October 2016 AGAPE 1 - · PDF filethut thutna thleng chanchin kan hre âwl lo va, kan...

October 2016 AGAPE 1

www.mizoramsynod.org



Editorial

Tûnlaiin hmasâwnna leh changkânna a nasa hle mai a, hênghmasâwnnate hian thil \ha a chhuahpui laiin thil \ha lo a keng telzêl bawk a. Lehkha thiamna kawngah kan intlânsiak a, hausaknakawngah kan inel a, hêng thilte avâng hian kan khawtlângah lehkan kohhranah, kan chhûngkuaah eng harsatna nge lo thlengthei? Chhûngkaw tam takah chuan a thleng mêk a, chu chuanchhûngkua min chawk buai mêk a ni.

Pathian khawngaihnain Kohhran Hmeichhiate chuan WomenCentre kan sa zo va, puan\hui zirna pawh August thla khân kanhan \an ve ta a ni a. Puan\hui zir tûr interview-ah te khân rilrukhawih tak tak thil hmuh tûr a awm a. Nu leh pa in\hen vângachhûngkaw kehchhia te, pa ber ngawl vei vânga hmeithai ta kanramah hian an lo tam hle tih a hmuh theih a ni.

Ruihhlo chi hrang hrangin kan tu leh fate a tibuai a, chhûngkawtam tak chu kan rûm a ni. Chutih laiin zu khuahkhirhna a han dula, chu chuan nasa lehzualin chhûngkaw kehchhia a siam em ni awa tih theih a ni. Eng pawh ni se, a chhe tawh hnu chu kan siam \hathei tawh lo a nih pawhin, a chhe zêl tûr hi chu Pathian chaknarinchhhanin kan vêng thei dâwn lâwm ni?

Ruihhlo avânga rahbi tleu leh tisa leh thlarauva hliam tuarmêkte tuam dam nâna Women Centre, Hmeichhiate INPUI tiakan sawi ve mai theih, Kohhran Hmeichhiaten \hahnemngai takathawhlawm kan thawh a\anga kan sakah hian, a mamawhtendamna chang sela, thiamna zir chhuak sela tih hi kan tum ber a ni.He hmunah hian chutiang tûra bul kan han \an thei hi a lâwmawmêm êm mai a, kan tu leh faten lehkha zirna kawng pawh zawh hleithei lova an nun leh hun an hman mêkna ata tun din an niha, an lodin chhuah leh ngei theihna tûrin, kan in saka chêngte tân hiantheihtâwp i chhuah zêl ang u. Anmahni enkawltute pawhin\hahnemngai taka, Pathian rawngbâwl hna pawimawh a ni tih hrerenga taima taka an thawh zêl theih nân i \awng\aipui reng ang u.



Kristian Chhungkua

CHHUNG INKHAWM HNUHNUNG BER CHU

– Upa LalhriataJubili, Mission Vengthlang

Kohhran bêl \hîn mi pângngai chin chuan ‘Chhûnginkhâwm’ tih \awngkam hi chu kan hre lâr hle \heuh âwm e.He khawvêla chhûngkuaa kan chên honaah hian ‘Chhûnginkhâwm’ hi a pawimawh êm bawk a, infuih pawh kan infuihnasa hle \hin a nih hi.

Chhûngkaw \henkhattevânduaina kawng hranghrang avâng leh chhûngkawmember \henkhat an hel lehtlat \hin avânga chhûngkawmaichâm an kîl kim theih lohlaia, dam tlâng tak lehlungrual taka chhûnginkhâwm hmang tûra kan han\hu kual pap mai hi chu a hlu\hîn mang tak e aw!

Mahse, he chhûngkawmaichâm hlutna laipui ber chudam tlâng taka kan tel kimthei hi a ni ringawt lo va; hemaichâm kaltlanga mal minsâwm tûra chung lam a\angamin telpuia min uap \hîntuLalpa hi a ni zâwk.

Ani chuan he hun hlutak kan buatsaih tûr hinghâkhlel takin min lo thlîr

reng \hîn hian a rinawm hlea. Hun chêp tak kârah pawhchhûngkaw maichâm kanhan buatsaih hrâm hrâm \hînte hian kan Lalpa khi a tilâwmhle \hîn ngeiin a rinawmkhawp mai a ni.

Chutih laiin thinlung lehtih tak zetna tel lova, a serhthian ang leka tlingtla ta maimai \hînte kan awm a nihchuan min telpui tumanghâkhlel taka min lo thlîrrengtu khi kan tihrilhhai hlethei ang. Lalpa telna tlâk,Aman ropuina a chan ngeinatûr leh amah nên kaninzawmna tinghettu, amalsâwmna kan dawnnakawngka pawimawh tak nithei tûr chhûngkaw maichâm



hlu tak buatsaih \heuh tûrinchhûng tinte inbuatsaih zêlang u.

Mi \henkhat chuanchhûngkaw kima dam tlângtaka chhûng inkhâwm kan hanbuatsaiha, lungrual taka Lalpahmaa kan han kûn tlâng dialdial te hi thil awm phungpângngai ni maiin kan hria ani mai thei a, a hlutna êm êmpawh hre lovin kan lo tel vesatliah pawh a ni mai thei.Chutianga ‘satliah’ taka kanlo \hu khaw mawi ve mai maia nih chuan a hlutna kanpawh phâk hauh lo mai theirêng a ni. Chhûngkawprogramme pakhat, minutetlêm te chhûnga tlingtlâk maitûra lo inzep ve satliah lekanga ngaih mai pawh a awlkhawp ang.

Mahse, chhûngkawdangten an tawh ang harsatnakan la tâwk ve ang a;chhûngkaw kima chhûngkawmaichâm siam thei lovin,natna khumah emaw, jaillamah emaw, thil \ûl dangavâng pawhin emaw kan lain\hen darh ve nuaih mai thei

a. A nih loh vêk leh memberzînga \henkhat an hel tlatavânga khingbai inti taka kantih hrâm hrâm hun a la thlengmai thei bawk. Chutih hunahchuan hun \ha kan neih laiakokim taka kan ti dal dal \hinhlutzia hi kan hre hnuhnawha nih pawhin a tlai tawh maithei si a ni.

Chu ai pawha hunhrehawm leh lungchhiatthlâkzâwk chu kan la tawng \heuhdâwn. Tûnah chuan chhûng-kaw kimin dawhkân pakhatkîl tlângin maichâm hlu takin siam a ni mai thei. Eng tikniah emaw chuan dawhkân nilovin i ruang kilin an la \huthual ang che. Chutih hunahchuan chhûngkhat lainazawng zawngte kim vek mahsela, nang chu a laiah ngawirengin i zâl ang a, chu chhûnginkhâwm chuan i tân hlutnarêng a nei tawh lo vang. Ipual liau liauva buatsaih nisiin, i tel ve tawh hauh dâwnsi lo a ni. Lâwm vâng ni hauhsi lovin an biangah mittui aluang nguai nguai ang a, hlimhmêl pu thei rêng an awmtawh lo vang.



Pangpâr mawi tak takleh puan \ha pui pui an rawntheh khâwmte chuhmangaihtu mittui kochhuaktu mai an lo chang zotawh ang a. Chawimawinaleh duhsakna a nih rualinkumkhuaa inmang\ha hlennaentirtu a ni zâwk mah dâwnsi. Chhûngkhat lainatethinlung nâ chuan engkimtâwp vek tawh angin an hrehial mai thei a ni. Boruak rittak hnuaiah, châk lo teh mahse \hulh theih a ni hauh dâwnsi lo! Naktûk atân emaw,nakum atân emaw khêk theihlah a ni dâwn bawk hek lo.Chutiang hun chu chhûngkawdangte chungah a thleng mêka. Keini chhûngkua kan nihavânga kan pumpelh rengtheih bîkna chhan tûr a awmmiah lo. Ni e, engtik niahemaw chuan kan chungah ala thleng ve ngei ang. Naktûklawkah emaw pawh a ni thei.

Thusawi rêng rêng chui pual vek ni mah se, ingaihthlâk ve atân an ti hauhdâwn lo va. Nangmah faknahlîr an sawi a nih pawhin

lainattu thinlung chu an thawidam zo chuang lo vang. I\hatna zawng zawng, i damlaia an sawi duh loh \ha \haan sawi lai chuan nang chuchatuan hremna hmunahhrehawm tinrêng tuarin i lorûm mêk si a nih phei chuantu \awngkam thiamna mahinchuta \ang chuan an sawifihlim zo chuang lo vang che.Siam \hat theih a ni tawhdâwn lo va, chatuan a ni vungvung tawh mai dâwn a ni.

