Paraklisi i Vogel - Sherbesa

1

KANONI I VOGËL LUTËSOR

(PARAKLISI I VOGËL)

DREJTUAR TËRËSHENJTËS MARI

Prifti: I bekuar është Perëndia ynë, gjithnjë,

tani e përherë e në jetë të jetëve.

Psaltët: Amin.

Psalmi 142

O Zot, dëgjo faljen time, vëri veshin lutjes

sime sipas së vërtetës sate, dëgjomë sipas

drejtësisë sate.

Dhe mos hyr në gjyq me shërbëtorin tënd,

se asnjë i gjallë nuk do të dalë i drejtë përpara

teje.

Se armiku ma ndoqi shpirtin, dhe ma rrëzoi

jetën përdhe.

Më vuri në vende të errëta, si të vdekurit

prej kohe, shpirti m’u trishtua dhe zemra m’u

trondit.

Kujtova ditët e lashta, mendova gjithë

veprat e tua, sillja ndër mend punët e duarve

të tua.

2

I shtriva duart drejt teje; shpirti im ka etje

për ty si toka e thatë.

Dëgjomë shpejt, o Zot, m’u zu fryma, mos e

kthe mënjanë fytyrën tënde prej meje, që të

mos bëhem si ata që zbritën në varr.

Bëj që të dëgjoj përdëllimin tënd në mëngjes

se më ty shpresova.

Tregomë, o Zot udhën ku duhet të eci, se më

ty e kam varur shpirtin.

Shpëtomë prej armiqve të mi, o Zot, se tek ti

kërkova strehë.

Mësomë të bëj dëshirën tënde, se ti je

Perëndia im.

Fryma jote e mirë, do të më udhëheqë në

vend të drejtë. Për emrin tënd, o Zot,

gjallëromë.

Sipas drejtësisë sate nxirr shpirtin tim nga

trishtimi, dhe sipas mëshirës sate shfarosi

armiqtë e mi, dhe shkatërroi të gjithë ata që

hidhërojnë shpirtin tim, se unë jam shërbëtori

yt.

Perëndia është Zoti dhe u shfaq ndër ne, i

bekuar është ai që vjen në emrin e Zotit. (4

herë)

3

Ejani le t’i rendim pranë Hyjlindëses, dhe të

përunjur le t’i biem gjunjazi, dhe me pendim

të thellë le t’i themi me shpirt: Zonjë

mëshironjëse, ndërmjeto dhe shpëtona, eja se

u mbytëm krejt nga mëkatet e shumta; mos na

largo ne besnikët e tu, se s’kemi tjetër shpresë

dhe ndihmëse.

Lavdi Atit e Birit edhe Shpirtit t’Shenjt’. Tani e

përherë e në jetë të jetëve. Amin.

Do t’i lëçitim kudo, o Virgjëreshë, çuditë e

tua ne të pavyerit, se po të mos na kishe dalë

mbrojtëse, si do të shpëtonim vallë prej kaq

rreziqesh, dhe kush do t’na ruante gjer më tani

të lirë? Prej teje pra s’largohemi aspak, se

besnikët po i shpëton gjithnjë nga çdo vrer.

Psalmi 50

Përdëllemë, o Perëndi, sipas përdëllimit

tënd të madh dhe sipas dhembshurive të tua

të shumta shuaje paudhësinë time.

Lamë krejt prej paudhësisë sime dhe

pastromë prej mëkatit tim.

4

Se unë e njoh paudhësinë time dhe mëkati

im është përpara meje kurdoherë.

Tek ti vetëm mëkatova dhe të keqen e bëra

përpara teje, kështu që ti je i drejtë në fjalët e

tua dhe i kthjellët në gjykimin tënd.

Se ja tek u zura në paudhësi, dhe në mëkate

më lindi nëna ime.

Se ja tek deshe të vërtetën, të patreguarat

dhe të fshehtat e urtësisë sate m’i tregove.

Spërkatmë me hisop, dhe do të pastrohem,

lamë dhe do të bëhem më i bardhë se dëbora.

Bëmë të dëgjoj gëzim e ngazëllim, dhe do

më gëzohen eshtrat e dobësuara.

