PR\661725MT.doc PE 386.573v03-00

MT MT

PARLAMENT EWROPEW2004 «

«««

«««««

««

« 2009

Kumitat ta’ Inkjesta dwar il-Kriżi ta’ l-Equitable Life Assurance Society

[KONFIDENZJALI]

PROVIŻORJU2006/2199(INI)

03.04.2007

KONKLUŻJONIJIET U RAKKOMANDAZZJONIJIET

dwar il-falliment ta’ l-Equitable Life Assurance Society((2006/2199)(INI))

Kumitat ta’ Inkjesta dwar il-kriżi ta’ l-Equitable Life Assurance Society Life

Rapporteur: Diana Wallis

PE 386.573v03-00 2/36 PR\661725MT.doc

MT

PR_INI

KONTENUT

Paġna

KONKLUŻJONIJIET U RAKKOMANDAZZJONIJIET………………………………...3

KONKLUŻJONIJIET…………………………………………………………………..........3

A. TAQSIMA II – IT-TRASPOŻIZZJONI………………………………………….........3

B. TAQSIMA III - IS-SISTEMA REGOLATORJA……………………………………..7

C. TAQSIMA IV – RIMEDJI……………………………………………………………..12

D. TAQSIMA V – IR-RWOL TAL-KUMMISSJONI…………………………………..22

E. TAQSIMA VI – IR-RWOL TAL-KUMITATI TA' INKJESTA……………………24

RAKKOMANDAZZJONIJIET, TAQSIMA II U III – TRASPOŻIZZJONI U S-SISTEMA REGOLATORJA………………………………………………………….25

B. RAKKOMANDAZZJONIJIET, TAQSIMA IV – RIMEDJI……………………….27

C. RAKKOMANDAZZJONIJIET, TAQSIMA V – IR-RWOL TAL-KUMMISSJONI EWROPEA……………………………………………………………………………..30

D. RAKKOMANDAZZJONIJIET, TAQSIMA VI – IR-RWOL TAL-KUMITATI TA' INKJESTA………………………………………………………………………………34

PR\661725MT.doc 3/36 PE 386.573v03-00

MT

KONKLUŻJONIJIET U RAKKOMANDAZZJONIJIET

dwar il-falliment ta’ l-Equitable Life Assurance Society(2006/2199(INI))

KONKLUŻJONIJIET

A. TAQSIMA II – IT-TRASPOŻIZZJONI

It-Traspożizzjoni tat-Tielet Direttiva dwar il-Ħajja

1. Minkejja li identifika xi diskrepanzi bejn ir-regolamenti domestiċi speċifiċi tar-RU (Renju Unit) u l-artikoli tat-3LD1, il-kumitat iqis li n-natura u l-għadd ta’ dawn id-diskrepanzi m’huwiex importanti biżżejjed biex jikkaratterizza bħala difettuż dak li jista’ jissejjah il-proċess ‘formali’ tat-traspożizzjoni.

2. Il-kumitat jagħmel eċċezzjoni waħda, madankollu, rigward il-poteri mdaqqsa li l-leġiżlazzjoni domestika tar-RU tagħti lis-Segretarju ta’ l-Istat (kif preskritt mit-Taqsima 68 ta’ l-ICA 1982) biex jirrevoka l-applikazzjoni tar-regolamenti prudenzjali. Dawn il-poteri jidhru li huma inkompatibbli ma’ l-ittra u l-għan tad-Direttiva u ntużaw b’mod mhux xieraq2 (b’mod partikulari meta ngħatat l-awtorizzazzjoni f’għadd ta’ okkażjonijiet biex il-profitt tal-ġejjieni jkun inkluż fil-marġini tal-kapaċità tal-kumpanija li tħallas id-djun tagħha), u għaldaqstant, f’din l-istanza partikulari, hemm dubji serji li t-3LD ma kinitx trasposta kollha b’mod korrett.

3. Il-kumitat jemmen li madankollu t-traspożizzjoni tat-3LD mir-RU, ma twettqitx b’mod li tippermetti l-ksib effettiv ta’ l-għanijiet fundamentali tagħha. Il-kumitat jemmen li l-metodu tar-RU li jwettaq id-Direttiva biċċa biċċa (jiġifieri d-direttiva kienet trasposta mhux f’liġi waħda nazzjonali imma tferrxet f’għadd ta’ atti differenti ta’ importanza ġerarkika differenti) hija nieqsa miċ-ċarezza u ma tidhirx li hija l-aħjar mod kif il-prinċipji u l-istandards tal-KE jkunu nkorporati fil-leġiżlazzjoni domestika.

Suġġetti speċifiċi rigward l-applikazzjoni

Il-kunċett ta’ ‘sorveljanza finanzjarja tan-negozju kollu’

4. Il-kumitat jiftakar li d-Direttiva tistqarr li s-sorveljanza finanzjarja trid tkopri “in-negozju kollu ta’ kumpanija ta’ l-assigurazzjoni”.3 Il-kumitat jenfasizza, bħala leġiżlatur, li terminoloġija sempliċi bħal din m’hijiex ambigwa u trid tingħata interpretazzjoni wiesgħa u tajba.

1 Ara Taqsima II, sezzjoni II.2.1, pp 85-86; Taqsima II, sezzjoni II.2.2., p 68; Taqsima II, sezzjoni II.2.3., p.92; u WE 20.2 Ara Taqsima II, Sezzjoni II.1.1. dwar Art.25 3LD, pp 60-61; wkoll WE 17, para. 7.2.2 f’p. 228.3 Artikolu 8 3LD.

PE 386.573v03-00 4/36 PR\661725MT.doc

MT

5. Il-kumitat jemmen li s-sorveljanza ta’ l-awtoritajiet tar-RU fuq l-ELAS injorat jew interpretat ħażin il-kunċett tas-‘sorveljanza finanzjarja tan-negozju kollu’ kontra ta’ dak li jgħidu l-Artikoli 81, 182 u 253 tat-Tielet Direttiva dwar il-Ħajja.

6. Il-kumitat jemmen li l-għażla li tinstab fil-paragrafu 1.D ta’ l-Artikolu 18 ma teskludix bonus diskrezzjonali jew mhux kontrattwali tal-ġejjieni milli jkun parti integrali min-‘negozju sħiħ’ tal-kumpanija u ma jeżonerax lill-awtoritajiet ta’ l-Istati Membri milli jagħmlu dak kollu li jistgħu biex tkun rispettata l-ittra u l-għan tad-Direttiva. Barra minn hekk, jidher mill-materjal disponibbli għall-kumitat4 li waħda mir-raġunijiet ewlenin għall-waqgħa finanzjarja ta’ l-ELAS kien il-fatt li, matul is-snin, ma warrbitx riżervi b’mod xieraq għall-bonus diskrezzjonali jew mhux kontrattwali tal-ġejjieni.

7. Sar l-argument5 li l-ELAS ma kinitx obbligata twarrab riżervi għall-bonus diskrezzjonali jew mhux kontrattwali tal-ġejjieni għax din kienet għażla taħt id-Direttiva, u r-regolatur tar-RU iddeċieda li ma jutilizzax din l-għażla. Il-kumitat jemmen li l-fatt li l-att li bih l-bonus diskrezzjonali tpoġġa bħala riżerva tqieset bħala għażla, immina s-saħħa u l-koerenza interna tad-Direttiva. L-introduzzjoni ta’ għażla bħal din ma kinitx konsistenti ma’ l-għan ġenerali tad-Direttiva.

8. Is-sottomissjonijiet li saru lill-kumitat6 jissuġġerixxu li r-regolatur iffoka aktar fuq il-marġini ta’ kemm il-kumpanija kienet kapaċi tħallas id-dejn tagħha f’sens dejjaq u ftit li xejn qies il-bonus diskrezzjonali jew mhux kontrattwali tal-ġejjieni fl-analiżi ġenerali ta’ kemm kienet b’saħħitha finanzjarjament il-kumpanija. Il-kumitat jemmen għalhekk li hemm il-probabbiltà li r-regolatur ma rnexxilux jassigura li l-ELAS kellha marġini adegwat biex tkun kapaċi tħallas dejjem id-dejn tagħha fir-rigward tan-negozju kollu tagħha.

Nuqqas ta’ proċeduri amministrattivi u ż-żamma tal-kotba xierqa u mekkaniżmi ta’ kontroll intern adegwati

9. Hemm indikazzjonijiet ċari li r-regolaturi tar-RU kienu jafu li qed jonqsu u xorta naqsu milli jikkontestaw ir-rwol doppju, u għaldaqstant f’kunflitt ta’ interess ta’ l-Attwarju Maħtur ta’ l-ELAS, li għal sitt snin kellu wkoll pożizzjoni għolja fil-maniġment tas-Soċjetà bħala l-Kap Eżekuttiv tagħha. Il-kumitat jemmen li dan ir-rwol doppju ħoloq kunflitt ta’ interess li kien ta’ ħsara għall-interessi ta’ dawk li kellhom il-poloz u li kellu jkun ikkontestat mir-regolaturi bħala istanza ta’ immaniġġjar korporattiv ħażin. Barra minn hekk, il-kumitat jemmen li, meta naqas li jieħu azzjoni rapida fuq il-kwistjoni tar-rwol doppju ta’ l-Attwarju Maħtur, ir-regolatur tar-RU ma wettaqx l-obbligu tiegħu li jinsisti li l-ELAS ikollha ‘proċeduri amministrattivi u ż-żamma tal-kotba xierqa u mekkaniżmi ta’ kontroll intern adegwati’ kif meħtieġ b’mod espliċitu mit-3LD, u kontra

1 Ara Taqsima II, Sezzjoni II.1.1, pp 39-41 u t-Taqsima II, sezzjoni II.2.3., pp 99-100; ara wkoll WE 16 (Kap. 16; kap. 19, para. 210; kap. 18, para.220; kap. 21) u WE Konf 3.2 Ara Taqsima II Sezzjoni II.1.1, pp 52-53 u Taqsima II Sezzjoni II.2.3, pp 104-106; ara wkoll WE Konf 11, WE 16, WE 26 u WE 79.3 Ara Taqsima II Sezzjoni II.1.1, pp 59-60, u Taqsima II Sezzjoni II.2.3, pp 107-108; ara wkoll WE 17, para 7.2.2, p.228.4 Ara Taqsima Sezzjoni II.2.3, pp 105-106; ara wkoll WE 16, WE 26 u WE 79.5 Ara Taqsima II Sezzjoni II.1.1, pp 52-54.6 Ara WE 16, kap. 19, para 210.

PR\661725MT.doc 5/36 PE 386.573v03-00

MT

għal dak li jgħid l-Artikolu 8.1 Il-kumitat jinsisti li r-rwol ta’ l-Attwarju Maħtur kien il-fus tas-sistema ta’ sorveljanza tar-RU, u n-nuqqas li jassigura li din il-figura tkun effettiva immina s-sistema kollha ta’ sorveljanza, b’mod partikulari billi rrendiet il-kontrolli interni għal kollox inadegwati. Il-kumitat iqis li, meta nħatar u rrispettivament jekk il-kunċett huwiex meħtieġ taħt il-liġi Komunitarja, l-Attwarju Maħtur sar parti mis-sistema regolatorja u ta’ sorveljanza tar-RU li, bħala sistema sħiħa, kienet soġġetta għat-Tielet Direttiva dwar il-Ħajja. Barra minn hekk, ċerti stqarrijiet2 iwasslu lill-Kumitat biex jemmen li dan in-nuqqas kien parti minn prattika amministrattiva aktar wiesgħa li mminat l-effettività tal-protezzjoni li hemm fil-leġiżlazzjoni Komunitarja.

Nuqqas li jkunu rrispettati l-aspettazzjonijiet raġonevoli ta’ dawk li kellhom polza ta’ l-assigurazzjoni (PRE)

10. Skond xi stqarrijiet li saru lill-kumitat3, il-kunċett tal-PRE inkluda l-fatt li dawk li kellhom polza ta’ l-assigurazzjoni stennew li jirċievu bonus diskrezzjonarju flimkien mal-benefiċċji kontrattwali. Jekk l-awtoritajiet tar-RU kienu obbligati jirrispettaw il-PRE bħala parti mill-obbligi tagħhom taħt il-liġi Komunitarja, il-kumitat iqis li huma jmisshom aċċertaw ukoll li r-riżervi kienu jkopru l-bonus diskrezzjonali. Il-kumitat jemmen li, meta ma qiesux il-bonus diskrezzjonali bħala parti integrali min-negozju kollu tal-kumpanija u meta m’obbligawx lill-ELAS biex tipprovdi provvedimenti tekniċi għalihom, ir-regolaturi tar-RU ma qiesux b’mod xieraq lill-PRE u b’hekk jidher li kisru l-ittra u l-għan ta’ l-Artikolu 18 tat-3LD.

11. Il-kumitat jiftakar li l-Artikolu 10 tat-3LD ried li l-awtoritajiet tar-RU jingħataw il-poteri u l-mezzi biex ikun assigurat li l-PRE jkunu rrispettati u li l-miżuri kollha adattati u meħtieġa ttieħdu biex ikun assigurat li n-negozju ta’ l-ELAS jibqa’ jikkonforma mal-liġi tar-RU4, biex tkun evitata jew irrimedjata kull irregolarità li tkun ta’ ħsara għall-interessi tal-persuni assigurati.

12. Stqarrijiet magħmula lill-kumitat5 jissuġġerixxu li, matul id-disgħinijiet, ir-regolaturi fir-RU m’eżerċitawx il-poteri estensivi tagħhom rigward l-ELAS, minkejja li kellhom indikazzjoni biżżejjed tal-kriżi li kienet riesqa. Xi stqarrijiet6 jindikaw li r-regolatur adotta politika konxja u ddeliberata li ma jindaħalx rigward il-każ ta’ ELAS. Il-kumitat jemmen li dan jista’ jkun li jikkostitwixxi ksur ta’ l-obbligu tar-regolaturi li jassiguraw ir-rispett tal-PRE u għaldaqstant kienu fi ksur ta’ l-ittra u l-għan ta’ l-Artikolu 10 tat-3LD.

Il-klemenza eċċessiva tar-regolaturi tar-RU dwar il-marġini ta’ kemm il-kumpanija kapaċi tħallas id-dejn tagħha

1 Ara Taqsima II Sezzjoni II.1.1, pp 41-42 u Taqsima II Sezzjoni II.2.3, p 98.2 Ara r-Rapport Baird (WE 17), paragrafu 2.13.6.3 Ara Taqsima II Sezzjoni II.1.1, pp 40-41 u p. 47; Ara wkoll Taqsima II Sezzjoni II.2.3, p 101-102; Ara wkoll WE 16, kap.18, para 220, u WE 26, WE 52-54 u LLOYD f’H5.4 Ara Taqsima II Sezzjoni II.1.1, p 47-48.5 Ara Taqsima II Sezzjonis II.1.1, pp 45-47, u Taqsima II Sezzjoni II.2.3, pp 101-102; Ara wkoll WE 17.6 Ara Taqsima II Sezzjoni II.2.3, pp 99-101 u WE 16.

PE 386.573v03-00 6/36 PR\661725MT.doc

MT

13. Diversi stqarrijiet1 jagħtu appoġġ lill-konklużjoni li l-ELAS b’mod artifiċjali seddqet il-perċezzjoni esterna dwar is-saħħa finanzjarja tagħha u rnexxilha tissodisfa l-kriterji dwar kemm il-kumpanija kapaċi tħallas id-dejn tagħha billi kisbet b’suċċess għadd ta’ awtorizzazzjonijiet mir-regolatur biex tinkludi l-qligħ tal-ġejjieni u ż-zilmerising bħala parti mill-assi impliċiti tagħha. Dawn l-awtorizzazzjonijiet ingħataw fuq il-bażi tal-poteri ta’ revoka tas-Segretarju ta’ l-Istat li jinstabu f’Sezzjoni 68 ta’ l-ICA 1982, li hemm dubju fil-fehma tal-kumitat dwar kemm huma kompatibbli ma’ l-ittra u l-għan tat-3LD.

