Presentación dalgúns xogos populares

Nivel: Educación Primaria e Secundaria

Autor: Iván López Arias

Os xogos Populares posúen un

compoñente lúdico e educativo e

ademais do gran valor sociocultural que

entre todas e todos debemos tratar de

conservar.

Son os xogos dos nosos avós e os

nosos pais, algúns deles son os

seguintes:

(para saber algo máis de cada un deles pica

nas fotos ou no nome).

- A Porca

Xogo con semellanzas co “golf” ou co “hokey”.

- A Billarda

Esencialmente consiste en darlle cun pao

(panca) a outro máis pequeño (billarda), para

que salte e golpealo enviándoo o máis lonxe

posible.

- O Trompo

É unha peza de madeira dura de forma cónica

rematada nunha punta de metal, sobre a que se

lle fai xirar tirando dunha corda que se enreda

arredor dela.

- As Chapas

Xogo de habilidade no que se fai unha carreira

nun circuíto debuxado no chan e no que hai que

respetar certas regras.

- O Turra-soga

Xogo de equipo, no que o importante é a forza e

no que o obxectivo é turrar da corda máis que o

equipo contrario.

- Tres en raia

É un xogo para dúas persoas, no que cada un

xoga con tres fichas, tratando de colocalas en

raia xogando por turnos.

- A Rá

É un xogo no que se trata de introducir as pezas

metálicas nas diferentes ranuras que ten a caixa

da rá.

- O Brilé

Xogo de dous equipos co mesmo número de

xogadores. É necesario dividir o campo en

dúas partes iguais e tamén unha pelota de

goma de tamaño medio.

- O Pano

Xogo de equipo con número igual de

compoñentes. É necesario un xuíz que se

encarga de aguantar o pano polo que teñen que

competir os participantes.

- O Aro

Xoguete no que normalmente se utilizaba un

aro metálico dunha llanta de bicicleta e un ferro

con forma de gancho para empurrar o aro.

Continuará…