ლიდერობის ხელოვნება მდგრადი

განვითარების კონტექტში

ელიზბარ ელიზბარაშვილი

გადაჭარბებულ ძალისხმევას მოაქვს

უკუშედეგი - ძველი ეზოთერული ცოდნა.

არასწორია - რაც უფრო მეტს მუშაობ, მით

უფრო მაღალია შენი ეფექტურობა.

ეზოპეს იგავი ბატზე და ოქროს კვერცხზე

ეს იგავი მოგვითხრობს ღარიბ გლეხზე, რომელმაც ერთ მშვენიერ დღეს, თავისი ერთადერთი ბატის ბუდეში ოქროს კვერცხი აღმოაჩინა. თავიდან მან იფიქრა, რომ ეს ვიღაცის მიერ მოწყობილი ხუმრობა იყო და არ დაიჯერა. მაგრამ, სანამ გადააგდებდა კვერცხს, მაინც გადაწყვიტა, რომ იუველირთან მიეტანა შესამოწმებლად.

გლეხისა და იუველირის გასაკვირად, კვერცხი მართლაც ოქროსი აღმოჩნდა. გლეხი ვერც კი იჯერებდა. მაგრამ ყველაზე დიდი გაოცება მას მეორე დილას ელოდა, როდესაც ბუდეში კიდევ ერთი ოქროს კვერცხი დახვდა. მას შემდეგ, ყოველ დილას, ახალი ოქროს კვერცხი ხვდებოდა გლეხს, რომელსაც მისი ერთადერთი და განუმეორებელი ბატი ახვედრებდა. გლეხი წარმოუდგენლად გამდიდრდა. მის ცხოვრებაში ყველაფერმა ისე დაიწყო განვითარება, როგორც ზღაპრულ სიზმარში.

მაგრამ, სიმდიდრესთან ერთად გლეხთან მოდიოდა მრისხანება და სულსწრაფობა. მას უკვე აღარ შეეძლო მთელი დღე ლოდინი იმისა, თუ როდის დადებდა მისი ბატი ოქროს კვერცხს. ამიტომ, გადაწყვიტა მოეკლა ბატი და ერთიანად ამოეცალა მისთვის ყველა კვერცხი. ასეც მოიქცა, მაგრამ, როდესაც გაუჭრა ბატს მუცელი, იქ არაფერი დახვდა. აღარ არის ოქროს კვერხცები და აღარც მათი მიღების შესაძლებლობა, რადგანაც გლეხმა მოკლა ბატი, რომელსაც მისთვის ოქროს კვერცხები მოჰქონდა.

სტივენ კოვი “მაღალეფექტური ადამიანების 7 უნარი”

მაღალეფექტურობის საძირკველი

სწორი ბალანსი

შ/რს ბალანსი

შ/რს ბალანსი

შ - “ოქროს კვერცხი” - სასურველი შედეგი:

ნებისმიერი პროდუქტი ან მომსახურების სახე.

რს - “ბატი” -რესურსები და სახსრები: ყველაფერი,

რაც გამოიყენება პროდუქციის ან მომსახურების

შექმნისას.

საუბარია მათ შორის ბალანსზე - წონასწორობაზე

ბალანსის არსი

თუ შენ მიიღებ ისეთ მოდელს, რომელიც ორიენტირებულია "ოქროს კვერცხების" მიღებაზე და უგულებელჰყოფ ბატს, მალე შენ "ოქროს კვერცხების" მწარმოებელი რესურსების გარეშე დარჩები. მეორეს მხრივ, თუ შენ იზრუნებ მხოლოდ "ბატზე", და დაივიწყებ "ოქროს კვერცხების" შესახებ, მალე შენ ვეღარ შეძლებ საკუთარი თავისა და შენი"ბატის" გამოკვებას.

- მაქსიმალური რაოდენობის და ხარისხის “კვერცხის” მიღება “ბატის” მაქსიმალურად კარგად ყოფნის პირობებში.

რესურსები და სახსრები

ფიზიკური

ფინანსური

სულიერი

ინტელექტუალური

სოციალურ-ემოციონალური

პიროვნულ დონეზე რს ფიზიკური: ავტომობილი, კომპიუტერი, საკუთარი

სხეული, შენობა-ნაგებობა...

ფინანსური: ხელფასი, საბანკო ანგარიშები, გამომუშავება,

დაგროვილი კაპიტალი, მემკვიდრეობა...

