BANGHAY-ARALIN SA PAGTUTURO NG FILIPINO 4PANUNURING PAMPANITIKAN

IKAAPAT NA MARKAHAN – UNANG LINGGO

I. PAKSA/MGA KASANAYAN/MGA KAGAMITAN

Paksa : Pagbasa/Pagsusuri sa Nobelang

Tagalog sa TeoryangSusuriing Genre : Buod ng nobela Halimbawang Akda : Maganda Pa ang Daigdig

Ni Lazaro FranciscoKabanata 14 “Wala Akong Sala”

Mga Kagamitan : Spi ng Kbanata 13, OHP, Teyp ng AwitTeyp ng Dulang Panradyo

Kasanayang Pampanitikan : Paghahanay sa akda sa realidad Kasanayang Pampag-iisip : Pagsusuri

Halagang Pangkatauhan :

II. MGA INAASAHANG BUNGA (BAWAT ARAW)

A. Nakapaglalahad ng mga pansariling karanasang kaugnay sa mga karanasang napapaloob sa akda.

B. Mga Layuning Pampagtalakay

B.1. Pagsusuring Panglingwistika

Napipili at nabibigyang-kahulugan ang mga piling pahiwatig.

B.2. Pagsusuring Pangnilalaman

Nasusuri ang mahahalagang sangkap ng akda.

B.3. Pagsusuring Pampanitikan

Paghahanay sa akda at sa katotohanan.

C. Naipapahayag ang sariling panlasa sa kagandahan/kahinaan ng akda. D. Nakasusulat ng maikling tula.

442

III. PROSESO NG PAGKATUTO UNANG ARAW

A. Mga Panimulang Gawain

Pagganyak :

1. Monologo ng isang amang napagbintangan sa salang hindi niya ginawa.

2. Habi ng damdamin. Pagbibigayin ng reaksyon ang mga mag-aaral batay sa napakinggang monologo.

B. Paglalahad

Madulang pagbasa sa Kabanata 13 ng Nobelang “Maganda Pa Ang Daigdig“ gamit ang sipi o Overhead Projector (kung mayroon). Dugtungang Pagbasa nang malakas ng ilang piling mag-aaral.

MAGANDA PA ANG DAIGDIGNi Lazaro Francisco

Kabanata 13 “Wala Akong Sala”

Napansin kaagad ni Miss Sanchez ang kakatwang kilos at alingasngas ng kaniyang mga kanayon laban kina Kabo Lontoc na ibinunga ng bintang ni Aling Ambrosia na benggansa lamang ang dahilan ng pagdakip kay Lino. Upang maagap na maapula ang anumang maaaring mangyari ay iginala ng dalaga ang kaniyang paningin sa karamihan at mabanayad na nagsalita.

“Mga kanayon!” ani ni Miss Sanchez. “Huwag sana nating malimot na sina Kabo Lontoc ay napag-uutusan lamang! Tumutupad lamang sila sa kanilang tungkulin! Batas at bayan ang kanilang panginoon, at tayo’y bahagi ng bayang pinaglilingkuran nila!”

443

Bisang Pandamdami

n

Sa ilang katagang iyon ng punung-guro, ang may maiinit na ulo sa kanilang paligid ay para namang nasubhang bigla ng malamig na tubig. Ang mga umirap sa kabo ay tumahimik na at ngumiti pa ang ilan.

“Ito pa, Miss Sanchez,” himig pasintabing wika ni Kabo Lontoc, “ang isa sa malulungkot na tungkulin namin! Nguni’t kung hindi namin tutupdin ito ay bababa ang tingin sa amin ng bayan at baka wikain pang alangan kami sa aming uniporme!”

Tumangu-tango si Miss Sanchez, nguni’t hindi nagsalita.