Ktheje fytyrën tënde nga mëkatet e mi, dhe

shuaji gjithë paudhësitë e mia.

Krijo zemër të pastër tek unë, o Perëndi, dhe

përtërit frymë të drejtë në thellësitë e zemrës

sime.

Mos më hidh larg fytyrës sate, dhe mos e

hiq prej meje Shpirtin tënd të Shenjtë.

Jepma prapë ngazëllimin e shpëtimit tënd

dhe forcomë me frymë sunduese.

Do t’u mësoj të paligjve udhët e tua, dhe të

pabesët do të kthehen tek ti.

5

Shpëtomë prej gjakrash, o Perëndi, Perëndia

i shpëtimit tim, gjuha ime do të lavdërojë me

gëzim drejtësinë tënde.

O Zot, çel buzët e mia, dhe goja ime do të

lëçitë lavdinë tënde.

Se po të kishe dashur therore, do të kisha

prurë, por ty s’të pëlqejnë therore me djegie të

plotë.

Therore ndaj Perëndisë është shpirti i

dërrmuar; zemrën e dërrmuar dhe të përulur

Perëndia nuk do ta përbuzë.

Bëji të mirë, o Zot Sionit, sipas mirëdashjes

sate; dhe le të ndërtohen muret e Jerusalemit.

Atëherë do të të pëlqejnë therore drejtësie,

dhurata dhe therore me djegie të plotë.

Atëherë do të sjellin viça mbi altarin tënd.

Kanuni. Tingulli Tërthor IV

Kënga I

E përmbishenjtë Hyjlindëse shpëtona.

I mbytur prej ngasjeve si në det, më ty po

përikij, dhe prej teje kërkoj shpëtim, o Nënë

dhe Zonjë Virgjëreshë, prej çdo rreziku dhe zie

shpëtomë ti.

6


Pësimet më mbushën me turbullim, dhe

shpirtin ma mbytën me mërzitje dhe

dëshpërim, po ti qetësomë, Virgjëreshë, me

ngushëllimin dhe paqen e Birit tënd.

Lavdi Atit e Birit edhe Shpirtit t’Shenjt’.

Të lutem, o Zonjë, o Shën Mari, që linde

Jisuin, ti shpëtomë nga çdo rrezik, më ty po

përikij dhe të lutem, me tërë forcën e zemrës

dhe shpirtit tim.

Tani e përherë e në jetë të jetëve. Amin.

Se shpirti dhe trupi keq m’u sëmur, pra ti

mëshiromë, edhe syrin mbi mua hidh, kujdesu

për mua Virgjëreshë, e mirë vetë dhe Nën’ e të

mirit Bir.

Kënga III


Si përkrahje dhe mbrojtje të jetës sime të

kam, ty o Virgjëresh’ e kulluar, ti pra më

qeveris, dhe në liman të më çosh, se ti na fal

7

çdo të mirë, ti besnikët përgjithmon’ i mbron,

Hyjlindëse.


Po të lutem, o Zonjë, ma qetëso shpirtin tim,

dhe pushoma shqotën e zemrës, se më bie zali,

se ti, o Zonjë Mari, ke lindur Mbretin e Paqes,

Shpëtimtarin Zotin Krisht, ti, o Hyjlindëse.


Mirëbërësin linde, që bëri çdo mirësi,

pasurisht të gjitha të mirat, jepna të gjithëve,

se ti në dorë e ke, se ti ke lindur të fortin,

Shpëtimtarin Zotin Krisht, ti, o Hyjlindëse.


Me sëmundje të liga dhe çfarëdo pasion,

dergjem un’ i mjeri, o Zonjë, eja shëromë ti, se

s’të mungon asnjë gjë, i ke të gjitha të mirat, je

thesar për çdo shërim, ti, o Hyjlindëse.

Shpëtona ti prej çdo rreziku Hyj-lindëse

Virgjëreshë, se të gjithë pas Perëndisë ty të

përgjunjemi, se ti je fortesë që nuk tundesh

dot.

8

Shikomë ti me mirësi, o Hyjlindëse

Virgjëreshë, trupi m’u sëmur dhe m’u

shkat’rrua si mos më keq, dhe ti më shëro çdo

plagë të shpirtit.