14. Il-kumitat jemmen li meta tħalliet biex b’mod artifiċjali tissodisfa l-ħtiġijiet li l-kumpanija tkun kapaċi tħallas id-dejn tagħha, ELAS ħbiet il-verità minn dawk li kellhom polza ta’ l-assigurazzjoni u pperikolat il-vijabilità finanzjarja tal-ġejjieni tagħha. Minn dan joħroġ li l-PRE tpoġġew f’riskju u li r-regolaturi tar-RU allegatament ħadu miżuri li ma kienux “adattati u meħtieġa biex jevitaw jew jirrimedjaw kull irregolarità li tkun ta’ preġudizzju għall-interessi tal-persuni assigurati”.

15. Il-kumitat jemmen li l-użu eċċessiv tal-ġejjieni u ż-zilmerising wassal biexil-marġini ta’ kemm il-kumpanija kapaċi tħallas id-dejn tagħha jqarraq b’mod relattiv bħala indikatur tas-saħħa finanzjarja ta’ l-ELAS u minħabba f’hekk ir-regolaturi tar-RU ma wettqux l-obbligu tagħhom li jassiguraw li l-ELAS ikollha “marġini adegwat biex tkun kapaċi dejjem tħallas id-dejn tagħha fir-rigward tan-negozju kollu tagħha”.

Kemm kienu adegwati r-riżorsi disponibbli għar-regolaturi

16. Kwantità kbira ta’ materjal2 jindika li, b’mod partikulari kmieni fis-snin disgħin, il-korpi ta’ sorveljanza u regolatorji tar-RU ma kienux mgħammra b’mod adegwat bil-mezzi adattati, kemm fis-sens ta’ staff kompetenti kif ukoll f’riżorsi suffiċjenti, biex iwettqu d-dmirijiet tagħhom ta’ sorveljanza u regolazzjoni, kuntrarju għall-istandard stabbilit fl-Artikolu 10 paragrafu 3 tat-Tielet Direttiva dwar il-Ħajja. Dawn il-poteri u l-mezzi meħtieġa u konsegwentement il-possibilità ta’ sorveljanza effettiva huma aktar importanti minħabba li, bid-dħul fis-seħħ tat-Tielet Direttiva dwar il-Ħajja, l-Istat Membru domestiku jżomm ir-responsabbiltà waħdanija għas-sorveljanza finanzjarja ta’ l-impenji ta’ assigurazzjoni fuq il-ħajja.

Ħtieġa ta’ informazzjoni

17. Materjal disponibbli għall-kumitat3 iqajjem tħassib rigward kemm il-kundizzjonijiet dwar il-kxif ta’ l-informazzjoni kif stabbiliti mit-Tielet Direttiva twettqu b’mod sewwa mir-RU u kemm inkisru fil-każ ta’ l-Equitable Life.

L-Applikazzjoni tat-Tielet Direttiva dwar il-Ħajja

18. Il-kumitat iqis li huwa ċar li l-obbligi imposti mid-Direttivi fuq l-Istati Membri m’għandhomx jaqsmu biss mal-kompetenzi leġiżlattivi tagħhom imma jestendu wkoll

1 Ara Taqsima II Sezzjoni II.1.1, pp 60-61 u Taqsima II Sezzjoni II.2.3, pp 105-106; Ara wkoll WE 17, para 7.2.2, p 228.2 Ara per eżempju: Baird Report (WE 17), fil-paragrafu 2.23.5; Ir-Rapport Penrose (WE 16), Kapitolu 19, fil-paragrafi 158 u 160.3 Ara Sezzjoni IV (b’mod partikulari l-paġni 266-267)

PR\661725MT.doc 7/36 PE 386.573v03-00

MT

għall-kompetenzi amministrattivi u ġuridiċi tagħhom. Barra minn hekk, l-adozzjoni ta’ miżuri nazzjonali li jwettqu d-Direttiva ma tkoprix l-effetti kollha tagħha. L-applikazzjoni sħiħa ta’ Direttiva tinkiseb biss meta l-miżuri tat-twettiq nazzjonali jibdew ikunu applikati b’mod li jiksbu r-riżultat imfittex minnha. Tabilħaqq, diverġenzi fl-applikazzjoni tad-Direttivi jkollhom biss effett negattiv fuq l-uniformità u l-ekwivalenza fi ħdan l-ordni legali tal-Komunità.

19. Il-kumitat huwa tal-fehma li l-applikazzjoni tat-3LD mir-RU rigward il-każ ELAS kellha n-nuqqasijiet u li r-regolaturi u l-awtoritajiet tar-RU ma rrispettawx b’mod adegwat l-għan aħħari tad-Direttiva. Il-kumitat jemmen li, fil-każ preżenti, il-kombinazzjoni ta’ traspożizzjoni formalistika b’applikazzjoni li kienet difettuża f’diversi modi jwassal għall-konklużjoni li l-proċess tat-twettiq bħala proċess sħiħ kien difettuż.

PE 386.573v03-00 8/36 PR\661725MT.doc

MT

B. TAQSIMA III - IS-SISTEMA REGOLATORJA

Il-politika regolatorja 'Ħafifa' tar-Regolaturi tar-RU

1. Kien hemm stqarrijiet interessanti li jindikaw li r-RU applika b’mod konsistenti, matul perjodu sostanzjali fl-aħħar għoxrin sena, kemm qabel kif ukoll wara d-dħul fis-seħħ tat-Tielet Direttiva dwar il-Ħajja, politika regolatorja sottożviluppata 'ħafifa' fuq in-negozju ta’ l-assigurazzjoni fuq il-ħajja. Sottomissjonijiet u stqarrijiet juru li issa fir-RU ġiet żviluppata u mwettqa politika regolatorja estensiva msejsa fuq il-prinċipji u mistennija tkun integrata fil-proposti Solvency II.

2. Il-kumitat jifhem li l-ebda sistema regolatorja ma tista’ telimina r-riskju u tevita b’mod komplet in-nuqqasijiet kollha tal-kumpaniji rregolati, għax sistema bħal din hemm il-probabbiltà li toħnoq l-innovazzjoni b’detriment għall-għażla tal-konsumatur. Madankollu, kien hemm diversi stqarrijiet li jissuġgerixxu li l-politika regolatorja 'ħafifa' tar-RU marret pass lil hinn wisq u kkontribwit għall-ħolqien ta’ ambjent regolatorju dgħajjef. Dan ippermetta li d-diffikulatjiet fl-ELAS jikbru mingħajr indħil, meta f’sistema regolatorja aktar b’saħħitha forsi setgħu joħorġu fid-deher fi stadju aktar bikri u l-kriżi aħħarija forsi b’hekk setgħet tkun evitata.

3. Jidher li r-regolaturi tar-RU naqsu milli jagħmlu reazzjoni b’mod adattat fil-ħin għall-fatt li l-ELAS kienet kronikament nieqsa mill-assi matul id-disgħinijiet, għax ma warrbitx riżervi b’mod adattat għall-bonus terminali tal-ġejjieni. Dan seħħ minħabba li r-regoli għall-ħolqien ta’ dispożizzjonijiet li jkopru l-bonus diskrezzjonali tal-ġejjieni nżammu apposta vagi mir-regolaturi, li dehru huma wkoll li sempliċiment telquhom biex ikunu indirizzati mingħajr indħil mill-Attwarji Maħtura.

Nuqqasijiet regolatorji mir-Regolaturi tar-RU

4. Kien hemm bosta stqarrijiet u sottomissjonijiet li jappoġġjaw is-sejba ta’ nuqqas regolatorju u nuqqasijiet fis-sorveljanza prudenzjali mir-regolaturi differenti ta’ l-assigurazzjoni fuq il-ħajja tar-RU (DTI/HMT/FSA), kif ukoll mill-GAD, rigward is-sorveljanza fuq l-ELAS matul id-disgħinijiet u b’mod speċifiku wara li t-Tielet Direttiva dwar il-Ħajja daħlet fis-seħħ fl-1994.

5. Bl-istess mod, hemm materjal biżżejjed biex jindika li, li kieku r-regolaturi tar-RU wettqu b’mod korrett u diliġenti l-poteri ta’ sorveljanza prudenzjali u regolatorji tagħhom, kif meħtieġ mill-Artikoli 10 u 13 tat-Tielet Direttiva dwar il-Ħajja, huma wkoll imisshom skoprew u għamlu reazzjoni għad-dgħjufijiet u r-riskji inerenti fil-mudell tan-negozju u l-operat ta’ l-ELAS fiż-żmien qabel ma tfaċċat il-kriżi finali;

6. Kien hemm għadd sinifikanti ta’ stqarrijiet li juru li r-regolaturi tar-RU naqsu milli jżommu lill-ELAS milli tidħol fi kriżi u b’hekk naqsu milli jħarsu lil dawk li kellhom polza ta’ l-assigurazzjoni ma’ l-ELAS fir-RU u Stati Membri oħra milli jbatu telf finanzjarju bħala konsegwenza diretta.

PR\661725MT.doc 9/36 PE 386.573v03-00

MT

7. Stqarrijiet u parir espert li waslu għand il-kumitat jidhru li jikkontradixxu l-valutazzjoni globali ta’ Lord Penrose li “b’mod ġenerali, is-Society ħolqot l-isfortuna tagħha hija stess. In-nuqqasijiet tas-sistema regolatorja kienu fatturi sekondarji1". B’mod partikulari, is-‘Sejbiet Ewlenin'2 tar-Rapport tiegħu stess jidhru li ma jaqblux mal-valutazzjoni ta’ fuq, għax is-Sejbiet jistqarru li n-nuqqasijiet regolatorji tabilħaqq ikkontribwew b’mod sostanzjali biex inħoloq ambjent regolatorju dgħajjef li fih setgħet tiżviluppa l-kriżi ELAS.

Nuqqas li jintgħarfu r-riskji GAR

8. Hemm korp kbir ta’ materjal li jissuġġerixxi li r-regolaturi tar-RU naqsu milli jagħrfu –jew issottovalutaw b’mod negliġenti – l-impatt potenzjali tal-politika GAR fuq l-istabbilità finanzjarja ta’ l-ELAS. B’mod partikulari fil-każ ta’ tnaqqis sostanzjali fis-swieq finanzjarji u minħabba r-reputazzjoni magħrufa ta’ l-ELAS li żżomm marġini żgħar ta’ kemm il-kumpanija tkun kapaċi tħallas id-dejn tagħha u tar-riżervi. Jidher li meta dan ir-riskju fl-aħħar ingħaraf mir-Regolaturi tar-RU, kien tard wisq biex is-sitwazzjoni titreġġa’ lura u kull azzjoni regolatorja li ttieħdet wara kienet biss attentat tard wisq biex tkun illimitata l-ħsara.

9. Ftit jista’ jkun hemm dubju li s-suq nieżel ta’ l-ekwità fl-2001-2002 ikkontribwixxa għal aċċelerazzjoni tal-kriżi ta’ l-ELAS wara d-deċiżjoni tal-House of Lords. Madankollu, forzi tas-suq kuntrarji waħedhom ma jistgħux jintgħażlu bħala r-raġuni waħdanija għall-kriżi ta’ l-ELAS, kif jixhed il-fatt li mhux l-uffiċċji kollha ta’ l-assigurazzjoni fuq il-ħajja fir-RU sofrew kriżi ta’ dan il-kobor. Fil-każ ta’ l-ELAS, il-materjal disponibbli jissuġġerixxi li għadd ta’ fatturi li b’mod ċar kienu hemm qabel beda nieżel is-suq, u b’mod partikulari il-kwistjoni GAR, kienu diġà ħolqu l-bażi għall-problemi finanzjarji tas-Soċjetà li seħħew wara.

Rispett eċċessiv għall-ELAS

10. Jidher ukoll li r-regolaturi tar-RU ġabu ruħhom b’‘suġizzjoni’ jew ‘rispett’ mhux mistħoqq fil-konfront ta’ l-ELAS, b’mod partikulari meta kienet magħrufa l-istorja twila tagħha u li sa dak in-nhar kellha reputazzjoni tajba ħafna, li wassluhom biex iqisuha bħala l-‘krema’ ta’ l-industrija ta’ l-assigurazzjoni fuq il-ħajja u mid-deher emmnu li kienet ‘tajba wisq u ta’ fama tajba wisq’ biex twettaq l-iżbalji.

11. Għadd ta’ xhieda u stqarrijiet sostnew li kienet preċiżament din l-attitudni ta’ suġizzjoni li kkontribwiet b’mod sinifikanti għall-ħolqien ta’ mudell permissiv ta’ sorveljanza prudenzjali u ambjent regolatorju dgħajjef li mbagħad ippermettew lill-ELAS li topera mingħajr ma tkun ikkontrollata, u dan ippermetta lid-dgħjufija finanzjarja tas-Soċjetà li tikber mingħajr kontroll matul is-snin.

Iċ-ċaqliq tar-responsabbiltà minn regolatur għal ieħor fir-RU

205 Ara WE 16, kapitolu 20, para.84206 Ara WE16, paġna 726: para.240, punti 7-11

PE 386.573v03-00 10/36 PR\661725MT.doc

MT

12. Il-kumitat jemmen li ċ-ċaqliq tar-responsabbiltàjiet regolatorji bejn korpi regolatorji differenti fir-RU sakemm inħolqot il-FSA kien b’mod ċar ta’ ħsara għat-tħaddim b’mod effiċjenti ta’ l-azzjoni ta’ sorveljanza u regolazzjoni matul id-disgħinijiet.

13. Hemm ħafna stqarrijiet li jagħtu appoġġ lill-asserzjoni li d-dgħufija fil-komunikazzjoni bejn ir-regolaturi tar-RU ikkontribwiet għas-sitwazzjoni li ppermettiet lill-problemi li kienu qed joktru fl-ELAS biex ma jkunux ikkontrollati u jiżviluppaw fi kriżi. Madankollu f’dan il-każ partikulari, għadd ta’ stqarrijiet issuġġerew li l-qagħda fir-RU tjiebet minn mindu nħolqot Awtorità għas-Sorveljanza Finanzjarja waħdanija.

Allegazzjonijiet ta’ kollużjoni ma’ l-ELAS u/jew frodi apposta

14. Il-kumitat mhux konvint minn allegazzjonijiet1 ta’ strateġija apposta u kkordinata ta’ kollużjoni bejn ir-regolaturi tar-RU u l-maniġment ta’ l-ELAS, jew permezz ta’ ostruzzjoni ta’ l-istħarriġ fil-kawżi tal-kriżi ta’ l-ELAS jew permezz ta’ frodi apposta u kkordinati li ħallsu għalihom dawk li kellhom polza ta’ l-assigurazzjoni ma’ l-ELAS.

15. Il-kumitat huwa tal-fehma li wara li nkixfet il-kriżi ta’ l-ELAS, kif ingħad minn ħafna partijiet f’għadd ta’ okkażjonijiet, ir-regolaturi tar-RU damu, kważi b’mod retiċenti u mhux dejjem b’mod għal kollox trasparenti, biex mexxew l-istħarriġ dwar l-ELAS, kif ukoll fl-irraportar dwarha lill-pubbliku, b’mod partikulari lil dawk li kellhom polza ta’ l-assigurazzjoni.

Skema ta’ Kompromess (CS)

16. Hemm stqarrijiet2 li huma kotrana u interessanti li jissuġġerixxu li għadd kbir ta’ persuni li kellhom polza ta’ l-assigurazzjoni ħassewhom imqarrqa mill-ELAS u r-Regolaturi meta ffirmaw u vvutaw favur l-Iskema ta’ Kompromess.

17. Il-kumitat jemmen li meta vvutaw dwar il-CS, dawk li kellhom polza ta’ l-assigurazzjoni ma kienux jafu b’mod komplet dwar il-konsegwenzi legali tad-deċiżjoni tagħhom.3 Dan jidher li huwa parzjalment riżultat tal-komplessità tat-tagħrif legali mogħti fil-proposta tal-CS, kemm mill-ELAS u l-FSA, li seta’ kien ma jiftihemx sewwa mill-policyholdermedju.

18. Il-kumitat jemmen ukoll li avviż ta’ twissija ċar imissu ngħata biex jinforma lil dawk li kellhom polza ta’ l-assigurazzjoni li, jekk jaqblu mal-CS, l-istabbilità tal-fond ta’ assigurazzjoni bil-profitti ma kien bl-edba mod iggarantit fuq medda twila ta’ żmien u li dan baqa’ espost b’mod sħiħ għall-varjazzjonijiet fis-swieq finanzjarji u li ż-żidiet fil-valuri tal-poloz mogħtija taħt il-CS setgħu jinqerdu b’aktar tnaqqis fil-valuri tal-poloz.

