Libro sang Personal nga Pag-uswag sang Young Women

Mga anak nga babayi kaminga babayi kamiMga anak nga babayi kamiMga anak Mga anak nga babayi kamiMga anak

Kami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindog

Mangin handa kamiMangin handa kami

Mga anak

Nagapati kamiNagapati kamiNagapati kamiNagapati kamiNagapati kami

PERSONAL NGA PAG-USWAG

Young Women

NAGAT I N D O G BI L A N G ISA K A SA K SI SA N G DI O S

Magkari kay Cristo, kag magmangin himpit sa iya.

(Moroni 10:32)

Pirma sang young woman

Ining libro sang Personal nga Pag-uswag ginapanag-iyahan ni

PERSONAL NA PAG-USWAG SANG

Young Women

Ginbantala sang Ang Simbahan ni Jesucristo sang mga Santos sa Ulihing mga Adlaw

Dakbanwa sang Salt Lake, Utah

Pahina i: Jesucristo, ni Harry Anderson. © 2009 IRI.

Pahina 29: Si Cristo kag ang mga Kabataan sa Libro ni Mormon, ni Del Parson. ©1995 Del Parson

Pahina 45: Si Maria Nagpamati sang Iya Pulong, ni Walter Rane. © 2001 IRI

Pahina53: Si Jesus nga Nagapang-ayo sang mga Bulag, ni Carl Heinrich Bloch. © IRI. Gingamit nga may permiso sang

National Historic Museum sa Frederiksborg sa Hillerød, Denmark

Pahina 61: Hara Ester, ni Minerva Teichert. © William kag Betty Stokes

© 2001, 2009 iya sang Intellectual Reserve, Inc. Tanan nga mga kinamatarong ginahuptan.

Ikaduhang edisyon Ginbalhag sa Pilipinas.

Pagtugot sa Ingles: 12/08. Pagtugot sa paglubad: 12/08.

Linubad sang Young Women Personal Progress Hiligaynon 36035 861

MGA KAUNDAN

Ginaabiabi ikaw sa Personal nga Pag-uswag . . . . . . . . . . . . . . . . . 1 Motto kag Logo sang Young Women. . . . . . . . . . . . . . . . . . . . . . . 2 Tema sang Young Women . . . . . . . . . . . . . . . . . . . . . . . . . . . . . . . 3 Mga Klase kag mga Simbolo sang Young Women. . . . . . . . . . . . . 4 Kasumahan sang Programa para sa Young Women . . . . . . . . . . . . 6 Mga Inagihan kag mga Proyekto sa Panindugan sang Young Women . . . . . . . . . . . . . . . . . . . . . . . . . . . . . . . . . . . 11

Pagtuo . . . . . . . . . . . . . . . . . . . . . . . . . . . . . . . . . . . . . . . . . . . 13 Kinaugali nga Diosnon . . . . . . . . . . . . . . . . . . . . . . . . . . . . . . 21 Indibidwal nga Bili . . . . . . . . . . . . . . . . . . . . . . . . . . . . . . . . . 29 Ihibalo. . . . . . . . . . . . . . . . . . . . . . . . . . . . . . . . . . . . . . . . . . . 37 Pagpili kag Pagkamay Salabton . . . . . . . . . . . . . . . . . . . . . . . 45 Maayong mga Buhat. . . . . . . . . . . . . . . . . . . . . . . . . . . . . . . . 53 Integridad . . . . . . . . . . . . . . . . . . . . . . . . . . . . . . . . . . . . . . . . 61 Katakos . . . . . . . . . . . . . . . . . . . . . . . . . . . . . . . . . . . . . . . . . . 69

Pagkilala sang Young Womanhood . . . . . . . . . . . . . . . . . . . . . . . 76 Talian nga Rekord sang Personal nga Pag-uswag . . . . . . . . . . . . 77 Hinimuan sa Panindugan sa Personal nga Pag-uswag . . . . . . . . . 78 Ang Akon Testimonya . . . . . . . . . . . . . . . . . . . . . . . . . . . . . . . . 79 Pagkompleto sang Personal nga Pag-uswag . . . . . . . . . . . . . . . . . 81 Rekomendasyon para sa Pagkilala sang Young Womanhood . . . 82 Ano ang Akon Himuon Kon Makompleto Ko ang Personal nga Pag-uswag? . . . . . . . . . . . . . . . . . . . . . . . . . . . . . . . 83 Kasumahan sang Programa para sa mga Ginikanan kag mga Lider. . . . . . . . . . . . . . . . . . . . . . . . . . . . . . . . . . . . . . . . 86 Index sa Balaan nga mga Kasulatan. . . . . . . . . . . . . . . . . . . . . . . 96

Index sa Topiko . . . . . . . . . . . . . . . . . . . . . . . . . . . . . . . . . . . . . . 98 Ang Panimalay: Isa ka Proklamasyon sa Kalibutan. . . . . . . . . . 101 Ang Buhi nga Cristo: Ang Panaksihon sang mga Apostoles . . . 102

1

GINAABIABI IKAW SA PERSONAL NGA PAG-USWAG

Ikaw isa ka pinalangga nga anak nga babayi sang Amay nga Langitnon, nga ginhanda sa pagkari sa duta sa sini mismo nga panahon para sa isa ka sagrado kag mahimayaon nga katuyuan. May dungganon ka nga responsibilidad sa paggamit sang imo kusog kag impluwensya para sa kaayuhan. Ang imo mapinalanggaon nga Amay nga Langitnon nagbugay sa imo sang mga talento kag mga abilidad nga magabulig sa imo sa pagtuman sang imo diosnon nga misyon. Sa imo pagtuon sa pagbaton kag pagbuhat sang mga panindugan sang Young Women sa imo kabuhi, mapatubo mo ang personal nga mga pamatasan sang pangamuyo, pagtuon sang balaan nga mga kasulatan, pagtuman sang mga kasuguan, kag pag-alagad sa iban. Ining tag-adlaw-adlaw nga personal nga mga pamatasan magapabakod sang imo pagtuo kag testi-monya kay Jesucristo. Ang mga ini magatugot man sa imo sa pagkilala kag pagpatin-ad sang imo pinasahi nga mga dulot. Gamita pirme ang imo impluwensya sa pagtib-ong kag sa pagpakama-ayo sang imo panimalay, sang iban nga young women, kag sang mga young men nga imo ginaupdan. Tahura ang pagkababayi, suportaha ang priesthood, kag pakamahala ang tampad nga pagkailoy kag pagkaamay. Sa imo pagpartisipar sa Personal nga Pag-uswag, nagabuylog ka sa linibo sang iban pa nga young women nga nagatinguha nga magkari kay Cristo kag “magtindog bilang mga saksi sang Dios sa tanan nga mga tinion kag sa tanan nga mga butang, kag sa tanan nga mga duog” ( Mosias 18:9 ). Magpalaygay sa imo mga ginikanan, kag mainampuon nga magpili sang mga tinutuyo nga makabulig sa imo sa pagpauswag sang babayin-on nga mga kinaugali, magpabakod sang imo testimonya, kag maglab-ot sang imo diosnon nga potensyal. Gamita sing maayo ang imo tion sa Young Women paagi sa paghanda sa pagbaton sang sagrado nga mga ordinansa sang templo, sa pagmangin isa ka tampad nga asawa kag iloy, kag sa pagpabakod sang imo puluy-an kag panimalay.

Ang Unang Panguluhan

2

MOTTO KAG LOGO SANG Young Women

Ang motto sang Young Women amo ang “magtindog para sa kama-tuoran kag pagkamatarong.” Ang logo sang Young Women amo ang isa ka sulo nga ginapalibutan sang motto sang Young Women. Ang sulo nagarepresentar sang kasanag ni Cristo, nga nagaagda sa tanan nga “magkari kay Cristo” ( Moroni 10:32 ). Nagaagda ini sa tanan nga young women nga maghimo sang isa ka pangako sa pagpaiwag sang ila kapawa paagi sa pagmangin isa ka halimbawa kag sa pagpabilin nga takos sa paghimo kag pagtipig sang sagrado nga mga kasugtanan [covenants] kag pagbaton sang mga ordinansa sang templo.

“Magtindog kag magsilak, agud nga ang imo kapawa mahimo mangin sulundan para sa mga nasyon” (tan-awa sa D&C 115:5 ).

33

Tema sang Young Women MGA ANAK NGA BABAYI KAMI sang aton

Amay nga Langitnon, nga nagapalangga sa amon,

kag palangga namon Sia. KAMI “MAGATINDOG

bilang mga saksi sang Dios sa tanan nga mga tinion kag sa

tanan nga mga butang, kag sa tanan nga mga duog” ( Mosias 18:9 )

samtang nagahimud-os kami sa paggawi sang mga panindugan

sang Young Women, nga amo ang:

PAGTUO • KINAUGALI NGA DIOSNON INDIBIDWAL NGA BILI • IHIBALO

PAGPILI KAG PAGKAMAY SALABTON MAAYONG MGA BUHAT

INTEGRIDAD • KAG KATAKOS

NAGAPATI KAMI nga kon nagatuon kami sa

pagbaton kag sa pagbuhat sa sining mga panindugan,

MANGIN HANDA KAMI sa pagpabakod sang puluy-an

kag panimalay, paghimo kag pagtipig sang sagrado nga mga

kasugtanan, pagbaton sang mga ordinansa sang templo,

kag pagtagamtam sang mga bugay sang pang-kahitaasan.

4

MGA KLASE KAG MGA SIMBOLO SANG

Young Women BEEHIVE , mga pangidaron nga 12 kag 13 Ang beehive nangin isa ka simbolo sang paghinangpanay, kooperasyon, kag obra para sa una nga mga pionero

sang Simbahan. Ang beehive amo man ang nangin una nga ngalan nga gintawag sa young women. Ang mga beehive karon nagatuon sa pag-obra sing ulolupod nga may kooperasyon kag paghinangpanay samtang ginapabakod nila ang ila pagtuo kay Jesucristo kag nagahanda sa pagtindog para sa kamatuoran kag pagkamatarong. Ini isa ka panahon nga “magtindog kag magsilak” (tan-awa sa D&C 115:5 ).

MIA MAID , mga pangidaron nga 14 kag 15 Ang ngalan nga Mia Maid nagatumod sang una sa Mutual Improvement Association nga naggamit sang

emblema sang rosas bilang simbolo sang pagpalangga, pagtuo, kag katinlo sing moralidad. Ang mga Mia Maid karon nagatuon parte sa pagpalangga, pagtuo, kag katinlo sing moralidad samtang ginapabakod nila ang ila testimonya kag ginabaton kag ginabuhat ang mga panindugan sang Young Women.

LAUREL , mga pangidaron nga 16 kag 17 Sa pila na ka mga siglo, ang laurel wreath nangin isa ka korona nga ginlubid gikan sa mga dahon sang laurel nga

kahoy. Ini ginahatag sa isa nga nakatapos sang isa ka importante nga buluhaton bilang simbolo sang kadungganan kag hinimuan. Ang mga laurel karon nagatapos sang ila mga pagpanghanda agud maghimo kag magtipig sang sagrado nga mga kasugtanan kag magbaton sang mga ordinansa sang templo.

ANG AKON PERSONAL NGA PAG-USWAG

6

KASUMAHAN SANG PROGRAMA PARA SA YOUNG WOMEN

Katuyuan sang Personal nga Pag-uswag Ang Personal nga Pag-uswag magabulig sa imo sa pagpabakod sang imo pagtuo kag testimonya kay Jesucristo samtang ginatun-an mo ang Iya mga pagpanudlo kag regular nga ginagawi ang mga ini sa imo kabuhi. Magabulig ini sa imo sa pagpabakod alangay sang imo karon nga pamilya kag sang imo palaabuton nga pamilya. Magabulig ini sa imo nga maghanda sa paghimo kag pagtipig sang sagrado nga mga kasugtanan kag pagbaton sang mga ordinansa sang templo. Kag magahanda ini sa imo nga mangin isa ka tampad, mapuslanon nga miyembro sang Ang Simbahan ni Jesucristo sang mga Santos sa Ulihing mga Adlaw. Ang programa sang Personal nga Pag-uswag nagagamit sang walo ka mga panindugan sang Young Women sa pagbulig sa imo nga mahang-pan sing mas bug-os kon sin-o ka, kon ngaa yari ka diri sa duta, kag kon ano ang imo dapat nga ginahimo bilang isa ka anak nga babayi sang Dios agud maghanda para sa adlaw nga magkadto ka sa templo sa paghimo sang sagrado nga mga kasugtanan. Magabulig ini sa imo sa paghanda para sa imo palaabuton nga mga papel bilang isa ka tampad nga babayi, asawa, iloy, kag lider sa ginharian sang Dios. Ang pag-partisipar sa Personal nga Pag-uswag nagatudlo sa imo sa paghimo sang mga pangako, sa pagtuman sang mga ini, kag pagreport sang imo pag-uswag sa isa ka ginikanan ukon lider. Ang mga sulundan nga imo ginatuman samtang ginahimo mo ang Personal nga Pag-uswag—pareho sang pangamuyo, pagtuon sang balaan nga mga kasulatan, pag-alagad, kag pagsulat sa journal— mangin personal nga adlaw-adlaw nga mga pamatasan. Ining mga pamatasan magapabakod sang imo testimonya kag magabulig sa imo sa pagtuon kag pag-uswag sa bilog mo nga kabuhi.

Mga Kinahanglanon Agud makompleto ang programa sang Personal nga Pag-uswag, kina-hanglan mo nga:

7

• Magtambong sing regular sa sakrament miting (kon posible).• Maggawi sang mga sulundan sa Para sa Kusog sang mga Lamharon. • Magkompleto sang mga inagihan sa panindugan kag isa ka pro-

yekto sa panindugan para sa tagsa sang walo ka mga panindugan.• Magsulat sa isa ka personal nga journal.• Magtambong sa seminary ukon magpartisipar sa programa sang

indibidwal nga pagtuon sang ebanghelyo (kon may yara).• Magbasa sing regular sang Ang Libro ni Mormon.• Magrekord sang imo testimonya parte sa Manluluwas nga si

Jesucristo. Pagkahuman sining mga kinahanglanon, mangin kalipikado ka sa pagbaton sang Pagkilala sang Young Womanhood pagkatapos sang isa ka interbyu sa katakos upod sa imo bishop ukon branch president.

Paano Magsugod Mahimo ka nga magsugod sa programa sang Personal nga Pag-uswag sa edad nga12 ukon sa tion sang imo pagbunyag kon yara ka sa tunga sang mga pangidaron nga 12 kag 18. Ang young women nga indi miyembro sang Ang Simbahan ni Jesucristo sang mga Santos sa Ulihing mga Adlaw ginaabiabi man sa pagpartisipar. Sa imo pagsugod, magabaton ka sang isa ka sulo nga kulintas nga may yara sang logo nga sulo sang Young Women sa ini. Ang pagsuksok sining kulintas nagapakita sang imo pangako sa pagpaiwag sang imo kapawa kag sa pagtindog para sa kamatuoran kag pagkamatarong. Agdaha ang imo mga ginikanan sa pagbulig sa imo sa pagplano kag pagkompleto sang programa sang Personal nga Pag-uswag. Ang pag-paambit sining mga inagihan makapabakod sang imo kaangtanan sa ila. Ang imo iloy ukon isa pa gid ka dalayawon nga babayi mahimo mag-obra sa Personal nga Pag-uswag upod sa imo, kag mahimo ninyo maangkon ang Pagkilala sang Young Womanhood sing upod. Mahimo mo ilisan ang mga inagihan kag mga proyekto suno sa imo personal nga mga sirkumstansya, mga interes, kag mga panginahanglan nga may

8

pagtugot na ngadaan sang isa ka ginikanan, isa ka lider sang Young Women, ukon isa pa gid ka hamtong. Ang Personal nga Pag-uswag mahimo nga mangin kabahin sang maa-yong mga butang nga imo ginahimo sa puluy-an, simbahan, eskuwela-han, seminary, kag sa komunidad. Gamita ang index sa topiko sa likod sining libro sa pagpangita sang pat-od nga mga topiko nga interesado ka kag sa pagtuon kon paano ang mga ini sarang gamiton bilang kaba-hin sang Personal nga Pag-uswag. Dumdumon ang maghatag sang kredito sa imo kaugalingon para sa tanan nga maayong mga butang nga imo ginahimo sa tagsa ka adlaw. “Paagi sa diutay kag yano nga mga butang ginapahanabo ang dalagko nga mga butang” ( Alma 37:6 ).

Mga Sulundan Pagakompletuhon mo ang anum ka mga inagihan (tatlo nga kina-hanglanon kag tatlo nga opsyunal) kag isa ka napulo-ka-oras nga proyekto sa tagsa sang una nga pito ka mga panindugan sang Young Women. Para sa panindugan nga katakos, imo pagakompletuhon ang apat ka kinahanglanon nga mga inagihan kag ang kinahanglanon nga proyekto sang pagbasa sang Ang Libro ni Mormon. Mahimo ka nga magsugod sa pagpili sang bisan ano nga panindugan kag mag-obra sa bisan ano nga pagpasunod. Kon nakompleto mo na ang isa ka inagihan sa panindugan ukon isa ka proyekto sa panindugan, repasuha ini upod sa isa ka ginikanan, isa ka lider, ukon isa pa gid ka hamtong. Painisyali sa sina nga tawo [pirmahan sang una nga mga letra sang ngalan] ang nakompleto nga inagihan sa imo libro sang Personal nga Pag-uswag. Magtago sang rekord sang imo pag-uswag sa Talian nga Rekord sang Personal nga Pag-uswag (tan-awa sa pahina 77).

Mga Inagihan sa Panindugan • Ginarekomendar nga kompletuhon mo ang kinahanglanon nga

mga inagihan sa isa ka panindugan antes magsugod sa opsyunal nga mga inagihan sa sina nga panindugan.

