Kostanj 18

Organizatore priredbe „Večer od užanci“ koja je održana drugu godinu za redom, a to su Udruga likovnih umjetnika amatera „Braća Baštijan“ i Općina Viškovo, slijedeći puta očekuje ozbiljan problem. Ako interes za ovu manifestaciju nastavi rasti kao do sada, a prema viđenom, to je gotovo sigurno, morati će u potragu za većeom salom, jer ona u Domu hrvatskih branitelja u Viškovu biti će premala da u nju stanu svi koji budu željeti prisustvovati. Manifestacija pod nazivom „Nekadajna peknjica“ počela je s pjevačkim zborom OŠ „Sveti Matej“, potom je Frane Jelovica govorio o njihovoj obiteljskoj peknjici i opisao kako se u ono vrijeme pekao kruh, nastupio je i Pumpa bend, a kroz sav program provela nas je Jadranka Cetina. Na kraju je program završio vrlo moderno – interaktivno, jer je i publika imala što za reći. Svima nam je bilo jako ugodno i lijepo.A starim užancama i zanatima bavimo se i u Kostanju. Pisali smo već o peknjicama, palerima, klesarima i drugim tradicionalnim zanatima,

a kad pišemo o tome čime su se bavili naši stari, nikako nemožemo preskočiti gostionice, odnosno kako se kod nas kaže: oštarije. Naročito zbog toga što u vrijeme kada još nije bilo modernih komunikacijskih sredstava i medija, oštarije nisu bile samo puki ugostiteljski objekti nego su imale i posebnu društvenu funkciju. U ovom broju donosimo članak o tom starom i važnom zanatu koji podsjeća na oštare i oštarije koje se je nekada obilazilo, od kojih većina više ne radi, da se ne zaboravi. Zapravo, spomenute su samo oštarije s istočnog dijela Kastavštine, a nastojati ćemo drugom prilikom dopisati i nastavak, o onima s druge strane Kastva.

Slijedeći broj KOSTANJ-a pripremamo kao i predhodne dvije godine u formi kalendara, s time da smo se potrudili da ove godine izrada bude malo kvalitetnija. KOSTANJ KALENDAR u distribuciju će već za desetak dana.Stojte mi dobro. Gordan Srok

UŽANCE

2

Predstavljamo vam mladu akademsku slikaricu iz Marinića koja se uz slikanje bavi izradom unikatnog nakita.

Iva Čehić: Rođena si 1984. godine i pohađala si Osnovnu školu Pehlin te su tvoji likovni radovi već tada objavljivani u školskom listu. Kada si se počela baviti slikarstvom?Danijela Sušanj: Odmalena sam voljela crtati – kao dijete najviše sam se veselila ispunjavanjem bojanki s bojicama ili flomasterima. Svaki dan bih crtala – to mi je bila najdraža zabava. Voljela sam crtati likove iz crtića jer su mi oni bili neka vrsta inspiracije. S vremenom sam počela crtati sve što mi se činilo interesantno, te proučavala nove crtačke i slikarske tehnike. Likovni mi je bio najdraži predmet u osnovnoj školi, ostali me nisu baš zanimali.

I.Č.: Nakon osnovne upisala si Školu za primijenjenu umjetnost u Rijeci i dobila prve nagrade za svoj rad.

D.S.: Da, prije upisa sam prošla pripreme pod mentorstvom akademske slikarice Branke Marčete uz koju sam naučila i tehniku batika. Obzirom da nije postojao smjer slikarstvo, opredijelila sam se za kiparstvo, smjer u kojem se najviše crtalo. U drugom razredu s portretom školske kolegice sudjelovala sam na manifestaciji «Likovnom umjetnošću mijenjamo svijet» i primila sam Pohvalnicu od Muzeja grada Rijeke. Kroz srednjoškolsko obrazovanje sudjelovala sam na dosta izložbi i manifestacija sa svojim slikarskim radovima, a u četvrtom razredu moj rad je ušao među prvih 15 najboljih radova na Izložbi-natjecanju učenika škola iz područja likovnih umjetnosti i dzajna Pula.

I.Č.: Potom 2006. godine upisuješ Akademiju likovnih umjetnosti u Rijeci.D.S.: Na fakultetu sam se opet vratila svojoj ljubavi slikarstvu. Pod mentorstvom akademskog slikara Zdravka Milića stekla sam zvanje magistar likovne pedagogije. Tijekom studija sudjelovala sam na nekoliko manifestacija i izložbi. Istaknula bih sudjelovanje 2007. godine na izložbi studentskih radova na temu mozga u organizaciji Medicinskog fakulteta u Rijeci povodom «Tjedna mozga». Godine 2009. sudjelovala sam na izložbi studentskih radova «Zadnja karika» povodom Festivala znanosti u Rijeci. Iste godine predstavljala sam Akademiju primjenjenih umjetnosti na Accademie a confronto immagina 10ª mostra mercato, Reggio Emilia u Italiji. I.Č.: Prije završetka fakulteta 2011. godine imala si svoju prvu samostalnu izložbu.

D.S.: Izložba «Oči širom zatvorene» bila je moj završni diplomski rad i postavljena je u ožujku 2011. u prostoru Galerije Filodrammatica. U njoj istražujem sveprisutan fenomen političkog aspurda. Kroz deset portreta tadašnjih aktualnih i sada nekih prisutnih svjetkih i domaćih političara htjela sam naglasiti simboličku moć politike. U zjenici svakog političara nalaze se predmeti koji zapravo otkrivaju njihove stvarne namjere i karakter – sukobljavaju se realizam u crtama lica i nadrealizam u zjenici oka. Namjera mi je bila otvoriti oči promatračima svojih radova i osvjestiti ih kakvo je stanje u politici danas.

I.Č.: Nakon diplome na fakultetu primljena si u Hrvatsko društvo likovnih umjetnika (HDLU) i nastavljaš dalje slikati, najčešće realizam koristeći motiv oka.D.S.: Da, u realizmu se najbolje izražavam, koristeći tehniku ulja na platnu. Oči me izrazito privlače jer

Intervju: Danijela Sušanj

OČI SU OGLEDALO DUŠE

3

smatram da se u njima može vidjeti prava istina o čovjeku, kako se često kaže oči su ogledalo duše. Lica osoba služe za predstavljanje vanjskom svijetu, no pritom stvaramo iluziju da bi se zaštitili. Prava istina izlazi na vidjelo iz očiju, tu se ogledaju naši stvarni osjećaji i promišljanja. Volim istraživati ljudsku psihu i prenositi je na platno.