Chutianga chhûnginkhâwm hnuhnung berchu hman zawh a nih hnuahchuan, eng tikah mah he leiain chhûngkaw maichâmkîlnaa tel ve ngai tawh lo tûrinYMA tlâwmngaiten thlân-mual lamah an la liampui angche. I \hutna tûr chu a ruakkumkhua tawh ang. Chutianghun chu lo thleng ngei tûr mahni se, Pathian zahngaihnaazârah tûnah chuan kan la himrih e. Chuvângin, chhûnginkhâwm pawimawh tak hihlut nachang hriat a va \ûl êm!Kan duh huna tela, kan duhhuna tel lo vel mai mai thei



kan nih miah loh hun a lathleng ngei dâwn si a.

Chuvângin, chhûnginkhâwm pawimawh tak hingaihluin, i ngai pawimawhzêl teh ang u. Chu chuan kanhring nun a ral huna kanchatuan hmun tûr chung-chângah pawh kawng ro thuitak a su ngei dâwn si a.

Chhûngkaw maichâmthianghlim awm lohna inchhûngah tu nge tlângnêlzâwk ang – Setana ngePathian? Tu zâwk nge ro minrêlsak tûra kan duh? Maichâmchunga mei chu tihnun rengtûr a ni a, a mit tûr a ni lo(Lev 6:12).

FATE ENKAWL NANATHU SAWM PEK

1. Pathian thu hmangin zirtir rawh.2. A dik leh dik lo hrilh \hin rawh.3. Pathian thilthlâwnpêk an ni tih hre rawh.4. Pathian lamah hruai rawh.5. Thunun rawh.6. I hmangaihnaah tiam chin nei suh.7. Tithinur suh.8. An zah tlâkin nung rawh.9. An taksa mamawh pe rawh.

10. Rin tlâkah ruat rawh.(Source : Kristian Encyclopaedia)



Sermon

LALPA CHUNGA LAWMNA CHU CHAKNA

Nehemia 8:10b; Habakuka 3:17,18; Sam 1:1-3

– C. JanuariRamhlun South

|awng bul lamah chuan Lâwmna tih hi mihringchhûngril lama \hatna, lâwmna, hlimna, khawngaihna,mawina, duhawmna, etc. sawina a ni hlawm. Chûngchhûngril lama \hatna, lungawina, hlimna, mawina,khawngaihna leh duhawmna lan chhuahtirna chu ‘Lâwmna’tiin sawi \hin a ni. Chumi ep chiaha thu awm chu lâwmlohna, rilru chhûngrila vuina, lungnih lohna te kan lanchhuahtir \hin hi a ni.

1. Lungawi lohna khaw-vêl : Kan tûnlai khawvêl eileh bâra harsatna leh mahnineih leh chana lungawi lohnakhawvêl hian Kristiantelungawi taka nung tûrin mincho hle. Mi thiamte chuanKhawvêl ei leh bâr,sumdâwnna lama t lâk-chhiatna nasa lutuk hiankhawvêla mi chi tin minkhawih chhe tûrah an ngaia. Ram intodelh berte, ei lehbâra dinhmun \hate pawhmanganthlâk khawpin antlachhe ta.

|hangtharte khawvêlahhian mi thiltithei tak tak,inf iamna, r imawi, z irthiamna leh finna, hming-than leh lârna duha inelnasânzia hi kan chhût thiampha lo vang. Mihringtheihna leh thiamna a \hannasat ang bawkin inelnapawh a sâng a, lâr leh mitehriat khawp tûr chuan abîka t alen t nei \ hachungchuang nih a ngai.Chuvângin, \hangthar lârleh hmingthan duhho chuanan thlarau Setana hnênah



hlânin an dam chhûng lârnaleh ropuinain an thleng a.Eng ang pawhin inchhirmah sela, an nun an nei lêtthei tawh lo.

Chutiang khawvêlahchuan kan chêng a, kan fatean rawn sei lian ve mêkbawk si a, kan duhâm sawttawh a, kan khawvêl \hangmêk avângin tûn hmaa kanpi leh pu, kan nu leh patenan mamawh hauh loh khakan mamawh, a lova kanawm theih hauh loh a ni tazêl bawk si a. Ram tinah helleh inrîkrâpna, leilung chhiatthut thutna thleng chanchinkan hre âwl lo va, kanZoram Kristian ram ngeiahpawh hian thihna râpthlâkpui pui thâwm kan hrechâmchi ta maiin, ngaiahkan nei ta zêl mai a nih hi.

Hêngah hian ringtuteengtia awm tûr nge kan nih?khawvêl hausakna lehnawmna, neihnun leh finnatehi lungawina ni se LalSolomona te, khawvêl ramchangkânga kan mi hausatawntawte leh milârte hi anlungawi ang chu. Mahse,

hausakna, finna ropuinazawng zawnga a bîka thuamLal Solomona meuh pawhin‘Ni hnuaia thil zawng zawnghi engmahlo mai a lo ni’ tiinkhawvêl ropuina hi engmahlo mai a nihzia a hmu chiangêm êm a ni.

2. Lungawina tak tak :Lungawina tak tak a neihtheih ang em? Habakukachuan, “Theipui thing pârvul dâwn lovin, grep hruirah dâwn hek suh sêng;Olive thing pawh rah lovin,lovin ei tûr chhuah dâwn losêng, Huang ata ran rualtibovin, ran inah ran awmlo mah sêng, ka lâwm zêlang Lalpaah chuan, Kachhandamna Pathianahchuan ka lâwm cheu dâwn,”a ti thlap mai. Hausa antehna – buh, grep, olive lehran rual ang chi, a neihzawng zawngte chu lâkkirsak emaw, chân vekdâwn emaw pawh ni sela,Pathian chu a chhandamtu anih avângin a lâwm thodâwn a ni. Keini hi han inenchiang ve ila, kan in leh lo,kan thil neih zawng zawnghi chân ila, Lalpa chungah



lâwm thu kan la sawi theicheu ang em? Mi aiazahawma ka awm vâng te,mi aia ka fate an \hat deuhvâng te, kan zâwlpui niakan hriatte aia vânneihnakan dawn deuh vângchauhva lâwm thu sawi \hînringtu kan ni fo.

Lal NebukadnezzaranDaniela \hiante rangkachakmilim chibai bûk tûra athlêm khân, “Aw Nebu-kadnezzar....kan Pathian, arawng kan bâwl \hinachuan rawh tuina meipuiata min chhanchhuak theisi a....chuti lo pawh ni sela,aw lalber, i pathiante rawngchu kan bâwl dâwn lo va,i rangkachak milim dinpawh chu chibai kan bûkhek lo vang tih hi hria angche,” an ti t la t mai.“Harsatna tinrêng a\anghianin min chhanchhuakdâwn lo mah sela, lal dangchibai bûk thei kan ni tawhlo, Isua ringtute chu,” titunun chu lâwmna tak tak nunneitu dik chu a ni. Kanharsatnate hian Pathian minhlattirin, lei malsâwmnaah

chauh kan lungawi ang tih ahlauhawm.

3. Lâwmna dik : Sam ziaktuchuan, “Mi suaksual teremruat anga awm ngai lova,Mi sualte kawng pawha dingngai lova....A lâwmna chuLalpa dânah a ni zâwk a; Adân thu chu a chhûn a zânina ngaihtuah thîn. Ani chu tuiluang kianga thing phun, Ahun têa rah \hîn, A hnahpawh uai ngai lo ang hi a nia, A thiltih apiang chu ahmuingil zêl ang,” a ti a ni.Ringtu lâwmna chu leia thilawmah leh lei malsâwmnaahte ni lovin, eng dinhmunpawha Lalpa laka lungawi hia ni. Chu lâwmna chu engtinnge kan neih theih ang?

