarf i madh në të cilin janë futur
zarfat me provime dhe një zarf i vogël brenda të cilit ishte një letër e zbrazët dhe e vulosur ku
kandidatët shënuan emrin dhe mbiemrin.
Të dy zarfat janë dorëzuar nga kandidatët pastaj janë bashkuar me makinë kapëse për letër dhe u
është shënuar një numër i njëjtë në secilin zarf. Këtë numër nuk e ka mësuar askush. Pastaj të dy
zarfat janë vendosur në një kuti e cila është mbyllur dhe nënshkruar nga Administratori i
Provimit dhe monitoruesit ndërkombëtarë. Numrat e zarfeve nuk iu kanë bërë të ditur as
kandidatëve e as anëtarëve të komisionit me qëllim që të mbrohej konfidencialiteti i procesit.
Për shpërndarjen e provimit dhe materialeve tjera të nevojshme gjatë provimit është përkujdesur
stafi i IGJK-së.
Për shkak se gjatë procesit të provimit një (1) kandidati i janë gjetur letra të shkruara në xhep,
përmbajtja e të cilave ishte e karakterit profesional edhe përkundër faktit se nga të gjithë
kandidatët në momentin e regjistrimit është kërkuar që t’i dorëzojnë të gjitha, pas konsultimeve
edhe me monitoruesit ndërkombëtarë ai kandidat është përjashtuar nga provimi për shkak të mos
respektimit të rregullave të provimit.
Provimi është administruar ndaras për kandidatët për gjyqtarë nga ata për prokurorë.
Instituti Gjyqësor i Kosovës Provimi Përgatitor 2013
14
14. VLERËSIMI I PROVIMIT ME SHKRIM
Më 24-26 qershor, në ambientet e IGJK-së, është punuar në mënyrë profesionale për vlerësimin
e provimit. Provimi u vlerësua nga Komisioni për Hartimin dhe Vlerësimin e Provimit Përgatitor.
Administratori i Provimit para komisionit hapi vetëm zarfat e mëdhenj në të cilët gjendeshin
provimet e kandidatëve, ndërsa zarfat e vegjël me emrat e kandidatëve u vendosën në vend tjetër.
Në momentin e hapjes së zarfeve secilës faqe të provimit iu dha numri identifikues që ishte në
zarf, në mënyrë që testeve të mos u mungonte asnjë faqe dhe të mos mund të ngatërroheshin ato
me testet tjera. Pastaj Komisioni ka vlerësuar provimet vetëm sipas numrit të provimit në zarf.
8. Komisioni gjatë vlerësimit të provimit
9. Shënimi i kodit sekret të provimit në çdo fletë
Komisioni ka punuar i ndarë në grupe dhe ka vlerësuar pjesë të caktuara të provimit e jo të gjitha
pjesët e tij. Ata e kanë bërë vlerësimin duke përdorur çelësat e përgjigjeve të sakta për zgjidhjet e
shumëfishta si dhe në bazë të formularëve standard të vlerësimit për ese dhe rast praktik,
përmbajtja e të cilave ka qenë e miratuar nga Këshilli Programor i IGJK-së.
Instituti Gjyqësor i Kosovës Provimi Përgatitor 2013
15
15. SHPALLJA E REZULTATEVE TË PROVIMIT ME SHKRIM
Bazuar në rregullat e provimit të miratuara nga Këshilli Programor i IGJK-së, me datë 03 korrik
2013 publikisht në ndërtesën e IGJK-së, në prani të kandidatëve dhe përfaqësuesve të OSBE-së,
u hapën zarfet e vogla me ç’rast u bë përshtatja e numrit të provimit me emrin e kandidatëve.
IGJK në prezencë të përfaqësuesve të OSBE-së e rishikoi listën me qëllim që të verifikoi
saktësinë e saj dhe certifikuan rezultatet e provimit me shkrim. Kalueshmëria e provimit me
shkrim është e përcaktuar me Rregullat për Procedurën e Organizimit të Provimit Përgatitor,
(neni 8 pika 8.5).
10. Shpallja e rezultateve të provimit me shkrim
Rezultatet u shpallën për kandidatët për gjyqtarë veçmas nga ato për kandidatët për prokurorë.