“Ipinakikiusap ko sana sa kanila, Miss Sanchez,” pakli naman ni Villas na tinukoy sina Kabo Lontoc, “na, yayamang hindi pa naman gaanong tiwasay ang panahon, at yayamang marami pa rin naman ang nakikita nating nagkalt doon at dito na nakagawa ng lalong malulubhang paglabag sa batas nguni’y ni di pa man lamang yata kamalak-malak na isakdal at hulihin kung kaya nakapanunungkulan pa ang iba at ang iba nama’y patuloy na nakapamamayagpag sa gitna ng bayan, ay maano sanang ipagwalambahala na muna nila ang pagdakip na ito kay Lino at maging parang balato na nila sa atin ang kanilang pagpapaumanhin, na anupa’t palabasin na lamang na hindi nila natagpuan si Lino dito saan man. Nasabi ko pa nga na kung kailangan lamang na palayuin na muna rito ang mag-amang Lino at hindi maluwag na magawa natin iyon, huwag na lamang sanang dakpin ngayon dito ang ama, alang-alang sa kabutu-butong anak na musmos pa’t walang sinomang maaaring sulingan kahit na isang malayo nang kamag-anak!”

Malungkot na yumuko si Miss Sanchez at nagpatuloy sa di rin pagkibo.

“E… ano ang sagot sa inyo, Mr. Villas?” tanong ni Miss Lavadia.

“Tama rin naman ang isinagot nila sa ‘kin,” ang patuloy na salaysay ni Villas na naging tugon na rin sa tanong ni Miss Lavadia. “Kung magkakagayon daw ay kailan pa kaya masisimulan ang pagpapatupad sa mga batas sa kapakanan ng kapayapaan at kaayusan?”

“Saka,” sudlong ni Kabo Lontoc, “ kung hindi man kami ay marami pa rin namang ibang mauutusang dumakip sa dinarakip namin at baka, kung inaalat, maging dalus-dalos pa sa pakikitungo sa inyo at sa dinarakip!” Luminga-linga ang kabo at tumanaw sa mga kasamang kawal, saka hinarap si Villas. “Gagabihin kami, Mr. Villas!”

“Sandali lamang, Kabo Lontoc,” Hadlang ni Miss Sanchez. “Maaari bang bigyan ninyo kami ng kaunting panahong makausap muna namin si Mang Lino?”

“Aba, opo, Miss Sanchez,” payag kaagad ng kabo. “Kausapin na ninyo. Hindi kami maiinip.”

444

“Salamat,” tanging nasabi ni Miss Sanchez na tumalikod na upang lumapit sa mag-amang Lino.

Saglit munang tinaya ni Miss Sanchez ang anyo ng pag-uusap ng mag-ama. Ibig sana niyang igalang ang mga huling maseselang sandaling yaon ng kanilang pag-uusap. Nguni’t maikli na ang panahon. Kaya nga, napilitan nang lumapit ang dalaga na naging maingat naman at marahan. Sinundan siya ni Miss Lavadia at ni Aling Ambrosia.

Buung-buo manding nakapako naman yata ang isip ni Lino sa mga bagay na sinasabi at itinatagubilin sa anak kung kaya nakalapit at sukat sina Miss Sanchez sa may likuran ng takayad nang di niya napansin, gayong manipis at butas-butas na ang dingding ng takayad. Patuloy si Lino sa banayad na pagsasalita at sa tinig na malinaw, marahan, at walang pangamba.

“Muli’t muling sinasabi ko sa iyo, Ernesto, na tibayan mo sana ang loob mo,” anang tinig ni Lino na halos nanuot sa kaluluwa ni Miss Sanchez at ng dalawang kasama. “Mag-aral kang magpakalalaki, kahiman bata ka pa. Itanim mo sa puso mo na wala akong sala, pagka’t iyan ang totoo. Umasa kang magbabalik ako, pagka’t may katarungan pa naman sa puso ng tao, marahil. At ..kung wala man, umasa ka ring magbabalik ako Ernesto. Hahanapin kita saanman, anoman ang mangyari, gaya rin ng ginawa kong paghahanap sa iyo noong sanggol ka pa. Hindi pa nasira ang anomang sinabi ko sa iyo, Ernesto, hindi ba?”