Dhjaku: Mëshirona, o Perëndi, sipas

mëshirës sate të madhe, të

lutemi, dëgjo e mëshiro.

Psaltët: Mëshiro, o Zot. (3 herë).

Dhjaku: Lutemi edhe për Kryepiskopin

tonë (Aksh) edhe për tërë

vëllazërinë tonë më Krishtin.

Psaltët: Mëshiro, o Zot. (3 herë)

Dhjaku: Lutemi dhe për mëshirë, jetë,

paqe, shëndet, shpëtim, vështrim,

ndjesë dhe falje të mëkateve të

shërbëtorëve të Perëndisë (Aksh),

të të afërmëve, të miqve, të të

njohurve, të atyre që na porositën

ne të pavyerit të lutemi për ta, dhe

për të tjerët që na kanë porositur

të lutemi, si edhe për çdo shpirt të

krishterë orthodhoks që është në

hidhërim dhe në vuajtje, të cilët

9

kanë nevojë për mëshirën dhe

ndihmën e Perëndisë.


Prifti: Se ti je Perëndi mëshirues dhe

njeridashës dhe ty ta drejtojmë

lavdinë, Atit e Birit edhe Shpirtit

të Shenjtë, tani e përherë e në jetë

të jetëve.

Psaltët: Amin.

Ti je ndërmjetim, fortesë që tronditje s’di,

buron përdëllim, o mbrojtje e besnikëve, të

thërresim pra me mall: Virgjëreshë, Zonjë

Hyjlindëse, shpëtona nga çdo helm e çdo

rrezik, se ti je e vetmja përkrahëse.

Kënga IV


Shën Mari, o Hyjlindëse, ti që linde Zotin,

kapedanin ton’, zbute shqotën e pësimeve,

qetësoi valët e mëkateve.


10

Ne të gjithë të lutemi, dhembshurinë tënde

tregona pa vones’, ti që linde njeridashësin,

Krishtin Shpëtimtarin e besnikëve.


Për shumicën e dhuratave, të falënderojmë

ne mirënjohësit, me këndime lavdëruese,

Nënë Virgjëreshë dhe Hyjlindëse.


Ty të kemi përkrahëse, dhe fortesë të

patundur dhe mbrojtëse, Virgjëreshë dhe

Hyjlindëse, na shpëto përherë prej rreziqeve.

Kënga V


Zemrën na e çel, me gëzim dhe ngazëllim, o

Zonj’, falna gazin e pasosur tani, sepse ke

lindur ti shkaktarin e gëzimeve.


Zonjë na shpëto, Virgjëreshë dhe

Hyjlindëse, prej helmeve si dhe rreziqeve, se ti

ke lindur Shpëtimtarin, paqeprurësin.

11


Mjegullën largo, të mëkateve Hyjlindëse,

me dritën tënde jetëdhënëse, sepse ke lindur

diellin e parajetshëm.


Zonjë, na shëro nga pësimet e sëmundjeve,

na mëshiro edhe na vizito, edhe shëndetin na

dhuro me ndërmjetimin tënd.

Kënga VI


Atij iu lut se prej vdekjes na shpëtoi, si u

dha nën thonjt’ e vdekjes dhe vetë, prapë tani,

shpirtin tim ta shpëtojë nga shkatërrimi i

vdekjes dërrmonjëse, dhe nga armiku

zemërlig, Biri yt, Zoti yt, o Hyjlindëse.


Si mbrojtëse ty të di dhe rojtëse, të sigurt’, o

Virgjëreshë për jetën, ti i shpërndan, gjithë

ngasjet e liga, edhe veprime demonësh na i

dëbon, pra ty të lutem si gjithnjë: Ti shpëtomë

prej gjithë pësimeve.

12


Fortes’ e mur ty të kemi Zonja jon’, dhe

shpëtim për shpirtrat tanë të plotë, dhe

ngushëllim në mjerimet, o Zonjë, dhe

n’errësirën me dritë na ngazëllon. Pra ti, o

Zonjë dhe tani, nga pësimet, rreziqet ti na

shpëto.