(1) Mi suaksualteremruat anga awm loh : Misuaksual remruatna chu engengte hi nge? Ei ru \hîn,mipat hmeichhiatna hmangkhawlo \hîn, mi dangte rêlchîng, a dera sakhawngaihsak \hînhoteah kan dah\hîn. Chutiang mite chu anni lo, keimah zâwk hi a ni,kei mihring remruatna lehduh zâwng hi Lalpa ngaihah



chuan a bawlhhlawh a, misuaksual remruatna a ni. Kathih ni thlengin rawngbâwlturopui ber leh mite entawntlâk nun nei pawh ni ila, karemruatna hi chu misuaksual remruatna a ni rengang. Ka remruat leh ka duhdân anga ka awm lohva,Lalpa remruat leh duh dânzâwk ka nuna ka lantir lehka nun hruaitu a nih hian,mi suaksualte remruat angaawm ngai lo chu ka ni chauhdâwn a ni. Lalpa duhthlannazawh lova ka duhthlanna kazawm zâwk hian mi sualtekawnga ding, hmusittute\hutphaha \hu ka ni \hîn.

(2) Lalpa dân chu :Kan ramah hian Lalpa tânarawngbâwltu aia kohhranrawngbâwltu hmuh tûr atam. Intihthlarau mi siakna,pâwn lam leh mite hmuhtheih chauhva thlarau mi nihtum t latna zia, ni t ineizawnna leh in chhûngkhurkhawsakna lam thlarau lovangaihna hi a ni. Lalpa duhzâwng leh Lalpa dân chukan ei zawnna leh kanawmna tûra rinawm taka

awm mai hi a ni a; nu, eirawngbâwltu leh fanauenkawltu ka nih chuanchhûngkaw ei tûr chaw kachhum leh chawhmeh kathiam tawka uluka ka siamhi a a thlarau êm êm a ni.Kan nun, kan rawngbâwl-naah hian ka duh dân, kankohhran tih dân aia Lalpaduh dân, tlâwmna leh mahnihmasial lo inpêkna kan lantirfo hi a va \ûl êm!

(3) Lalpa chungalâwmna : Lalpa duh dân nilo, mi dang phûtna, mahni\ha leh hria intihna leh thawktam bik intihna a lo awm a,chapona tlâng sângah kanding thuai a, mi dangte tânrah \ha a chhuah thei lo va,kan bula awm a hrehawmthuai \hîn.

Kei mi sual remruatnaaia ka nuna Lalpa remruatnaleh a duh zâwng a lal zâwkzêl hian Lalpa dâna lâwm kani ang a, Lalpa chunga kalâwm chuan ka rinna chutihchakin a awm deuh deuhdâwn a ni.



Lalpa dân chu engnge? Kan hriat \heuh arinawm, thlarau bo veina taktak leh Lal Isua nun dân enchunga kal hi a ni. Mi dangtephût tlata rawng kan bâwl anih chuan kan dinhmun enchian a ngai ang. Lalpankhawngaihnaa rawngbâwlhna chanvo min pe ve hi alâwmawm a ni. Ringtu nunlâwmna thinlung pu reng chueng mahin a tichhe thei lo.Chu lâwmna chu Lalpa dânzawmna, Lalpa dân laltirna,chungnunna a nih tla tavângin. Kan nuna thilduhawm lo ber chu thihna,hmuhsitna leh hlohna,tlâkchhamna leh natnate ni

lovin, Lalpa duh loh zâwnganun hi a ni . Lalpa duhzâwnga kan nun phawtchuan hêng zawng zawnghian min t inâin mintihrehawm thei ngai lo.

Richard Sibbes-aKristian nun \ha leh hlimreng mai chanchin chulehkhabu ziaktu hmingthangtak Isaak Walton-a chuan,“Vanrama a awm hmahauhvin amahah vanram aawm,” (Heaven was in him,before he was in heaven)tiin a lo sawi a. He thu mawitak hi ringtute nun dân diksawina tûr a nih ka ring.

Isuan a zirtirte a koh lai khân –

– Petera leh Andria-ten lên an dêng a,

– Jakoba leh Johana-ten lên an siam a,

– Matthaia chu chhiah khawnin a buai a.

– Pathianin mi thatchhia a ko ngai lo.

– David Smith



LÂWMMAN

– LalpianthangiCentral Committee Member

Khawvêl mihring zawng zawng hi he leia kan damchhûnga kan thiltih ang zêla lâwmman min pe tûr leh kanchunga rorêl tûrin kan Pathian hi a lo kal leh dâwn a ni.

Davida hnênah Amalektlangvâl chuan chanchin \harawn thlena inngaiin Saulathih thu chu a rawn thlen a;mahse, Davida chuan, “Ngaiteh, Saula chu a thi ta tih mipakhatin mi rawn hrilh a, anichu ka man a, Ziglag-ah kathat a, chu chu a chanchin \harawn thlen mana ka lo pekchu a ni” (2 Sam 4:10).

He Amalek tlangvâl hianGilboa tlânga indona hmunahSaula chu a fei rinchhanadingin a hmu a, Suala chuana dam chhuah leh pawh ainring tawh lo va. Amalek mihnênah chuan, “Mangannainmi tlâkbuak takzet mai, râllaka thih ai chuan mi that maiteh,” tiin a lo ngên a, Amalektlangvâl chuan a that ta a ni.Saula chuan Davida hi thahtumin a ûm reng a. Thil \hatia inngaiin, Saula thih thu

chu Davida a va hrilh a;mahse, a lâwmman hmuh chuthihna a ni. A va râpthlâk êm!He Amalek tlangval hianthihna khawpin eng nge tihsuala neih? Saula duhthlanna leha ngennaa tihsak a ni si a.

Tûn hunah hian keinipawhin Pathian duh zâwng leha lawm zâwnga ngaiin a duhloh zâwng kan lo ti reng thei,pawi lo tûra kan ngaih kantâna \ha lo tûr kan lo ti thei.Inen chiang ang u. ThlarauThianghlim meuh sawichhiatphei chu ngaihdamna a awmtawh si lo va.

Lal Isuan, “Pharisaiteangin mi an hmuh leh fak anhlawh theihna tûrin,inkhâwmna inah te, kawtthlêrpêng takah te mi vervêkteangin \awng\ai suh u, anlâwmman chu an hmu zo



tawh,” tih min hrilh a (Mt6:5). Pharisaite khân anropuina tûr leh an hausaknatûrin, mi fak an hlawhna tûrchauhvin thil an ti \hîn a, anchungah Lal Isua a lâwm lova‘mi vervêkte’ a ti a ni. “Hêngmite hian an lâwmman dawntûr zawng zawng chu leiahan hmu zo tawh,” tih minhrilh. Kan rilru put hmang te,kan chêt vêlna kawng hranghrang leh kan rawngbâwlnatehi inenfiah ila. Kan ropuinatûrin kan thawk nge Pathianropuina tûrin kan thawk le?Khawi hmunah nge lâwmmankan dawn ang – he leiah ngevânramah?

Hêng mi tê tak tê zîngapakhat hnênah hian tuisik nokhat chauh pawh pe apiangchuan an lâwmman an chântawp lo vang (Mt 10:42). LalIsua khân mi rethei lehchanhaite \anpui ngaite leh michhumchhiate lam a hawi tlata. Amah pawh hetiang angdinhmuna dingah a indah ani. “Ka ril a \âmin nangnin eitûr mi pe a, ka tui a hâlin intûr mi pe a, mikhual ka nihinmin thleng a, saruak ka nihin

puan mi sintir a, ka damlohvinmin kan a, tân ina ka awminka hnênah in lo kal a,” tihMatthaia 25:35-ah kan hmu.

Amah kha hetiang chiahhian a awm a ni lo va. Hetiangmite hi a hmangaihin a ngaipawimawh a, a rilru an luahtlat, hetiang mite chunga \hatchhuah hi a lâwm zâwng ani. ‘Mi rethei khawngaihchuan Lalpa a pûktir a ni’ tiha awm. ‘Hêng mi tê berchunga ti hi ka chunga ti inni e,’ tiin min hrilh. Lal Isuaduh zâwng tih leh a ngaihpawimawh zâwng titutechuan a hnêna mi ngeilâwmman kan dawng dâwna ni. Kan thiltih \hat tlêm têpawh min chhinchhiahsak a,dik takin ro a rêl dâwn si a.

“Krista an hmuhsitna chuAigupta ram rote ai chuansum ropui zâwkah a ruat a,lâwmman pêk tûr chu a thlîr\hin avângin” (Heb 11:26).Mosia chuan a hun laia lalropui, mite zah leh ngaihsânêm êm Pharaoa fanu a fapa(lal tupa)-a vuah chu duhlovin, lal thinur pawh hlau1ovin, Aigupta ram a kalsan



a, khawvêl ropuina te, sânnate, in leh lo, sum leh paiten anunah hmun an chang lo,hmuh theih lohva chu a hmuhtlat avângin. Pathianinlâwmman a pêk tûr chu a thlîrtlat avângin rei lo tê sualnawmna hlimpui ai chuan amite nêna tihduhdah tuar chua thlang ta zâwk a.