Allegazzjonijiet ta’ ‘mis-selling’

207 Ara Taqsima III, Sezzjoni IV.1 (b) u (f)208 Ara Taqsima III, Sezzjoni IV.3 (e)209 Ara Taqsima III, Sezzjoni IV.3 (b) sa (d)

PR\661725MT.doc 11/36 PE 386.573v03-00

MT

19. Kien hemm ħafna stqarrijiet kemm diretti kif ukoll indiretti, li wħud minnhom jappoġġjaw b’mod ċar l-asserzjoni li l-ELAS kienet responsabbli għal ‘mis-selling’ u ta’ rappreżentazzjoni ħażina lil dawk li kellhom polza ta’ l-assigurazzjoni u lil klijenti potenzjali, kemm fir-RU kif ukoll fi Stati Membri oħra fejn kienet topera.

20. B’mod partikulari, hemm stqarrijiet1 li jissuġġerixxu li l-ELAS tat informazzjoni qarrieqa lil dawk li kellhom polza ta’ l-assigurazzjoni u lill-klijenti prospettivi dwar għadd ta’ suġġetti, u b’mod ddeliberat ma ġibditilhomx l-attenzjoni għar-riskju tal-GAR, anki wara li l-ELAS kienet ħadet parir legali dwar il-problema GAR mingħand l-avukati tagħha u r-regolaturi.

21. Il-kumitat sema’ aktar allegazzjonijiet dwar ‘mis-selling’, li jissuġġerixxu li l-materjal tal-bejgħ ta’ l-ELAS sostna li l-fond tal-poloz ‘bil-profitti’ kien qiegħed iwitti l-varjazzjonijiet fid-dħul u l-valuri ta’ l-assi. Barra minn hekk, kien allegat li l-ELAS mexxiet politika aggressiva ta’ ‘tqallib’ ta’ poloz li kienu diġà jeżistu lejn poloz ta’ investiment aktar ġdid li għamlu qligħ tajjeb ħafna għall-ELAS, u b’hekk iġġeneraw negozju ġdid u kummissjonijiet u ħtieġu riżervi ta’ anqas kapital, ovvjament kontra l-interessi ta’ dawk li kellhom polza ta’ assigurazzjoni ma’ l-ELAS.

22. Hemm ukoll stqarrijiet li jagħtu appoġġ lil firxa oħra ta’ allegazzjonijiet ta’ ‘mis-selling’ fi Stati Membri oħra fejn l-ELAS kellha xogħol ta’ bejgħ, per eżempju biex tittanta klijenti prospettivi billi sostniet li l-investiment potenzjali kellu kwalitajiet speċifiċi li fil-fatt ma kienux jeżistu, inkluż l-istqarrijiet li l-poloz Irlandiżi jew internazzjonali kienu 'ring-fenced', u li l-poloz Ġermaniżi kienu suġġetti għall-kontroll tar-Regolatur Finanzjarju Ġermaniż.

Negliġenza fis-sorveljanza mir-regolatur ta’ Kif Jitmexxa n-Negozju (CoB)

23. Il-kumitat jemmen li r-regolaturi tal-CoB tar-RU iċċaqalqu tard, jekk iċċaqalqu, rigward il-prattiċi tal-bejgħ u l-‘marketing’ imsemmija fuq ta’ l-ELAS. Ir-regolaturi tal-CoB fl-Istati Membri l-oħra kkonċernati wkoll iċċaqalqu tard, parzjalment minħabba li strutturi ta’ sorveljanza adattati kienu għadhom ma twaqqfux u parzjalment minħabba li huma stennew li jistrieħu fuq l-effiċjenza tas-sorveljanza tar-regolatur fir-RU. Madankollu, jidher li malli l-problemi ta’ l-ELAS saru magħrufa minn kulħadd jew inġiebu għall-attenzjoni tagħhom, is-sorveljanza tar-regolaturi tal-CoB barranin tjiebet.

24. B’mod ġenerali, l-istqarrijiet mismugħa u mibgħuta jissuġġerixxu b’mod qawwi li s-sorveljanza tar-regolaturi ta’ l-assigurazzjoni fuq il-ħajja fl-Istati Membri affettwati tjiebet fl-aħħar ħames snin, b’mod partikulari fejn awtorità waħdanija għas-sorveljanza ta’ l-assigurazzjoni issa tkopri kemm is-sorveljanza prudenzjali kif ukoll is-sorveljanza tal-Cob.

Nuqqasijiet fil-komunikazzjoni bejn ir-regolaturi tar-RU u dawk barranin

210 Ara Taqsima III, Sezzjoni IV.2 (a) u Sezzjoni IV.4 (a), paġni 69-71

PE 386.573v03-00 12/36 PR\661725MT.doc

MT

25. Ħafna rapporti jappoġġjaw l-istqarrija li l-komunikazzjonijiet bejn ir-regolaturi tar-RU u dawk barranin rigward l-ELAS ma kienux sodisfaċenti, jekk ma kienux ukoll defiċjenti b’mod ċar, matul id-disgħinijiet u sa l-2002. B’mod partikulari, il-kumitat iqis li l-komunikazzjonijiet, jekk kien hemm, li seħħew ma kienux biżżejjed biex jieħdu ħsieb kwistjoni importanti bħal ma kienet il-kriżi ta’ l-ELAS b’implikazzjonijiet transkonfinali ċari.

26. Il-kumitat jemmen b’mod sod li l-interpretazzjoni tar-regolaturi tar-responsabbiltajiet tal-pajjiż fejn kienu bbażati (home)/milqugħa (host) l-kumpaniji ta’ l-assigurazzjoni fuq il-ħajja, kienu passivi wisq, b’tendenza ta’ wieħed iserraħ fuq l-ieħor. Kif kien ikkonfermat minn għadd ta’ stqarrijiet, din l-imġiba minnha nnifisha kkontribwiet biex jiddgħajjef aktar l-ambjent regolatorju u wassal b’mod partikulari biex dawk mhux mir-RU li kellhom polza ta’ l-assigurazzjoni ‘jispiċċaw minn taħt’ u r-regolatur li laqa’ għandu(host) jispiċċa jidher qisu spettatur bi ftit li xejn kontroll fuq in-negozju ta’ l-assigurazzjoni li kien qed jitwettaq fit-territorju tiegħu.

27. Stqarrijiet u materjal pprovduti lill-kumitat jagħtuh x’jemmen li l-komunikazzjonijiet bejn ir-regolaturi ta’ l-assigurazzjoni tjiebu mill-2004 minħabba l-kooperazzjoni aktar mill-qrib tar-regolaturi fi ħdan in-netwerk ġdid tar-regolaturi Ewropej CEIOPS, li għandu l-għan li jkun hemm ħidma aħjar fis-sorveljanza u l-azzjoni regolatorja transkonfinali.

28. Madnakollu, il-kumitat iqis li fejn il-pajjiż li jilqa’ għandu ma jinnotifika l-ebda regoli ġenerali tajba lill-awtorità ta’ l-istat fejn hi bbażata l-kumpanija, hemm riskju inerenti li la min jissorvelja fil-pajjiż fejn hi bbażata l-kumpanija u lanqas dak li jissorvelja fil-pajjiż li jilqa’ għandu (host) ma jikkontrolla l-ħarsien tar-regoli dwar t-tmexxija tan-negozju għax wieħed jaħseb li l-ieħor qed jinforza r-regoli tiegħu nnifsu.

PR\661725MT.doc 13/36 PE 386.573v03-00

MT

C. TAQSIMA IV - RIMEDJI

Introduzzjoni

1. B’kollox, madwar 1.5 miljuni ta’ dawk li kellhom polza kienu affettwati mill-ġrajja ta’ l-Equitable Life. Il-maġġoranza kbira tagħhom kienu residenti fir-RU. Madankollu, għaddsinifikanti ta’ dawk b’polza minn 14-il Stat Membru ieħor ta’ l-UE kienu affettwati, b’mod partikulari madwar 8 000 ċittadin Irlandiż u 4 000 ċittadin Ġermaniż. Għaldqastant, għadd kbir ta’ ċittadini Ewropej batew minħabba l-kriżi ta’ l-Equitable Life.

2. Il-preżentazzjonijiet bil-miktub u orali magħmula lill-kumitat1 jissuġġerixxu li l-kriżi ta’ l-ELAS ħolqot tbatija finanzjarja għal ħafna pensjonanti u nies li faddlu b’mod individwali. Ix-xhieda turi wkoll li ħafna minn dawk li kellhom polza batew ansjetà u dwejjaq konsiderevoli rigward il-kwistjonijiet marbuta mad-disponibilità ta’ riparazzjoni u aċċess għall-ġustiuzzja barra t-telf finanzjarju tagħhom.

3. It-telf kollettiv imġarrab minn dawk li kellhom polza ma jistax ikun ikkwantifikat b’mod preċiż fuq il-bażi tas-sottomissjonijiet magħmula lill-kumitat2. It-tnaqqis fil-valur tal-poloz intimat fis-16 ta’ Lulju 2001 kien ilaħħaq madwar £4 biljuni. Madankollu, kien hemm xhieda konfliġġenti dwar liema parti mit-tnaqqis tista’ tkun attribwita għall-immaniġġjar ħażin tas-Soċjetà u liema parti kienet fil-fatt konsegwenza ta’ fatturi esterni, bħal ma huma x-xejra dgħajfa tas-swieq finanzjarji li seħħet dak iż-żmien. Madankollu, il-prattika tas-Soċjetà li tħallas bonus eċċessiv matul id-disgħinijiet, flimkien ma’ l-ispejjeż tal-ħlas tal-GAR jidhru li kienu l-kawżi maġġuri għat-tnaqqis fil-valur tal-poloz.

4. Stqarrijiet magħmula lill-kumitat3 enfasizzaw il-fatt li diversi klassijiet ta’ dawk li kellhom polza kienu affettwati mill-kriżi fi gradi differenti. Pero jidher li diversi gruppi kienu żvantaġġati b’mod partikulari: l-ewwelnett dawk li kellhom polza mhux tal-GAR li ssieħbu bejn tard fid-disgħinijiet u l-2000, għax ma kienux ibbenefikaw qabel mill-allokazzjoni tal-bonus eċċessiv tas-Soċjetà; it-tieni, annwalitajiet bil-profitti li batew tnaqqis drastiku fil-ħlasijiet ta’ annwalità tagħhom mingħajr ma kellhom il-possibbiltà li jittrasferixxu l-polza tagħhom għand fornitur ieħor; it-tielet, dawk li kellhom polza mill-Istati Membri barra r-Renju Unit tpoġġew f’pożizzjoni diffiċli b’mod partikulari, kienu x’kienu t-termini tal-polza tagħhom ma’ l-ELAS.

5. Stqarrijiet magħmula lill-kumitat urew li ħafna mill-vittmi tal-kriżi ta’ l-ELAS kellhom diffikultà kbira biex ikunu jafu x’rotta jieħdu jew għand min għandhom japplikaw biex jippruvaw jagħmlu lment jew jiksbu riparazzjoni. Ħafna litteralment intbagħtu mingħand Pilatu għal għand Erodi minn diversi aġenziji. Oħrajn kellhom aspettattivi għolja ta’ riżoluzzjoni tal-kwistjoni permezz ta’ sistemi alternattivi (ADR) meta kienu jkunu ngħataw parir aħjar kieku fittxew rimedju permezz tal-qrati tradizzjonali, kieku felħu għall-ispiża finanzjarja. Fil-qosor, il-materjal ippreżentat lill-kumitat juri tendenza ta’ konfużjoni u inugwaljanza konsiderevoli fit-trattament. Konklużjonijiet u

1 Ara Taqsima IV, Sezzjoni II punti 1 u 32 Ara Taqsima IV, Sezzjoni II punt 23 Ara Taqsima IV, Sezzjoni II punt 3

PE 386.573v03-00 14/36 PR\661725MT.doc

MT

rakkomandazzjonijiet li ġew wara dwar l-istatus tal-klejms u l-adegwatezza tar-rimedji disponibbli għal dawk li kellhom polza u l-aċċess għal rimedji ġudizzjarji u mhux ġudizzjarji issa se jkunu eżaminati meta jmisshom.

I. Rimedju permezz tal-qrati

(a) Litigazzjoni mill-ELAS

6. L-attentat ta’ l-Equitable Life li tirkupra t-telf permezz tal-litigazzjoni kontra d-diretturi u l-awdituri preċedenti tagħha ma ġab l-ebda riparazzjoni għal dawk li kellhom polza. Din in-nuqqas ta’ abilità ta’ anki dak il-litigant li kellu fondi biżżejjed li jkun kapaċi jwassal it-talba bi dritt tiegħu sal-konklużjoni tenfasizza l-ispejjeż għolja u l-inċerterzza ġġenerata mir-rikors għall-mezzi ġudizzjarji ta’ riparazzjoni fir-RU.

(b) Proċeduri ċivili kontra l-ELAS

7. It-tnedija ta’ proċeduri bil-qorti kontra l-ELAS (taħt is-Sezzjoni 62 ta’ l-Att dwar is-Servizzi Finanzjarji ta’ l-1986 għal rappreżentazzjoni qarrieqa jew pariri negliġenti) kienet, fit-teorija, rotta potenzjali biex ifittxu riparazzjoni dawk li kellhom polza u kienu mġarrba. Madankollu, fil-prattika, kif jissuġġerixxu s-sottomissjonijiet magħmula lill-kumitat1, ftit minn dawk li kellhom polza kienu jifilħu finanzjarjament li jieħdu din ir-rotta jew heddew, permezz ta’ dawk li jagħtuhom parir legali, li se jagħmlu hekk u bħala konsegwenza waslu f’saldu mas-Soċjetà qabel daħlu l-qorti taħt klawsoli stretti ta’ kunfidenzjalità. L-ispejjeż u r-riskji għolja taħt is-sistema legali tar-RU żammet lill-policyholder medju milli jfittex lis-Soċjetà għad-danni, u dan bħala konsegwenza kellu jserraħ fuq il-FOS bħala l-unika rotta possibbli għar-riparazzjoni. Il-kumitat huwa tal-fehma li b’mod ċar ħafna dan huwa inġust.

(c) Proċeduri kontra l-awtoritajiet ta’ sorveljanza

8. Parir espert2 ikkummissjonat mill-kumitat jindika li taħt il-liġi tar-RU, mhux bħal ma hemm fil-maġġoranza tal-pajjiiżi l-oħra fil-UE, l-awtorità ta’ sorveljanza ma tistax tinżamm responsabbli għad-danni minħabba n-negliġenza imma biss minħabba abbuż ta’ l-awtorità bħala uffiċċju pubbliku, li tkun teħtieġ element ta’ rieda ħażina. Dan l-element ikun sodisfatt biss fejn l-awtorità kienet eżerċitat il-poteri tagħha b’mod illegali, bl-intenzjoni speċifika li tagħmel ħsara lil dak li ressaq il-kawża, jew minħabba indifferenza negliġenti għall-possibbiltà ta’ din il-ħsara. Materjal disponibbli jissuġġerixxi li dawn il-kundizzjonijiet ma tressqux fil-każ ta’ l-ELAS, bil-konsegwenza li hemm dubji serji dwar kemm dawk b’polza u huma milqutin jista’ jkollhom suċċess jekk iżommu lill-awtoritajiet regolatorji responsabbli għad-danni taħt il-liġi tar-RU.

(d) Il-qagħda u t-trattament ta’ dawk minn Stati Membri oħra li kellhom polza

1 Ara Taqsima IV, Sezzjoni VI punt 2.c.)2 Ara Taqsima IV, Sezzjoni VII punt 2

PR\661725MT.doc 15/36 PE 386.573v03-00

MT

9. Il-kumitat jinnota d-dubji espressi mill-Kummissjoni1 rigward kemm huma ċari l-kunċetti tal-libertà tal-forniment tas-servizzi u l-ġid ġenerali u jaqbel li hemm differenzi fl-interpretazzjoni rigward kunċetti bħal “jimmina b’mod serju l-ħidma tal-mekkaniżmu mwaqqaf mit-Tielet Direttivi dwar il-Ħajja”.