სულიერი: ღირებულებების ერთგულება, სულიერი ძალა,

პრინციპები...

ინტელექტუალური: ცოდნა, განათლება, აზროვნების

უნარი, შემოქმედებითობა...

სოციალურ-ემოციონალური: სიყვარული, სანაცნობო

“კაპიტალი”, პიროვნული ურთიერთობა სასურველ

წრეებთან, კომუნიკაციის გამოცდილება...

სახელმწიფო დონეზე რს ფიზიკური: დემოგრაფია, ტერიტორია, წყლის რესურსი,

ბუნებრივი წიაღისეული, ფროლა-ფაუნა, შინაური საქონელი-ფრინველი, ურბანიზაციის დონე.ინფრასტრუქტურები...

ფინანსური: ბიუჯეტი, მსოფლიო ბანკის და სავალუტო ფონდის სესხები, შიდა სახელმწოფოებრივი ვალი...

სულიერი: სახელმწოფოს ტრადიციული ღირებულებების სიმყარე...

ინტელექტუალური: განათლების სისტემის რესურსი, მეცნიერების დონე, უახლესი ტექნოლოგიების დანერგვის უნარი..

სოციალურ-ემოციონალური: საზოგადოების გარე და შიდა საკომუნიკაციო არხები, საზოგადოებრივი სისტემების ქმედითუნარიანობის დონე, სამოქალაქო საზოგადოების რესურსი...

გლობალურ დონეზე რს ფიზიკური: დემოგრაფია, ტერიტორია, წყლის რესურსი, ატმოსფეროს

რესურსი, ბუნებრივი წიაღისეული, ფროლა-ფაუნა, შინაური საქონელი-ფრინველი, ურბანიზაციის დონე. ინფრასტრუქტურები...

ფინანსური: სახელმწიფოთა ბიუჯეტები, მსოფლიო ბანკის და სავალუტო ფონდის ფინანსები, გლობალური კაპიტალის რესურსი...

სულიერი: გლობალური ცივილიზაციიას ტრადიცია, ინტერნაციონალური რელიგიების ქმედითობა, სახელმწიფოთა, ერთა ტრადიციული ღირებულებების სიმყარე და მრავალფეროვნება...

ინტელექტუალური: განათლების მსოფლიო სისტემის რესურსი, მეცნიერების დონე, უახლესი ტექნოლოგიების დანერგვის სისწრაფე..

სოციალურ-ემოციონალური: მსოფლიო საზოგადოებათა საკომუნიკაციო არხები, საერთაშორისო საზოგადოებრივი სისტემების ქმედითუნარიანობის დონე, სამოქალაქო საზოგადოებების რესურსები...

მთავარი არ არის შედეგის

სწრაფად და მრავლად მიღება,

მთავარია მაღალეფექტურობა, რო-

მელიც მდგომარეობს ბალანსში.

შ/რს ბალანსის დარღვევის მაგალითები:

პიროვნული განზომილება:

1. ლექტორი, რომელიც ზრუნავს მხოლოდ “ოქროს კვერცხზე” - სხვადასხვა ქალაქებში მაქსიმალური რაოდენობის ლექციების ჩატარება და მაქსიმუმი შემოსავალი აქვს დასახული შედეგად.

2. ლექტორი, რომელიც ზრუნავს მხოლოდ “ბატზე” - განათლების ამაღლება, “ჰორიზონტის” გაფართოება, აზროვნების და შემოქმედების უნარების განვითარება და მაქსიმალური დროის დათმობა ამისათვის.

მუნიციპალიტეტის განზომილება:

1. ქალაქი, რომელიც ფიქრობს მხოლოდ “ოქროს კვერცხზე”

- ქალაქის ცენტრალურ ნაწილში რაც შეიძლება მეტი და

დიდი მაშტაბის საცხოვრებელი კორპუსების,

სასტუმროების, ასევე ტურისტებისათვის გასართობი

ცენტრების აშენება, რეკრეაციული, მწვანე ზონების

ხარჯზე და ამ გზით რაც შეიძლება მეტი შემოსავლის

მიზნად დასახვა.

2. ქალაქი, რომელიც ფიქრობს მხოლოდ “ბატზე” - ქალაქის

ტერიტორიაზე, რაც შეიძლება მეტი რეკრეაციული

ზონის, დაცული ტერიტორიის, “მწვანე კუნძულის”

შექმნა, ბუნებაში ინფრასტრუქტურული ჩაურევლობა და

ნატურალური მეურნეობის პრიმატი აქვს მიზნად

დასახული.