I.Č.: Često sudjeluješ na likovnim kolonijama po Kvarneru i Istri te se baviš i izradom nakita.D.S.: Svake godine prisustvujem koloniji u Grožnjanu, Bujama, Kostreni i naravno vološćanskom Madraću. Uz slikarstvo volim se baviti izradom nakita u priprodnim matrijalima:

drvu, koži i metalu. Kiparsko znanje stečeno u srednjoj školi omogućuje mi da svaki korak u procesu izrade odrađujem sama pa prvo skiciram, zatim izrezujem i oblikujem, a potom i oslika-vam nakit. Volim koristiti živo-tinjske motive, likove iz crtića, apstraktne moti-ve i razne druge. Uglavnom izra-đujem naušnice, ogrlice, privjeske

i prstene. Nedavno sam krenula sa oslikavanjem ukrasnih kutijica i podložaka za čaše u decoupage tehnici. Volim isprobavati nove načine kreativnog izražavanja.

I.Č.: Gdje se mogu pronaći tvoji radovi? Spremaš li kakvu izložbu?D.S.: Vaši čitatelji me mogu konaktirati putem Facebook stranice «D.S. art studio» ili na e-mail: [email protected]. Izrađujem nakit i slike na platnu (u crtačkim tehnikama, tehnikama ulje na platnu ili akril) po narudžbi i ovo blagdansko vrijeme idealno je za unikatne i personalizirane poklone. Na Drenovi u Domu biti će otvorena 01.12. zajednička izložba pod nazivom Danijela Sušanj i Kristina Majerhold, pa je to prilika svima zainteresiranima da vide kako naši radovi izgledaju. Iva Čehić

4

Dragi Cvetan;Kako sažet tvoj život na jednu stranicu?Nikako, aš o tebe se more napisat ne samo knjiga, nego i jedan debji roman.Neka mi niki ne zameri ča neću veličat tvoje znanje, delo ko si delal i zasluge ke si doma i va svete stekal, aš va mojen srce ti si samo Cvetan – dobra duša, ki je sakemu pomogal i lepu besedu rekal.Tela bin da i oni judi, ki ne znaju domaći, razumeju zač si tako veli čovek bil pa ću se s čakavštine prehitit na književni zajik. Nemoj mi zamerit. Cvetan je rođen 08.12.1939. god. u Marinićima, na Njivine, u težačkoj obitelji Paveta i Petrice – Jožinoveh. Odrastajući uz svoga brata Franju i sestru Esterku, već je od najranijeg djetinjstva spoznao da čovjek samo ustrajnim radom i trudom može napredovati u životu. Okružen ljubavlju i toplinom svoje obitelji, razvio je u sebi posebnu ljubav prema rodnom kraju i čakavskom govoru.Njegova nadarenost u učenju bila je očita već u osnovnoj školi, a poseban talent za matematiku pre-poznat u Riječkoj gimnaziji koju je pohađao kao srednjoškolac.Iako skromnih materijalnih primanja njegovi su roditelji, na nagovor gimnazijskih profesora, pristali da Cvetan školovanje nastavi u Zagrebu, na Prirodoslovno-matematičkom fa-kultetu (PMF). Tu im je žrtvu višestru-

ko vratio. Dane je provodio učeći i postižući iznimne rezultate, a večeri svirajući u bendu saksofon. Zaradom od sviranja dopunjavao je skromnu roditeljsku potporu i uzdržavao se tijekom studija. Mnogima je u sjećanju ostao po nadimku SAX koji ga je u to vrijeme činio prepoznatljivim.Nakon završenog fakulteta pružena mu je mogućnost daljnjeg školovanja u Kanadi, ali prevagnula je njegova ljubav prema rodnom kraju. Cvetan se vratio kući. Trebalo bi mi puno prostora da nabrojim sve riječke srednje škole i fakultete na kojima je radio i sve dužnosti koje je kao izniman profesor obnašao. Važnija od toga je spoznaja da je svoje znanje i optimizam nesebično prenosio na svoje učenike i studente, učeći ih prvenstveno kako biti čovjek. Želja za istraživanjem novih znanja, tjerala je Cvetana dalje. 1978. god. upisao je poslijediplomski studij na PMF-u, u Zagrebu. Magistrirao je 1982. god., a doktorirao 1989. god. Sa svojim je suradnicima objavio više od 20 znanstvenih radova u vrsnim domaćim i inozemnim časopisima.Ali, Cvetanova veličina nije bila samo u znanju, već i u istinskoj ljubavi kojom je nesebično obasipao svoju suprugu Jasminku i kćerke Jelenu i Tajanu. Uvijek je bio uz njih kao dobar muž i još bolji tata.Odlaskom u mirovinu, u 70-toj

godini svoga života, Cvetan je nastavio živjeti punim plućima. Bavio se vinogradarstvom, volio je šetati, plivati, a najveći užitak pronalazio je u druženju sa svojim unucima koje je neizmjerno volio.I onda …Strašna, brza i teška bolest prekinula je njegov život i ostavila sve nas u beskrajnoj tuzi i nevjerici jer … Ki će se sad s nami smet i vici nan povedat? Ki će va konobe vino delat i s nami karte igrat?Kega ćemo gnjavit da nan neč zračuna? Čigov će glas na Njivine odzvanjat?Falet ćeš nan sen, a najviše tvojen najdražen. Falet će nan tvoji škerci, veselje, smeh… Falet ćeš nan TI, dobričina i čovečina kega niki, va našen kraje, ne more pozabit.Znaš, jedanput je jedan poeta sporučil juden da ne hode mići pod zvezdami. Ti si ga poslušal i zaslužil da med zvezdami zavavek svetiš.I zato, Cvetane, čovek ko ti zavavek živi. Hvala ti, ča prijatelj si nan bil.

Radmila Gabrotova

In memoriam CVETAN JARDAS (1939. -2015.)

5

Arian Frlan biva pul Pletenac, ima 16 let i hodi va dve škole: Medicinsku školu i srednju Glazbenu školu I. M. Ronjgova, kade se vadi za zvanje glazbenika harmonikaša. Armuniku sope od desetega leta.KOSTANJ: Ča te je ponukalo da počneš sost armuniku?ARIAN: Armunika mi se kod instrument vavek pijažala, vavek je bila prva na feštah, zato me je tuliko privukla. No, kroz leta san shvatil da se na njoj moru sost i puno drugačeje stvari, one ‘’ozbiljneje’’. Tu mislin na klasiku, ka me va zadnje vreme se više zanima. Va prvi koraki uvel me je Dražen Andročec, dok mi je čari klavijature otkril Voljen Mlakar. Pokla dve leta kućne sopnjadi upisal san osnovnu Glazbenu školu, a kašneje san odlučil sledit ti koraki te san nastavil va srednju, va klase profesora Josipa Nemeta, a na klavijaturah me prati profesor Goran Prša. Va glazbenoj škole iman i redoviti sati klavira.Prva armunika mi je bila mića Hohnerica s 48 basi, a za 12. rojendan san dobil novu Hohner armuniku od 80 basi, na koj i danas sopen. Za 16. rojendan, dobil san koncertnu Pigini Master harmoniku, od 120 basi, ka će mi služit za nastavak školovanja.K: Već si imel puno nastupi, ki ti je najvažneji i kakovi su plani za daje?A: Nastupal san na čuda sakakoveh

manifestacij, a od tega niš nebi bilo da doma redovito ne vježban - i do dve ure na dan. Najvažneji mi je nastup bil na Državnom natjecanju iz harmonike va Daruvare, kade san ovo leto osvojil drugu nagradu. Drugo leto čeka me međunarodno natjecanje i dva državna natjecanja. Lepo je sost na pozornicah, feštah ili na nekakoveh događanji, ali poseban je gušt kad z kumpanijun zasopen va svojoj konobe.K: Moreš se to arivat ? A: Pa prej sega tu je vela podrška familije, bez ke teško da bin se ovo pospajal. Moran se pohvalit, prvi razred i va jednoj i va drugoj škole

