ORGANIZATA DOWN SYNDROME KOSOVA Raport Vjetor për …

www.downsyndromekosova.org DSK©

ORGANIZATA DOWN SYNDROME KOSOVA

Raport Vjetor për 2012 dhe 2013

Adresa: Kosta Novakovic 9/10, 10000 Prishtinë

Tel: 038 610 5715, Email: [email protected]

mailto:[email protected]

www.downsyndromekosova.org 2

Përmbajtja

Parathënie e Përgjithshme ....................................................................................................... 3-4

Hyrje ............................................................................................................................................5

Deklarata e Komunitetit .......................................................................................................6

Profili i Organizatës .................................................................................................................. 7-8

Të arriturat kryesore ........................................................................................................... 8-13

Aktivitete specifike ........................................................................................................ 13-15

Pasqyrat financiare................................................................................................................15-22


Parathënie e përgjithshme

Down Syndrome Kosova, shoqatë vendore e komunitetit të personave me sindromin Down,

këto muaj, mbush shtatë (7) vite të veprimtarisë. Shërbimet ndaj fëmijëve, prindërve,

ndërmarrja e nismave avokuese dhe implementimi në vazhdimësi i programeve ka rezultuar të

prezantoj në mënyrë të dinjitetshme të drejtat e personave me sindromin Down, nevojat e tyre

dhe të përmirësoj dukshëm imazhin e tyre në publik.

Angazhimi i përditshëm në ndihmë të personave me sindromën Down dhe familjareve të tyre,

në pesë komunat e Republikës -Prishtinë, Mitrovicë, Prizren, Gjakovë dhe Ferizaj, gjatë këtyre

shtatë viteve ka siguruar njohuri të thella për personelin e DSK-së në ofrimin e shërbimeve për

fëmijët dhe prindërit e tyre, regjistrimin e nevojave individuale të personave drejt adresimit në

shërbimet e specializuara, thellimin e bashkëpunimit me përfaqësues të institucioneve

shtetërore në dy nivelet këtë për të mbrojtur dhe promovuar të drejtat të personave me

sindromën Down në shoqërinë Kosovare.

Ofrimi i shërbimeve përmes programeve; Intervenimi & Edukimi i Hershem dhe Programi

X21 (Kafeneja X21), komunikimi i përditshëm me anëtarët e komunitetit, informimi i drejtë për

shërbimet ekzistuese, regjistrimin dhe monitorimin e fëmijëve në sistemin e arsimit të rregullt,

takime informuese me anëtarë të komunitetit, mësimdhënës, punëtor shëndetësor, si dhe

organizimi i fushatës vendore dhe shënimi i Ditës Botërore të Personave me Sindromin Down,

të gjitha këto veprime, gjatë dy viteve që i lëmë pas, ka siguruar shërbime për çdo anëtarë të

komunitetit, profesionistët të fushave relevante si dhe është thelluar bashkëpunimin me

institucione publike.

Zhvillimi i mëtejshëm i programeve bazike Intervenimi dhe Edukimi i Hershem (IEH),

Programi X21 (Kafenjea X21), dhe dizajnimi i programit të Ndërmarrjes Sociale dhe plani i

biznesit për paketimin e mjaltit si orientim strategjik i DSK-së për të ofruar mundësi trajnimi

dhe aftësimi për punë të personave me sindromin Down, si dhe implementimi i komponentëve

të këtyre programeve: regjistrimi i fëmijëve në shkolla të rregullta, informimi në sigurimin e

asistencës materiale për familjet, ndërmjetësimi në dërgimin e fëmijëve jashtë vendit për

intervenime kirurgjike, nxjerrja e personave nga izolimi shtëpiak , aktivitetet për jetë të pavarur,

trajnimet dhe vizitat në klinikat shëndetësore dhe në familje, janë veprime të përditshme dhe të

arritura të qëndrueshme që personeli i DSK-së me përkushtim dhe përgjegjësi të plot i realizojë

gjatë viteve 2012 - 2013.