Në shtrat tani i sëmurë shtrirë jam, dhe për

trupin tim shërim dot nuk gjendet, vetëm pra

ti, që ke lindur për botën, një Shpëtimtar dhe

një Mjek të sëmundjeve, pra ty të lutem dhe

tani: Ti më ngri nga lëngatat Hyjlindëse.

Shpëtona ti prej çdo rreziku Hyjlindëse

Virgjëreshë, se të gjithë pas Perëndisë ty të

përgjunjemi, se ti je fortesë që nuk tundesh

dot.

Hyjlindëse, ti që në ditët e fundme tani ke

lindur, Shpëtimtarin Zotin Jisu dhe Fjalën

çuditërisht, për ne iu lut me guximin e Nënës.

13





Dhjaku: Lutemi edhe për Kryepiskopin

tonë (Aksh) edhe për tërë

vëllazërinë tonë më Krishtin.


Dhjaku: Lutemi dhe për mëshirë, jetë,

paqe, shëndet, shpëtim, vështrim,

ndjesë dhe falje të mëkateve të

shërbëtorëve të Perëndisë (Aksh),

të të afërmëve, të miqve, të të

njohurve, të atyre që na porositën

ne të pavyerit të lutemi për ta,

dhe për të tjerët që na kanë

porositur të lutemi, si edhe për

çdo shpirt të krishterë

orthodhoks që është në hidhërim

dhe në vuajtje, të cilët kanë

nevojë për mëshirën dhe

ndihmën e Perëndisë.


14

Prifti: Se Ti je Perëndi mëshirues dhe




të jetëve.

Psaltët: Amin.

Shkurtorja. Tingulli IV

Mbrojtje e paturpëruar e të krishterëve,

ndërmjetim i pandërprerë ndaj krijuesit, dëgjo

zërat e lutjeve të mëkatarëve, dhe arri si e mirë

për të na ndihmuar ne, që të thërresim me

besë, nxito të ndërmjetosh dhe shpejto të

lutesh, o Hyjlindëse, që mbron ngaherë ata që

të nderojnë.

Paravarg. Do ta kujtoj emrin tënd në gjithë

brezat e brezave. (2 herë)

Emrin tënd do ta kujtoj, në gjithë brezat e

brezave.

Dhjaku: Dhe që të bëhemi të denjë për të

dëgjuar Ungjillin e Shenjtë, Zotit

Perëndisë tonë le t’i lutemi:

15


Dhjaku: Urtësi, drejt. Le të dëgjojmë

Ungjillin e Shenjtë.

Prifti: Paqe në të gjithë.

Psaltët: Dhe në shpirtin tënd.

Prifti: Këndimi prej Ungjillit të Shenjtë

sipas Llukait.

Dhjaku: Le të vëmë re.

Psaltët: Lavdi më ty, o Zot, lavdi më ty.

Prifti: Në ato ditë Mariama u ngrit dhe vajti

me nxitim në malësi, në një qytet të Judesë.

Edhe hyri në shtëpi të Zaharisë dhe

përshëndeti Elisabetën. Edhe sapo dëgjoi

Elisabeta përshëndetjen e Marisë, kërceu

foshnja në bark të saj, edhe Elisabeta u mbush

me Frymë të Shenjtëruar, e thërriti më zë të

madh edhe tha: “E bekuar je ti në mes të grave

dhe e bekuar është pema e barkut tënd. Edhe

nga më ngjau kjo, të vijë e ëma e Zotit tim tek

unë? Sepse ja, sapo erdhi zëri i përshëndetjes

sate në veshët e mi, kërceu foshnja me gëzim

në barkun tim. Edhe lum ajo që besoi se do të

16

mbushet tek ajo ç’janë folur prej Zotit”. Edhe

Mariama tha: “Shpirti im madhëron Zotin,

edhe fryma ime u gëzua më Perëndinë

Shpëtimtarin tim; sepse hodhi sytë mbi

përulësinë e shërbëtores së tij; se ja që tani e

tutje gjithë brezat do të më lumërojnë; sepse

tek unë bëri vepra madhështore i Fuqishmi

dhe i shenjtë është emri i tij”. Edhe Mariama

ndenji me të afro tre muaj dhe pastaj u kthye

në shtëpinë e saj.