Arian Frlan hodi va dve škole

Z MUZIKUN ĆU SE VAVEK BAVIT

pasal san s odličnen uspjehon. Preko šetimane i niman toliko slobodnega vremena, pa dosti tega moran nadoknajevat subotu i nedeju. Sejeno, nemojte mislet da niman društveni život, ne pasa subota da negdere va kakovoj konobe ne zasopen armuniku Si me pitaju kako to uspjevan, ali držin do tega da ako neč oteješ da ćeš va temu ustrajat i doć do krajnjega cilja. A cilj mi je da finin školovanje va obadve školi, a onda ću morat odlučit dal ću nastavit na glazbenoj akademije al medicinsken fakultetu. Ča god da odlučin z muzikun ću se vavek bavit. GS

6

Prije nekoliko dana prisustvovala sam u OŠ“Hreljin“ predstavljanju knjige „Čakavčići pul Ronjgi“ čije stranice krase posebni, lepršavi i vedri stihovi i prozni sastavci učenika od 1. do 8. razreda naše županije, pisani prelijepim čakavskim zajikom. Dvadeset i prvoj po redu. Kada najstarijim hrvatskim jezikom svojih predaka pišu oni najmlađi i nešto stariji osnovci, nastali radovi najbolja su garancija da se naša čakavska riječ i dalje njeguje, da živi i da će i dalje živjeti. Kao osoba koja cijeli svoj radni vijek radim s djecom, svaki put me preplavi osjećaj ponosa kada u knjizi, novinama ili dječjem časopisu pročitam dječji uradak, znajući koliko je volje, truda i ljubavi potrebno da nastane rad napisan domaćun besedun, a istovremeno me ispuni i osjećaj zadovoljstva na sve one koji rade na tome da se uz književni njeguje i čakavski jezik. Svi napisani dječji uratci

ostavljaju neizbrisiv trag na vrijeme u kojem oni žive, o čemu maštaju ili se prisjećaju vremena i života svojih nonica i nonića, svojih najdražih.Kada se pisanoj riječi doda i autohtoni glazbeni izričaj, nastane još jedan poseban događaj. Dogodi se festival. Festival dječjeg stvaralaštva „Kvarnerić“ a za kojeg učenici uz pomoć svojih učitelja – mentora sami pišu riječi i

stvaraju glazbu. Tako nastanu pjesme pisane na dijalektu područja iz kojeg učenici dolaze. Već četrnaest godina. Sve je zapravo počelo 2002. godine u Novom Vinodolskom kada je održan prvi „Kvarnerić“. Proteklih 14 godina festival je proputovao cijelu PGŽ, a domaćini festivalskih večeri bili su: Rijeka, Krk, Kastav, Ravna Gora, Matulji, Delnice, Kostrena, Fužine, Viškovo, Čavle.., a u nekima je gostovao i po dva puta. Izvođači pjesama podijeljeni su u dvije dobne skupine, skupina do 11 godina i skupina od 11 godina. Svake godine sve pjesme su zabilježene na CD–u .Na ovogodišnjem festivalu, četrnaestom po redu, učesnici, njih

oko 200, bili su u prilici predstaviti publici svojih 16 skladbi nastalih u glazbeno-literarnim radionicama županijskih osnovnih škola, na dvjema večerima: u HKD-u na Sušaku i na kastavskoj Crekvini. Osim glazbe i teksta, izvođači su pokazali i svoju maštovitost u koreografiji i odabiru kostima. Svih 16 skladbi izvedeno je uz

pratnju dječjih zborova OŠ Milan Brozović iz Kastva i OŠ Sveti Matej iz Viškova. Veliki uspjeh na „Kvarneriću 2015.“postigle su predstavnice OŠ Sveti Matej s pjesmom „Leto“ . Pjesma se na prvoj festivalskoj večeri održanoj u HKD-u na Sušaku najviše svidjela publici i osvojila je I.nagradu dok joj je publika na kastavskoj Crekvini dodijelila II. nagradu. Sveukupno

Dječje čakavsko stvaralaštvoNAJVEĆI MALI FESTIVAL NAŠEGA KRAJA

je pjesma osvojila I. mjesto prema glasovima publike u kategoriji od 11 godina.Tekst pjesme „Leto“ napisala

je učenica Mija Čop pod vodstvom mentorice Radosne Barbalić,prof. Pjesmu su otpjevale solistice Nina Jestratijević, Antonela Dizdar i Lucija Kovačević uz pratnju školskog zbora pod vodstvom mentorice Ivane Marčelja, prof. Uspjeh predstavnica OŠ Sveti Matej još je veći i značajniji jer se škola ove godine po prvi puta prijavila na festival „Kvarnerić“. Svi učesnici i sve pjesme su nagrađene, bilo stručnim nagradama ili nagradama Sponzora. Veselju i zadovoljstvu nije bilo kraja. Učenici i njihovi mentori još su jednom dokazali da njihova pisana čakavska riječ i njihov glazbeni izričaj treba i dalje njegovati i poklanjati lm pažnju kako bi se što više koristili i bogatili . Svjetla na pozornici su se ugasila, a „Najveći mali festival našega kraja“ i „Najfer festival na svijetu“ (citat iz Školskog Novog lista) počinje poprimati nove obrise jer su učenici uz pomoć svojih mentora počeli pisati riječi svojih novih pjesama i stvarati glazbu.

Jasenka Travalja

7

Za ovi broj "Kostanja" ni mi na pamet prihajala nikakova prava štorija od česa bin pisal, pa mi je Gordan pomogal, zapravo me pital zač ne bin pisal od oštarij našega kraja od vremena keh se ja spamećujen.Počele su mi po glave hodit slike oštarij, ma za pravo prva mi je na pamet pala ona ku san još kot mladićac videl pul Biškupoveh. Slika je to seh oštari ki su

bili va "Udruženju gostioničara sreza kastavskog", tako se udruženje zvalo, slikana pul Saršoni 1. maja 1931. leta.