Për periudhën 2012- 2013, janë ndërmarr dy iniciativa avokuese në nivelin qendrorë. Iniciativa

avokuese si: Njohja zyrtare e statusit të kujdestarit ligjorë të personit me aftësi të kufizuara,

projekt ky një vjeçar i mbështetur nga Fondacioni Kosovar për Shoqëri të Hapur-KFOS dhe

Projekti mbi Shërbimet e Kujdesit të Përkohshëm - kohe e lirë, i mbështetur nga Ambasada e

Shteteve të Bashkuara të Amerikës.

Gjatë kësaj periudhe shtatë vjeçare të funksionimit të shoqatës DSK, megjithëse janë krijuar

parakushte për partneritet me institucione lokale dhe qendrore në ndihmë të personave me

sindromin Down , komuniteti ynë, si pjesë e shoqërisë së margjinalizuar dhe në rrezik, vazhdon


të diskriminohet ende nga paragjykimet që mbizotërojnë në shoqërinë tone dhe ende nuk

respektohen të drejtat më themelore të tyre siç janë e drejta për informim, arsimim cilësor ,

shërbime shëndetësore adekuate, trajnime për aftësim profesional, asistencë personale, ku si të

tillë privohen të gëzojnë liritë, mundësitë dhe të drejtën e tyre për jete të pavarur socio-

ekonomike.

Drejt përmirësimit të vazhdueshëm të statusit të personave të prekur me sindromën Down dhe

sigurimin e shërbimeve, shoqata Down Syndrome Kosova do të vazhdojë të ndërmarr shërbime

shtesë të planifikuara mire dhe të koordinuara me partnerët strategjikë dhe bashkëpunëtorë

drejt arritjes së misionit në mbrojtjen e dinjitetit të personave me sindromin Down dhe

familjarëve të tyre.

Driton Bajraktari

Drejtor ekzekutiv


I. Hyrje

Komuniteti i prekur me sindromin Down në Kosove, deri me 4 Mars 2007, nuk ka pasur një

subjekt të përfaqësimit dhe avokimit për mbrojtjen e të drejtave të tyre, për mundësi të

barabarta në integrimin e tyre brendapërbrenda shoqërisë.

DSK, me shume kënaqësi do të ndaj me gjithë të interesuarit, e sidomos me audiencën e saj

(Komunitetin me SD dhe institucionet relevante vendore), praktikat që zbatohen përmes

programeve, aktiviteteve, pjesëmarrjes në grupe punuese dhe nismave me qëllim avokimin për

çështje të rëndësishme që preokupojnë dhe janë në interes të komunitetin.

Këto praktika që ndahen me ju, përmes

këtij raporti vjetor dhe raporteve të më

hershme, gjithsesi synojnë që të

kontribojnë në rritjen e nivelit të

informimit të anëtarëve të komunitetit, të

ndërgjegjësimit të zyrtarëve, shërbyesve

publik dhe përfaqësuesve të shoqërisë

civile ku besojmë qe do te nxiten në

realizimin e nevojave të mëdha të

personave me SD dhe do te kontribojnë

në respektimin e të drejtave të tyre, si

dhe për një ambient më të përshtatshëm.

Prandaj, si organizatë e profilizuar për

komunitetin me sindromin Down,

ofrojmë metodologji të avancuara dhe alternativa të guximshme që synojnë përmirësimin e

standardit të jetesës, sigurimin e shërbimeve bazike në përmirësimin e jetës së personave me

sindromin Down, identifikimin e nevojave të komunitetit, ku DSK me përpjekje të mëdha dhe

përgjegjësi angazhohet që ti adresoj me kohe dhe në adresat e duhura.

Gjithashtu, praktikat tona përmes programeve, besojmë që do të kontribojnë në ofrimin e

mundësisë për personat me sindromin Down dhe familjaret e tyre, që të informohen dhe të

mësojnë për të drejtat e tyre për të jetuar në mënyre të pavarur dhe mirëqenie të kënaqshme

sociale. Duke synuar gjithnjë që të ndikohet në të gjitha adresat e mundshme me qëllim

përmirësimin e kushteve të jetesës dhe për të mundësuar forcimin e vetëbesimit të personat me

sindromin Down, ndërsa prindërit e tyre dhe anëtarët tjerë të familjes do të inkurajohen në

vazhdimësi që të jenë pjesë e këtyre ndryshimeve.

