Kinh Tụng Pali

DHAMMACAKKAPPAVATTANASUTTA

(KHAI KINH CHUYỂN-PHÁP-LUÂN) Bhikkhūnaṃ pañcavaggīnaṃ, Isipatana nāmake, Migadāye dhammavaraṃ, yaṃ taṃ nibbānapāpakaṃ. Sahampati nāmakena, mahābrahmena yācito.Catusaccaṃ pakāsento, Lokanātho adesayi. Nanditaṃ sabbavedehi, sabbasampatti sādhakaṃ.Sabbalokahitatthāya, Dhammcakkaṃ bhaṇāma he.

Dhammacakkappavattanasutta

Evaṃ me sutaṃ, ekaṃ samayaṃ Bhagavā Bārāṇasiyaṃ viharati, Isipatane migadāye. Tatra kho Bhagavā pañcavaggiye bhikkhū āmantesi.

Dveme bhikkhave, antā pabbajitena na sevitabbā. Katame dve? * Yo cāyaṃ kāmesu kāmasukhallikānuyogo hīno gammo pothujjaniko anariyo

anattha-saṃhito, * Yo cāyaṃ attakilamathānuyogo dukkho anariyo anatthasaṃhito.Ete kho bhikkhave, ubho ante anupagamma majjhimā paṭipadā Tathāgatena

abhisambuddhā cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati.

Katamā ca sā bhikkhave, majjhimā paṭipadā Tathāgatena abhisambuddhā cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati.

Ayameva ariyo aṭṭhaṅgiko maggo. Seyyathidaṃ: Sammādiṭṭhi, sammāsaṅkappo, sammāvācā,

sammākammanto, sammā-ājivo, sammāvāyamo, sammāsati, sammāsamādhi.Ayaṃ kho sā bhikkhave, majjhimā paṭipadā Tathāgatena abhisambuddhā

cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati.

1

*1- Idaṃ kho pana bhikkhave, dukkhaṃ ariyasaccaṃ, jātipi dukkhā, jarāpi dukkhā, byādhipi dukkho, maraṇaṃpi dukkhaṃ, appiyehi sampayogo dukkho, piyehi vippayogo dukkho, yampicchaṃ na labhati, tampi dukkhaṃ, saṃkhittena pañcupādānakkhandhā dukkhā.

*2- Idaṃ kho pana bhikkhave, dukkha-samudayaṃ ariyasaccaṃ, yāyaṃ taṇhā

ponobbhavikā nandirāgasahagatā tatratatrā-bhinandinī. Seyyathidaṃ: kāmataṇhā, bhava-taṇhā, vibhavataṇhā.

*3- Idaṃ kho pana bhikkhave, dukkha-nirodhaṃ ariyasaccaṃ, yo tassāyeva

taṇhāya asesavirāganirodho cāgo paṭinissaggo mutti anālayo. *4- Idaṃ kho pana bhikkhave, dukkha-nirodhagāminī paṭipadā

ariyasaccaṃ, ayameva ariyo aṭṭhaṅgiko maggo. Seyyathidaṃ: sammādiṭṭhi, sammāsaṅkappo, sammāvācā, sammākammanto, sammā-ājivo, sammāvāyamo, sammāsati, sammāsamādhi.

1.1- “Idaṃ dukkhaṃ ariyasaccan”ti me bhikkhave, pubbe ananussutesu dhammesu

cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. 1.2- “Taṃ kho panidaṃ dukkhaṃ ariyasaccaṃ pariññeyyan”ti me bhikkhave,

pubbe ananussutesudhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.

1.3- “Taṃ kho panidaṃ dukkhaṃ ariya-saccaṃ pariññātan”ti me bhikkhave,

pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.

2.1-“Idaṃ dukkhasamudayaṃ ariyasaccan”ti me bhikkhave, pubbe ananussutesu

dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.

2.2- “Taṃ kho panidaṃ dukkhasamudayaṃ ariyasaccaṃ pahātabban”ti me

bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.

2.3- “Taṃ kho panidaṃ dukkhasamudayaṃ ariyasaccaṃ pahīnan”ti me


2

3.1- “Idaṃ dukkhanirodhaṃ ariyasaccan”ti me bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.

3.2- “Taṃ kho panidaṃ dukkhanirodhaṃ ariyasaccaṃ sacchikātabban”ti me


3.3- “Taṃ kho panidaṃ dukkhanirodhaṃ ariyasaccaṃ sacchikatan”ti me


4.1-“Idaṃ dukkhanirodhagāminī paṭipadā ariyasaccan”ti me bhikkhave, pubbe

ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.

4.2-“Taṃ kho panidaṃ dukkhanirodha-gāminī paṭipadā ariyasaccaṃ

bhāvetabban”ti me bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.

4.3- “Taṃ kho panidaṃ dukkhanirodha-gāminī paṭipadā ariyasaccaṃ bhāvitan”ti

me bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.

Yāvakīvañca me bhikkhave, imesu catūsu ariyasaccesu evaṃ tiparivaṭṭaṃ

dvādasākāraṃ yathābhūtaṃ ñāṇadassanaṃ na suvisuddhaṃ ahosi, neva tāvā’haṃ bhikkhave, sadevake loke samārake sabrahmake sassamaṇabrahmaṇiyā pajāya sadevamanussāya “anuttaraṃ sammā-sambodhiṃ abhisambuddho’ti paccaññāsiṃ.

Yato ca kho me bhikkhave, imesu catūsu ariyasaccesu evaṃ tiparivaṭṭaṃ

dvādasākāraṃ yathābhūtaṃ ñāṇadassanaṃ suvisuddhaṃ ahosi, athā’haṃ bhikkhave, sadevake loke samārake sabrahmake sassamaṇabrahmaṇiyā pajāya sadevamanussāya “anuttaraṃ sammā-sambodhiṃ abhisambuddho’ti paccaññāsiṃ.