Lâwm ulangin nasa takinhlim rawh u, vânah inlâwmman a awm hnem si a(Mt 5:17). Pathian hnêna kanlâwmman hmuh tûr hi Setana

hian min chhuhsak tumin atheih ang angin thil chi hranghrang hmangin min bei a.Thlêmna tam tak tâwkinharsatnain min tlâkbuak mahsela, lâwmman kan lâk tûrchu i thlîr tlat ang u.

A tâwp thlenga tuar peihapiangten Pathian hnên atalâwmman chu an dawngdâwn si a. Chu lâwmman hlutak chu dawng tûrin hlim lehlâwm takin i thawk ang u.

Lalpan malsawm rawh se.

NGENNAAgape hi Kohhran Hmeichhiaten tisa leh thlarauva hma

kan sawn theihna tur leh kan rawngbawlnate inhriat tawnnana kan chanchinbu neih a ni a. Sermon \ha tak tak leh kanni tin khawsak nana \angkai tak tak kan chhiar tawh \hin a.A lawmawm hle a ni.

Amaherawhchu, hmeichhiate hian mahni insit avanginthu chhuah tur han thawh te hi kan inthlahrung tlat \hin hi apawi hle a. Eng pawh, kan vei zawng apiang, kanrawngbawlnaa hma thar kan lakna emaw, kan testimonyemaw pawh ni se, mi dangten an lo hlawkpui dawn a ni tihhre chung leh, Pathian ropui zel nan chhuah tura pek hi iinthlahrung lo vang u, tiin kan han inngen nawn leh a ni e.

– Editor



HMA I SÂWN ZÊL ANG U

(Phil 3:12-16; 1:29; 1 Pet 2:21; 4:1; Sam 126:5-6; 84:6-7)– K. Ronghaka

Khatla East

Thuhma: Kristiante hi rinna, thlarau nun leh rawngbâwlnakawnga hmasawn zêl tûr kan ni a, chu chu Lalpan min beiseidân pawh niin a lang. Kan châng târ lan Phil 3:12-16 pawhhian chutianga \hanga hmasawn zêl tûr chuan min kawhhmuha ni. Chutih rual chuan \hang lêm lo, dinhmun ngaia ding,mahni leh mi dangte pawhin kan hmasâwnna sawi tûr anhriat lêm loh ringtu hi kan ramah hian kan tam viau awm e.Rinna kawnga \hang liana thlarau lam nun thar keimahnialuang liam, mi dangten a zâr an zo khawp nei tûr hian \anlâkna tûr hrang hrang kan nei ngei ang a, ‘Chumi chu ti ila’tia chhawp chhuah tûr pawh a awm \euh ang. Chûng zîngahchuan ka rilru min luah rengtu, rinna leh thlarau nuna hmakan sâwna, kan \han lenna tûra kan mamawh, kan hlauh êmêm \hin si leh kan hêl \âwk \âwk \hin ni si chu Krista vângatuarna hi a ni. Tuarna chungchânga kan Bible zirtirna tlêmazâwng i lo thlir ho dâwn teh ang.1. Philippi 1:29-ah chuan,“Krista avânga amah in rinchauh ni lovin, amah avângain tuar pawh phal a ni si a” ati a. Heta phal tih hi phalsak,khawngaihna \awngkam,induhsakna \awngkam a ni.Tuarna hi thil hlu tak, a hlutnaanga kan dawnsawn thiam siloh, induhsakna anga kanngaih theih miah loh a ni. Chuvâng chuan kan hmaa Krista

avânga tuar tûr lo awm hi kanhêl a, kan lo bêng per fo. Heivâng hian rinna kawngah lehthlarau lam nunah nun hausa,mi dangte hmuhpui tlâk lehmite chhiar tham nun kanthleng pha lo \hîn. Tlangvâlhausa Lal Isua hnênah a kala, chatuan nun a neih theihnatûr kawng a zâwt a. Lal Isuanamah chu a en a, a hmangaihta a. Chu a hmangaihna



a\anga hmangaihna âw rawnri ta chu neih zawng zawnghralha, pachhiate hnêna pêkleh amah Lal Isua zui a ni.Tlangvâl hausa khân hma-ngaihna aw chu hmangaihnaaw angin a dawngsawng theita lova, lungngai takin a kalbo ta a nih kha (Mk10:21,22). Hmangaihna khahmangaihna a nih angindawngsawng thei se, khatlangvâl kha a va han nihlawhdâwn êm! A betu, thupetu khaengkim neitu a nih a hre fuhlo ni ngei tûr a ni a, a pawihle mai.

2. Tirhkoh Paula chuan,rinnaa a fa, thil \ha a duhsakêm êm, Timothea chu,“Chanchin |ha avânga hreh-awm hi Pathian thiltihtheihnaang zia ziain mi tuarpui zâwkang che,” a ti (2 Tim 1:8).Fa, hmangaih takte hnênathurâwn atân chuan a mak ani. “Ka hrehawmzia te, lungina ka tân te, vuak ka tuarnasatzia hmutu leh hrechiangtu i nih kha, hetiangtaka tuar kher lo pawhinvânram chu i kai tho ang, ka

tuar ang teh hrep hi chuan ituar ve loh hrâm ka duh ani,” intih zâwk âwm tak, tuarve tûra a fuih tlat mai hiduhsakna mak tak chu a ni.Paula hian Krista avânga tuarhi a hlâwkzia hre lo ni sechuan tuar ve tûr hianTimothea hi a fuih lêk lo tûra ni. Mahse, a hlâwkzia ahriat avângin a duhsak ve ani. Hei chauh hi ni lovin“Krista sipai \ha tak anginhrehawm mi tuarpui rawh...engkimah fîmkhur la,hrehawm tuar la...” ti tein afuih zui zêl a nih kha (2 Tim2:3; 4:5). Tuarna hianlukhâwng a neihzia Paula hiana hre chiang hle mai.

3. Tirhkoh Petera chuantuarna hi ringtute mamawh anih hre chiangin, “Kristapawh khân a tuarsak che uavângin, hetiang ti tûra kohin ni, a hniaka in zuina tûrinentawn tûr a hnutchhiah cheu kha,” tih te, “Chutichuan,Kristan tisaa a tuar avânginnangni pawh chutiang rilrûknain inthuam ve rawh u,” titein min fuih bawk (1 Pet.



2:21; 4:1). Ringtute kal-kawng hi tuarna kawng a nitlat a, kan Lalpa Isuan a zawhhmasa a, a hnung zuitu Peterate, Paula ten an zawh ve a,keini Thuthlung Thar ringtutepawh, chu kawng zawh vezêl tûr leh chu harsatna a\angngeia Pathian Thlarau lamnun thar, nun chhenfakawm,mi dangte tâna par mawirimtui chhuah nun nei tûrinkan Lalpa hian min duh a ni.Chutah chuan ringtu nun \hanlenna, thlarau lam nunhmasâwnna, rawngbâwlnarahbi thar chu a lo inphumru a ni. Fakna hla siamtuchuan, “Tuarna pumpelhkawng zawhtuten, krawsnunna kawng an hloh si \hin,”a ti. |ap chunga krawskawng zawh a va \ûl êm!

Unau duh tak, Lal Isuahnung kan zuinaah, a rawngkan bâwlnaah hian kankawng hlîngin lo khat mahse, kan Lalpa lu khangaihtuah ila, amah avângakan tuar ve min phalsakchhûng hi chuan amah avângatuar ngam, amah avânga chânngam, amah avânga retheingam, amah avânga

mualphona phur ngam vetûrin inbuatsaih ve zêl ang u.Kan Lalpa hian tuarnaa mintâwptira, tuarna ruama minhnutchhiah a tum lo. A tânatuartute tân thutiam ropui taktak a nei asin. Thu tiam dêmdûma, a thutiama ding lehngam \hin lo Lalpa a ni lo. Athu phelh tawh ngai lovakhân, “Kei kumkhuain,khawvêl tâwp thleng pawhinin hnênah ka awm zêl ang” ati a ni. Hei hi a thupêkzâwmtute hnêna a intiamna ani a, zâwm lo tân sawi vechhên a remchâng lêm lovang. |ahna ruam zawhtutentuihna awmna an siam \hin a,ruahtui tla hmasain malsâwm-nain a khuh \hin. Chaknaa\angin chak lehzualnaah ankal \hin (Sam 84:6,7). A varopui em! Mittui tla chungatuhten hlim takin an ât leh \hin(Sam 126:5). Lalpa avângatuarna chuan hlimna,thlamuanna leh lâwmnafamkim a thlen \hin. Lalpahnên a\anga kan duh zâwngtedawng tûr ringawta \awng\ailova, amah avânga tuar vetûra kan dilte pawh a va huntawh êm!