Tumigil sandali si Lino sa pagsasalita. Si Miss Sanchez, gaya rin nina Miss Lavadia at Aling Ambrosia, ay patuloy sa matahimik na pagkakayuko habang nakikinig. Isa man sa kanila ay walang nangahas na sumilip man lamang sa anyo ng mukha ni Ernesto.

“Wala akong mapaghahabilinan sa iyo kundi kay Aling Ambrosia,” patuloy ni Lino sa tinig na nabasag nang bahagya. “Magpapabait ka. Mag-aral kang makisama sa kanila, at sa lahat ng tao. Maging magalang ka at matapat na lagi. Huwag kang hihiwalay sa nalalaman mong mabuti, kahit ka mamatay. Naniniwala akong may langit at impiyerno sa kabilang buhay. Nguni’t gumawa ka ng mabuti, hindi sapagka’t may langit kundi sapagka’t mabuti ang mabuti. Huwag kang gagawa ng masama, hindi sapagka’t may impiyerno, kundi sapagka’y masama ang masama. Iyan lamang ang nakikilala kong landas para sa mga taong may dangal at may kahihiyan!”

Pamuling tumigil si Lino sa pagsasalita. Mabilis na tumatakas ang oras at ibig niyang makimis ang lahat ng dapat ang sabihin. Mapapansing dinampi-dampian ni Miss Sanchez ng panyo ang kaniyang mga mata. Nagpatuloy si Lino sa pagsasalita.

445

“Huwag kang mawawalan ng pananalig sa Diyos, Ernesto! Iyan lamang, sa mga bagay na dati kong pinaniniwalaan, ang tanging di ko ibig na mawala pa sa akin. Sa Kaniya mo hihingin ang lahat ng iyong ibig. Sa Kaniya mo idadaing ang mga sakit ng loob mo. Sa Kaniya ka hihingi ng lunas kung ikaw ay may karamdaman. Sa Kaniya ka tatawagkapag nawawalan ka ng pag-asa. Sa Kaniya ka dudulog kung nakararamdam ng pangungulila ang puso mo sa isang magulang o sa isang kamag-anak o sa isang kaibigan!”

Muli pa na namang huminto si Lino sa pagsasalita. Suminghot si Miss Sanchez at tila panabay na humikbi sina Miss Lavadia at Aling Ambrosia, ngunit hindi pa rin sila napansin ng mag-ama.

“Gaano kaya katibay ang puso mo, Ernesto?” ang tanong ni Lino at masusing minasdan ang mukha ng anak. “Kung hulihin na ako ilakad, maipangangako mo sa akin, Ernesto na di ka iiyak? Maipangangako mo ba ‘yan sa akin, anak ko?”

Noon pa lamang napilitan nang silipin at masdan ni Miss Sanchez ang mukha ni Ernesto. Nakita niyang kumurap-kurap ang bata sa pagkatingalang nakatitig sa mukha ng ama; makalawang Iumunok; kumurap-kurap na muling tila nahihilam; kuminig-kinig ang mga labi, at humikbi-hikbi sa pagpipigil manding huwag siyang mapasigaw. Nguni’t namalisbis lamang ang luha sa kaniyang mga pisngi at di nakapangako.

“Ernesto!” ang malungkot na tawag ni Lino. “Mapait man sa loob ko’y tikis na sinanay kita sa hirap para magkaroon ka ng matibay na puso at matatag na loob. Bakit ka lumuluha? Sa pagkakasala lamang, sa pagkabulid lamang ng masama, nararapat malaglag ang luha ng isang tunay na lalaki. Hindi sa gaano man kalaking kasawian at mga kaapihan!”

Mabilis na pinahid ni Ernesto ng kaliwa niyang bisig ang luha sa kaniyang mga mata, at muling panatag na iniharap ang mukha sa nahahambal na ama. Si Aling Ambrosia ay napilitang tumalikod. Tumagilid lamang si Miss Lavadia na tila di na makagalaw. Isinubsob naman ni Miss Sanchez ang kaniyang mukha sa dalawang palad at tikis na hindi kumilos. Kailangang igalang ang maseselang mga sandali yaon sa mag-ama.

