Ipinaliwanag ni Pedro and kanyang Ginawa

Dati sa panahon ni Abraham ay inutusan niya ang kanyang mga taga-sunod na magpatuli, upang maging ganap na Kristiyano. “Ito ang magiging palatandaan ng kasunduan ko sa inyo.” (Genesis 17:10) at sinabi naman sa (Genesis 17:14) “ang sinumang lalaki sa inyo na tumanggi magpatuli ay huwag ninyong ituring na kababayan, dahil binalewala nya ang kasunduan ko.” Ito ang naging dahilan bakit pumunta si Pedro sa Jerusalem, binigyang linaw nya ang pagtutuli sa panahon ng bagong tipan. (Gawa 11:2) kaya pagbalik ni Pedro sa Jerusalem sinalungat siya ng mga kapatid na Judio na naniniwalang ang mga hindi Judio ay kaylangan magpatuli muna bago maging kaanib nila.” Wika ni Pedro (Gawa 11:3) ikaw ay isang Judio, bakit ka nakikituloy at nakikikain sa bahay ng mga hindi Judio?

Isang tanong na maganda ang kahulugan na nagbibigay ng magandang paliwanag sa atin, na ang dapat gawin ng isang Kristiyano ay makisama sa mga makakasalanang tao. Hindi para maging makasalanan ang isang Kristiyano, kundi bigyan ang mga makakasalanan na tao ng paliwanag na ang gawa nila ay mali at hindi kalugod-lugod sa ating Panginoon. Ang mga Kristiyano ay gumagawa ng ministeryo sa kanyang kapatid sa Kristiyano at mashigit pa sa mga taong di nakakakilala sa Diyos.

Sa (Gawa 11:1-8) ipinakita dito na ang lahat ng bagay dito sa sanlibutan ay nilinis na ng Diyos. (Gawa 11:8) inutusan si Pedro na magkatay ng hayop at ito’y kanyang kainin. Tinangihan niya ito dahil bawal ito sa panahon ng lumang tipan. Kaya sabi niya. “hindi ko magagawa iyan.” Pero ang sabi ng Panginoon. (Gawa 11:9) “huwag mong ituring na marumi ang kahit na anong bagay na nilinis ng Diyos.” Ito ay tatlong beses na nanyari, at ginamit ni Pedro ang pag-uusap nila ng Panginoon upang maipaliwanag na ang mga Judio at hindi Judio ay dapat ng magkasundo sa pag-puri sa Diyos. Dahil lahat ng bagay dito sa sanlibutan ay nilinis na niya pati na din ang kapwa natin. Ang mga taong makakasalanan ay pinatawad na niya. Ano ang gagawin ng mga Kristiyano sa mga taong makakasalanan? Ito ang role ng mga Kristiyano na ipabalita na sila ay nilinis na ng Diyos. Dapat nating silang alagaan sa pamamagitan ng salita ng Diyos. Kaya wag natin silang pandirian o katakutan ang mga makakasalanang tao. Sila ang misyon natin dito sa lupa ang maligtas sila sa pamamagitan ng salita ng Diyos. Ang pagsasagawa ng pagtuli ay ginawa ni Abraham para ang isang tao ay makaanib sa kanya. Pero ngayon ang dapat gawin ng Kristiyano ay tuliin ang sarili niyang puso.

Turuan ang sarili (mag devotion) mamuhay na kasama si Hesus sa pamamagitan ng pag sagip sa mga taong hindi pa nakakakilala kay Jesus. Huwag tayong mag-alinlangan sa miministeryo, na baka tayo ay saktan ng mga ito. Dahil kasama natin ang banal na espirito.(Gawa 11:12) “Sinabi ng banal na espiritu sa akin na huwag akong mag alinlangan sumama sa kanila.” At wala dapat tayong pinipili na bahagian ng mabuting salita, mayaman man o mahirap, mabaho man o mabango, masama man o mabuti tulad ng Judio at hindi Judio. Sa bagong tipan ay parehas na silang makakatanggap ng mabuting balita. Kapag ito ay ating ginawa tayo ay paparangalan ng Diyos. Ang salita ng Diyos ay libre, ngunit ang pagpapala ay may bayad. Gumawa ng mabuti sa kapwa ng walang kapalit na nanggagaling sa kanila. Ang Diyos ang bahala sa atin.