Psaltët: Lavdi më ty, o Zot lavdi më ty.

Tingulli II


At’, Bir dhe Shpirt, një Trini dhe Perëndi,

shuaji mëkatet e mi të shumtë.


Me ndërmjetimet e Hyjlindëses, o

mëshir’plotë, shuaji mëkatet e mi të shumtë.

Përdëllyes, përdëllemë, o Perëndi, sipas

përdëllimit tënd të madh dhe sipas dhembshurive të

tua të shumta shuaje paudhësinë time.

17

Mos më neverit tani, pa mbrojtje, o

Virgjëreshë, Zonjë dhe Hyjlindëse, eja prite

lutjen e shërbëtorit tënd; helmi më mbyti krejt

edhe nuk duroj dot më, shigjetimet e

demonëve, strehë gjëkundi s’gjej, as ku të

përikij i varfri un’, se luftë rreth e rrotull kam,

tjetër ngushëllim gjetkë nuk po shoh. Zonj’ e

tërë botës, ti shpres’ e mbrojtje je për çdo

besnik, mos m’i përbuz pra të luturat, në

mëshirë dhe shpëtim.

Askush që përik tek ti, nuk largohet i

turpëruar nga ti, o e Virgjër Hyjlindëse e

kulluar, por kërkon hirin dhe merr dhuratën

sipas interesit e kërkesës.

Ndryshim i të hidhëruarve, çlirim i të

sëmurëve je, o Hyjlindëse Virgjëreshë, shpëto

qytetin dhe popullin, o paqja e atyre që

luftohen, qetësia e atyre që jan’ në dimër,

mbrojtje e vetme e besnikëve.

Dhjaku: O Perëndi, shpëtoje popullin tënd

dhe bekoje trashëgimin tënd. Vështroje botën

tënde me mëshirë e dhembshuri. Lartësoje

fuqinë e të krishterëve orthodhoksë dhe dërgo

18

mbi ne mëshirat e tua të pasura, me

ndërmjetimet e Zonjës sonë të pacenuar

Hyjlindëses dhe gjithmonë Virgjërës Mari; me

fuqinë e Kryqit të çmuar dhe jetëbërës; me

mbrojtjet e Fuqive qiellore të çmuara dhe të

patrup; me lutjet e të nderuarit, të lavdëruarit

profetit, pararendësit dhe pagëzorit Joan; të

Apostujve të shenjtë të lavdëruar dhe të

dëgjuar; të protokorifejve Petër dhe Pavël, të

apostull Qesarit, episkopit të Durrësit; të

etërve tanë të shenjtë; të etërve tanë të

mësuesve të mëdhenj ekumenikë dhe

hierarkëve, Vasilit të Madh, Grigor Theologut

dhe Joan Gojartit; të patrikëve të Aleksandrisë,

Athanasit, Kirillit dhe Joan Përdëllimtarit; të

çudibërësve, Shën Nikollës Kryepiskopit të

Mirës së Likisë dhe Shën Spiridhonit

Episkopit të Trimithundës, Nifonit, patrikut të

Konstandinopojës; të martirëve të shenjtë, të

lavdëruar dhe mundës të shkëlqyer, të

martirëve të shenjtë, të lavdëruar e të mëdhenj

Gjergj Trofeprurësit, Dhimitër Mirovlitit,

Theodhor Tironit dhe Theodhor Stratilatit; të

hieromartirëve të shenjtë Lefterit të Vlorës,

19

Astit të Durrësit, Kozmait nga Etolia, të

martirëve të shenjtë Danaktit dhe Joan

Vladimirit, të martirëve të shenjtë të rinj

Nikodhimit në Berat dhe Kristo kopshtarit; të

etërve tanë oshënarë dhe hyjprurës, të etërve

tanë oshënarë Joan Kukuzelit dhe Nifonit nga

Lukova; të hyjprindërve të shenjtë e të drejtë

Joakimit dhe Anës; edhe të gjithë shenjtorëve

të tu. Ty të lutemi, o i vetëm i

shumëmëshirshëm Zot, dëgjona ne mëkatarët

që po të lutemi dhe mëshirona.