Ñāṇañca pana me dassanaṃ udapādi, akuppā me vimutti, ayamantimā jāti, natthi

dāni punabbhavo’ti. Idamavoca Bhagavā, attamanā pañcavaggiyā bhikkhū Bhagavato bhāsitaṃ

abhinandunti.Imasmiṃ ca pana veyyākaraṇasmiṃ bhañña-māne āyasmato Koṇḍaññassa virajaṃ

vītamalaṃ3

dhammacakkhuṃ udapādi “yaṃ kiñci samudaya-dhammaṃ, sabbaṃ taṃ nirodhadhamman”ti.

Pavattite ca pana Bhagavatā dhammacakke bhummā devā saddamanussāvesuṃ “Etaṃ

Bhagavatā Bārāṇasiyaṃ Isipatane migadāye anuttaraṃ dhammacakkaṃ pavattitaṃ appaṭivattiyaṃ samaṇena vā brahmaṇena vā devena vā mārena vā brahmunā vā kenaci vā lokasmin”ti.

* Bhummānaṃ devānaṃ saddaṃ sutvā cātumahārājikā devā saddamanussāvesuṃ

“Etaṃ Bhagavatā Bārāṇasiyaṃ Isipatane migadāye anuttaraṃ dhammacakkaṃ pavattitaṃ appaṭi-vattiyaṃ samaṇema vā brahmaṇena vā devena vā mārena vā brahmunā vā kenaci vā lokasmin”ti.

* Cātumahārājikānaṃ devānaṃ saddaṃ sutvā tāvatiṃsā devā saddamanussāvesuṃ


* Tāvatiṃsānaṃ devānaṃ saddaṃ sutvā yāmā devā saddamanussāvesuṃ “Etaṃ

Bhagavatā Bārāṇasiyaṃ Isipatane migadāye anuttaraṃ dhammacakkaṃ pavattitaṃ appaṭivattiyaṃ samaṇema vā brahmaṇena vā devena vā mārena vā brahmunā vā kenaci vā lokasmin”ti.

* Yāmānaṃ devānaṃ saddaṃ sutvā tusitā devā saddamanussāvesuṃ “Etaṃ

Bhagavatā Bārāṇasiyaṃ Isipatane migadāye anuttaraṃ dhammacakkaṃ pavattitaṃ appaṭivattiyaṃ samaṇema vā brahmaṇena vā devena vā mārena vā brahmunā vā kenaci vā lokasmin”ti.

* Tusitānaṃ devānaṃ saddaṃ sutvā nimmānaratī devā saddamanussāvesuṃ


* Nimmanaratīnaṃ devānaṃ saddaṃ sutvā paranimmitavasavattī devā

saddamanussāvesuṃ “Etaṃ Bhagavatā Bārāṇasiyaṃ Isipatane migadāye anuttaraṃ dhammacakkaṃ pavattitaṃ appaṭivattiyaṃ samaṇema vā brahmaṇena vā devena vā mārena vā brahmunā vā kenaci vā lokasmin”ti.

*Paranimmitavasavattīnaṃ devānaṃ saddaṃ sutvā brahmakāyikā devā

saddamanussāvesuṃ “Etaṃ Bhagavatā Bārāṇasiyaṃ Isipatane migadāye anuttaraṃ dhammacakkaṃ pavattitaṃ appaṭivattiyaṃ samaṇema vā brahmaṇena vā devena vā mārena vā brahmunā vā kenaci vā lokasmin”ti.

4

Itiha tena khaṇena tena layena tena muhuttena yāva brahmalokā saddo

abbhuggacchi. Ayañca dasasahassilokadhātu saṃkampi sampakampi sampavedhi. Appamāṇo ca

uḷāro obhāso loke pāturahosi atikkamma devānaṃ devānubhāvanti. Atha kho Bhagavā imaṃ udānaṃ udānesi“Aññāsi vata bho Koṇḍañño! Aññāsi vata bho Koṇḍañño!” ti. Iti hidaṃ āyasmato

Koṇḍaññassa “Aññāsikoṇḍañño” tveva nāmaṃ ahosī’ti. Atha kho āyasmā Aññāsikoṇḍañño diṭṭha-dhammo viditadhammo

pariyogāḷhadhammotiṇṇavicikiccho vigatakathaṃkatho vesārajjapatto aparappaccayo satthusāsane Bhagavantaṃ etadavoca.

“Labheyyā’haṃ Bhante, Bhagavato santike pabbajjaṃ, labheyyaṃ

upasampadan”ti. “Ehi bhikkhū”ti Bhagavā avoca,“Svākkhāto dhammo, cara brahmacariyaṃ

sammādukkhassa antakiriyāyā”ti Sāva tassa āyasmato upasampadā ahosī’ti.

(Dhammacakkappavattanasuttaṃ niṭṭhitaṃ)

KINH PĀḶI CHO NGƯỜI BỆNH

Paṭhamagilānasutta

Ekaṃ samayaṃ Bhagavā rājagahe viharati veḷuvane kalandakanivāpe. Tena kho pana samayena āyasmā Mahākassapo Pippaliguhāyaṃ viharati ābādhiko dukkhito bāḷhagilāno. Atha kho Bhagavā sāyaṇhasamayaṃ paṭisallānā vuṭṭhito yenāyasmā Mahākassapo tenupasaṅkami, upasaṅkamitvā paññatte āsane nisīdi, nisajja kho Bhagavā āyasmantaṃ Mahākassapaṃ etadavoca.

