PLANI STRATEGJIK 2013-2015 - bqk-kos.org strategjik 2013-2015.pdf · Plani Strategjik 2013 – 2015...

BANKA QENDRORE E REPUBLIKËS SË KOSOVËS

CENTRALNA BANKA REPUBLIKE KOSOVA

CENTRAL BANK OF THE REPUBLIC OF KOSOVO

PLANI STRATEGJIK

2013-2015

Prishtinë

Dhjetor 2012

Përmbajtja

MANDATI. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 7

MISIONI. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 8

VIZIONI. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 8

VLERAT. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 8

QËLLIMET STRATEGJIKE. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 9

ZBATIMI I QËLLIMEVE STRATEGJIKE. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 11

QËLLIMI STRATEGJIK 1. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 11





Banka Qendrore e Republikës së Kosovës

4

Plani Strategjik 2013 – 2015

Kam kënaqësinë ta paraqes Planin Strategjik për Bankën Qendrore të Republikës së Kosovës (BQK). Ky

Plan Strategjik përcakton qëllimet tona në promovimin e efikasitetit, efektivitetit dhe integritetit të

veprimtarisë së BQK-së për vitet 2013, 2014 dhe 2015. Nën autoritetin dhe në përmbushjen e Ligjit për

Bankën Qendrore të Republikës së Kosovës dhe legjislacionit tjetër relevant, veprimtaria e BQK-së

përqendrohet rreth nxitjes dhe mbajtjes së stabilitetit të sistemit financiar të vendit si dhe angazhimeve për

stabilitetin e çmimeve dhe për mbështetjen e politikave të përgjithshme ekonomike.

BQK-ja është themeluar si subjekt juridik publik i pavarur për të ruajtur stabilitetin financiar dhe monetar,

duke licencuar, rregulluar dhe mbikëqyrur të gjitha institucionet financiare në vend, duke ofruar shërbime

bankare për institucionet financiare dhe publike dhe duke kryer kërkime ekonomike. Pa dyshim se në

përmbushjen e këtij misioni do të përballemi me një numër sfidash të shumanshme dhe të ndërlikuara,

prandaj BQK-ja do të përqendrojë veprimtarinë dhe resurset e saj për adresimin me vendosmëri dhe sukses

të të gjitha sfidave gjatë tri viteve të ardhshme.

Në këtë Plan Strategjik, ne jemi fokusuar në qëllimet kryesore që synohen të arrihen deri në fund të vitit

2015. Të punësuarit në BQK, me profesionalizmin dhe përkushtimin e lartë të tyre, janë në qendër të

përpjekjeve për arritjen e këtyre qëllimeve. Qëllimet tona janë ambicioze dhe me sfida, por jam i bindur se

puna jonë dhe puna e partnerëve tanë të shumtë do të çojë në avancimin e mëtejmë të rolit të BQK-së dhe

arritjen e çdo qëllimi të përcaktuar.

Gani Gërguri

Guvernator

5


6


MANDATI

Banka Qendrore e Republikës së Kosovës (BQK) është subjekt juridik publik me kompetencë të plotë

bazuar në Kushtetutë dhe ligjin përkatës. BQK-ja është institucioni kyç pjesëmarrës dhe rregullativ në

sistemin financiar të Republikës së Kosovës dhe ka pavarësi dhe autonomi administrative, financiare dhe

menaxhuese.

Objektivi parësor i BQK-së është të nxisë dhe të mbajë një sistem financiar stabil, duke përfshirë një sistem

të sigurt, të qëndrueshëm dhe efikas të pagesave. Objektiv shtesë i BQK-së, i cili i nënshtrohet objektivit

parësor të saj, është të kontribuojë në arritjen dhe ruajtjen e stabilitetit të çmimeve vendore. Po ashtu, pa

paragjykuar arritjen e këtyre objektivave, BQK-ja mbështet politikat e përgjithshme ekonomike të

Qeverisë. BQK-ja vepron në pajtim me parimin e ekonomisë së tregu të hapur me konkurrencë të lirë, duke

favorizuar shpërndarjen efikase të resurseve.

Detyrat e BQK-së në arritjen e objektivave të përcaktuara përfshijnë:

përcaktimin dhe zbatimin e politikave të një sistemi financiar stabil duke përfshirë mbikëqyrjen e

një skeme të sigurimit të depozitave, kryerjen e operacioneve të tregut, si dhe ofrimin e likuiditetit

emergjent;

rregullimin, licencimin, regjistrimin dhe mbikëqyrjen e institucioneve financiare;

promovimin dhe mbikëqyrjen e sistemeve të sigurta, të qëndrueshme dhe efikase të pagesave, të

kliringut dhe të shlyerjes së letrave me vlerë;

sigurimin e një furnizimi të duhur të kartëmonedhave dhe monedhave në Kosovë;

mbajtjen dhe menaxhimin e rezervave ndërkombëtare;

mbledhjen dhe publikimin e statistikave;

kontribuimin në arritjen dhe mbajtjen e stabilitetit të çmimeve vendore;

informimin e Kuvendit të Republikës së Kosovës, Qeverisë dhe publikut të gjerë rreth politikave,

detyrave dhe operacioneve të saj;

veprimin si bankier, këshilltar financiar dhe agjent fiskal për Qeverinë dhe çdo organ publik dhe

organizatë publike të Kosovës;

bashkëpunimin dhe pjesëmarrjen në këshillat dhe organizatat ndërkombëtare përkitazi me