Mbështetur në rregullat e provimit nga 93 kandidatët për gjyqtarë sa ishte numri i kandidatëve që
iu nënshtruan provimit atë e kaluan 83 kandidatë, ndërsa nga 52 sa ishte numri i kandidatëve për
prokurorë që iu nënshtruan provimit 45 prej tyre e kaluan me sukses dhe fituan të drejtën t’i
nënshtrohen provimit me gojë.
Rezultatet janë shpallur pa u publikuar pikët e provimit të grumbulluara nga kandidatët, por
vetëm sipas renditjes rendore bazuar në Kodin Sekret të provimit.
16. PROVIMI ME GOJË
Provimi me gojë është organizuar në dy (2) ditë.
Me datën 05 korrik është organizuar provimi për kandidatët për gjyqtarë të cilit i janë nënshtruar
82 kandidatë, pasi që një kandidatë edhe pse ishte regjistruar për t’iu nënshtruar provimit, për
arsye subjektive ishte tërhequr nga provimi para se ai të fillonte.
Provimi me gojë për kandidatët për prokurorë është mbajtur me 10 korrik. Provimit iu
nënshtruan 45 kandidatë.
Në momentin e regjistrimit, kandidatët janë njoftuar se asnjë gjësend personal si; telefona, çanta,
çanta dore, letra dhe gjësende tjera personale, që nuk janë veshmbathje, nuk do të lejohen në
sallën e provimit. Ata që me vete kanë marrë gjësende të tilla i kanë dorëzuar ato gjatë
regjistrimit dhe të njëjtat janë vendosur në zarf apo qese të posaçme të cilave iu është vendosur
një numër për t’i identifikuar në momentin e kthimit tek kandidatët. Gjësendet që u janë ndaluar
kandidatëve gjatë provimit, u janë kthyer kandidatëve pas provimit.
Instituti Gjyqësor i Kosovës Provimi Përgatitor 2013
16
Para fillimit të provimit në të dy datat nga një kandidat ka zgjedhur me short versionin e
provimit nga tri versione të provimeve sa ishin përgatitur për këtë pjesë.
Provimi filloi në orën 09:00 duke i vendosur pesë kandidatët e parë në sallën e dedikuar për
përgatitjen paraprake të kandidatëve. Në këtë sallë çdo 20 minuta janë vendosur nga 5 kandidatë
që do të thotë se në çdo kohë në këtë sallë kanë qenë 10 kandidatë njëkohësisht. Kandidatët kanë
pasur 40 minuta kohë për të lexuar rastin dhe për tu përgatitur për prezantim, ndërsa 10 minuta i
kanë pasur për prezantim para komisionit.
11. Kandidatët gjatë provimit me gojë
Komisioni ka qenë i ndarë në pesë grupe nga dy anëtarë. Para fillimit të provimit anëtarët e
komisionit identifikuan kandidatët nga lista të cilët i njihnin në bazë të rrethanave të caktuara, në
mënyrë që ata kandidatë të mos paraqiten para tyre. Për dërgimin e kandidatëve para grupeve të
komisionit u kujdes stafi i IGJK-së të cilët shpërndanë kandidatët duke mundësuar shmangien e
konfliktit të interesit në mes kandidatëve dhe anëtarëve të komisionit.
Pas përfundimit të prezantimit nga kandidati, anëtarët e komisionit plotësonin formularin e
vlerësimit duke shënuar pikët për kandidatët në mënyrë individuale e të pavarur, dhe nënshkruan
vlerësimet e tyre. Gjatë gjithë kohës sa ka vazhduar provimi, i tërë procesi ka qenë i siguruar nga
roje të sigurisë.
Gjatë përgatitjes së rastit lidhur me provimin një (1) kandidati i janë gjetur letra të shkruara në
xhep, përmbajtja e të cilave ishte e karakterit profesional edhe përkundër faktit se nga të gjithë
kandidatët në momentin e regjistrimit është kërkuar që t’i dorëzojnë të gjitha dhe pas
konsultimeve edhe me monitoruesit ndërkombëtarë kandidati është përjashtuar nga provimi për
shkak të mos respektimit të rregullave të provimit.