“May isang tanging alaala na iiwan ko sa iyo, Ernesto,” aniyang muli ni Lino sa tinig ng isang tahasan nang pamamaalam. “Ito’y alaalang bigay sa akin ng iyong ina! Sa pakikilaban sa Bataan; sa pagkapiit sa Kapas; sa pamumundok namin bilang mga gerilya; sa malaong pakikipagsapalaran natin sa Maynila hanggang sa mga sandaling ito, ang alaalang ito’y hindi nawalay sa katawan ko saglit man!” Dinukot ni Lino sa kaniyang lukbutan ang isang kalupi at inilabas mula sa isang tanging pitak nito ang isang munti at manipis na krusipihong aluminyo na may nakapakong larawan ng Kristo. “Ingatan mo ito at pakamahalin alang-alang sa nakalarawa, sa iyong ina, at sa akin!” Hinagkan muna ni Lino ang

446

krusipiho bago hinawakan ang kamay ng anak at inilagay iyon sa lahad na palad. “Maraming pagkakataong iniligtas ako nito sa panganib. Gayon ang naging paniniwala ko, Ernesto. Di mamakailang sa gitna ng malulupit na pangangailangan natin sa Maynila ay dinalanginan ko iyan at ako’y dininig. Naging mabisang tulay iyan ng mga dalangin ko sa Diyos!” Binitiwan na ni Lino ang kamay ng anak.

“Itay!” tawag ni Ernesto sa kumikinig na tinig at di itinikom ang palad na kinasasalalayan ng krusipiho. “Ayokong kunin ito sa iyo! Ibig kong makaligtas ka, Itay! Ayoko, ayoko, Itay!”

“Ernesto!” ang tawag ng ama sa di-natitigati na tinig. “Ikaw ang laong mangangailangan niyan! Higit na mahaba ang panahong tatahakin mo pa sa buhay, anak ko! Alanganin nang lubha ang haba at kulay ng mga araw sa aking harapan!”

Pag buhay ka lamang, Itay, hindi ako maaano, hindi ako matatakot! Oo, Itay! Maski hindi na ako kumain, Itay!”

“Ernesto!” ang mairog na tawag ng ama. “Hindi mo pa nauunawaan ang hiwaga ng buhay! Sundin mo ang sinasabi ko sa iyo. Ingatan mo at pakamahalin ang alaalang iyan ng iyong ina!”

“Itaaay!” tutol pa rin ni Ernesto.

“Ipinakikiusap ko sa iyo, anak ko!”

Hindi na nakatutol si ernesto. Dahan-dahang iniunat ang naginginig na mga daliri; inilahad ang palad at pinakatitigan ang krusipiho na sa mga mata’y nunukal ang luha; at, sa simbuyo mandin ng di mapaglabanang hinagpis, isinubsob ng bata ang kaniyang mukha sa krusiho at pasigaw na aniya:

“Diyos ko po! Si Itay ko po!”

Tahasan nang umiyak si Miss Lavadia. Humagulgol si Aling ambrosia. Si Miss Sanchez ay pasugod na lumapit kay Ernesto at niyakap ito, saka basa ng luha ang mga matang humarap kay Lino.

“Miss Sanchez!” ang magalang na bati ni Lino bago nakapagsalita ang dalaga. “Tila kayo anghel na nakikita namin kapag may dalita!”

“Mang Lino!” tawag ni Miss Sanchez sa tinig na tigib ng panggigipuspos. “Mang Lino!” ang pamuling tawag. “Hindi ko kailangang malaman kung bakit kayo hinuhuli! Nguni'’ ibig kong ipakiusap sa inyo, kung may tiwala kayo sa akin, na sa akin na sana maihahabilin si ernesto!”

447

“A! Nasa gipit na katayuan kami, Miss Sanchez,” ang marahang tugon ni Lino. “Isang kapalaluang tanggihan ko ang isang matapat na pagkakawanggawa! Opo, Miss Sanchez! Inihahabilin ko siya sa inyo. Maging sa anomang kalagayan siya maturing ay tatanawain kong utang-na-loob sa buong buhay ko!”