çështje brenda fushës së saj të kompetencave; dhe

realizimin e çdo aktiviteti ndihmës që rrjedh nga ushtrimi i detyrave të saj.

Veprimtaria e BQK-së sigurohet nga organet e saj vendimmarrëse dhe personeli i saj. Organet

vendimmarrëse të BQK-së janë Bordi i Bankës Qendrore, Bordi Ekzekutiv dhe Guvernatori. Bordi i Bankës

Qendrore përbëhet nga kryetari dhe tre anëtarë të tjerë joekzekutivë si dhe nga Guvernatori dhe është i

ngarkuar me mbikëqyrjen e zbatimit të vendimeve si dhe mbikëqyrjen e administrimit dhe ushtrimit të

operacioneve të BQK-së. Bordi Ekzekutiv përbëhet nga Guvernatori dhe Zëvendësguvernatorët dhe është i

ngarkuar me zbatimin e vendimeve të BQK-së si dhe administrimin dhe ushtrimin e operacioneve të saj.

Guvernatori shërben si kryeshef ekzekutiv i BQK-së i ngarkuar me aktivitetet e përditshme të BQK-së, në

realizimin e të cilave ndihmohet nga Zëvendësguvernatorët. Personeli i BQK-së është i strukturuar në njësi

organizative të përcaktuara në bazë të veprimtarive të veçanta operacionale dhe administrative.

7


MISIONI

Misioni ynë është të ruajmë stabilitetin financiar dhe monetar, të sigurojmë sistem efektiv të pagesave dhe

furnizim adekuat me para të gatshme, të ofrojmë këshilla ekonomike për entitetet publike dhe të

kontribuojmë në zhvillimin e qëndrueshëm ekonomik përmes nxitjes së zhvillimit të sistemit financiar.

VIZIONI

Vizioni ynë strategjik është të jemi në mesin e bankave qendrore më efikase dhe efektive të regjionit si

dhe të jemi institucion meritor në arritjen e integrimit evropian të Republikës së Kosovës.

VLERAT

Vlerat tona, të zhvilluara nga të gjithë ne dhe të formësuara nga organet vendimmarrëse të BQK-së,

pasqyrohen në të gjitha veprimtaritë e veçanta të BQK-së dhe në kryerjen e të gjitha detyrave tona. Këto

vlera pasqyrohen në qëndrimin dhe punën e personelit dhe janë udhërrëfyese në caktimin e prioriteteve,

marrjen e vendimeve, përmbushjen e detyrave, ndërtimin e marrëdhënieve me publikun, si dhe kultivimin

e raporteve ndërpersonale në BQK. Vlerat tona janë (1) e mira e përgjithshme, (2) transparenca dhe

kredibiliteti, (3) integriteti dhe etika, (4) përsosmëria dhe përkushtimi dhe (5) avancimi i personelit.

1. E mira e përgjithshme - Punojmë në të mirë të interesit të publikut të gjerë.

2. Transparenca dhe kredibiliteti - Sigurojmë transparencë dhe kredibilitet të të gjitha

veprimtarive tona.

3. Integriteti dhe etika - Përmbushim me integritetin dhe etikën më të lartë të gjitha detyrat

tona.

4. Përsosmëria dhe përkushtimi - Krijojmë një kulturë të kryerjes cilësore dhe me kohë të

detyrave tona me angazhim individual dhe ekipor.

5. Avancimi i personelit - Sigurojmë ngritje dhe zhvillim të vazhdueshëm personal e

profesional të të gjithë personelit tonë.

8


QËLLIMET STRATEGJIKE

Në përputhje me vizionin dhe misionin tonë strategjik, ne kemi identifikuar dhe parashtruar pesë qëllime

strategjike, të cilat më së miri pasqyrojnë përgjegjësitë tona ndaj ekonomisë dhe shoqërisë kosovare si dhe

të cilat do të na mundësojnë të promovojmë dhe të sigurojmë stabilitetin financiar dhe t’i kontribuojmë

rritjes dhe zhvillimit të suksesshëm ekonomik të Republikës së Kosovës në të ardhmen. Qëllimet tona

strategjike janë:

1. Sforcimi dhe promovimi i stabilitetit financiar në Republikën e Kosovës;

2. Mbështetja e politikave të përgjithshme ekonomike për të arritur rritje të qëndrueshme

ekonomike në Republikën e Kosovës;

3. Sigurimi i zhvillimit të sistemeve bashkëkohore ndërbankare në Republikën e Kosovës dhe

ofrimi i shërbimeve bankare efektive për klientët e BQK-së;

4. Promovimi i zhvillimit të shëndoshë të sistemit financiar në Republikën e Kosovës;

5. Kontribuimi në proceset për integrim në Bashkimin Evropian dhe institucionet tjera

ndërkombëtare.