Inkurajimi i prindërve/familjarëve që të shtojnë përpjekjet e tyre për të ndihmuar personat me

sindromin Down, për të zgjedhur formën, vendin dhe nivelin e integrimit, është një ndër

standardet tona, kjo ka për qëllim, që të siguroj arsim cilësor, aftësim profesional dhe shanse për


jetesë të pavarur dhe pavarësi ekonomike për personat me sindromin Down-ku ne si organizatë

e komunitetit do të synojmë t’i arrijmë me përkushtimin tonë më të madh.

II. Deklarate e komunitetit

Ditët e para të lindjes së foshnjës së prekur me sindromin

Down për prindërit janë situata, që ballafaqohen me

momente stresi dhe gjendje konfuze. Këto momente

prodhojnë pyetje që kane të bëjnë me nevojën elementare

të prindërve për informim dhe si të zotërohen metodat

dhe praktikat me të përshtatshme sa i përket rritjes,

zhvillimit, përkujdesjes, edukimit dhe integrimit në

shoqëri të personave të tyre. Mungesa e informatave,

mungesa e shërbimeve në fazën e hershme të femërisë,

niveli i ultë i vetëdijes shoqërore për personat me

sindromin Down, për prindërit, familjaret, sjellin situata të

pa shpresë për të ardhmen e fëmijëve të tyre duke sjellë

momente izolimi për anëtarët e komunitetit.

Numri i të prekurve me sindromin Down në Kosove, të

evidentuar, arrin në 719 persona dhe me një incidenc

/rastësi të lindshmërisë prej 18 deri 35 foshnje në vit dhe

numri i vdekshmërisë për këto vitet e fundit arrin në 19 të

vdekur. Kjo si pasoj e mungesës së trajtimeve mjekësore,

siç është mungesa e intervenimit kirurgjik në zemër.

Komuniteti me sindromin Down në vetvete, paraqet çështje specifike dhe shume të ndjeshme.

Kjo specifik ka të bëjë me gjendjen e tyre gjenetike, e cila shkaktohet nga materiali shtesë

gjenetik që ndodhet në kromozomin 21, ku si pasoj, personat me sindromin Down përbejnë

grupin me të rrezikuar në raport me nivelin e diskriminimit, mungesës së shërbimeve dhe

paragjykimeve aktuale që mbizotërojnë në shoqërinë kosovare dhe atë për produktivitetin dhe

vlerat e tyre në shoqëri.

Vështirësitë që hasin prindërit/familjarët dhe kujdestarët gjatë përkujdesjes për fëmijët/personat

e tyre, kryesisht ka të bëjë me stigmen e ngjitur si të paaftë, paragjykimet që kategorizohen me

nivel të ultë të informimit të rrethit, nivelit të ultë të ndërgjegjësimit të autoriteteve të

institucioneve qeveritare dhe mungesë të programeve për shërbime në edukimin dhe zhvillimin

e hershem të fëmijëve dhe edukimin e prindërve, në zhvillimin e gjuhës dhe komunikimit,

aftësive psiko- motorike, përmirësim të sjelljes dhe mungesë të theksuar të trajtimit mjekësor,

ku si pasoj, e shkallëzon këtë komunitetin në komunitet jo të shërbyer mirë nga institucionet

vendore dhe shoqëria në përgjithësi.


III. Profili i Organizatës

Vlerat e Organizatës: Shprehin besimin e komunitetit mbi potencialin e madh dhe dëshirën e

personave me sindromin Down për përfshirje dhe integrimin e tyre të plotë dhe të sigurt në shoqëri.

DSK, është kundër etiketimeve dhe termave që përdoren në opinion për personat me sindromin Down.

Gjithmonë veproni për personat me sindromin Down duke i thirrur në emrin e tij apo saj, ose kur të

përshkruani personin, fëmijën, apo të riun, referohuni si: i prekur me sindromin Down apo me termin

shkencor Trisomi 21.