- Kacci te, Kassapa, khamanīyaṃ? kacci yāpanīyaṃ? kacci dukkhā vedanā paṭikkamanti, no abhikkamanti; paṭikkamosānaṃ paññāyati, no abhikkamo”ti?

- Na me, Bhante, khamanīyaṃ, na yāpanīyaṃ, bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo”ti.

5

“Sattime, Kassapa, bojjhaṅgā mayā sammadakkhātā bhāvitā bahulīkatā abhiññāya sambodhāya nibbānāya saṃvattanti. Katame satta?

* Satisambojjhaṅgo kho, Kassapa, mayā sammadakkhāto bhāvito bahulīkato abhiññāya sambodhāya nibbānāya saṃvattati.

* Dhammavicayasambojjhaṅgo kho, Kassapa, mayā sammadakkhāto bhāvito bahulīkato abhiññāya sambodhāya nibbānāya saṃvattati.

* Vīriyasambojjhaṅgo kho, Kassapa, mayā sammadakkhāto bhāvito bahulīkato abhiññāya sambodhāya nibbānāya saṃvattati.

* Pītisambojjhaṅgo kho, Kassapa, mayā sammadakkhāto bhāvito bahulīkato abhiññāya sambodhāya nibbānāya saṃvattati.

* Passaddhisambojjhaṅgo kho, Kassapa, mayā sammadakkhāto bhāvito bahulīkato abhiññāya sambodhāya nibbānāya saṃvattati.

* Samādhisambojjhaṅgo kho, Kassapa, mayā sammadakkhāto bhāvito bahulīkato abhiññāya sambodhāya nibbānāya saṃvattati

* Upekkhāsambojjhaṅgo kho, Kassapa, mayā sammadakkhāto bhāvito bahulīkato abhiññāya sambodhāya nibbānāya saṃvattati.

Ime kho, Kassapa, satta bojjhaṅgā mayā sammadakkhātā bhāvitā bahulīkatā abhiññāya sambodhāya nibbānāya saṃvattantī”ti.

- Taggha, Bhagavā, bojjhaṅgā! Taggha, Sugata, bojjhaṅgā”ti.

Idamavoca Bhagavā. Attamano āyasmā Mahākassapo Bhagavato bhāsitaṃ abhinandi. Vuṭṭhahi cāyasmā Mahākassapo tamhā ābādhā, tathāpahīno cāyasmato Mahākassapassa so ābādho ahosīti.

(Paṭhamagilānasuttaṃ niṭṭhitaṃ)

***

Dutiyagilānasutta

Ekaṃ samayaṃ Bhagavā rājagahe viharati veḷuvane kalandakanivāpe. Tena kho pana samayena āyasmā Mahāmoggallāno Gijjhakūṭe pabbate viharati ābādhiko dukkhito bāḷhagilāno. Atha kho Bhagavā sāyaṇhasamayaṃ paṭisallānā vuṭṭhito

6

yenāyasmā Mahāmoggallāno tenupasaṅkami, upasaṅkamitvā paññatte āsane nisīdi, nisajja kho Bhagavā āyasmantaṃ Mahāmoggallānaṃ etadavoca.

- Kacci te, Moggallāna, khamanīyaṃ? kacci yāpanīyaṃ? kacci dukkhā vedanā paṭikkamanti, no abhikkamanti; paṭikkamosānaṃ paññāyati, no abhikkamo”ti?

- Na me, Bhante, khamanīyaṃ, na yāpanīyaṃ, bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo”ti.

“Sattime, Moggallāna, bojjhaṅgā mayā sammadakkhātā bhāvitā bahulīkatā abhiññāya sambodhāya nibbānāya saṃvattanti. Katame satta?

* Satisambojjhaṅgo kho, Moggallāna, mayā sammadakkhāto bhāvito bahulīkato abhiññāya sambodhāya nibbānāya saṃvattati.

* Dhammavicayasambojjhaṅgo kho, Moggallāna, mayā sammadakkhāto bhāvito bahulīkato abhiññāya sambodhāya nibbānāya saṃvattati.

* Vīriyasambojjhaṅgo kho, Moggallāna, mayā sammadakkhāto bhāvito bahulīkato abhiññāya sambodhāya nibbānāya saṃvattati.

* Pītisambojjhaṅgo kho, Moggallāna, mayā sammadakkhāto bhāvito bahulīkato abhiññāya sambodhāya nibbānāya saṃvattati.

* Passaddhisambojjhaṅgo kho, Moggallāna, mayā sammadakkhāto bhāvito bahulīkato abhiññāya sambodhāya nibbānāya saṃvattati.

* Samādhisambojjhaṅgo kho, Moggallāna, mayā sammadakkhāto bhāvito bahulīkato abhiññāya sambodhāya nibbānāya saṃvattati

* Upekkhāsambojjhaṅgo kho, Moggallāna, mayā sammadakkhāto bhāvito bahulīkato abhiññāya sambodhāya nibbānāya saṃvattati.

Ime kho, Moggallāna, satta bojjhaṅgā mayā sammadakkhātā bhāvitā bahulīkatā abhiññāya sambodhāya nibbānāya saṃvattantī”ti.

- Taggha, Bhagavā, bojjhaṅgā! Taggha, Sugata, bojjhaṅgā”ti.

Idamavoca Bhagavā. Attamano āyasmā Mahāmoggallāno Bhagavato bhāsitaṃ abhinandi. Vuṭṭhahi cāyasmā Mahāmoggallāno tamhā ābādhā, tathāpahīno cāyasmato Mahāmoggallānassa so ābādho ahosīti.

