Love is a waste of time (hindi) story by- ajit sahoo
-
Upload
ajit-sahoo -
Category
Documents
-
view
880 -
download
1
Transcript of Love is a waste of time (hindi) story by- ajit sahoo
Story By:- Ajit Sahoo
“This is my 1st ever story, actually ye mera ek dream hai, ek writer banne ka, aur actually me Chetan Bhagat se inspire hua hun. Jab mene 2states dekha tha theatures me 18th April ko, usi din hi mene soch liya tha ke me bhi ek writer banunga, wo date mere life ka bahut khas date he. Par kabhi socha nahi tha itne jaldi ye kaam start karunga, socha tha pehle me bhi bahut sara paisa kamaunga phir ek writer banunga, par zindagi kab konsa mod pe le jaye kya pata. Mere soch jaise mujhe dhakka de rahe hain ab, shayad yahi sahi time he kuch apne tarike se likhne ka… ”
So hope you all like this story…
Love is a waste of time, ye baat shayad hum sab jante honge. Fir
bhi hum sab apna time waste karna chahte hain, kyun ki ye ek aisa
anokha jazbaat hai jiske aur hum na chahte hue bhi khinche chale jate
hain, Ye itni dilkash cheez hai jiske karib jaate hi humare dimag ke
sare soch apna pata bhul jati hain, Ye toh wo laddu hai jisne khaya wo
bhi pachtaya aur jisne na khaya usne bhi pachtaya…
Kehte hai jodiyan upar bhagbaan likh ke bhejte hai, aur hum to
sirf uske kirdaar ko nibhate hain. Aur jab humara kirdar khatam ho
jata he to humari story bhi wahin khatam ho jati hai.
Humari zindagi mein aisi kain suni ansuni kahaniyaan hai. Har
story main ek hero hota he, aur ek heroin, aur ek villan bhi, to
oviously is story me bhi hein. Ye ek pyar ki kahaani hai, “Pyar”, Jo
kabhi bhi kisi ko bhi kisi se bhi ho sakta he, Par har kahani ka the end
happy nahi hota, kyun ke real kahaniyon ko rab likhta hai aur unke
director to wahi Bhagbaan hote he.
Is kahani ka hero hai Chandra aur heroin he Moon..
Ye kahani suru hoti hai dono ke Engineering padhne ke time se,
Chandra aur Moon, dono hi ek college me padhte the.
Hum mein se kain logon ne pyar kiya hoga, Ek anjaan rishtey se
pyar tak safar te karne ke liye hum aksar bich mein dosti ke sahara
lete hain.. So Friendship ke bagair kanhi na kanhi pyar adhoora hai.
Fir dono ke bich friendship hui, fir…..
“ Uske aage ki story aapko khud Chandra hi batayega…”
Chandra:-
Main Chandra hun, main West Bengal ke ek chote se town se hun.
Main bhi unhi ladko main se tha jo pyar sabd ka Mazak udata
tha,mujhe lagta tha iss jhuti duniyaan mein “Love is only the waste of
time”, Shayad maine kabhi mehsoos nahi kiya tha uss leher ko, par
jab moon ko pehli baar dekha to bina kuch soche hi ek toofan sa utha
dil main, wo sare soch jo pyar ke liye the mere man mein, jaise ek pal
main badal gaye, uski aankhon mein kuch tha aisa jo ek pal me mera
dil uska hogaya..
Main pehli bar moon ko college ke lab pe dekha, class khatam hone
ke baad jaane ke time moon mujhe boli ‘side please’. Usne mujhe
dekha hi nahi thik se aur wo mere aankhon se ojhal hone tak main
usko wanhi khada hua dekhta raha, Ye tha mera uske sath pehla
mulaqat.
Uss pehli mulakat me hi mujhe moon pasand aa gayi thi, Main usko
chor ke kuch bhi soch nahi pa raha tha, ek ajeeb sa pagalpan Chaya
hua tha, ‘Wo kitni khoobsurat hai’ main bas yahi soch raha tha…
Phir ek din tution me maine moon ko dekha, phir main apne ek
friend ko bola ki Moon mujhe bohot achi lagti hai, ‘usse pataunga’.
Kuch din baad mujhe pata chala ki Moon ko bahut ladke line maar
rahe hen. Man hi man main pyar kar lena aasan hai lekin use anjam
dena utna hi mushkil, competition tough tha.
Phir exam ke baad pehli baar hum dono ke bich baat hui, Moon
tution ke baad boli ‘hii’..
Aisa lag raha tha banzar zameen pe ek arshe baad kanhi phool khila
ho, Lekin ye ek ummid ki kiran thi mere liye,
Muskura ke mainebhi bola, ‘hiii’..
Moon boli, ‘tumhare paas kuch notes hain kya ?’
Main bola, ‘haan he..aur kuch note sir dene wale hen..’
Wo boli, ‘apna number de sakte ho?, note mile to dena’
Phir maine usse apna number diya.
Phir kuch din baad raat ko achanak ek sms aaya note ke liye, jisko
dekh ke khushi se nach ne laga, aur main reply sms bheja aur hum
chatting b karne lage uske baad.
Hum dono ka same group tha, to Moon college me uske paas mere
liye bhi ek jagah rakh deti thi.
Mujhe lag raha tha ke uski sayed kisi aur ke sath koi setting he, par
jab baat chit badhi to maine usse ek baar uss bare main pucha, to wo
boli ki wesa kuch nahi he.
Aise hi kuch din chalta raha to mere doston ne mujhe chidana suru
kar diye, toh mera bhi feelings badhne laga.
Ye dost logo ka hath pyar main bohot jyada hota hai, kabhi pyar na
hoke bhi inka asar aisa hota hai ki pyar ho jata hai, inka bas chale toh
banzar zameen pe bhi ghas ugwa le humse.
Dhire dhire mera feelings aur jyada badhne laga, aur main bas
mauka dekh raha tha ke kaise uske paas baithu, kaise use jyada baat
karun, kaise uska deedar karun.
Kuch din ke baad main pehli baar uske ghar gaya tha, usse note
deneke liye, aur uske gharme main sabse mila, ek acha mahol tha, sab
log ache the uske ghar main, Phir uske baad uske ghar jana suru ho
gaya..
Aise hi thoda jyada milna julna suru hogaya tha, kuch din baad
mere gharwalon ko bhi ye pata chal gaya ki mera uske sath geheri
dosti hai.
Wo mathematics pe kamjor thi, toh wo mujhe bolti thi ki usko
maths pe meri help chaiye, to mein usse help kiya. Aur phir agle
semester main math ka sab paper uski clear ho gayi.
Phir wo mujhe thanks boli.
Main bola, “thanks kis liye..”
Wo boli, “math me mujhe help karne ke liye.”
Main bola, “friendship me no sorry, no thanks.”
Thoda filmy hogaya, wahi saharukh wale dialouges, jispe aaj ki har
ladki ek smile to jaroor de deti hai.
Mere dost mujhe comment marne lage, aur mera feelings bahut
jyada badh gaya tha. Uski ek close friend thi, jiski naam poonam
he,usse bhi pata tha ki mera uske liye feelings he, to poonam mujhe
boli ki “dekho aisa nahi ho sakta, uske gharme uske liye already
marriage fix kar chuke he, uske ghar wale sab raaji hein, to wo bhi
majbur he raaji hone ke liye.” Ye sunke ek pal ke liye jaise mere
ummidon ko halki si thokar lagi.
Kuch din baad wo bhi humare ghar aayi, aur uske baad uski bhi
humare ghar aana jaana suru ho gaya. Hum dono ke ghar main hum
dono ke milne julne main koi dikkat nahi tha, sab kuch jaise bohot
aasan tha.
