IGBO CATHOLIC COMMUNITY OF NEW

YORK,

AT ANGELA MERICI PARISH,

BRONX, NEW YORK.

SUNDAY BULLETIN: 17TH SUNDAY IN

ORDINARY TIME (YEAR A)

SUNDAY, JULY 26, 2020 HYMNS:

ENTRANCE: K’ANYI KPOO ISI ALA

OFFERTORY: ONYINYE GI OKWESIRI…/WETANU…

CONSECRATION: NARA ONYINYE ANYI CHINEKE

COMMUNION: NRIOMA/KA ANYI JENU NARA

POST COMMUNION: O SACRAMENT MOST HOLY

DISMISSAL: KA MBA NILE TOO GI

EKPERE MMEGHE Chineke Onye bu ike anyi na nchekwube anyi; E wepu Gi, o nweghi ihe bara uru, o nweghi ihe din so. Biko mubaa ihunanya Gi n’ime anyi. Na-edu anyi, na-echekwa anyi; ka anyi jiri amamihe were ihe oma nke uwa a na-agafe agafe na-agba mbo maka ihe nke di ebighi ebi. Site na Dinwenu anyi Jesu Kristi Nwa Gi. IHE OGUGU NKE MBU Ndi Eze: 3:5, 7-12 Isi Okwu: Irioro ka e nye gi onyinye nke ikpa oke n’etiti mma na njo Na Gibion Onyenweanyi jiri abali biakwute Solomon na nro. Chineke siri ya: “Rioo M ihe o bula I choro ka M nye gi” Solomon zara Ya: “Biko Onyenwe m, Chineke m, I chiela m bu nowdibo Gi eze, m nochie n’onodu nna m David. Ma abu m nwantakiri. Amabeghi m ihe m ga-eme. Ana m agbara Gi odibo n’etiti agburu ahu I hotara ahota, ndi ahu kariri aguta aguta n’onu ogugu. N’ihi ya, nyenu nwodibo Gi akara obi e ji aghota ihe, ka m wee chizie ndi nke Gi nke oma, wee choputa ihe di iche n’etiti ihe oma na ihe ojoo. Maka na onye puru ichikwata ndi nke Gi a bu aguta aguta?” Aririo a Solomon rioro masiri Onyenweanyi. Chineke ewee si ya: “Ebe o bun a I rioghi M ka I nwee ogologo ndu; I roghi M aku na uba. I rioghikwa ka e wepu ndu ndi iro gi, kama I rioro ka e nye gi nghota ime ihe dim ma. N’ihi ihe a I rioro, aga M emere gi ihe I rioro. Aga M enye gi obi amamihe na nghota nke mmadu na-enweghi kemgbe uwa bidoro; nke mmadu na-agaghikwa enwe ruo na ngwucha uwa. Okwu nke Oseburuwa. Ekele diri Chukwu.

ABUOMA NA AZIZA YA 118:57, 72, 76-77, 127-130. Az. 97 Aziza: Onyenweanyi ahuru m iwu Gi n’anya.

1. Onyenweanyi, ekwuru m na oke m ketara bu idebe okwu Gi. Okwu si Gi n’onu dara oke onu n’anya karia nde nde olaocha na olaedo. Aziza.

2. Ka obi oma Gi kasie m obi dika nkwa I kwere umu odibo Gi si di. Ka obi ebere Gi biakwute m ka m wee biwe ndu, maka na iwu Gi na-amasi m. Aziza.

3. N’ihi na ahuru m atumatu Gi n’anya karia okachamma di n’ola edo. Ebe o bun a echere m ihu n’usoro iwu Gi, akporo m uzo ojoo o bula asi. Aziza.

4. Iwu I tiiri anyi di egwu. O bu ihe kpatara m ji edebe ha. Ikpughe okwu Gi na-agba ihe dum n’anwu, biakwa na-enye ndi umeala ezi nghota. Aziza.

IHE OGUGU NKE ABUO Romans: 8:28-30 Isi Okwu: Chineke choro ka anyi ghoo ezigbo onyinye nke Nwa Ya. Anyi ma na ihe nile na-aruko oru maka odi mma nke ndi huru Chineke n’anya; ndi ahu huru Chineke n’anya bu ndi O kporo dika nzube Ya si di. Ndi ahu O maara n’isi mbido, ka O kenyere akara aka nke iketa oke n’oyiyi nke Nwa Ya, ka Nwa wee buru onye e buru uzo mu, n’etiti otutu umunna. O bu ndi ahu O nyere udi akara aka ahu ka O kporo. O kporo ka O gunyere na ndi ezi omume. Ndi ahu O gunyere na ndi ezi omume bu ndi O nyere otito.

Okwu nke Oseburuwa. Ekele diri Chukwu. ALELUYA Eph. 1, 17-18 Aleluya, aleluya! Onyenweanyi, meghee obi anyi ka anyi nu okwu nke Nwa Gi. Aleluya!! OZIOMA Matiu 13:44-52 Isi Okwu: O rere ihe dum o nwere wee zuru ala ubi ahu Jesu gwara igwe mmadu okwu si: “Alaeze eluigwe di ka aku nke e zoro n’otu ala ubi. Mgbe otu nwoke huru aku ahu, o kpuchiri ya ihe. O wee were onu laa, ree ihe nile o nwere, bia zuru ala ubi ahu. “Ozo, Alaeze eluigwe di ka onye na-azu ahia nke na-acho nkume dara oke onu ahia. Mgbe o huru udi nkume ahu dara oke onu ahia, o wee laa n’ulo ya, rechaa ihe dum o nwere, wee zuta nkume ahu dara oke onu ahia. “Alaeze eluigwe dikwa ka ugbu a wenyere n’osimiri. Ugbu ahu wee kpokota udi ihe di iche iche. Mgbe ugbu ahu juru, ndi oku azu doputa ya, debe ya n’akuku mmiri. Ha wee nodu ala na-etinye ihe bara uru n’okpokoro, biakwa wufuo ihe na-abaghi uru.

“Otu a ka o ga-adi n’ogwugwu oge. Ndi mmuo ozi ga-aputa, kewaputa ndi ajo omume n’etiti ndi ezi omume. Ha ga-enuba ndi ajo omume n’oke oku na-ere gidigidi, ebe ikwa akwa na ita ikikere eze ga-adi.” Jesu wee juo ha si: “Unu ghotakwara ihe nile a M kwuru?” Ha wee zaa Ya, si, “Ee” O wee si ha: “Onye ode-akwukwo o bula e nyere ozuzu maka alaeze nke Chineke di ka nna nwe ulo nke na-esi n’ulo-aku ya na-eweputa ihe ochie na ihe ohuru.” Ozioma nke Oseburuwa Otito diri Gi Kristi. EKPERE NHUNYE: Onyenweanyi biko nara onyinye ndi a anyi siri n’otutu onyinye I nyere anyi hotara Gi. Mee ka ike amara Gi, nke na-aru oru n’ihe omimi nke a kacha nso, doo omume anyi nso na ndu a; wee dubata anyi n’anuri di ebighi ebi n’uwa ozo. Site na Kristi Dinwenu anyi. EKPERE ANATACHAA ORIRI NSO Dinwenu, anyi eriela oriri ahu na obara Kristi, bu ihe ncheta ebighi ebi nke ahuhu nke Nwa Gi. Anyi na-ario biko, mee ka oriri nke a wetara anyi nzoputa nke Nwa Gi Jesu Kristi nyere anyi, n’ihunanya nke onu na-enweghi ike ikowaputacha. Site na Kristi Onyenweanyi.

Produced by ICC Choir