“Aariin ko siyang akin, Mang Lino! Pagpapalain ko! Papag-aaralin ko! Magiging kapatid siya ni Erni, na isa ring ulila. Sisikapin kong matanim sa puso at isip niya ang mga aral na aking narinig. Buung-buo na makukuha ninyo siya sa akin sa anomang sandali na maibigan ninyo!”

“Salamat, Miss sanchez! Hindi ko kayo malilimot kailanman. Magiging panata ko, mula ngayon, ang pagsisikap na makaganting-loob sa inyo. Nguni’t iiwan ko sa inyo ang isang kataga, na isinasamo kong paniwalaan sana ninyo!”

“Opo! Sabihin ninyo, Mang Lino!”

“Wala nang panahong maisalaysay ko pa ang mga tunay na nangyari,” ani ni Lino. “Balang araw ay malalaman din ninyo kaypala ang lahat ay lahat. Ngayo’y wala akong tanging sasabihin sa inyo, Miss Sanchez, kundi ‘Wala akong Sala’!”

“Naniniwala ako sa inyo, Mang Lino,” ang madaling tugon ni Miss Sanchez at bigay na bigay na tumitig sa kausap.

“Anoman ang mangyari; anoman ang kahantungan; at, anoman ang sabihin ng mga tao, ay naniniwala ako ngayon pa, at maniniwala ako kailanman, na wala nga kayong sala, Mang Lino, pagka’t gayon ang sinabi ninyo sa akin! Hindi iyan lamang. Idadalangin namin ang iyong kaligtasan. Pumanatag kayo, at huwag ninyong alalahanin si Ernesto.”

“Miss Sanchez! Hindi ko malirip kung paanong naging marapat ang kaliitan namin sa inyong pagtingin. Gayonma’y paniwalaan ninyong buhay ko man ibibigay nang dahil sa inyo!”

Bago nakapagsalita ng anoman si Miss Sanchez, si Lino ay mabilis na yumukod at humalik sa dahon ng pamaypay na anahaw na nakabitin sa kamay ng dalaga. Napayuko si Miss Sanchez at nagbuntunghininga.

“Ernesto!” ang malungkot na tawag ni Lino sa kaniyang anak. “Maiiwan kita kay Miss Sanchez. Magpapakabait ka at maging masunurin. Babalik ako sa iyo, anak ko!”

Pasugod na yumakap si Ernesto sa kaniyang ama na tilla di makapangusap. Niyakap siya nang buong higpit ni Lino at hinagkan nang hinagkan.

448

Sa-lalapit na noon si Kabo Lontoc at si Estanislao Villas. Kasunod nila ang isang maalikabok na jeep na pinalalakad ng isa sa tatlong kawal na lulan. Sa hudyat ng kabo, isa sa mga kawal ang bumaba at naglabas ng esposas.

“Utang-na-loob, Kabo Lontoc,” ani Miss Sanchez at lumapit sa kabo, “huwag ninyo silang kabitan ng esposas. Sinasagutan ko sa inyo na hindi sila tatakas!”

“Kasama akong mananagot, Kabo!” susog naman ni Villas.

“Kami man, sagut din!” ang halos sabay-sabay na pakli naman ng marami.

“Kung may balak man lamang na magtago ‘yan, hindi rito sa Pinyahan titira ‘yan nang lantaran!” ang palabi at patalilis na wika ng isang matandang babaing may pandudurang nagluwa sa sapa. “Pwe!”

“Marangal na tao ‘yan, kahit na ganyan lang sa tingin! Sabad ng isang matandang lalaki na umingus-ingos.

“Bakit ba di magtago, kundangan, gayon pala’t dapat sagutin?” sumbat ng isa pang matandang lalaki. Di kaya nakikitang ‘yun lang hindi nagtatago ang siyang dinadakip?”

“E, kung gayon,” ani ni Kabo Lontoc, matapos mag-isip sandali. “”Private Gorospe!” baling sa may hawak na galang. “Ibulsa mo na lang ‘yang bastus na posas na ‘yan! Hindi kailangan ‘yan,” aniya pa at binalingan si Lino.”Paano, kaibigan?”