A hnung kan zuina leh arawng kan bâwlnaa hma kansâwn zêl theihna tûra kanLalpan khawngaih leh duhsaktaka kan kawnga harsatna mindahsak hi, tuarna lothlawn,hremna leh min hawisannaanga dawngsawng lovinlâwm takin lo Amen ila,

tuarna kal tlanga hmasâwnnarahbi thar chuangkai zêl tûrini inbuatsaih zêl ang u.

Fak hla siamtuin,“I tana tuartuten chu ram chu

an beisei,Lei lâwmna an tân a vul vesi lo” a tihte hi kan dinhmuna sawina lo ni mawlh teh se.

CHÛNNÊM, |ANG FAN FAN RAWH

– C. LalhlunchhungiZamuang

Lenrual lungduh chûnnêm, lo ngai teh u,Rûn thim ên nân kal kan siam, Kristian Chhûngkua;Mahse, thinlai a dam zo lo,Sualna chhim thlipui iang a hrâng lua e.Chûnnu thinlai a nâ,Hring nun kal zai a rêl thiam lo;Beidawnna lamtluang a zawh mêk e,Han dâwn chiang teh chûnnu.Rûn thim ên nân –Hmangaih silhpuan inbelin pheilai khai leh la;Beidawnna leh lungngaihna lo thleng \hin mah se,|ang fan fan rawh ‘CHÛNNÊM’Hmangaihtu Lalpan a rêl sual ngai lo,Chhûng kim teaChatuan ro hlu –Kan channa tûr a lo ni e.



PHARAOA FANU– Dr. T. Vanlaltlani

Aizawl Theological College

Exodus bung 2-a Mosia pian thu leh thuhrûk a nihthu chhiar apianga lo lang nghâl chu nausên, a nuin athuhrûk hmutu Pharaoa fanu hi a ni. He nula hi a hmingkan hre lo va, eng ang mi nge pasal a neih tih te, fanaua neih leh neih loh lamte kan hre hauh lo. Lal fanu ani a, luia inbual tûra a kal pawhin a bula kal ve tûrbawihnute a nei tih erawh kan hria. A mizia thuah chuanrinzâwn theih tûr hêngte hi kan hmu –

1. Khawngaihna nei mia ni : Pharaoa fanu hi nula,pasal la nei lo niin a langa; mahse, nausên a hma-ngaih êm êm a ni tih achanchinah a langsâr. Luiaphairuang zînga bâwm ahmuhin a bawihnu a lâktira. Bâwm chu a han hawnchuan nausên a lo awm a,a \ap ta nghe nghe a. A \ahchhan ziak a awm lo. Reitak nu hnute hne tawh lo ani mai thei; a ril\am tuihâl\ap a ni thei; natna lehnawm lohna a nei a ni thei;nu pangti lum nghêng phalova dah hran a nih avângina thlabâr \ap pawh a nithei; a hmuh ngai loh hmêla han hmu thut hlau pawh

a ni thei. Eng vâng bernge kan hre lo va; a \ahchhan chi hrang hrang aawm thei tih erawh a chhûttheih. Pharaoa fanu chuannausên a hmuha a \ap ahriat chuan Bible-in minhri lh angin, “Tin, akhawngaih ta êm êm a,”t ih a ni (Ex 2:6). A\awngkam chhuak lo rihmasa nia târ lan chu,“Hei, Hebrai fa a nih hile,” tih thu a ni.

He nula hi nula fing feltak a ni ngeiin a rinawm a.Nausên nu emaw, a ûteemaw awmtu awm lova luiabâwma dah ngawt mai ahmuh chuan a pa nunrâwng



tak mai thupêk a hre vereng a ni thei ang. A pachuan Hebrai nausên mipachu an pian hlimah tihhlumtûr tiin nau chhartute pawhthu a lo pe tawh a. Chuchu a hlawhtlin loh avânginnausên mipa lo piang chutuia paih tûr tiin thupêk achhuah leh a. Hetiangboruaka nausên mipa bâwmchhûnga thuhrûk chuHebrai fa a nih ngei a ringthei t ihna a ni . A paPharaoa thupêk zawm duhse nausên tihhlumna tûrremchâng a hmu chiang hle.Mahse, he nula hian nausêna khawngaih tlat tih ziak ani. A pa thupêk chu a hreve ngei ang a; mahse chuai chuan pawi sawi lonausên a khawngaihnachuan a nun a khawih thûkzâwk a ni ngei ang.

2. Mihring nunna zahthiam leh humhim duh mia ni : Nausên hian anmahnitihnat leh tihhlum duhtu anbei lêt ve thei lo va; bei lêtve tûrin finna leh chakna,tumna leh theihna an neihek lo. Pharaoa fanu nausên

hmuh pawh hian \ah ngawtbâk chu tih theih a la neivak lo; hnute chu a hnethiam tûrah ngai ila; a bâkeng tehchiam ti theiin a langlo a ni. Mahse, amahahnunna a awm a; chu chuamah chhartu nula hian azahin a hlutsak tlat mai.Chuvângin, he nausên hi apa thupêk, tihhlumna tûrdân râpthlâk tak a\anginchhanchhuaha humhim aduh ta tlat mai. Pafa pawhhi an inang bik love ti rawhu. Pain pawi sawi lo nunnalâk a duh a; fanuin nausênla mawlmang tak nunnahum a duh thung.

Nausên awmtu zawnsakduha nausên û (Miriami) arawn tlân vat khân, zawhnazawh âwm tak tak awm theitûr zâwt eih lovin nauteawmsaktu tur zawng tûra akal chu a remti nghâl dermai. A va koh tak khanausên nu ngei a nih chuhe nula pawh hian a ringthiam lo bik dâwn em ni?Nau awmtu koh thu rawnsawi vattu pawh kha nausênhmêlma ni lovin a laichîn a



ni ngei ang tih kha chu mipangngai tân chuan rin lohchi a ni lo. Mahse, nausênnunna humhim duhtu nulangilnei leh khawngaihna neimi chuan, nausên leh avêngtu leh nau awmtu a vakoh tâkte kha Hebrai mi annih leh nih loh thu te, engtiakhatianga nausên dah mainge ni tih te zawh a tumlo. Nausên lainatawm tak ahmu a, a nun humhimsak aduh a; chuta tâna mipawimawh amah loenkawltu tûr a hmu thei khaa duh tâwk a. Hei hiannausên a khawngaihnanasatzia a lantir chiang êmêm a ni.

3. Mite ringhlel mai lo,hmêl hriat loh pawh ringtâwk êm êm mi a ni :Pharaoa fanu tân hianrinhlelhawm tak an a hnaivai hle. A pa thupêk kalhanausên mipa thukrutu chua pa tâna mi hlauhawm annih pawh rin âwm tak a ni.Mahse, he nula hianrinhlelhna thu eng mah achhâk chhuak lo va;nausênin awmtu a

mamawhzia hriain a awmtutûr koh a remti a. A awmtutûra an koh pawh a ringhleleih lo va; a kuta nausêndah chu a hlauthâwng miahlo. A fîmkhur lo kan ti angnge, amah a rinawm anga,mi dang pawh rinawm tûraha ngai thei kan ti ang.Hetiang khawpa hmêlhriatloh ring ngam mi hi hmuhleh sawi tûr an tam lo vang.Mahse, hmeichhe pahnihrinawm ve ve han indâwrhi a tua mah inbum lovinan inbiak remna angin antih tûr an hlen ve ve a, anentawn tlâk hle a ni. Hnamdang daih si, inhmuh vawikhatnaah an inring tawn a;an rinawm ve ve hi a ropuingawt mai.