Aise hi 4 saal chalta raha, dhire dhire main din me 2 baar uske
ghar jaane laga. Har din sham ko main uske ghar jaata tha.
Aunty mere liye pokode banake mujhe khilate thi, uski choti
behen yani meri saali mere liye chawmin bana ke khilati thi. Aisa
mehsoos hota tha jaise ki mein unke pariwar ka hissa tha.
Ek din ki baat hai, Baarish ke mahine ka time tha, ek din hum saare
dost plan banae ke paas me ek museum hai, wanha ghumne jayenge
with all friends. Moon barish me bhig gayi thi aur ekdum mast lag rahi
thi. Usse dekh meri ankhe kanhi aur dekhne se inkaar kar rahi thi.
Maine bola “ek photo le lun tumhari?”
She said “no”
Wo aur sabhi ke sath photo uthayi, siwaye mere.
Maine use pucha “Mere sath kyun nahi?”
Wo boli “sab dekh rehe hein”
Mere mann me sawal aye aur thoda shak hua, “something
something…” Miane socha kuch toh baat hai, jo mujhe nahi pata hai.
Dhire dhire wo bahut jyada ghulne milne lagi thi mere sath, uske
baad uske ghar aur humare ghar me aana jana aur bhi badh gaya tha..
Wese is story main aur ek character he, uska naam Rohit he. Uske
ghar wale aur Moon ke ghar wale un dono ke shadi unke choti umr se
hi teh kar chuke the. Aaj ke waqt main bhale hi aisi cheese Mazak lage
lekin ye ek bohot hi bada turning point tha. Isliye Moon us ladke se
bich bich baat karti thi, kyun ki uske ghar wale te kar chuke thee, toh
uski majburi thi.
Usi bich Exam bhi khatam ho gaya, aur usi time jyada tar moon ki
phone waiting aane lagi, maine socha ki wo dono raaji hain.
Maine poocha Moon se, “kya tum bhi raazi ho marriage ke liye?”
Moon ne kahi, “no, wo dekhne me bahut kala he, par ladka acha he.”
Uske iss jawab se jaise dil baith gaya, Maine socha chalo mera pyar
one sided tha, rehne hi deta hun yaar, aise zindagi bhar.
Mere sabhi dost mujhe bolne lage, kya yaar itna pyar karta hai use,
ek baar usse “I Love You” nahi bol sakta?
Kanhi na kanhi mujhe dar tha usse kho dene ka, Main uski dosti
khona nahi chata, usse alag rehna shayad mujhe manzur tha lekin uski
nafrat shayad main kabhi nahi jhel pata.
Issliye Maine bola, “jo ab mumkin nahi he, usse rehne dete he,
Friendship is the best relation…”
Exam khatam ho gaya tha, aur uske baad us ladke ke sath Moon ki
marriage bhi finally cancel ho gaya, mujhe pata nahi kya reason tha
lekin shayad unn dono mein koi problem tha.
Collge life khatam ho chukka tha. Then ek din usne achanak se
kaha, “mujhse wada karo koi nasha wali chij nahi khaoge.”
Maine bola, “ok”.
Engineering to khatam ho gayi, ab hum sochne lage ke kya
karenge? finally maine ek 6 month ka course karne ka faisla kiya, wo
bhi boli mere sath course karne jayegi. Maine admission le liya
Kolkata ke ek institute me, par kuch financial problem ke wazah se wo
admission nahi le payi.
June ka mahina tha, aur ye time mere life ka sabse khusnaseeb
waqt tha.
Ek din sham ko uski call ayi, aur maine call back kiya, aur bola,
“Kya hua moon?”
Usne kaha, “mujhe bahut tension lag rahi hai, kya karun kya nahi..!
Tum bhi chale jaoge ab, main toh puri akeli ho jaungi.”
Then wo achanak se rone lagi.
Main bola, “kya hua re.”
Wo boli, “kuch nahi, bas I miss you.”
Maine bola, “ohoo… main to chala jaunga, tum yahan koi coaching le
lo, ek saal ke andar tumhari marriage bhi ho jayegi, phir tum bhi toh
mujhe bhool jaoge.”
Wo boli, “main shaadi nahi karungi kisi se, khus nahi reh paungi kisi
ajnabee ke sath.”
Maine bola, “toh kiske sath shaadi karoge, ya phir shaadi nahi
karoge.”
Usne Kaha, “Tumse”
I was speechless at that time, achanak se meri saansein jaise kuch
pal ke liye ruk gaye, dimag ek dum se khali hogaya, kya sochu, kya
kanhu kuch samajh main nahi aa raha tha. Ek lamhe mein jaise
hazaron sawal the mere andar,Phir kuch second baad maine bola,
“kyun???”
Wo boli, “Mujhe pura yakeen hai ke main sirf tumhare sath hin khush
rahungi”
Maine bina kuch soche hi boldiya, “ok”
Uske baad main aur kuch nahi bol paya, bas bola kal baat karenge.
Saasein tez thi Par andar hi andar main itna khus tha ke bayan nahi
kar sakta. Aisa lag raha tha jaise corodo khushiyaan ek sath
angdaiyaan le rahi thi mere daman mein.
Main bahut khus tha, agle din maine Moon ko “I Love You” bol
diya.. Usne pucha kya tum bhi mujhe pyar karte ho? Maine kaha aaj se
nahi balki “main engineering life ke pehle din se hi deewano ki tarah
tumhe chahta hun, bahut pyar karta hun.”
Wo boli, “pehle se kyun nahi bole ye baat haan!”
Maine bola, “yahi sochta tha ke, sayed tum mujhse naraj ho jati,
shayad waise milne na aati ya phir bat hi nahi karti. Phir tumhari
shaadi bhi teh ho gayi thi, upar se tumhare ghar main bhi sayed bura
maan jate, sochte ke ghar aa ke ladki ko fasaya. Itne sare parishani thi
mere samne, main kya karta. Tum soch bhi nahi sakti kitni takleef hoti
thi mujhe aise roz pass hoke tumse door rehne main.”
Aise hi humari love story ki suruwat hui thi, ab toh hum aur bhi
jyada milne lage the. Pehle jab milte the tab kuch alag tha, ab uski
aankhon main ek alag sa chamak thi. Uske aankhon main mere liye wo
pyar dekhke Mujhe iss duniya ka sabse khusnaseeb insaan jaisa
mehsoos hota tha.
Uske baad main kolkata chala gaya, aur Moon yahan coaching lene
lagi apne home town main hi.
Dhire dhire humara pyaar aur bhi gehra hota gaya. Main din me
class jata tha, bich main jab bhi waqt milta tha hum chat karte the, har
din ki padhai khatam hone ke baad hum raat ko 10 baje ke baad baat
karte he, karib 1-2 baje tak. Kehne ko meri zindagi meri thi lekin
uske siwa maine kabhi jeene ka socha bhi nahi tha. Wo mere pass nahi
thi lekin din se raat tak aisa koi waqt nahi tha jab wo mere khayal main
nahi thi.
Phir wo har waqt puchti rehti thi ke kab aaoge yanha, aaoge kab?
To main har mahine ek baar kisi bhi bahane se jaane laga usse milne,
phir dhire dhire mahina 15 din hone laga. Mere padhai se jyada
baicheni usse milne mein hoti thi. Aisa lagta tha kabhi kabhi ke bas
uske pass hi reh jaun, ek lamha bhi uske bina jaise chubhta tha.