(Dutiyagilānasuttaṃ niṭṭhitaṃ)7

Tatiyagilānasutta

Ekaṃ samayaṃ Bhagavā rājagahe viharati veḷuvane kalandakanivāpe. Tena kho pana samayena Bhagavā ābādhiko hoti dukkkhito bāḷhagilano. Atha kho āyasmā Mahācundo yena Bhagavā tenupasaṅkami, upasaṅkamitvā Bhagavantaṃ abhivādetvā ekamantaṃ nisīdi, ekamantaṃ nisinnaṃ kho āyasmantaṃ Mahācundaṃ Bhagavā etadavoca: “Paṭibhantu taṃ, Cunda, bojjhaṅgā”ti.

“Sattime, Bhante, bojjhaṅgā Bhagavatā sammadakkhātā bhāvitā bahulīkatā abhiññāya sambodhāya nibbānāya saṃvattanti. Katame satta?

* Satisambojjhaṅgo kho, Bhante, Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

* Dhammavicayasambojjhaṅgo kho, Bhante, Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

* Vīriyasambojjhaṅgo kho, Bhante, Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

* Pītisambojjhaṅgo kho, Bhante, Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

* Passaddhisambojjhaṅgo kho, Bhante, Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

* Samādhisambojjhaṅgo kho, Bhante, Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati

* Upekkhāsambojjhaṅgo kho, Bhante, Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

Ime kho, Bhante, satta bojjhaṅgā Bhagavatā sammadakkhātā bhāvitā bahulīkatā abhiññāya sambodhāya nibbānāya saṃvattantī”ti.

- Taggha, Cunda, bojjhaṅgā! Taggha, Cunda, bojjhaṅgā”ti.

Idamavocāyasmā Mahācundo. Samanuñño satthā ahosi. Vuṭṭhahi ca Bhagavā tamhā ābādhā, tathāpahīno ca Bhagavato so ābādho ahosīti.

(Tatiyagilānasuttaṃ niṭṭhitaṃ)

***8

PHÁP THẤT GIÁC CHI DÀNH CHO BỆNH NHÂN

Trong trường hợp người đang lâm bệnh, sau khi tụng 3 bài kinh thứ nhất, thứ nhì, thứ ba cho người bệnh xong, quý vị nên tụng thêm pháp thất giác chi này cho bệnh nhân ấy.

* Nếu bệnh nhân là cận sự nam hoặc cận sự nữ, thì nên xen tên của bênh nhân ấy vào vị trí của mỗi câu trong 7 pháp giác chi.

- Ví dụ : Cận sự nữ Hoàng Thị Huệ, thì tụng 7 pháp giác chi như sau: ( Người nam thì tên rồi thay chữ upāsike thành upāsaka)

“Sattime “Hoàng Thị Huệ upāsike” bojjhaṅgā Bhagavatā sammadakkhātā bhāvitā bahulīkatā abhiññāya sambodhāya nibbānāya saṃvattanti. Katame satta?

1- Satisambojjhaṅgo kho “Hoàng Thị Huệ upāsike” Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

2- Dhammavicayasambojjhaṅgo kho “Hoàng Thị Huệ upāsike” Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

3- Vīriyasambojjhaṅgo kho “Hoàng Thị Huệ upāsike” Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

4- Pītisambojjhaṅgo kho “Hoàng Thị Huệ upāsike” Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

5- Passaddhisambojjhaṅgo kho “Hoàng Thị Huệ upāsike” Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

6- Samādhisambojjhaṅgo kho “Hoàng Thị Huệ upāsike” Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

7- Upekkhāsambojjhaṅgo kho “Hoàng Thị Huệ upāsike” Bhagavatā sammadakkhāto bhāvito bahulīkato abhiññāya sambodhāya nibbānāya saṃvattati.

Ime kho “Hoàng Thị Huệ upāsike” satta bojjhaṅgā Bhagavatā sammadakkhātā bhāvitā bahulīkatā abhiññāya sambodhāya nibbānāya saṃvattanti.

Etena saccavajjena, sotthi te(1) hotu sabbadā (3 lần).

Tự tụng cho mình, thay chữ “te = người” bằng chữ “me = tôi”.

-ooOoo-9

BOJJHAṄGAPARITTA(KINH THẤT GIÁC CHI)

Kệ Khai Kinh Thất Giác Chi

Saṃsāre saṃsarantānaṃ,Sabbadukkhavināsane.

Satta dhamme ca bojjhaṅge,Mārasenāpamaddane.Bujjhitvā ye cime sattā,Tibhavā muttakuttamā.Ajātimajarābyādhiṃ,

Amataṃ nibbhayaṃ gatā.Evamādiguṇūpetaṃ,Anekaguṇasaṅgahaṃ.

Osadhañca imaṃ mantaṃ,Bojjhaṅgañca bhaṇāma he!

Bojjhaṅgaparitta(Kinh Thất Giác Chi)

Bojjhaṅgo satisaṅkhāto,Dhammānaṃ vicayo tathā,Vīriyaṃ pīti passaddhi,Bojjhaṅgā ca tathāpare,Samādhupekkhā bojjhaṅgā,Sattete sabbadassinā,Muninā sammadakkhātā,Bhāvitā bahulīkatā.Saṃvattanti abhiññāya,Nibbānāya ca bodhiyā.Etena saccavajjenaSotthi te hotu sabbadā.Ekasmiṃ samaye nātho,Moggallānañca Kassapaṃ,Gilāne dukkhite disvā,Bojjhaṅge satta desayi,

Te ca taṃ abhinanditvā,Rogā mucciṃsu taṅkhaṇe.Etena saccavajjena,Sotthi te hotu sabbadā.Ekadā Dhammarājā pi,Gelaññenābhipīḷito,Cundattherena taṃyeva,Bhaṇāpetvāna sādaraṃ,Sammoditvāna ābādhā,Tamhā vuṭṭhāsi ṭhānaso.Etena saccavajjenaSotthi te hotu sabbadā.Pahīnā te ca ābādhā,Tiṇṇannampi mahesinaṃ,Maggahatā kilesāva,Pattānuppattidhammataṃ.Etena saccavajjenaSotthi te hotu sabbadā.(Bojjhaṅgasuttaṃ niṭṭhitaṃ)