• Sa opsyunal nga mga inagihan sa panindugan, mahimo ka nga magsulat tubtob sa duha sang imo kaugalingon nga mga inagihan

9

sa tagsa ka panindugan ukon mag-ilis sang natigana nga mga inagi-han agud ipabagay sa imo personal nga mga interes, mga tinutuyo, ukon mga sirkumstansya. Paaprobahi ang mga ini sa isa ka ginika-nan, isa ka lider, ukon isa pa gid ka hamtong antes ka magsugod.

Mga Proyekto sa Panindugan• Kompletuha ang kinahanglanon nga mga inagihan sa isa ka panin-

dugan antes magsugod sang proyekto sa sina nga panindugan, mag-luwas lang sang panindugan nga katakos. Mahimo ka magsugod sa pagbasa sang Ang Libro ni Mormon sa bisan ano nga tion.

• Paaprobahi ang tagsa ka proyekto sa panindugan sa isa ka ginika-nan, isa ka lider, ukon isa pa gid ka hamtong antes ka magsugod.

• Mahimo mo agdahon ang iban nga magbulig sa imo sa imo mga proyekto sa panindugan, pero ang tagsa ka proyekto dapat maha-tagan sa labing kubos napulo ka oras sang imo kaugalingon nga tiempo.

Kadasigon sang Pag-uswag kag Pagkilala• Mahimo ka mag-obra suno sa imo kaugalingon nga kadasigon, pero

dapat nga dalayon ka nga naga-obra sa labing kubos isa ka inagihan ukon proyekto. Ang masunod ginarekomendar:— Magkompleto sa labing kubos isa ka inagihan tagsa ka bulan kag

isa ka proyekto tagsa ka anum ka bulan (duha ka proyekto sa isa ka tuig).

— Magtambong sing regular sa sakrament miting kag magpartisipar sa seminary (kon posible).

— Makigkita sa isa ka miyembro sang imo bishopric sa labing kubos kis-a sa isa ka tuig agud hambalan ang imo kadalag-an sa Personal nga Pag-uswag, ang imo mga pagtinguha sa paggawi sang mga sulundan sa Para sa Kusog sang mga Lamharon, kag bisan ano nga mga pamangkot nga mahimo may yara ka.

• Kon ang tanan nga mga inagihan kag ang proyekto sa isa ka panin-dugan nakompleto na, ang imo lider magakilala sang imo hinimuan sa isa ka miting sang Young Women kag magapresentar sa imo

10

sang isa ka simbolo nga ibutang sa imo Hinimuan sa Panindugan sa Personal nga Pag-uswag nga pahina sa sini nga libro (tan-awa sa pahina 78) kag isa ka laso nga ibutang sa imo balaan nga mga kasulatan.

• Makaangkon ka sang oportunidad sa pagpaambit sang imo mga hinimuan sa Personal nga Pag-uswag sing tuigan sa Halangdon nga Young Women.

• Ang imo kadalag-an sa Personal nga Pag-uswag mahimo man makita kon mabaton mo ang imo mga sertipiko sang Beehive, Mia Maid, kag Laurel samtang nagauswag ka gikan sa isa ka klase pakadto sa isa.

Pagkompleto sang Personal nga Pag-uswag• Kon nakompleto mo na ang tanan nga mga inagihan kag mga

proyekto sa panindugan sang Personal nga Pag-uswag, isulat ang imo testimonya parte sa Manluluwas nga si Jesucristo sa pahina 79. Repasuha ang “Pagkilala sang Young Womahood” nga seksyon sini nga libro upod sa isa ka ginikanan, isa ka lider, ukon isa pa gid ka hamtong (pahina 76). Dayon magskedyul sang isa ka pagpain-terbyu sa imo bishop agud mapirmahan niya ang rekomendasyon sa pahina 82 kag maplano ang pagpresentar sang imo sertipiko kag medalyon sa Pagkilala sang Young Womanhood.

• Ginarekomendar nga mag-obra ka sa Personal nga Pag-uswag sa bilog mo nga tion sa Young Women, bisan pagkatapos nga nabaton mo na ang Pagkilala sang Young Womanhood. Ang mga panugyan sa kon paano padayunon ang pag-uswag yara sa seksyon nga “Ano ang Akon Himuon Kon Makompleto Ko ang Personal nga Pag-uswag?” (pahina 83). Repasuha ini upod sa isa ka ginikanan, isa ka lider, ukon isa pa gid ka hamtong. Mahimo ka magpili nga maang-kon ang Honor Bee charm nga ipahamtang sa imo kulintas upod sa imo medalyon, ukon mahimo mo suliton ang bilog nga programa. Ginapaisog ka man nga buligan ang iban nga young women sa ila Personal nga Pag-uswag. Paagi sa pagpadayon sang imo pag-uswag, magapabilin ka sa alagyan padulong sa templo kag magapauswag sang mga kinaiya nga magabulig sa imo sa bilog mo nga kabuhi.

MGA INAGIHAN KAG MGA PROYEKTO

SA PANINDUGAN SANG Young Women

13

Pagtuo

Ang pagtuo indi ang pag-angkon sang isa ka himpit nga ihibalo sang mga butang; gani kon kamo may pagtuo nagalaum

kamo sang mga butang nga indi makita, nga mga matuod ( Alma 32:21 ).

Anak ako nga babayi sang Amay nga Langitnon, nga nagapalangga sa akon. Magatuo ako sa Iya wala’y katapusan nga plano, nga nasentro kay

Jesucristo nga akon Manluluwas.

14

KINAHANGLANON NGA MGA INAGIHAN SA PANINDUGAN

Kompletuha ang masunod nga tatlo ka kinahanglanon nga mga inagihan sa panindugan. Papirmahi kag pasulati sang petsa sa imo ginikanan ukon lider ang tagsa ka inagihan sa imo pagkahuman sini.

1. Ang unang prinsipyo sang ebanghelyo amo ang pagtuo sa Ginuong Jesucristo. Magtuon parte sa pagtuo gikan sa bala-an nga mga kasulatan kag sa buhi nga mga propeta. Basaha ang Mga Hebreo 11 ; Alma 32:17–43 ; Eter 12:6–22 ; kag Joseph Smith—History 1:11–20 . Magbasa sang duha ka mga pamulong-pulong sa pangkabilugan nga komperensya parte sa pagtuo. Gamita ang imo kaugalingon nga pagtuo paagi sa pagsugod sang isa ka pamatasan sang pagpangamuyo sa imo kabuhi. Magsugod paagi sa pagsambit sing regular sang imo mga pangamuyo sa aga kag gab-i. Pagkatapos sang tatlo ka simana sang pagtuman sini nga sulundan, hambali upod sa isa ka ginikanan ukon lider kon ano ang imo natun-an parte sa pagtuo kag kon paano ang adlaw-adlaw nga personal nga pa-ngamuyo nagpabakod sang imo pagtuo. Sa imo journal ipaha-yag ang imo mga balatyagon parte sa pagtuo kag pangamuyo.

2. Tukiba ang mga prinsipyo sang pagtuo nga gintudlo sang mga iloy sang mga pamatan-on nga mga soldado ni Helaman. Basaha ang Alma 56:45–48 kag 57:21. Repasuha kon ano ang ginasiling sang “Ang Panimalay: Isa ka Proklamasyon sa Kalibutan” (tan-awa sa pahina 101) parte sa papel sang isa ka iloy. Upod ang isa ka iloy, lola, ukon lider, hambali ang mga kinaiya nga kinahanglan sang isa ka babayi agud tudloan ang kabataan sa pag-angkon sang pagtuo kag sa pagbase sang ila mga desisyon sa mga kamatuoran sang ebanghelyo. Paano bala ining mga prinsipyo makabulig sa imo sa imo kabuhi karon kag makabulig sa imo sa paghanda nga magmangin isa

Pagtuo

15

ka tampad nga babayi, asawa, kag iloy? Irekord ang imo mga panghunahuna kag mga balatyagon sa imo journal.

3. Ang paggawi sang mga prinsipyo sang ebanghelyo nagakina-hanglan sang pagtuo. Magbasa parte sa pagtuo sa Guide to the Scriptures [Sulundan sa Balaan nga mga Kasulatan] ukon True to the Faith. Ang pagtuo sa Manluluwas nga si Jesucristo nagapadulong sa pagbuhat. Magpili sang isa ka prinsipyo pareho sang pangamuyo, ika-pulo, pagpuasa, paghinulsol, ukon pagpakabalaan sang Adlaw nga inugpahuway [Sabbath day]. Sa imo kaugalingon nga puluy-an ukon sa sa pa gid ka lugar, magplano kag magpresentar sang isa ka leksyon sa family home evening parte sa kon paano ang pagtuo naga-bulig sa imo sa paggawi sinang prinsipyo sang ebanghelyo. Kon puede, pangabaya ang isa ka miyembro sang panimalay sa pagpaambit sang isa ka inagihan nga nagpabakod sang iya pagtuo. Magpaambit man sang imo kaugalingon nga mga inagihan. Sa imo journal, magsulat sang isa sadtong mga ina-gihan kag ilaragway ang imo mga balatyagon parte sa pagtuo.

DUGANG NGA MGA INAGIHAN SA PANINDUGAN

Kompletuha ang tatlo ka dugang nga mga inagihan sa panindugan. Mahimo ka nga makapili gikan sa masunod nga mga opsyon ukon magsulat tubtob sa duha sang imo kaugalingon. Kinahanglan aprobahan sang imo ginikanan ukon lider yadtong imo ginasulat mismo antes ka magsugod. Papirmahi kag pasulati sang petsa sa imo ginikanan ukon lider ang tagsa ka inagihan sa imo pagkahuman sini. 4. Magtuon pa gid sing dugang parte sa sakramento. Magbasa

parte sa Katapusan nga Panihapon sa Mateo 26:26–28 ; Marcos 14:22–24 ; kag Lucas 22:17–20 . Magsugod sang isa ka sulundan sang pagbinagbinag sa tion sang sakramento paagi sa pagpamati sing maayo sa pang-sakramento nga

16

himno kag mga pangamuyo. Hunahunaa kon ngaa nagaambit kita sang tinapay kag tubig. Pagkatapos sang tatlo ka simana sang pagtuman sining sulundan, magsulat sa imo journal sang pila ka mga promisa nga imo ginahimo samtang nagaambit ka sang sakramento kag nagadumdom sang imo mga kasugtanan sa pagbunyag kag kon ano ang imo ginahimo agud tumanon inang mga promisa. Irekord sa imo journal kon paano ang imo paghangop sining mga promisa nagpabakod sang imo pagtuo sa Manluluwas.

5. Dugangi ang imo paghangop parte sa pagtubos ni Jesucristo sa aton gikan sa aton mga sala paagi sa pagbasa sang Isaias 53:3–12 ; Juan 3:16–17 ; Mga Taga-Roma 5 ; 2 Nefi 9:6–7, 21–26 ; Alma 7:11–13 ; 34:8–17 ; kag Doctrine and Covenants 19:15–20 . Sa imo journal, isulat ang imo mga balatyagon parte sa Manluluwas kag kon ano ang Iya nahimo para sa imo. Ipa-ambit ang imo mga balatyagon sa isa ka testimony meeting.

6. Dugangi ang imo paghangop parte sa plano sang kaluwasan. Ang mga basehan para sa pagtuon amo ang 1 Mga Taga-Corinto 15:22 ; Bugna 12:7–9 ; 2 Nefi 9:1–28 ; 11:4–7 ; Doctrine and Covenants 76:50–113 ; 93:33–34 ; Moses 4:1–4 ; kag Abraham 3:24–27 . Magdrowing ukon magkuha sang isa ka larawan nga nagapakita sang plano sang kaluwasan, dala ang pagkabuhi sang wala pa mabun-ag, pagkabun-ag, mortal nga kabuhi, kamatayon, paghukom, kag kabuhi pagkatapos sang paghukom. Nga nagagamit sining larawan, ipaathag ang plano sang kaluwasan sa imo klase, sa imo panimalay, ukon sa isa ka abyan. Hambali kon paano ang ihibalo parte sa plano nagaapekto sang imo mga aksyon, nagabulig sa imo sa pagha-ngop sang imo pagkatawo, kag nakapabakod sang imo pagtuo.

17

7. Ang Ginuo nagsugo sa aton sa pagbayad sang ika-pulo [tithing]. Basaha ang Doctrine and Covenants 119 kag Malaquias 3:8–12 . Tungod kay ang pagtuman sang layi sang ika-pulo isa ka pamatuod sang imo pagtuo, magbayad sang isa ka bug-os nga ika-pulo. Pagkatapos sang tatlo ka bulan, irekord sa imo journal kon paano ang pagbayad sang ika-pulo nakabulig sa imo pagtuo nga magtubo. Listaha ang mga bugay sa imo kabuhi, alangay nga dalagko kag magagmay, nga nag-abot tungod sang imo pagtuo sa prinsipyo sang ika-pulo.

PINASIBO NGA MGA INAGIHAN SA PANINDUGAN

8.

9.

18

Pagtuo PROYEKTO SA PANINDUGAN

Pagkatapos nga nakompleto mo ang anum ka mga inagihan sa panindugan nga pagtuo, maghimo sang isa ka proyekto nga magabulig sa imo sa pag-gawi sang imo natun-an. Dapat ini mangin isa ka importante nga buluha-ton nga magakinahanglan sa labing kubos napulo ka oras sa pagkompleto. Mainampuon nga magpangayo sang giya sang Balaan nga Espiritu sa pag-pili sang isa ka makahulugan nga proyekto. Paaprobahi sa imo ginikanan ukon lider ang proyekto antes ka magsugod. Magsulat sang isa ka ebalwasyon sa imo pagkahuman sini. Sa idalom amo ang pila ka mga ideya para sa isa ka proyekto sa panindugan.• Sauloha ang “Ang Buhi nga Cristo” (tan-awa sa pahina 102).

Samtang ginahimo mo ini, binagbinaga ang impluwensya sang Manluluwas sa imo kabuhi kag kon paano ang imo pagtuo sa Iya nagdugang. Igawi ang pagsunod sang halimbawa sang Manluluwas.

• Basaha ang Alma 32:28–43 . Hunahunaa ang pagtuo bilang isa ka binhi samtang nagabulig ka sa pagtanom, pagtatap, kag pag-ani sang isa ka talamnan sang mga utan. Irekord sa imo journal kon paano mo sarang saguron, tatapon, kag pabakuron ang imo pagtuo.

• Magtambong sa isa ka klase sang family history nga ginatudlo sa imo ward ukon branch. Magtipon sang matuod-tuod nga mga sugi-lanon sang imo mga paryente ukon sang iban nga nagpakita sang pagtuo, ukon mag-interbyu sang mga miyembro sang panimalay ukon sang iban kag irekord ang ila mga sugilanon.

• Ilaragway ang bugay sang pagtuo paagi sa pagsulat sang isa ka ori-hinal nga sugilanon, binalaybay, ukon ambahanon ukon paagi sa pagkompleto sang isa ka visual arts nga proyekto nga nagalaragway sang imo pagtuo kay Jesucristo.

19

Ang akon proyekto amo ang:

Ang akon plano sa paghimo sang akon proyekto amo ang:

1.

2.

3.

4.

Pagtugot

Ginabulobanta nga petsa sang pagkompleto

20

Ang akon ebalwasyon sang proyekto amo ang (isulat kon ano ang imo nabatyagan kag kon paano nagdugang ang imo paghangop parte sa pagtuo):

Pirma sang ginikanan ukon lider

Petsa Mga inoras nga nagamit

21

Kinaugali nga Diosnon

Magmangin-umalambit kamo sang kinaugali nga diosnon. . . . Magtinguha, sa pagdugang sa inyo pagtuo sang pagkahalangdon;

kag sa pagkahalangdon idugang ang ihibalo; kag sa ihibalo ang pagpugong sang kaugalingon; kag sa pagpugong sang kaugalingon

ang pagkalig-on; kag sa pagkalig-on ang pagkadiosnon; kag sa pagkadiosnon ang paghiliutod nga malulo; kag sa paghiliutod nga malulo ang paghigugma sa isigkatawo ( 2 Pedro 1:4–7 ).

Nakapanubli ako sang mga kinaugali nga diosnon, nga akon pagatinguhaan sa pagpauswag.

22

Kinaugali nga Diosnon KINAHANGLANON NGA

MGA INAGIHAN SA PANINDUGAN Kompletuha ang masunod nga tatlo ka kinahanglanon nga mga inagihan sa panindugan. Papirmahi kag pasulati sang petsa sa imo ginikanan ukon lider ang tagsa ka inagihan sa imo pagkahuman sini.

1. Ano ang pila sang mga kinaugali nga diosnon sang isa ka anak nga babayi sang Dios? Basaha ang “Ang Panimalay: Isa ka Proklamasyon sa Kalibutan” (tan-awa sa pahina 101); 2 Pedro 1 ; Alma 7:23–24 ; kag Doctrine and Covenants 121:45 . Sa imo kaugalingon nga mga pulong, listaha ang mga kinauga-li nga diosnon nga ginahambalan sa imo pagbasa. Hunahunaa kon paano ka makatukib kag makapauswag sang tagsa sining mga kinaugali. Irekord ang imo mga ideya sa imo journal.

2. Bilang isa ka young woman, nabugayan ikaw sang diosnon nga babayin-on nga mga kinaiya. Dugangi ang imo pagha-ngop kag pagdayaw sa pagkababayi. Basaha ang Mga Hulu-baton 31:10–31 kag duha ka mga pamulong-pulong parte sa pagkababayi gikan sa isa ka pang-komperensya nga isyu sang mga balasahon nga pang-Simbahan. Repasuha kon ano ang ginasiling sang “Ang Panimalay: Isa ka Proklamasyon sa Kalibutan” (tan-awa sa pahina 101) parte sa pagkaasawa kag pagkailoy. Dayon pamangkuta ang imo iloy ukon isa pa gid ka iloy nga imo ginadayaw kon ano sa iya hunahuna ang impor-tante nga mga kinaugali para mangin isa ka iloy. Listaha ang mga kinaugali sa imo journal. Dayon pilia ang isa sadtong mga kinaugali kag tinguhai ang magpauswag sini. Pagkatapos sang duha ka simana ireport ang imo kadalag-an sa isa ka ginikanan ukon lider.