9


10


ZBATIMI I QËLLIMEVE STRATEGJIKE

QËLLIMI STRATEGJIK 1

Sforcimi dhe promovimi i stabilitetit financiar në Republikën e Kosovës

BQK-ja kontribuon në stabilitetin e sistemit financiar. Në këtë aspekt, analizon burimet e rrezikut në dhe

ndaj sistemit financiar, zhvillon tregues analitikë me qëllim të identifikimit të rreziqeve dhe ndihmon në

promovimin e një ambienti financiar të shëndoshë gjithëpërfshirës (makroprudencial). BQK-ja vlerëson

ndikimin e mundshëm të zhvillimeve makroekonomike në ekonominë e Kosovës mbi gjendjen e

institucioneve financiare dhe ofron udhëzime për të influencuar politikën ekonomike. BQK-ja diskuton

çështjet më madhore me institucionet kryesore financiare dhe përdor dialogun për të ngritur vetëdijen

mbi çështjet dhe shqetësimet, si dhe inkurajon sjelljen e kujdesshme. BQK-ja është e vetëdijshme mbi

përgjegjësinë substanciale që ka si rrjedhojë e këtyre detyrave, andaj përpiqet që të sigurojë

besueshmërinë e publikut duke promovuar kompetencë dhe performancë të lartë të të punësuarve të saj.

Me qëllim të ruajtjes së suksesshme të stabilitetit financiar, ne do të promovojmë:

SEKTORIN BANKAR

1. Përpilimin e një kornize gjithëpërfshirëse të matur, të shëndoshë dhe të arsyeshme:

a. Avancimin e kornizës ligjore për të gjitha bankat, institucionet mikrofinanciare, dhe

institucionet jobankare financiare, duke përfshire edhe financimin islam;

b. Zhvillimin e një kornize të shëndoshë të politikave të arsyeshme që qeverisin

funksionimin e sistemit financiar;

c. Zhvillimin e një kornize të integruar të politikave gjithëpërfshirëse që avancon

stabilitetin financiar në nivel makroprudencial;

d. Zhvillimin e indikatorëve dhe instrumenteve për formulimin e politikave

makroprudenciale;

e. Avancimin e manualit të licencimit për të gjitha bankat, institucionet mikrofinanciare,

dhe institucionet jobankare financiare;

f. Avancimin e kornizës ligjore për mbrojtjen e konsumatorëve për t’u mundësuar të

disponojnë me informacion të qartë, të plotë, të saktë dhe gjithëpërfshirës në të gjitha

rolet e tyre si shfrytëzues të shërbimeve financiare;

g. Sigurimin e nivelit minimal të kapitalit dhe të rezervës së likuiditetit në përputhje me

nivelin e rrezikut të marrë përsipër;

11


h. Zhvillimin e trasesë në zbatimin e standardeve të aplikueshme të Komitetit të Basel-it;

i. Avancimin e pajtueshmërisë me parimet bazë të Komitetit të Basel-it;

j. Mbështetjen e zhvillimit të kornizës ligjore për financim afatgjatë;

2. Identifikimin e rreziqeve dhe vlerësimin e qëndrueshmërisë së bankave komerciale:

a. Përfshirjen e rezultateve të makro stres-testit dhe modeleve tjera analitike në

planet mbikëqyrëse të sistemit bankar;

b. Avancimin e udhëzimeve për menaxhimin e rreziqeve kryesore të hasura në sistemin

bankar, në veçanti të rrezikut kreditor, të likuiditetit, operacional dhe të tregut;

c. Avancimin e metodologjive mbikëqyrëse të drejtpërdrejta dhe analitike të bazuara në

rrezik për të vlerësuar qëndrueshmërinë dhe aftësinë e sektorit bankar, veçanërisht të

bankave sistemike;

d. Avancimin e kornizës juridike kundër shpëlarjes së parave në raport me institucionet

financiare me qëllim të eliminimit te paqartësive dhe implementimit efektiv;

e. Zhvillimin e kërkesave lidhur me planet formale për vazhdimësinë e funksionimit;

f. Zhvillimin e kornizës juridike për menaxhimin e krizave, duke përfshirë themelimin e

komisionit teknik për këtë qëllim;