Vizioni:Për mundësi të barabartë në shoqëri, duke respektuar plotësisht të drejtat e njeriut,

diverzitetin njerëzor dhe identitetin e lindur për çdo person me sindromin Down, kjo për të

kontribuar drejt përmirësimit të standardit të jetesës dhe zhvillimit në përgjithësi të personave

të prekur me sindromën Down si dhe fuqizimin e prindërve/familjarëve të tyre.

Misioni: DSK për Mision qëndron në mbrojtjen dhe respektimin e të drejtave të njeriut dhe

dinjitetin e personave me sindromin Down duke siguruar informata dhe komunikim për

komunitetin dhe profesionistet të fushave përkatëse me qëllim të sigurohet zhvillim i potencialit

dhe aftësive për jetese të pavarur.

Objektivat Strategjike

I. Ngritjen e nivelit të vetëdijes të prindërve, familjarëve, institucioneve dhe shoqërisë në

përgjithësi për personat e prekur me sindromin Down.

II. Krijimin e partneriteteve të qëndrueshëm dhe afatgjatë me institucionet qendrore dhe lokale

të vendit, organizata të shoqërisë civile, të Personave me Aftësi të Kufizuara vendore dhe

misione , agjensione ndërkombëtare.

III. Sigurimin e përkrahjes gjithëpërfshirëse të personave të prekur me sindromin Down në;

Ofrimin e Shërbimeve shëndetësore profesionale, përfshirjen në sistemin edukativo arsimor të

hershëm, shkollimin fillor dhe të mesëm dhe ofrimin e mundësisë për punësim integrues.

IV. Sigurimin e mbështetjes profesionale dhe financiare të Qendrave Burimore, programeve

dhe punëtorive për personat e prekur me sindromin Down, nga Institucionet Qendrore dhe

Lokale të Vendit, biznesit privat dhe donatorëve të sigurt.

Programet

Intervenimi dhe Edukimi i Hershem (IEH), për fëmijët me sindromin Down, prindërit,

kujdestaret dhe profesionistët e fushave relevante.

Edukimi i prindërve ; Përmes mobilizimit, vizitave në familje, trajnimeve dhe

ligjëratave në fushat specifike.

Programi X21-Program trajnime për jetesë të pavarur, aftësim profesional për punësim

dhe riaftësim për të rinj dhe të rritur.

Qëllimi i Programeve:

a) Të zhvillojë iniciativa avokuese për të ndikuar në autoritetet vendimmarrëse të vendit që

në partneritet me organizatën DSK të bëhen kontribuuesit më të rëndësishëm dhe të

besueshëm në mbrojtjen e të drejtave të personave të prekur me sindromin Down. Duke

zhvilluar aktivitete vetëdijesimi, ngritjen e nivelit të përkrahjes institucional dhe

krijimin e lehtësirave për integrim te plotë në shoqëri.


b) Të arrije një qëndrueshmëri afatgjate si organizatë e shoqërisë civile në nivel vendi duke

shtrirë shërbimet e saja për komunitetin me sindromin Down.

Partneriteti dhe Bashkëpunimi

Në kuadër të partneritetit dhe bashkëpunimit me

donatorë institucionalë, jo-qeveritarë dhe

qeveritar, DSK gjate kësaj periudhe shtatë (7)

vjeçare ka siguruar donacione dhe partneritet me

Qeverinë e Kosovës, Bashkimin Evropian,

Ambasadën e Shteteve të Bashkuara të Amerikës

në Kosovë, Agjensionin për Zhvillim

Ndërkombëtar të SHBA-ve (USAID), UNDP,

Banka Botërore, Fondacionin e Kosovës për

Shoqëri të Hapur (KFOS), Instituti për Komunitete të Qëndrueshme (ISC), Iniciativa për

Shëndet Mendor të Shoqërisë së Hapur (OSI-MHI SOROS), Komunat; Prishtinë, Mitrovicë,

Prizren, Gjakovë dhe Ferizaj, Save the Children Kosovo, Oda ekonomike Amerikane, ProCredit

Bankën, IPKO Telecommunication, Buqaj Kompani, Meridian Express, Federatën e Futbollit të

