Historia do latín escrito

Os primeiros documentos escritos en latín son inscripcións moi difíciles de interpretar.

O lapis niger (VI a.C), atopado no foro de Roma, contén un texto de carácter relixioso. A fíbula de Preneste (VII a.C.), de ser auténtica, sería o exemplo máis antigo de latín escrito que se conserva na actualidade.

O comediógrafo Plauto, que viviu entre os séculos III e II a.C., é o autor latino máis antigo do que conservamos obras completas.

As súas obras seguen a ser representadas no mundo enteiro.

O período que transcorre entre os séculos I a.C. e II d.C. coñécemolo co nome de época clásica. O latín que empregaron os autores dese tempo foi considerado nos séculos posteriores como modelo a imitar. É o latín que se estudia hoxe en día en todo o mundo.

O latín foi a lingua empregada na parte occidental do Imperio Romano ata a súa caída no século V d.C.

Tras a caída do Imperio Romano, o latín non deixou de empregarse. Tanto as cortes medievais como a Igrexa asumiron o latín como lingua de cultura. Durante boa parte da Idade Media, todos os documentos considerados importantes eran redactados en latín.

Co nacemento das Universidades nos últimos séculos da Idade Media, o latín convértese na lingua de comunicación do mundo científico. Durante séculos, sabios de toda Europa redactarán as súas obras unicamente en latín.

Copérnico (Polonia)

Cristóbal Colón (Italia?)

Galileo Galilei (Italia)

Isaac Newton (Inglaterra)

René Descartes (Francia)

Carolus Linnaeus (Suecia)

A partir dos séculos XVIII e XIX o latín vai perdendo espazo en favor das linguas nacionais.

Ata mediados do século XX foi a lingua empregada pola Igrexa Católica nos seus ritos, e aínda hoxe en día é a lingua oficial do Vaticano.

A pesar da súa decadencia como lingua de uso, o latín segue a ser estudiado en todo o mundo occidental pola súa importancia na historia da cultura e porque permite profundizar no coñecemento das linguas modernas.

vicipaedia

Circulus latinus panormitanus

Ephemeris (prensa en latín)

Sed lingua latina nondum extincta est.

Intra et vide!