4. Mi retheite a thlâwnachhawr aiin lâwmman pêkduh mi a ni : Pharaoa fanuhian duh ni se Hebraihmeichhia tu pawh hi anausên chhar enkawltu tûrhian a thlâwnin a chhawrthei ngei ang. Mahse,chutianga mite chungtlâkleh a pa lalna leh thuneihnahmanga mi chungtlâka,



intilal chi a ni lo va. A faawmtu chuan an hnathawhhlawh chu an hmu tûr aniin a hre tlat a, a tiamnghâl a. Naute awmtuchuan a awm \hang lian a;t ichuan, Pharaoa fanuhnênah a hruai a, a fapa alo ni ta a. A hming a sa a,tui ata a lâk chhuah a nihavangin tiin Mosia a phuahta a ni (Ex 2:10).

Hei hi a entawn tlâk ani. Mahni hlâwkna a nihdâwn phawt chuan mite thaleh zung chhawr fe maipawi ti lovin kohhranhotehi kan awm hlauh dah ange. He Aigupta nula thiltihhi a entawn tlakin, KohhranHmeichhiate hian zir tûrkan neih ve a rinawm.Mahni inen nân i hmangang u.

NGENNA LEH HRIATTIRNA

Inkhâwmpui Lian thlengtu puihna chungchâng :Inkhâwmpui Lian thlen hi a hautakna lam ngawt ngaihtuahchuan a hautak lo tih loh rual chu a ni lo. Amaherawhchu,Inkhawmpui \hatzia leh \angkaizia chu a kal \hînte chuan kanhria a nih kha. Hetiang hi a nih avângin kan hruaitu hmasatepawhin, Inkhâwmpui Lian thlen diltu an awm loh pawhinCentral Committee-in lo ngaihtuah \hîn se, an lo ti hial a ni.

Chumi kal zêlah chuan, kumin Rorêl Inkhâwm agendaatân Inkhâwmpui Lian thlengtu \anpui nân member tinin ̀ 10/-thawh ni se tih hi a lo lût ta hial a. Mahse, chutiang êma intukchu rit deuhvah ngaiin, Inkhâwmpui Lian thlen hi a hautakêm avângin thlengtu \anpuina hi Bial tinin uar deuh zâwkapêk \heuh tum ni se, tiin Rorêl Inkhâwmah khân kan inchahta zâwk a. Chuvângin, nakkum 2017 Inkhâwmpui Lianthlengtu tûr Serchhip Bial hnênah thlengtu puihna hi\hahnemngai taka pêk tum \heuh tûrin kan han inhriat thartirleh a ni e.



KATHMANDU-AH KRISTIAN THLÂNMUAL– Rev. Lalrintluanga Ngente

Kathmandu

Nepal ram khawpui Kathmandu-ah hian ringtu nuai dâwnlai awma ngaih a ni a, Kohhran pâwl hrang pawh 70 chuangan awm nia sawi a ni.Tûn hma chuan Hindu-te inhâlna hmunPashupati chhûngah hmun âwl remchângah ringtu thite aninphûm ve \hin a ni âwm e. Tin, tlêma khaw pâwn deuhvahtepawh hmun te neiin an inphûm thin. Dodâlna a awm \hinavângin chhuanlam chhe tê tê avângin chûngah chuan inphûma rem ve ta lo. Naupang thi chu kuang siam lovin, ran thiphûm ang lekin feet 2-3 vêl leka thûka laiin an phûm ve a;mahse, zân lamah zâwng leh sihalten an hai chhuak leh a, hehmuna kan kal ve \um pawh hian thlân ruak, puan pawhsawm niaih nuaih a tam khawp mai.

Kristian InzawmkhâwmPawl, kohhran pawh 30chuang awmnaah Presbyte-rian kohhran, Lalitpurkohhran pawh inziah luh a nive a, chu pâwl chuanKathmandu a\anga km. 42-ahlaah ram âwl, huan hlui,phûl hmun tlang sâng tak mai,buh \in thum hmun tûr awmlaia zau lei a ni a, Thirlênahung chhuah vek a ni a. Huanhlui a nih avângin terrace laihchhuah vek a ni. Chu hmunahchuan ni 13.7.2016 khânthing lian lo chi, chi hranghrang kung 300 chuang lai

chu phun a ni a, a lo puitlinhnu chuan a mawi viauvin arinawm.

Chu thlânmual thar thingphun programme-ah chuankan kohhran kan tel veavângin ka feh chhuak ve a,kan motor kal theih bâk chhozâwnga a sahmul \hen zawhadârkâr hnih chuang kea kankal hnu chuan, chu hmunnuam tak mai chu kan thlenga, hah a dam sawng sawngmai. Phâwngpui tlang angvêla sâng hi a ni a, chhûmina bawh deuh chûk reng mai.Chu hmunah chuan



Chowkidar in te, motorparkna tûr te, toilet te lehmitthi vuina tûr in te sak a nia, a changtlung khawp mai.

Kan ringtute hi an thihinHindu-ho inhâlnaa han inhâlleh ngawt mai \hin chu \ha tilovin, hmun hla zâwk pawhni se, he thlânmual hi an tânchuan a hlu hle mai. An hlimêm êm a, hemi ni pawh hianmi 200 dâwn kan thawkchhuak a ni. Hetiang takaNepali unauten thlânmual anngai pawimawh hi a ropui kati a. Abrahaman a nupui thlântûr a lei angin, he hmun leihi an tha a na lêm lo a ni. Hehmun motor-a thleng tûr hianJCB-in kawng a lai tlang a, achho deuh va, fourwheelertân lo chuan thlen hleih theiha ni lo.

Mizo Kristianten kanduhna hmuna thlânmual kannei thei mai te, thlân mawitaka laia kan han invui liam\hin te hi a va lo hlu êm!Thawhlehna \ha lehzualbeiseia, lei chu leiah, vaivutchu vaivutah tih chu ringtutetih dan a nih si avânginthawklehkhata meivâpa han

chan ngawt mai chu ngaingam lovin, chutianga hmunhlaah pawh chuan lâwm lehhlim takin an hmun thar chu\awng\aina nên bul an \an anih chu. Sawrkârin a hriata,an \henawm khuaten an phalloh hlauh chuan inphûm pawhchu an thei lo chhunzawm lehmai thei si a; chuvângin,Nepal ram ringtute tân bânglova lo \awng\ai zêl tûrin kansâwm a che u. Hêktu an awmhlek chuan sawrkâr hi ringtutelamah a \ang duh \hin si lova, sakhaw zalênna ram angapuan ni tawh mah sela, a taktakah chuan ringtute hiandinhmun \ha hi an la changpha lo hle a ni.

Chutiang dinhmuna dingchunga ringtu kan pung zêlmai si te hi Pathian hnathawhropui a ni a, Krista anhmuhsitna chu Nepal ram thilropui leh hlute ai chuan sumropui zâwkah an ruat a,thlânmual kawng chhova hlimleh lâwm chunga ringtute kalchu a hmuhnawm a ni.Ringtute huai nân leh ringtuan lo pun zêl theih nân i\awng\aina kan ngên e.



KRISTA RIMTUI

R. LalbiakhnûniTlungvêl

“Nimahsela Kristaa hnehnaa min hruai fotu leh, keimahnihmanga hmun tina amah hriatna rim hriattîrtu Pathianhnênah chuan lâwm thu awm rawh se. Chhandam mêkahteleh boral mêkahte chuan Pathian tân Krista rimtui kan ni sia” (2 Kor 2:14, 15).

Krista zâra hnehna changtu Paula \awngkam, “Kristarimtui” tih hi ka thinlungah a mawi êm êm a. Rom sipaitenrâl an bei a, hnehna changin salte nên an lo hâwng a, kalkawngah rimtui an hâl nam rum rum a, an thên nam rum

rum a. Hnehtu tân chuanchu rimtui chu hnehnachhinchhiahna a ni a, salmante tân chuan chu rimchu a tui ve lo, an thihna tûrpan an nih miau avângin.Chutiang chuan Rom sipaihnehna changa an hâwngang hian Paula hian arawngbâwlnaa hnehna achan dân a intehkhin a loni. Thlarau lamah chuanchu rim chu Krista hriatnaa lo ni a. Krista hriatnarimtui hmun tinah lênchhuahtir tûrin Pathianinmin thlang a, min ko va, aChanchin |ha mite hnênahrilhtu tûr Krista rimtui chukeini hi kan lo nih chu.