Main jab bhi uske paas jata tha, wo mujhse apne Bf nahi balke apne
pati ki tarah pesh aati thi. Jaise ek alag sa rishta tha humare bich, iss
janha ke sare rishton se khas, kuch jyada gehra. Wo humsha mujhe
bolti thi, “tumhare liye ye banaya hun, wo banaya hun, khao.”
Pata hai jo jo chiz main apne zindegi main kabhi khana toh door,
chakha bhi nahi hun, wo sab bhi main kha leta tha, bas uske pyar ke
khatir, uski khusi ke liye toh mujhe zeher bhi manzur tha.
“pyar mein deewangi honi chahiye, jisse bhi pyar
karo usse itni siddhat se pyar ke wo zindegi bhar
ke liye tumhara deewana ho jaye…”
--- “ AJIT ”
Ek din main uske sath chat kar raha tha, par wo uss waqt humare
ghar aayi thi,par mujhe nahi pata tha.
Phir wo achanak mere sms ka reply nahi di, kuch der baad maine usse
kain baar phone kiya, par wo phone ka bhi jawab nahi di, main thoda
ghawra gaya.
Phir ek sms kiya, “kahan ho moon, thik ho to?”
Par wo sms mere gharwale dekh liye, phir mere ghar se phone aaya
aur mujhe sab chidane lage, main thoda sa sharmane laga then maine
baat ko manage kar liya. But mein sochta tha ghar main sab jan chuke
hain phir bhi koi mujhe kuch kehta kyun nahi tha? Shayad gharwalon
ko koi dikkat nahi thi mere rishtey se?
Humara itna milna julna dekh kar unke ghar me bhi hum dono ka
shadi ka khayal aya tha. Kyun ki hum dono kuch iss tarah milte the
jaise dono bas ek dusre ke liye bane the.
Wo kabhi kabhi bolti thi ke,“tumne mere gharwalon pe koi jadoo
kar diya hai kya? Har waqt bas tumhari baatein karte rehte hain.
Mummy toh jaise tumhe apni Damnad banane ke liye uchal rehe he.”
So main khush tha, kyun ki sab rishtey main jo sabse badi
parishani hoti hai wo mere rishtey main tha hi nahi, kehte hai shadi
sirf ladki se nahi uske gharwalon se bhi karni padti hai fir jake milta
hai pyar. Mera rashta ek dum saf tha, maine apne suhane zindagi ke
sapne bhi bunne suru kar diye the, bas mere job ho jane ka intezar
tha.
Ab hum dono ka ye jo pyara sa bandhan tha woh aur bhi gehra ho
gaya tha, hum apna har baat ek dusre se share karte the, har waqt
phone ya sms pe baat karte the. Ek dusre ke bina ek pal bhi jeena jaise
na mumkin ho gaya tha. Doori jaise bohot choti lagne lagi thi hume.
Aise hi chalta raha humari pyar ki kahani. Mujhe uski gaalon ko
pakadna bahut acha lagta tha, aur usko mere balon ko sehelana.
Humari dastaan kuch aisi thi jaisa na maine kabhi socha tha na suna
tha. Mere liye moon duniya ki sabse haseen ladki thi aur humari
kahani sabse achi pyar ki kahani thi.
Dushera ka time tha, aur kolkatta me to dushera bahut shaan se
manaya jata hai. To uske family aur mere family mil ke kolkatta
ghumne jaane ka plan banaye.
Main to Kolkata me tha, so paas me ek hotel me sab ghar wale
ruke, phir do din pura din bhar hum sabhi ghume lag gaye, agle din
ghar wale bole ki wo thak gaye he, aur ghumne nahi jayenge, to moon
aur main dono ghumne gaye aur bahut masti kiye. Ye sab jaise mere
liye sapna tha. Kisi bhi ladke ke liye aisi zindagi kisi sapne se kam nahi
tha.
Phir agle din main moon ko wahan ke mere kuch doston se milane
le gaya, humare institute me hum 6 logon ka ek group tha, jisme do
couple the aur baki ke ek ladki thi jo ki bahut sundar thi par wo mere
piche padi thi.
Par ye baat maine moon ko nahi batayi thi, isliye kyun ke wo bekar
me parishan ho jati aur jyada sochne lag jati. Pyar chahe kitna bhi
gehra ho lekin jab koi ladki bardast nahi kar pati hai ki uske pyar ko
koi aur chahe. Chahe jitna viswas ho usko uske pyar pe lekin ek ladki
ke zehen main humesha ek dar hota hai uske pyar ko kho dene ka, koi
apna pyar baantna nahi chahta. Par us din moon ko pata chal gaya ki
wo ladki mujhse pyar karti thi.
Phir laut te waqt moon mujhse baat nahi ki, maine kaha ki, “tum
bekar me hi jyada soch rahi ho, isiliye nahi bataya tha.”
Wo gushe wali awaz main boli, “kuch bhi ho, mujhse chupaye
kyun.”
Phir agle do din tak wo mujhse baat nahi ki, bohot naraz thi wo, aur
ye do din mein mujhe uske bina jeena kitna muskil he ye ehsas hua.
Phir agle din maine phone kar ke usse sorry bola, aur bahut muskil
se manaya.
“ Pyar ko aaj tak koi nahi samajh paya, kabhi ye
hasata he, to kabhi rulata he, par kabhi kabhi
bahut satata he. Par hum sab ka jeene ki wajah
bhi yahi pyar batata he …”
--- “ AJIT ”
Diwali pe main ghar aya tha, hum dono unke chatt ke upar the.
Main achanak se Moon ke hath ko pakad liya, aur mujhe 440v ka
jhatka laga wanha.
Wo boli, “haat kyun pakde ho?”
Maine bola, “aise hi”
Wo boli, “Agar aaj iss hath ko pakde ho, toh phir bich main kabhi ye
hath chod mat dena.”
Ek din usne kaha ke, “Ki wo mujhse Bohot pyar karti hai, Mere bina
uske jeene ka koi wajood nahi”
Aur main uss din utna khush tha, ke mere ankhon se lekar mere dil
tak banaye janha pe jaise mein udd raha tha…
October last me usse ek jagah pe job mil gayi, wo mujhe boli to
main bhi khus ho gaya, kyun ki job uska ek sapna tha aur uske khush
hone par aisa lag raha tha jaise mera koi sapna sach hogaya tha. Wo
join ki, training ke liye, aur post niklte hi job pakka tha.
December me ek exam tha kolkata me, wo boli, “tum ghar aao,
main tumhare sath jaaungi.”
So main ghar aaya tha, phir exam ke ek din pehle raat ko hum bus
main jaane wale the.
Phir bus me paas me baithe the, light off ho gaya tha, Hum baat kar
rehe the humare ane wale kal ke bare main. Bich bich me main uski
gaal pakad ke bolta tha, “chigi wigi, parishan mat ho sab thik hoga..”
Wo boli, “aaj bahut sare baatein karenge.”
Maine bola, “ok”
Phir hum bahut saare baatein kar rehe the, suddenly usne mera
hath pakad liya, and again I feel 440v ka jhatka.
Maine bola, “tum aaj mere hath pakde ho, chodogi toh nahi na!”
Wo boli, “main kya pagal hun jo tumhara hath chor dun, kabhi bhi
nahi.. tum agar shadi nahi kiye na toh bahut marungi tumhe, par
bilkul nahi chodungi tumhara hath.”
Suddenly I feel so happy and so special.