“Sasama ako sa inyo,” ani ni Lino na malungkot nguni’t payapang humarap sa marami. “Kung minsa’y kailangan din pala ang isang kasawian para maunawa ng tao na may halaga pa siya sa kaniyang kapwa! Salamat sa inyong lahat! Sa mga utang-na-loob namin sa inyo,” aniya pa at malungkot na tumingin kay Ernesto, “ ay iiwan kong sangla sa inyo ang aking anak!”

Pinagkabilaang akbayan ni Miss Sanchez at Miss Lavadia si Ernesto. Walang kaimik-imik na nakatitig ang bata sa mukha ng kaniyang ama.

Sa malakas na pag-alon ng dibdib ng bata, sa mahigpit na pagkakatikom ng kaniyang mga labi at sa mga matang itinititig na pilit bagaman labis na nahihilam ay dagling masisinag ang malaking nais na makapag-anyong matibay sa paningin ng kaniyang ama sa kabila ng matinding simbuyo ng hapis.

Malayo na ang sasakyang nilulunan ni Lino ay nasa gayong anyo pa rin si Ernsto. Walang kurap na nakatitig sa malayo. Tila walang nakikitang anoman sa natatanaw. Parang walang nararamdaman, ni naririnig, sa kaniyang paligid. Waring nasaid ang luha sa tindi ng dusang kumuyom sa dibdib.

449

“Ernesto!” ang nahahambal na tawag ni Miss Sanchez sa pagkakatitig sa mukha ng bata. “Bayaan mong malaglag ang mga luha mo! Sulong umiyak ka! Makagiginhawa ‘yan sa dibdib mo!”

“Siyanga, Ernesto!” tigib-lunos na udyok ni Miss Lavadia.

Tiningala ni Ernesto si Miss Sanchez at si Miss Lavadia. Nakita ng dalawa na may namuong luha sa mga mata ng bata, na biglang yumuko at humikbi-hikbing halos mapugtuan ng hininga.

“Ernesto!” ang masuyong tawag ni Miss Sanchez sa umiiyak na tinig. “Tibayan mo ang loob mo! Talagang ganyan ang buhay! Maraming pagsubok! Maraming pagtitiis! Nguni’t umasa kang hindi ka pababayaan! Ituturing kitang tunay na akin, Ernesto!”

“Ang Itay ko,” ang pahikbing wika ni Ernesto sa tinig na tigib ng masaklap na hinanakit, “panay siyang hirap… panay siyang pagtitiis!”

“Umasa kang liligaya rin siya, Ernesto!” ang mahambal na alo ni Miss Ernesto. “Gaya rin ng araw: may dilim at may liwanag ang buhay! … Tena na Ernesto!” yaya na ng dalaga at masuyong inakbayang muli ang bata. “Aling Ambrosia!” baling na tawag sa labandera. “Lalakad na kami. Kung may anoman sina Ernesto na dapat dalhin sa amin ay kayo na sana ang bahala!”

“Opo, Miss Sanchez!” anang labandera. Ako na ang bahala! Isama na ninyo siya!”

Isang tinging balot ng magkakalangkap na lungkot, habag at paghanga ng naiwang kanayon ang pumatnubay sa paglakad nina Miss Sanchez, Miss Lavadia, at Ernesto.

“Kaawa-awang bata!” ang sagut-sagutang wika ng marami. “Magandang lalaki, at mabait!” anang ilan.

“Talagang pambihirang babae ‘yang si Miss Sanchez,” anang isang matandang lalaki naman. “Mabuti na lamang at sa kaniya nahabilin ang bata!”

“Ba! Mang Islaw!” tawag ng isang babae na nakapansing naroon pa si Estanislao Villas. “Paano ba? Hindi ba kikilos ang ating kapisanan?”

“Iyan din nga ang iniisip ko,” ang tugon ni Villas.”

450

B. Pangkatang Gawain

Pangkat 1 : Story Telling. Pagsasalaysay ng ilang mag-aaral ng sariling karanasang may kaugnayan sa akda.