Pathian hriatna rimtuitheh darhtu tûr kan nihavângin chhandam mêkah te,boral mêkahte Pathian hnênaKrista rimtui atâna hlan kanni, an awih duh emaw awihduh lo emaw kan thu hril rimchu an hre ngei ngei tûr a ni,a ring duh tân chuan chu rimchu hnehna rimtui, nunna anneihna tûr a ni ang a, a ringduh lo tân chuan chu ngei chuthiam loh chantirtu tûr thihnatûr rim a ni dâwn a ni.

Lal Isua thuchah pui berchu Chanchin |ha hrilh hi ani. Hei hi kan mawhpurhnaa ni bawk a ni. Paula bawkinchûng ang atân chuan tungetling zovang? a ti a. Ni e,



tumah hi kan tling lo a ni.Mahni pawhin tling kan intilo va, min hre chiangtutentling min ti hek lo, tling lomah ila kan kovah a innghattlat si a, keinin kan hrilh lohchuan lungtê tal au chhuahtira tum a ni. Hla siamtuten,“Lungtê zawng au chhuaklul suh se, Lalpa i tân ka rawndo ve ang e,” an lo tih anginlungte êm au chhuahtir aichuan keini mi tling lo lehtlâk lo chung chung, akhawngaih rawngbâwl hnamin pêkte hian kan auchhuah a ngai a ni. Hemikawngah hian harsatna lehchhuanlam tam tak kan neingei ang. Natna kawl bîk kanneih te, chhûngkuaah te,\henawm khawvêngah te,khawtlâng nunte avâng hiankan chak lovin kan chau va,kan ro ngawih ngawih \hîna ni. Mahse hêngte avânghian Lalpa kan au tûr a ni.Kan chak lo tih inhriatnaa\ang chauhvin Lalpa kan aueih a, pui ngai kan nih kaninhriat chhuah chauhvin,Lalpan min pui \hîn a ni si a.Paula pawhin harsatna liantak tihkian châk êm êmin adîl ve a ni. Mahse Lalpan, “Ka

khawngaihna i tân a tâwk e”a ti daih. Lalpa thiltihtheihnahi chak lohnaah tihfamkimina lo awm chauh a ni.

Tichuan, kan hmaaharsatna tam tak minhûnsakte hi thlarau lamaamah kan auh tamna tûratâna khawngaih thilpêkzâwk a lo ni. Paula ngeipawhin ka chak loh apiangina ni ka chak \hin ni a tih anghian, kan harsatna tawh lehchak lohnate hi chakpui nâni hmang zâwk ang u, chakkan intih lai chuan amah kanhlatin kan lo chapo mai \hîn.Ringtu nuna thil hlauhawmber chu hnungtawlh hi a ni.Kan hnungtawlh loh phawtchuan khawro chângte hiawm rawh se, Pathian kanpâwl tamna a lo ni zâwk.

Ro nia kan inhriat lai takakan hun a lo chhuak tlatmaite hi khawngaihrawngbâwl hna dik takthlarau lam tui hna a lo nizâwk fo \hîn.

Krista hriatna rimtuihmun tina lên chhuahtîrtûrin \an i la thar zêl ang u.

Lalpan a thu malsâwmrawh se. Amen.



WOMEN CENTRE-AH PUAN |HUIZIRNA |AN A NI TA

– RinchawiiChairman, Inkhawmpui Lian

Hun rei tak a\anga nghâkhlel taka kan lo thlîr, WomenCentre hmanna tûr ruahman zînga pakhat puan\hui zirna chuAugust ni 4, 2016-ah \an a lo ni ta a, a va lâwmawm êm! Hecentre-a thawk tûr hian Superintendent, Peon-cum-Chowkidar, Security Guard leh Instructress pahnih leh zirlai40-in bul an \an a. A bul \antu atâna mi duhawm tak tak kanhmu hi Pathian malsâwmna a ni tih a chiang a, Pathian chufakin awm rawh se. A \an niah hian Central Committeemember-te nên Pathian hnêna \awng\ai leh infuihna hun \hatak hman a ni.

Women Centre-apuan\hui zir tûr hian WomenCentre Managing Committeechuan 1st Batch atân mi 20lâk ni se a tih chu, mamawhnaa sân êm avângin mi 40 lâk ani ta a. Zir hun chhûng hi thla6 tih a ni a; mahse, duh aiin\an a tlai tâk avângin, a \ûldân angin extra class nei tûratih an ni bawk.

Women Centre hi miharsa leh khawsakna lamachhawm chhuah ngai (Rahbitleu)-ten eizawnna tlingkhawpa dinhmun an siamnatûra hman tum a nih angin,puan\hui zirna hi hawn a ni

a, tûnah hian mi 40-te chuanan zir mêk a ni.

Zirlaite hian thu anawihin enkawl an nuam hlea, hma pawh an sâwn chakkhawp mai. Kut themthiamnamai ni lo, an thlarau nunthlenga puitling lehzual tûrakaihhruai tum an ni a, an de-votion hunah te sharing \hatak tak te neiin hun an hmang\hîn a ni. Mittui tla zawihzawihin an dinhmunte an sawia, he lai hmuna an zir theihavânga an lâwm thu te sawiin,Superintendent leh thawktudangte pawhin Pathian thuadâwm kân ngaite dâwm



kângin enkawl an ni a.Pathian thlarauvin a awmpuinasa êm êm a, a lâwmawmtakzet a ni. Centre-a awmtehi Phunchawng Kohhranahan lawi a, an lawina kohhrantân pawh malsâwmna thlentuni ngei tûrin kan beisei.

Women Centre hlawh-tlinna kan hmuh hian hruaituhmasate thawh rimna kan hrechhuak lo thei lo va, mitthlaahan lo lang \hîn a ni. |henkhatphei chu an thawh rah hmu

hman lova chatuan ram minpansan tate pawh an awmtawh a, kan hre reng a ni.An inpêkna leh thawh rimnahlu tak avâng te, mi inphaltethilpêk avângte leh kohhrantethawh hona \ha tak avânginhetiang hlawhtlinna hi kan lothleng ta a ni. A bul kan \anchauh va, hma thar te laahma a sâwn zel thei tûrin\awng\ai leh thilpêkin i thawkho zêl ang u.

Pathian ropui ber rawh se.

MI DANGTE |ANPUI HI HLIMNA A NI– Unknown

A incheina a\ang ringawt pawh chuan a hausa hle tih ahriat theih. Rilru lam doctor hnênah a nun ruahzia leh anunin awmzia a neih lohzia a lo sawi mawlh mawlh a. Doc-tor chuan an office hmunphiat pitar pakhat chu a han ko va,mi hausa nu hnênah chuan, “Ka pi, he office-a hmunphiathnên a\ang hian hlimna a chhar dân chanchin i ngaithla anghmiang,” a ti a.

Pitar chuan a hmunphiah chu leiah a dah a, \huthmun arem fel hnu chuan a chanchin chu ti hian a sawi ta a:

“Ka pasal chu malaria avângin a boral a, thla thum aral chauh tihin ka fapa neih chhun chu car accident-ah aboral ve leh ta bawk a. Tu mah dang rêng rêng ka nei ta lo.



Zânah ka mu thei lo va, chaw ka ei thei lo va, nui leh theihian ka inring tawh lo, ka nunna lâk hial ka duh ta a. Tlaikhat chu ka hnathawk haw lam chu zawhtenotê hian min zuihaw a, khua a vawh êm avângin ka khawngaih a, ka inah kahruai lût ta a. Bawnghnute ka han pe a, a liak zo nghâl veka. A rûm der der a, tlângnêl takin ka ke chu a rawn nâwk a,thla eng emaw zât hnuah a vawi khat nân ka nui leh ta a ni!

“Ti hian ka ngaihtuah zui ta a, zawhteno pakhat ka \anpuiavânga hlim taka ka nui thei a nih ngai chuan, mi dangte ka\anpui avâng pawhin ka nui thei ngei ang tih ka ring ta tlat a.A tûkah chuan chhang ka ur a, ka \henawma damlo mu renghnênah chuan ka va pe a. Chutiang chuan ni tinin mi dangtetân thil \ha eng emaw tal tih ka tum ta ziah a. An hlim hmêlchuan hlimna min pe a, ka sim phal tawh lo! Vawiinah chuankei tluka chaw ei tui leh mu tui hi an awm bik lo vang. Midangte \anpuinaah chuan hlimna ka chhar ta a ni.”