Kosovës, Federatën e Tenisit Prishtina,

Anëtare e rrjeteve dhe organizatave ndërkombëtare:

European Down Syndrome Association-EDSA, http://www.edsa.eu/

Down Syndrome International-DSI, http://www.ds-int.org/

European Coalition for Community living-ECCL , http://www.community-living.info/

Balkan Regional Early Support Network-BRESN- themeluese, http://bresn.net/

IV. Të arriturat , rezultatet e aktiviteteve gjate vitit 2012 dhe 2013

1. Regjistrimi i fëmijëve në shkollat fillore dhe në institucione parafillore në sistemin e

arsimit të rregullt ka vazhduar gjatë vitit 2012-2013, gjithsejtë 87 vijojnë në

shkollimin e rregullt në dy

nivelet.

- Në mënyrë sistematike dhe

bazuar në objektivat strategjike

për integrimin e fëmijëve me

sindromin Down në arsimin

gjithëpërfshirës, brenda procesit të

rregullt të sistemit arsimor dhe

duke vlerësuar që përfshirja e

fëmijëve në shkollimin e rregullt

është alternative e vetme.

DSK, është angazhuar për

përfshirjen e çdo fëmije me

sindromin Down në shkollimin e

rregullt, në përputhje me ligjin mbi arsimin parauniversitar Nr. 02/1-52, aktet nënligjore

për edukimin parashkollor, Planin Strategjikë për Organizimin e Arsimit

http://www.edsa.eu/

http://www.ds-int.org/

http://www.community-living.info/?page=232

http://bresn.net/


Gjithëpërfshirës të FNV arsimore 2010-

2015 e gjithë kjo sfidohet nga mos zbatimi i ligjit në dispozitat mbi arsimin

gjithëpërfshirës dhe mos implementimi i planit strategjik në aktivitetet që kanë të

bëjnë, ndarjen e buxhetit për numrin e asistenteve të fëmijëve me nevoja të veçanta

arsimore dhe hartimit të teksteve të përshtatura për zhvillimin e mësimënxënies. Si

pasoj, prindërit e fëmijëve me nevoja të veçanta janë të shtyrë të paguajnë asistentë për

fëmijët e tyre të cilët vijojnë shkollimin e rregullt.

2. Në kuadër të Akreditimit të organizatës Down Syndrome Kosova nga MASHT, me

numër: 38/11, -dhe programeve të zhvillimit

profesional të mësimdhënësve në kuadër të

procesit të licencimit sipas dispozitave të

Udhëzimit Administrative UA 05/2010. Në

kuadër të programit mbi trajnimet profesionale

të mësimdhënësve, janë organizuar 14 trajnime

dy ditore në shtatë qytete të vendit. Gjithsej 232

mësimdhënës, edukator, student dhe prindër

kanë përfituar trajnime mbi qasjen, njohurit

konjunktive, arsimin gjithëpërfshirës dhe

zhvillimin e te folurit dhe ushqyeshmërin. Këto

aktivitete janë mbështetur nga The Church of Jesus Christ of Latter-day Saints, gjate

vitit 2012.

3. Vazhdimi i implementimit të programit

Intervenimi dhe Edukimi i Hershem në pesë

(5) qendrat burimore të organizatës: Prishtine,

Mitrovicë, Gjakovë, Prizren dhe Ferizaj.

Gjatë vitit 2012 mbi 150 fëmijë së bashku me

prindër dhe kujdestar kane përfituar nga

shërbime në pese (5) Qendrat Burimore

(Prishtinë, Gjakovë, Prizren, Ferizaj dhe

Mitrovicë).


Këto shërbime janë ofruar përmes seancave individuale, shërbimit të fizioterapisë,

aktiviteteve për përgatitje për shkollë, vizitave në familje, si dhe ndërmjetësimit në

regjistrimin në shkolla të rregullta dhe institucione parashkollore si dhe pjesëmarrje

në punëtoritë dhe trajnimet e organizuara gjatë vitit 2012 dhe 2013.