3. Maghimo sang isa ka mas matawhay, malipayon nga klima sa imo puluy-an. Sa duha ka simana, maghimo sang isa ka

23

pinasahi nga pagtinguha nga mapabakod ang imo kaangtanan sa isa ka miyembro sang panimalay sa pagpakita sang gugma paagi sa imo mga aksyon. Likawi ang paghusgar, pagpang-hikay, ukon paghambal sing maparas, kag magbantay sang positibo nga mga kinaiya sa sina nga miyembro sang pamilya. Magsulat sang malip-ot nga mga pulong sang pagpaisog, mag-pangamuyo para sa sining miyembro sang panimalay, magpa-ngita sang mga paagi agud makabulig, kag ipahayag sa pulong ang imo gugma. Ipaambit ang imo mga inagihan kag ang mga kinaugali nga diosnon nga imo natukiban sa sina nga miyem-bro sang panimalay ukon sa isa ka ginikanan ukon lider.


Kompletuha ang tatlo ka dugang nga mga inagihan sa panindugan. Mahimo ka nga makapili gikan sa masunod nga mga opsyon ukon magsulat tubtob sa duha sang imo kaugalingon. Kinahanglan aprobahan sang imo ginikanan ukon lider yadtong imo ginasulat mismo antes ka magsugod. Papirmahi kag pasulati sang petsa sa imo ginikanan ukon lider ang tagsa ka inagihan sa imo pagkahuman sini. 4. Sauloha ang pang-sakramento nga mga pangamuyo sa Doctrine

and Covenants 20:77, 79 . Sa tion sang sakramento, magpa-mati sing maayo sa mga pangamuyo kag hunahunaa kon ano ang kahulugan sang pagdala sang ngalan ni Jesucristo sa imo kaugalingon kag kon paano ang paghimo sini magaapekto sang imo mga aksyon kag mga desisyon. Igawi ang pagtipig sang imo mga kasugtanan sa pagbunyag. Magsugod sa pag-himo sang isa ka butang sa tagsa ka adlaw agud makilala kag mapauswag pa gid ang imo mga kinaugali nga diosnon kag agud magbulig sa imo sa pagdumdum pirme sang Ginuong Jesucristo. Pagkatapos sang duha ka simana, irekord ang imo inagihan sa imo journal.

24

5. Ang pagkamatinumanon isa ka kinaugali sang Manluluwas. Tinguhai nga mangin mas matinumanon sa imo mga ginika-nan. Basaha ang Lucas 2:40–51 kag Juan 6:38 . Pauswaga ang isa ka sulundan sang pagkamatinumanon sa imo paghimo sang isa ka pinasahi nga pagtinguha nga tratuhon ang imo mga ginikanan nga may pagtahod kag kaayo kag paghimo sang kon ano ang ginapangabay sang imo mga ginikanan nga imo himuon nga wala na kinahanglan sang pagpahanum-dom. Pagkatapos sang duha ka simana, irekord sa imo jour-nal kon paano ang pagmangin mas matinumanon nagtulod sa imo nga maluyag magpadayon sa paghimo sini kag kon paano ini nakabulig sa imo nga mahangpan ang imo kinau-gali nga diosnon kag ang diosnon nga mga papel sang mga iloy kag mga amay.

6. Pauswaga ang imo mga kinaugali nga diosnon. Basaha ang Mateo 5:9 ; Juan 15:12 ; Mga Taga-Galacia 5:22–23 ; Mga Taga-Colosas 3:12–17 ; 1 Juan 4:21 ; kag Moroni 7:44–48 . Sauloha ang imo paborito nga bersikulo gikan sa isa sining mga dinalan. Kilalaha ang mga kinaugali nga diosnon nga nahinambitan sa tanan sining balaan nga mga kasulatan kag listaha ang mga ini sa imo journal. Magpili sang isa ka kina-iya, kag sa sulod sang duha ka simana, magtinguha sa pag-himo sini nga isa ka bahin sang imo adlaw-adaw nga kabuhi. Irekord ang imo pag-uswag kag mga inagihan sa imo journal.

7. Tun-i ang kahulugan sang pulong nga makigdaeton. Dayon magpangita kag magbasa sang lima ka balaan nga mga kasu-latan nga nagatudlo parte sa mga makigdaeton. Magmangin isa ka halimbawa sang isa ka makigdaeton sa imo puluy-an kag sa eskuwelahan samtang nagalikaw ka sa pagpanghikay,

25

pagreklamo, ukon paghambal sing maparas sa iban ukon parte sa iban. Magpangamuyo sa tagsa ka aga kag gab-i sa Amay nga Langitnon para sa bulig sa paghimo sini. Pagka-tapos sang duha ka simana, isulat sa imo journal kon ano nga bag-o nga mga pamatasan ang gusto mo pauswagon, kon paano ang pagmangin isa ka makigdaeton kabahin sang imo kinaugali nga diosnon, kag kon paano ka magapadayon sa pagmangin isa ka makigdaeton.


8.

9.

26

Kinaugali nga Diosnon PROYEKTO SA PANINDUGAN

Pagkatapos nga nakompleto mo ang anum ka mga inagihan sa panindugan nga kinaugali nga diosnon, maghimo sang isa ka proyekto nga magabulig sa imo sa paggawi sang imo natun-an. Dapat ini mangin isa ka importante nga buluhaton nga magakinahanglan sa labing kubos napulo ka oras sa pagkompleto. Mainampuon nga magpangayo sang giya sang Balaan nga Espiritu sa pagpili sang isa ka makahulugan nga proyekto. Paaprobahi sa imo ginikanan ukon lider ang proyekto antes ka magsugod. Magsulat sang isa ka ebalwasyon sa imo pagkahuman sini. Sa idalom amo ang pila ka mga ideya para sa isa ka proyekto sa panindugan.• Pauswagon ang isa ka abilidad nga sarang mo magamit sa imo puluy-an

sa palaabuton, pareho sang pagpangluto, pagpanahi, pagpangaayo, pag-organisar, ukon pagdesinyo. Itudlo ina nga abilidad sa isa ka tawo, kag ipaathag kon paano ang pagtukod sang isa ka puluy-an sing kahusay (tan-awa sa D&C 109:8 ) isa sang imo diosnon nga mga papel.

• Sa malawig nga tion, mag-alagad sa isa ka tawo nga yara sa pangi-nahanglan, pareho sang isa ka lamharon nga iloy, isa ka tawo nga may mga kasablagan, ukon isa ka tigulang. Irekord sa imo journal kon paano ang imo pag-alagad nakabulig sa imo sa pagkilala sang kinaugali nga diosnon sa imo kaugalingon kag sa iban.

• Listaha ang diosnon nga mga kinaugali kag mga papel sang mga kababayin-an pareho sang ginatudlo sa “Ang Panimalay: Isa ka Proklamasyon sa Kalibutan” (tan-awa sa pahina 101), kag maghimo sang isa ka proyekto nga makabulig sa imo sa pagtuon sing dugang parte sa isa sadtong mga papel ukon responsibilidad.

• Nga nagagamit sang isa ka matinugahon nga abilidad sa handicraft nga imo natun-an, maghimo sang isa ka bagay para sa imo puluy-an sa karon ukon sa palaabuton. Irekord sa imo journal kon paano ang pagmangin matinugahon kabahin sang imo kinaugali nga diosnon kag kon paano ang pagpaambit sang imo pagkamatinugahon nag-bugay sang iban.

27

• Ang pag-obra sing may paghangpanay upod sa iban isa ka diosnon nga kinaiya (tan-awa sa D&C 38:27 ). Maghimo sang isa ka proyekto nga magatulod sang pag-isa sa imo kaparyentihan, sa imo eskuwela-han, ukon sa imo komunidad. Irekord sa imo journal kon paano ka makahimo sang kinalain kon mag-obra ka nga kaupod sa iban.



1.

2.

3.

Pagtugot


28

Ang akon ebalwasyon sang proyekto amo ang (isulat kon ano ang imo nabatyagan kag kon paano nagdugang ang imo paghangop parte sa kinaugali nga diosnon):



29

Indibidwal nga Bili Dumduma nga ang bili sang mga kalag dako sa panulok sang Dios

(tan-awa sa D&C 18:9–10 ).

May akon wala’y dulunan nga bili upod ang akon kaugalingon nga diosnon nga misyon,

nga akon pagatinguhaan sa pagtuman.

30

Indibidwal nga Bili KINAHANGLANON NGA


1. Isa ikaw ka anak nga babayi sang Amay nga Langitnon, nga nakakilala sa imo kag nagapalangga sa imo. Basaha ang Salmo 8:4–6 ; Jeremias 1:5 ; Juan 13:34 ; Doctrine and Covenants 18:10 ; Abraham 3:22–23 ; kag Joseph Smith—History 1:1–20 . Isulat sa imo journal kon paano ining balaan nga mga kasula-tan nagatudlo sa imo nga ang Amay nga Langitnon nakakila-la sa imo, nagapalangga sa imo kag nagabantay sa imo.

2. Magtuon parte sa importansya sang mga patriarchal blessing paagi sa pagtuon sang mga ini sa True to the Faith kag pinakau-lihi nga mga pamulong-pulong sa komperensya. Hibaloa kon ngaa ginahatag ang mga ini kag kon sin-o ang makahatag sang mga ini. Hambali upod sa isa ka ginikanan ukon lider sang Simbahan kon paano maghanda sa pagbaton sang isa ka patriarchal blessing kag kon paano ini makatudlo sa imo parte sa imo bili kag pagkatawo kag mangin giya sa bilog mo nga kabuhi. Kon wala mo pa mabaton ang imo bendisyon, maghanda sa pagbaton sini.

3. Basaha ang Doctrine and Covenants 18:10 kag 121:45. Himoa ang tanan nga imo masarangan sa pagpauswag sang iban kag pagpabatyag sa ila nga importante sila. Kada adlaw sa sulod sang duha ka simana, talupangda ang mapuslanon nga mga kinaiya kag mga kinaugali sang iban. Kilalaha ang mga ini sa hambal ukon sa sulat. Sa imo journal, isulat kon ano ang imo natun-an parte sa bili sang mga indibidwal kag kon paano ang imo kaugalingon nga pagsalig nagatubo kon ginapauswag mo ang iban.

31


Kompletuha ang tatlo ka dugang nga mga inagihan sa panindugan. Mahimo ka nga makapili gikan sa masunod nga mga opsyon ukon magsulat tubtob sa duha sang imo kaugalingon. Kinahanglan aprobahan sang imo ginikanan ukon lider yadtong imo ginasulat mismo antes ka magsugod. Papirmahi kag pasulati sang petsa sa imo ginikanan ukon lider ang tagsa ka inagihan sa imo pagkahuman sini. 4. Ikaw karon nagahanda sa pagtuman sang isa ka pinasahi nga

misyon sa duta. Basaha ang Doctrine and Covenants 88:119 . Sa imo journal maghimo sang listahan sang imo mga paglaum kag mga handum para sa imo palaabuton nga puluy-an, pani-malay, kag edukasyon kag pila ka importante nga mga butang nga luyag mo himuon sa imo kabuhi, dala ang pagmangin isa ka asawa kag iloy. Dayon magsulat sang isa ka plano nga maga-bulig sa imo sa paglab-ot sang imo mga tinutuyo. Ipaambit ini nga plano sa isa ka miyembro sang pamilya, lider, ukon abyan.

5. Mag-entra sa isa ka saot, pamulong-pulong, musika, ukon pasundayag sa drama sa eskuwelahan, sa imo komunidad, ukon sa simbahan. Paano bala ang imo pag-entra sa sini nga kahiwatan nagpabakod sang imo mga balatyagon sang indi-bidwal nga bili kag pagsalig sa kaugalingon? Irekord ang imo mga panghunahuna sa imo journal.

6. Kon magpartisipar ka sa family history, imo mahangpan ang imo pagkatawo kag indibidwal nga bili. Magbisita sa imo buhi nga mga paryente agud hibaluon ang kadamuon sang impor-masyon nga sarang makuha parte sa kasaysayan sang imo pamilya. Dayon magkompleto sang isa ka pedigree chart [tsart sang kaliwat] sang imo panimalay kag listaha ang mga ordi-nansa sang templo nga nakompleto na para sa tagsa ka tawo.

32

7. Ang Amay nga Langitnon naghatag sa imo sang pinasahi nga mga dulot. Basaha ang 1 Mga Taga-Corinto 12:4–12 ; 13 ; Moroni 7:12–13 ; 10:8–18 ; kag Doctrine and Covenants 46:11–26 . Pangabaya ang isa ka miyembro sang panimalay, isa ka lider sang Young Women, kag isa ka abyan sa pagsulat sang positibo nga mga kinaiya nga ginhatag sang Ginuo sa imo. Listaha ang imo mga dulot sa imo journal, kag isulat kon paano mo mapadayon ang pagpauswag sining mga dulot kag paggamit sang mga ini sa pag-alagad sa imo panimalay kag sa iban.

33


8.

9.

34

Indibidwal nga Bili PROYEKTO SA PANINDUGAN

Pagkatapos nga nakompleto mo ang anum ka mga inagihan sa panindugan nga indibidwal nga bili, maghimo sang isa ka proyekto nga magabulig sa imo sa paggawi sang imo natun-an. Dapat ini mangin isa ka importante nga buluhaton nga magakinahanglan sa labing kubos napulo ka oras sa pagkompleto. Mainampuon nga magpangayo sang giya sang Balaan nga Espiritu sa pagpili sang isa ka makahulugan nga proyekto. Paaprobahi sa imo ginikanan ukon lider ang proyekto antes ka magsugod. Magsulat sang isa ka ebalwasyon sa imo pagkahuman sini. Sa idalom amo ang pila ka mga ideya para sa isa ka proyekto sa panindugan. May yara ka sang pinasahi kag diosnon nga misyon nga buhaton sa duta kag ginbugayan sang mga talento sa paghimo sining misyon. Sa imo pagkompleto sang isa sang masunod nga mga proyekto, masaksi-han mo ang kaimportante kag kapuslanan sang iban kag makita man ang imo impluwensya sa mga kabuhi sang iban. Ipabutyag ang imo kapasalamatan sa yadtong imo mga nakaupod sa pag-obra, kag irekord ang imo mga inagihan sa imo journal.• Tipuna ang imo personal ukon pangpanimalay nga kasaysayan nga

ginagamit ang mga sinulatan sa journal, mga larawan, kag impor-tante nga mga papeles.

• Magpaambit sang isa sang imo mga dulot paagi sa pagpanulin ukon pagtudlo sa isa ka tawo sang isa ka tulun-an sa eskwelahan, musika, isa ka hampang, ukon isa ka matinugahon nga abilidad.

• Maghimo sang isa ka proyekto sa pagpatin-ad sang sitwasyon sa pangabuhi sang isa ka tawo nga yara sa panginahanglan.

• Magdumala ukon mag-entra sa isa ka koro sang mga lamharon, isa ka drama, isa ka pagpasundayag sang mga talento, ukon isa ka art exhibit.

• Magtuon sang isa ka makuwartahan nga abilidad nga makabulig sa imo sa isa ka palangabuhian sa karon nga panahon ukon sa palaabuton.

35



1.

2.

3.

4.

Pagtugot


36

Ang akon ebalwasyon sang proyekto amo ang (isulat kon ano ang imo nabatyagan kag kon paano nagdugang ang imo paghangop parte sa indibidwal nga bili):



37

Ihibalo

Magpangita sang kinaalam, bisan paagi sa pagtuon kag paagi man sa pagtuo (tan-awa sa D&C 88:118 ).

Magapadayon ako sa pagpangita sang mga oportunidad para sa pagtuon kag pagtubo.

38

Ihibalo KINAHANGLANON NGA


1. Magtuon parte sa importansya sang pagpadugang sang ihi-balo paagi sa pagbasa sang Mga Hulubaton 1:5 ; 4:7 ; 2 Nefi 28:30 ; kag Doctrine and Covenants 88:78–80, 118 ; 90:15 ; 130:18–19 ; 131:6 . Hunahunaa kon ngaa kinahanglan mo ang pagpadugang sang ihibalo kag paghangop parte sa kon paano ang mga prinsipyo sang ebanghelyo mahimo nga igawi sa imo puluy-an kag panimalay karon kag sa palaabuton. Isulat sa imo journal kon ano ang imo natun-an parte sa ihibalo, kag hambali ini upod sa isa ka miyembro sang panimalay ukon lider sang Young Women.

2. Sa imo journal ilista ang mga talento nga imo ginaangkon kag ang iban pa nga luyag mo pauswagon. Basaha ang Mateo 25:14–30 . Magtuon sang isa ka bag-o nga abilidad ukon talento nga magabulig sa imo sa pagtatap sang imo kaugali-ngon nga panimalay ukon puluy-an sa palaabuton (halim-bawa, pagtukar sang piano, pagkanta, pagbadyet, pagdumala sang tion, pagpangluto, pagpanahi, ukon pagtatap sang bata). Ipaambit sa imo panimalay, klase, ukon lider sang Young Women kon ano ang imo natun-an.

3. Sauloha ang Artikulo sang Pagtuo numero trese kag ihambal ini sa isa ka ginikanan ukon isa ka lider, ukon isa ka ham-tong. Dayon magduaw sa isa ka museo ukon exhibit ukon magtambong sa isa ka palatuntunan nga may yara sang saot,

39

musika, pamulong-pulong, ukon drama. Paagi sa paggamit sining artikulo sang pagtuo bilang sulundan, ebalwaha ang imo nakit-an kag nabatian. Isulat ang imo mga panghuna-huna sa imo journal parte sa kon paano mo sarang gamiton ining artikulo sang pagtuo bilang sulundan para sa tanan nga ginahimo mo agud nga ang Balaan nga Espiritu mangin imo dalayon nga kaupod. Ipaambit ina nga mga panghunahuna sa isa ka ginikanan ukon lider.