Prifti: Me mëshirën dhe dhembshuritë dhe

njeridashjen e Birit tënd të vetëmlindur, me të

cilin je i bekuar bashkë me Shpirtin tënd të

Tërëshenjtë, të mirë dhe jetëbërës, tani e

përherë e në jetë të jetëve.

Psaltët: Amin.

Kënga VII


Për shpëtimin e botës, në pëqi virgjëror ke

banuar ti, o Jisu, dhe Nënën Virgjëreshë, e cila

20

të ka lindur, na e bëre ne mbrojtëse. O Perëndi

i etërve, o Zot je i bekuar.


Birit plot me mëshirë, që ke lindur, o Nën’ e

kulluar, lutju për ne, të na i ndjejë fajet dhe

njollat shpirtërore, se thërresim me zë të

madh: O Perëndi i etërve, o Zot je i bekuar.


Thesarin e shpëtimit dhe burimin e

paprishjes ty Hyjlindësen pra, kështjellën e

përikjes, dhe derën e pendimit ua shfaqe

besnikëve. O Perëndi i etërve, o Zot je i

bekuar.


Sa po vijnë me shum’ mall edhe nën hijen

tënde të gjithsigurtë, o Zonj’, denjo që të

shërohen si shpirtrat e sëmurë, k’shtu dhe

trupat në vuajtje, se Krishtin ton’ shpëtimtar,

për ne ti e ke lindur.

Kënga VIII


21

Mos i harro kurr’ o Virgjëresh’ sa të luten, të

himnojnë me bes’ e me shpresë, dhe të

lartësojnë me zë për gjithë jetët.


Ti i shëron krejt përher’ e pa u kursyer,

gjith’ ata që të luten, o Zonjë dhe të lartësojnë

që linde Zotin tonë.


Birit plot me mëshirë, që ke lindur, o Nën’ e

kulluar, lutju për ne, të na i ndjejë fajet dhe

njollat shpirtërore, se thërresim me zë të

madh: O Perëndi i etërve, o Zot je i bekuar.


Thesarin e shpëtimit dhe burimin e

paprishjes ti, Hyjlindësen pra, kështjellën e

përikjes, dhe derën e pendimit ua shfaqe

besnikëve. O Perëndi i etërve, o Zot je i

bekuar.


Sa po vijnë me shum’ mall edhe nën hijen

tënde të gjith’sigurtë, o Zonj’, denjo që të

shërohen si shpirtrat e sëmurë, k’shtu dhe

22

trupat në vuajtje, se Krishtin ton’ shpëtimtar,

për ne ti e ke lindur.

Kënga VIII


Mos i harro kurr’ o Virgjëresh’ sa të luten, të

himnojnë me bes’ e me shpresë, dhe të

lartësojnë me zë për gjithë jetët.


Ti i shëron krejt përher’ e pa u kursyer,

gjith’ ata që të luten, o Zonjë dhe të lartësojnë

që linde Zotin tonë.


Ti më shëron krejt nga gjith’ sëmundjet e

shpirtit, dhe nga dhembjet e trupit, o Zonjë; të

të lartësoj pra, o Virgjëresh’ hirplotë.


Ti i largon krejt sulmet dhe ngasjet e liga,

dhe pësimet, o Zonjë e virgjër, pra të

lartësojmë me zë për gjithë jetët.

23

Kënga IX

O Nën’ e Perëndisë, Zonjë Virgjëreshë, që

na shpëtove me anën e Zotit Krisht, të

madhështojmë me gjithë ushtrit’ e engjëjve.


Shiko si qaj me lotë, edhe mëshiromë, se ti

ke fshirë çdo lot prej fytyrave, o Virgjëreshë

dhe Zonjë që linde Zotin Krisht.


Gëzoje zemrën time, Zonjë Virgjëreshë, se ti

ke lindur gëzimin për njerëzit dhe zhduke çdo

helm me ndjesën e gjith’ mëkateve.


Liman dhe mbrojtje bëhu, Zonjë Virgjëreshë,

kështjell’ e mur i patundur Hyjlindëse, përikje,

ndihmë dhe mbrojtje e gjithë njerëzve.