4. Vazhdimi i implementimit të Programit Për Arsimin dhe Aftësimin Profesional të

personave me sindromin Down-Programi X21(Kafeneja X21)

Si program inovative që kanë për qëllim ri-socializimin, aftësimin dhe trajnimin e të rinjve

me sindromin Down për pune dhe jetë të pavarur. Programi X21 është frekuentuar

vazhdimisht prej t’rinjve me sindromin Down ndërsa aktiviteti i prodhimit të kartolinave si

produkt dore ka vazhduar, ku mbi 4000 kartolina janë shpërndarë dhe shitur në institucione

publike dhe në pika promovimi nëpër qytete. Gjatë viteve 2012 dhe 2013 ka dizajnuar

programin e ndërmarrjes sociale linja e paketimit të mjaltit, planin e biznesit të ndërmarrjes,

ku me mbështetjen e Odës Ekonomike Amerikane, nga aktiviteti i mbrëmjes vjetore janë

siguruar blerja e pajisjeve të linjës. DSK gjatë vitit 2014 ka pranuar komplet pajisjet për linjën

e paketimit, për të cilën linje është duke mobilizuar personel dhe fonde për instalimin e

linjës.

5. Organizimi i fushatës vendore dhe shënimi i Ditës Botërore të Personave me

Sindromin Down- 21 mars 2012.

Fillimi i realizimit të fushatës për

vetëdijesimin e publikut - kauzën e personave

me sindromin Down, me moton”

Gjithëpërfshirja- Vlerë Shoqërore” dhe

aktivitetet “Dua të Mësoj”, kanë pasur për

qëllim promovim e misionit të DSK-ës dhe të

drejtave, lirive, pavarësisë ekonomike dhe

vetë-përfaqësimit të personave të prekur me

sindromin Down. Hapja e fushatës vendore

ka filluar me lansimin e video klipit

promovues ne televizionet vendore dhe me

një marsh solidar nga Hotel Grand deri në

Sheshin Nënë Tereza në Prishtinë të ndihmuar nga Klubi për Bamirësi të AUK-ut. Për një

javë rresht, janë organizuar aktivitete të ndryshme.-Organizimi i shënimit të Ditës Botërore

të Personave me sindromin Down, në Teatrin Kombëtar të Kosovës, në prani të mbi 250

pjesëmarrësve (përfaqësues të institucioneve shtetërore- Ministri i Shëndetësisë Zt. Ferid

Agani dhe zyrtar komunal të Prishtinës, prindër familjar të personave me sindromin Down,

media, përfaqësues të organizatave të shoqërisë civile dhe donatoreve.


6. Organizimi i fushatës vendore dhe shënimi i

Ditës Botërore të Personave me Sindromin Down-

21 Mars 2013-Përderisa, fushata vendore e vitit 2012

për shënimin e ditës botërore ishte shtrirë me moton

Gjithpërfshirja-Vlerë Shoqërore dhe me ndikimin e

saj edhe në Tirane, fushata e vitit të 2013

k

o

n

c

e

n

t

r

o

h

e

j

v

e

t

ë

n

ë

K

o

s

me moton Të Ndryshojmë- ku për qëllim kishte

arritjen e ndryshimit të perceptimit të shoqërisë në

përgjithësi, sjelljes së familjarëve dhe realizimit të

drejtave për personat me sindromin Down nga

institucionet shtetërore në mbrojtje sociale, shëndetësi, edukim, punësim dhe jetë të pavarur

dhe shënjestronte përfaqësuesit kyç të institucioneve shtetërore dhe është përdorur në të

gjitha materialet promovuese të fushatës si një apel/thirrje një linear komunikimi gjatë gjithë

fushatës dhe aktiviteteve të saj, duke targetuar/shenjëstruar edhe audiencat tjera për

ndryshimet që do të duhej të ndodhnin gjatë vitit 2013 e tutje.

Aktivitetet kryesore: Aftësitë për Punë, shfaqja e filmit Monica&David”-dokumentar më i

mirë i vlerësuar në festivalin e filmit Tribeca, Lirimi i Balonave-akti vitet simbolik mbi

arsimin gjithëpërfshirës dhe manifestimi tradicional me program artistik Shënimi i Ditës

Botërore të Personave me sindromin Down.