Pangkat 2 : Skit. Pagsasadula ng kaugnay na karanasan ng iba na maaaring nasaksihan/narinig/nakita.

Pangkat 3 : Double Bubble Map. Sa tulong ng bubble map, bumuo ng mga kaisipan at pantulong na kaisipan batay sa tekstong binasa.

C. Pag-uulat ng bawat pangkat.

B. Pagkuha ng feedback sa mga mag-aaral.

C. Pagbibigay ng guro ng karagdagang feedback.

D. Pagbuo ng sintesis ng napag-usapan.

Paglalahad at pagpapaliwanag ng kaisipan batay sa larawang ipinakita kaugnay ng napag-usapan.

451

Pangunahing Kaisipan

Kaisipan

Pantulong na

Kaisipan

Pantulong na

Kaisipan

Pantulong na

Kaisipan

Kaisipan

Pantulong na

Kaisipan

Pantulong na

kaisipan

Pantulong na

Kaisipan

IKALAWANG ARAWPAGTALAKAY SA PAKSA

A. Panimulang Gawain

Pagganyak : Journalistic Approach thru Picture or Picture Frame

Pagsasaayos ng mga larawan ayon sa pagkakasunud-sunod ng mga pangyayari sa kabanata.

B. Pangkatang Gawain

a. Pagsusuring Panglinggwistika : Pangkat 1 ( Literary Grid)

Mga Piling Pahiwatig/Pahayag

Pahina Bilang

Talata Bilang

Pangunahing Bilang

Kahulugan/Paliwanag

1. Tiwasay ang panahon

2.

3.

1 6 2 Tahimik

b. Pagsusuring Pangnilalaman : Pangkat 2 : Story Frame o Pakuwadrong Pagsasalaysay.

Pagsusuri sa mahahalagang sangkap o elemento ng akda.

c. Pagsusuring Pampanitikan : Pangkat 3 : 3 R’s (Read, React, Reenact))

Pagbasa sa bahagi ng akda na nagpapakita ng mga makatotohanang paglalarawan sa tao, lipunan at kapaligiran.

452

F1 Tagpuan F2 Tauhan F3 Simula F4 Saglit na Kasiglahan

F5 Tunggalian

F6 Kasukdulan

F7 Wakas

Bahagi ng Akda

1.

2. Read React Re-enact Pagsasadula

3. Pagbibigayng reaksyon

4.

d. Pangkat 4 : Classify Organizer

Pagtukoy sa pagbabagong naganap sa mga tauhan

Mga Tauhan Pisikal Emosyonal Intelektwal Ispiritwal

1. Lino2. Ernesto3. Ms. Sanchez

C. Pag-uulat ng bawat pangkat.

D. Pagbibigay ng feedback ng ibang mag-aaral.

E. Pagbibigay ng guro ng karagdagang feedback.

F. Pagbubuo ng sintesis. Mula sa mga nakatalang pariralang bumubuo ng kaisipan :

Pananalig sa DiyosMatatag na kaloobanHangaring mabuhayMagandang kinabukasanPag-asa sa buhay

IV. EVALWASYONPAGPAPAHALAGA SA AKDAIKATLONG ARAW

453

A. Panimulang Gawain

Pagganyak : (Visualization)

1. Ipikit ang inyong mga mata. Pakinggan at damhin ang mensahe ng awit na iparirinig na may pamagat na “Malayo Pa Ang Umaga”.

2. Iguhit sa isipan ang larawang nabubuo sa inyong guni-guni.

3. Ano ang mensahe ng awit? Anong larawan ang nabuo sa inyong isipan?

4. Iugnay ang mensahe ng awit sa akdang tinalakay?

B. Pagpapahalaga sa akdang tinalakay.

Pangkatang Gawain:

Pangkat 1: Pagpapakita ng Pakikisangkot :

Pagtukoy sa kagandahan at kahinaan ng Akda.