Kompletuha ang tatlo ka dugang nga mga inagihan sa panindugan. Mahimo ka nga makapili gikan sa masunod nga mga opsyon ukon magsulat tubtob sa duha sang imo kaugalingon. Kinahanglan aprobahan sang imo ginikanan ukon lider yadtong imo ginasulat mismo antes ka magsugod. Papirmahi kag pasulati sang petsa sa imo ginikanan ukon lider ang tagsa ka inagihan sa imo pagkahuman sini. 4. Magpili ang isa ka prinsipyo sang ebanghelyo nga luyag mo

nga mahangpan sing mas maayo (halimbawa, pagtuo, paghi-nulsol, paghigugma sa isigkatawo, wala’y katapusan nga mga panimalay, ukon mga kasugtanan sa pagbunyag). Magbasa sang balaan nga mga kasulatan kag sang mga pulong sang mga propeta sa ulihing mga adlaw nga may angot sa prinsip-yo. Maghanda sang lima-ka-minuto nga pamulong-pulong parte sa topiko kag maghatag sang pamulong-pulong sa isa ka sakrament miting, sa isa ka miting sang Young Women, sa imo panimalay, ukon sa imo klase. Irekord sa imo journal kon paano mo igawi ining prinsipyo sang ebanghelyo sa imo kabuhi.

40

5. Magtuon parte sa isa ka aspeto sang trabaho ukon pag-alagad nga interesado ka. Magpakighambal sa isa ka tawo nga nagatrabaho sa sina nga patag, kag hibal-a kon ano ang mga responsibilidad sina nga tawo sa iya trabaho, kon ano nga paghanas ukon edukasyon ang naangkon sang tawo sa pag-himo sina nga trabaho, kag kon ano nga mga kaayuhan ang ginahatag sang trabaho sini nga tawo sa sosyedad. Irekord ang imo mga natukiban sa imo journal.

6. Sauloha ang duha sang imo paborito nga mga himno gikan sa hymnbook. Magtuon sang husto nga sulundan sa pag-conduct sang mga himno (tan-awa sa Hymns, 383–85) kag dayon mag-conduct sini sa labing kubos duha ka beses sa family home evening, sa Young Women ukon iban pa nga miting sa Simbahan, ukon sa seminary. Basaha ang balaan nga mga kasulatan nga nalista sa idalom sang tagsa ka himno.

7. Sa Young Women camp, nagatuon ka sang mga abilidad sa first aid [unang panabang], kahilway sa peligro, katinlo, kag survival (paglampuwas sa mga peligro kag mga hangkat agud padayon nga mabuhi). Repasuha ining mga pagpanudlo sa imo Young Women Camp Manual kag isulat sa imo journal kon paano mo igawi ang mga ini sa imo puluy-an agud tipigan nga luwas ang imo panimalay. Maghimo sang isa ka listahan sang tig-una nga mga suplay nga pagakinahanglanon sang imo panimalay kon may yara sang emerhensya. Mag-tudlo sang isa ka leksyon sa family home evening ukon mag-paambit sa isa ka lider sang Young Women kon ano ang imo natun-an kag kon ano nga dugang nga mga abilidad ang luyag mo matun-an agud makahanda para sa mga emerhensya.

41


8.

9.

42

Ihibalo PROYEKTO SA PANINDUGAN

Pagkatapos nga nakompleto mo ang anum ka mga inagihan sa panindugan nga ihibalo, maghimo sang isa ka proyekto nga magabulig sa imo sa pag-gawi sang imo natun-an. Dapat ini mangin isa ka importante nga buluha-ton nga magakinahanglan sa labing kubos napulo ka oras sa pagkompleto. Mainampuon nga magpangayo sang giya sang Balaan nga Espiritu sa pag-pili sang isa ka makahulugan nga proyekto. Paaprobahi sa imo ginikanan ukon lider ang proyekto antes ka magsugod. Magsulat sang isa ka ebalwasyon sa imo pagkahuman sini. Sa idalom amo ang pila ka mga ideya para sa isa ka proyekto sa panindugan. • Magtuon kon paano magpang-areglar, magpaninlo, kag magtatap

sang isa ka puluy-an gikan sa imo iloy, lola, ukon isa pa gid ka babayi nga imo ginadayaw. Dayon igawi kon ano ang imo natun-an sa imo puluy-an.

• Maghanda para sa mas mataas nga edukasyon kag mag-angkon sang makuwartahan nga mga abilidad paagi sa pagkahibalo parte sa mga ginapangayo sa pagsulod sa kolehiyo ukon bokasyunal nga eskwela-han, mga scholarship, kag tuition, kag iban pa nga mga kagastuha-nan. Mag-aplay sa pagsulod kon nagakaigo.

• Basaha ang Doctrine and Covenants 89 . Binagbinaga kon ano ang sarang mo mahimo agud mapauswag ang imo pisikal nga kabakod. Patin-ara ang imo ikaayong-lawas paagi sa pagpauswag kag pagpa-tuman sang isa ka tayuyon nga programa sa pag-ehersisyo kag pag-tuon sa pagpangluto kag pagkaon sang kalan-on nga kabahin sang isa ka diyeta nga maayo para sa lawas.

• Magtuon parte sa husto nga pagtatap sang mga panapton, dala ang kon paano magpanglaba, magpamalantsa, kag maghimo sang tig-una nga mga pagpanursi kag mga pagpangliwat. Gamita ang mga abili-dad nga imo natun-an paagi sa pagtatap sang imo mga panapton.

43

• Nga nagaobra upod sa imo iloy, lola, ukon isa ka sister sa imo ward ukon branch, mangin batid sa isa ka abilidad sa homemaking nga iya ginatudlo sa imo.



1.

2.

3.

Pagtugot


44

Ang akon ebalwasyon sang proyekto amo ang (isulat kon ano ang imo nabatyagan kag kon paano nagdugang ang imo paghangop parte sa ihibalo):



45

Pagpili kag Pagkamay Salabton

Magpili kamo sini nga adlaw kon sin-o ang inyo alagdon; . . . apang nahanungod sa akon kag sa akon panimalay,

magaalagad kami sa Ginuo ( Josue 24:15 ).

Magapili ako sang maayo sangsa malain kag magabaton sang responsibilidad para sa akon mga desisyon.

46

Pagpili kag Pagkamay Salabton KINAHANGLANON NGA


1. Ang isa ka anak nga babayi sang Dios makahimo sang ma-alam nga mga desisyon kag makasolbar sang mga problema. Basaha ang 1 Nefi 15:8 ; 2 Nefi 32:3 ; Alma 34:19–27 ; Eter 2–3 ; kag Doctrine and Covenants 9:7–9 . Magtuman sang isa ka sulundan sang tayuyon nga pagtuon sang balaan nga mga kasulatan kag pagpangamuyo agud makabaton sang bulig sa paghimo sang personal nga mga desisyon pareho sang pagpili sang maayo nga mga kaabyanan, pagmangin maayo sa iban, pagbugtaw sa husto nga tion, ukon iban pa nga mga desisyon. Hambali upod sa isa ka ginikanan ukon lider kon paano ang regular nga pagtuon sang balaan nga mga kasulatan kag pag-pangamuyo nakabulig sa imo sa paghimo sang husto nga mga desisyon.

2. Basaha ang brosyur nga Para sa Kusog sang mga Lamharon. Listaha sa imo journal ang tagsa ka sulundan sang matarong nga pamatasan nga ginasulat sa brosyur, kag irekord kon ngaa importante ang magpili sa paggawi sinang mga sulundan. Maggawi sang matarong nga mga sulundan paagi sa pagpili sang tatlo sining mga sulundan nga sa diin kinahanglan mo magtin-ad. Mahimo nga pilion mo ang mangin mas mapili parte sa telebisyon, musika, mga libro, ukon iban pa nga media, ukon mahimo mo nga mapatin-ad ang imo kaugdang, panghambal, ukon pagkamatinud-anon. Pagkatapos sang tatlo ka simana, ipaambit ang imo pag-uswag sa imo panima-lay, sa imo klase, ukon sa isa ka lider.

47

3. Ang pagbuot, ukon ang ikasarang sa pagpili, isa sang pina-kadako nga mga dulot sang Dios sa Iya kabataan. Magbasa parte sa pagbuot sa Josue 24:15 ; 2 Nefi 2 ; kag Doctrine and Covenants 82:2–10 . Upod sa isa ka ginikanan ukon lider, hambali ang parte sa mga bugay kag mga responsibilidad sang pagbuot. Irekord sa imo journal ang imo paghangop sang pag-buot kag ang mga bunga sang mga pagpili kag mga buhat.


Kompletuha ang tatlo ka dugang nga mga inagihan sa panindugan. Mahimo ka nga makapili gikan sa masunod nga mga opsyon ukon magsulat tubtob sa duha sang imo kaugalingon. Kinahanglan aprobahan sang imo ginikanan ukon lider yadtong imo ginasulat mismo antes ka magsugod. Papirmahi kag pasulati sang petsa sa imo ginikanan ukon lider ang tagsa ka inagihan sa imo pagkahuman sini. 4. Magbasa parte sa paghinulsol sa Isaias 1:18 ; Alma 26:22 ;

34:30–35 ; Moroni 8:25–26 ; kag Doctrine and Covenants 19:15–20 ; 58:42–43 . Irekord sa imo journal kon ano ang kahulugan sa imo sang paghinulsol. Tun-i ang proseso sang paghinulsol, magpangamuyo para sa giya, kag igawi ang mga prinsipyo sang paghinulsol sa imo kabuhi.

5. Ang Balaan nga Espiritu magabulig sa imo sa paghimo sang husto nga mga pagpili. Upod sa isa ka ginikanan, lider, ukon abyan, magtuon sing dugang parte sa Balaan nga Espiritu paagi sa pagbasa kag paghambal parte sa Ezequiel 36:26–27 ; Juan 14:26 ; 16:13 ; Mga Taga-Galacia 5:22–25 ; 2 Nefi 32:5 ; Moroni 10:4–5 ; kag Doctrine and Covenants 11:12–14 . Dayon irekord sa imo journal kon paano ang Balaan nga Espiritu makabulig sa imo sa paghimo sang maayo nga mga desisyon sa imo adlaw-adlaw nga kabuhi. Magpangamuyo para sa kag maggawi nga takos sang dalayon nga pagpakig-upod sang Balaan nga Espiritu.

48

6. Tun-i ang tema sang Young Women kag kon ano ang gina-tudlo sini sa imo parte sa kon sin-o ka, kon ano ang imo pagahimuon, kag kon ngaa pagahimuon mo ini. Listaha sa imo journal kon ano ang imo pagahimuon sa tagsa ka adlaw parte sa kaugdang, pagpakig-date, kag sa media agud mangin matinlo sing moral kag takos sa pagsulod sa templo. Irekord sa imo journal kon paano ining mga pagpili magabulig sa imo sa pagpabilin nga hilway kag malipayon.

7. Ang paghimo sang mga pagpili kabahin sang plano sang Amay nga Langitnon para sa aton. Basaha ang Moses 4:1–4 ; 7:32 ; kag 2 Nefi 9:51 . Magsugod sang isa ka sulundan sang maalam nga pagdumala sang kuwarta paagi sa paghimo sang isa ka badyet para sa pagsupot kag paggasto sang imo kuwarta, dala ang pagbayad sang ika-pulo. Maggasto sang imo kuwarta suno sa badyet nga imo ginplastar sa labing kubos tatlo ka bulan. Magpahamtang sang mga prioridad nga nagatugot sa imo sa pagsabat sang imo labing importante nga mga pangi-nahanglan antes magbakal sang mga butang nga imo luyag apang indi gid man kinahanglanon. Irekord sa imo journal kon ano ang imo natun-an kag kon paano ang pagsunod sining mga sulundan magapadayon sa pagpakamaayo sang imo kabuhi.

49


8.

9.

50

Pagpili kag Pagkamay Salabton PROYEKTO SA PANINDUGAN

Pagkatapos nga nakompleto mo ang anum ka mga inagihan sa panindugan nga pagpili kag pagkamay salabton, maghimo sang isa ka proyekto nga magabulig sa imo sa paggawi sang imo natun-an. Dapat ini mangin isa ka importante nga buluhaton nga magakinahanglan sa labing kubos napulo ka oras sa pagkompleto. Mainampuon nga magpangayo sang giya sang Balaan nga Espiritu sa pagpili sang isa ka makahulugan nga proyekto. Paaprobahi sa imo ginikanan ukon lider ang proyekto antes ka magsugod. Magsulat sang isa ka ebalwasyon sa imo pagkahuman sini. Sa idalom amo ang pila ka mga ideya para sa isa ka proyekto sa panindugan.• Nga nagagamit sang Para sa Kusog sang mga Lamharon kag sa idalom

sang direksyon sang imo mga ginikanan ukon mga lider, magtukod ukon mag-entra sa isa ka seminar, fashion show ukon iban pa nga kahiwatan agud makabulig sa imo kag sa iban pa nga mga lamharon sa pagpili sa paggawi sang mga sulundan sang Ginuo.

• Sa idalom sang direksyon sang imo mga ginikanan ukon mga lider, magbulig sa pagplano kag pagdumala sang isa ka sinaot sang mga lamharon ukon iban pa nga kahiwatan nga nagapakita sang naga-kaigo nga instruksyon sa pagsaot kag maayo nga musika, kasanagon, kag palibot.

• Ebalwaha ang imo paggamit sang media kag teknolohiya. Magtuga kag mag-implementar sang isa ka plano sa pagpugong sang indi nagakabagay nga media sa pagsulod sa imo puluy-an. Siguroha nga ang imo plano nagapaisog sang makapaayo nga paggamit sang telebisyon, mga sine, musika, mga kompyuter, Internet, mga cell phone, kag iban pa nga mga sahi sang media sa puluy-an. Ipaambit ang imo ideya sa imo panimalay kag sa iban.

• Magtuon sang tig-una nga pagliwat sang mga panapton kag mga pamaagi sa pagpanursi samtang ginapasibo mo ang imo mga bayo suno sa mga sulundan sang maugdang nga pagpamiste.

51

• Magpili nga mangin mas mahipid sa imo puluy-an paagi sa pag-kompleto sang isa ka proyekto sang pagpaninlo ukon pagpanghi-mos. Irekord sa imo journal kon paano ang paghimo sini nagbulig sa imo sa iban nga aspeto sang imo kabuhi.



1.

2.

3.

Pagtugot


52

Ang akon ebalwasyon sang proyekto amo ang (isulat kon ano ang imo nabatyagan kag kon paano nagdugang ang imo paghangop parte sa pagpili kag pagkamay salabton):



53

Maayong mga Buhat Gani pasigaha ninyo ang inyo suga sa atubang sining katawhan, agud nga makita nila ang inyo maayong mga buhat kag himayaon

ang inyo Amay nga yara sa langit ( 3 Nefi 12:16 ).

Buligan ko ang iban kag ipasad ang ginharian paagi sa matarong nga pag-alagad.

54

Maayong mga Buhat KINAHANGLANON NGA


1. Tun-i kon ngaa ang pag-alagad isa ka tig-una nga prinsipyo sang ebanghelyo. Basaha ang Mateo 5:13–16 ; 25:34–40 ; Mga Taga-Galacia 6:9–10 ; Santiago 1:22–27 ; Mosias 2:17 ; 4:26 ; kag 3 Nefi 13:1–4 . Sa masami ang iban nagahatag sang pag-alagad nga mahimo nga wala mo matalupangdi, pareho sang paghanda sang mga kalan-on, pagbasa ukon pagpamati sa magagmay nga kabataan, pagpanursi sang mga panapton, ukon pagbulig sa isa ka utod. Sa duha ka simana, irekord sa imo journal ang wala matalupangdi nga mga buhat sang pag-alagad nga ginahimo sang mga miyembro sang imo panimalay kag sang iban. Kilalaha ang ila pag-alagad sa pila ka makahu-lugan nga paagi.

2. Ang pag-alagad isa ka importante nga prinsipyo sang pangpa-nimalay nga pagpangabuhi. Magbulig sa pagplano sang mga pagkaon sang imo panimalay, magpangita sang pagkaon, kag maghanda sang bahin sang mga kalan-on sa duha ka simana. Sa sulod sina nga tion, buligi ang imo panimalay sa pagtilili-pon agud makigbahin sa mga tinion sang pagkaon. Ireport sa imo klase kon ano ang imo natun-an.

3. Basaha ang Mosias 18:7–10 , kag sa imo journal maglista sang tatlo ka mga paagi nga makapaumpaw ka sa iban ukon maka-bulig sa ila sa pagdala sang ila mga palas-anon. Himoa ang mga butang sa imo listahan, kag sugiri ang isa ka miyembro sang panimalay ukon lider parte sa inagihan kag kon paano nabag-o ang imo panan-awan kag paghangop.

55


Kompletuha ang tatlo ka dugang nga mga inagihan sa panindugan. Mahimo ka nga makapili gikan sa masunod nga mga opsyon ukon magsulat tubtob sa duha sang imo kaugalingon. Kinahanglan aprobahan sang imo ginikanan ukon lider yadtong imo ginasulat mismo antes ka magsugod. Papirmahi kag pasulati sang petsa sa imo ginikanan ukon lider ang tagsa ka inagihan sa imo pagkahuman sini. 4. Magtudlo sang isa ka leksyon parte sa pag-alagad sa family

home evening ukon sa isa pa gid ka kahiwatan. Maggamit sang mga larawan, musika, mga halimbawa, ukon mga pagpasundayag sa imo leksyon. Gamita ang manwal nga Gabayan nga Libro sa Pagpanudlo (item 34595 861) bilang isa ka basehan.

5. Basaha ang Doctrine and Covenants 58:26–28 . Maghuna-huna sang mga pamaagi nga ang isa ka young woman, kag ang isa ka asawa kag iloy, mahimo nga maggawi sini nga balaan nga kasulatan sa iya panimalay. Magpauswag sang isa ka sulundan sang pag-alagad sa imo kabuhi paagi sa pagpili sang isa ka miyembro sang panimalay nga imo mabuligan. Alagari inang tawo sa labing kubos isa ka bulan. Irekord sa imo jour-nal ang imo mga aksyon kag mga balatyagon parte sa kon paano ini nagpatin-ad sang imo kaangtanan sa sina nga tawo.