10. Equitable Life operat fergħat fl-Irlanda (mill-1991 sa l-2001) u l-Ġermanja (mill-1992 sa l-2001) u biegħet il-prodotti tagħha lil madwar 2000 klijent Irlandiż u 4000 klijent Ġermaniż. Xi sottomissjonijiet2 jissuġerixxu li Equitable Life għamlet sforzi partikulari biex tiġbed klijenti Irlandiżi u Ġermaniżi tard fid-disgħinijiet u b’mod aktar qawwi fl-2000, fi żmien meta l-qagħda finanzjarja tagħha kienet saret kritika u fid-dawl tad-deċiżjoni tal-Qorti ta’ l-Appell f’Jannar 2000, kellha x-xejra li se tiħżien aktar minħabba l-obbligi tal-GAR. Il-kampanja ta’ reklamar qarrieq tas-Society fil-Ġermanja, li kien ikkritikat matul is-smigħ tax-xhieda mir-rappreżentant ta’ l-awtoritajiet Svizzeri bħala li lanqas tkun ikkuntemplata fl-ambjent3 regolatorju ta’ pajjiżu, u t-tnedija tal-‘fond Ewropew’ fl-Irlanda, it-tnejn fl-2000, jillustraw dan.

11. B’analoġija mal-‘mis-selling’ ta’ l-Equitable Life fir-RU, hemm rapporti4 interessanti li jissuġġerixxu li s-Soċjetà qarrqet ukoll għadd ta’ Irlandiżi u Ġermaniżi li kellhom polza kif ukoll klijenti prospettivi billi naqset milli tagħtihom parir dwar ir-riskju GAR u billi stqarret b’mod falz li li l-fond tal-poloz ‘bil-profitti’ kien qiegħed iwitti l-varjazzjonijiet fid-dħul u l-valuri ta’ l-assi. Barra minn hekk, stqarrijiet oħra saru lill-kumitat5 li jagħtuh x’jifhem li s-Soċjetà b’mod falz informat lil ċerti klijenti Irlandiżi li huma kienu xtraw, jew kienu se jixtru, ġo fond Irlandiż separat li kien se jkun 'ring-fenced' u għaldaqstant ma jkunx affettwat mill-obbligi li jirriżultaw mill-fond tar-RU. Is-Soċjetà kompliet tagħmel dan wara d-deċiżjoni tal-Qorti ta’ l-Appell f’Jannar 2000 u tenniet f’diversi okkażjonijietli d-deċiżjoni ma kienx se jkollha impatt fuq il-poloz Irlandiżi u oħrajn ‘internazzjonali’.

12. In-nuqqas ta’ sodisfazzjon, minn dawk il-Ġermaniżi li kellhom polza, bid-deċiżjoni riċenti tas-Soċjetà li ma tippubblikax aktar bil-Ġermaniż id-dokumenti li huma rrelatati mal-Laqgħa Ġenerali Annwali kif ukoll ir-rapporti u l-kontijiet, twassal għand il-kumitat.6 Din id-deċiżjoni tpoġġi b’mod ċar lil dawk il-Ġermaniżi li għandhom polza f’pożizzjoni anki aktar żvantaġġuża minn dawk b’polza fir-RU u tkompli tenfasizza l-ħtieġa għal kundizzjonijiet robusti dwar l-informazzjoni qabel isir kuntratt, kif ukoll matul iż-żmien kollu tiegħu.

13. Il-kumitat isibha ta’ l-għaġeb li l-ebda awtorità Irlandiża ma tassumi r-responsabbiltà għall-azzjonijiet li ttieħdu mir-regolatur Irlandiż rigward l-Equitable Life qabel l-2003.

14. Materjal7 disponibbli jindika li fl-Irlanda ma kienx hemm regoli dwar it-tmexxija tan-negozju li kienu speċifiċi għall-assigurazzjoni fuq il-ħajja fi żmien il-kriżi ta’ l-ELAS, għajr il-kundizzjonijiet dwar l-informazzjoni tad-Direttivi dwar il-Ħajja. Ir-Regolatur

1 Komunikazzjoni Interpretattiva dwar il-Liberta li jkunu pprovduti s-servizzi u t-tajjeb ġenerali fis-settur ta’ l-assigurazzjoni, 2000/C 43/03, 16 ta’ Frar 2000.2 Ara Taqsima IV, Sezzjoni IX punti 2.b.) u 2.d.)3 Ara Taqsima IV, Sezzjoni IX punt 3.a.) (paġna 248).4 Ara Taqsima IV, Sezzjoni IX punt 2.c.)5 Ara Taqsima IV, Sezzjoni IX punt 2.c.)6 Ara Taqsima IV, Sezzjoni IX punt 2.e.)7 Ara Taqsima IV, Sezzjoni IX punt 3.a.) (regolaturi Irlandiżi: paġni 245-247; regolaturi Ġermaniżi: paġni 247-250)

PE 386.573v03-00 16/36 PR\661725MT.doc

MT

Irlandiż ma nnotifikax r-regoli dwar it-tmexxija tan-negozju lir-regolatur tar-RU qabel Lulju 2002. Hekk ukoll, ir-regolatur Ġermaniż jidher li kkomunika r-regoli Ġermaniżi dwar it-tmexxija tan-negozju direttament lill-kumpaniji ta’ l-assigurazzjoni mill-KE li kienu qed joperaw fit-territorju tiegħu bejn l-1996 u l-2000, inkluża l-Equitable Life. Bl-eċċezzjoni ta’ intervent wieħed mir-regolatur Ġermaniż kontra kampanja ta’ reklamar qarrieq, la l-awtoritajiet Irlandiżi u lanqas dawk Ġermaniżi ma ħadu xi azzjoni partikulari rigward l-inforzar speċifiku ta’ xi regoli dwar it-tmexxija tan-negozju fejn għandha x’taqsam l-Equitable Life.

15. Il-kumitat jikkonkludi li r-regolaturi Irlandiżi u Ġermaniżi segwew imġiba passiva ħafna fir-rigward tar-regolament dwar it-tmexxija tan-negozju fil-konfront ta’ l-Equitable Life u naqsu milli jagħmlu użu sħiħ tal-poteri mogħtija lilhom f’dan ir-rigward mit-Tielet Direttiva dwar il-Ħajja.

16. Fid-dawl tal-materjal1 disponibbbli, il-kumitat jemmen li t-Tielet Direttiva dwar il-Ħajja hija nieqsa miċ-ċarezza meta tiddefinixxi l-poteri, ir-rwoli u r-responsabbiltajiet ta’ l-awtoritajiet ta’ l-Istati Membri fejn hemm il-bażi ta’ l-operazzjonijiet (home) u fejn jilqgħu in-negozju (host). Dan in-nuqqas ta’ ċarezza huwa problematiku kemm mill-perspettiva tal-kumpaniji li jridu joperaw f’suq wieħed u jiffaċċjaw inċertezza rigward ir-regoli li japplikaw u, fi grad aktar qawwi, għall-konsumaturi li hemm probabbiltà kbira li ma jkunux jafu bir-regoli li huma maħsuba biex jipproteġuhom u barra minn hekk ma jafux liema awtorità hija kompetenti biex tinforza dawn ir-regoli u tieħu ħsieb l-ilmenti li jkollhom x’jaqsmu magħhom. Barra minn hekk, il-kumitat jinnota li l-konsumaturi f’sitwazzjonijiet transkonfinali ħafna drabi jkunu ffaċċjati bl-azzjoni li jieħdu deċiżjoni dwar jekk l-ilment tagħhom għandux x’jaqsam mas-sorveljanza finanzjarja jew ma’ xi aspett ieħor tar-regolament, u din hija distinzjoni kumplessa biex titwettaq.

17. Il-każ ta’ l-Equitable Life ikompli juri r-rabtiet mill-viċin u kemm jikkoinċidu, f’ċerti oqsma, l-oqsma ta’ sorveljanza finanzjarja u tat-tmexxija tan-negozju. Id-diviżjoni tal-kompetenzi bejn l-istat domestiku (home) u l-istat li jilqa’ (host) għaldaqstant jista’ joħloq sitwazzjonijiet problematiċi, fejn ir-regolatur tat-tmexxija tan-negozju ta’ l-istat li jilqa’ jkun nieqes mill-informazzjoni finanzjarja li jkun jeħtieġ (li r-regolatur prudenzjali ta’ l-istat ‘home’ biss ikollu) biex jivvaluta jekk l-istqarrijiet magħmula u l-informazzjoni mogħtija mill-fornitur tas-servizzi finanzjarji humiex preċiżi jew b’xi mod insuffiċjenti/qarrieqa u għalhekk jeħtieġu intervent regolatorju. Il-fatt li l-FSA qatt ma qieset li kien meħtieġ li tavża lir-regolaturi ta’ l-istat li jilqa’ dwar l-istat kritiku tal-finanzi ta’ l-Equitable Life jikkostitwixxi raġuni importanti għan-nuqqas ta’ azzjoni regolatorja mir-regolatorji Ġermaniżi u Irlandiżi tat-tmexxija tan-negozju.

18. Kemm ir-regolaturi Irlandiżi u dawk Ġermaniżi wieġbu għal diversi mistoqsijiet u talbiet għall-informazzjoni minn dawk li kellhom polza. Materjal li tqiegħed għad-dispożizzjoni tal-kumitat2 jindika li ż-żewġ regolaturi fittxew li jiksbu informazzjoni mingħand l-awtoritajiet tar-RU u għaddew din l-informazzjoni lil dawk li għandhom polza fl-Istati Membri rispettivi tagħhom.

1 Ara wkoll Taqsima IV, Sezzjoni IX punt 3.a.), paġni 250 u 2512 Ara Taqsima IV, Sezzjoni IX punt 3.a.) (per eżempju, paġni 247 u 250)

PR\661725MT.doc 17/36 PE 386.573v03-00

MT

19. Madankollu, l-istqarrijiet li saru lill-kumitat1 jagħmluha ċara li ċ-ċittadini Irlandiżi u Ġermaniżi li għandhom polza ma kienux kapaċi jiksbu riparazzjoni għall-ħsara li ġarrbu permezz tar-regolaturi finanzjarji nazzjonali rispettivi tagħhom. L-awtorità Irlandiża ma kellhiex il-poter li tiddeċiedi dwar l-ilmenti. Ir-regolatur Ġermaniż warrab il-maġġoranza ta’l-ilmenti li rċieva għax qieshom li kienu jikkonċernaw affarijiet ta’ sorveljanza finanzjarja, li ma kinitx taqa’ taħt ir-responsabbiltà tiegħu. Iż-żewġ ilmenti li ntlaqgħu mir-regolatur Ġermaniż ma kienux relatati mal-kriżi ta’ l-Equitable Life.

20. Ħafna staqarrijiet u sottomissjonijiet li saru lill-kumitat2 jissuġġerixxu li l-koinċidenżi u l-oqsma mċajpra bejn is-sorveljanza finanzjarja u s-sorveljanza tat-tmexxija tan-negozju ppermettew lill-awtoritajiet ta’ l-istati ‘home’ u ‘host’ biex iċaqalqu r-responsabbiltà li jilqgħu l-ilmenti mingħand wieħed għal għand l-ieħor. Per eżempju, la r-regolaturi Ġermaniżi u lanqas dawk tar-RU ma qiesu lilhom infushom bħala kompetenti biex jieħdu ħsieb ta’ ilment3 partikulari, li kien interpretat minn wieħed bħala li għandu x’jaqsam mas-sorveljanza finanzjarja, waqt li l-ieħor qies lill-istess ilment bħala li għandu x’jaqsam mat-tmexxija tan-negozju. Il-kumitat jemmen li dawn in-nuqqasijiet fir-riparazzjonijiet transkonfinali m’humiex aċċettabbli.

21. Il-kumitat jemmen li d-diskriminazzjoni fuq il-bażi tar-residenza rigward l-istħarriġ ġudizzjarju u mhux ġudizzjarju tan-nuqqas regolatorju jikkostitwixxi restrizzjoni fuq il-libertà li tirċievi s-servizzi, kif huwa ggarantit mit-Trattat. Barra minn hekk, diskriminazzjoni bħal din rigward ir-riparazzjoni hija marbuta tant mill-qrib mal-libertà li tirċievi u tipprovdi s-servizzi ta’ l-assigurazzjoni fuq il-ħajja u li tistabbilixxi fergħat li jipprovdu servizzi bħal dawn kif iggarantit mit-Trattat, li żgur hija kontra l-Artikoli 43 u 49 tat-Trattat tal-KE.

22. Dawk b’polza li għamlu kuntratt ma’ waħda mill-fergħat tas-Society fl-UE jistgħu jġibu talbiet kontra l-Equitable Life quddiem il-qorti tal-pajjiż rispettiv tagħhom taħt il-liġi domestika skond ir-Regolament (KE) Nru 44/2001 u l-Artikolu 32 tad-Direttiva kkonsolidata dwar il-Ħajja. Waqt li l-kumitat ma kellu l-ebda tagħrif ta’ każijiet miġjuba kontra l-Equitable Life quddiem il-qrati Irlandiżi4, huwa jaf li każ bħalissa huwa pendenti quddiem qorti reġjonali Ġermaniż. Il-kumitat iqis li l-ġurisdizzjoni tal-qrati domestiċi iġġib magħha xi vantaġġi għall-dawk b’polza li huma affettwati. Madankollu, hemm ċerti dubji dwar kemm il-qrati domestiċi se jkollhom dejjem il-kapaċità li jieħdu ħsieb b’mod adegwat tal-każijiet, bħal ta’ l-Equitable Life, fejn ix-xhieda li trid titqies tinvolvi kwistjonijiet attwarjali u regolatorji kumplessi marbutin b’mod qawwi ma’ Stat Membru ieħor u li, barra minn hekk, mhux probabbli li din tkun disponibbli tradotta minn ilsien barrani. Fuq kollox, jista’ jkun hemm argumenti kumplessi dwar is-suġġett tal-liġi applikabbli, anki rigward l-interazzjoni bejn il-liġi internazzjonali privata u r-regoli tas-suq intern.

23. Il-konklużjoni ġenerali, li l-kumitat għamel rigward dawk b’polza fir-RU, li l-litigazzjoni m’hijiex alternattiva vijabbli għall-policyholder medju minħabba l-ispejjeż u r-riskji li potenzjalment jistgħu jkunu għoljin, anki tapplika, f’termini ġenerali, għal dawk b’polza

1 Ara Taqsima IV, Sezzjoni IX punt 3.a. (regolaturi Irlandiżi: paġna 247; regolaturi Ġermaniżi: paġna 249) 2 Ara Taqsima IV, paġni 249-252, 257 u 2583 Ara Taqsima IV, Sezzjoni IX punt 3.a.) (paġna 257)4 Ara Taqsima IV, Sezzjoni IX punt 5

PE 386.573v03-00 18/36 PR\661725MT.doc

MT

mhux fir-RU, għalkemm il-grad tar-riskju li għalih huma esposti l-litiganti jista’ jvarja skond is-sistemi legali domestiċi rispettivi tagħhom u l-ispejjeż ta’ l-aċċess għal dawn is-sistemi, inkluża d-disponibbiltà ta’ xi skemi ta’ għajnuna legali.

