MBI SISTEMET E PIKËZIMIT PËR PROGRAMET SOCIALE TË …SISTEMET E PIKËZIMIT PËR PROGRAMET SOCIALE...
Transcript of MBI SISTEMET E PIKËZIMIT PËR PROGRAMET SOCIALE TË …SISTEMET E PIKËZIMIT PËR PROGRAMET SOCIALE...
PROҪES VERBAL I DËGJESËS PUBLIKE
MBI
SISTEMET E PIKËZIMIT PËR PROGRAMET SOCIALE TË STREHIMIT
Me datë 04.09.2017, ora 18:00, në sallen e Këshillit Bashkiak Shkodër, u organizua dëgjesa
publike lidhur me sistemet e pikëzimit mbi programet sociale të strehimit.
Në fjalën e saj hapëse, Kryetarja e Bashkisë, zhvilloi një diskutim të detajuar mbi programet
sociale të strehimit, si dhe theksoi vlerën e rëndësishme që kanë konsultimet me publikun, në
lidhje me vendimmarrjet që kanë të bëjnë direkt me interesin e tij. Ajo theksoi se janë
respektuar të gjitha afatet ligjore për konsultimin e informacionit dhe shpjegoi në mënyrë të
detajuar të gjitha hapat e ndërmarra nga Komisioni i Strehimit, duke filluar që nga
konstituimi i tij e deri tek përgatitja e këtyre sistemeve të pikëzimit për të cilat u zhvillua dhe
kjo dëgjesë publike. Gjithashtu në fjalën e saj, Kryetarja e Bashkisë citoi dhe hapësirën e re
që gjendet në faqen web të Bashkisë, në të cilën për efekt transparence, gjendet i publikuar
çdo material që paraqitet për konsultim publik.
Mbas fjalës hyrëse të Kryetares, vijoi prezantimi i detajuar për secilin program strehimi, nga
një prej anëtareve të Komisionit të Strehimit, znj. Vilma Shiroka,e cila u ndal pikë për pikë,
duke shpjeguar edhe menyrën e ndarjes së pikëve për kategoritë përfituese si dhe modalitet e
mbledhjes së tyre në fund, për progamet e banesave sociale me qira, banesave sociale me qira
të ndërtuara pranë ish-konviktit të shkollës pyjore, bonusit të strehimit, banesave me kosto të
ulët dhe subvencionimit të interesave të kredisë nga shteti.
Përsëri në vijim, diskutimi vijoi nga Kryetarja e Bashkisë, e cila theksoi se programi i
banesave sociale me qira të ndërtuara pranë ish-konviktit të Shkollës Pyjore, i diktuar nga
akt-marrëveshja e lidhur me Ministrinë e Zhvillimit Urban, na kushtëzon në hartimin e një
sistemi pikëzimi të vecantë, i cili përfshin vetëm dy kategori të cilave u jep prioritet; jetimët
dhe familjet një prindërore në situatë të vështirë ekonomike dhe sociale. Në të njëjtën linjë
vazhdoi edhe znj. Shiroka e cila në intepretimin e saj gjithashtu theksoi se në këtë rast kemi
një sistem pikëzimi të orientuar nga akt-marrëveshja me Ministrinë.
Mbas përfundimit të prezantimit të këtyre sistemeve Kryetarja e Bashkisë, u ndal të theksojë
që aktualisht në Bashkinë Shkodër, janë në zbatim dy nga këto programe sociale, që janë
banesat sociale me qira pranë ish-konviktit të Shkollës Pyjore dhe bonusi i strehimit. Znj.
Ademi gjithashtu shpjegoi edhe arsyet përse ne nuk kemi aplikuar pranë Ministrisë së
Zhvillimit Urban për bonusin e strehimit, pasi kanë munguar sistemet e pikëzimit, dhe për të
cilat u zhvillua edhe kjo dëgjesë publike.
Mbas prezantimeve të bëra nga Kryetarja e Bashkisë dhe anëtarja e Komisionit të Strehimit
znj. Shiroka, diskutimi vijoi me pyetje nga të pranishmit.
Ndër pyetjet e para që u bënë ishte ajo që kishte të bëntë me numrin e banesave sociale për të
cilat diskutohet. Në përgjigje të kësaj pyetje, është z. Filip Vila, Drejtor i Drejtorisë së
Shërbimeve Sociale, Strehimit dhe Shëndetit Publik, ai i cili theksoi se janë aktualisht rreth
26 banesa të ndërtuara, nga të cilat 18 tip garsoniere dhe 8 të tjera me strukturën e
apartamenteve.