17. REZULTATET PËRFUNDIMTARE
Rezultatet përfundimtare të Provimit Përgatitor u publikuan me datën 16 korrik së bashku me
këtë raport.
Rezultatet u shpallën në dy lista, lista e kandidatëve për gjyqtarë dhe lista e kandidatëve për
prokurorë.
Bazuar në nenin 19 të Rregullores për Programin e Trajnimit Fillestar dhe Provimit Përgatitor si
Instituti Gjyqësor i Kosovës Provimi Përgatitor 2013
17
dhe nenit 14 të Rregullave për Procedurën e Organizimit të Provimit Përgatitor, lista
përfundimtare e kandidatëve që do të ndjekin trajnimet në PTF, konsiderohet lista pas
përfundimit të procesit të verifikimit nga KGJK dhe KPK.
Bazuar në vendimin e KPK-së, IGJK do të trajnojë në kuadër të PTF 12 kandidatë për prokurorë
të cilët kanë më pak se 7 vite përvojë pune ligjore.
Vendi i kandidatëve që kanë më shumë se 7 vite përvojë ligjore të cilët largohen nga lista e
kandidatëve që do të ndjekin trajnimet do të plotësohet me kandidatët e radhës sipas pikëve deri
në plotësimin e numrit 12 aq kandidatë sa ka kërkuar KPK për trajnim (neni 11.2 i Rregullave
për Procedurën e Organizimit të Provimit Përgatitor).
17. ANKESAT E KANDIDATËVE
Në pajtueshmëri me Rregulloren për Programin e Trajnimit Fillestar dhe Provimit Përgatitor si
dhe Rregullave për Procedurën e Organizimit të Provimit Përgatitor kandidatët kanë të drejtë
ankese. Afati për paraqitjen e ankesave është 3 (tre) ditë nga dita e shpalljes së rezultateve
përfundimtare.
Ankesat shqyrtohen nga Këshilli programor i IGJK-së në afat prej 5 ditësh. Nëse Këshilli
Programor pas shqyrtimit të ankesës gjen se janë bërë shkelje të procedurës së organizmit të
provimit, lidhur me ankuesin mund të marr vendim që të përsëritet provimi për atë kandidat.
Në rast se janë bërë gabime teknike apo matematikore në numërimin e pikëve, nëse pas
numërimit të pikëve kandidati renditet në grupin e kandidatëve që kanë kaluar provimin, ai
kandidat do të futet në listën e kandidatëve që do të ndjekin trajnimet në PTF.
18. MASAT E VEÇANTA TË NDËRMARRA PËR TË ARRITUR STANDARDET NDËRKOMBËTARE Me qëllim të arritjes së standardeve ndërkombëtare për organizimin e provimit përgatitor për
kandidatët për gjyqtarë dhe prokurorë, IGJK-ja ka ndërmarrë këto masa:
Janë hartuar disa grupe provimesh, me qëllim të ketë përzgjedhje më të zgjeruar të
pyetjeve dhe më pak mundësi që vet hartuesit, komisioni apo stafi i IGJK-së të njohin
përmbajtjen e pjesëve që do të përdoreshin në ditët e provimit;
Të gjitha pjesët e provimit me zgjidhje të shumëfishta janë përgatitur në dy versione
(versioni A dhe versioni B);
Me qëllim të vlerësimit sa më të gjithanshëm të kandidatëve provimi është ndarë në
gjashtë pjesë (testi i aftësive analitike dhe analizë e tekstit, test me pyetje të shumëfishta
nga lëmi i etikës dhe sjelljes profesionale, test me pyetje të shumëfishta ligjore nga të
gjitha sferat e së drejtës, ese me shkrim, një rast studimi nga e drejta civile dhe një rast
studimi nga e drejta penale); Pas hartimit, të gjitha pjesët e provimit janë vendosur dhe janë ruajtur nën masa të rrepta
sigurie;
Anëtarët e komisionit nuk kanë pasur dijeni se cilat grupe të provimeve do të përdoren
nga kandidatët;
Fotokopjimi i testeve është bërë nga një zyrtar i IGJK-së në prani të këshilltarit special të
OSBE-së për IGJK-në;
Instituti Gjyqësor i Kosovës Provimi Përgatitor 2013
18
Përkthimi i testeve është bërë menjëherë pas hartimit në tryezën për hartim të provimit,