(e) Rimedji taħt il-Liġi Komunitarja

24. Il-kumitat jieħu nota tal-ġurisprudenza u l-prattika istituzzjonali li minħabba fihom il-Kummissjoni ma tistax iġġib proċeduri ta’ ksur tal-liġijiet kontra Stati Mmebri għal ksur tal-liġi Komunitarja li seħħ fil-passat u li minn dak in-nhar kienu rrimedjati. Il-kumitat jinsisti, madankollu, li pożizzjoni bħal din sfortunatament toħloq lakuna fil-ħarsien ġudizzjarju ta’ individwi li huma vittmi ta’ vjolazzjonijiet tal-liġi Komunitarja minn Stat Membru, li tista’ tinkixef biss wara diversi snin li jkun seħħ il-ksur tal-liġi. Il-kumitat jemmen li l-possibiltà li jkunu kkundannati l-Istati Membri għall-ksur tal-liġi li jkun seħħ fil-passat, barra li jkun ta’ għajnuna għall-vittmi li jkunu qed iqisu x’azzjonijiet huma possibbli li jittieħdu quddiem il-qrati nazzjonali, se joħloq inċentiv qawwi għall-Istati Membri biex iwettqu l-leġiżlazzjoni ta’ l-UE b’mod korrett u fil-ħin. Il-kumitat jinnota wkoll li l-Kummissjoni għandha l-poter li tistħarreġ ksur tal-liġi Komunitarja li seħħ fil-passat minn intrapriżi bi ksur ta’ ċerti regoli tat-Trattat fejn hemm interess leġittimu li jsir dan. 1

25. Bil-maqlub, limitazzjoni bħal din fuq il-poteri tal-Kummissjoni tenfasizza l-importanza vitali tad-dritt għal petizzjonijiet taċ-ċittadini u d-dritt tal-Parlament li jwettaq inkjesti f’sitwazzjonijiet bħal dawn. Il-Kummissjoni, b’risposta għall-ilmenti li rċeviet minn dawk b’polza ta’ l-Equitable Life, argumentat li ma setgħetx tistħarreġ il-kontenut u l-applikazzjoni tas-sistema regolatorja li kien hemm qabel fir-RU, li minn dak iż-żmien ‘l hawn inbidlet. Il-Parlament, b’kuntrast, iddecieda li l-kwistjonijiet imressqa minn dawk b’polza kienu importanti biżżejjed li jixirqilhom stħarriġ fil-fond u t-twaqqif li seħħ wara ta’ Kumitat ta’ Inkjesta. Għalkemm il-Parlament innifsu m’għandux il-poteri li jagħti kumpens lil dawk li ressqu l-petizzjonijiet, huwa jista’ jagħmel ir-rakkomandazzjonijiet li jħoss li huma adattati f’dan ir-rigward.

26. It-Tielet Direttiva dwar il-Ħajja minnha nnifisha ma tipprovdix rimedji u ma tidħolx fil-kwistjoni ta’ kumpens, u ma tagħmilx referenza għaliha. Dawn il-kwistjonijiet iridu għaldaqstant ikunu ddeterminati skond il-prinċipji ġenerali tal-liġi Komunitarja, inkluż id-dover ta’ kooperazzjoni leali mnaqqax fl-Artikolu 10 tat-Trattat tal-KE.

27. Ir-RU jista’ fil-prinċipju jinżamm responsabbli quddiem il-qrati nazzjonali għad-danni li batew dawk li kellhom polza ta’ l-Equitable Life bħala riżultat tan-nuqqas tar-RU li jikkonforma mad-dispożizzjonijiet tat-Tielet Direttiva dwar il-Ħajja. Ċerti nuqqasijiet tar-regolaturi2 tar-RU jistgħu fihom infushom jammontaw għal ksur tal-liġi serju biżżejjed għall-għanijiet ta’ l-obbligi ta’ l-istat taħt il-liġi Komunitarja. Barra minn hekk, huwa ċar li l-effett kumulattiv tal-ksur tal-liġi mill-awtoritajiet tar-RU jista’ b’mod kollettiv jammonta għal nuqqas gravi u manifest ta’ attenzjoni għal-limiti imposti fuq id-diskrezzjoni tagħhom.

1 Ir-Regolament tal-Kunsill (KE) Nru 1/2003 tas-16 ta’ Diċembru 2002 dwar l-implimentazzjoni tar- regoli tal-kompetizzjoni mniżżlin fl-Artikoli 81 u 82 tat-Trattat, ĠU L 1, 4.1.2003, p. 1–25, Premessa 11 u Artikolu 7(1).2 Ara Taqsima IV, Sezzjoni X punt 2.b.) (b’mod partikulari paġni 272 u 273)

PR\661725MT.doc 19/36 PE 386.573v03-00

MT

II. Mezzi ta’ riparazzjoni mhux ġudizzjarji

(a) Ilmenti lill-FSA u diversi inkjesti qabel l-EQUI

28. Stqarrijiet magħmula lill-kumitat1 jindikaw li la l-ilmenti li tressqu minn dawk b’polza lill-FSA wara l-kriżi, u lanqas waħda mill-inkjesti uffiċjali li saru wara, ma rriżultaw f’riparazzjoni. Tabilħaqq, kwistjonijiet ta’ obbligi u riparazzjoni possibbli jew ma kienux indirizzati jew b’mod espliċitu twarrbu mit-termini tar-referenza ta’ dawk l-inkjesti.

29. Materjal li huwa disponibbli għall-kumitat2 ma jappoġġjax allegazzjonijiet ta’ nuqqas mill-FSA li tieħu ħsieb b’mod adattat ta’ dawk b’polza mill-Irlanda u l-Ġermanja li avviċinawhom b’ilmenti jew talbiet għall-informazzjoni. Il-każijiet ppreżentati lill-kumitat, dwar każijiet fejn l-FSA rrifjutat li tieħu f’idejha aspetti partikulari ta’ l-ilmenti, li jikkonċernaw affarijiet dwar it-tmexxija tan-negozju, li taħt it-Tielet Direttiua dwar il-Ħajja kienu primarjament responsabbli għalihom ir-regolaturi ta’ l-istat fejn twaqqfet il-kumpanija. Madankollu, kif ġara fil-każ ta’ dawk b’polza fir-RU, ir-rappreżentazzjonijiet magħmula minn dawk il-Ġermaniżi u l-Irlandiżi b’polza lill-FSA ma rriżultaw fl-ebda riparazzjoni.

(a) L-Iskema ta’ Kumpens tas-Servizzi Finanzjarji

30. L-Iskema ta’ Kumpens tas-Servizzi Finanzjarji tar-RU ma kinitx disponibbli għall-vittmi ta’ l-Equitable Life, għax il-kumpanija qatt ma kienet iddikjarata falluta.

31. Il-kumitat jinnota, madankollu, li l-aċċess għall-fond ta’ kumpens huwa disponibbli biss għall-investituri li ffirmaw poloz b’xi rabta fir-RU jew, jekk l-investitur għamel kuntratt ma’ xi kumpanija sussidjarja fi Stati Membri oħra, fejn ir-riskju jew l-impenn huwa lokalizzat fir-RU. Il-kumitat iqis li t-tieni kundizzjoni tammonta għal diskriminazzjoni fuq il-bażi tar-residenza li hija inkompatibbli mal-liġi Komunitarja.

(b) L-Ombudman Finanzjarju tar-RU

32. Bosta eluf ta’ dawk b’polza rreġistraw ilmenti dwar l-Equitable Life mas-Servizz ta’ l-Ombudsman Finanzjarju (FOS)3 li ta raġun lil diversi mijiet minn dawk l-ilmenti b’għotjiet ta’ kumpens.

33. Stqarrijiet li saru lill-kumitat4 jissuġġerixxu li l-FOS m’assiguratx fil-każijiet kollha li l-ammont ta’ kumpens ikun ikkalkulat b’mod trasparenti biżżejjed, biex ikun jista’ jiġi vverifikat minn min iressaq l-ilment li jemmnu li l-ammonti ma kienux biżżejjed. Diversi stqarrijiet5 jissuġġerixxu li, meta ħadet ħsieb l-ilmenti, l-FOS ibbażat id-deċiżjonijiet tagħha mhux biss fuq il-merti rispettivi ta’ kull ilment imma wkoll fuq l-impatt ta’ kull deċiżjoni individwali fuq dawk b’polza li kien baqa’ fil-fond mutwalistiku.

1 Ara Taqsima IV, Sezzjoni III2 Ara Taqsima IV, Sezzjoni IX punt 4.a.)3 Ara Taqsima IV, Sezzjoni VI punt 1.b.); paġna 2164 Ara Taqsima IV, Sezzjoni VI punt 1.c.) (b’mod partikulari paġna 221 u 224)5 Ara Taqsima IV, Sezzjoni VI punt 1.b.) (b’mod partikulari paġna 218)

PE 386.573v03-00 20/36 PR\661725MT.doc

MT

34. Ir-rifjut tal-FOS li tqis fuq il-merti tagħhom l-ilmenti bbażati fuq il-konklużjonijiet ta’ Lord Penrose jikxef nuqqasijiet sinifikanti fil-ħarsien ġudizzjarju u kixef il-limitazzjonijiet tal-FOS fl-immaniġġjar ta’ l-ilmenti, meta d-deċiżjoni tiegħu kellha l-possibbiltà ta’ implikazzjonijiet regolatorji. Il-kumitat sema’ wkoll sottomissjonijiet1 li jgħidu li l-FOS ma ħaditx din id-deċiżjoni b’mod indipendenti mingħand l-awtoritajiet regolatorji. Bħala konsegwenza tad-deċiżjoni tal-FOS, kategorija sħiħa ta’ dawk li ressqu lmenti li potenzjalment kellhom talbiet validi rigward il-ħlas ta’ bonus żejjed tħallew mingħajr alternattiva ħlief il-litigazzjoni għalja u riskjuża.

35. Għadd kbir ta’ sottomissjonijiet li saru lill-kumitat2 jindikaw li t-trattament ta’ ċerti lmenti lill-FOS batew minn dewmien eċċessiv. F’xi każi, dan wassal biex l-ilmenti jiskadu minħabba ż-żmien u nżammu milli wara jieħdu azzjoni legali. Il-kumitat isib din il-konsegwenza inaċċettabbli.

36. Meta wieħed iqis kollox, il-kumitat jemmen li l-FOS ma kienx mezz adattat ta’ riparazzjoni għat-telf tal-maġġoranza l-kbira ta’ dawk b’polza ma’ l-Equitable Life li batew telf bħala konsegwenza tal-kriżi ta’ l-Equitable Life.

37. Il-kumitat huwa mħasseb li l-aspettazzjoni ta’ parti miċ-ċittadini li l-iskemi ta’ l-ombudman, bħal ma kienet il-FOS, se jikkostitwixxu alternattiva effettiva u vijabbli għal riparazzjoni ġudizzjarja mhux dejjem taqbel fir-realtà ma’ dak li sistemi bħal dawn fil-fatt huma kapaċi jikkunsinnaw.

(c) L-Iskema ta’ Kompromess

38. Sottomissjonijiet magħmula lill-kumitat3 jissuġġerixxu li l-għan primarju ta’ l-Iskema ta’ Kompromess ta’ l-arranġamenti kien li tneħħi l-inċertezzi u l-obbligi legali mill-Equitable Life u b’hekk tistabilixxi l-fond. L-iskema, madankollu, ma tejbitx is-sitwazzjoni ta’ dawk b’polza għax iż-żieda fil-valur tal-poloz li ngħatat lil dawk b’polza mhux tal-GAR, li biex ipattu ċedew id-dritt tagħhom li jfittxu għad-danni, kienet imxejna mit-tnaqqis li seħħ wara.

39. Rapporti4 numerużi jissuġġerixxu li s-Soċjetà setgħet kienet taf fiż-żmien li pproponiet l-iskema li ż-żidiet fil-valur tal-poloz ma kienx sostenibbli taħt ċirkustanzi normali. Madankollu, hija naqset milli tikkomunika dan lil dawk b’polza, li minħabba f’hekk setgħu ivvutaw kontra l-iskema, kieku kienu informati dwar il-qagħda kollha tal-finanzi tas-Soċjetà. 5

40. Il-kumitat jikkonkludi li r-riżultat prattiku ta’ l-iskema kien li neħħiet mingħand dawk li kien baqa’ b’polza d-dritt li jfittxu għad-danni kontra s-Soċjetà, mingħajr ma żammet lit-telf tagħhom milli jiżdied.

1 Ara Taqsima IV, Sezzjoni VI punt 1.c.); (per eżempju paġna 225) 2 Ara Taqsima IV, Sezzjoni VI punt 1.c.), (paġna219, 220, 223 u 224)3 Ara Taqsima IV, Sezzjoni IV punt 2 4 Ara Taqsima IV, Sezzjoni IV punt 2 5 Ara Taqsima IV, Sezzjoni IV punt 2

PR\661725MT.doc 21/36 PE 386.573v03-00

MT

41. Diversi rapporti1 jissuġġerixxu li s-Soċjetà nnifisha ħadet ħsieb għadd ta’ lmenti minn dawk b’polza mhux tal-GAR li ma kienux koperti minn ftehim ta’ kompromess, kemm b’mod individwali jew permezz ta’ analiżi tal-polza, u offritilhom xi kumpens. Jidher li l-maġġoranza ta’ dawk b’polza aċċettaw l-offerti, għalkemm l-ammonti jidher li naqsu milli jirriflettu t-telf veru li batew bħala konsegwenza tal-kriżi ta’ l-Equitable Life.

(d) L-Ombudsman Parlamentari tar-RU

42. L-istħarriġ ta’ l-Ombudsman Parlamentari tar-RU dwar jekk individwi sofrewx inġustizzja minħabba nuqqasijiet amministrattivi minn dawk li kienu responsabbli għar-regolazzjoni ta’ l-Equitable Life hija kumplimentari għall-inkjesta tal-Parlament Ewropew.

43. M’hijiex parti mill-mandat ta’ dan il-Kumitat li jattribwixxi r-responsabbiltà jew l-obbligi individwali fost dawk involuti fil-Gvern jew l-awtoritajiet regolatorji tar-RU; dan għandu jkun ix-xogħol ta’ l-Ombudsman Parlamentari tar-RU u xi proċedimenti legali jew parlamentari li jseħħu wara fir-RU.

44. Wara kjarifika, l-istħarriġ ta’ l-Ombudsman Parlamentari tar-RU ikopri l-pożizzjoni ta’ dawk b’polza internazzjonali kollha li qed jistqarru li batew inġustizzja minħabba n-nuqqasijiet amministrattivi fir-regolazzjoni prudenzjali ta’ l-Equitable Life, u kull konklużjoni u rakkomandazzjoni li jsiru se jindirizzaw ukoll il-pożizzjoni ta’ dawn li għandhom polza. L-Ombudsman għandu l-possibbiltà li jirrakkomanda lill-Gvern tar-RU il-ħlas ta’ kumpens.

(e) Dawk b’polza minn Stati Membri oħra: Aċċess għall-iskemi ta’ l-Ombudsman fir-RU u f’pajjiżhom

45. Jidher2 li l-Iskema ta’ l-Ombudsman dwar l-Assigurazzjoni ta’ l-Irlanda (IOI), li kienet diġà twaqqfet meta seħħet il-kriżi ta’ l-Equitable Life imma li minn dak iż-żmien ħadilha postha l-Omdudsman dwar is-Servizzi Finanzjarji (FSO), irċeviet 79 ilment minn persuni Irlandiżi b’polza, li minnhom 13 kienu milqugħa. L-IOI ma tatx tweġiba għal talba mill-kumitat għal kjarifika dwar fuq liema bażi ddeċidiet li tilqa’ ċerti lmenti, waqt li rreferietoħrajn lill-FOS tar-RU. Lanqas setgħet tinkiseb informazzjoni mingħand l-IOI dwar kemm minn dawk it-13-il każ deċiżi favur minn ressaq l-ilment ikkonċernaw l-allegazzjonijiet ewlenin dwar ‘mis-selling’ identifikati mill-kumitat. Meta wieħed jinkludi kollox, materjal disponibbli għall-kumitat jissuġġerixxi li l-iskema ta’ l-IOI ta’ qabel ma kinitx tikkostitwixxi mod adegwat ta’ riparazzjoni għal dawk l-Irlandiżi b’polza ta’ l-ELAS. Għandi jkun innotat, madankollu, li s-sitwazzjoni minn dak iż-żmien tjiebet bit-twaqqif ta’ Ombudsman dwar is-Servizzi Finanzjarji.

46. Ma kinitx teżisti skema ta’ Ombudsman dwar l-assigurazzjoni fil-Ġermanja qabel Ottubru 2001. Barra minn hekk, il-Versicherungsombudsman, imwaqqaf f’Ottubru 2001, m’huwiex kompetenti biex jieħu f’idejh ilmenti dwar l-Equitable Life għax is-Society qatt

1 Ara Taqsima IV, Sezzjoni IV punt 3 (rigward it-telf imġarrab suffered, ara Sezzjoni II punt 2)2 Ara Taqsima IV, Sezzjoni IX punt 3.b.)

PE 386.573v03-00 22/36 PR\661725MT.doc

MT

ma kienet membru ta’ l-iskema u l-ġurisdizzjoni ta’ l-ombudsman hija kontinġenti fuq din is-sħubija.

47. Fil-prinċipju, dawk b’polza ta’ l-Equitable Life li xtraw poloz mill-friegħi tas-Soċjetà fl-Irlanda, il-Ġermanja u Stati Membri oħra ta’ l-UE ma kellhomx aċċess għas-Servizz ta’ l-Ombudsman Finanzjarju tar-RU għax il-ġurisdizzjoni tal-FOS ma tkoprix l-ilmenti dwar is-servizzi fornuti mill-azjendi tar-RU minn barra r-RU.