SHDBSD, Tirane 2012:

Për më tepër, fushata nën moton

“Të Ndryshojmë” kishte për

qëllimin të mobilizojë qytetarët,

prindërit, përfaqësuesit e

shoqërisë civile dhe institucionet

e tjera të kontribuojmë së bashku

në realizimin e të drejtave të

njeriut, mundësive të barabarta

sociale, ekonomike, trajtimit

mjekësor, edukimit, punësimit

dhe jetesës së pavarur të

personave me sindromin Down.

Shënimit të Ditës Botërore këtë

vit i kanë paraprirë një mori aktivitetesh si tregimi mbi gatishmërinë për punë pranë

dyqaneve të Meridian Express, shfaqja e filmit dokumentar për herë të parë në Kosovë

“Monica & David,” lirimi i balonit pranë Sheshit Nëna Terezë si thirrje solidare ndaj

përmbushjes së kërkesave për zbatimin e ligjit

mbi arsimimin gjithëpërfshirës, si dhe kampanja

mediale e videos promovuese dhe spotit

muzikor e shfaqur ne televizione vendore. E

gjithë kampanja për vitin 2013 realizua nga

Down Syndrome Kosova në bashkëpunim të

ngushtë me Klubin për Bamirësi në AUK dhe

nën mbështetjen e plotë të Ministrisë së

Integrimeve Evropiane.


7. Gjatë vitit 2012 dhe 2013 është arritur marrëveshja

me kompaninë Hotel Magra Austria në Bogë

Rugove. 12 gupe të personave me sindromin

Down të shoqëruar nga prindërit e tyre kanë

pushuar për dy ditë në ambientet e Hotelit, këto

grupe janë mbështetur me transport nga kuvendet

komunale ndërsa grupet nga Prishtina përmes

Ministrisë së Punës dhe Mirëqenies Sociale.

Aktivitetet Specifike a) Pjesëmarrja e Medina Surdullit në Kampionatin e

2-te Evropian diciplina e notit ,në këtë kampionat

Medina Surdulli fiton vendin e trete dhe

merr medalje te argjende ,nga MKRS

Medina fiton burse për periudhen kohore

1një vjecare ,(Grupi Organizativ udhehequr

nga Arjeta Gashi),ky aktivitet është

përkrahur nga Ministria e Kulturës, Rinis

dhe Sportit dhe Ministria e Tregetise si dhe

nga Ministria e Integrimeve Evropiane.

b) Libri Eko Librus dhe misioni për shpëtimin e

planetit nga autorja Drenusha Zajmi autorja

te gjitha mjetet e shitura nga ky libër i

dedikon për DSK-ën.

c) Në bashkëpunim me Muzeun e Kosovës

organizohet aktivitet për fëmijët me

sindromin Down pjesëmarrës ishin 21

fëmije.


d) DSK, në bashkëpunim me MPMS, inicioj punësimin e 24 e të rinjve me DS për pune praktike për

një periudhë kohore prej 3 muaj. Gjithashtu kontaktuan 24 biznese private për pune praktike për

personat e prekur me sindromin Down, por edhe pse MPMS inicioi ketë proces, pas takimeve që

u diskutuan dhe pas konsultimeve të procedurat ligjore, MPMS me arsyetimin që personat me

Down janë shfrytëzues të skemës pensionale ndërprenë implementimin e këtyre aktiviteteve.

e) Gjatë vitit 2013, pas insistimit të DSK-së në Ministrin Shëndetësisë, përkatësisht në zyrën për

trajtim jashtë vendit aprovohet kërkesa për fëmiun E.B. për trajtim jashtë vendit në vlere

4.000 EUR.

f) Nga miqtë e DSK-ës janë ndihmuar 4 familje me 2 mije euro gjithsej, të gjitha familjet

gjenden me kushte të vështira ekonomike dhe sociale.

g) Janë referuar 3 fëmije për vizitë të kardiologët Italian përmes programit të ASVI –Italia 2012

dhe 11 fëmijë në 2013

h) Është ndihmuar familja Kaqiu nga familja Kastrati për shpenzime shtesë në trajtimin jashtë

vendi me vlerë prej 600 EUR.