në kompjuterë të veçantë të cilët nuk kanë qenë të lidhur në rrjet interneti;
Anëtarëve të komisionit, stafit administrues të provimit dhe përkthyesve nuk iu është
lejuar të përdorin telefonin apo të kenë USB, ose pajisje tjetër që mund të regjistrojë apo
transferojë materialet e provimit, me përjashtim të Drejtorit të IGJK-së, i cili është edhe
Administratori i Provimit;
Vet kandidatët kanë zgjedhur me short grupin e provimit që do t’i nënshtroheshin;
Provimet janë vlerësuar nga anëtarët e komisionit të IGJK-së në mënyrë të paanshme, dhe
konfidenciale pa njohur identitetin e kandidatëve, por vetëm sipas Kodit Sekret; Procesi i hartimit, administrimit dhe vlerësimit të provimit është mbikëqyrur nga
monitorues ndërkombëtarë;
Provimi me gojë përveç se është monitoruar nga ndërkombëtarët është siguruar dhe
mbikëqyrur nga roje të sigurisë;
Të gjitha materialet e nevojshme për realizimin e provimit janë siguruar nga IGJK dhe
kandidatët nuk janë lejuar të sjellin asgjë me vete gjatë provimeve;
Stafi i IGJK-së të cilët kanë shprehur interesim për t’iu nënshtruar provimit është dashur
të largohet nga IGJK-ja në momentin e publikimit të shpalljes publike për provim. 19. FALËNDERIM PËR MBËSHTETJE
IGJK-ja shpreh falënderimin e veçantë për mbështetje dhe përkrahje për organizatat dhe personat
e poshtëshënuar cilët ndihmuan gjatë procesit të provimit:
o KGJK;
o KPK;
o AKSP për ofrimin e personelit dhe objektit në shfrytëzim gjatë provimit;
o UNDP për mbështetje financiare dhe me personel gjatë procesit të provimit;
o OSBE për ofrimin e ndihmës përmes, Këshilltarit Special dhe stafit për monitorim të
provimit;
o USAID/EROL, për ofrimin e ndihmës për monitorim të provimit. 20. KOMENTET E MONITORUESVE NDËRKOMBËTARË Monitoruesit ndërkombëtarë kanë vërejtur dhe vlerësuar se provimet janë hartuar, organizuar,
administruar dhe vlerësuar në pajtueshmëri me standardet më të larta dhe të pranuara
ndërkombëtarisht.
21. PËRFUNDIM
Përkundër shumë sfidave, IGJK me sukses hartoj, administroj dhe vlerësoj Provimin Përgatitor
për gjeneratën e pestë të kandidatëve për gjyqtarë e prokurorë me paanësi dhe transparencë
përgjatë tërë procesit. Rezultat i këtij provimi është një grup i kandidatëve të cilët do të
vazhdojnë përgatitjen e mëtejme profesionale në kuadër të Programit për Trajnim Fillestar i cili
do të filloj gjatë gjysmës së dytë të vitit 2013.
Instituti Gjyqësor i Kosovës Provimi Përgatitor 2013
19
22. AKRONIMET
IGJK ................................Instituti Gjyqësor i Kosovës
KGJK ..............................Këshilli Gjyqësor i Kosovës
KPK .................................Këshilli Prokurorial i Kosovës
UNDP ..............................Programi i Kombeve të Bashkuara për Zhvillim
EROL...............................Programi për Sundimin Efektiv të Ligjit i financuar nga USAID
OSBE ...............................Organizata për Siguri dhe Bashkëpunim në Evropë
AKSP ...............................Akademia e Kosovës për Siguri Publike PTF... ...............................Programi i Trajnimit Fillestar
Raport i përgatitur nga;
Besim Morina, Udhëheqës i PTF në IGJK;
Versioni në gjuhen angleze i përkthyer nga z. Gëzim Fetahu dhe Suzana Gota, Zyrtarë të Lartë
Gjuhësor në IGJK.
Versioni në gjuhen serbe i përkthyer nga z. Besim Hetemi dhe Vjollca Gashi, Zyrtarë të Lartë
Gjuhësor në IGJK.
Publikuar nga Instituti Gjyqësor i Kosovës ©