48. Il-kumitat jagħraf1, madankollu, li xi ftit mill-ilmenti mill-Irlandiżi li kellhom polza kienu ttrattati mill-FOS. Baqgħet m’hijiex ċara eżattamnet fuq liema bażi l-FOS qieset li l-ilmenti waqgħu taħt il-ġurisdizzjoni tagħha. Il-kumitat huwa inklinat li jemmen li kien hemm konfużjoni f’dak iż-żmien fost dawk b’polza, l-awtoritajiet regolatorji u l-FOS innifisha dwar jekk ċerti lmenti mill-Irlandiżi b’polza kienux jaqgħu taħt il-ġurisdizzjoni ta’ l-FOS. Hija ta’ l-għaġeb li, b’kuntrast, il-FOS tidher li m’aċċettatx ilmenti minn dawk b’polza minn Stati Membri oħra, inkluża l-Ġermanja.

49. Meta wieħed iqis kollox, jidher2 li dawk b’polza mhux mir-RU ma kellhomx aċċess għal skemi ta’ riparazzjoni mhux ġudizzjarja adegwata fir-RU. Għaldaqstant, huma jsibu ruħhom f’pożizzjoni aktar żvantaġġjata minn dawk b’polza mir-RU. Din in-nuqqas ta’ ċarezza dwar lil min, jekk kien hemm xi ħadd, setgħu jindirizzaw dawk b’polza anki wassal lil ċittadin mhux mir-RU biex jibgħat ilment lill-Ombudsman Ewropew, li ma kellu l-ebda pożizzjoni f’din il-ħaġa.

(f) FIN-NET

50. FIN-NET, in-netwerk Ewropew għal skemi għar-riżoluzzjoni alternattiva ta’ disputa (ADR) dwar servizzi finanzjarji, huwa mekkaniżmu ddeċentralizzat li l-għan tiegħu huwa li jgħin billi jagħti direzzjoni lill-konsumaturi, f’sitwazzjonijiet transkonfinali, għall-iskema li tkun kompetenti biex tieħu ħsieb l-ilment tagħhom.

51. Il-kumitat jinnota3 nuqqasijiet sinifikanti fi ħdan is-sistema FIN-NET, li fundamentalment hija sistema volontarja. Dawn in-nuqqasijiet tfaċċaw l-ewwelnett mill-fatt li n-netwerk, anki wara diversi snin li ilu jiffunzjona, ma jkoprix lill-Istati Membri kollha u s-servizzi finanzjarji kollha ta’ l-UE. It-tieni, il-poteri u l-kompetenzi ta’ dawk l-iskemi ADR li huma membri tal-FIN-NET ivarjaw b’mod konsiderevoli. Finalment, il-kriterji wżati biex tkun iddeterminata l-ġurisdizzjoni tal-membri differenti tal-FIN-NET huma diversi u mhux dejjem jaħdmu flimkien biex joħolqu sistema koerenti. Per eżempju, FIN-NET ma tat l-ebda għajnuna lil dawk il-Ġermaniżi b’polza ta’ l-Equitable li l-ilmenti tagħhom waqgħu barra mill-ġurisdizzjoni msejsa fuq is-sħubija ta’ l-Ombudsman Ġermaniż u l-ġurisdizzjoni msejsa fuq it-territorju ta’ l-Ombudsman tar-RU. Fid-dawl ta’ dawn in-nuqqasijiet, hemm il-probabbiltà li jitfaċċaw sitwazzjonijiet transkonfinali simili, jew jista’ jkun li diġà tfaċċaw, li fihom hemm nuqqas sħiħ ta’ aċċess għal saldu tal-kwistjoni barra mill-qorti. Il-kumitat jinnota li l-kriżi ta’ l-ELAS għenet lill-Kummissjoni biex

1 Ara Taqsima IV, Sezzjoni IX punt 4.b.) (b’mod partikulari paġna 259)2 Ara Taqsima IV, Sezzjoni IX punt 4.3 Ara Taqsima IV, Sezzjoni X punt 3.a.) (b’mod partikulari paġni 277 u 278)

PR\661725MT.doc 23/36 PE 386.573v03-00

MT

tidentifika dawn il-problemi fi ħdan il-FIN-NET u biex tipprova ssib soluzzjonijiet sodisfaċenti għall-ġejjieni.

52. Il-kumitat iqis dawn in-nuqqasijiet fl-aċċess tal-konsumantur għar-riparazzjoni bħala inaċċettabbli f’suq intern ikkaratterizzat minn volumi dejjem jikbru ta’ servizzi finanzjarji transkonfinali. Problemi bħal dawk li seħħew fil-kuntest ta’ l-Equitable Life jimminaw il-kunfidenza tal-konsumaturi fis-suq tas-servizzi finanzjarji ta’ l-Ewropa. Il-konsumaturi jridu jibbenefikaw mill-istess livell ta’ ġħarfien permezz ta’ aċċess għall-iskemi ta’riparazzjoni barra mill-qorti, irrispettivament jekk jixtrux il-prodotti finanzjarji minn fornituri domestiċi jew barranin. Diskrepanzi f’dan ir-rispett ixekklu l-ftuħ tal-bejgħ bl-imnut transkonfinali, li wieħed jista’ jargumenta li huwa ċ-ċavetta biex jinfetaħ il-potenzjal kollu tas-suq intern.

53. Il-kumitat iqisha għal kollox mhux sodisfaċenti li, waqt li l-UE fetħet is-swieq tagħha fis-servizzi finanzjarji billi wżat l-elementi bażiċi standard ta’ liġi (‘black letter’ law), kemm permezz tal-prinċipji tat-Trattat kif ukoll ta’ leġiżlazzjoini sekondarja, il-kwistjonijiet li għandhom x’jaqsmu mar-riparazzjoni tal-konsumatur ġew indirizzati bi strumenti legali rotob u sempliċi, bħal ma huma r-Rakkomandazzjonijiet u l-Memoranda ta’ Ftehim.1

1 Ara r-Rakkomandazzjoni tal-Kummissjoni 98/257/KE tat-30 ta’ Marzu 1998 dwar il-prinċipji li japplikaw għall-korpi responsabbli għal saldu barra mill-qorti ta’ kwistjonijiet tal-konsumaturi (ĠU L 115, 17.4.1998, p. 31); ir-Rakkomandazzjoni tal-Kummissjoni 2001/310/KE ta’ 4 ta’ April 2001 dwar il-prinċipji għall-korpi barra mill-qorti involuti fir-riżoluzzjonijiet konsenswali ta’ kwistjonijiet tal-konsumaturi (ĠU L 109, 19.4.2001, p. 56); Memorandum ta’ Ftehim dwar Netwerk Transkonfinali għall-Ilmenti Barra Mill-Qorti għas-Servizzi Finanzjarji fl-AEE.

PE 386.573v03-00 24/36 PR\661725MT.doc

MT

D. TAQSIMA V - IR-RWOL TAL-KUMMISSJONI

Ir-rwol tal-Kummissjoni fil-kriżi ta’ l-Equitable Life

1. Il-kumitat huwa ta’ l-opinjoni li l-Kummissjoni ma wettqitx monitoraġġ ta’ l-applikazzjoni tat-3LD b’mod effettiv, għalkemm wieħed jista’ jgħid li mxiet mal-prattika dominanti ta’ dak iż-żmien. Il-kumitat jemmen li l-Kummissjoni jmissha ħadet pożizzjoni ferm aktar proattiva u mhux sempliċiment stenniet li l-ilmenti jibdew jaslu.

2. Il-kumitat jemmen li mudell dinamiku għat-twettiq min-naħa tal-Kummissjoni u l-Istati Membri, meta wieħed iqis kemm l-elementi bażiċi standard ta’ liġi (‘black letter’ law) tat-test tal-leġiżlazzjoini kif ukoll l-għanijiet tal-leġiżlazzjoni u l-metodu ta’ l-applikazzjoni prattika tagħha, probabbilment kien jenfasizza u jikxef in-nuqqasijiet fl-applikazzjoni tat-3LD.

3. Il-kumitat jemmen li l-analiżi li ntalbet mill-Kummissjoni dwar it-traspożizzjoni tat-3LD fir-RU ma kinitx ta’ għajnuna, ma kinitx kompleta u kienet ta’ kwalità fqira u ma enfasizzat l-ebda punti ewlenin sostanzjali, waħda mid-djgħufijiet ewlenin tagħha hija li twettqet ftit wara t-traspożizzjoni u ma kellhiex il-benefiċċju ta’ perjodu itwal biex twettaq valutazzjoni tat-twettiq fuq medda ta’ żmien.

4. Il-kumitat jemmen li l-introduzzjoni ta’ l-għażliet fi ħdan id-Direttiva naqqset il-koerenza u l-effettività tagħha u barra minn hekk xekklet it-twettiq u l-applikazzjoni tal-liġi ta’ l-UE, biex fetħet il-bieb għall-prattika tal-korpi nazzjonali li jżidu mat-termini tad-direttivi tal-KE meta ssir it-traspożizzjoni fil-liġi nazzjonali (gold-plating) u għal standards differenti. Dan intwera bl-għażla li ngħatat lill-Istati Membri fit-3LD biex jagħżlu jekk il-bonus mhux kontrattwali kellux ikun rriservat (Artikolu 18, 1.D)

Dgħjufijiet sistematiċi enfasizzati mill-Inkjesta

5. Il-kumitat huwa tal-fehma li, kif intwera fit-taqsimiet differenti ta’ dan ir-rapport1, il-każ ELAS kixef l-eżistenza, fuq in-naħa tal-Kummissjoni, ta’ ċerti dgħjufijiet sistematiċi li għandhom x’jaqsmu mal-monitoraġġ effettiv tat-twettiq tal-liġi ta’ l-UE.

6. Il-kumitat huwa tal-fehma li, għalkemm il-qagħda jidher li tjiebet dan l-aħħar, il-każ ELAS jiċċertifika li l-Kummissjoni fil-passat adottat rwol formalistiku u statiku fil-monitoraġġ tat-traspożizzjoni tal-liġi Komunitarja li, għalkemm kien jaqbel mal-filosofija dominanti ta’ dak iż-żmien, żgur li m’għadux aċċettabbli. Il-każ ta’ l-ELAS ikabbar il-ħtieġa urġenti għal kunċett aktar dinamiku u komprensiv tat-twettiq tal-leġiżlazzjoni tal-KE.

7. Il-kumitat huwa tal-fehma li l-inkjesta preżenti tenfasizza wkoll dgħjufija sistematika oħra fi ħdan il-Kummissjoni, jiġifieri n-nuqqas ta’ riżorsi f’termini ta’ staff iffokati fuq il-monitoraġġ tat-traspożizzjoni. B’mod partikulari, l-inkjesta turi2 kif il-Kummissjoni fil-

1 Ara Taqsima V Sezzjoni III, p.314; Ara wkoll Taqsima II Sezzjoni II.2.1, pp 85-81, u Taqsima II Sezzjoni II.2.2, pp 92-94.2 Ara Taqsima II Sezzjoni II.2.2, p. 94.

PR\661725MT.doc 25/36 PE 386.573v03-00

MT

monitoraġġ tagħha strieħet wisq fuq konsulenti bil-kuntratt li, fil-każ ta’ l-ELAS, wettqu analiżi li ma kinitx kompleta u ta’ kwalità fqira.

8. Il-kumitat jinsisti li jkun hemm għarfien akbar, fuq in-naħa tal-Kummissjoni u speċjalment ta’ l-Istati Membri, dwar il-problemi lingwistiċi u l-kwistjonijiet marbutin mat-twettiq tal-leġiżlazzjoni ta’ l-UE.

PE 386.573v03-00 26/36 PR\661725MT.doc

MT

E. TAQSIMA VI - IR-RWOL TAL-KUMITATI TA' INKJESTA

Il-Kumitat ta’ Inkjesta, fit-twettiq tal-mandat tiegħu li jintitolah li jressaq kull proposta li jħoss li hija meħtieġa, jislet il-konklużjonijiet li ġejjin

1. Il-kumitat jesprimi irritazzjoni u dispjaċir għall-imġiba mingħajr korteżija ta’ diversi xhieda li ma kkoperawx ma’ l-Inkjesta.

2. Il-kumitat jonnota li l-poteri tal-Kumitat ta’ Inkjesta, kif stabbiliti fir-Regoli ta’ Proċedura u fid-Deċiżjoni 95/167 tal-Parlament Ewropew, il-Kunsill u l-Kummissjoni, huma limitati ħafna u ma jaqblux ma’ l-istatura politika, il-ħtiġijiet u l-kompetenzi tal-Parlament Ewropew.

3. Il-kumitat jitlob li d-Deċiżjoni 95/167 tkun aġġornata u l-poteri ta’ inkjesta tal-Parlament Ewropew jittejbu u jsiru bħal dawk tal-maġġoranza tal-parlamenti nazzjonali.

PR\661725MT.doc 27/36 PE 386.573v03-00

MT

RAKKOMANDAZZJONIJIET

A. RAKKOMANDAZZJONIJIET, TAQSIMA II U III –

IT-TRASPOŻIZZJONI U S-SISTEMA REGOLATORJA

1. Il-kumitat irid li jkun hemm aktar tisħiħ tas-sorveljanza prudenzjali u ta’ l-istandards regolatorji madwar l-Unjoni, inkluż l-obbligu li jkun hemm riżerva għall-obbligi bħal mahuwa l-bonus, li jinkludi l-bonus terminali u l-benefiċċji ggarantiti.

2. Il-kumitat jitlob li l-leġiżlazzjoni dwar is-servizzi finanzjarji tipprovdi sistemi li jagħti twissija bikrija bħala prevenzjoni li jkunu kapaċi b’mod effiċjenti jindikaw problemi li potenzjalment jistgħu jinqalgħu fis-sorveljanza jew ir-regolazzjoni tal-kumpaniji tas-servizzi finanzjarji, b’mod partikulari meta jkunu nvoluti operazzjonijiet finanzjarji transkonfinali. Nemmnu li dan għandu jkun inkorporat fil-proposta tal-Kummissjoni dwar is-Solvency II.

3. Il-kumitat jilqa’ b’ferħa d-diskussjonijiet kurrenti dwar is-Solvency II u l-użu ta’ mudell imsejjes fuq il-prinċipji u r-riskji biex jinħadmu l-ħtiġijiet prudenzjali li se jassigura li l-kumpaniji jżommu kapital skond il-profil partikulari tagħhom u mhux biex jissodisfaw ħtieġa waħda li tkun tgħodd għal kulħadd.

4. Il-kumitat jirrakkomanda bil-qawwa t-tkomplija tat-twettiq ta’ mekkaniżmi aktar sofistikati li jkunu kapaċi jassiguraw kooperazzjoni eżemplari bejn l-awtoritajiet regolatorji nazzjonali, b’mod partikulari fi ħdan il-qafas tan-netwerk tal-Kumitat ta’ Min Jissorvelja l-Assigurazzjoni u l-Pensjonijiet tax-Xogħol Ewropej (CEIOPS), biex tinħoloq sistema ta’ intervent effiċjenti tabilħaqq li tkun kapaċi li tagħmel reazzjoni b’suċċess għall-anomaliji jew l-iskossi fi ħdan is-suq intern.

5. Il-kumitat jilqa’ bil-ferħa l-inklużjoni fil-programm ta’ ħidma 2007 ta’ CEIOPS ta’ analiżi tar-regoli ta’ proċedura li jridu jkunu segwiti minn dawk li jissorveljaw l-attivitajiet transkonfinali, kif stabbilit fil-Protokoll ta’ Siena1. Il-kumitat isejjaħ għal analiżi fil-fond ta’ dan il-protokoll, iffokat fuq il-ħarsien ta’ dawk li jkollhom polza ta’ l-assigurazzjoni u t-trattament ta’ l-ilmenti transkonfinali.