i) Janë organizuar një sërë emisione dhe intervista në media elektronike dhe të shkruara me

qellim ngritjen e vetëdijes në opinion për kauzën e personave me sindromin Down. Emision

me ndikim dhe shikueshmëri të madhe në opinion për impaktin edukative shume pozitive

mbi informimin për sindromin Down ishte realizimi i emisionit Oxygen i moderatorit Besim

Dina me pjesëmarrjen e Sebahate Beqiri,

Shqipe Surdulli, Medina Surdullit, Meriton

Rraci, anëtar të komunitetit dhe dy

bashkëpunëtorëve Dardan Kryeziu dhe

Naim Telaku pjesëmarrës në kuizin e

emisionit të cilët shumën e fituar në kuiz

dhuruan për organizatën.

j) Pjesëmarrja e stafit të DSK-së dhe

performanca e Medina Surdullit në

Koncertin për bamirësi organizuar nga

Down Syndrome Albania, Saimir Pirgu,

Zhani Ciko në Teatrin Kombëtar të

Operës dhe Baletit më 28 Tetor 2013,

Tiranë.

k) Organizimi i mbrëmjes me mysafirë të

veçante në disko bar MHz nga Make it

Different.


8. Gjatë vitit 2012, është implementuar

suksesshëm projekti” Promovimi i të drejtave

ekonomike dhe sociale për të rinj me

sindromin Down për një vit i mbështetur nga

A.R.S Progetti S.P.A-Ambiente Risorse

Sviluppo, projekt i EU dhe i menaxhuar nga

Zyra e Bashkimit Evropian në Prishtinë.

Aktivitetet kryesore:

Instalimi i stendave promovuese në shtatë

komuna të vendit; shpërndarja e 5000

fletushkave me informacion mbi mundësit e

punësimit për të t’rinj me sindromin Down;

Komunikimi i drejtpërdrejt nga të rinj me

sindromin Down me mbi 3500 qytetar

kalimtar të rastit; realizimi i takimeve me

zyrtar të departamenteve të punës dhe

çështjeve sociale në shtatë komuna;prodhimi i

4000 kartolinave punë dore dhe shpërndarja e

tyre në institucionet vendore.

9. Projekti Promovimi i Aftësive për Punë; projekt i mbështetur financiarisht nga Inovation

Lab Kosova me partnerët UNICEF dhe PEN, është

realizuar në pesë qytete të vendit. Qëllim i

përgjithshëm ishte Informimi i opinionit dhe

akterve kyç për krijimin e mundësive për punë me të rinj me sindromin Down. Përmes

promovimit në pesë qytete të vendit, të rinj me sindromin Down të ndihmuar nga vullnetarët

kanë informuar publikun, përmes mediave

elektronike, fletushkave, takimeve me bizneset

private dhe zyrtar komunal aftësitë për punë dhe

nevojën për trajnime profesionale.

10. Pjesëmarrja në aktivitetet për Ditën

Ndërkombëtare të Fëmijëve, organizuar nga

MASHT-2013

11. Për fund: Përkushtimi për monitorimet e

rregullta gjatë implementimit të aktiviteteve janë

treguesit kryesore të suksesit dhe mos suksesit

tone. Për këtë arsye DSK ka në përdorim

formular të vlerësimit dhe pyetësor gjatë punës

me persona dhe prindërit e tyre dhe sigurojmë matjen dhe vlerësimin mbi shërbimet në fund të

çdo aktiviteti të zhvilluar. Pyetësorët janë anonim dhe mënyra me transparente mbi matjen e

nivelit te kënaqëshmërisë dhe ofrojnë mundësi reale të vlerësimit nga prindërit dhe

profesionistët mbi shërbimet që ofrohen.

V.Aneks-Pasqyrat financiare dhe raporti i auditit.

ORGANIZATA DOWN SYNDROME KOSOVA Raport Vjetor për …

Documents

Transcript of ORGANIZATA DOWN SYNDROME KOSOVA Raport Vjetor për …