-ooOoo-

10

KHANDHAPARITTA-GĀTHĀ(KỆ RẢI TÂM TỪ ĐẾN CÁC LOÀI BÒ SÁT)

1. Sabbāsīvisajātīnaṃ,Dibbamantāgadhaṃ viya,Yaṃ nāseti visaṃ ghoraṃ,Sesañcāpi parissayaṃ. 2. Āṇākkhettamhi sabbattha,Sabbadā sabbapāṇinaṃ,Sabbasopi nivāreti,Parittaṃ taṃ bhaṇāma he. 3. Virūpakkhehi me mettaṃ,Mettaṃ erāpathehi me; Chabyāputtehi me mettaṃ,Mettaṃ kaṇhāgotamakehi ca. 4. Apādakehi me mettaṃ,Mettaṃ dvipādakehi me; Catuppadehi me mettaṃ,Mettaṃ bahuppadehi me. 5. Mā maṃ apādako hiṃsi,Mā maṃ hiṃsi dvipādako; Mā maṃ catuppado hiṃsi,Mā maṃ hiṃsi bahuppado.

6. Sabbe sattā sabbe pāṇā,

Sabbe bhūtā ca kevalā;

Sabbe bhadrāni passantu,

Mā kañci pāpamā gamā.

7. Appamāṇo Buddho,Appamāṇo Dhammo; Appamāṇo Saṅgho,Pamāṇavantāni sarīsapāni. Ahi vicchikā satapadī,Uṇṇanābhī sarabū mūsikī. 8. Katā me rakkhā kataṃ me parittaṃ,Paṭikkamantu bhūtāni,Sohaṃ namo Bhagavato,Namosattannaṃ Sammāsambuddhānaṃ. Khaṇḍhasuttaṃ niṭṭhitaṃ

PATICCASAMUPPÀDA (KINH DUYÊN SINH)

1. Paṭhamabuddhavacanagāthā:

Anekajātisaṃsāraṃ, sandhāvissaṃ anibbisaṃ.Gahakāraṃ gavesandho, dukkhā jāti punappanaṃ.

Gahakāraka diṭṭho’si,puna gehaṃ na kāhasi.Sabbā te phāsukā bhaggā,gahakūṭaṃ visaṅkhataṃ.Visaṅkhāragataṃ cittaṃ,taṇhānaṃ khayamajjhagā.” (3 lần)

11

2- Paṭiccasamuppāda anuloma

* Avijjāpaccayā saṅkhārā, saṅkhārapaccayā viññāṇaṃ,viññāṇapaccayā nāmarūpaṃ,nāmarūpapaccayā saḷāyatanaṃ,saḷāyatanapaccayā phasso,phassapaccayā vedanā,vedanāpaccayā taṇhā,taṇhāpaccayā upādānaṃ,upādānapaccayā bhavo,bhavapaccayā jāti, jātipaccayā jarā maraṇaṃ, soka-parideva-dukkha-domanassupāyāsā sambhavanti.Evametassa kevalassa dukkhakkhandhassa samudayo hoti.

* Yadā have pātubhavanti dhammā,ātāpino jhāyato brāhmaṇassa.Athassa kaṅkhā vapayanti sabbā,yato pajānāti sahetudhammaṃ.

3- Tụng Paṭiccasamuppāda paṭiloma

*Avijjāyatveva asesavirāganirodhā saṅkhāra-nirodho, saṅkhāranirodhā viññāṇanirodho,viññāṇanirodhā nāmarūpanirodho,nāmarūpanirodhā saḷāyatananirodho,saḷāyatananirodhā phassanirodho,phassanirodhā vedanānirodho,vedanānirodhā taṇhānirodho,taṇhānirodhā upādānanirodho,upādānanirodhā bhavanirodho,bhavanirodhā jātinirodho, jātinirodhā jarā maraṇaṃ, soka-parideva- dukkha-domanassupāyāsā nirujjhanti.Evametassa kevalassa dukkhakkhandhassa nirodho hoti.

* Yadā have pātubhavanti dhammā,ātāpino jhāyato brāhmaṇassa.Athassa kaṅkhā vapayanti sabbā,yato khayaṃ paccayānaṃ avedi.

4- Paṭiccasamuppāda anuloma-paṭiloma

* Avijjāpaccayā saṅkhārā, saṅkhārapaccayā viññāṇaṃ,viññāṇapaccayā nāmarūpaṃ,nāmarūpapaccayā saḷāyatanaṃ,saḷāyatanapaccayā phasso,phassapaccayā vedanā,vedanāpaccayā taṇhā,taṇhāpaccayā upādānaṃ,upādānapaccayā bhavo,bhavapaccayā jāti, jātipaccayā jarā maraṇaṃ, soka-parideva-dukkha-domanassupāyāsā sambhavanti.Evametassa kevalassa dukkhakkhandhassa samudayo hoti.

12

*Avijjāyatveva asesavirāganirodhā saṅkhāra-nirodho, saṅkhāranirodhā viññāṇanirodho,viññāṇanirodhā nāmarūpanirodho,nāmarūpanirodhā saḷāyatananirodho,saḷāyatananirodhā phassanirodho,phassanirodhā vedanānirodho,vedanānirodhā taṇhānirodho,taṇhānirodhā upādānanirodho,upādānanirodhā bhavanirodho,bhavanirodhā jātinirodho, jātinirodhā jarā maraṇaṃ, soka-parideva-dukkha-domanassupāyāsā nirujjhanti.Evametassa kevalassa dukkhakkhandhassa nirodho hoti.