Me rrezet dhe me dritën, ndritna

Virgjëreshë, edhe largo errësirën e mendjeve

t’atyre që të lëçitin Zonjë Hyjlindëse.


24

Shëromë Virgjëreshë, se jam i përmbysur,

edhe po dergjem në shtratin e vuajtjes, po eja

ngremë dhe falmë shëndet edhe shpëtim.

Ti meriton me të vërtetë të të lumërojmë, ty

Hyjlindësen, gjithmonë të lumurën dhe të

përmbikulluarën dhe mëmën e Perëndisë ton’.

Më të nderuarën se Keruvimet dhe më të

lavdëruarën pa krahasim se Serafimet, që pa u

cenuar linde Fjalën Perëndi, me të vërtetë

Hyjlindëse, ty të madhërojmë.

Më e larta se të gjith’ qiejt je, edhe ndrit më

tepër, se çdo diell a hën’ e yll, ti që na

shpëtove, të gjithë prej mallkimit, o Zonj’ e

tërë botës, ty të këndojmë sot.

Barra e mëkateve më dërrmon, m’u sëmur

pra trupi, edhe shpirti m’u err në ferr, më ty

pra përikij, Hyjlindëse Hirplotë, shpres’ e të

dëshpëruarve, ti më shpëto tani.

Nën’ e Shpëtimtarit, o Shën Mari, priti lutjet

tona, të pavyera dhembshurisht, lutju pa

pushuar, Atij që e ke lindur, o Zonj’ e tërë

botës, ti ndërmjeto për ne.

25

Këngën ta këndojmë plot me gëzim ty, o e

bekuar, Virgjëreshë Zonjë Mari. Tok me Shën

Joanin, edhe gjithë shenjtorët, o Zonjë, lutju

Krishtit, të mëshirohemi.

Gojët e pabesa u thafshin krejt, që nuk e

nderojnë ikonën tënde besnikërisht, që ka

pikturuar ai i shumëhirshmi Apostull Shën

Llukai, si udhëheqëse.

Forca engjëllore, të gjitha bashk’, o Joan i

shenjtë, dymbëdhjetë Apostujt, të gjithë

shenjtorët, me Zonjën Virgjëreshë, të gjithë

ndërmjetoni që të shpëtohemi.

Lexuesi: Shenjt Perëndi, Shenjt i fuqishëm,

Shenjt i pavdekshëm, mëshirona. (3 herë)

Lavdi Atit e Birit edhe Shpirtit të Shenjtë,

tani e përherë e në jetë të jetëve. Amin.

Trini e Tërëshenjtë, mëshirona; o Zot, falna

mëkatet tona; o Zot i madh, ndjei paudhësitë

tona; o i Shenjtë, vështro dhe shëro sëmundjet

tona, për emrin tënd.

Mëshiro, o Zot. (3 herë)

26

Lavdi Atit e Birit edhe Shpirtit të Shenjtë,

tani e përherë e në jetë të jetëve. Amin.

Ati ynë që je në qiejt, u shenjtëroftë emi yt,

ardhtë mbretëria jote, u bëftë dëshira jote si në

qiell ashtu edhe mbi dhè. Bukën tonë të

përditshme jepna neve sot; dhe falna fajet

tona, sikurse edhe ne ua falim fajtorëve tanë;

dhe mos na shtjer në ngasje, po shpëtona nga i

ligu.

Prifti: Se jotja është mbretëria dhe fuqia dhe

lavdia, e Atit, e Birit dhe e Shpirtit të Shenjtë,

tani e përherë e në jetë të jetëve.

Psaltët: Amin

Tingulli Tërthor II

Mëshirona, o Zot, mëshirona; se duke na

munguar çdo mbrojtje, ne mëkatarët ta

drejtojmë ty, si Zot që je, k’të lutje: mëshirona.


Mëshirona, o Zot; se tek ti e kemi shpresën;

mos u zemëro tepër me ne, as mos i kujto

paudhësitë tona; po hidh sytë dhe tani si i

dhembshur, dhe shpëtona nga armiqtë tanë; se

ti je Perëndia yn’ dhe ne populli yt; të gjithë

27

jemi vepra të duarve të tua dhe thërresim

emrin tënd.