სახელმწიფო განზომილება:

1. სახელმწიფო რომელიც ზრუნავს მხოლოდ “ოქროს კვერცხზე” - სახელმწიფოს ტერიტორიაზე, რაც შეიძლება მეტი ფაბრიკა-ქარხნების, სამრეწველო ცენტრების, უზარმაზარი ენერგოკაშხალების, ატომური ელექტროსადგურების აშენება, ტყის, წყლის და ბუნებრივი წიაღისეულის მაქსიმალური მოპოვება და ყველა ამ პროდუქტისა და ენერგიის მაქსიმალურად მოხმარება და გაყიდვა მსოფლიო ბაზარზე აქვს მიზნად დასახული.

2. სახელმწიფო, რომელიც ზრუნავს მხოლოდ “ბატზე” - სახელმწიფოს ტერიტორიაზე, რაც შეიძლება მეტი რეკრეაციული ზონის, დაცული ტერიტორიის, “მწვანე კუნძულის” შექმნა, ბუნებაში ინფრასტრუქტურული ჩაურევლობა და ნატურალური მეურნეობის პრიმატი აქვს მიზნად დასახული.

გლობალური განზომილება:

1. ცივილიზაცია, რომელიც ზრუნავს მხოლოდ “ოქროს

კვერცხზე” - დედამიწაზე, რაც შეიძლება მეტი ფაბრიკა-

ქარხნების, სამრეწველო ცენტრების, უზარმაზარი

ენერგოკაშხალების, ატომური ელექტროსადგურების

აშენება, ტყის, წყლის და ბუნებრივი წიაღისეულის

მაქსიმალური მოპოვება და ყველა ამ პროდუქტისა და

ენერგიის მაქსიმალურად მოხმარება-დახარჯვა.

2. ცივილიზაცია, რომელიც ზრუნავს მხოლოდ “ბატზე” -

დედამიწაზე, რაც შეიძლება მეტი რეკრეაციული ზონის,

დაცული ტერიტორიის, “მწვანე კუნძულის” შექმნა,

ბუნებაში ინფრასტრუქტურული ჩაურევლობა და

ნატურალური მეურნეობის პრიმატი აქვს მიზნად

დასახული.

“ოქროს კვერცხი” “ბატი”

ბალანსი

/ / / / / / / / / / / / / / / / / / / / / / / /

/ / / / / / / / / / / / / / / / / / / / / / /

იელის უნივერსიტეტმა გარემოს დაცვის იდექსი (EPI) გამოაქვეყნა,

რომელიც მსოფლიოს 180 ქვეყანას მოიცავს. ქვეყნები კვლევამ

სხვადასხვა ინდიკატორების მიხედვით შეაფასა: სოფლის მეურნეობა,

ჰაერის ხარისხი, ბიომრავალფეროვნება, წყლის რესურსებისა და ტყის

მასივის ზონები, ასევე სანიტარული ნორმები. ჯამში რეიტინგი 20

ინდიკატორის მიხედვით ქვეყნებს 100 ქულით აფასებს. მსოფლიოს

ყველაზე "მწვანე ქვეყნად" ფინეთი დასახელდა, რომლის სარეიტინგო

ქულა 90-ია.

კვლევის მიხედვით, მსოფლიოს 3,5 მილიარდი მოსახლე საფრთხის

შემცველ ჰაერის პირობებში ცხოვრობს. იმ ადამიანების რიცხვი, კი

ვისაც სუფთა სასმელ წყალზე წვდომა არ აქვთ მსოფლიოში 550

მილიონამდე შემცირდა.

საქართველოს ინდექსი 64.96-ია და ამ ციფრით ქვეყანა 111-ე

პოზიციას იკავებს. 99-ე ადგილზეა თურქეთი, უკრაინა კი 44-ზე. 37-ე

ადგილს იკავებს რეიტინგში სომხეთი, რუსეთი 32-ე, ხოლო

აზერბაიჯანი კი 31-ე ადგილზეა. 69-ე ადგილს იკავებს რეიტინგში

ყაზახეთი.

საქართველოს "მწვანე ქვეყნების" რეიტინგში უსწრებს ჩინეთი შრი-

ლანკა, ინდონეზია, ირანი და ეგვიპტე.