Na njoj je trejset oštari, a za verovat je jušto si oštari nisu na toj slike.Kako je Kastafšćina teh let bila

podejena, del je bil pod Italijun, to su na slike samo oštari Kastafšćine ka je bila va ondašnjoj Jugoslavije. Moremo zamislet kako je to za pravo čuda oštarij na broj judi ki su živeli va oven dele Kastafšćine.Oštarije su va ono vreme, a i va vreme keh se ja spametin, kad ni bilo ni asfalta, ni televizije, ni auti jako čuda, već ki i ki, ni mobitela,

bile mesta na keh se ne samo užalo boćat, na karte igrat i zakantat već čuda više od tega. Oštarije su bile mesta kade se pogovaralo i od politike, ma se moralo pazit ča se govori, i od dela, od ruž,

od vina, vrta, tehnike i mehanike ka je prihajala.Moglo se čut ki se ženi, ki je umrl,

ki predeluje starinu al dela novu kuću, ki s ken hodi, ki je kega al ku prevaril, a oštari su čuda puti bili oni keh se je najviše naslišalo aš oni su najviše od tega i znali. Ni se za badava reklo da popi, učiteli i oštari znaju najviše.Va oštarije se ni jako hodilo saki danji dan, već najviše

po subote i nedeje kad su judi mogli počinut od dela kega ni falelo – dopolna va poduzeću al va fabrike a zapolne na

grunte.Ni bilo oštarije ka ni imela joga a neke i po dva i tri, zapravo teško bi bila opstala oštarija ka ni imela joga. Boćat se počelo već rano o mladen lete pa se do pred zimu. Po zime se najveć kartalo. Nekada se boćalo po nedeje dopolna,

potla maše, dok žene nisu spravile obed, a kašneje, kad je već i standard judi krešil boćalo se i po šetimane. Užale su kumpanije zibrat dan al dva va šetimane i poć boćat va oštariju.Saki oštar je nastal da mu oštarija bude magar malo drugačija od drugeh, al po bojen vinu al po hrane ka se parićevala i saka je bila po nečen poznata al po pilićeh, al po čevapčićeh i ražnjićeh al po kapuzu, repe i palente, kombasicah, zarebrniku, pršutu al siru, neke pak po tripicah i jetricah na žaru. Va takove oštarije prihajali su judi z Reke i drugeh kraji, a pul nekeh su se najviše frmevali kućeri ki su v Reke delali va Luke, potla šoferi ki su drevo s Klane v Reku pejali.Nekeh oštarij ni već čuda let, neke su delale samo desetak - dvajset let a neke delaju i danas na mesteh kade su delale i pred sto i više let, ken su imena ostajala, menjali su se samo paroni.Na jenen zamišjenen pute pejat ću Vas po oštarijah našega kraja onako kako se ja spametin. Krenut ćemo do Biškupoveh, mojeh susedi, kade san najviše boćal i nadišel se diha od pečeneh pilići, ku pasaretu popil, a i žmuj vina. Lih malo naprvo, po pute Hoston novu su kuću

storili i oštariju oprli Boris i Nada Turak. Ki se zmišja zna da se užalo jako dobro pojist sakakoveh mesneh i drugeh delicij. Naprvo, preko Škrobotovca prišli smo va Zamet Žamariću, moremo

reć legendarnu oštariju ka dela valda već više od sto let i kade su generacije hodile na marendu. Pomalo hodeć

nazad, prišli smo Drnjevićen va Dom kega su držali Vitomir i Anka Kinkela. Tamo smo pak hodili na tanci najveć o Pustu. Preko Trampovega brega prišli smo na Mandriju va Pištol-bar. Zapravo bila je to oštarija "Mandrija" ku su držali Dragica i Tonić Mladenić, prdevak je dobila zato ča je bil neki tamo shitil s pištole. Tamo smo se kot feštari po četrtkeh užali nać pa smo mi stariji feštari vadili mlajeh pusne i druge pjesme. Na cestu smo prišli drito pred oštariju "Neda" Nede i Ivića. Užali su po lete imet tanci zada na tarace živun muzikun,

Vilkoton z armunikun i Miroton Škurinje z bubnjon. Zgorun pomalo prišli smo do

Joškineh, užali smo po lete sest pul grla od šterne, a malo daje je Milovan od Blažić za roštiljon veselo ćakulal i škercal, a sprotu i jako dobri čevapčići i ražnjići pekal. Prej Joškineh, pul komunjske šterne okol ke su nekada zvončari kolo delali, bila je oštarija pul Jureta ku su držali Šandro i Vera Slosar-Lučić, ma nje se malo spametin aš se je već 1958. leta zaprla. Tako, pomalo prišli smo h Marčejan va oštariju Bačurkini ku su držali Stanko i Milka Vlah.Ni kućera i šofera s Klane, Lisca i Studene, ni lovca ni zvončara ki ni bil pul Milke i Stankota va oštarije. Zapravo, njin se prišlo kot doma, va kuhinju z velen šparheton zad ken je teta Milka va veleh padelah vavek neč parićevala po starinsku, ma za prsti polizat. Boćalo se je ma

ne na jogu kako na Pehine nego pred kućun na široko i na dugo, se tamo do štale, z drvenemi boćami i vavek je

bil veli šušur kega su Marčejci vavek voleli. Nazad zdolun prišli smo do Široli kade je oštariju "K lovcu" imel Franjo - Tominić i Branka Širola, ma mi smo

vavek rekli da gremo Parabele. Pehinari su vavek rada šli Parabele boćat i dobro pojist i zato aš je bil čuda let Pehinar, i oženil je Pehinarku. Od Široli, Brnas i Žegoti prišli smo va Kastav, na Šporovu jamu, va oštariju ku su držali Vinko i Milena Turak, ma tamo smo najviše hodili na tanci.Na kraju puta su još dve oštarije i to na Fortice pul Mire i na Vidikofce ku su držali Liza i Ive. Va te smo oštarije zahajali ako ne drugačije a onda sakako na Belu nedeju.Put naš tu finjuje, nazad ne gremo do škura, sedet ćemo na Vidikofce i čekat da se na Volosken, va Opatije i Lovrane svetla važgu.Onemi ken je ovi put bil štufan i težak neka dignu noge na železnu ogradu i naruče gemišt.Živili ! Miljenko Valenčić - Bačurkin