6. Maggamit sa labing kubos tatlo ka oras nga nagahatag sang pag-alagad sa gwa sang imo panimalay. Magpangayo sa imo pangulo sang Relief Society sa ward ukon branch ukon sa isa ka lider sang komunidad sang mga suhestyon para sa pag-alagad. Halimbawa, mahimo ka magtatap sang kabataan samtang ang mga ginikanan nagatambong sa templo; magti-pon, maghimo, ukon magkaayo sang mga hampanganan ukon mga hinampang para sa isa ka nursery; magbaton sang isa ka takay sa pagtinlo sang mitinghouse; ukon magpati sa mga sugo ukon magbasa para sa isa ka tawo nga indi makahalin

56

sa puluy-an [tungod sang balatian ukon kasablagan] ukon mga iban pa nga yara sa panginahanglan. Irekord sa imo jour-nal ang mga reaksyon sang tawo nga imo gin-alagaran kag posible nga mga katuyuan para sa palaabuton nga mga opor-tunidad sa pag-alagad.

7. Paagi sa imo maayong mga buhat, makita sang iban ang imo halimbawa kag ayhan maluyag nga makahibalo pa gid sing dugang parte sa ebanghelyo. Magpangamuyo para sa isa ka pang-misyonaryo nga inagihan. Basaha ang Mateo 24:14 ; 28:19 ; kag Doctrine and Covenants 88:81 . Mag-agda sang isa ka abyan nga indi miyembro sang Simbahan ukon isa ka tawo nga indi-gawa aktibo sa pagkadto upod sa imo sa isa ka miting ukon kahiwatan sa Simbahan. Ipakilala ang imo abyan sa iban, kag siguroha nga nagaentra sia sa kahi-watan. Ipaambit ang imo testimonya parte sa ebanghelyo, kag agdaha sia sa pagtambong liwat.

57


8.

9.

58

Maayong mga Buhat PROYEKTO SA PANINDUGAN

Pagkatapos nga nakompleto mo ang anum ka mga inagihan sa panindugan nga maayong mga buhat, maghimo sang isa ka proyekto nga magabulig sa imo sa paggawi sang imo natun-an. Dapat ini mangin isa ka importante nga buluhaton nga magakinahanglan sa labing kubos napulo ka oras sa pagkompleto. Mainampuon nga magpangayo sang giya sang Balaan nga Espiritu sa pagpili sang isa ka makahulugan nga proyekto. Paaprobahi sa imo ginikanan ukon lider ang proyekto antes ka magsugod. Magsulat sang isa ka ebalwasyon sa imo pagkahuman sini. Sa idalom amo ang pila ka mga ideya para sa isa ka proyekto sa panindugan. • Magbulig sa pagplano kag pag-entra sa isa ka proyekto sa pagtinlo

ukon sa pagpatahum sang imo komunidad. • Maghanda nga mangin isa ka manugtatap sang puluy-an paagi sa

pagtipon sang mga resipe, pagpangompra sang mga pagkaon kag paghanda sang mga kalan-on para sa imo panimalay.

• Mag-obra upod sa isa ka miyembro sang panimalay sa pagtipon sang mga ngalan sang pila ka nagkalamatay na nga mga paryente nga indi nangin mga miyembro sang Simbahan. Pat-ura ang mga petsa sang ila pagkabun-ag kag pagkamatay kag ihanda ang ila mga ngalan agud dal-on sa templo. Magbulig sa pagplano sang isa ka pagbiyahe sa tem-plo kag maghikot sang mga pagbunyag para sa sadtong mga paryente.

• Maghanda sa pag-alagad sa iban paagi sa pagbaton sang paghanas para sa isa ka abilidad nga gamiton sa mga sitwasyon sang emerhen-sya, pareho sang first aid, pagpabalik sang pagginhawa ukon mga abilidad nga makaluwas sang kabuhi.

• Mag-alagad sa iban. Magboluntaryo sa isa ka komunidad, magtipon sang mga butang sa pagsabat sang tawhanon nga mga panginahang-lan, maggamit sang dugang nga tion sa pagbulig tatap sang isa ka bata ukon tigulang, ukon magtudlo sa eskuwelahan ukon sa imo komunidad.

59



1.

2.

3.

Pagtugot


60

Ang akon ebalwasyon sang proyekto amo ang (isulat kon ano ang imo nabatyagan kag kon paano nagdugang ang imo paghangop parte sa maayong mga buhat):



61

Integridad

Tubtob nga mapatay ako indi ko pag-isikway gikan sa akon ang akon [integridad] ( Job 27:5 ).

Magaangkon ako sang moral nga kaisog sa pagpalig-on sang akon mga aksyon suno sa

akon ihibalo sang husto kag sala.

62

Integridad KINAHANGLANON NGA


1. Ang integridad amo ang kabubut-on kag kaluyag sa paggawi suno sa aton mga ginapatihan kag mga sulundan. Basaha ang Moroni 10:30–33 kag hunahunaa kon ano ang kahu-lugan sang “dumilian ang inyo kaugalingon sang tanan nga mga pagkadi-diosnon.” Basaha ang brosyur nga Para sa Kusog sang mga Lamharon . Hunahunaa kon paano nagkalain ang mga sulundan sang Ginuo sa mga sulundan sang kalibutan. Irekord sa imo journal ang nagakaigo nga mga sulundan para sa pamatasan, pamiste, kag pagsinugilanon, amo man sa mga balasahon, mga sine, telebisyon, Internet, musika, mga cell phone kag iban pa nga media. Isulat man ang imo plano sa pagpabilin nga matinlo sing moral kag takos sa pagtambong sa templo. Pagkatapos sang pagtipig sang imo mga sulundan sa labing kubos isa ka bulan, isulat ang imo mga balatyagon sa imo journal kag magpadayon sa pagtipig sang imo pangako.

2. Maghimo sang isa ka kinaugalingon nga ebalwasyon sang imo personal nga integridad. Pamangkuta ang imo kaugalingon sang masunod nga mga pamangkutanon: Nagalikaw bala ako sa kutso-kutso; di-nagakaigo nga mga lahog, pagpamuyayaw kag pagkabulgar, kag paglango-lango parte sa sagrado nga mga topiko? Lubos bala ako nga tampad, matinlo sing moral, matinud-anon, masandigan, kag masaligan sa akon buluha-ton sa eskuwelahan kag sa iban pa nga mga kahiwatan? Mag-pangamuyo adlaw-adlaw para sa kusog kag para sa giya sang Balaan nga Espiritu nga magbulig sa imo sa pagpangabuhi

63

nga may integridad. Isulat sa imo journal ang mga butang nga sarang mo himuon agud pauswagon ang imo personal nga integridad kag sa labing kubos isa ka bag-o nga pamatasan nga luyag mo pauswagon.

3. Ang Manluluwas amo ang perpekto nga halimbawa sang integridad; Iya ginhimo kon ano ang Iya ginpromisa sa Amay nga Iya pagahimuon. Basaha ang 3 Nefi 11:10–11 . Tun-i ang mga kabuhi sang pila ka mga inidibidwal sa balaan nga mga kasulatan nga nagpangabuhi nga may integridad. Basaha ang Genesis 39 ; ang libro ni Ester; Job 2:3 ; 27:3–6 ; Daniel 3 kag 6; Mga Binuhatan 26 ; Doctrine and Covenants 124:15 ; kag Joseph Smith—History 1:21–25 . Sa imo journal pat-ura ang mga paagi nga ining mga tawo nagpakita sang integridad. Hunahunaa ang isa ka tion kon san-o nag-angkon ka sang kaisog sa pagpakita sang integridad, labi na gid kon san-o indi ini nangin mahapos ukon popular. Ipaambit ang imo inagihan kag ang imo mga balatyagon parte sini sa isa ka testimony meeting ukon leksyon ukon sa isa ka ginikanan ukon lider.


Kompletuha ang tatlo ka dugang nga mga inagihan sa panindugan. Mahimo ka nga makapili gikan sa masunod nga mga opsyon ukon magsulat tubtob sa duha sang imo kaugalingon. Kinahanglan aprobahan sang imo ginikanan ukon lider yadtong imo ginasulat mismo antes ka magsugod. Papirmahi kag pasulati sang petsa sa imo ginikanan ukon lider ang tagsa ka inagihan sa imo pagkahuman sini. 4. Pangitaa ang pulong nga integridad [integrity] sa isa ka dik-

syonaryo. Interbyuha ang imo iloy, lola, ukon isa pa gid ka babayi nga imo ginarespeto parte sa iya paghangop kag pag-gawi sang pulong. Maghimo sang listahan sang mga pamaagi nga sarang mo mapalig-on ang imo mga aksyon santo sa imo

64

ihibalo sang husto kag sayop, kag irekord sa imo journal ang kahulugan sa imo sang pag-angkon sang integridad.

5. Magtuon parte sa pagtindog bilang isa ka saksi. Basaha ang Mosias 18:9 . Dayon irekord sa imo journal kon paano ka per-sonal nga “makatindog bilang [isa ka saksi] sang Dios sa tanan nga mga tinion kag sa tanan nga mga butang, kag sa tanan nga mga duog.” Magpili sang isa ka personal nga pamatasan nga kinahanglan mo nga pauswagon agud nga mangin mas maayo ka nga halimbawa. Pauswaga ang integridad sa imo kabuhi samtang ginagawi mo ang imo bag-o nga pamatasan sa tatlo ka simana. Irekord ang imo pag-uswag sa imo journal.

6. Ang paggawi sang layi sang puasa isa ka oportunidad sa pag-gamit sang integridad. Sa isa ka gintalana nga Domingo nga inugpuasa [fast Sunday], maglikaw sa pagkaon kag ilimnon sa duha ka sagunson nga mga kalan-an kag mag-amot sa tanyag-puasa [fast offering] sang imo panimalay. Maghunahuna sang pat-od nga katuyuan samtang nagapuasa ka. Mahimo ka nga magpuasa para sa isa ka nagamasakit nga abyan, sa pagdaug sang isa ka malain nga pamatasan, sa pag-angkon sang isa ka pinasahi nga bugay para sa imo kaugalingon ukon sa lain nga tawo, ukon sa pagpasalamat. Sugori kag tapusa ang imo puasa sa isa ka pangamuyo.

7. Listaha ang mga isyu, mga tendensiya, kag mga problema nga nagapaluya sang panimalay. Basaha ang mensahe sang Unang Panguluhan sa pahina 1 sini nga libro, “Ang Panimalay: Isa ka Proklamasyon sa Kalibutan” (tan-awa sa pahina 101), kag ang seksyon parte sa panimalay sa Para sa Kusog sang mga Lamharon. Dayon usisaa sa Liahona ang laygay sadtong aton ginasuporta bilang mga propeta, mga manugtulok [seers], kag mga manugbugna [revelators]. Isulat sa imo journal ang imo plano sa pagpabakod sang imo panimalay sa karon kag ang mga panindugan kag mga tradisyon nga luyag mo ipahamtang sa imo panimalay sa palaabuton.

65


8.

9.

66

Integridad PROYEKTO SA PANINDUGAN

Pagkatapos nga nakompleto mo ang anum ka mga inagihan sa panindugan nga integridad, maghimo sang isa ka proyekto nga magabulig sa imo sa pag-gawi sang imo natun-an. Dapat ini mangin isa ka importante nga buluha-ton nga magakinahanglan sa labing kubos napulo ka oras sa pagkompleto. Mainampuon nga magpangayo sang giya sang Balaan nga Espiritu sa pag-pili sang isa ka makahulugan nga proyekto. Paaprobahi sa imo ginikanan ukon lider ang proyekto antes ka magsugod. Magsulat sang isa ka ebalwasyon sa imo pagkahuman sini. Sa idalom amo ang pila ka mga ideya para sa isa ka proyekto sa panindugan.• Irekord ang mga halimbawa sang mga paagi nga ang mga miyembro

sang panimalay nagpakita sang kalidad sang integridad sa ila mga kabuhi.

• Ang pag-angkon sang integridad nagakahulugan sang pagtipig sang imo mga pangako. Kilalaha kag tipigi ang imo mga pangako sa iban samtang nagaentra ka bilang miyembro sang isa ka grupo ukon orga-nisasyon ukon sa isa ka posisyon sang liderato sa imo eskuwelahan ukon komunidad.

• Nga nagagamit sang 1 Timoteo 4:12 bilang imo giya, magtukod kag maghimo sang isa ka kahiwatan nga magabulig sa imo sa paggawi nga “magmangin [halimbawa] ka sa mga nagatuo.”

• Ang paghimo kag pagtipig sang mga kasugtanan sa templo naga-kinahanglan sang integridad. Maghanda sa paghimo sang mga kasugtanan sa templo paagi sa paghimo kag pagsul-ob sang isa ka panapton nga nagasibo sa mga sulundan sang maugdang nga pamiste nga ginapaathag sa brosyur nga Para sa Kusog sang mga Lamharon kag sa mga pulong sang buhi nga mga propeta.

• Sa mga pamulong-pulong nga ginhatag sang mga General Au-thority, usisaa ang mga topiko parte sa integridad kag pagkamati-nud-anon. Tun-i kon ngaa ining mga prinsipyo importante sa imo

67

kalipayan kag pagpanghanda para sa templo. Maghimo sang isa ka bagay (pareho sang isa ka larawan, isa ka libro sang mga sinambit nga mga pulong, ukon isa ka bagay nga binorda sang kamot) nga magapahanumdom sa imo sa tagsa ka adlaw sang imo pangako nga mangin matinud-anon kag tampad sa tanan nga mga tinion kag makilal-an tungod sang imo personal nga integridad.



1.

2.

3.

Pagtugot


68

Ang akon ebalwasyon sang proyekto amo ang (isulat kon ano ang imo nabatyagan kag kon paano nagdugang ang imo paghangop parte sa integridad):



69

Katakos

Ang babayi nga takos sin-o bala ang makakita? kay ang iya bili labaw pa gid sa mga rubi ( Mga Hulubaton 31:10 ).

Magahanda ako sa pagsulod sa templo kag magpabilin nga matinlo sing moral kag takos.

Ang akon mga panghunahuna kag mga buhat magasandig sa mataas nga mga sulundan sang moralidad.

70

Katakos KINAHANGLANON NGA

MGA INAGIHAN SA PANINDUGAN Kompletuha ang masunod nga apat ka kinahanglanon nga mga inagihan sa panindugan. Papirmahi kag pasulati sang petsa sa imo ginikanan ukon lider ang tagsa ka inagihan sa imo pagkahuman sini.

1. Ang katakos isa ka sulundan sang panghunahuna kag pa-matasan nga nasandig sa mataas nga mga sulundan sang moralidad. Ini may dala nga kaputli [chastity] kag katinlo sing moral. Ang gahum sa pagtuga sang dutan-on nga kabuhi isa ka mataas nga gahum nga ginhatag sang Dios sa Iya mga anak. Iya ginmando nga ining gahum gamiton lamang sa tu-nga sang isa ka lalaki kag isa ka babayi, nga legal nga nakasal bilang mag-asawa. Tun-i ang kahulugan kag importansya sang kaputli kag katakos paagi sa pagbasa sang Jacob 2:28 ; “Ang Panimalay: Isa ka Proklamasyon sa Kali-butan” (tan-awa sa pahina 101); kag ang seksyon sa sekswal nga kaputli sa Para sa Kusog sang mga Lamharon. Basaha man ang Artikulo sang Pagtuo numero trese kag Mga Hulubaton 31:10–31 . Sa imo journal, isulat ang ginpromisa nga mga bugay sang sekswal nga pagkatinlo kag katinlo sing moral kag ang imo pangako nga mangin putli.

2. Ang paggawi sing takos “sa tanan nga mga tinion kag satanan nga mga butang, kag sa tanan nga mga duog” nagapa-angay sa imo sa dalayon nga pagpakig-upod sang Balaan nga Espiritu. Kon ikaw ginabunyagan kag ginakompirmar, gina-hatagan ikaw sang dulot sang Balaan nga Espiritu sa paggiya sang tanan nga aspeto sang imo kabuhi. Bangod ang Balaan nga Espiritu wala nagapuyo sa mahigko nga mga tabernakulo, ang paggawi sing takos isa ka kinahanglanon agud maangkon ang pagpakig-upod sang Balaan nga Espiritu kag mabaton ang mga bugay sang mga ordinansa sang templo. Basaha ang

71

masunod nga mga palasandigan sa balaan nga mga kasula-tan kag hibalua ang mga ginpromisa nga mga bugay: Juan 14:26–27 ; 15:26 ; 2 Nefi 32:1–5 ; kag Doctrine and Covenants 45:57–59 ; 88:3–4 ; 121:45–46 . Sa imo journal, irekord kon ano ang imo natun-an, kag isulat ang parte sa isa ka tion sang imo nabatyagan ang paggiya sang Balaan nga Espiritu.

3. Maghanda nga mangin takos sa pagsulod sa templo kag sa pagpartisipar sa mga ordinansa sang templo. Basaha ang Alma kapitulo 5. Maghimo sang listahan sang mga pamang-kot ni Alma. Sabta ang mga pamangkot para sa imo kauga-lingon , kag maghimo sang listahan sang mga butang nga sarang mo himuon kag pagahimuon mo sa paghanda sang imo kaugalingon nga mangin matinlo sing moral kag takos sa pagsulod sa templo kag sa pagbaton sang tanan nga mga bugay nga ginpromisa sang aton Amay nga Langitnon sa Iya pinalangga nga mga anak nga babayi.