Chu thu a hriat chuan mi hausa nu chu a \ap chhuak ta a.Pawisain a lei theih engkim mai chu a nei a; mahse, pawisaina lei theih loh thil pakhat a lo awm reng si! Nun hlutna chu ihlimnaah a innghat lo va, nun hlutna chu i kianga mite hlimnai pêk leh pêk lohvah a lo innghat zâwk a ni. Hlimna hikawng thui tak zawh hnua neih tûr leh a suala sual chhuahtûr a ni lo va. Hlimna hi naktûka lo thleng tûr a ni hek lo.

Hlimna hi duhthlanna a ni a, vawiin atân a ni. Hlimnachu nangmah hi i ni a, i thil neih a ni lo.

Sum tam tak aiin hming\hat hi thlan zâwk tûr a ni a, tangkaleh rangkachak aiin duhsakna a ngainatawm. Mi hausa lehmi rethei an awm za a, an vaia siamtu chu LALPA a ni.

– Thufingte 22:1-2



BUTTER CHICKEN

MamawhteAr : 1Arsa chiahna tur masala :Chilli powder : Thirfiante chanveSawhthing râwt dip : Thirfiante chanvePurunvar râwt dip : Thirfiante khatOrange color : Thirfante chanveChi : Tlêm

A siam dan -1. A chunga mi chawhpawlh hian arsa chu chulha, darkar khat

vel tal chiah ni se.2. Tel-ah fry tur a ni.3. Thlêngah fry hmin sa chu dah tûr a ni.A tui siam dan -

Tomato : 200 gms.Carot : Tlawn khatPurunsen : Pum khatVinegar : Thirfian khatChini : Thirfian khatChili powder : Thirfiante khat

4. Hengte hi mixir-ah her sawm la, arsa fry nên chuan chawhpawlhtûr a ni.

5. White Sauce no khat vel siama, telh bawk tûr a ni. Butterchicken siam dân hrang hrang a awm a. Sa fry kher lovin achhumin a tih theih a, Tandoor sa a\angin a tih theih bawk.

Butter Chicken chu ei dâwnah tihluma, butter tihtui thirfian khata chungah telha, ei tûra chhawp tawh mai tur a ni.

Ei siam dan



AMBASSA ZIN REPORT TLANGPUI

– LalhliapiCentral Committee Member

August 5-7, 2016 chhûng khân Tripura, Ambassa, Pas-tor Bial Kohhran Hmeichhiain Central Kohhran Hmeichhiatemin sâwm angin Inkhâwmpui Lian Chairman, Pi Rinchawiikaihhruaina hnuaiah Pi Lalpianthangi nên, kan pathumin kanzuk kal a, report tlângpui ka’n thai lang ang e.

Ambassa mite hi hnamhrang hrang an ni na a,Kristiante chu tlângmi an nideuh ber. Kohhran puitling11 leh Fellowship 17 an awma, zirtirtu (Missionary) 12 lehNative Worker 4 an awm.Synod hranga awm tûr an nia, an sawi dânin, “Kristianchhûngkua leh buhfai\hamahte, kohhran kalphungah temin hringtu Mizoram tih dânkan entawn a, kan inbuatsaihnasa ve khawp mai,” an ti.

Ni 6 (Inrinni) khânnilêngin Leadership Trainingkan nei a, Inrinni zâninkhâwm a\angin Pathiannizân thlengin KristianChhûngkua, thupui hranghranga \henin kan insawichhâwk a ni. |awng leh ngaia nih avângin a huphurhawmkhawp mai a; mahse, \awng

lettuten an thiam êm avânginthusawi a nuam hle a ni.

Kan zinnaa ka rilrua thillo lang pakhat chu, Mizoramang hian an awm khâwm lova, inhlat tak takin an awma. Hetiang hi ni mah se, Bialthiltih an ngai pawimawhin\hahnem an ngai êm êm a, anentawn tlâk hle a ni. Tin,thusawi an ngaithla ngun êmêm mai a, a rei deuh pawhinan muthlu ve ngai lo. An zaite hian tihtakzetin an zai tih ahriat a, an zai tui êm êm a,an ti mai mai lo. Taksa chêtnapawh an chang ve nasakhawp mai, lâm pawh an lâmnasa hle a ni.

Tihtakzeta Pathian anbiakna khân thlarau lamahpawh hlâwkna tam tak minpe a ni. Min ngen angin i\awng\aipui zêl ang u.



Hruaitute chanchin

C. THAN|HUAMI

Pi C. Than\huami hi Pu C.Laltlanthanga leh PiSawichhûngi-te kâra lopiangin unau paruk zînga a upaber dawttu a ni.

Kum 1983-ah BA a zawhhnuin sawrkâr hna a thawk nghala, tunah hian Superintendent a nimek. Tichuan, Upa Lalhruailiananên inneiin fa pathum –hmeichhia pakhat leh mipapahnih neiin tu pakhat an nei tawha, Armed Vengah chhungkuain ankhawsa mek a ni.

Rawngbawlna lamahchuan Sunday School naupanglam department-ah hian Be-ginner a\anga Senior Depart-ment thlengin zirtirtuah a awmkim vek tawh a. Kum 2001atâna Kohhran HmeichheCommittee member ni tûrathlan a nih khân, an lachhangchhiat deuh avângin

rawngbawlna pawm harsa a tihle a; amaherawhchu, annupaa Pathian an râwn hnuinPathian kohna, khawngaihrawngbâwl hna hnâwltu nih aichuan Amah ring chungarawngbâwltu ni tûrin a pawmta a. Kum 2003-ah officebearer ni \anin Treasurer, As-sistant Secretary leh Secre-tary-ahte a awm \hin a. Tûnahhian Assistant Secretary a nimêk. Kohhranah Puitling Sun-day School zirtirtu niin, Inrinnizân thuhriltu a ni mêk bawk.Tin, Bial KohhranHmeichhiaah Assistant Secre-tary chanvo a chelh mêk bawk.

Amah hi Pathian faka zainuam t i mi a ni a, BialZaipâwlah pawh term engemaw zah a lo tel tawh a ni.Kristian Hla Bua a hla duh berchu ‘Isua neih ka duh zawk’tih a ni a, a duh zual lai berchu ‘Lal Isua ka duh ber, minhruaitu atan’ tih lai hi a ni.Bible chângah hian a duh zuallai chu Sam 73:28, ‘Keia tanerawh zawng Pathian hnaih hia \ha a ni,’ tih lai hi a ni.

Pathianin khawngaihrawngbawl hna min pek hi\hahnemngai taka thawk turinmin fuih a ni.



Hriat atân

1. Hêng hmunah hian kan hruaitute an feh chhuak a,Pathian hruainain tluang takin hun an hmang:

(1) Ni 5-7.8.2016 chhûng khân Ambassa, Tripura-ah PiRinchawii, Chairman; Pi Lalpianthangi, CommitteeMember; Pi Lalhliapi, Committee Member-te an kal.

(2) Ni 5-7.8.2016 chhûng khân Vairengte Bialah PiZothanpari, Pi Lalbiaki leh Pi C. Chawngpui, Com-mittee Member-te an kal.

2. Chanvo thar : Pi Lalfakmawii, Co-ordinator i/cKohhran Hmeichhia chu Synod Service Board chuan SynodService Board-a Co-ordinator tûra a dah tâk avângin AgapeEditor atân Pi Rallianthangi, Finance Secretary chu ruat ani a. Pi H. Lalpianthangi, Asst. Co-ordinator, GeneralSecretary ni bawk chuan Co-ordinator charge a la a ni.Kohhran Hmeichhe department lam pui tûrin Pi K.Lalthanpuii, B.A., B.D., Tuikual chu hun eng emawchhûng atân Daily-a rawih a ni bawk.

.....

TIHDIKNA

Kumin Kohhran Hmeichhe Nia kan thu zir tûr BIBLEWOMEN booklet-ah khân chhut sual palh a awm a.Phêk 27, tlar tâwp bera Bible Woman-te rawngbâwlnatâwp kuma, ‘A hnuhnung ber chu kum 1958-ah a pen-sion a ni,’ tih kha ‘1963’ tih zâwk tûr a ni e.

Tin, a bu hi a lei duhte tân bu khat ` 10/-in KohhranHmeichhe Office-ah lei theihin a awm a, Biala kan thawnchhuah bâkah hi chuan siam dik sa a ni e.

October 2016 AGAPE 1 - · PDF filethut thutna thleng chanchin kan hre âwl lo va, kan...

Documents

Transcript of October 2016 AGAPE 1 - · PDF filethut thutna thleng chanchin kan hre âwl lo va, kan...