* Yadā have pātubhavanti dhammā,ātāpino jhāyato brāhmaṇassa.Vidhūpayaṃ tiṭṭhati mārasenaṃ,Sūriyova obhāsayamantalikkhaṃ.

5. Paṭṭhānapaccayuddesa

Hetupaccayo,ārammaṇapaccayo,adhipati-paccayo, anantarapaccayo, samanantarapaccayo, sahajātapaccayo, aññamaññapaccayo, nissaya-paccayo, upanissayapaccayo, purejātapaccayo, pacchajātapaccayo, āsevanapaccayo, kammapac-cayo, vipākapaccayo, āhārapaccayo, indriya-paccayo, jhānapaccayo, maggapaccayo, sampa- yuttapaccayo, vippayuttapaccayo, atthipaccayo, natthipaccayo, vigatapaccayo, avigatapaccayo hoti.

TI-MĀTIKĀ 1. Kusalā dhammāAkusalā dhammāAbyākatā dhammā

2. Sukhāya vedanāya sampayuttā dhammāDukkhāya vedanāya sampayuttā dhammāAdukkha-m-asukhāyavedanāya sampayuttā dhammā

3. Vipākā dhammāVipāka-dhamma-dhammāNeva-vipāka-na-vipāka-dhamma-dhammā

4. Upādinn’upādāniyā dhammāAn-upādinn’upādāniyā dhammāAn-upādinn’ān-upādāniyā dhammā

5. Saṅkiliṭṭha-saṅkilesikā dhammāAsaṅkiliṭṭha-saṅkilesikā dhammāAsaṅkiliṭṭh’āsaṅkilesikā dhammā

6. Savitakka-savicārā dhammāAvitakka-vicāramattā dhammāAvitakk’āvicārā dhammā

13

7. Pīti-sahagatā dhammāSukha-sahagatā dhammāUpekkhā-sahagatā dhammā

8. Dassanena pahātabbā dhammāBhāvanāya pahātabbā dhammāNeva dassanena na bhavānāya pahātabbā

9. Dassanena pahātabbā hetukā dhammāBhāvanāya pahātabbā hetukā dhammāNeva dassanena na bhavānāya pahātabbā hetukā dhammā

10. Ācaya-gāmino dhammāApacaya-gāmino dhammāNev’Ècaya-gāmino n’Èpacaya-gāmino dhammā

11. Sekkhā dhammāAsekkhā dhammāNeva-sekkhā n’Èsekkhā dhammā

12. Parittā dhammāMahaggatā dhammāAppamānā dhammā

13. Paritt’ārammaṇā dhammāMahaggat’ārammaṇā dhammāAppamān’ārammaṇā dhammā

14. Hīnā dhammāMajjhimā dhammāPaṇītā dhammā

15. Micchatta-niyatā dhammāSamatta-niyatā dhammāAniyatā dhammā

16. Magg’ārammaṇā dhammāMagga-hetukā dhammāMagg’ādhipatino dhammā

17. Uppannā dhammāAn-uppannā dhammāUppātino dhammā

18. Atītā dhammāAnāgatā dhammāPaccuppannā dhammā

19. Atit’ārammaṇā dhammāAnāgat’ārammaṇā dhammāPaccuppann’ārammaṇā dhammā

20. Ajjhattā dhammāBahiddhā dhammāAjjhatta-bahiddhā dhammā

21. Ajjhatt’ārammaṇā dhammāBahiddh’ārammaṇā dhammāAjjhatta-bahiddh’ārammaṇā dhammā

22. Sa-nidassana-sa-ppaṭighā dhammāA-nidassana-sa-ppaṭighā dhammāAnidassan’appaṭighā dhammāBāvīsati-tika-mātikā dhamma-saṅgani-pakaranaṃ nāma samattaṃ.

14

RATANA SUTTA (KINH TAM BẢO)

1. Yān’īdha bhūtāni samāgatāniBhummāni vā yāni’va antalikkheSabbe’va bhūtā sumanā bhavantuAtho’pi sakkacca suṇantu bhāsitaṃ

2. Tasmā hi bhūtāni sametha sabbeMettaṃ karotha mānusiyā pajāyaDivā ca ratto ca haranti ye baliṃTasmā hi ne rakkhatha appamattā

3. Yaṃ kiñci vittaṃ idha vā huraṃ vāSaggesu vā yaṃ ratanaṃ paṇītaṃNa no samaṃ atthi TathāgatenaIdam’pi Buddhe ratanaṃ paṇītaṃ.Etena saccena suvatthi hotu.

4. Khayaṃ virāgaṃ amataṃ paṇītaṃYad’ ajjhagā Sakyamunī samāhitoNa tena Dhammena sam’atthi kiñciIdam’pi Dhamme ratanaṃ paṇītaṃEtena saccena suvatthi hotu.

5. Yaṃ Buddha-seṭṭho parivaṇṇayī suciṃSamādhim’ānantarik’aññam’āhuSamādhinā tena samo na vijjatiIdam’pi Dhamme ratanaṃ paṇītaṃEtena saccena suvatthi hotu.

6. Ye puggalā aṭṭha sataṃ pasatthāCattāri etāni yugāni hontiTe dakkhiṇeyyā Sugatassa SāvakāEtesu dinnāni mahā-p-phalāniIdam’pi Saṅghe ratanaṃ paṇītaṃEtena saccena suvatthi hotu.

7. Ye su-ppayuttā manasā dậhenaNikkāmino Gotama-sāsanamhiTe patti-pattā amataṃ vigayhaLaddhā mudhā nibbutiÑ bhuñjamānāIdam’pi Saṅghe ratanaṃ panītaṃEtena saccena suvatthi hotu.