3. Vlerësimin e stabilitetit financiar dhe identifikimin e rreziqeve sistemike:

a. Avancimin e stres-testit të sektorit bankar në drejtim të makro stres-testit;

b. Zhvillimin e modelit për parashikimin e aktivitetit ndërmjetësues dhe performancës së

sektorit bankar;

c. Zgjerimin e bazës së indikatorëve të sektorit real dhe financiar për një vlerësim më

adekuat të rreziqeve për stabilitetin financiar;

d. Avancimin e mëtejmë të Sistemit të Paralajmërimit të Hershëm;

e. Avancimin e mëtejmë të Raportit të Stabilitetit Financiar, me fokus në përfshirjen më të

madhe të pritjeve për zhvillimet e ardhshme;

f. Funksionalizimin e Komitetit Makroprudencial;

g. Intensifikimin e aktivitetit kërkimor në fushën e sistemit financiar;

4. Identifikimin e rreziqeve dhe vlerësimin e qëndrueshmërisë së sistemit të pagesave:

a. Vlerësimin e përputhjes së sistemit ndërbankar të pagesave në Kosovë me Parimet për

Infrastrukturat e Tregjeve Financiare;

b. Vlerësimin e rreziqeve me të cilët ballafaqohet sistemi i pagesave;

12


c. Zhvillimin e kornizës juridike me qëllim të përcaktimit të qartë të mënyrës së

operimit të sistemeve të pagesave dhe reduktimit të rreziqeve potenciale;

d. Avancimin e metodologjive mbikëqyrëse për operatorët dhe pjesëmarrësit në

sisteme të pagesave, me qëllim të operimit të sigurt dhe efikas të tyre;

5. Bashkëpunimin me autoritetet e huaja mbikëqyrëse:

a. Përmirësimin e koordinimit dhe bashkëpunimit me bankat e tjera qendrore dhe agjencitë

mbikëqyrëse për nevoja institucionale dhe të zhvillimit sistematik;

b. Pjesëmarrjen në grupe mbikëqyrëse regjionale dhe ndërkombëtare dhe përfitimin

nga mundësitë e zhvillimit profesional të ofruara nga to;

6. Përkrahjen institucionale të zhvillimit të skemës për sigurimin e depozitave dhe zgjerimit

të rrjetit të sigurisë:

a. Avancimin e bashkëpunimit me Fondin e Sigurimit të Depozitave në Kosovë në

këmbimin e të dhënave financiare;

b. Zhvillimin e procedurave operacionale të menaxhimit të asistencës emergjente të

likuidetit, në rast nevoje për aktivizimin e këtij instrumenti;

SEKTORIN E SIGURIMEVE

1. Zhvillimin e një kornize të shëndoshë dhe të arsyeshme rregullative:

a. Plotësimin e kornizës juridike mbi sigurimet e përgjithshme;

b. Zhvillimin e rregullativës për mbikëqyrjen e kompanive të sigurimit jetë dhe jo-jetë;

c. Zbatimin e kornizës së BE-së për solvencën;

d. Avancimin e manualit të licencimit dhe likuidimit të kompanive të sigurimit dhe

ndërmjetësuesve të sigurimit;

e. Zbatimin e planit të veprimit për pajtueshmërinë me parimet bazë të Shoqatës

Ndërkombëtare të Mbikëqyrësve të Sigurimeve;

f. Zhvillimin e kornizës juridike për adekuatshmërinë e rezervës teknike të vlerësuar

nga aktuarët e licencuar;

g. Mbështetjen e zhvillimit të kornizës për akreditimin e aktuarëve në Kosovë;

h. Zhvillimin e kornizës juridike me mekanizma ndihmës për adresim të çështjeve të

trajtimit të dëmeve dhe mospajtimeve në rastet e ankesave nga policëmbajtësit;

13


2. Avancimin e mbikëqyrjes efektive të fokusuar në identifikimin e rreziqeve:

a. Avancimin e manualeve të mbikëqyrjes së drejtpërdrejtë dhe analitike të

kompanive dhe ndërmjetësuesve te sigurimit;

b. Përmirësimin e aktiviteteve të menaxhimit të rrezikut në pajtueshmëri me

kornizën juridike;

c. Kooperimin me autoritetet e huaja mbikëqyrëse të sigurimit me qëllim të

mbikëqyrjes efektive të kompanive të sigurimit në pronësi të huaj;

d. Mbështetjen për anëtarësim në Këshillin e Byrove të Kartonit të Gjelbër;

SEKTORIN PENSIONAL

1. Zhvillimin e kornizës rregullative dhe bashkëpunimin me autoritetet e huaja:

a. Avancimin e kornizës rregullative në pajtueshmëri me Ligjin për Fondet

Pensionale të Kosovës;

b. Përpilimin e manualit të licencimit dhe likuidimit të fondeve pensionale;

c. Përpilimin e manualeve për mbikëqyrje të drejtpërdrejtë dhe analitike;

d. Avancimin e sistemit të menaxhimit të rrezikut në pajtim me kornizën juridike;

e. Bashkëpunimin me autoritetet e huaja mbikëqyrëse të sigurimit me qëllim të

mbikëqyrjes efektive të fondeve pensionale;