OŠTARIJE NAŠEGA KRAJA

Tarac i jogi pul Parabele

Tečaj crtanja i slikanja je počel na jesen 2007. leta pod Udruženjem obrtnika Viškovo-Kastav-Klana-Jelenje. Do onda va Viškove ni bilo takoveh radionic. Fanj judi je bilo zainteresirano, pa su storene grupe po daneh za celu šetemanu. Tri leta kašneje storene su radionice za decu po subotah. Jedan del financira Općina, a drugo polaznici.Pitan Zdenku Cetina ka je voditeljica i predsjednica Udruge ča se dela, kako i kade.Va prostore smo va VTC-u Sv. Mateje. Saki polaznik zibere dan ki mu odgovara. Uglavnon se radionice održavaju od pet do osan večer. Storimo pauzu za počinut i poćakulat. Za prit h nan ne rabi nikakovo predznanje, samo voja. Baš saki more navadit slikat. Pošne se risat z lapišon, z ugjenon, suhen pastelon (kredun), masnen pastelon, z akrilon, z vodenemi bojami i ujen. Kašneje kad se to pasaju, polaznici ziberu za slikat š čen njin se najviše pijaža. Da ne bude monotono bavimo se i s primjenjenom umjetnošću. Tako smo delali lampe, ure, slikali smo po umbrelah i po platneneh vrećicah. Od sega smo imeli izložbi. Delali smo i humanitarne izložbi z dečjemi motivi za siromašnu decu. Imamo desetak izložbi sako leto. Organiziramo pojedinačne i skupne izložbi. Bili smo va Kastve, Volosken, Kostrene, Trsate. Naravno sudionici smo na seh važneh dogajanjeh

va Viškove; na Majevice, na Daneh općini Viškovo, na Matejne, za maškare i kade god treba oplemenit prostor za potrebe općini. Posjetili smo i nekoliko izložb va Zagrebe i va Italije. Morda ćemo storit i vlastitu likovnu koloniju.2010. leta su počele radionice za decu likovno–literarnega karaktera. Prihajaju deca z osnovneh škol.Z decun na domaćen zajike dela Nina Dukić Srok. Ča delaju i kako to zgleda povedela nan je Nina.Ovo je njegovanje čakavštine van školi. Žal mi je da se to po školah nekako se manje dela. Najviše pratimo dogajanja kolendarski, ča nan prnese ki štajon. Veći del dece nisu izvorni govornici. Ma prihajaju aš njin se to pijaža. Delamo skupa Zdenka i ja. Želin našu čakavštinu zadržat čin do dajega. Najprvo ćakulamo pa objasnimo besedi ke dečina ne razumeju. Jedno vreme smo delali rečnik. Ne delamo samo recitacije, nego smo delali još igrokazi, slikovnice, basne, priče, kostimogrfiju i scenografiju. Deca dokla rišu, š njimi ćakulamo i objašnjavamo njin na čakavsken, likovni del dela Zdenka, a teksti ja. Na otpiranju izložbi obavezno nastupe i čakavci. Saki put bi oteli si pokazat ča su navadili pa moran jednu recitaciju podelit na više kusi da si

Udruga likovnih umjetnika amatera „Braća Baštijan“

BAŠ SAKI MORE NAVADIT SLIKAT

moru dobit kušćić. Neka, to je dobro. Puno njin je to pomoglo za njiho samopouzdanje, za obogatit čakavski rečnik. To bi se reklo učit kroz igru. Fanj delamo na običajeh z našega kraja, na našoj baštine, zvončarskeh običaji. Dosti je slučaji da deca znaju više od roditeli. Na nastup ih pridu videt njihi stareji pa njin je to drago. Evo puno se smejemo, veselimo i vadimo.Na kraje bin dodala da su ovo lepe radionice za veli i mići. Jedna i druga radionica imaju stručnu voditeljicu i more se fanj navadit. Sad znate kade su, pa morete prit videt ča delaju i sami to provat.Letna pauza je od pol sedmega meseca do početka devetega meseca. Onda se novi moru upisat. Ma moru se upisat kad god će aš voditeljica onda š njimi dela individualno dokla god se ne osamostali. Jadranka Cetina

10

Ni lahko bit ženska. Ne mislin sadahna na delo po domi i od domi, na familju i se okol tega, leh na se ono ča se nan žensken mota po glavine. Smiron moramo pazit da smo moderno obučene, lepo opletene, napiturane i popiturane, da smo šesne za videt. Delamo to najveć da bimo se pijažale juden. Ma ča povedan bedastoće, istina je da mi ženske to delamo zarad vas muškeh. Na našu žalost, prve će to opazit i komentirat jušto ženske. Ako se napituramo malo jače, da j i zduga videt, najprvo će reć „brižan muški ki je š njun, da ju opereš bi se prestrašil i pobegal!“ Ako se ne napituramo, povedat će okole da niš ne držimo do sebe, da smo blede, morda i bolne, al nimamo soldi za kupit šminku. Kako god da storimo, druge ženske vavek imaju neč za reć. I ni bitno ke su, reć će nan to i mater i sestra i nona.Povedale su mi nona i bižnona kako j to bilo va njijo doba. Onput ni bilo teh monadi za piturat se po butegah kot danas. Onput su divojke obrve i trepavice užale nacrtat i počrnet z kuščićon krbuna, al zgorenun šibicun. Usnice su užale grist da bi njin bile črjenjeje, a kiput bi se z nečen nabole va prst da kap krvi dojde van, pa z ten mazale usnice i obrazi. Oženjenoj ženskoj se ni više rabilo naštimevat aš su one svojga muškega već ćapale, pa bi mogli judi ča grdo reć. Ma vlasi su bile neč ča se vavek gjedalo i pazilo. Bjonde ženske su vlasi zipirale z lemuncinon al kamamilun da bi bile još svetleje, a škuri vlasi z kafon i kušon da budu si jednako škuri. I nisu vlasi prale kot danas, sako malo, leh morda jedanput na mesec, i nisu se žalile da su njin masni al kot metla. Dugi vlasi su bili opleteni va kosicu i zamotane va punđu i ne daj Boh da ni bilo tako, aš bi se zajeno povedalo da j ta ženska niš koristi. Ma

ni bilo lepo ni da ženska ostriže vlasi, ta da j kakova palandra i da ni za kuću i familju. Komać potla drugega velega rata je postalo normalno da ženske imaju kraći vlasi. Bižnona je na to neč promrmjala, ni njoj to baš selo. Spametin se da je vavek imela na nazad opleteni vlasi va punđu i da san skoro na rit pala kad ju je jedanput spustila – kosica njoj je do kičice bila! Nonu su pak va internacije va Talije ostrigli, pa j tako pustila i potla rata. Ma morda jušto zato

ča su ju proti njeje voje ostrigli, vavek je njurgala i jadila se na nas mlaje kad bimo prišle doma z kratkun frizurun. „Pu, kako van je to grdo! Ča ste šle onako lepi vlasi ostrić, za milu Majku Božju?!“ A najveć od sega spametin se kako je jadna dohajala doma kad je bila pul frizerke. Kad bi otprla portun, tarac bi proletela tako da bi ju policjoti fermali radi prevele brzine. Zakramala bi z vraten i brez jedne besede va šalice stala pred velo špekjo. Va škabelinu su bile škare i češaj, valda već naprvo parićani za popravit se ono ča frizerka ni umela storit jušto onako kako j ona otela. I tako saki božji put. Jedanput san ju pitala zač opće gre frizerke kad će se potla sa rasplest i opeta storit po svoju. Ostala j mislet i malo za ten mi j prišla da