8. Yath’indakhīlo paṭhaviṃ sito siyāCatūbhi vātebhi asampakampiyoTath’ūpamaṃ sappurisaṃ vadāmi yoAriya-saccāni avecca-passatiIdam’pi Saṅghe ratanaṃ paṇītaṃEtena saccena suvatthi hotu.

9. Ye ariya-saccāni vibhāvayantiGambhīra paññena sudesitāniKiñc’āpi te honti bhusa-ppamattāNa te bhavaṃ aṭṭhamam’ĀdiyantiIdam’pi Saṅghe ratanaṃ paṇītaṃEtena saccena suvatthi hotu.

10. Sahāvassa dassanā-sampadāyaTayassu dhammā jahitā bhavantiSakkāya-diṭṭhi vicikicchitañcaSīlabbataṃ vā’pi yad’atthi kiñciCatūh’aPāyehi ca vippamuttoCha c’ābhiṭṭhānāni abhabbo kātuṃIdam’pi Saṅghe ratanaṃ paṇītaṃEtena saccena suvatthi hotu.

15

11. Kiñc’āpi so kammaṃ karoti PāpakaṃKāyena vācā uda cetasā vāAbbhabbo so tassa paṭicchādāyaAbhabbatā diṭṭha-padassa vuttāIdam’pi Saṅghe ratanam paṇītaṃEtena saccena suvatthi hotu.

12. Vana-ppagumhe yathā bhussit’aggeGimhāna-māse paṭhamasmiṃ gimheTath’ūpamaṃ Dhamma-varaṃ

adesayiNibbāna-gāmiṃ paramaṃ hitāyaIdam’pi Buddhe ratanaṃ panītaṃEtena saccena suvatthi hotu.

13. Varo var’aññū varado var’āharoAnuttaro Dhamma-varaṃ adesayiIdam’pi Buddhe ratanaṃ paṇītaṃEtena saccena suvatthi hotu.

14. Khīṇaṃ purāṇaṃ navaṃ n’atthi sambhavaṃ,Virattacitt’āyatike bhavasmiṃ.Te khīṇa-bījā avirūḷhi chandā,Nibbanti dhīrā yathā yaṃ padīpo.Idam’pi Saṅghe ratanaṃ paṇītaṃ,Etena saccena suvatthi hotu.

15. Yān’īdha bhūtāni samāgatāniBhummāni vā yāni’va antalikkheTathāgataṃ Deva-manussa-pūjitaṃBuddhaṃ namassāma suvatthi hotu.

16. Yān’īdha bhūtāni samāgatāniBhummāni vā yāni’va antalikkheTathāgataṃ Deva-manussa-pūjitaṃDhammaṃ namassāma suvatthi hotu.

17. Yān’īdha bhūtāni samāgatāniBhummāni vā yāni’va antalikkheTathāgataṃ Deva-manussa-pūjitaṃSaṅghaṃ namassāma suvatthi hotu.

16

BÀI KINH TÁN DƯƠNG NGÀI SĪVALI

Sīvali ca mahānānaṃSabbalābhaṃ bhavissatiTherassa anubhāvena,Sabbe hontu piyaṃ mama. Sīvali ca mahālābhaṃSabbalābhaṃ bhavissatiTherassa anubhāvena,Sadā hontu piyaṃ mama. Sīvali ca mahātheroMama sise thapetvāna,Mantitena jayomantaṃAhaṃ vandāmi sabbadā.

ANANTARIYAKAGĀTHĀKỆ AN LÀNH

Sirasmiṃ me Buddhaseṭṭho, Sāriputto ca dakkhiṇe.Vāma-amse Moggallāno, Puratto piṭakattayaṃ.Pacchime mama Ānando,Khiṇāsavā catuddisā.Samantā lokapālā ca, Indadevā sabrahmakā.Etesaṃ anubhāvena, Sabbe bhayā upaddavā.Aneka antarāyā’pi, Vinassantu asesato.