TREGJET FINANCIARE

1. Kontribuimin në zhvillimin e tregut të letrave me vlerë në Republikën e Kosovës:

a. Aktivizimin e tregut sekondar të letrave me vlerë me qëllim të nxitjes së aftësisë

tregtuese dhe ofrimit te likuiditetit;

b. Aktivizimin e marrëveshjeve të riblerjes (anglisht: repo);

2. Kontribuimin në krijimin dhe zhvillimin e tregut të kapitalit në Republikën e Kosovës:

a. Mbështetjen e përpilimit të Ligjit mbi Letrat me Vlerë;

b. Mbështetjen e projekteve zhvillimore në pajtim me Ligjin mbi Letrat me Vlerë;

3. Kontribuimin në krijimin e kornizës juridike lidhur me tregjet financiare.

14



Mbështetja e politikave të përgjithshme ekonomike për të arritur rritje të qëndrueshme

ekonomike në Republikën e Kosovës

BQK-ja mbështet formimin e politikave ekonomike në Republikën e Kosovës për të maksimizuar rritjen e

qëndrueshme ekonomike. Kjo kryesisht arrihet përmes përpilimit të statistikave, analizave dhe kërkimeve

ekonomike të destinuara për informimin e profesionistëve dhe publikut të gjerë. BQK-ja në mënyrë aktive

fokusohet në përpilimin dhe publikimin e statistikave relevante. Analizat dhe kërkimet e BQK-së ofrojnë

një pasqyrë të besueshme dhe me kohë mbi gjendjen e ekonomisë. Vlerësimi i pavarur i zhvillimeve

ekonomike është njëri ndër aktivitetet më të rëndësishme për të arritur rritje të qëndrueshme ekonomike

afatgjate në Republikën e Kosovës.

Politikat e përgjithshme ekonomike për arritje të një rritje të qëndrueshme ekonomike do t’i mbështesim

në mënyrën më të mirë përmes:

1. Avancimit të mëtutjeshëm gjithëpërfshirës të statistikave të sistemit financiar dhe të

sektorit të jashtëm:

a. Përpilimit dhe publikimit të statistikave bankare dhe jo-bankare, statistikave mbi

normat e interesit, bilancin e pagesave, pozicionin e investimeve ndërkombëtare,

borxhin e jashtëm si dhe statistikave mbi rezervat ndërkombëtare në

përputhshmëri me standardet statistikore ndërkombëtare të Fondit Monetar

Ndërkombëtar;

b. Konvergjencës dhe harmonizimit të plotë me legjislacionin statistikor të Bashkimit

Evropian;

c. Raportimit të rregullt në Eurostat të statistikave të sistemit financiar dhe të sektorit

të jashtëm;

d. Zbatimit të manualeve të reja ndërkombëtare në fushën e statistikave;

e. Rritjes së vazhdueshme të mbulueshmërisë dhe të frekuencës së statistikave të

përpiluara dhe të publikuara;

f. Zbatimit të aplikacioneve teknike moderne statistikore në kontekst të përpilimit dhe

validimit më të avancuar të statistikave të publikuara;

g. Ofrimit të ekspertizës në fushën e statistikave të sistemit financiar dhe të sektorit të

jashtëm në funksion të bashkëpunimit me institucionet vendore dhe institucionet e

huaja;

15


2. Zhvillimit të mëtejmë të funksionit të analizave dhe kërkimeve ekonomike:

a. Formulimit të kornizës për parashikimin e zhvillimeve makroekonomike në

vend me anë të ndërtimit të modelit makroekonomik për ekonominë e

Kosovës;

b. Implementimit të projektit për vlerësimin e çmimeve në sektorin e

patundshmërisë;

c. Realizimit të programeve anketuese për ndjekjen e zhvillimeve në sektorin e

bizneseve;

d. Përforcimit të kooperimit me institucionet vendore dhe institucionet

ndërkombëtare në vlerësimin e zhvillimeve ekonomike në vend;

e. Intensifikimit të aktivitetit hulumtues rreth zhvillimeve makroekonomike;

3. Zgjerimit të komunikimit mbi çështje të përgjithshme ekonomike:

a. Publikimit të rregullt të statistikave, kërkimeve dhe analizave të BQK-së;

b. Organizimit të rregullt të seminareve për politikat ekonomike si dhe të

konferencave të kohëpaskohshme me karakter nacional dhe ndërkombëtar;

c. Organizimit të rregullt të konferencave për shtyp.