neka njoj ja storin frizuru. Si ki su okol mane sedeli su se va sekund razbežali, a mane su se noge odsekle. Avamane, ča ću sad?! Ča nisan mogla mučat?„Ala daj, kokić, ja ću ti govorit, a ti ćeš lepo pomalo strić...“ – tako j počela moja frizerska karijera va familje. Na žbjego, na bubiko, na ravno, pa trajnu, i kapić jehotona, lahko natapirano, ma ne daj Boh napuhnjeno...Se pomalo san se vadila na noninoj glave. Ma kad je bila frizura gotova, si su zamuknuli

kad je šla na šalicu. Kiput je užala zazijat neka dojden videt kade mi j ki vlas daji zustal, ma najveć je zadovojna prišla nazada. Jedino taj vražji jehoton, kako ga j ona zvala, je kiput pokvaril celu sliku. Ženske će se spametit, bila j to tekuća kemikalija za frizuru čvrstu storit, ma ako se ni pazilo kuliko i kako ga stavjaš na vlasi, užale su ženske na celeste al na lila imet vlasi! Va današnje doba bi rekle da su moderne i va trendu, ma onput je to bilo smešno za videt. Sreća j bila da se j to lahko zipralo. Sestra, mama, teta, kujine, pa otac i

barba, a potla i moji muški, si su se mane v ruke stavili kad san pasala noninu školu. Jedino san ja morala poć frizerke. Ma ja san se više mojoj none sličila kad san doma dohajala. Vavek san našla neč za popravjat, magar niki drugi ni niš videl. Zato san pred neko leto stala spreda špekja i zela škare, pa ča bude – bude. Ako niš drugo, poć ću frizerke.Nisan bila va frizersken salone dobreh deset let. Ma ovaj put san odlučila poć. I moran van reć, ovaj put nisan našla ni jednu jedinu vlas za popravit! Ma od sega j najboja – ćakula. Tega ni kad se sama zapren va kupatilo. I neč mi j palo na pamet... tečen zajno po jednu ciklu! A vi se spametite zač. Ala dosti je ćakule, homo ča delat!

Vaša Sandra Žinić

ĆakulonaŠtuk, pitura i frizura

11

Ja, bili smo deca bez mobitela al niš bedasteji, samo z manje šanse lego današnja. Iman skoro sedandeset let pa su se neke stvari mane dogajale a neke su i stareji povedali.Mislin da nevolin slatko samo zato aš mesto dudi su mi va neku krpicu stavili trusić cukara da cucan i ne plačen, ki zna kad je prišla duda ma ovista je bila sigurno slaja. Celi dohtorati su napisani koliko decu raskrečit i kako pofašat, a mi smo bili zamotani kod pinke od ramena do kičice va faš dug i po metar i pol. Brižna deca morda su zato vavek njerila.Glavica njin se je lašćila od uja ko su mame mazale da njin se očisti granpa nekad i centimetar debela i nedaj boh je zmočit. Ne mislite valda da je to bilo baby uje lego obično uje za salatu. Pleni su se promenile dva tri put na dan, ako nisu bile pokakane se nisu ni saki put oprale, samo su ih hitili preko trunbi. Va noveje vreme su decu mazali z prašćun mastun da se ne podjedu, a ne bršujedinun kako su to delali našen nonan. Dečica su bila črjena i debela, ma mi se vidi i zdraveja. Bilo je i boležjiveh tu i tamo sej ki tr ki rodil da ni bil čitovat, a da su umirali - su, puno više leh danas. Sreća daj to bil prirodni kontrapez, aš saki put kad je muž prišal z kakovega vijaja al šumi za devet meseci sej rodilo novo mićo. Onisti muž ki je bil doma ni mogal od manje storit pa je i on decu delal - itako ih je bilo puno a da pak oni bolehjivi nisu umirali boh nas očuvaj.... Kad ka hrabreja ni otela rodit, aš je morda i ona sama bila bolna i teško njoj je bilo hranit toliku familiju, a leta su bila sakakova, krave jalove, prasca je trebalo prodat, a i on je bil mršav, fažol i konpir su zgoreli od vele pekavine, se su provale da bi znebile, sakakovi babji recepti ma pomoći ni bilo. Decu su mame zimale sobun va njivu i tamo su spali va trave na slame kod va jaslah. Povedali su daj znal i kakov

gadina prit aš da muj dišelo mleko. Kad je već bilo vreme za prohodit stari judi su sred kuhinje stavili jedan debeli kolac i za njega zavezali, onako na šire, plašćanicu i na drugi kraj mićo. Ako mu sej dalo je hodil okole kolca ako ne je sel, a nekad i zaspal. Tako su prohodili, malo kad je bilo vremena da bi ga ki tekal. Po lete je šljiskalo od cura, bog da je bilo teplo pa nisu stavjali pleni, ma ki je zato maril. Zelene lagnjice su visele dokle ni nona pasala i s tarverson otrla nosić. Mesto miksera su mama al nona zmjaskale komadić mesa pa dale va

usta. Mojoj dece san davala za marendu mehko jaje z maslinoven ujen, zapešt, marmeladu doma kuhanu, šimunelu al kašu i riži na mleke. Toj bilo “bio” a danas ako na dreke napišu “bio” to se kupuje po si soldi aš je tako rekal neki dohtor. Bunboni su bili storeni od cukadorza. Ja san dobila od jene fijumanke pet, šejst štolveri i svilneh bunboni i pupu od trde plastiki - golu bez veštaje. Ma se nisan smela šnjun igrat aš je bilo škoda da se ne razbije. Bunboni san sobun nosila aš mi ih je bilo žal zajeno pojist pa san sako toliko samo malo bunbončić polizala. Na kraje su mi se stopili i zalepili shartun tako da san morala pojist i bunbon i hartu. Mušken su storili balu tako da su va kalcetu narivali pilotini, a minjican je pupa bila isto od pilotini doma storena. Va škole ni bilo sexsualnega odgoja ma ni bilo ni toliko vanbračno rojene dece.

Već za prvega mraka smo bili pul kuće, a ne šli ća od kuće. Večer su nas mame vadile plest, štikat i krpat. Cela familija je bila va kuhinje i susedi su vavek jedan gdrugemu šli, povedale su se štorije i novitade. Dece su uše bile kod od slona.To su bile najlepše video igrice. Va škole nismo vadili etiku, a malo ki je šal na vjeronauk, ma su nas doma navadili lepemu ponašanju i onemu zač je čovek - čovek, z poštovanjen i tolerancijun, a to mi se nekako vidi da je osnov sakoj jubave i suživotu. To nemore dat nikakov tablet, kompjuter

ni mobitel, va kega danas po vas dan žbale. Šnjimi danas niki ne govori - itako imaju slušalice pa niš ni ne čuju, a mame su zadovojne aš na mire moru serije pogjedat. Moderne, današnje mame sako malo gredu h dohtoru, smiron ih pregledavaju i davaju šponte za ovo i za ono. Se su prestrašene i tako su njin dohtori, a napošno oni ki delaju hranu, sprali možjeni, da z decun delaju kod da su automati - saki

dvajset i tri minuti ga obrni, sake tri ure mu daj prah zmešan va vode, kravje mleko daj dobro za telci a ne za decu - valda zato toliko telac hodi po svete, leto dan ne smeš mu dat niš leh samo mleko ako dojiš. Ne daj bog mu dat pokusit ča slatkega. Kad dobije zubići daj mu merlin neka strže ni važno ako je rasal va Kine i pun je otrova al kemije tako da su si merlinići jenaki. Maman rivaju va ruke kašice mesto da ih vade kašicu skuhat. Da pol sveta zgojeva takovu hranu ne bi bilo dosta koliko se takove prodava. Ma mane se zavrti va glave ča se vade ti mladi judi. Popi njin drže tečaji kako se ponšat kad se ožene. Prej nego rode hode vadit kako dihat kad rajaju. Već drugi dan kad ženska ostane noseća gre na bolovanje al njin preporučuju da hode na vježbi kako bi lagje rodile. Daj muž blizu kad raja… Sreća čaj i časneh primeri.