“Pyar ek aisa chiz he, jisme humein apne aap ko
kisi aur ke liye special feel hota hai.. aur agar wo
feelings na ho to wo pyar sacha nahi hota…”
--- “ AJIT ”
Phir exam khatam hone ke baad hum wahan ke ek mandir gaye the,
main bhagbaan se bola, “thanks bhagbaan mere zindegi ko khusiyon
se bhar dene ke liye, mujhse kabhi bhi meri moon ko alag mat
karna…”
Agle din hum ek sath ghar aaye. 2din ke baad main phir se kolkata
chala gaya.
Kuch din baad uski aur ek exam thi, wo boli, “aao, warna mujhe akele
hi jaani padegi.”
Main socha, kya karun yaar, kuch hi din pehle ghar se aaya hun,
abhi phir kaise jaaun? ghar me bolenge baar baar kyun itne dur se aa
raha he.
Phir majburan ghar me jhut bolna pada, maine ghar me bola ke
kuch document lana he, ek interview he.
Ghar pe us din mama ji ke ghar janewale the, main us din subha 5
baje ghar pahuncha aur naha dho ke 6 baje uske ghar pahunch gaya,
par ghar me bol diya tha ke main kolkata wapas chala jaunga. Uss
waqt ko maine kaise sambala tha ye sirf mujhe pata hai.
Uski exam dusre ek town me tha, so hum 10am ko unke ghar se
nikle.
Phir uski exam khatam hone ke baad waha 1 ghanta ghume aur
phir raat ko 8 baje ghar wapas pahunche.
Mujhe agle din subha jana tha, so main ek dost ko bola ke raat ke
liye mere rehne ka intejam karne ko.
Par raat ko 8 baje uske ghar pahunch ke waha khana kha ke aate
aate 10 baj gaya the, friends ke room aakar dekha to door close ho
gaya tha. Phir kya karun, majburan raat ko wapas Moon ke ghar jana
pada, aur wahan pe raat pe ruka.
Agle din subha uth ke wapas chala gaya. Thandi ka mausam tha,
bahut thand bhi lag raha tha.
15 days ke baad new year tha.
Usne kaha, “Ye humara pehla new year hai, aur ye new year mujhe
tumhare sath bitana hai…”
Main socha ab kya karun, phir se kaise ghar jaun? maine mana kar
diya. Badi durbidha thi. Pyar bas lagta meetha hai par akhri waqt tak
kitne kaanton se guzarna padta hai ye sirf maine dekha tha.
New year ke din, raat ko maine phone kiya, waise main usse sabse
pehle wish karta hun, main jab tak wish nahi karta hun tab tak wo kisi
aur ki phone bhi nahi uthati hai.
Main raat ke 12 baje phone kar ke wish kiya aur baat kiya, usne
phir se pucha ek gambhir awaaz main, “aaoge ke nahi ”.
Maine bola, “nahi”
Wo boli, “agar aaoge to baat karungi warna nahi ”
Subha wo phirse phone kar ke puchi, “aaoge ke nahi”
Main bola, “nahi”
Par tab tak maine ghar jane ka plan bana liya tha, aur usse surprise
dene ka program bhi bana liya tha.
Phir main karib 4.30 baje ghar pahuncha aur phir thoda fresh ho
ke 5 baje uske ghar pahunch gaya.
Ja ke dekha to wo gusse se apni muh phula ke bethi he, Bilkul aise
hi surprise deen ka plan tha mera, Jaise hi usne mera chehra dekha
achanak se sukhe se chehre pe jaan ayegi, muskurane lagi, bohot badi
khushi thi ye uske liye, phir uske baad uski nautanki suru ho gayi, par
main uski gaal pakda aur usse mana liya.
Waise ye ladkiyon ki nautanki karne ki aadat nahi jaegi. Chahe aap
kuch bhi karlo. Ye unke khoon main hota hai, par uski wo
nautankiyaan mujhe bohot pyari lagti thi.
Phir wo aur main ek park gaye ghumne ke liye.
Wahan pe hum bahut sare photo liye apna aur jhule me baith ke
jhula bhi jhule.
Moon boli, “chalo boating karte hein”
Phir hum boating bhi kiye.
Phir hum park me ghum rehe the, achanak wo boli, “thoda edhar
aao toh”
Main bola, “han bolo”
Wo boli, “I am lucky to have you, and you are my lucky star. Tumhe
paake aaj aisa lag raha hai jaise main poora ho gayi”
Suddenly I feel so happy, aur ye wo pal tha jise main kabhi bhul
nahi sakta, kyun ki meri zindagi main aise hi kuch pal he jisse me
zindegi bhar kabhi nahi bhul sakta. Ye pal mujhe mere hone ka ehsaas
dilate hain..
“ Humare life me kuch pal aise aate hain, jo aate aur
chale jaate hain, par wo pal humare dilon main kuch
aise bas jaate hain, jo aakhri saanse tak hume yaad
rehte hain…”
--- “ AJIT ”
Aise hi time bit ta gaya, wo office jaati thi aur aate time mujhse
phone pe baat karti thi, office ke baare me sab baaten bolti thi. Kuch
din ke baad main kolkata se wapas home town aa gaya, aur yahan pe
competitive ka preparation suru kar diya.
Pehle jab main Kolkata me rehta tha aur jab bhi ghar aata tha, to
wo bahut khus hoti thi, par jis din wapas Kolkata jata tha uss din jaate
waqt uske sari khushiyaan usse jaise khafa ho jati thi, wo gumsum
rehti thi aur uski aankhon ke aansuon ko dekhta tha toh aisa lagta tha
jaise ankhon se nikal ke wo mere dil ko rok rahe hain na jaane ke liye.
Par ab main apne home town pe wapas aa gaya tha to hum dono
phir se roz milne lage, aur wo bhi bahut khus thi.
Phir kuch din baad wo ek section se dusre ek section me gayi,
experience ke liye. Ye shayad uske zindagi ke liye bohot zaroori tha
lekin iss kisse ne meri puri zindagi badal ke rakh di. Uss din ki hawane
meri zindagi ka rukh humesha ke liye badal diya. Then my life changed
forever…
“Hawa, pani aur zindegi, iss duniya main kuch bhi
humesha thehrta nahi hai, zindagi ka modd kabhi
bhi badal sakta he, yeh waqt kabhi bhi apna muh
mod sakta he, so har lamhe ko khulke jio, muskurao
aur mehsoos karo…”
--- “ AJIT ”
Uske baad story main ek naya character aaya, jiska naam tha
Yoshbant, wo mere life me ek villain ki tarah aaya tha aur meri zindagi
ka rukh meri aankhon ke samne hi mud gaya..
Wo ladka moon ko us dusri section me mila tha, aur suru se hi uske
piche pad gaya.
Moon us ladke ke section me uske guidance mein kaam sikhne gayi
thi.
May ka mahina tha, jab yoshbant pehli baar moon ke ghar aaya
tha, ye baat sunke mujhe thoda ajeeb laga. Main parishan hone laga.
Us din uske ghar walo ko pata chala ke agar wo ladka chahe toh
asani se moon ka promotion ho sakta hai, yoshbant ki pohonch upar
level officer tak ki thi, jo moon ka promotion karwa sakte the.
Ye baat moon ke ghar wale janne ke baad moon ko uss ladke ke
sath thoda milne ko bole aur bich bich me usse ghar bhi bulane lage.
Ye sare cheese meri aankhon ke samne ho rahi thi phir bhi chup
tha. Kyun ki kanhi na kanhi ek aisi majboori thi jo mujhe rok rahi thi.
Moon unki ghar ki badi beti thi, aur uski koi bhai bhi nahi the, so uske
upar pure ghar ki jimedari thi. Na chahte hue bhi ye sab bardast karna
meri mazboori thi. Main bas Moon ki khushi chahta tha, kyun Moon ke
liye yeh job bahut important thi.