Pangkat 2: Pagpapakita ng Paghahambing

Compare & Contrast Chart

Paghahambing sa akda sa iba pang akda batay sa sumusunod:

Maganda Pa ang Daigdig Kalupi

454

Maganda Pa ang DaigdigNi Lazaro Francisco

Kabanata 13 “Wala Akong Sala”

Kagandahan Kahinaan

Patunay

Bahagi sa Akda

Patunay

Bahagi sa Akda

Paksa

Mensahe

Tauhan

Ideya/Kaispan

Pangkat 3: Pagpapakita ng Pagtataya

Pagtukoy sa bahagi ng akda ng naging bisa nito sa mambabasa.

Bahagi ng Akda na nagpapatunay

Bisa sa Mambabasa

Pahina Blg.

Talata Blg.

Pangungusap Bilang

1.Sarili/Kaalaman

2. Pandamdamin

3. Pangkaisipan

Pangkat 4 : Lyrical Lesson

Pagbuo ng maikling awit tungkol sa interpretasyon ng mga kaisipan, pangyayari, ideyang inilahad sa akda.

C. Pagbabahaginan ng kinalabasan ng pangkatang diskusyon.

D. Pagkuha ng feedback mula sa mga nakinig.

E. Pagbibigay ng guro ng karagdagang feedback.

F. Pagbubuo ng sintesis.

455

1

Hango sa Bibliya

2

Isang Salawikain

3

Binuong Islogan

Kaisipan

V. PAGPAPALAWAK NG KARANASAN PAGLIKHA

IKAAPAT NA ARAW

A. Panimulang Gawain

Pagganyak :

1. Pagparirinig ng isang dulang panradyo tungkol sa sa paghihiwalay ng anak sa kanyang ina dahil sa kahirapan.

2. Pagpapatala ng mga pahiwatig na narinig.

3. Pagpapaliwanag sa mga itinakdang pahiwatig.

B. Pagpapangkat (3 – 4 na mag-aaral sa bawat pangkat).

1. Thinking Read Together

Pag-uusapan ng bawat pangkat ang mga napili nilang pahiwatig.

2. Pagsusulatin ng tula ang mga mag-aaral batay sa mga tiyak na pamantayan.

a. Apat na saknong lamang

b. Ang bawat saknong ay dapat buuin ng 4 na taludtod

c. Ang sukat ay lalabindalawahing pantig

d. Ang tugma ay magkakapareho

e. Pumapaksa sa buhay ng tao

C. Pagpapabasa ng ilang panimula.

D. Pagbibigay-puna o mungkahi ng ibang mag-aaral.

E. Paglilinaw ng guro.

456

F. Pagpapatuloy ng pagsulat bilang gawaing-bahay.

VI. PAGPAPAHALAGA SA ISINULATIKALIMANG ARAW

A. Panimulang Gawain

1. Pagpapabasa ng isang tula.

Hiwaga ng TaoNi Nora S Espiritu

Bakit ikaw tao’y lubhang mapag-imbotSa aking tagumpay ikaw’y nalulungkot?Bakit di hayaang ako’y paimbulogSa kaitaasang nais kong maabot?

Taos na hangaring inangkin sa buhay Ang maibahagi yaring kakayahan,

Upang itong kapwa lubhang makinabangIsa ring pagsunod sa Poong Maykapal.

Hindi ba ang dapat kapwa ay mahalinPag-ibig sa tao ang dapat isipin?Hindi ba marapat puso ay linisinIwaksi ang galit sa diwa’t damdamin?

Kaya tao marapat itanim sa isipNa sa mundong ito’y kailanga’y pag-ibig,Iwaksi ang lungkot at madlang ligaligMakipamuhay kang payapa’t tahimik.

2. Pagsusuri sa mga katangiang taglay ng tula.

3. Paghahambing ng isinulat na tula sa tulang lunsaran.

B. Pagpapabasa ng mga isinulat na tula (magtatala ng mahahalagang salita ang guro sa pisara).

C. Pagbibigay ng puna sa mga isinulat na tula.

G. Pagbabahagiin ang ilang mag-aaral tungkol sa naging palitan ng puna.

457

H. Pagbubuo ng sintesis ng guro mula sa mga salitang karaniwang ginamit ng mga mag-aaral sa isinulat na tula.

458