16



Sigurimi i zhvillimit të sistemeve ndërbankare bashkëkohore në Republikën e Kosovës

dhe ofrimi i shërbimeve bankare efektive për klientët e BQK-së

BQK-ja operon Sistemin Elektronik të Kliringut Ndërbankar (SEKN), i cili është i vetmi sistem ndërbankar i

transferimit të fondeve në Republikën e Kosovës. Funksionon si një sistem hibrid i cili mundëson kana-

lizimin mes bankave të një sërë instrumentesh të pagesave. BQK-ja po ashtu operon të vetmin sistem të

informacionit kreditor në Republikën e Kosovës - Regjistri i Kredive të Kosovës (RKK) i cili u mundëson

bankave komerciale dhe institucioneve të tjera kredidhënëse ndarjen e informacioneve. Të dy këto

sisteme, që janë të rëndësishme për funksionimin e sistemit financiar, janë zhvilluar brenda vendit dhe

janë subjekt i avancimeve të vazhdueshme bazuar në konsultimet me akterët dhe në përvojat

bashkëkohore ndërkombëtare. Gjithashtu, BQK-ja do të themelojë sisteme të reja ndërbankare për

transferim të fondeve si dhe për qëllime të tjera, të cilat janë të nevojshme për të arritur objektivin e saj

parësor dhe për të realizuar detyrat e saj. Për më tepër, BQK-ja do të zhvillojë më tej funksionet e

mbikëqyrjes dhe monitorimit për sa i përket sistemeve ndërbankare në përgjithësi.

Përveç funksioneve tipike të bankave qendrore në fushën e operacioneve dhe sistemeve ndërbankare,

BQK-ja ofron mirëmbajtje llogarish dhe shërbime transaksionesh për klientët e vet, menaxhon me kujdes

fondet e tyre të depozituara dhe i furnizon ata me monedha dhe kartëmonedha sipas kërkesës. BQK-ja

siguron që të gjitha shërbimet bankare të ofruara nga një bankë qendrore të jenë në dispozicion për

agjencitë qeveritare, institucionet financiare si dhe për klientët e tjerë. BQK-ja konsultohet rregullisht me

klientët dhe partnerët e saj në mënyrë që produktet e saj të jenë gjithherë moderne. Për këtë qëllim, BQK-

ja shfrytëzon metodat dhe solucionet teknologjike afariste më të reja.

Entitetet qeveritare dhe ato të sektorit financiar mbajnë llogari rrjedhëse në BQK dhe përmes tyre rregull-

isht kryejnë transaksione. BQK-ja në vazhdimësi ngrit shërbimet lidhur me llogaritë e klientëve. Depozi-

tat dhe tërheqjet e parave të gatshme janë një formë e veçantë e shërbimeve të llogarive të klientëve.

Përmes shërbimeve me para të gatshme që u ofrohen klientëve të sistemit financiar, BQK-ja mban një

furnizim adekuat me monedha dhe kartëmonedha në ekonomi për kryerjen e transaksioneve me para të

gatshme. BQK-ja mban dhe menaxhon një shumë të madhe të fondeve të depozituara nga entitetet e

sektorit publik dhe ato të sistemit financiar. Aktivitetet përkatëse investuese të BQK-së, para së gjithash

kanë për qëllim të ruajnë vlerën dhe të sigurojnë likuiditetin e fondeve të investuara. Kthimi nga investimi

i këtyre fondeve në tregun evropian të parasë është burimi kryesor i të hyrave të BQK-së.

Ky qëllim i shumanshëm ngërthen një numër nënqëllimesh të veçanta të paraqitura si vijon:

1. Sigurimi i sistemeve ndërbankare efikase dhe cilësore për transferim të fondeve dhe të

letrave me vlerë si dhe për raportim të poseduesve të llogarive bankare përmes:

17


a. Implementimit të një sistemi modern të shlyerjes individuale të pagesave në kohë

reale (anglisht: Real Time Gross Settlement - RTGS), i cili do të përfaqësojë shtyllën

kryesore të sistemit kombëtar të pagesave në Kosovë;

b. Operacionalizimit të plotë të sistemit depozitar qendror të letrave me vlerë

(anglisht: Central Securities Depository - CSD), duke përfshirë edhe platformën për

tregtim, që do të mbështesë funksionimin e rregullt të tregtimit të letrave me vlerë;

c. Angazhimit në themelimin e një sistemi bashkëkohor të tregut ndërbankar të parasë,

i cili do të shërbejë si një element i rëndësishëm për bankat komerciale për

menaxhimin e likuiditetit;

d. Ngritjes së Regjistrit të Poseduesve të Llogarive Bankare si një sistemi unik i

raportimit të të dhënave bazë mbi llogaritë e klientëve të bankave komerciale, i cili

do të ndihmojë në zbatim të Ligjit për procedurën përmbarimore;