Gorana Bratuša

Narasli smo bez kompjutera i mobitela

PUPA BEZ VEŠTAJE

12

Morda će neki zanjurgat da to ni odvavek naša užanca, ma ako je neč lepo i veselo, ako se čovekmore nasmet, zabavit i zakantat, onda to našemu čoveku zgjeda kako da je jušto za njega storeno.Poveda nan tako Miljenko Valenčić – Bačurkin da je ovo leto jušto trejset let kako je počel na Martinju krstit vino i na Martinju zvat Sv. Martina i kumpaniju.

Počelo je 1985. leta kad je klapa “Kastav”, va koj je i on kantal bila svedok kršćenja mladega vinava njegovoj konobe.Vaje za ten su i žene od kanturi otele prit va konobu na veselicu potla kršćenja, ma nisu smele do pol noći ni blizu konobe. Danas je već se drugačije, aš Sv. Martin ne krsti samo vino od parona, već sa mlada vina ka drugivinari prnesu. Čitanju litanij, očenaši, zdravomarij se na čast i slavu vina gredu za ten a i ženske su sada svedoki aš ih nima kade držat do pol noći.

Tako već trejset let

MARTINJA PUL MILENKOTA

Na kraje, zna se, saki neč prnese al za pojist al za popit, pa armunika i veselica more podurat i do mićeh ur. Da bimo tako i kletu.

13

Još je judi ki će se ovega spamećevat aš su to doživeli al su doznali po povedanju od starejeh. Familije su bile vele. Dece je bilo fanj. Trebalo je prehranit tolika usta. Ki je imel grunta i blaga to se j’ moglo. Za prodavat mleko je jedna krava bila premalo pa su judi skrbeli za prit do dve – tri krave. Deca su hodila školu četira leta. Muškega, ako je bil bistar se j’ školovalo naprvo va zanat, a ki ni bil za to ostal je delat na zemje. Za ženske je bilo malo drugačije. One su storile četira leta škole, a peto saki drugi dan al po nedeje. Malica je imela jedanajst let i ostalo njoj je samo delo dokla se ne oženi, a onda naprvo delo. Ako su imeli mleka za prodavat v Reke, počela je hodit z mamun. Ona ka je bila krepja delala je na grunte se ča trebe. Hodile su na žurnadu žet, seno grabit, plet (plevel skust), kompir nagrnjat. Muški su hodili na žurnadu kopat, prekapat (kad se kopa ravan za lehu storit ), kosit, va šumu drevo rušit, pilit. To njin je dobro prišlo za solat zaslužit, a bome dobili su južinu i večeru. Siteji su bili tamo lego doma. Kako smo rekli da je bilo puno dece, užalo se j’ otroka dat none i nonotu ako su ostali sami, al tete ka ni imela dece. Otrok je tamo bival i šal doma po nedeje. Povedala mi je ženska ka je bivala pul none da njoj je prašće nosila, pomila, pomela, potrla potloh, kašneje va vrte delala i se ča je rabilo. Ni bila dugo o’domi ma je doma šla samo po nedeje. „ A rada bin se bila z našemi igrala, ma je bilo poć nazad. Tu se ni moglo pomoć. “, rekla je. Neki su imeli jako malo zemje. Njiha deca su pomagala doma i delala okole po familijah. Ženska deca su šla na

šervicij. To je značilo poć za devicu. Od jedne san doznala da je šla delat va Opatiju. Gospa njoj je bila jako stroga. Još ni jedno delo finila već njoj je naručila drugo i čudila se ča ono prvo

ni još storeno. (imela je trinajst let). Kad su potle obeda gazda i gazdarica šli počinut, ona je dobila ordin ča mora va to vreme storit. I tako je delala od jutro do večer. Mogla je poć spat kad je se pomila i potloh potrla. Trudna je hodila spat i trudna se je stajala. Najteže njoj je bilo peglat finu robu (svilne bluze i kombina). Pegla železna teška, na krbun, a ni se smelo pjeticu na robe storit. Ako se j’ to dogodilo morala je taj kus va vodu omočit pa kad se j’ osušilo z nova ga speglat. Da je slučajno robu opalila, ne bi njoj bili platili i dali bi ju ća.Kad su bile stareje i jače, prale su robu. Na mesec i pol al dva, robu se je lužilo. Robu se j’ lužilo doma al va lužilnice. Lužilnica je bila va Kastve, pul kule kad se pasa Loža. Najprvo su se kabli stavili močit aš su bili drveni pa se drvo mora nabumbat. Va mrzlu vodu se j’ klalo robu močit do drugi dan. Drugi dan se j’ šćeten (grezi sapun za robu prat i noge, a fini je bil za lice prat)

Si su morali delatŠervicij

sapunon opralo robu s prve pa z druge vode. Onda se j’ va kotle zavrelo vodu. Najviše puti se je vodu moralo prnest. Va vrelu vodu se je stavilo popel močit. Popel se j’ stavilo va vrećice. Čistu robu

se je stavilo va tu vrelu vodu z popelon. To je bila treća voda. Onda se j’ to kuhalo. Teško je bilo robu znimat z te vrele vode, aš je bila teška i vrela. Potle se j’ robu zipralo. Roba je prišla bela kod sneg. Onda su se rastegnuli špagi od dreva do dreva i stavilo se j’ sušit.No, ne sme se reć da su se gazdarice bile loše. Bilo je i jako dobreh. Va familije va koj je ženska delala šervicij se j’ reklo da imaju tujicu. V Reke su i kuhale, ma po seleh ni tujica kuhala. Nekad su jih gospe zele

prošećat, na placu verduru kupit. Nekad su njin kupile ča za obuć. Užale su njin dat robe za doma nest. Bilo je slučaji da su se gazdarica i tujica sprijatelile pa kad su se divojke ženile, njin je gazda bil kumpar. Tujica je užala i decu čuvat. Kako je bila malo stareja od njihe dece, z decun se je igrala. Braća su doma bila đeloza da njoj je boje leh njin, a ona bi bila rada doma bit i š njimi se igrat.Soldi su vavek doma nesle matere. Materan su davali soldi i muški i ženske. Ona je soldi rasporedila i kupilo se je ča je kemu rabilo. Nekemu su rabili postoli, nekemu se j’ da loča zašit i to starejen, a mlaji su nosili njihu robu i postoli. Bil je problem kad je mlaji imel veću nogu od starejega.Va običneh familijah (ne bogateh) su ženske same skrbele za dotu i same za nju zaslužile. One ke su bile bojihave pa nisu mogle delat na grunte al na šervicije, dali su jih vadit šit. Kako god bilo si su morali delat. Jadranka Cetina