Dhire dhire wo ladka hafte main 2-3 din moon ke ghar aane laga,
aur unka milna julna badh gaya.
Moon mujhe bolne lagi ki, yoshbant usse sms kar raha he to usse
bhi majburan ek do sms karne pad rahe hain. Meri zameer ko chot
pohonch rahi thi, ye kaisa kausati hai janha main itna majboor hun.
Mera bas chalta toh Moon ko kabhi ye job karne hi na deta.
June mahine me dhire dhire humare bich jhagde suru hone lage,
kyun ki mujhe acha nahi lag raha tha moon us ladke ke sath bebazah
itna jyada baat kar rahi thi.
Jab koi ladka kisi ladki se sacha pyar karta hai tab wo uske pyar ko
kisi aur ke sath itna waqt bitate nahi dekh sakta, nahi baant sakta hai.
usse bhi jalan mehsoos hoti hai ye dekh kar. Par ladkiyan is baat ko
nahi samajhte hain aur ladko ko mean minded samajhti hain. Lekin jab
ye baat khud unke upar aati hai tab hume hi dosh deti hai. Zindagi bhi
kitne ajeeb lagte hain aise halat main.
Dhire dhire mere paas moon ke sms es bhi kam aane lage.
Main usse puchta tha to wo bolti thi ki, “10 am to 2 pm office jati
hun, 4pm to 6pm tuition phir sham ko khana bhi banana padta hai,
phir raat ko to sms karti hun”
Ye jawab kanhi se bhi sahi nahi tha toh Maine bola, “pehle bhi to
wahi office, ghar ka kaam, sab kuch wahi tha, phir bhi hum log 24
ghante sms pe baat karte the, phir aaj sab kuch kyun badal gaya.”
Waqt jaise badal ne laga tha, itne sare sawal the mere andar jinka
koi jawab nahi tha. Itne sare uljhan ke bich wo sari khushiyon ke
yaadein jaise dhhere dheere ojhal ho rahi thi. Agar Ek insaan kabhi
badalta nahi tha aur achanak se halat aur waqt ke sath uska rawaiya
badalne laga hai, to yun samajh lo ki baat tumhari haat se nikal rahi
hai, wo mujhse door ja rahi thi, aur main kuch nahi kar pa raha tha.
Agar do insaan ek hi raashtey pe sath chal rehe ho, aur unme se koi
ek achanak se apna rashta mod le, to us insaan ko phir se apne pass
lana almost namumklin hota hai.
Aise hi baaton baaton me humare bich jhagda badhne laga. Ek
din ki baat he, main apna coaching band kar ke uske ghar gaya. Wo
bhi us din office nahi gayi thi. Mujhe uski phone ki password pata tha,
to maine check kiya, aur achanak se shock ho gaya. Moon ke phone
me uss ladke ke sath raat ke chatting sms history tha. Tabhi main
samjha gaya tha ki isiliye wo mujhe raat ko jaldi bolti thi ke usse nind
aa rehi he.
Main uss din bahut roya, uss din mujhe laga maine usse pura kho
diya he.
Wo mere saamne aayi, aur boli, “please don’t cry, sorry aisi galti
phir se nahi hogi, main kya karti, wo itne bade officer he, mujhe
ehmiyat de rehe he, unko din me time nahi hota he, so raat ko
message karte he.”
Main bola, “Its ok, but ye chatting karne ka waqt nahi he, wo tumhara
boyfriend nahi hai, kuch cheeze sirf mere liye hain.”
Wo muskurane lagi aur kehne lagi ke aaj pata chal gaya ke tum
mujhse kitna jyada pyar karte ho, thank you so much my chandra.
1 hafte ke baad wo boli ki, “meri sms pack khatam ho gayi he.”
Main bola, “ok, sms pack dalne ke baad sms karna.” Maine socha itni
bhi baat nahi hoti ke uska sma pack khatam ho jaye, mujhe thoda shak
hua.
Phir main uske ghar gaya tha aur chupke se uski phone check kiya,
dekha ki 250 sms he, maine kuch nahi bola, phir market gaye the
dono, market se laut te waqt maine usse pucha sms pack hai? Wo boli
nahi hai, main firse pucha, wahi same jawab mila.
Main bola apna phone dikhao, wo boli nahi, main uske haat se
phone jabardasti le aaya, toh dekha to wo apni password change kar
li thi. Kitna takleef hota hai uss waqt, jab aap ko lage ke jiske upar aap
ka sabse jyada haq hai wahi aap pe bhorosha hi nahi karti.
Maine phir se pucha sms pack he ke nahi, wo boli nahi.
Main bola, “sim nikal ke check karun?”
Wo boli, “thoda sa he”
Main bola, “usse sms karke baat kar rehi ho, par mere liye sms nahi
hai.”
Gusse se main uski phone ko phenk diya, par by mistakenly phone
ja ke uski sarr me laga.
Wo achanak rone lagi, aur boli, “Tum kitne mean ho, kisi aur ke
sath baat karna pyar nahi hota, unke liye kya ladki kam he, wo to
mujhe apna naukrani bhi nahi rakhenge. Wo unke jagah hein, aur tum
tumhare jagah, main to sirf job ke liye unke sath ghul mil rahi hun.
Main to tumse hi shadi karungi bol rahi hun, tum kyun itna jyada soch
ke parishan ho rahe ho, padhai thik se karo aur job karo phir rishta
lekar aana, warna mujhe majburan kisi aur se shaadi karni padegi.”
Uske iss jawab ne jaise mera dil hi tod diya tha. Jo cheez main usse
sapne main bhi sun nahi sakta wo usne muhn pe bol diya. Dheere
dheere samajh raha tha main zindagi ke badlab ko, par haalat bhi toh
mere sath nahi tha, kya karta main, sunke bhi chup tha uss din.
Main kaha, “kya job hi sab kuch he, pehle sirf mujhse baat karte the,
aur kisi se bhi nahi, par ab mujse muh fer rahi ho, aur pehle sirf mere
sibah kisi aur se shaadi nahi karogi bol rehe the, par ab majburi me
shaadi karni padegi.” Kya hai ye moon?
Yeh ladkiyaan aise hi hai, wo apne pyar ke liye kuch bhi karenge,
par jab baat unki kalki aati he tab wo sirf apne zindagi ke bare me
sochte he.
Main moon se bola, “tum yoshbant ko bata kyun nahi dete ke tum
mujhse pyar karte ho.”
Wo boli, “nahi, aise mein wo galat samjhenge mujhe. Ek baar
promotion ho jaye phir to wo apne raaste aur hum apne, tum parishan
mat ho.”
Isme galat samajhna kya, agar koi kisi se sacha pyar karti ho to
duniya se chupana kya. Jab humare gharwale jante hain toh wo kaun
hain jisse tum dar rahi ho.
Par yoshbant ke rawaiye se pura pata chal raha tha ki, wo moon se
pyar karta tha.
Wo ladka ab roz moon ke ghar aa raha tha. Ye sab dekh ke mera
parishani khatam hone ka naam nahi le raha tha. Kisi aur cheez pe
mera man hi nahi lag raha tha.
Mera ek bohot hi khas dost hai, jiska naam je Soumyajit. Main apni
parishani uske sath baantli. To soumyajit ne kaha, “aare bhabi ko bol
ke job ke liye uske sath mil rehe he thik he, par kuch had toh rehena
chahiye, bhabi ko thoda samjha, warna ek kaam kar, tu bhi kisi ladki
se baat kar, sayed unhe bhi jalan mehsoos ho aur unko tumhare baat
samajh me aa jaye.”