2. Lehtësimi i zhvillimit të infrastrukturës së përgjithshme të pagesave dhe promovimi i

bashkëpunimit mes akterëve të sistemit kombëtar të pagesave përmes:

a. Ushtrimit efektiv të funksionit të mbikëqyrjes së sistemit të pagesave në Kosovë, në

përputhje me dispozitat ligjore dhe praktikat moderne;

b. Veprimit me një rol shtytës në implementimin e një sistemi kombëtar ndërbankar të

kartave të pagesave (anglisht: Interbank Card Switch - ICS), për të ofruar

funksionalitet ndëroperimi mes lëshuesve të kartave të pagesave;

c. Përcjelljes së iniciativave evropiane për modernizimin dhe integrimin e sistemeve të

pagesave;

d. Rishikimit dhe plotësimit të rregullativës që ka të bëjë me lëmin e pagesave;

4. Avancimi i funksionit të Regjistrit të Kredive të Kosovës (RKK) për të mbështetur akterët

relevantë për informacionin kreditor përmes:

a. Zgjerimit të përmbajtjes së informacionit të RKK-së dhe avancimit të

shfrytëzueshmërisë së tij nga bankat komerciale dhe institucionet e tjera

kredidhënëse;

b. Kontribuimit në avancimin e proceseve përkatëse të veprimtarive të BQK-së

(mbikëqyrje bankare, mbikëqyrje e sigurimeve, analizat dhe statistikat);

c. Ngritjes së shërbimit për qytetarët dhe bizneset si subjekte të informacionit

kreditor;

d. Promovimit të funksionit të RKK-së te publiku në përgjithësi;

18


e. Rishikimit dhe plotësimit të rregullativës lidhur me RKK-në;

5. Avancimi dhe standardizimi i shërbimeve të llogarive të klientëve përmes:

a. Modernizimit të vazhdueshëm të sistemit bankar bazë të BQK-së, për të mbështetur

automatizimin dhe standardizimin e mëtejmë të proceseve të transaksioneve;

b. Zbatimit të ndërfaqeve plotësisht të automatizuara mes sistemit special të

menaxhimit financiar të Thesarit të MeF-it dhe sistemit (-eve) të operuar(a) nga

BQK-ja, në lidhje me dërgimin e urdhërpagesave dhe nxjerrjen e raporteve;

c. Lidhjes në sistemin SWIFT me qëllim të përmirësimit të efikasitetit në procesimin e

transaksioneve ndërkombëtare;

6. Përcjellja e standardeve të eurosistemit në furnizim të bankave me sasi dhe cilësi adekuate

të monedhave dhe kartëmonedhave të euros si dhe monitorimi i qarkullimit të parasë së

gatshme në bashkëpunim me policinë për të kontribuar në luftimin e parasë false. Do të

arrihet përmes:

a. Sforcimit të bashkëpunimit me bankat qendrore dhe private në eurozonë lidhur me

menaxhimin e qarkullimit të parave të gatshme në vend;

b. Përcjelljen dhe ngritjen e standardeve të procesimit të parave të gatshme në BQK

dhe tërë sistemin financiar;

7. Optimalizimi i sigurisë, likuiditetit dhe kthimit të investimeve në tregun ndërkombëtar të

parasë përmes:

a. Zgjerimit të bashkëpunimit me bankat qendrore të eurosistemit lidhur me

menaxhimin e fondeve;

b. Avancimit teknologjik të proceseve të punës në funksion të rritjes së efikasitetit dhe

të zvogëlimit të rrezikut operacional.

19



Promovimi i zhvillimit të shëndoshë të sistemit financiar në Republikën e

Kosovës

BQK-ja përpiqet të promovojë zhvillimin e sistemit financiar në Republikën e Kosovës duke i ofruar

qeverisë ekspertizë si dhe duke siguruar një ambient që mbron iniciativat private të tregut. BQK-ja

mbështet dhe mirëmban funksionimin e patrazuar të infrastrukturës së sistemit financiar duke

përgatitur kornizën ligjore për produktet e reja financiare dhe duke licencuar institucionet

financiare. BQK-ja promovon kooperimin në Republikën e Kosovës me qëllim të dizajnimit të

solucioneve teknike efikase dhe të hapura si dhe standardeve të përbashkëta për sistemin financiar.

BQK-ja konsideron veten si forcë shtytëse për zhvillimin e qëndrueshëm dhe përmirësimin e

funksionimit të sistemit financiar në Republikën e Kosovës. Besueshmëria e publikut ndaj

aktiviteteve të BQK-së në zhvillimin e sistemit financiar promovohet përmes komunikimit efektiv

dhe të orientuar si duhet.