-ooOoo-

KARAṆĪYA METTĀ SUTTAKINH TÂM TỪ

1. Karaṇīyam’attha-kusalenaYaṃ taṃ santaṃ padaṃ abhisameccaSakko ujū ca su-h-ujū caSuvaco c’assa mudu anatimānī.

2. Santussako ca subharo caAppa-kicco ca sallahuka-vuttiSant’indriyo ca nipako caAppagabbho kulesu an-anugiddho.

3. Na ca khuddaṃ samācare kiñciYena viññū pare upavadeyyuṃSukhino vā khemino hontuSabbe sattā bhavantu sukhitattā.

4. Ye keci pāṇa-bhūt’atthiTasā vā thāvarā va anavasesāDīghā vā ye mahantā vāMajjhimā rassakā aṇuka-thūlā.

5. Diṭṭhā vā ye va adiṭṭhāYe ca dūre vasanti avidūre,Bhūtā vā sambhavesī vāSabbe sattā bhavantu sukhitattā.

6. Na paro paraṃ nikubbethaN’ātimaññetha katthacinaṃ kañciByārosanā paṭigha-saññāN’aññam’aññassa dukkham’iccheyya.

17

7. Mātā yathā niyaṃ puttaṃĀyusā eka-puttam’anurakkheEvam’pi sabba bhūtesuMānasaṃ bhāvaye aparimāṇaṃ.

8. Mettañca sabba lokasmiṃMānasaṃ bhāvaye aparimāṇaṃUddhaṃ adho ca tiriyañcaAsambādhaṃ averaṃ asapattaṃ.

9. Tiṭṭhaṃ caraṃ nisinno vāSayāno vā yāvat’assa vigatamiddhoEtaṃ satiṃ adhiṭṭheyyaBrahmam’etaṃ vihāraṃ idham’āhu.

10. Diṭṭhiñca anupagammaSīlavā dassanena sampannoKāmesu vineyya gedhaṃNa hi jātu gabbha-seyyaṃ punaretī’ti.

-ooOoo-

BUDDHA-JAYAMAṄGALA GĀTHĀKỆ PHẬT THẮNG HẠNH

1. Bāhuṃ sahassam’abhinimmita sāyudh’antaṃGirimekhalaṃ udita ghora-sasena-māraṃDān’ādi dhamma-vidhinā jitavā Mun’indoTaṃ tejasā bhavatu me (te) jaya-maṅgalāni. 2. Mār’ātirekam-abhiyujjhita sabba rattiṃGhoraṃ pan’āḷavaka makkham’ath’addha YakkhaṃKhantī sudanta-vidhinā jitavā Mun’indoTaṃ tejasā bhavatu me (te) java-maṅgalāni. 3. Nālāgiriṃ gaja-varaṃ ati-matta-bhūtaṃDāv’aggi cakkam-asanī’va sudāruṇ’antaṃMett’ambu-seka vidhinā jitavā Mun’indoTaṃ tejasā bhavatu me (te) java-maṅgalāni. 4. Ukkhitta-khaggam-atihaṭṭha su-dāruṇ’antaṃDhāvan tiyojana-path’AṅgulimālavantaṃIddhī’bhisaṅkhata-mano jitavā Mun’indoTaṃ tejasā bhavatu me (te) java-maṅgalāni. 5. Katvāna kaṭṭham’udaraṃ iva gabbhinīyāCiñcāya duṭṭha-vacanaṃ jana-kāya-majjhe

18

Santena somma-vidhinā jitavā Mun’indoTaṃ tejasā bhavatu me (te) jaya-maṅgalāni. 6. Saccaṃ vihāyam-ati-Saccaka-vāda-ketuṃVād’ābhiropita-manaṃ ati-andha-bhūtaṃPaññā-padīpa-jalito jitavā Mun’indoTaṃ tejasā bhavatu me (te) jaya-maṅgalāni. 7. Nandopananda-bhujagaṃvibuddhaṃ mah’iddhiṃ.Puttena thera bhujagena dam’āpayantoIddh’ūpadesa-vidhinā jitavā Mun’indoTaṃ tejasā bhavatu me (te) java-maṅgalāni. 8. Duggāha-diṭṭhi bhujagena sudaṭṭha-hatthaṃBrahmaṃ visuddhi-jutim-iddhi-Bak’ābhidhānaṃÑāṇ’āgadena vidhinā jitavā Mun’indoTaṃ tejasā bhavatu me (te) jaya-maṅgalāni. 9. Etāpi Buddha-jaya-maṅgala-aṭṭhagāthāYo vācano dina-dine sarate ma tandīHitvāna neka-vividhāni c’upaddavāniMokkhaṃ sukhaṃ adhigameyya naro sapañño.

-ooOoo-

MAṄGALA SUTTAKINH HẠNH PHÚC

Evaṃ me sutaṃ: Ekaṃ samayaṃ Bhagavā Sāvatthiyaṃ viharati Jetavane

Anāthapiṇḍikassa Ārāme. Atha kho aññatarā devatā abhikkantāya rattiyā abhikkanta-vaṇṇā kevala-kappaṃ Jetavanaṃ obhāsetvā yena Bhagavā ten’upasaṅkami upasaṅkamitvā Bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho sā devatā Bhagavantaṃ gāthāya ajjhabhāsi.

Bahū devā manussā caMaṅgalāni acintayuṃ

Ākaṅkhamānā soṭṭhānaṃBrūhi maṅgalam’uttamaṃ.

19

1. Asevanā ca bālānaṃPaṇḍitānañca sevanāPūjā ca pūjanīyānaṃEtaṃ maṅgalam’uttamaṃ.

2. Paṭirūpa-desa-vāso caPubbe ca kata-puññatāAtta sammā paṇīdhi caEtaṃ maṅgalam’uttamaṃ

3. Bāhu-saccañca sippañcaVinayo ca susikkhitoSubhāsitā ca yā vācāEtaṃ maṅgalam’uttamaṃ.

4. Mātā-pitu upaṭṭhānaṃPutta-dārassa saṅgahoAnākulā ca kammantāEtaṃ maṅgalam’uttamaṃ.

5. Dānañca dhamma-cariyā caÑātakānañca saṅgahoAnavajjāni kammāniEtaṃ maṅgalam’uttamaṃ.

6. Āratī-viratī pāpāMajja-pānā ca saññamoAppamādo ca dhammesuEtaṃ mangalam’uttamaṃ.

7. Gāravo ca nivāto caSantuṭṭhī ca kataññutāKālena dhamma-savanaṃEtaṃ maṅgalam’uttamaṃ.

8. Khantī ca sovacassatāSamaṇānañca dassanaṃKālena Dhamma-sākacchāEtaṃ maṅgalam’uttamaṃ.

9. Tapo ca brahma-cariyā caAriya-saccāni dassanaṃNibbāna-sacchikiriyā caEtaṃ maṅgalam’uttamaṃ

10. Phuṭṭhassa loka-dhammehiCittaṃ yassa na kampatiAsokaṃ, virajaṃ, khemaṃEtaṃ maṅgalam’utamaṃ.

11. Etādisāni katvānaSabbattham’aparājitāSabbattha-sotthiṃ gacchanti taṃTesaṃ maṅgalam’uttaman’ti.

20

Kinh Tụng Pali

Documents

Transcript of Kinh Tụng Pali