Main bola, “main chahta to wese kar sakta tha, par mujhe koi
shok nahi he kisi aur ladki se baat karne ka.”
Soumyajit bola, “kuch bhi ho, par ye jo raat me baat karne ka
tarika bilkul bhi thik nahi he, aur bhabi tumhe jo jhut bol rahi hain wo
bhi thik nahi he.”
Phir main soumyajit ke girlfriend yani mere bhabi se bhi baat kiya,
unhe bhi bataya sabkuch, wo bhi bole ke, “thoda samjhao unko, ya
phir tum dono kahin akele jao aur ye problem ko suljhao. Aur tension
mat lo sab thik ho jayega.”
Phir kuch din baad humare hometown mein ek tyohar tha, jo ki
10-12din chalta he, har saal hum sath me iss tyohar pe ghumne
jaate the.
Main apne behen ke ghar gaya hua tha, waha se lauta to 3-4 din
bacha tha uss tyohar ko khatam hone main. Par iss baar wo mujhe ek
baar bhi nahi boli ke chalo ghumne jayenge, par uss ladke ke sath jaa
ke ghum chuki thi wo. Maine bola ek baar toh chalo, tyohar khatam ho
jayega, hum har saal sath ghumte hain aur iss baar mere sath ek baar
bhi nahi gayi.
Dhire dhire maine dekha wo mujhe avoid karne lagi he, aur bahut
jhut bhi bolne lagi, aisa lag raha tha jaise uske zindagi main ab meri
koi jagah nahi thi.
Ek din dekha moon uske sath office se laut rehi he, Jo jo chiz ke liye
wo mere sath waqt bitati thi, ab wo sab kuch badal chuka tha. Aise
mein roz humare bich jhagda hone laga, aur na koi samajh thi, nahi
thik se baat chit ho rahi thi. Kya ho raha tha kuch samajh main nahi aa
raha tha.
Kuch din baad uski ek exam thi, wo boli office ke gaadi se jaegi aur
aayegi bhi.
Main bola, “ok, barish bhi ho raha he in dino, to thik he chali jao.”
Exam ke din subah ko wo sms ki, “aao thoda, mujhe bus stop tak
chodd dena.”
Main sms kiya, “ok, aur waha pahunch ke bata dena ke tume lane jaun
ke nahi.”
Wo sms ki, “ok”
Phir main usse mere bike pe baitha ke uske ghar se bus stop ja raha
tha, raste pe yoshbant ka phone aya ke wo bus stop pe he.
So moon mujhe thoda door par rukne ke liye boli, par maine pucha
kyun? Maine uski baat nahi mani aur ja ke bus stop pe ruka. Yoshbant
hum dono ko sath dekh ke gusse se moon ko kuch bola, to moon thodi
parishan si lag rahi thi. Maine usse bola, “main agar kuch problem kar
raha hun to bolo, mujhe ye sab acha nahi lag raha.”
Phir wo bus se chali gayi, main wait kar ke raha uski call ya sms ka,
phir main bus stop gaya dekhne ke liye wo aayi ki nahi, phone bhi nahi
utha rahi thi wo.
Phir mujhe jhatka sa laga ye dekh kar ki Moon aur wo ladka ek sath
aa rahe the.
Uske baad phirse jhagda hua uss baat par, maine kaha, “tumhare
personal life main wo kyun ghush raha hai, kyun bata rahi ho apni niji
zindagi ke bare main usse. Wo tumhara office staff he, to usse office
staff ke tarah rehne do. Boss hoga wo tumhara office main, lekin
office ke baad tumhari mere liye kuch jimmedari hain. ye koi office ke
kaam se to tum nahi gaye the, kya tumhari personal kaam pe bhi wo
tumhe lane jayega. Usse mana nahi kar sakte the.”
Wo boli, “kaise mana karti.”
Main apne aap sa kaha, choro yaar, usne apne dimag aur irada
dono badal diya tha.
Idhar mera bhi 4-5 exam sab barbaad ho gaya uski iss parishani
ke bich, saalon ki padhai aur mehnat sab bekar ho rahe the. padh bhi
nahi paa raha tha, pagal jaisa lag raha tha, ye sab dekh ke.
Main ye sab baat soumyajit ko bola, wo bola, “chod yaar tension
mat le, ye sab baat jitna sochega utna hi bura lagega, dekh ab wo
tumhara kuch bhi baat nahi maan rehi he, toh tu bas chup chap reh ja,
aur kuch mat bol, agar wo tumhari hogi to usse tumse koi nahi chin
sakta, aur agar na ho to….”
“Duniya me sab koi aazad hai, tum kisi cheez ko
pakad ke zabardasti apne pass nahi rakh sakte. so jo
jahan jana chahte he jaane do, agar wo apni hogi toh
kho ke bhi wapas laut aayegi, aur agar wapas nahi
aayi to ye soch lena wo tumhari kabhi thi hi nahi...”
--- “ AJIT ”
Phir main bhi chup chap rehne laga, usse kuch bhi nahi bola, thoda
aaram se baat kiya, par mann se parishani nahi gayi thi, waisi hi
ghabrat ro rahi thi, wahi dar tha.
Moon jhoot ke upar jhoot bolti rahi, har baat ko batangad banane
lagi, aur bolne lagi, “tum aise ho, tum waise ho.” Tum ye nahi karte,
tum woh nahi karte, ek tarah se jo pehle tha wo jaise khatam ho
chukka tha. Main usse pehchan nahi pa raha tha ki ye wahi ladki hai
jo kabhi mujhse beinteha mohabbat karti thi. Kya ye wahi hai?
Maine kaha, “ok, kaun acha he aur kaun bura he, kaun kiske saath
kya kar raha hai yeh baat aaj nahi to kal pata chal hi jayega. Mujhe
pata he tumhare zindagi main mera ab koi ehmiyat nahi bacha, shayad
tumhara pyar khatam ho chukka hai mere liye…” andar hi andar jaise
ro raha tha main uss waqt.
Wo thodi chidd gayi aur boli, “ohooo, no. we are just friend…”
Maine bola, “haan, office staff se dosti, aur dosti se pyar hone me
kitna waqt lagta hai. Aaj mere paas naukari nahi he isiliye aise kar rehi
ho, par ek din jaroor iss baat ko soch ke pachtaogi, ki uss job se jyada
kimti zindagi ki khushiyaan hoti hai, wo rishtey hote hain aur unke
sache maine hote hain, jo humare sath rehke humare hone ka ehsaas
dilate hain, uss din sochogi ke mere sath tumne kya kiya”
Kuch din baad mera Janamdin tha, raat ke 12 baje maine wait kiya
tha, par uski koi phone nahi aayi. Subah moon ki phone aayi par
maine receive nahi kiya, phir wo humare ghar aa ke pahunchi.
Mere liye ek shirt gift layi thi, uss shirt ko dekh ke main thoda khus
hua tha ke nahi phir se jaise mari khusi mujhse chin gaya, jab wo boli
ki wo shirt uss ladke ne pasand kiya tha. Ye sab cheeze mujhe jaise
pagal bana rahe the, itna jyada badlav jaise main jhel nahi pa raha tha.
Mere birthday ke din bhi wo pareshan lag rehi thi aur achanak apne
ghar chali gayi. Maine usse pucha bhi nahi kyun? Kisliye?
Mere liye itna khas din tha par pura din bhar mere liye thoda sa bhi
waqt nahi tha uske paas, sham ko hum log hotel gaye the, wahan bhi
wo chup chap thi. Jaise wo khush nahi thi. Harshal jaise ek ronak hota
tha uske chehre pe wo nahi tha bilkul bhi uss din.