Për arritjen e promovimit të zhvillimit të shëndoshë të sistemit financiar në Republikën e Kosovës,

ne do të përqendrohemi në:

1. Zhvillimin e sistemit të avancuar elektronik për raportim rregullativ:

a. Krijimin dhe publikimin e pasqyrave të modeluara të kontabilitetit për tërë

industrinë financiare;

b. Përgatitjen e udhëzimeve për plotësimin e drejtë të të gjitha formave

raportuese të institucioneve financiare;

2. Promovimin e proceseve të cilat shpijnë në integrimin e sistemit financiar të Kosovës

në tregun financiar regjional dhe ndërkombëtar:

a. Kooperimin dhe shkëmbimin e informacionit me eurosistemin si dhe me bankat

qendrore dhe autoritetet financiare regjionale;

b. Publikimin e metodikës dhe politikës së revidimeve lidhur me statistikat e

publikuara;

c. Zhvillimin e indeksit të patundshmërisë;

d. Përcjelljen e iniciativave të eurosistemit dhe atyre regjionale për zhvillimin e

tregut financiar;

20


3. Promovimin e zhvillimit të konkurrencës dhe të krijimit të një ambienti financiar

transparent:

a. Edukimin e publikut dhe ngritjen e njohurive mbi zhvillimet e sistemit financiar;

b. Shpalosjen e informacionit mbi sistemin financiar përmes komunikimit me publikun;

c. Ngritjen e njohurive mbi iniciativat dhe aktivitetet e BQK-së;

d. Avancimin e bashkëpunimit me të gjithë akterët relevantë për të promovuar mbrojtjen

e shfrytëzuesve të shërbimeve financiare.

21



Kontribuimi në proceset për integrim në Bashkimin Evropian dhe institucionet e

tjera ndërkombëtare

Institucionet e Republikës së Kosovës janë relativisht të reja. BQK-ja promovon procese përmes të

cilave plotësisht integrohemi në Bashkimin Evropian dhe në institucionet e tjera ndërkombëtare.

BQK-ja ndërmerr hapa për të ngritur nivelin e njohurisë së publikut të gjerë duke përfshirë edhe atë

ndërkombëtar mbi BQK-në dhe Republikën e Kosovës, përmes aktiviteteve të arsyeshme dhe

publikimit të rregullt të aktiviteteve të saj. Organet vendimmarrëse dhe personeli i BQK-së

rregullisht marrin pjesë në ngjarje ndërkombëtare për të promovuar Republikën e Kosovës dhe

BQK-në. BQK-ja operon në përputhje me standardet dhe përvojat ndërkombëtare. Kooperimi i mirë

me palët e interesit është më se i rëndësishëm për zbatimin efektiv të kornizës ligjore dhe të

kuptuarit e nevojave të ekonomisë së Kosovës dhe sistemit financiar. BQK-ja është plotësisht e

vetëdijshme mbi përgjegjësinë e vet ndaj palëve vendore dhe ndërkombëtare të interesit për të

sjellë ekonominë e Kosovës dhe sistemin financiar sa më afër integrimit ndërkombëtar. BQK-ja

përpiqet të ngritë nivelin e besueshmërisë së publikut ndaj aktiviteteve të veta duke promovuar

kompetencë dhe performancë të lartë të organeve vendimmarrëse si dhe të personelit.

Në procesin e integrimit në Bashkimin Evropian dhe në institucionet e tjera ndërkombëtare, ne do

të sigurojmë:

1. Koordinimin e aktiviteteve me Qeverinë e Republikës së Kosovës:

a. Ndërtimin e rrugëve drejt pjesëmarrjes në institucionet ndërkombëtare;

b. Përfaqësimin e përbashkët të Republikës së Kosovës, veçanërisht të

sistemit të saj financiar;

c. Përfitimin optimal nga asistenca teknike dhe ndihma e donatorëve

ndërkombëtarë;

2. Promovimin e aktiviteteve të cilat do t’i ngritin njohuritë mbi Republikën e Kosovës:

a. Organizimin e konferencave të rregullta për të informuar publikun mbi

zhvillimet aktuale në sistemin financiar;

b. Pjesëmarrjen në konferencat ndërkombëtare dhe bashkimin në nisma

regjionale për të promovuar stabilitetin dhe zhvillimin e sistemit financiar;

c. Publikimin e informacionit dhe materialeve promovuese mbi zhvillimet e

sistemit financiar dhe të ekonomisë së Republikës së Kosovës;

22


3. Promovimin e aktiviteteve për zhvillimin e kapitalit njerëzor:

a. Promovimin e proceseve të zhvillimit profesional në BQK;

b. Promovimin e shkëmbimit të të punësuarve me eurosistemin dhe bankat qendrore dhe autoritetet financiare regjionale;

c. Modernizimin e politikave dhe procedurave të menaxhimit të resurseve njerëzore.

23

BANKA QENDRORE E REPUBLIKËS SË KOSOVËS

PLANI STRATEGJIK 2013-2015

PLANI STRATEGJIK 2013-2015 - bqk-kos.org strategjik 2013-2015.pdf · Plani Strategjik 2013 – 2015...

Documents

Transcript of PLANI STRATEGJIK 2013-2015 - bqk-kos.org strategjik 2013-2015.pdf · Plani Strategjik 2013 – 2015...