4. Bangod ang Manluluwas nagapalangga sa imo kag naghatag sang Iya kabuhi para sa imo, sarang ka maghinulsol. Ang pag-hinulsol isa ka buhat sang pagtuo kay Jesucristo. Basaha ang Moroni 10:32–33 , ang libro ni Enos, kag ang seksyon sa pag-hinulsol sa Para sa Kusog sang mga Lamharon. Ang sakripisyo sang Manluluwas nga tuboson kita gikan sa aton mga sala naghimo nga posible para sa imo nga mapatawad sang imo mga sala. Basaha ang pang-sakramento nga mga pangamuyo sa Doctrine and Covenants 20:77, 79 . Pat-ura nga mag- ambit sing takos sang sakramento sa tagsa ka simana kag pun-a ang imo kabuhi sang maayong mga kahiwatan nga magadala sang espirituwal nga gahum. Sa imo paghimo sini, mangin mas mabaskog ka sa imo ikasarang sa pagbato sa tentasyon, pagtipig sang mga kasuguan, kag mangin mas pareho kay Jesucristo. Pat-ura kon ano ang sarang mo himuon sa adlaw-adlaw sa pagpabilin nga matinlo sing moral kag takos, kag isulat ang imo plano sa imo journal.

72

Katakos PROYEKTO SA PANINDUGAN

Mahimo mo sugdan ining kinahanglanon nga proyekto sa panindugan sa bisan ano nga tion. Ang Manluluwas nagpili nga maggawi sang kabuhi nga takos. Sunda ang Iya pagpahanumdom nga “magtuon sa akon” (tan-awa sa D&C 19:23 ) paagi sa pagbasa sang bilog nga Ang Libro ni Mormon: Isa pa ka Katipan nahanungod kay Jesucristo. Ipaanggid ang balaan nga mga kasulatan sa imo kabuhi kag mga sirkumstansya. Samtang nagabasa ka, irekord sing regular ang imo mga panghunahuna sa imo journal. Talu-pangda ang halimbawa sang Manluluwas. Ano ang ginhimo Niya kag sadtong mga nagsunod sa Iya sa paggawi sang takos nga mga kabuhi? Pagkatapos sang imo pagbasa, irekord ang imo testimonya.

“Ginsugiran ko ang mga kauturan nga Ang Libro ni Mormon amo ang labing husto sa ano man nga libro sa duta, kag amo ang bato nga pamag-ang sang aton relihiyon, kag ang isa ka tawo magmangin mas malapit sa Dios paagi sa pagsunod sang mga pagsulundan sini, sangsa diin man nga libro” (Joseph Smith, sa pauna sang Ang Libro ni Mormon).

73

ANG AKON TESTIMONYA PARTE SA ANG LIBRO NI MORMON

“Kag kon inyo mabaton ining mga butang, ginalaygayan ko kamo nga mamangkot kamo sa Dios, ang Wala’y Katapusan nga Amay, sa ngalan ni Cristo, kon ining mga butang indi matuod; kag kon kamo mamangkot sa isa ka bunayag nga tagipusuon, sa matuod-tuod nga tinutuyo, nga may pagtuo kay Cristo, ipakita niya ang kamatuoran sini sa inyo, paagi sa gahum sang Balaan nga Espiritu” ( Moroni 10:4 ).

74



75

“Ipakita sa akon ang isa ka young woman nga nagapalangga sang puluy-an kag panimalay, nga nagabasa kag nagabinagbinag sang balaan

nga mga kasulatan adlaw-adlaw, nga may tuman kabaskog nga testimonya parte sa Ang Libro ni

Mormon. Ipakita sa akon ang isa ka young woman nga tampad sa pagtambong sa iya mga miting sa simbahan, nga isa ka gradweyt sa seminary, nga nakaagom sang iya Award sang Pagkilala sang

Young Womanhood kag nagapabugal sa pagsuksok sini! Ipakita sa akon ang isa ka young woman nga

takos kag nagatipig sang iya personal nga katinlo sing moral, nga indi magpasugot kon indi kasal sa templo,

kag akon ipakita sa inyo ang isa ka young woman nga magabuhat sang mga milagro para sa Ginuo

sa karon kag sa bug-os nga katubtuban.”

Pangulong Ezra Taft Benson Ika-13 nga Pangulo sang Simbahan, 1985–94

(“To the Young Women of the Church,” Ensign, Nob. 1986, 84)

76

PAGKILALA SANG YOUNG WOMANHOOD

Kon makompleto mo ang programa sang Personal nga Pag-uswag, mangin kalipikado ka na sa pagbaton sang Pagkilala sang Young Womanhood. Sa pagbaton sang award:• Magtambong sing regular sa sakrament miting (kon posible).• Maggawi sang mga sulundan sa Para sa Kusog sang mga Lamharon. • Magkompleto sang mga inagihan sa panindugan kag isa ka proyekto

sa panindugan para sa tagsa sang walo ka mga panindugan.• Magsulat sa isa ka personal nga journal.• Magtambong sa seminary ukon magpartisipar sa programa sang

indibidwal nga pagtuon sang ebanghelyo (kon may yara).• Magbasa sing regular sang Ang Libro ni Mormon.• Magrekord sang imo testimonya parte sa Manluluwas nga si

Jesucristo. Ini nga award nagakilala sa imo tungod sang imo pagkatakos kag sa pagkompleto sang tanan nga mga kinahanglanon para sa Personal nga Pag-uswag. Bilang manugbaton sang award, ginapakita mo nga nakapasad ka sang isa ka sulundan sang pag-uswag sa imo kabuhi. Nakahanda ka sa paghimo kag sa pagtipig sang sagrado nga mga kasugtanan sa templo. Nakapangako ka sa pagtuman sang mga kasu-guan, sa pag-alagad sa iban kag sa pagpatin-ad kag pagpaambit sang imo mga dulot kag mga talento. Magatinguha ka sa pagpabakod sang puluy-an kag panimalay. Ang Pagkilala sang Young Womanhood mahimo nga ipresentar sa isa ka sakrament miting. Pagkatapos mo mabaton ang award, dapat magpadayon ka sa paggawi sing tampad sang mga sulundan sa Para sa Kusog sang mga Lamharon. Igawi kon ano ang imo natun-an samtang nagapadayon ka sa paghanda sa paghimo sang sagrado nga mga kasug-tanan sa templo upod sa Amay nga Langitnon. Makasalapo ka sang kasadya kag kalipay sa imo paghimo sini.

77

TALIAN NGA REKORD SANG PERSONAL NGA PAG-USWAG

Pagt

uo

Kina

ugal

i ng

a Dio

snon

Indi

bidw

al n

ga B

ili

Ihib

alo

Pagp

ili k

ag

Pagk

amay

Sal

abto

n

Maa

yong

mga

Buh

at

Inte

grid

ad

Kata

kos

Inagihan sa Panindugan






Proyekto sa Panindugan

Pagkilala sang Young Womanhood Petsa

Sa mga kuwadro sa ibabaw, isulat ang numero sang tagsa ka inagihan nga imo nakompleto.

78

HINIMUAN SA PANINDUGAN SA PERSONAL NGA PAG-USWAG

Sa imo pagkompleto sang mga inagihan sa panindugan kag proyek-to sa panindugan para sa tagsa ka panindugan sang Young Women,

magabaton ka sang isa ka simbolo kag isa ka laso para sa balaan nga mga kasulatan. Ibutang ini sa nagakaigo nga lugar sa idalom.

Pagtuo Kinaugali nga Diosnon

Indibidwal nga Bili

Ihibalo Pagpili kag Pagkamay Salabton

Maayong mga Buhat

Integridad Katakos

79

ANG AKON TESTIMONYA

Karon nga handa na ikaw sa pagbaton sang pagkilala sang Young Womanhood, irekord ang imo testimonya parte sa

Manluluwas nga si Jesucristo kag sa Iya Simbahan.

81

Pagkompleto sang Personal nga Pag-uswag

Nakompleto ko ang mga ginapangayo nga kinahanglanon

sa pagbaton sang Pagkilala sang Young Womanhood. Sa akon

pagpadayon sa pag-uswag, magatuman ako sang mga kasuguan,

magaalagad sa iban, kag magapauswag kag magapaambit sang akon

mga dulot kag mga talento. Sa akon paghimo sini, mangin handa

ako sa pagpabakod sang akon puluy-an kag panimalay kag mangin

takos kag handa sa pagbaton sang mga ordinansa sang templo.

Pirma sang young woman

Petsa

82

Ngalan

maukod nga nakakompleto sang tanan nga mga ginapangayo nga

kinahanglanon sa pagbaton sang Pagkilala sang Young Womanhood.

Ginatuman niya ang iya pangako nga igawi ang mga kasuguan kag

ang mga sulukdan sang Ang Simbahan ni Jesucristo sang mga Santos

sa Ulihing mga Adlaw subong sang ginapahayag sa Para sa Kusog

sang mga Lamharon. Nagpabakod sia sang iya pagtuo kay Jesucristo

kag sang iya testimonya parte sa Iya ebanghelyo. Nagapangako sia

sa pagtipig sang iya mga kasugtanan sa pagbunyag kag nagahanda

sa paghimo sang sagrado nga mga kasugtanan sa templo.

Pirma sang bishop ukon branch president

Petsa

Rekomendasyon para sa Pagkilala sang Young Womanhood

83

ANO ANG AKON HIMUON KON MAKOMPLETO KO ANG

PERSONAL NGA PAG-USWAG? Ang pagkompleto sang programa sang Personal nga Pag-uswag isa ka importante nga tikang sa pagpabakod sang imo pagtuo kag testi-monya kag paghanda para sa mga kasugtanan sa templo. Nakatuon ka kon paano maghimo sang mga pangako, magtuman sang mga ini, kag magreport sang imo pag-uswag. Ini nga proseso dapat magpa-dayon samtang nagapadayon ka sa alagyan padulong sa templo kag nagapadayon sa pagpauswag sang mga kinaiya nga magabulig sa imo sa bilog mo nga kabuhi. Mahimo ka nga makapadayon sang imo pag-uswag paagi sa pag-angkon sang Honor Bee ukon paagi sa pagsulit sang Personal nga Pag-uswag.

Mag-angkon sang Honor Bee Mag-angkon sang Honor Bee Ang Honor Bee charm ginahatag sang una sa young women nga nangin handa sa paghimo sing labaw pa sangsa ginapangayo. Agud mapadayon ang imo pag-uswag, mahimo ka mag-angkon sang Honor Bee nga ipares sa imo medalyon sa Pagkilala sang Young

Womanhood. Mahimo mo maangkon ang Honor Bee charm pagkata-pos makompleto ang duha sang masunod nga mga ginapangayo:

1. Basaha liwat ang Ang Libro ni Mormon. Ang adlaw-adlaw nga pamatasan sang pagtuon sang balaan nga mga kasulatan magapabakod sang imo pagtuo kag magabulig sa imo sa pag-baton sang personal nga inspirasyon kag paggiya sa bilog mo nga kabuhi. Kon magbasa ka bisan lima lang ka minutos kada adlaw, sarang mo makompleto ang bilog nga Ang Libro ni Mormon sa isa ka tuig.

2. Mag-alagad sa iban sa kabilugan nga 40 ka oras. Kon posible, ang pila sining mga inoras dapat magdala sang pagbulig sa isa pa gid ka young woman sa iya Personal nga Pag-uswag. Dapat ini himuon sa idalom sang direksyon sang panguluhan sang

84

Young Women sang ward ukon branch. Samtang ginabuligan mo ang isa pa gid ka young woman, dapat ka nga:• Mangin abyan niya.• Mangin isa ka halimbawa sang isa ka matarong nga

anak nga babayi sang Dios.• Magpaisog sa iya sa pag-obra upod ang iya mga ginika-

nan sa pagpili sang nagakaigo nga mga inagihan kag mga proyekto sa panindugan.

• Magbulig sa iya sa pagkompleto sang mga inagihan kag mga proyekto sa panindugan.

• Magbulig sa iya sa pagpadayon sa pagrekord sang mga inagihan kag mga proyekto sa panindugan.

• Magbulig sa iya sa paghangop sang mga prinsipyo sang ebanghelyo nga ginatudlo sang mga inagihan kag mga proyekto sa panindugan.

• Magpaisog sa iya sa pagbasa sang Ang Libro ni Mormon, kag hambalan upod niya kon ano ang iya ginabasa.

• Magpaisog sa iya sa pagpaambit sang mga inagihan kag mga proyekto sa panindugan sa iya panimalay.

Suliton ang Personal nga Pag-uswag Mahimo mo suliton ang bilog nga programa sang Personal nga Pag-uswag kag mag-angkon sang ikaduha nga medalyon sa Pagkilala sang Young Womanhood.

PARA SA MGA GINIKANAN KAG MGA LIDER

86

KASUMAHAN SANG PROGRAMA PARA SA MGA GINIKANAN KAG MGA LIDER

Katuyuan sang Personal nga Pag-uswag Ang Personal nga Pag-uswag sang Young Women isa ka programa sang hinimuan nga gindesinyo sa pagbulig sa young women nga:• Magpabakod sang ila mga testimonya parte kay Jesucristo.• Magpabakod alangay sang ila mga panimalay sa karon kag sa

palaabuton.• Maghanda nga mangin takos sa paghimo kag pagtipig sang sagrado

nga mga kasugtanan sa templo.• Maghanda para sa ila mga papel kag mga responsibilidad sa

palaabuton. Ang young women nagaobra upod sa ila mga ginikanan, mga lider sang Young Women, kag iban pa nga dalayawon nga mga babayi sa pagpahamtang kag paglab-ot sang mga katuyuan nga base sa walo ka mga panindugan sang Young Women. Ang Personal nga Pag-uswag makabulig sa mga ginikanan kag mga lider sa pagpatin-ad sang ila kaangtanan sa young women samtang nagaulupod sila sa pag-obra.

Mga Responsibilidad sang mga Ginikanan kag mga Lider sang Young Women Ipresentar ang Programa Ang mga lider sang Young Women nagaabiabi sa tagsa ka young woman nga nagasulod sa programa sang Young Women kag sa iya mga ginikanan. Ang isa ka miyembro sang panguluhan sang klase sang young woman puede man makatambong. Ang mga lider nagahatag sa young woman sang isa ka libro nga Personal nga Pag-uswag sang Young Women , isa ka journal sang Personal nga Pag-uswag, kag sang sulo nga pendant sang Young Women. Ginapaathag nila ang programa sa iya kag ginapaisog ang iya mga ginikanan sa pag-obra upod sa ila anak sa pagpili kag pagkompleto sang mga inagihan kag mga proyekto sa

87

Personal nga Pag-uswag. Ang mga lider dapat man nga mag-agda sang mga ginikanan sa tanan nga espesyal nga mga kahiwatan nga ginaen-trahan sang ila anak nga babayi.

Siguroha ang Nagakaigo nga Pagsuporta Ang isa ka young woman nagakinahanglan sang pagsuporta kag ta-yuyon nga pagpaisog sa pagkompleto sang Personal nga Pag-uswag. Mahimo ini nga maghalin sa mga ginikanan, mga lider, iban nga mga hamtong, kag mas magulang nga young women nga nakakompleto na sang Personal nga Pag-uswag. Kon ang isa ka young woman may limi-tado lang nga suporta gikan sa puluy-an agud magbulig sa iya sa pag-kompleto sang Personal nga Pag-uswag, ang isa pa ka sister mahimo nga pangabayon nga mag-alagad bilang manuglaygay kag buligan sia, sa direksyon sang mga lider sang priesthood. Ining hamtong nga sister mahimo mag-aprobar sang mga inagihan kag mga proyekto sa panin-dugan kag magpirma sang libro sang Personal nga Pag-uswag sang young woman kon nakompleto na ang mga ini. Ang isa pa ka young woman nga nakakompleto sang Personal nga Pag-uswag mahimo man pangabayon sa paghatag sang bulig kag pagpaisog.

Irekord kag Kilalaha ang Pag-uswag Ang mga ginikanan kag mga lider nagahatag sang regular nga mga oportunidad para sa young women nga magreport sang ila pag-uswag. Kon ang isa ka young woman nagareport sing regular, sarang sia ma-kahimo sang kasumahan sang iya mga pagtinguha kag magpaambit sang kon ano ang iya natun-an kag kon paano ang iya testimonya nagbakod. Ang mga ginikanan kag mga lider nagakilala sang iya mga hinimuan, nagakompirmar sang iya paghangop kag paggawi sang mga prinsipyo sang ebanghelyo, kag nagatanyag sang pagpaisog para sa padayon nga pag-uswag. Ining mga paghinambalanay magabulig sa pagpatin-ad sang mapinalanggaon nga mga kaangtanan.

Mga Responsibilidad sang mga Lider sang PriesthoodKon ang isa ka young woman nakakompleto sang bilog nga programa sang Personal nga Pag-uswag, ginainterbyu sia sang bishop nga

88

nagagamit sang mga sulundan sa Para sa Kusog sang mga Lamharon bilang sulundan. Ginapamatud-an niya ang iya pagtambong sa sakra-ment miting, iya partisipasyon sa seminary, kag ang iya pagbasa sang Ang Libro ni Mormon. Sarang ini mangin kabahin sang iya tuigan ukon ika-anum-nga-bulan nga interbyu. Ang bishop nagapat-od sang katakos sang young woman sa pagbaton sang Pagkilala sang Young Womanhood kag nagapirma sa iya libro sang Personal nga Pag- uswag sa pagkilala sang iya pagkompleto sang kinahanglanon nga mga ginapangayo. Mahimo niya sia hatagan sang Pagkilala sang Young Womanhood sa isa ka sakrament miting ukon iban pa gid nga miting. Ang kadalag-an sang isa ka young woman sa Personal nga Pag-uswag mahimo man makita kon mabaton niya ang iya mga sertipiko sang Beehive, Mia Maid, kag Laurel samtang nagauswag sia gikan sa isa ka klase pakadto sa isa. Ang mga miyembro sang bishopric sarang maggamit sang ila mga interbyu sa young women agud kilalahon kag padasigon ang pag-uswag sang tagsa ka young woman. Ang Talian sa Pagbantay sang Personal nga Pag-uswag sang Young Women para sa mga Lider, nga ginamente-nar sang panguluhan sang Young Women, mahimo makabulig sa mga miyembro sang bishopric. Ang mga pangulo sang stake dapat regular nga nagapamangkot sa mga bishop parte sa kaayuhan kag pag-uswag sang young women sa ila mga ward.