2
Z. Vila theksoi se këto banesa do të jenë të përkohshme për personat që do sistemohen në to,
me logjikën që në momentin që këta persona do arrijnë në një fuqizim ekonomik dhe social,
do të mund të lëvizin drejt hapësirave të tjera. Pra në thelb do të shërbejnë si banesa për
kalimin e situatave të emergjencës. Rregullimi ligjor i sistemimit të tyre do të bëhet me anë të
kontratave një vjecare, në të cilat do të përcaktohen qartësisht përfitimet dhe njëkohësisht
detyrimet e përfituesve, të cilat vetem mbas vlerësimeve të rastit do të kenë të drejtë rinovimi.
Znj. Gjina Ndou përfaqësuese e organizatës së para-tetraplegjikeve, në fjalën e saj ngriti
problemin se me sa pikë janë vlerësuar kategoria e personave me aftësi të kufizuara në
sistemet e pikëzimit. Po ashtu zonja në fjalë kërkoi të dijë se cilat kategori marrin pikët më të
larta nga këto sisteme pikëzimi, si dhe a do të hapen dosjet e aplikuesve që prej vitit 2010 e
deri më sot. Shqetësim tjetër i ngritur nga zonja në fjalë ishte fakti i problemeve me
transportin publik që has kjo kategori, si dhe mungesa e vendeve të parkimit të rezervuara për
shtresën në fjalë.
Në vijim të pyetjeve të ngritura më sipër, Kryetarja e Bashkisë siguroi zonjën në fjalë se në
kuadër edhe të sygjerimeve nga organizatat e tjera të personave me aftësi të kufizuar, javën e
ardhshme do të fillojë vijëzimi në qytet i hapësirave për parking për personat me aftësi
ndryshe, dhe një hartë e këtyre vendeve do ti dërgohet edhe shërbimit të policisë rrugore në
mënyrë që të shmangen problematika të bllokimit të këtyre hapësirave. Gjithashtu në vijim të
përgjigjeve për shqetsimet e ngritura, Kryetarja e Bashkisë theksoi se është shpallur në faqen
ëeb njoftimi për fillimin e procedurave për përzgjedhjen e kandidatëve për sigurimin e
transportit publik, ku padyshim që do merren në konsideratë edhe shqetsimet e ngritura si dhe
do të këtë një sistem të vlerësimit të performancës për këtë shërbim.
Në serinë e diskutimeve pati edhe pyetje të tjera sic ishte kerkesa që shprehu z. Mirsad Tula
lidhur me faktin që pse duhet ti jepet prioritet një kategorie sic janë gratë e dhunuara, duke
ngritur edhe dyshime që ato mund të abuzojnë me atë status, dhe jo çifteve të reja. Në
përgjigje të saj, znj. Ademi, i shpjegoi përsëri edhe zotërisë në fjalë, që çiftet e reja e gjejnë
shumë mirë veten të përfaqsuar në sistemet e pikëzimit, pasi nga kombimini i kritereve të
mbledhjes së pikëve ata favorizohen që të jenë përfituesa potencialë. Gjithashtu në vijim të
kësaj çështje të ngritur, znj. Ademi theksoi se mirpresim çdo propozim lidhur me ndryshimin
e vlerësimit me pikë për kategorinë e sipërcituar.
Në të njëjtën linjën me z. Tula ishte dhe znj. Helga Smakaj, përsa i përket pretendimeve
lidhur me çiftet e reja, e cila më tej mori dhe shpjegimet e nevojshme edhe nga Znj.
Marçelina Gjeluci, Drejtore e Drejtorisë Juridike dhe e Menaxhimit të Aseteve dhe
Aksioneve të Ndërmarrjeve.
Në përfundim të dëgjesës Znj. Ademi ftoi të gjithë të pranishmit të paraqesin propozime me
shkrim, vërejtje, sygjerime apo ndryshime të mundshme lidhur me këto sisteme pikëzimi, në
mënyrë që të përfshihen në dokument, para se të kalojë për miratim në Këshill Bashkiak.
Pjesë e këtij proces verbali është Lista e Pjesëmarrësve si edhe foto nga takimi.
3
4
5
6
7
8
9
10
11
Mbajti Proces-Verbalin
Dhimitri Sovjani
Suel Hadri