Maine pucha, “kya hua”
Par wo boli “Kuch bhi nahi”.
Maine bola, “OK chodo, mere birthday pe main kuch jyada nahi bolna
chahta, ye din aaya he jisme main tumhe khone wala hun.”
Wo kuch nahi boli.
Aise hi mera birthday bhi ab tak ke sabse kharab birthday ban
gaya, mujhe pata tha ke mera love story khatam hone wali thi aur
main apna pyar ko humesha ke liye khone wala hun. Kyun ki badlav
kuch iss kadar tha janha se bapas lautna Moon ke liye namumkin tha.
Kal tak jin chizon ke liye main Moon ke sath rehta tha, aaj wo ladka
tha meri jagah unn sab hisson main. Roz roz ek ahista ahista ek
dardnak maut mar raha tha main, apni aankhon ke samne usse
mujhse door jate hue dekh raha tha main, tadap raha tha par meri
wo awaz uss tak nahi phonch rahi thi.
Dhire dhire Moon uske ghar walon ke samne aise dikhawa karne
lagi jaise main usko parishan kar raha hun, usko tang kar raha hun.
So uske ghar wale bhi sabhi mujhe bura samajhne lage, Rishta na
rehna alag baat hai lekin jinke sath ek pariwar ki tarah raha unse
bebazah bhorosha kho dena mujhe bohot takleef de rahi thi, bura lag
raha tha mujhe. Kis tarah wo sare rishton ko todne lagi hai.
Mere aankhon ke saamne wo mujhe avoid karne lagi aur kisi aur ke
sath ghulne lagi, ye sab na hi main dekh paa raha tha na hi seh paa
raha tha.
Wo bhi mujhe boli ke, “us ladke ko lekar uske ghar wale bhi bahut
khush hain aur usse khona nahi chahte.”
Ye sabkuch dekh kar mujhe pura yakeen tha ki moon bhi us ladke
ko chahti hai, warna wo mere alaba kisi aur ko soch bhi nahi pati.
Duniya se lad jati par aisa kabhi nahi kehti. Maine dekha ki moon uske
sath humesha khus reh rehi hai, aur mere sath bas Parishan.
Finally maine ek din teh kiya ke uski khusi ke liye main apna khusi
chor dunga, aur usse bahut door chala jaunga, ta ki wo apne zindagi
mein khush reh sake. Mein humesha usse khush dekhna chahta tha,
chahe wo mere sath ho ya phir kisi aur ke sath. Dard toh bohot ho
raha tha lekin uski khushi ko barbaad karke main usko hasil kar bhi
lunga toh bhi main khud kabhi khush nahi reh paunga.
Kuch din baad hum dono ka kolkata mein ek exam tha, main soch
raha tha ki hum dono ek sath jayenge par pata tha ki wo mere sath
jane se mana kar degi. Sare halat kis tarah badal rahe the main dekh
ke heran tha.
Admitcard nikalne ke baad main bola, “exam ke ek din pehle
jayenge”
Wo boli, “main nahi bata sakti kaise jaungi kiske sath jaungi, pehle
se koi wada nahi kar sakti.”
Mujhe pata tha ki wo mere sath nahi jayegi, maine socha ki yehi
sahi time hai uske life se door chale jane ka.
Pehle main sochta tha ki iss pyar main kabhi nahi padunga, ye sirf
waste of time hai, par pata nahi kaise ho gaya, phir bhi main aaj
sochta hun ke, “I love this waste of time, kyun ke moon ke sath jo
waqt maine gujare hain wo waqt mere zindegi ka sabse kimti waqt
he…”
Uske do din baad moon ke sath aakhri baar mulaqat hui thi meri.
Wo jitni khush thi utna hi udass tha main apne andar se.
Phir agle din subah 8 baje maine sms kiya, par koi reply nahi tha.
Phir 8.30 baje phone kiya to usne receive kiya.
Main bola, “hello, kahan ho!”
Moon boli, “raaste pe.”
Main bola, “bus stand ja rehi ho kya, bus kitne baje hai?”
Moon boli, “nahi, Kolkata pahunchne wali hun”
Main bola, “sms ek bhi nhi kiye, subah bhi nahi bole, pehle bhi nahi
bole ki aaj jaane wali ho.”
Moon boli, “hmm, phone rakhti hun, bye.”
Wo phone utha nahi rahi thi fir bhi maine 2 baar koshish ki, uske
baad 3rd time pe wo phone receive ki.
Maine bola, “aaj ke baad mujhe phone ya sms mat karna, tum
tumhare raaste aur main apne raaste. Tum mere bina khush ho, toh
koi zaroorat nahi mere sath ye jabardasti ka rishta rakhne ki. Tum
azaad ho, mere sath ghut ghut ke parishan rehke kisi rishtey rakhne ki
jaroorat nahi, kyun ke aise dikhawe ke bandhan main mujhe tum ko
nahi bandhna, nahi aisa rishta mujhe chahiye.”
Hum dono ne milke ye rishta iss liye banaya tha kyun ki iss rishtey
main pyar tha, meethas tha, ek dusre ke liye jeene ka wada tha, jab
wohi nahi raha toh kya faida. Tum azaad ho. Bye
Wo boli, “kya hua pagal, aise kyun ho rehe ho, ruko mujhe ulti aa
rehi he main pohunch ke phone karungi.”
Maine bola, “koi jaroorat nahi, its over, thank you & take care,
bye.”
Wo karib 7 din ke baad phone ki mujhe, sms bhi ki, par maine
pehle koi reply nahi diya, phir bas sms me kuch aise likh ke bheja
usse, jaise ki woh mujhe nafrat karegi aur mujhse door chali jayegi aur
khus rehegi.
Aisa hi hua, kuch din baad wo boli, “aaj se main tumhare liye mar
gayi hun.”
Uss din ke baad phir na hi wo mujhe yaad kiya aur na hi uske ghar
wale. Ek bacha hua dhaga tha jisse maine apne hatho se kat diya.
Ek waqt tha, jab agar main ek din bhi uske ghar nahi ja pata tha to
aunty mujhe daante the, bolte the daily 5min hi sahi, par daily aana.
Sabne ek pal main jaise paraya kar diya tha, bilkul akela ho gaya tha
main apne zindagi main.
Us din ke baad maine bahut roya hai, 1 saal bahut muskil se gaya
he, har waqt pagal jaisa lagta tha. Koi mere sath nahi tha, bilkul akela
ho gaya tha.
Chal ke mere ghar se uske ghar tak jata tha roj, ek kone main chup
ke khada ho jata tha sirf uski chehre ko ek baar dekhne ke liye. Us ki
ek jhalak se jaise mere andar ka insaan bohot khush ho jata tha. Chup
chup ke dekhta tha aur phir chala aata tha. Subah ho ya sham bas uski
ek jhalak pa ne ke liye main pagal ki tarah bhagta tha.
November khatam hone ja raha tha, mujhe ek acha job ka offer
aaya. Maine socha ki main sayed galat samjh raha hun, Job ho jaye to
phir se uske ghar jaunga aur maafi mangunga sabse aur phir shaadi ki
baat karunga.
December me achanak Moon ki phone aayi. Aur Phone pe uska
naam dekh kar main bahut khus ho gaya, aur phone receive kiya.
Moon boli, “kal ek bahut bada decision le li”
Main bola, “kya”
Wo boli, “unko shaadi ke liye mana kar di”
Main bola, “kisko?”