Mga Sulundan Ang mga katuyuan kag mga ginapangayo sa programa nasulat sa atubang sining libro. Ang masunod nga dugang nga mga sulundan mahimo nga makabulig sa mga lider.

Mga Inagihan sa Panindugan• Ang isa ka young woman mahimo nga mag-obra sa mga panindu-

gan sa bisan ano nga pagpasunod.• Luwas sang panindugan nga katakos, ang young women ginapaisog

sa pagkompleto sang kinahanglanon nga mga inagihan sa panindu-gan antes magsugod sang proyekto sa sina nga panindugan.

89

Mga Proyekto sa Panindugan• Ang isa ka proyekto sa panindugan ginatuyo nga magbulig sa isa ka

young woman sa paggawi sang kon ano ang iya natun-an gikan sa mga inagihan sa panindugan.

• Ang isa ka young woman dapat maggamit sa labing kubos sang napulo ka oras para sa tagsa ka proyekto sa panindugan. Ang amo gihapon nga napulo ka oras indi pwede mabaton para sa sobra isa ka proyekto sa panindugan.

• Ang young women mahimo nga mag-obra sing ulolupod sa mga proyekto. Apang, ang isa ka young woman kinahanglan maggamit sa labing kubos sang napulo ka oras sang iya kaugalingon nga tion kon ginagamit niya ang ina nga proyekto sa paghuman sang iya kaugalingon nga kinahanglanon sa Personal nga Pag-uswag.

• Nga may pagtugot na ngadaan sang mga ginikanan ukon mga lider sang Young Women, ang maayong mga butang nga ginahimo sang young women sa puluy-an, Simbahan, eskuwelahan, seminary, kag sa komunidad mahimo magkompleto sang mga ginapangayo sa Personal nga Pag-uswag.

Pagkompleto sang Personal nga Pag-uswag• Kon ang isa ka young woman nakakompleto na sang mga ginapa-

ngayo sa Personal nga Pag-uswag antes magbiya saYoung Women, dapat sia pangabayon sa pagbulig sa iban nga young women nga padayon pa nga nagaobra sa Personal nga Pag-uswag. Dapat man sia paisogon sa pag-angkon sang Honor Bee ukon pagsulit sang programa.

• Kon ang isa ka young woman wala nakakompleto sang tanan nga mga ginapangayo sa Personal nga Pag-uswag antes magbiya aa Young Women, dapat sia paisogon nga magpadayon sa pag-obra padulong sa pagbaton sang Pagkilala sang Young Womanhood. Ang mga iloy, mga lider, kag iban pa nga dalayawon nga mga babayi mahimo pangabayon sa pagsuporta sa iya sa paghimo sini.

90

Pagbantay kag Kadasigon sang Pag-uswag• Ang Talian nga Rekord sang Personal nga Pag-uswag, nga makit-an

sa pahina 77 sining libro, nagasuma sang tagsa ka obra sang young woman sa Personal nga Pag-uswag.

• Ang Talian sa Pagbantay sang Personal nga Pag-uswag sang Young Women para sa mga Lider makuha man bilang separado nga papel agud buligan ang mga lider sa pagbantay sang pag-uswag sang tagsa ka young woman (36655 861). Sarang ini magamit agud buligan ang mga lider alangay sang Young Women kag priesthood sa pag-obra upod sa kag pagkilala sang tagsa ka young woman.

• Ang young women mahimo mag-obra sa ila kaugalingon nga kada-sigon sa programa sang Personal nga Pag-uswag; apang, ginareko-mendar nga ang isa ka young woman magkompleto sa labing kubos isa ka inagihan sa panindugan tagsa ka bulan kag isa ka proyekto sa panindugan kada anum ka bulan (duha sa isa ka tuig). Kon magsu-god sia sa pag-obra pagsulod niya sa Young Women sa edad nga 12 kag magpadayon sa sining ginapanugyan nga kadasigon, magatapos sia kon mag-edad sia 16. May yara sia dayon sang duha ka tuig sa pag-angkon sang Honor Bee ukon sa pagsulit sang programa suno sa ginahatag nga suhestyon sa pahina 83.

Pagkilala sang Indibidwal nga Pag-uswag• Kon makompleto sang isa ka young woman ang mga inagihan kag

mga proyekto para sa tagsa ka panindugan, magabaton sia sang isa ka simbolo (36654 861) kag sang laso para sa balaan nga mga kasulatan nga naangot sa sina nga panindugan. Iya igabutang ang simbolo sa pahina sang Hinimuan sa Panindugan sa Personal nga Pag-uswag sang iya libro (pahina 78). Pagagamiton niya ang laso bilang book-mark sa iya balaan nga mga kasulatan. Ining pagkilala sang iya pag-uswag puede ihatag sa isa ka miting sang Young Women.

• Kada tuig, sa (kahiwatan nga) Halangdon nga Young Women, ang young women dapat kilalahon para sa ila mga hinimuan.

• Ang kadalag-an sang isa ka young woman sa Personal nga Pag- uswag mahimo man makita kon mabaton niya ang iya mga

91

sertipiko sang Beehive, Mia Maid, kag Laurel samtang nagaus-wag sia gikan sa isa ka klase pakadto sa isa. Ining mga sertipiko (Beehive, 08563 861; Mia Maid, 08565 861; Laurel, 08564 861) ginahatag sa idalom sang direksyon sang bishop. Ginakilala sini ang pagsulong sang isa ka young woman gikan sa isa ka grupo-sang-pangidaron pakadto sa isa.

Pagkilala sang Young Womanhood • Kon ang isa ka young woman nakakompleto sang iya obra sa tanan

nga walo ka mga panindugan kag nainterbyu na sang bishop, maba-ton niya ang Pagkilala sang Young Womanhood. Ining pagkilala may yara sang isa ka sertipiko (36651 861) kag isa ka medalyon nga bulawan ukon pilak (bulawan 08602 861; pilak, 08603 861). Ang isa ka miyembro sang bishopric mahimo magpresentar sang Pagki-lala sang Young Womanhood sa isa ka sakrament miting.

• Pagkatapos nga makompleto ang Pagkilala sang Young Woman-hood, ang isa ka young woman mahimo magpadayon sa pag-uswag paagi sa pag-angkon sang Honor Bee charm (bulawan, 08562 861; pilak, 08578 861; tan-awa sa pahina 83). Ining pagkilala sang iya pag-uswag puede ihatag sa isa ka miting sang Young Women.

• Ang mga award kag mga sertipiko mahimo nga makuha paagi sa isa ka distribution center sang Simbahan nga nagagamit sang mga pondo sang ward, nga wala sing bayran ang young women ukon ang ila mga ginikanan.

Mga Ginapangayo sa Personal nga Pag-uswag para sa mga Lider Ang mga lider ginapaisog sa pag-obra sang Personal nga Pag-uswag upod ang young women. Yadto mismo nga mga nagapartisipar sa pro-grama sang Personal nga Pag-uswag nakahangop sang programa sing mas maayo kag nagapahamtang sang maayo nga ehemplo para sundon sang young women. Mahimo nila mabaton ang Pagkilala sang Young Womanhood pagkatapos nga sila: • Mag-alagad sa kabilugan nga isa ka tuig bilang isa ka lider sang

Young Women.

92

• Magkompleto sang kinahanglanon nga mga inagihan sa panindu-gan sa tagsa sang walo ka mga panindugan.

• Magkompleto sang tatlo ka mga proyekto sa panindugan, dugang na ang proyekto para sa katakos.

Partisipasyon sang mga Iloy Ang mga iloy ginaabiabi sa pagpartisipar upod sang young women sa pag-angkon sang Pagkilala sang Young Womanhood. Ang mga iloy nagaobra gikan sa ila kaugalingon nga libro sang Personal nga Pag- uswag kag mahimo nga mag-angkon sang pagkilala upod sa ila anak nga babayi. Ginarekomendar nga ang isa ka anak nga babayi mag-angkon sang iya pagkilala antes ukon upod sa iya iloy. Ang mga iloy mahimo magkompleto sang amo man nga mga ginapa-ngayo pareho sang ila mga anak nga babayi, dala ang:• Magtambong sing regular sa sakrament miting (kon posible).• Maggawi sang mga sulundan sa Para sa Kusog sang mga Lamharon. • Magkompleto sang mga inagihan sa panindugan kag isa ka pro-

yekto sa panindugan para sa tagsa sang walo ka mga panindugan.• Magsulat sa isa ka personal nga journal.• Magbasa sing regular sang Ang Libro ni Mormon.• Magrekord sang iya testimonya parte sa Manluluwas nga si

Jesucristo. Ang mga iloy mahimo magpili sang lain nga mga opsyon para sa op-syunal nga mga inagihan sa panindugan kag mga proyekto sa panin-dugan gikan sa ila mga anak. Ang mga inagihan kag mga proyekto mahimo nga mapirmahan kag masulatan sang petsa sang ila anak nga babayi, ila bana, isa ka lider sang Young Women ukon isa ka hamtong. Ginapat-od sang bishop nga ang mga ginapangayo nakompleto na. Ang pagkilala kag pagbakal sang mga materyales para sa pagkilala dapat ipakig-angot sa mga lider sang Young Women kag sa bishopric.

93

Mga Ginapangayo sa Personal nga Pag-uswag para sa Iban nga Luyag Mag-obra sa Programa Ang iban nga mga babayi nga luyag magpartisipar kag magkompleto sang Personal nga Pag-uswag makahimo sini paagi sa pagkompleto sang amo man nga mga ginapangayo sa young women kag paagi sa pagbulig sang isa ka young woman sa isa ka bahin sang iya Personal nga Pag-uswag. (Tan-awa ang mga ginapangayo para sa mga iloy sa pahina 92.)

Pagdugang sang Personal nga Pag-uswag sa mga Leksyon sa Domingo kag sa Mutual Ang pag-obra sing ulolupod sa isa ka inagihan sa Personal nga Pag-uswag bilang kabahin sang isa ka leksyon sa Domingo sarang maka-hatag sa mga lider kag young women sang oportunidad nga hambalan ang mga prinsipyo nga ginatudlo kag ang paggawi sang mga ini sa mga kabuhi sang young women. Ang mga reperensya sang Personal nga Pag-uswag sarang makit-an sa mga materyales sa kurikulum sang Young Women. Ang mga kahiwatan sa Personal nga Pag-uswag mahimo nga mangin kabahin man sang Mutual. Halimbawa, ang tanan nga young women makabulig sa isa ka proyekto sa panindugan sang isa ka young woman. Ang pag-obra sing ulolupod sa isa ka proyekto sarang makabulig sa pagpaisog sa young women nga magpadayon sa pag-uswag. Ang amo nga mga kahiwatan sang grupo dapat planohon sing mainampuon kag sing maayo agud sigurohon nga ang programa sang Personal nga Pag-uswag nagapabilin nga personal para sa tagsa ka young woman.

Pagpasibo sa Indibidwal kag Lokal nga mga Panginahanglan Ang mga inagihan sa panindugan kag mga proyekto sa panindugan mahimo ipasibo suno sa personal ukon lokal nga mga sirkumstansya, mga interes, kag mga panginahanglan nga may pagtugot na ngadaan sang mga ginikanan kag mga lider. Kon nagahimo sang bisan ano nga mga pagliwat ukon pagkalain para sa isa ka indibidwal, ang mga lider dapat magbinagbinag sang mangin epekto sinang mga pagliwat

94

sa iban nga young women. Pagkatapos sang maid-id nga pagbinag-binag sang mga ginikanan kag mga lider, ang mga pagpasibo sarang mahimo agud sabton ang mga panginahanglan sang young women nga may mga kasablagan ukon mga limitasyon sa edukasyon, agud sabton ang mga pang-kultura ukon pang-indibidwal nga mga pangina-hanglan, ukon agud tugotan ang young women nga indi miyembro sa pagpartisipar. Kon ang isa ka young woman magbuylog sa Simbahan ukon mangin aktibo sa Young Women pagkaligad sang edad nga 16, ang iya mga kinahanglanon sa pagkompleto sang programa sang Personal nga Pag-uswag amo ang:• Magtambong sing regular sa sakrament miting (kon posible).• Maggawi sang mga sulundan sa Para sa Kusog sang mga Lamharon. • Magkompleto sang kinahanglanon nga mga inagihan sa panindu-

gan sa tagsa sang walo ka mga panindugan. (Indi niya kinahanglan nga kompletuhon ang opsyunal nga mga inagihan.)

• Magkompleto sang isa ka proyekto sa panindugan para sa tagsa sang walo ka mga panindugan.

• Magtambong sa seminary (kon may yara).• Magbasa sing regular sang Ang Libro ni Mormon.• Magrekord sang iya testimonya parte sa Manluluwas nga si Jesucristo. Ining mga ginapangayo mahimo man tumanon sang young women sa iban nga mga sirkumstansya nga napat-od sang lokal nga mga lider sang Young Women.

INDEX KAG MGA BASEHAN

96

Pagtuo □ Isaias 53:3–12 □ Malaquias 3:8–12 □ Mateo 26:26–28 □ Marcos 14:22–24 □ Lucas 22:17–20 □ Juan 3:16–17 □ Mga Taga-Roma 5 □ 1 Mga Taga-

Corinto 15:22 □ Mga Hebreo 11 □ Bugna 12:7–9 □ 2 Nefi 9:1–28 □ 2 Nefi 11:4–7 □ Alma 7:11–13 □ Alma 32:17–43 □ Alma 34:8–17 □ Alma 56:45–48 □ Alma 57:21 □ Eter 12:6–22 □ D&C 19:15–20

□ D&C 76:50–113 □ D&C 93:33–34 □ D&C 119 □ Moses 4:1–4 □ Abraham 3:24–27 □ Joseph Smith—

History 1:11–20

Kinaugali nga Diosnon □ Mga Hulubaton

31:10–31 □ Mateo 5:9 □ Lucas 2:40–51 □ Juan 6:38 □ Juan 15:12 □ Mga Taga-Galacia

5:22–23 □ Mga Taga-Colosas

3:12–17 □ 2 Pedro 1 □ 1 Juan 4:21 □ Alma 7:23–24

□ Moroni 7:44–48 □ D&C 20:77, 79 □ D&C 38:27 □ D&C 121:45

Indibidwal nga Bili □ Salmo 8:4–6 □ Jeremias 1:5 □ Juan 13:34 □ 1 Mga Taga-

Corinto 12:4–12 □ 1 Mga Taga-

Corinto 13 □ Moroni 7:12–13 □ Moroni 10:8–18 □ D&C 18:10 □ D&C 46:11–26 □ D&C 88:119 □ D&C 121:45 □ Abraham 3:22–23 □ Joseph Smith—

History 1:1–20

INDEX SA BALAAN NGA MGA KASULATAN

Pagabasahon mo ang kadam-an sining balaan nga mga kasulatan sam-tang ginakompleto mo ang imo mga inagihan sa panindugan kag mga proyekto sa panindugan. Ginapaisog ka namon sa pagmarka sini tanan kag sa pagtanda sang nagaangot nga panindugan sang Young Women sa imo balaan nga mga kasulatan. Ayhan luyag mo man tandaan yadtong mga kabahin sang scripture mastery nga mga bersikulo sa seminary.

97

Ihibalo □ Mga Hulubaton 1:5 □ Mga Hulubaton 4:7 □ Mateo 25:14–30 □ 2 Nefi 28:30 □ D&C 88:78–80 □ D&C 88:118 □ D&C 90:15 □ D&C 130:18–19 □ D&C 131:6 □ Mga Artikulo

sang Pagtuo 1:13

Pagpili kag Pagkamay Salabton □ Josue 24:15 □ Isaias 1:18 □ Ezequiel 36:26–27 □ Juan 14:26 □ Juan 16:13 □ Mga Taga-Galacia

5:22–25 □ 1 Nefi 15:8 □ 2 Nefi 2 □ 2 Nefi 9:51 □ 2 Nefi 32:3 □ 2 Nefi 32:5 □ Alma 26:22 □ Alma 34:19–27 □ Alma 34:30–35

□ Eter 2–3 □ Moroni 8:25–26 □ Moroni 10:4–5 □ D&C 9:7–9 □ D&C 11:12–14 □ D&C 19:15–20 □ D&C 58:42–43 □ D&C 82:2–10 □ Moses 4:1–4 □ Moses 7:32

Maayong mga Buhat □ Mateo 5:13–16 □ Mateo 24:14 □ Mateo 25:34–40 □ Mateo 28:19 □ Mga Taga-Galacia

6:9–10 □ Santiago 1:22–27 □ Mosias 2:17 □ Mosias 4:26 □ Mosias 18:7–10 □ 3 Nefi 12:16 □ 3 Nefi 13:1–4 □ D&C 58:26–28 □ D&C 88:81

Integridad □ Genesis 39 □ Ester

□ Job 2:3 □ Job 27:3–6 □ Daniel 3 □ Daniel 6 □ Mga Binuhatan 26 □ Mosias 18:9 □ 3 Nefi 11:10–11 □ Moroni 10:30–33 □ D&C 124:15 □ Joseph Smith—

History 1:21–25

Katakos □ Mga Hulubaton

31:10–31 □ Juan 14:26–27 □ Juan 15:26 □ 2 Nefi 32:1–5 □ Jacob 2:28 □ Enos □ Alma 5 □ Moroni 10:32–33 □ D&C 20:77, 79 □ D&C 45:57–59 □ D&C 88:3–4 □ D&C 121:45–46 □ Mga Artikulo sang

Pagtuo 1:13

98

Adlaw nga inugpahuway , 15 Ang Libro ni Mormon , 72

Balaan nga Espiritu , 39 , 47 , 62 , 70

Crafts (hinimo sa kamot) , 26 Cultural arts , 18 , 31 , 34 , 38 , 39

Drama , 31 , 39

Edukasyon , 31 , 34 , 38 , 40 , 42

Family History , 18 , 31 , 34 , 58 , 66

Family home evening , 15 , 16 , 39 , 40 , 55

Homemaking , 26 , 38 , 43 , 50 , 54 , 58

Ikaayong-lawas , 42 , 58 Ika-pulo , 15 , 17 , 48

Jesucristo , 14 , 16 , 18 , 23 , 24 , 71 , 72 , 102

Kapasalamatan , 16 , 34 , 54 , 64 Kaputli , 48 , 62 , 70 , 71 Katakos , 70 , 71 , 72 Katinlo sing moral , 50 , 62 , 70 ,