6. Il-kumitat iqis bħala inaċċettabbli kull attentat biex ikun interpretat jew iġġustifikat irwol passiv għar-regolaturi finanzjarji nazzjonali li jkunu limitati biss għall-ġurisdizzjoni nazzjonali tagħhom u jsejjaħ għal leġiżlazzjoni tal-KE biex tenfasizza r-responsabbiltà kolleġġjali tar-regolaturi nazzjonali biex jassiguraw l-aħjar tħaddim tas-suq intern fis-servizzi finanzjarji u jassiguraw l-ogħla standards għall-ħarisien tal-konsumatur. B’mod partikulari, il-kumitat iqis li r-regolaturi ta’ l-istati li jilqgħu għandhom (host) għandhom

1 Il-Protokoll ta’ Siena li għandu x’jaqsam mal-kollaborazzjoni ta’ l-awtoritajiet ta’ sorveljanza ta’ l-Istati Membri tal-KE b’mod partikulari fl-applikazzjonijiet tad-Direttivi dwar l-assigurazzjoni fuq il-ħajja l-assigurazzjoni mhux fuq il-ħajja (1997).

PE 386.573v03-00 28/36 PR\661725MT.doc

MT

b’mod attiv jgħinu lil dawk li jressqu l-ilmenti biex jindirizzaw l-ilmenti tagħhom lejn id-destinazzjoni adattata.

7. Il-kumitat jirrikonoxxi li l-Kummissjoni ma tistax tassumi l-irwol ta’ ‘regolatur tar-regolaturi’. Madankollu, biex tassigura l-applikazzjoni korretta tal-leġiżlazzjoni tal-KE mal-firxa tas-suq intern, jirrakkomanda bil-qawwa li l-Kummissjoni tħares bir-reqqa lejn kemm l-Istati Membri taw ir-riżorsi meħtieġa lir-regolaturi nazzjonali tagħhom b’mezzi u riżorsi biżżejjed biex ikunu f’pożizzjoni li japplikaw b’mod sħiħ u konsistenti l-leġiżlazzjoni tal-KE fis-sorveljanza finanzjarja. Barra minn hekk il-kumitat jistieden ukoll lill-Kummissjoni biex tinforma l-kumitati adattati tal-Parlament Ewropew dwar il-valutazzjoni tagħha.

8. Il-kumitat jitlob bil-qawwa li kull leġiżlazzjoni dwar is-servizzi finanzjarji tagħraf kif jixraq il-prijorità tas-suġġetti li għandhom x’jaqsmu mal-ħarsien ta’ l-investitur, waqt li fl-istess ħin tassigura ambjent dinamiku u kompetittiv għal dawk li jipprovdu s-servizzi finanzjarji li jnaqqas kemm jista’ l-burokrazija u ma joħnoqx l-innovazzjoni. F’dan ir-rigward, il-kumitat jappoġġja enfasi akbar fuq regolazzjoni msejsa fuq il-prinċipji f’kull leġiżlazzjoni tal-ġejjieni dwar is-servizzi finanzjarji. Barra minn hekk, minħabba li l-investimenti fil-prodotti tal-pensjonijiet se jkollhom rwol li se tikber l-importanza tiegħu fl-Ekonomija Ewropea minħabba l-iżbilanċ demografiku u l-popolazzjonijiet li qed jixjieħu, il-kumitat jenfasizza l-ħtieġa li titkattar il-fiduċja tal-konsumatur fil-prodotti tal-pensjoni billi jkunu assigurati lilhom l-ogħla standards ta’ sigurtà u ħarsien ta’ l-investitur fil-firxa tas-suq intern.

PR\661725MT.doc 29/36 PE 386.573v03-00

MT

B. RAKKOMANDAZZJONIJIET, TAQSIMA IV - RIMEDJI

9. Minħabba n-nuqqas tal-Gvern tar-RU li jikkonforma mal-ħtiġijiet tat-Tielet Direttiva fuq il-Ħajja u minħabba n-nuqqas kemm ta’ riparazzjoni legali aċċessibbli permezz tal-qrati jew ta’ mezz alternattiv ta’ riparazzjoni, il-kumitat b’mod sod jemmen li l-Gvern tar-RU għandu l-obbligu li jassumi r-responsabbiltà. Il-kumitat għaldaqstant jirrakkomanda b’mod qawwi li l-Gvern tar-RU joħloq u jwettaq skema adattata bil-għan li jagħti kumpens lill-dawk b’polza ma’ l-Equitable Life kemm fir-RU kif ukoll barra l-pajjiż.

10. Il-kumitat iħeġġeġ lill-Gvern tar-RU biex jaċċetta u jwettaq kull rakkomandazzjoni li l-Ombudsman Parlamentari tar-RU jista’ jkun li jagħmel rigward l-Equitable Life.

11. Għalkemm il-FOS tista’ titqies bħala waħda mill-iskemi l-aktar avvanzati fl-Ewropa ta’ saldu ta’ disputi barra mill-qorti f’termini ta’ kompetenzi u poteri, il-kumitat jemmen li l-każ ta’ l-Equitable Life kixef għadd ta’ nuqqasijiet serji fl-operat tagħha. Il-Kumitat għaldaqstant jitlob bil-qawwa li l-Gvern tar-RU jindirizza b’mod urġenti dawn in-nuqqasijiet, isaħħaħ il-kapaċitajiet tal-FOS u jassigura li tkun tassew indipendenti mill-FSA.

12. Il-kumitat iħeġġeġ lill-Istati Membri biex jassiguraw li, fi ħdan it-territorji rispettivi tagħhom, ikun hemm skemi adattati għar-riżoluzzjoni alternattiva ta’ disputi (ADR) li jkopru l-qasam kollu tas-servizzi finanzjarji, biex jitwarrbu n-nuqqasijiet ġeografiċi li għad baqa’ fi ħdan is-sistema FIN-NET. Il-kumitat isejjaħ ukoll lill-Parlament Ewropew biex jagħti appoġġ lill-miżuri li jorbtu fi ħdan il-qafas tal-leġiżlazzjoni tas-servizzi finanzjarji li jobbligaw lill-Istati Membri li jassiguraw li jkun hemm skemi bħal dawn fi ħdan it-territorji tagħhom. Jidher li m’hemmx kontradizzjoni bejn l-obbligu Komunitarju li jitwaqqfu skemi bħal dawn fuq naħa waħda, u l-fatt li l-konsumaturi għandhom biss l-għażla li jużaw skemi ta’ barra mill-qorti bħal dawn fuq in-naħa l-oħra.

13. Bil-għan li jitneħħew in-nuqqasijiet fi ħdan is-sistema FIN-NET u minħabba l-importanza li l-konsumaturi jkollhom aċċess għal skemi imparzjali ta’ saldu barra mill-qorti, il-kumitat jitlob lill-Kummissjoni biex tipproponi miżuri li jorbtu biex jobbligaw lill-Istati Membri ħalli jwaqqfu skemi statutorji ADR li jkopru s-servizzi finanzjarji kollha fi ħdan it-territorji tagħhom. Il-proposta tal-Kummissjoni għandha tiddefinixxi l-indipendenza, il-poteri u l-kompetenzi ta’ l-iskemi ADR u teħtieġ lill-Istati Membri li jadottaw kriterji komuni għall-ġurisdizzjoni ta’ l-iskemi rispettivi.

14.Il-kumitat iħeġġeġ lill-Kummissjoni biex tkompli l-isforzi mmirati lejn żieda fil-viżibilità u l-għarfien tal-konsumaturi dwar l-iskema FIN-NET. Hekk ukoll, il-kumitat isejjaħ lill-Istati Membri biex jikkoperaw b’mod sħiħ mal-FIN-NET, fost affarijiet oħra billi jinformawha b’mod immedjat dwar skemi rilevanti li jispikkaw.

PE 386.573v03-00 30/36 PR\661725MT.doc

MT

15. Il-kumitat iqis li l-Parlament Ewropew irid ikun involut b’mod sħiħ fl-analiżi dwar il-FIN-NET, li tinkludi l-kwestjonarju mibgħut lill-Istati Membri1, u dwar kull żvilupp li jseħħ wara.

16. Il-kumitat huwa tal-fehma li l-konsumaturi ta’ servizzi finanzjarji għandhom jingħataw aktar kapaċità biex jinkiseb bilanċ akbar fir-relazzjoni bejnhom u l-kumpaniji tas-servizzi finanzjarji li fis-sewwa jagħżlu li jieħdu vantaġġ fis-suq intern, biex b’hekk ikun assigurat li ‘ma jkunx hemm mobilità mingħajr kontabilità’.

17. Il-kumitat għaldaqstant iqis li l-imperattivi tal-ġustizzja u n-non-diskriminazzjoni bejn dawk b’polza u l-ispejjeż projbittivi ta’ azzjoni legali għall-maġġoranża kbira tagħhom jagħmluha meħtieġa li l-konsumaturi tas-servizzi finanzjarji jingħataw id-dritt taħt il-liġi Komunitarja li jiġbru flimkien ir-riżorsi tagħhom u jieħdu azzjoni kollettiva quddiem il-qrati nazzjonali kontra l-fornituri jew l-awtoritajiet ta’ sorveljanza ta’ l-Istati Membri. Proċedura bħal din, li tikkonsolida t-talbiet żgħar f’azzjoni waħda, għandha l-vantaġġ li tiffranka l-ħin u l-ispejjeż, u m’għandhiex tieħu post rimedji nazzjonali li diġà jeżistu biex jintalab kumpens għall-ksur tal-leġiżlazzjoni dwar is-servizzi finanzjarji ta’ l-UE jew nazzjonali.

18. Ikun ukoll importanti li jkun iċċarat li ċertu telf indirett imġarrab mill-policyholders jaqa’ fi ħdan it-tipi tat-telf li jista jkun ikkompensat. Dan ikun meħtieġ biex ikun assigurat li d-drittijiet li jinkisbu mil-liġi Komunitarja jkunu effettivi. Barra minn hekk, interpretazzjoni wiesgħa tal-firxa tad-danni biex tkopri t-telf tal-qligħ u l-interessi diġà hija rrikonoxxutamill-Qorti tal-Ġustizzja bħala limitu fuq l-awtonomija proċedurali nazzjonali. B’żieda, tifsira wiesgħa trid tingħata għaż-żmien (standing) biex tippermetti lil dawk li jressqu l-ilmenti dwar suġġetti tal-fatt jew tal-liġi komuni jew irrelatati biex jieħdu azzjoni kollettiva.

19. Il-kumitat għaldaqstant jilqa’ bil-ferħa t-tnedija ta’ analiżi dwar ir-riparazzjoni kollettiva mill-Kummissjoni2 u jitlob lill-Kummissjoni biex tistħarreġ aktar dwar it-twaqqif ta’ qafas legali bi ħtiġijiet ta’ proċedura ċivili uniformi għall-azzjonijiet transkonfinali kollettivi Ewropej, u biex tirraporta lura lill-Parlament dwar il-konklużjonijiet tagħha.

20. Il-kumitat jitlob lill-Kummissjoni biex tipproponi proposti adattati mmirati lejn il-kjarifika tal-kompetenzi ta’ l-awtoritajiet ta’ l-istat fejn ikunu mwaqqfa l-kumpaniji (home) u l-istat li jilqa’ għandu (host) taħt il-leġiżlazzjoni ta’ l-UE rigward is-sorveljanza tat-tmexxija tan-negozju tal-kumpaniji ta’ l-assigurazzjoni li joperaw fit-territorju tiegħu, b’għajnuna u informazzjoni dwar l-istat finanzjarju ta’ kumpaniji bħal dawn ipprovduta mill-istat li jkun pajjiżhom.

21. Il-kumitat iqis li l-ħtiġijiet ta’ l-informazzjoni li hemm fit-Tielet Direttiva dwar il-Ħajja għandhom jitwessgħu u jkunu speċifikati bil-għan li jkun assigurat livell għoli ta’ ħarsien armonizzat tal-konsumatur madwar l-UE. Fost affarijiet oħra, il-konsumaturi jridu jkunu informati b’mod ċar u komplet dwar liema awtoritajiet għandhom ifittxu bl-ilmenti jew il-

1 H9, p.11.2 Kummissjoni Ewropea, Strateġija tal-Politika ta’ l-UE dwar il-Konsumatur 2007-2013, SEC(2007) 321-323, f’paġna 11; Diskors mill-Kummissarju Kuneva lill-Parlament fit-13 ta’ Marzu 2007.

PR\661725MT.doc 31/36 PE 386.573v03-00

MT

mistoqsijiet tagħhom, u dan għandu jkun illustrat b’eżempji konkreti. L-informazzjoni li trid tingħata lill-konsumaturi trid tinkludi l-ispeċifikazzjonijiet dwar liema awtoritàgħandhom ifittxu l-konsumaturi bl-ilmenti jew il-mistoqsijiet tagħhom, inklużi eżempji konkreti. Il-kumitat jitlob lill-Kummissjoni biex mingħajr telf ta’ żmien telabora proposti adattati f’dan ir-rigward.

22. Il-kumitat jitlob bil-qawwa li l-awtoritajiet finanzjarji nazzjonali jagħmlu l-isforzi kollha meħtieġa biex jikkooperaw sabiex jassiguraw li l-ilmenti, dwar oqsma li huma marbuta ma’ affarijiet tan-negozju kemm prudenzjali kif ukoll tat-tmexxija tan-negozju, jieħdu ħsiebhom sewwa.

23. Il-kumitat jitlob lill-Gvern tar-RU biex iġib il-leġiżlazzjoni rilevanti konformi mal-liġi ta’ l-UE billi jemendaha sabiex tagħti aċċess għall-Iskema ta’ Kumpens għas-Servizzi Finanzjarji għall-investituri li jagħmlu kuntratti ma’ friegħi ta’ kumpaniji mir-RU barra l-pajjiż irrispettivament jekk l-investituri humiex residenti fir-RU jew le.

24. Il-kumitat isejjaħ ukoll lill-Kummissjoni biex tipproċedi bil-ħeffa bit-tħejjijiet tagħha għal direttiva li tkun teħtieġ lil kull Stat Membru li jwaqqaf skema ta’ garanzija dwar l-assigurazzjoni li tkopri lill-klijenti u l-benefiċjarji kemm domestiċi kif ukoll barranin tal-friegħi fl-UE, u biex tpoġġi l-proposta fuq il-mejda sa l-aħħar ta’ l-2007.

25. Il-kumitat jirrakkomanda li l-Kummissjoni tħalli miftuħa l-possibiltà li teżerċita d-diskrezzjoni tagħha li tistħarreġ ksur tal-liġi ta’ l-UE li sar fil-passat, b’mod partikulari fejn l-allegat ksur jaffettwa għadd kbir ta’ ċittadini mifruxa fuq diversi Stati Membri. Barra minn hekk, huwa jistieden lill-Kummissjoni biex tivvaluta l-merti potenzjali ta’ modifika fid-dispożizzjonijiet tat-Trattat li tippermettiha li timmulta lill-Istati Membri għal ksur tal-liġi li sar fil-passat.

26. Il-kumitat jirrakkomanda bil-qawwa li l-Kummissjoni, il-Kunsill u l-Parlament, meta jkunu qed jilleġiżlaw fil-qasam tas-servizzi finanzjarji, iżommu f’moħħhom il-ħtieġa li l-abbozz tal-leġiżlazzjoni jsir b’mod li jagħti lill-konsumatur individwali drittijiet definiti u ċari li jkunu jistgħu jintużaw fil-qrati nazzjonali. Dan itejjeb il-ħarsien tal-konsumaturi waqt li fl-istess ħin joħloq inċentivi qawwija għall-Istati Membri biex jittrasponu u japplikaw il-leġiżlazzjoni ta’ l-UE b’mod korrett u fil-ħin.