Hapna derën e dhembshurisë, o Hyjlindëse

e bekuar; ne që kemi shpresë tek ti, të mos

gabohemi, shpëtofshim me anën tënde nga

rastet e këqija, se ti je shpëtimi i të krishterëve.




Psaltët: Mëshiro, Zot. (3 herë)

Dhjaku: Lutemi edhe për ruajtjen e kësaj

kishe të shenjtë, dhe të këtij qyteti

dhe të çdo qyteti dhe vendi nga

zemërimi, uria, sëmundjet,

tërmeti, përmbytja, zjarri, thika,

mësymja e të huajve, lufta e

brendshme dhe vdekja e

papritur; që Perëndia ynë i mirë

dhe njeridashës të bëhet i butë,

mirëdashës dhe i tërëgatshëm

për të zmbrapsur çdo zemërim

28

dhe sëmundje që lëviz kundër

nesh dhe të na shpëtojë nga

kërcënimi i tij i drejtë që qëndron

mbi ne dhe të na mëshirojë.


Dhjaku: Lutemi edhe që Zoti Perëndia të

dëgjojë zërin e lutjes sonë të

mëkatarëve dhe të na mëshirojë.


Prifti: Dëgjona, o Perëndi, Shpëtimtari

ynë, shpresa e gjithë anëve të

dheut dhe e atyre që ndodhen

larg në det; dhe i mëshirshëm, i

mëshirshëm tregohu, o Zot, për

mëkatet tona dhe mëshirona. Se

ti je Perëndi mëshirues dhe




të jetëve.

Psaltët: Amin.

Prifti: Lavdi më ty, o Krisht Perëndi,

shpresa jonë, lavdi më ty.

29

Lexuesi: Lavdi Atit e Birit edhe Shpirtit të

Shenjtë, tani e përherë e në jetë të

jetëve. Amin.

Mëshiro, o Zot. (3 herë)

Beko, o At’ i Shenjtë.

Prifti: Krishti Perëndia ynë i vërtetë, me

ndërmjetimet e Nënës së tij të pacenuar dhe

krejt të papërlyer dhe të shenjtë, të Etërve tanë

oshënarë dhe hyjprurës, të hyjprindërve të

shenjtë dhe të drejtë Joakimit dhe Anës, dhe të

gjithë shenjtorëve të tij, na mëshiroftë dhe na

shpëtoftë si i mirë dhe njeridashës.

Psaltët: Amin

Tingulli II

Gjithë sa përikin i përkrah ti nën mbrojtjen

tënde të fortë, o Zonj’ e Shenjt’ Mari, tjetër

s’kemi ndërmjetim, përpara Zotit të Madh, në

rrezik e në hidhërim, për ne ti kujdesesh, ne që

po përmbysemi, nga faj’ i rëndë përdhe, Nën’

e Perëndisë së lartë, ty po të përgjunjemi

ngrena, dhe shpëtona ne që po të lutemi.

Gjithë sa helmohen i gëzon, dhe i mbron sa

janë të shtypur, sa kan’ uri i ushqen, ti i pret të

30

huajtë, të verb’rit i ndriçon, të sëmurët më

këmb’ i ngre, ata që mundohen, ti i çlodh e i

forcon, edhe jetimët i rrit, Nën’ e Perëndisë së

lartë, ty po të përgjunjemi ngrena, dhe

shpëtona ne që po të lutemi.

Tingulli Tërthor IV

Prit të falurat, Shën Mari, o Hyjlindëse,

shpëtona gjithnjë nga të gjitha shtrëngimet e

helmeve.

Tingulli II

Gjith’ shpresën time e vë tek ti, o Nënë e

Perëndisë; ruamë nën mbrojtjen tënde.

Prifti: Me uratat e Etërve tanë të Shenjtë, o

Zot Jisu Krisht Perëndia ynë, mëshirona dhe

shpëtona.

Psaltët: Amin.

Paraklisi i Vogel - Sherbesa

Documents

Transcript of Paraklisi i Vogel - Sherbesa