14

Ni našeh domaćeh konob ke ni su dobre. Neka više neka manje, ma ovista je zaspraven neš posebe. Ne samo zarad onega ča je va njoj, lego zarad seh oneh judi ki va nju prihajaju, zarad neke svoje lepe povijesti va sele Belići, spod Kastva. Već čuda let ni Daneta ni njigove Marice, ni Danice, njiha deca su po svete, a neki su i doma ostali. Ne sme se zapustit szraina, a to su Danetove ruže, brajdi, lehi se oni lepi spomeni ča judi razlikuje od blaga. I danaska, kad je kakovo delo va grunte, kad se fini, rodbina, prijateli ki pomažu najdu se va konobe. A, naravno i susedi. Kot i va sakoj, veli je stol, je i nekoliko drveneh bačav, neš malo manje lego oneh od prokroma. Mora se sačuvat

starinski, autentični ugođaj. One bačvi od prokroma su va jenen mićen kubiće, ki je za vreme Drugega svetskega rata bil bunker va kemu je familija Jušić skrivala

ranjeni partizani od njemačkeh fašisti i njiheh pomagači. Sadahna opet ta kubić ima plemenitu funkciju čuvanja vina. Je tamo i črnega i belega. Jušto onakovega

Kastafske konobi

DANETOVA KONOBAkakovo priroda da, prez faturanja i kemikalij, govori Josip Mladenić, zet Danetov. Kad se vino otoči i pretoči trebe i rakIju skuhat. Onda pol sela po dropah diši. A ona najlepča funkcija konobi je kada se va njoj, kada godar se more, si susedi i prijatelji va njoj najdu. Čuda se od sega poveda, a nikada ni jedan pogovor ne pasa da si z velun jubavun ne domišjamo Daneta.Tr, i va saken žmuje, črnega ale belega, je i Danetova muka, Danetova jubav za svoje ruže i za seh onisteh ki pokla nejga sede va toj konobe. A i Branko Jušić, jedan od najpoznatejeh majstori pituri va regije, ki nastavja tradicije od Daneta svojga, oca, onako usput mi je povedel: „Konoba je duša sake kući. A ča će ti se to ako ni judi va njoj!“ Pokla teh besed ni jako ča više za povedet. Samo nazdravit z dobren vinon z Danetove konobi za njigovu

Dane

Branko Jušić

Josip Mladenić

dobru dušu i za seh oneh našeh drageh ki više nisu fizički s nami.A zač se pšiše od teh našeh domaćeh konob? Samo za to da se ne zataru domaće navadbi, da i onisti ki morda nimaju urejenu kakovu svoju konobicu va kuće, da ju ne zahitaju, al morda zruše, leh da ju urede i da čuvaju spomeni na svoji stari i na se ono lepo ča je va našeh domaćeh krajeh. Branko Jani Kukurin

15

Dragi moji,

Ča da Van sadahna napišen o ovemu našemu lepemu kraju kad san skoro se napisal. Za kraj san pustil neš a to je ulica ka se sadahna zove Pehlin. Za neko čudo ona Van počinje na početku pul sv.Ivana ma samo s tri broji. Pa se onda seli h Antonićen, a o njimi san Van već pisal.(Stipanovo, Sirotićevi, Franovčevi, Popinovi-Marijetinovo, Felotovi, Nadalini, Ivešićevi, Antonićevi, Dacija-Morotovo i Biškupovo). Pisal san i o dolnjemu Pehinu, (Carina, Škola, Cajhenovo) pa da nastavin kuće i familije ke su još va toj uluce.

Teh šezdeseteh let su tu naprvo još bivali: Pavinčićevi, Lucićevi, Kiričini, Dacija, Pavinčićevo, Vickotovi, Androvi, Tončakovi, Kalićevi, Biškupovi, Bekarovi, Matićevi, Babini, Brkanovi, Pavetica, Francikini, Financjerka, Klementovo, Bačurkini-Barabanovi, Čubetići. Bariševi, Bekarovo, Lukovi, Petrčevi, Nadalićini, Slavićevi, Fonovi-Gizelini, Markovi, Piturićevi, Šuperinkini, Brtofovi i Rošotovi. To su imena kuć ka su sada va ulice Pehlin aš

sada daje gre ulica Turkovo. Va toj ulice je i Pehinarska škola ka je oprta 1907 leta i do danaska dela.Va njoj je bila i crekvica Sv Jelene ka je sadahna zrušena i storeno je parkiralište (pogođena je va 2.sv.rate kad se bonbardirala Rijeka).Tu su još bile dve butege (pul Babineh i Bačurkineh) kot i jedna poznata oštarija (pul Biškupoveh).Sadahna su isto dve butege ma vrah te oštarije ni (valda smo pijani i bez pit). Va Babinoj kuće je sada Franjevački samostan pa je zad njun sada storena crekva sv. Franje.

Teh let o kemi pišen judi su bili po posleh va poduzećeh i bilo je dela i sakakoveh artižani (pituri, zidari, tišjari, tokari, mehaničari, šoferi..) ma je bilo i službeniki, učitelji, ugostitelji. Bilo je i oneh ki su živeli od vrta i onega ča su uzgojili i na placu hodili. Mirneje je vreme bilo i si govore da je prej bilo lepo. Od blaga je morda ki imel kakovu kozu al gojil prašćića. Judi su bili veseleji i zadovojneji i z malin.

Kot za žuntu parićal san Van pjesmicu za si pehinari.Pjesmica se zove Špažićari.

ĐIR - PEHINŠPAŽIĆARI

Zač su nas nekine rad jubavi, špažićari zvali.

Aš za zid, pjonbin plajbuje on rabil.

A saki je drugi na Pehinezidar bil.

Brageše stisnut da mu ne padu,vavek jih špagon vezal va hladu.

Mali od melte al pravi meštar,špag mu je vavek va ruke bil

za so delo ča rabi znat,pa su ga špažićar znali zvat.

Ni to rug, aš znajte tu,na Pehinu se si špažićari zovu.

Artižan pravi bi reć zidar,bi od oca špažić redital.Pa bi tako jedan špažić,

ako more bit, su familiju znal hranit.

Mali Kosićev

Kostanj 18

Documents

Transcript of Kostanj 18