PE 386.573v03-00 32/36 PR\661725MT.doc

MT

C. RAKKOMANDAZZJONIJIET, TAQSIMA V – IR-RWOL TAL-KUMMISSJONI EWROPEA

27. Aktar attenzjoni għall-kwalità tal-leġiżlazzjoni u l-valutazzjoni tagħha fuq medda ta’ żmien

a) Il-kumitat jirrakomanda bil-qawwa li l-Kummissjoni tmur lil hinn mill-interpretazzjoni formali kurrenti ta’ traspożizzjoni u tagħti aktar attenzjoni għall-kwalità tal-leġiżlazzjoni u u l-valutazzjoni tagħha fuq medda ta’ żmien.

b) Il-kumitat iqis ukoll li huwa vitali li l-Istituzzjonijiet kollha tal-Komunità mdaħħla fil-proċess tat-tfassil tal-liġijiet jqisu, sa mill-istadju ta’ l-abbozz, id-diffikultajiet li potenzjalment huma marbuta ma’ l-applikazzjoni u l-monitoraġġ tal-liġi Komunitarja u li huma jagħmu l-akbar sforz biex jistmaw bil-quddiem id-diffikultajiet li jistgħu jinqalgħu meta jkun adottat l-att.

c) Il-kumitat isejjaħ lill-Kummissjoni biex turi li żiedet l-iffokar tagħha fuq it-twettiq u l-inforzar tal-leġiżlazzjoni Komunitarja u biex tassigura li kull direttiva adottata wara tkun imwettqa b’mod konsistenti madwar l-Unjoni, skond “Analiżi Strateġika għal Regolazzjoni Aħjar fl-UE” adotatta fl-14 ta’ Novembru 20061. Barra minn hekk, id-direttivi kollha għandhom jinkludu limitu ta’ żmien li jorbot b’mod legali għat-traspożizzjoni tagħhom, li għandu jkun qasir kemm jista’ jkun u, bħala regola ġenerali, mhux itwal minn sentejn.

28. Il-kumitat isejjaħ ukoll lill-Kummissjoni biex tadotta attitudni aktar proattiva lejn it-twettiq. Hija għandha żżomm rwol attiv matul u anki wara l-proċess leġiżlattiv u twaqqafgħodda effettivi biex tassigura li l-leġiżlazzjoni qed tagħti l-prodotti meħtieġa. Il-Kummissjoni għandha tobbliga lill-Istati Membri li jirraportaw lura dwar l-istatus tat-twettiq, sabiex il-piż jinqasam b’mod indaqs bejn l-Istati Membri u l-Kummissjoni u li din il-verifika għandha tkun irraportata lura lill-Parlament Ewropew.

29. Il-kumitat iqis li t-tpartit ta’ l-aħjar prattika bejn l-Istati Membri, per eżempju fil-kuntest tal-laqgħat pakkett u gruppi tax-xogħol dwar it-traspożizzjoni organizzati mill-Kummissjoni, għandhom jintlaqgħu bil-ferħa. F’dan ir-rigward, il-kumitat isejjaħ lill-Kummissjoni biex tqis mezzi kif tinvolvi lill-Parlament fi proċessi bħal dawn, b’mod partikulari r-rapporteur li jkollu l-benefiċċju li jsegwi l-att matul il-proċess leġiżlattiv kollu. Bħala kumpliment meħtieġ, il-kumitat isejjaħ għall-applikazzjoni b’mod sod ta’ sanzjonijiet għan-nuqqas ta’ konformità, li jinkludu ħlasijiet perjodiċi bħala multi u multi f’somom ta’ flus.

30. Il-kumitat jenfasizza li l-obbligu primarju għat-traspożizzjoni u l-applikazzjoni tal-liġi Komunitarja jaqa’ fuq l-Istati Membri. F’dan ir-rigward, il-kumitat jinkoraġġixxi lill-Istati Membri, fejn hu possibbli, li joħolqu timijiet tal-proġett li jsegwu att mhux biss matul il-proċess leġiżlattiv imma anki domestikament matul il-proċess tat-twettiq.

1 COM 2006(689) finali

PR\661725MT.doc 33/36 PE 386.573v03-00

MT

31. Il-kumitat jenfasizza l-importanza tat-titjib ta’ l-għarfien taċ-ċittadin dwar il-leġiżlazzjoni ta’ l-UE u għaldaqstant isejjaħ għall-introduzzjoni fil-proposti leġiżlattivi kollha ta’ sommarji eżekuttivi jew taċ-ċittadin, kif isir f’xi Stati Membri1, li għalkemm nieqsa mill-effetti legali, ikunu jiffurmaw parti mill-att innifsu u jikkostitwixxu spjegazzjoni mhux teknika mmirata lejn iċ-ċittadini u partijiet oħra interessati. Huwa jsejjaħ lill-Kummissjoni biex tieħu l-inizjattiva f’din il-ħaġa u għaldaqstant isejjaħ, kif kien riżolut mill-Parlament fis-16 ta’ Mejju 20062, għall-introduzzjoni ta’ sommarji eżekuttivi fil-proposti leġiżlattivi kollha.

L-użu tad-derogi, l-eċċezzjonijiet u l-għażliet

32. Il-kumitat jirrakkomanda bil-qawwi, minħabba l-proposta li ġejja fuq ‘Solvency II’, li l-Kummissjoni u l-Kunsill jevitaw li jagħmlu użu minn għażliet, eċċezzjonijiet jew derogi fil-leġiżlazzjoni li ġejja. L-Istati Membri għandhom jassiguraw li m’humiex jikkawżaw problemi ġodda dwar it-twettiq billi jimponu ħtiġijiet nazzjonali addizzjonali meta ssir it-traspożizzjoni ta’liġi ta’ l-UE (il-prattika tal-korpi nazzjonali li jżidu mat-termini tad-direttivi tal-KE meta ssir it-traspożizzjoni fil-liġi nazzjonali – ‘gold-plating’). Barra minnhekk, il-Kummissjoni trid tkompli tikkonsolida, tissimplifika u tikkodifika l-leġiżlazzjoni tal-Komunità biex ittejjeb l-aċċessibilità u l-leġġibilità tagħhom.

Tabelli ta’ korrelazzjoni

33. Il-kumitat jiftakar fil-Ftehim Internazzjonali dwar it-Tfassil Aħjar tal-Liġijiet ta’ l-20033, u b’mod partikulari l-impenn min-naħa tal-Kunsill biex jinkoraġġixxi lill-Istati Membri biex ifasslu u joħolqu tabelli pubbliċi li jillustraw il-korrelazzjoni bejn id-Direttivi u l-miżuri domestiċi tat-traspożizzjoni.

34. Il-Kumitat jirrakkomanda bil-qawwa li, biex jiffaċilità l-iċċekkjar dwar il-konformità tal-leġiżlazzjoni nazzjonali u l-analiżi ġudizzjarja u biex iżid it-trasparenza, id-direttivi għandhom b’mod sistematiku jkun fihom obbligu li jorbot lill-Istati Membri li jabbozzaw tabella ta’ korrelazzjoni ddettaljata meta jwettqu t-traspożizzjoni tad-direttivi. Il-Parlament għandu b’mod sistematiku jpoġġi fuq il-mejda emenda għal dan l-effett meta jkollu l-poter li jagħmel dan.

35. Il-kumitat huwa tal-fehma li d-disponibilità sistematika tat-tabelli ta’ korrelazzjoni se jiffaċilita x-xogħol ta’ monitoraġġ tal-Kummissjoni, li f’ċerti każi huwa kkomplikat aktar milli hu xieraq bin-nuqqas ta’ ‘ħajta ta’ Ariadne’ biex tiggwidaha matul it-twettiq tal-leġiżlazzjoni. Il-kumitat iqis, barra minn hekk, li d-disponibilità sistematika tat-tabelli ta’ korrelazzjoni se tikkonvinċi lill-parlamenti nazzjonali biex iwettqu rwol aktar attiv fil-monitoraġġ fuq it-twettiq tal-liġi ta’ l-UE, u se jgħinhom fl-iskrutinju tal-gvern nazzjonali tagħhom u jżommuhom kontabbli.

1 Pubblikazzjoni tal-Ministeru tal-Ġustizzja Finlandiż 2006:3, Struzzjonijiet dwar l-Abbozzar tal-Liġijiet, p.12, p.302 Riżoluzzjoni dwar ir-rapporti Annwali 21 u 22 tal-Kummissjoni dwar il-monitoraġġ fuq l-applikazzjoni tal-liġi Komunitarja (2003 u 2004) (2005/2150(INI)), fil-paragrafu 19.3 ĠU 2003/C 321/01, tal-31 ta’ Diċembru 2003, fil-paragrafu 34. Ara wkoll: Il-Kummissjoni Ewropea, Analiżi Strateġika għal Regolazzjoni Aħjar fl-Unjoni Ewropea, COM(2006) 690-691 f’paġna 9.

PE 386.573v03-00 34/36 PR\661725MT.doc

MT

Traspożizzjoni frammentarja għandha tkun evitata jekk ikun possibbli

36. Il-kumitat jemmen li traspożizzjoni frammentarja, jiġifieri l-prattika li d-direttivi jkunu trasposti permezz ta’ diversi atti ta’ ordni ġerarkiku differenti jew permezz ta’ kunċetti legali nazzjonali li diġà jeżistu, għandha tkun evitata jekk ikun possibbli mill-Istati Membri għax ma tgħinx fil-monitoraġġ tat-twettiq, lanqas iżżid it-trasparenza għaċ-ċittadini ta’ l-UE. Din il-konklużjoni hija aktar konvinċenti fin-nuqqas tat-tabelli ta’ korrelazzjoni.

Inqas Direttivi, aktar Regolamenti

37. Il-kumitat jirrakomanda li, fejn hu possibbli, Regolamenti – u mhux Direttivi – jintgħażlu bħala l-forma legali standard għal-leġiżlazzjoni b’mod partikulari dwar suġġetti li jkunu sensittivi, sabiex jintlaħqu aħjar l-għanijiet tal-leġiżlatur. Dan japplika b’mod partikulari għal-leġiżlazzjoni fejn żbalji jew dewmien fit-traspożizzjoni jistgħu joħolqu tħarbit sostanzjali fis-suq intern jew jheddu b’mod sostanzjali il-ħarsien tal-konsumatur fl-UE.

Mekkaniżmi għall-kooperazzjoni

38. Il-kumitat jemmen li mekkaniżmi tradizzjonali għall-inforzar ibbażati fuq proċeduri mmexxija mill-Kummissjoni għall-ksur tal-liġijiet huma meħtieġa imma bl-ebda mod m’huma biżżejjed fid-dawl ta’ l-għadd dejjem jiżdied tal-miżuri ta’ l-UE u l-Istati Membri. Il-kumitat jirrakkomanda bil-qawwi li għandhom ikunu ikkumplimentati b’mekkaniżmi ta’ kooperazzjoni aktar sofistikati bejn l-awtoritajiet domestiċi u b’enfasi akbar fuq il-bini tal-kapaċità. F’dan il-kuntest, il-kumitat jagħti appoġġ lill-Proċess Lamfalussy għal-leġiżlazzjoni dwar il-banek, it-titoli u l-assigurazzjoni bħala eżempju ta’ min isegwi. L-arrangamenti tagħha għat-tmexxija tajba f’livelli multipli jieħdu post forom aktar tradizzjonali ta’ tfassil tal-politika u l-inforzar, tinkoraġġixxi l-kooperazzjoni fost ir-regolaturi u min jissorvelja fil-livell nazzjonali. Il-kumitat jinnota, madankollu, li l-prerogattivi tal-Parlament Ewropew jeħtieġ li jkunu assigurati b’mod adegwat meta jkunu stabbiliti u mwettqa proċeduri bħal dawn.

Il-Kummissjoni teħtieġ aktar riżorsi

39. Il-kumitat jitlob b’mod qawwi li l-Kummissjoni tingħata aktar riżorsi u staff (b’mod partikulari dawk lingwistiċi) biex titjieb il-kwalità tal-monitoraġġ dwar it-traspożizzjoni. Barra minn hekk, il-kumitat isejjaħ lill-Parlament Ewropew biex isegwi sa l-aħħar dan l-impenn u jagħti appoġġ lill-Kummissjoni permezz ta’ approprjazzjonijiet miżjuda tal-baġit għal dan ix-xogħol speċifiku.

Il-Kummissjoni għandha twettaq monitoraġġ ta’ l-avvenimenti nazzjonali b’aktar reqqa

40. Il-kumitat jemmen li l-Kummissjoni għandha tieħu pożizzjoni aktar proattiva meta tkun qed twettaq il-monitoraġġ ta’ l-avvenimenti nazzjonali, b’mod partikularti meta jkunu rrelatati ma’ direttivi kruċjali ta’ l-UE. Il-Kummissjoni għandha ssegwi aktar mill-qrib lill-midja nazzjonali u żżomm kuntatt mill-qrib ma’ dawk li għandhom interess rilevanti biex tinduna fil-ħin dwar problemi li potenzjalment jistgħu jinqalgħu fl-applikazzjoni tal-liġi ta’ l-UE. Il-kumitat għaldqaqstant iħeġġeġ lill-Kummissjoni biex tagħmel użu aktar

PR\661725MT.doc 35/36 PE 386.573v03-00

MT

intensiv tad-delegazzjonijiet tagħha fl-Istati Membri. Barra minn hekk, l-irwol vitali u simboliku taċ-ċittadini Ewropej fil-monitoraġġ effettiv ta’ l-applikazzjoni tal-liġi Komunitarja għandu jkun irrikonoxxut u msaħħaħ aktar.

Ħtieġa ta’ kooperazzjoni aktar mill-qrib bejn il-Parlament Ewropew u l-parlamenti nazzjonali

41. Il-kumitat jemmen li huwa essenzjali li l-parlamenti nazzjonali u l-Parlament Ewropew jikkoperaw aktar mill-qrib fil-monitoraġġ tagħhom ta’ l-applikazzjoni tal-liġi Komunitarja. Rabtiet aktar mill-qrib iseddqu u jkabbru l-iskrutinju effettiv ta’ l-affarijiet Ewropej fil-livell nazzjonali, għax il-parlamenti nazzjonali għandhom irwol distint u prezzjuż x’iwettqu f’dan il-monitoraġġ. Hekk ukoll, din il-kollaborazzjoni se ssaħħaħ il-leġittimità demokratika ta’ l-Unjoni, li se titressaq aktar qrib taċ-ċittadini taghħa.

Sorveljanza aħjar mill-Parlament Ewropew

42. Il-kumitat iqis li l-kumitati permanenti tal-Parlament Ewropew għandhom jieħdu pożizzjoni aktar proattiva meta jkun qed jitwettaq il-monitoraġġ dwar it-twettiq tal-leġiżlazzjoni fil-qasam ta’ kompetenza tal-kumitat. Il-kumitat jinsisti li, kull meta jkun possibbli, ir-rapporteur tal-Parlament responsabbli għal fajl partikulari għandu jwettaq rwol ċentrali u kontinwu fl-analiżi li tibqa’ għaddejja tat-twettiq u l-konformità mal-liġi Komunitarja mill-Istati Membri. F’dak ir-rigward, is-sessjonijiet regolari fuq it-twettiq organizzati mill-Kumitat għall-Ambjent, is-Saħħa Pubblika u s-Sigurtà fl-Ikel jistgħu iservu bħala eżempju. Mingħajr preġudizzju għar-rwol tal-Kummissjoni, ir-rapporteur jista’ jservi ta’ punt fokali għall-ilmenti u l-informazzjoni li tasal lura miċ-ċittadini. Barra minn hekk, ir-rapporteur responsabbli, flimkien ma’ l-assistenti jew il-Membri nvoluti mill-qrib mal-fajl matul il-proċess leġiżlattiv, għandhom jingħataw appoġġ amministrattiv li jkun biżżejjed biex huma jwettqu l-missjoni tagħhom b’mod effettiv. Jekk ikun adattat, dan il-proċess jista’ finalment iwassal għall-ħolqien ta’ forza tax-xogħol għat-twettiq fi ħdan kull kumitat. Għandu jkun hemm monitoraġġ kontinwu u effettiv dwar l-effikaċja u t-twettiq tal-leġiżlazzjoni.

PE 386.573v03-00 36/36 PR\661725MT.doc

MT

D. RAKKOMANDAZZJONIJIET, TAQSIMA VI – IR-RWOL TAL-KUMITATI TA' INKJESTA

43. Il-kumitat jirrakkomanda li l-kumitat kompetenti tiegħu jibda l-ħidma bil-għan li jipproponi lill-Kummissjoni u lill-Kunsill modifika għad-Deċiżjoni 95/167 bil-għan li jitwessgħu l-poteri u tisseddaq l-awtorità tal-kumitati ta’ inkjesta tal-Parlament Ewropew, b’mod partikulari bil-għan li jitkabbru l-poteri investigattivi tagħhom, li jingħatalhom il-poter li jsejħu x-xhud f’kooperazzjoni mill-qrib ma’ l-awtoritajiet ta’ l-Istati Membri li għandhom ikunu marbutin li jinforzaw talbiet bħal dawn u li jikkooperaw mill-qrib matul l-inkjesta.