Wo boli, “Uske aur yoshbant ke bich koi jhagda ho gaya hai, aur
pariwaron ke bich bhi achi samajh nahi ban rahi hai, so maine usse
mana kar diya, par yoshbant mujhse pyar karte hein par unke
gharwalon ke against jana nahi chahte”
Main thoda dheemi awaz main pucha, “ohooo, kabse wo aur Tum?”
Wo boli, “haan”
Suddenly jo thoda sa asha mere mann me jaag utha tha wo phir se
mujhse chin gaya. Maine socha mera kismat bilkul bhi mere sath nahi
he. Mere ummiden shayad bas tootne ke liye hi bane hain.
“Being loved by someone is most beautiful feeling in
the world & being dumped by that someone is the
most painful feeling in the world…”
--- “AJIT ”
Phir wo boli, “pata nahi kasie ye sab ho gaya, tumhare sath ek din
bhi baat na kar ke reh nahi pati thi, par unke liye tume avoid kar liya.”
Phir wo rone lagi aur boli, “please Chandra, ho sake to mujhe maaf
kar dena, maine tumhare sath jo kiya bohot hi bura kiya, aaj mujhe
pata chal rehi he ki sach me kitna dard hota he kisi ko kho ke.”
Sab feel karte he ki kitna dard hota hai jab unko apna pyar nahi
milta, jab apne pe bit ti hai toh andaza hota hai ke aankhon ke samne
pyar khona kya hota hai. Usse pehle koi nahi samajh sakta ye dard.
Us waqt main kuch bolne ke haalat me nahi tha.
Kuch second ke baad bola, “mere sath aise kyun kiye, kya mere
chahat main koi kami thi ya mujhse koi shikayat thi tumhe, ek baar
muh khol ke bata deti ki tum kya chahti ho. Aakhri waqt tak itna
ghatiya bartaab kiye, jhut bole, hurt kiya, kya mila tumhe ye sab
karke… Ok chodo, bhagbaan tumhe humesha khus rakhein.”
Wo mujhe ek baar boli thi, “agar tum mujhe sach main pyar karte
ho to mujhe kabhi galat mat samajhna aur mere jazbaton ko
samajhna.”
Mujhe pata hai, mera pyar saccha tha aur rahega, mujhse koi bhul
hua ho to mujhe maaf kar dena Moon.
Uske baad main humesha ke liye uski zindagi se chala gaya, bahut
door chala gaya, janha wo kabhi mujhe dhoond na paye. Tab mujhe
mehsoos hua maine apni zindagi ki wo sare waqt jo ek sache
mohabbat ke liye de diya wo sare waqt ab mujhse hi muh mod liye
hain. Kyun hota hai aisa? Meri kya galti thi? Kya iss duniya mein pyar
hota hai? Bas sawal the jo mujhe parishan kar rahe the.
Ye meri apni sachi kahani hai, suruwat jitna hi khushnuma tha
khatam usse bhi jyada dardbhara tha. Uske baad main jeene ki wajah
dhundne laga.
Main jaanta tha yeh jo waqt chal raha tha, wo mera nahi tha, isiliye
mere sath kuch bhi sahi nahi ho raha tha, main jo bhi chahta tha wo
mujhse dur ho jata tha, kismat bhi mere sath nahi tha. Maine apne
pyar ke sath sath sab kuch kho diya tha. Woh job ka jo offer bhi mere
pyar ke sath hatheli se ret ki tarah fisal gaya.
Usse to main kabhi bhula nahi paunga, aaj wo mere sath nahi he,
par mere dil ke kone se usse mujhse koi nahi chinn sakta. Aaj bhi
kanhi uski yaadon meri subah hoti hai aur sham bhi usi ke ehsaas ke
sath. Usko mere dard ki bhanak bhi na ho lekin mere chahat khush he.
Chalo sayed ab waqt he is duniya se kahin door ja ke phir se
sambhalne ka, jitna bhi muskile aayi usse samna karna hai ab. Ab na
koi complain na koi demand he bhagban se.
Par ye waqt wapas palat kar mere paas ayega, jarur ayega… kyun
ki agar mera acha waqt palat ke mujhe iss tarah tabah kar sakta hai
toh kyun khushiyon ki wo gunz kyun mera hath nahi tham sakte.
2 years later:-
Ab main Sikkim mein hun, uske baad main ghar se yahan chala
aaya, 2 saal ho gaye hain abhi.
Kuch din pehle suna ki Moon ki shaadi ho gayi hai kisi dusre ladke
ke sath, aur wo ab Delhi me rehti he.
Main yahan aa ke apna ek nayi zindagi suru kiya hun, par aaj bhi
main usse yaad karta hun, miss karta hun. Wo aaj bhi iss zehen main
taza hai. Itne salon baad bhi piche mud ke dekhta hun toh bhi aisa
lagta hai jaise sab kuch kal ki hi baat hai, naya lagta hai sab kuch aaj
bhi. After all 1st love humesha 1
st love hota he, kyun ki isme ek
anokha jazbaat hote hain, ek ajeeb sa nata hota hai.
Aisi hi hai meri kahani, aur uska the end…
“Hum insaan hain, Humein zindegi me bohot
mehnat karne padte hain aur bahot kuch sehne padte
hain…”
--- Mere ek dost ne mujhe bola tha, “AJIT”
AJIT :-
Ye tha Chandra ka kahani, amazing bhi tha aur painful bhi.
Actually main is story me 2 chije dikhane ke try kiya he.
1st of Chandra ka love story kitna khubsurat tha and 2
nd of ye ke waqt
kitni jaldi badal ta he aur uske sath insaan bhi. Kanhi na kanhi iss
story ka real writer waqt hai aur villan bhi. Par zindagi me chahe kuch
bhi ho jaye hume unn sab gam ko bhula kar aage badhna hi padega.
Aise koi bhi dil nahi he jo kabhi bhi toota nahi ho, par agar hum
wahan pe ruk gaye to life bhi wahin pe ruk jayegi. Kehte hain raasta
kitna bhi muskil ho agar kisi apne ka sath ho to har raaste aasan ho
jate hen, par agar wo apne humare sath na ho to bhi hume aage
badhne padenge. Kyun ki chalti ka naam zindagi hai.
Mere khayal se Chandra ne end pe sahi faisla liya ke, duniya ke
bhid me kya khoya kya paya ye sab mat socho bas apne liye koi aisi
jagah dhund lo, jahan pe na khusi, na hi koi gam ho, bas sukun ho.
Aankhein chahe nam ho par honton pe muskurahat lana padta
hai.
“Sometimes its better to stay silent and stay away
from this world..”
--- “ AJIT ”
Har rishtey me agar dono ek dusre ke liye deewane, aur ek dusre
ke sath puri zindegi bitana chahte ho, to duniya ki koi bhi taqat unhe
alag nahi kar sakta. Halat, waqt kanhi na kanhi ek bahana hai apne
aap ko samjhane ka par sachai ye hai ki shayad unn dono main waisa
pyar nahi tha, rishtey 2 log banate hain, koi ek rishta nahi bana sakta.
This is all about my first ever story…
“Love is a waste of time”…. Chahe ho jaye waste of time, ek baar ho
waste of time, I love this waste of time…
2 logon ko tehe dil se sukriya karna chahunga jinhone iss kahani
ke akhri anzam tak sath diya aur iss kahani ko mumkin banaya aap tak
pohonchane main.
Special Thanks To: -
Chandra & Abhisek Jena
Story, Written, Quotes & Designed by:- AJIT SAHOO
Eddited By: - Abhisek Jena
Send your feedback:-
FINISH