71

Kaugdang , 46 , 48 , 50 , 66 Komunidad , 27 , 31 , 55 , 58 , 66

Liderato , 50 , 58 , 66

Makigdaeton , 24 , 25 Media , 46 , 48 , 50 , 62 Mga abilidad , 18 , 26 , 34 , 38 ,

39 , 40 , 42 , 50 , 55 , 58 Mga abilidad sa pagdumala , 26 ,

42 , 50 , 66 Mga anak nga babayi sang Dios ,

22 , 30 , 46 Mga bokasyon , 34 , 40 , 42 Mga himno , 40 Mga hinampang , 34 Mga kaangtanan sang panima-

lay , 23 , 26 , 31 , 54 , 55 , 64 , 66 Mga Kasugtanan , 16 , 23 , 39 , 66 Mga propeta, mga pagpanudlo

sang , 14 , 39 , 64 , 66 Mga sulundan , 46 , 48 , 50 , 62 ,

64 , 66 , 70 , 72 Mga talento , 31 , 32 , 34 , 38 Moralidad , 46 , 48 , 50 , 62 , 66 , 70 Musika , 18 , 31 , 34 , 38 , 39 , 46 ,

50 , 62

INDEX SA TOPIKO

99

Nagatindog bilang isa ka saksi , 64 , 66

Pag-alagad , 26 , 34 , 54 , 55 , 58 Pagbadyet , 38 , 48 Pagbunyag , 16 , 39 , 58 Pagbuot , 46 , 47 , 48 , 55 Pagdumala sang kuwarta , 48 Pagdumala sang tion , 38 Paghigugma sa Isigkatawo , 23 ,

24 , 39 , 54 Paghinulsol , 15 , 39 , 46 , 47 , 71 Pag-inabyanay , 46 , 56 Pag-isa , 27 Pagkababayi , 22 , 26 , 31 , 38 , 42 Pagkababayin-on , 22 Pagkailoy , 14 , 22 , 24 , 26 , 31 ,

38 , 42 , 55 Pagkamatinumanon , 15 , 16 ,

24 , 46 , 48 , 50 Pagpanahi , 26 , 38 , 50 , 66 Pagpananom , 18 Pagpangluto , 38 , 54 , 58 Pagpaninlo , 42 , 51 , 55 , 58 Pagpanudlo , 14 , 16 , 26 , 34 , 40 ,

55 , 58 Pagpuasa , 15 , 64

Pagtatap sang bata , 38 , 55 , 58 Pagtubos sa aton gikan sa aton

mga sala (Pagpasag-uli) , 16 , 23 , 71 , 102

Pagtuon sang balaan nga mga kasulatan , 14 , 24 , 30 , 39 , 46 , 63 , 72

Pamulong-pulong , 31 , 39 Pangamuyo , 14 , 15 , 23 , 46 , 47 ,

56 , 62 , 64 , 71 Pang-misyonaryo nga buluha-

ton , 56 Panimalay, proklamasyon sa ,

14 , 22 , 26 , 64 , 70 , 101 Para sa Kusog sang mga Lamha-

ron , 46 , 50 , 62 , 64 , 66 , 70 , 71 Patriarchal blessings , 30 Pisikal nga kabakod , 42 Plano sang kaluwasan , 16 , 30 ,

47 , 48

Sakramento , 15 , 23 , 71 Sinaot , 31 , 38 , 50

Tema sang Young Women , 3 , 48 Templo , 31 , 48 , 58 , 62 , 66 , 71 Testimonya , 14 , 16 , 56 , 63 ,

64 , 72

101

Ini nga proklamasyon ginbasa ni Pangulong Gordon B. Hinckley bilang bahin sang iya mensahe sa General Relief Society Meeting nga ginhiwat sang Septyembre 23, 1995, sa Dakbanwa sang Salt Lake, Utah.

A�� U�� P�� K�� N��’� D�� M�� A�� —A�� S�� J�� M�� S�� U�� A��

KAMI, ANG UNANG PANGULUHAN kag ang Konseho sang Napulo’g Duha ka mga Apostoles sang—Ang Simbahan ni Jesucristo sang mga Santos sa Ulihing mga Adlaw, pormal nga nagaproklamar nga ang pag-asawahay sa tunga sang isa ka la-laki kag isa ka babayi ginmando sang Dios kag nga ang pani-malay labing importante sa plano sang Tagtuga para sa wala’y katapusan nga kapalaran sang Iya mga kabataan.

ANG TANAN NGA TAWO —lalaki kag babayi—gintuga sa dag-way sang Dios. Ang kada isa isa ka pinalangga nga espiritu nga anak nga lalaki ukon anak nga babayi sang langitnon nga mga ginikanan, kag tungod sina, ang kada isa may diosnon nga kinaiya kag kapalaran. Ang gender [sahi] isa ka kinahang-lanon nga kinaiya sang indibidwal para sa wala pa mabun-ag, mortal, kag wala’y katapusan nga palatandaan kag katuyuan.

SA KALIBUTAN SANG WALA PA MABUN-AG, ang espiritu nga mga anak nga lalaki kag mga anak nga babayi nakakilala kag nagasimba sa Dios bilang ila Wala’y Katapusan nga Amay kag nagbaton sang Iya plano nga paagi sa sini ang Iya mga kabata-an sarang makaangkon sing isa ka pisikal nga lawas kag ma-kaagom sang dutan-on nga inagihan sa pag-uswag padulong sa kahimpitan kag sa katapusan makalab-ot sa ila diosnon nga kapalaran bilang mga manunubli sang kabuhi nga wala’y kata-pusan. Ang diosnon nga plano sang kalipayan nagatugot sang pang-panimalay nga mga kaangtanan sa pagpadayon didto pa gid sa pihak sang kamatayon. Ang sagrado nga mga ordinansa kag mga kasugtanan nga maangkon sa balaan nga mga templo nagahimo sini nga posible para sa mga indibidwal sa pagbalik sa nahamtangan sang Dios kag para sa mga panimalay nga matingob sa wala’y katapusan.

ANG UNA NGA KASUGUAN nga ginhatag sang Dios kanday Adan kag Eva napertineser sa ila potensyal para sa pagkagi-nikanan bilang bana kag asawa. Ginapahayag namon nga ang kasuguan sang Dios para sa Iya mga kabataan sa pagmuad kag pagpuno sa duta nagapabilin gihapon nga may puersa. Dugang namon nga ginapahayag nga ang Dios nagsugo nga ang sagrado nga mga gahum sang pagtuga sang anak pagaga-miton lamang sa tunga sang lalaki kag babayi, nga legal nga ginkasal bilang bana kag asawa.

GINAPAHAYAG NAMON nga ang mga pahito nga sa amo nga paagi gintuga ang mortal nga kabuhi, diosnon nga ginpanulin. Nagapamatuod kami sa pagkabalaan sang kabuhi kag sang iya sini pagkaimportante sa wala’y katapusan nga plano sang Dios.

ANG BANA KAG ASAWA may isa ka dungganon nga responsibi-lidad sa pagpalangga kag pagtatap sa isa kag isa kag sa ila mga kabataan. “Ang mga anak palanublion gikan sa Ginuo” ( Salmo 127:3 ). Ang mga ginikanan may isa ka sagrado nga tulumanon

sa pagpadako sang ila mga kabataan sa gugma kag pagkamata-rong, sa pagpanangkap sang ila pisikal kag espirituhanon nga mga panginahanglan, kag sa pagtudlo sa ila sa pagpalangga kag pag-alagad sa isa kag isa, sa pagtuman sang mga kasuguan sang Dios kag mangin mga banwahanon nga matinumanon sa layi bisan diin man sila nagapuyo. Ang mga bana kag mga asa-wa—mga iloy kag mga amay—pagakabigon nga may salabton sa atubang sang Dios sa pagpatuman sining mga obligasyon.

ANG PANIMALAY gintalana sang Dios. Ang pag-asawahay sa tunga sang lalaki kag babayi tuman ka importante sa Iya wala’y katapusan nga plano. Ang mga kabataan may kinama-tarong nga mabun-ag sa sulod sang higot sang matrimonyo, kag padakuon sang isa ka amay kag isa ka iloy nga nagatahod sang panumpa sang pag-asawahay upod ang lubos nga pag-unong. Ang kalipayan sa kabuhi sang panimalay labing may purohan nga malab-ot kon napasad sa mga pinanudlo sang Ginuong Jesucristo. Ang madinalag-on nga mga pag-asawa-hay kag mga panimalay napahamtang kag ginapadayon sa mga prinsipyo sang pagtuo, pangamuyo, paghinulsol, pag-patawad, pagtahod, gugma, kaluoy, trabaho, kag makapaayo nga mga kahiwatan sa paglingaw-lingaw. Suno sa diosnon nga plano, ang mga amay amo ang magapamuno sa ila mga panimalay sa gugma kag pagkamatarong kag responsable sa pagpanangkap sang mga kinahanglanon sa kabuhi kag pag-amlig sang ila mga panimalay. Ang mga iloy una sa tanan, amo ang responsable sa pagbatiti sang ila mga kabataan. Sa sining sagrado nga mga responsibilidad, ang mga amay kag mga iloy obligado sa pagbulig sa isa kag isa bilang palareho nga magkatuwang. Sa tinion sang kasablagan, kamatayon, ukon iban pa nga mga sirkumstansya ayhan pagakinahang-lanon ang indibidwal nga pagpabagay. Ang mga paryente sa gwa sang panimalay dapat nga magtanyag sang ayuda kon ginakinahanglan.

NAGAPAANDAM KAMI nga ang mga indibidwal nga nagala-pas sang kasugtanan sang kaputli, nga nagaabuso sang tiayon ukon anak, ukon nga nagapatumbaya sa pagtuman sang mga responsibilidad sa panimalay magatindog sa adlaw nga maga-abot nga may salabton sa atubang sang Dios. Dugang pa sini, nagapaandam kami nga ang pagkabungkag sang panimalay magadala sa mga indibidwal, mga komunidad, kag mga pung-sod sang mga kalalat-an nga ginpanagna sang dumaan kag moderno nga mga propeta.

GINAPANAWAGAN NAMON ang responsable nga mga banwa-hanon kag mga opisyales sang gobyerno bisan diin sa pag-pasulong sadtong mga tikang nga gintuyo sa pagtipig kag pagpabakod sang panimalay bilang tig-una nga yunit sang sosyedad.

ANG PANIMALAY ISA KA PROKLAMASYON

SA KALIBUTAN

Samtang ginasaulog naton ang pagkabun-ag ni Jesucristo sangnagligad nga duha ka milenya, ginadulot namon ang amonpanaksihon sang pagkamatuodtuod sang Iya indi matupongan

nga kabuhi kag sang wala’y dulonan nga birtud sang Iya dako nganagapasag-uli nga halad. Wala na sing iban pa nga may subong ngaindi-matungkad nga impluwensya sa tanan nga nagkabuhi kag maga-kabuhi pa sa ibabaw sang duta.

Sia ang Dakong si Jehova sang Daan, ang Mesias sang Bag-ongKatipan. Sa idalom sang direksyon sang Iya Amay, Sia ang tagtuga sangduta. “Ang tanan nga butang ginhimo niya, kag sa wala sia wala’y bisanano nga nahimo sang ginhimo” (Juan 1:3). Bisan pa nga wala’y sala,ginbunyagan Sia sa pagtuman sang bug-os nga pagkamatarong. Sia“naglibot nga nagahimo sing kaayuhan” (Mga Binuhatan 10:38),apang gintamay tungod sini. Ang Iya ebanghelyo isa ka mensahe sangpaghidaet kag maayong kabubut-on. Naga-agda Sia sa tanan sa pag-sunod sang Iya halimbawa. Naglatas Sia sa mga dalanon sang Palestinanga nagapang-ayo sang mga masakiton, nagatuga sang mga bulag ngamakakita, kag nagapabalik sang mga minatay sa kabuhi. NagpanudloSia sang mga kamatuoran sang wala’y katapusan, sang pagkamatuod-tuod sang aton pagkabuhi sang wala pa kita mabun-ag, sang katuyuansang aton kabuhi sa duta, kag sang ikasangkol para sa mga anak ngalalaki kag mga anak nga babayi sang Dios sa kabuhi nga magaabot.

Ginsugdan Niya ang [ordinansa sang] sakramento bilang pahanum-dom sang Iya dako nga nagapasag-uli nga halad. Gindakop Sia kag gin-pamatbatan sa butig nga mga panumbongon, ginhukman sa paglipaysang magamo nga kadam-an, kag ginpamatbatan nga mamatay sa krussa Kalbaryo. Ginhatag Niya ang Iya kabuhi sa pagpasag-uli para sa mgasala sang tanan nga tawo. Ang Iya ginhimo isa ka dako nga salili ngadulot para sa tanan nga magakabuhi pa sa ibabaw sang duta.

Maligdong nga nagasaksi kami nga ang Iya kabuhi, nga amo angsentro sang tanan nga maragtas sang tawo, wala magsugod saBetlehem ukon nagtapos sa Kalbaryo. Sia ang Panganay sang Amay,ang Bugtong nga Inanak sa unod, ang Manunubos sang kalibutan.

Nabanhaw Sia gikan sa lulubngan agud “mangin panganay sangmga nagakatulog” (1 Mga Taga-Corinto 15:20). Bilang Nabanhawnga Ginuo, nagduaw Sia sa tunga sadtong ginpalangga Niya sakabuhi. Nag-alagad man Sia sa tunga sang Iya “iban pa nga mgakarnero” (Juan 10:16) sa dumaan nga Amerika. Sa moderno ngakalibutan, Sia kag ang Iya Amay nagpakita sa lamharon nga si JosephSmith, nga nagpasugod sang madugay na nga ginpanaad nga “dispen-sasyon sang kabug-usan sang panahon” (Mga Taga-Efeso 1:10).

Parte sa Buhi nga Cristo, ang Manalagna nga si Joseph nagsulatnga ang Iya mga mata kaangay sang dabdab sang kalayo; ang buhoksang Iya ulo maputi subong sang puraw nga nieve; ang Iya dagwaynagasilak sing labaw pa sa kasanag sang adlaw; kag ang Iya tingugkaangay sang tunog sang nagadaganas nga dakong mga tubig, nga sapagkamatuod amo ang tingug ni Jehova, nga nagasiling nga

Sia ang una kag ang katapusan, nga buhi Sia, nga Sia ang ginpatay,kag nga Sia ang aton mananabang sa Amay (tan-awa sa D&C110:3–4).

Ang Manalagna nagpahayag man nga pagkatapos sang madamonga mga panaksihon nga ginhatag parte sa Manluluwas, ginahatag niyaini nga panaksihon, katapusan sa tanan: Nga ang Manluluwas buhi!

Kay ang Manalagna nakakita sa Iya sa tuo nayon nga kamot sangDios kag nakabati sang isa ka tingug nga nagapahayag sang pamatuodnga Sia ang Bugtong nga Inanak sang Amay—

Nga paagi sa Iya, kag sa kalalangan Niya, kag tungod sa Iya, angmga kalibutan yara karon kag gintuga, kag ang mga pumoluyo sangmga ini mga inanak nga lalaki kag mga inanak nga babayi sang Dios(tan-awa sa D&C 76:22–24).

Ginapahayag namon sa mga pulong nga maligdong nga ang Iyapagkapari kag ang Iya Simbahan napanumbalik na sa duta—“gin-tukod sa mga sadsaran sang . . . mga apostoles kag mga manalagna,nga si Cristo Jesus iya amo ang pangulong bato sang pamag-ang” (MgaTaga-Efeso 2:20).

Nagasaksi kami nga sa pila ka adlaw magabalik Sia sa duta. “Kagang himaya sang Ginuo igapahayag, kag ang tanan nga unod makaki-ta sini sing tingob” (Isaias 40:5). Magadumala Sia bilang Hari sangmga Hari kag magagahum bilang Ginuo sang mga Ginuo, kag angtagsa ka tuhod magaluhod kag ang tagsa ka dila magadayaw sapagsimba sa atubang Niya. Ang tagsa sa aton magatindong agud huk-man Niya suno sa aton mga binuhatan kag sa mga handum sang atonmga tagipusuon.

Nagapahayag kami sang panaksihon, bilang Iya nagakaigo nga gin-ordinan nga mga Apostoles—nga si Jesus amo ang Buhi nga Cristo,ang wala’y kamatayon nga Anak sang Dios. Sia ang dako nga HaringEmmanuel, nga nagatindog karon sa tuo nayon nga kamot sang IyaAmay. Sia ang kasanag, ang kabuhi, kag ang paglaum sang kalibutan.Ang Iya alagyan amo ang banas nga nagapadulong sa kalipayan sa sininga kabuhi kag kabuhi nga wala’y katapusan sa kalibutan nga maga-abot. Pasalamatan naton ang Dios tungod sa indi matupongan ngadulot sang Iya diosnon nga Anak.

ANG BUHI NGA CRISTOANG PANAKSIHON SANG MGA APOSTOLES

THE CHURCH OF JESUS CHRIST OF LATTER-DAY SAINTS

ANG UNANG PANGULUHAN ANG KORUM SANG NAPULO’G DUHA KA MGA APOSTOLES

January 1, 2000

Mga anak nga babayi kamiMga anak nga babayi kamiMga anak

Kami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindogKami magatindog

Mangin handa kami

Nagapati kamiNagapati kami

Magtindog kamo sa balaan nga mga duog, kag indi magpangduhaduha,

tubtob sa adlaw nga mag-abot ang Ginuo. (tan-awa sa D&C 87:8 )

Libro sang Personal nga Pag-uswag sang Young Women

Documents

Transcript of Libro sang Personal nga Pag-uswag sang Young Women