Gasan: San ai wa ***** Naw Seng | pupunu@gmail.com

Gasan: San ai wa ***** Naw Seng | pupunu@gmail.com(Gasan 1) Hkristan langai mi mungdan a hkawhkam hpe nawq ai rai yang, hkristan makam masham hte n-htan shai ai kun?

(Gasan 2) Hkristan langai mi Kanu/wa, Sara/num hpe nawq ai rai yang, hkristan makam masham hte n-htan shai ai kun?

Mahtai

Kadun dik ai hku htai ga nga yang, n mai naw ai. Naw yang Hkristan makam masham hte n htan shai nga ai. Hkristan makam masham hta Karai Kasang hpe sha nawku ra ai (Pru20:3).

Mungdan a hkawhkam ni, kanu/wa, sara/num ni hpe hkungga jaw ai/shagrau ai (homage) lam gaw mai galaw ai. Naw ai hte hkungga jaw ai lam gaw n bung ai. Naw ai ngu ai gaw, hpan da madu, asak daju, hkye la madu hku hkap la kam sham ai hte nawku ai re. Dai hta kam sham ai, tsaw ra ai, hkungga ai kam hpa manoi manat ai,chyeju dum ai lam ni lawm ai re. Mungkan hkaw hkam ni hpe hkungga jaw ai hta mung tsaw ra ai, hkungga ai, kam hpa ai the chyeju dum ai lam ni lawm ai re. Rai tim, Karai hku, hpan da madu asak daju, hkye madu hku kam sham ai lam n lawm ai. Bai nna, shinggyim uhpawng nkau mi a htunghking ningli ni hta Karai hpe nawku ai lam hte hkawhkam ni hpe hkungga jaw ai lam ni hpe hkumhkrang hku hkrang shapraw ai shaloi, hkrang nsam maren sha rai nga ai hpe mung mu mada lu na re. Ga shadawn Myen mung na myen hpu nau ni shanhte a hpara hpe naw ai lam hte, hpung kyi ni, sara/ma ni, mung up ai ni, kanu kawa ni hpe hkungga la ra shagrau ai shaloi hkumhkrang hku hkrang shapraw ai lam gaw maren sha re (gadawng nna naw ai (sh) tsaw ra/hkungga/chyeju dum ai lam madun ai). Shaloi shinggan shingni hku hkumhkrang, hkrang shapraw ai lam gaw maren sha rai tim, myit masin kaw na gaw, Karai hte hpungki, sara/num, mung up hkang ai ni, kanu kawa ni gaw n bung ai hpe chye na da chyalu rai nga ma ai. Hkumhkrang hkrang shapraw ai hkrang shingni gaw htunghking ningli re. Daizawn re htunghking ningli nga ai amyu baw sang ni hta, myit masin kaw nna gara hku masat nna, tsaw ra ai, hkungga ai kam hpa manoi manat ai, chyeju dum ai lam hpe hkumhkrang hku hkrang shapraw ai kun? ngu ai lam she ahkyak madung rai nga ai.

Dear Naw Seng,Nang san da ai ga san numbat 3 hpe bai htai ya dat ai.

(Gasan3) Htamshi hpe asak n-hkrung ai baw (gashd: modo, nawku jawng, hpung rung, hpung nta) ni gawgap ai hkan n-mai lang ai nga tsun ai hpung magam gun ni nga ai. Sara nang gara hku hkap la n-ni? Theology hku nna gara hku madaw jaw ai kun? chyeju hte mungga garan kachyan rit.Mahtai:

Chyum laika hta ka da ai chyum daw ni hpe hti yu ga yang, "Kadai Ni Htam Shi Hkungga hpe hkam la mai a ta?" ngu ai hpe lawu na chyum ga ni hkan mu mada lu nga ga ai. Hkinjawng ni (sh) Lewi ni hkam la mai ai. K.K a nawku htingnu a sasana magam bungli ni hta jai lang mai ai.

Buhkawm 18:21Lewi masha ni gaw, shawa sum a amu gun hpai nga ma ai majaw, shanhte a Sali wunli shatai na, Israela kashu kasha ni lu ai hta na htam shi hta na htam mi tup ngai jaw mase ai.

Nehemia 10:37; 12:44Hkinjaw ni hte Lewi ni a matu.

Tara J 14:28 Masum ning de du shagu, nang lu ai htam shi hta htam mi hpe na mare kata e shinggyin da na rai ndai; 29. dai hpe, nang zawn kkum htaw hte Sali wunli n lu ai Lewi wa hte nang kaw sa nga ai tsasam manam wa, jahkrai ningmai ni hte gaida gaina ni sa nna hkru hkru kat kat sha lu na rai ma ai: shing rai jang na a K.K Yehowa gaw, nang galaw ai lam shagu hta nang hpe shaman ya na ra ai.

GaShaka Ningnan I Kor 9:14 Dai kabu gara shi ga hkaw dan ai ni gaw, dai kabu gara shi ga hta asak bau lu na, nga nna Madu hkang da nga sai.

I Tim 5:18 Mam kabye ai nga a n-gup hpe ka dagraw ya lu na n rai; bai, amu bungli galaw ai wa gaw, shi a shabrai hkam ging nga ai.

Heb 7:5 Hkinjawng aya lu ai Lewi a kashu kasha ni gaw, Abraham a nshang na hkrat ai ni ngu ai, tinang a hpu nau ni kaw na, tara hte maren htam shi hta htam mi, hta sha na ahkang lu ma ai.

Karai Masa Ningmu: Ga Shaka DIngsa prat hta htam shi hpe Hkinjawng ni Lewi ni hkam la jai lang ai sha n -ga; Tara J hta gaw masum ningde du shagu na htam shi hpe gaw Lewi ni sha n rai, tsasam manam, jahkrai nngai ni hte gaida gaina hpe mung jaw ai hpe mu mada lu ga ai. Asak nhkrung ai baw arung arai ni a matu jai lang ai lam gaw tup hkrak n mu mada ai.Ga shaka Ningnan hta gaw, tup hkrak gara shara kaw jai lang ra ai ngu, masat ai ga hkum ni n mu lu ai. Ga shaka dingsa prat gaw jep ai tara ntsa kaw n pawt de ai makam masham re. Yesu gaw Dai jep ai tara hpe chyena hkam la ai lam ra rawng ai (sh) shut ai laasak n-hkrung ai baw (gashd: modo, nawku jawng, hpung rung, hpung nta) ni gawgap ai hkan n-maim ni nga ai majaw jahkum shatsup na matu du sa ai re. Dai majaw htam shi hte seng nna mung, Ga Shaka dingsa prat na tara hpe kabai kau na matu n re. Rai tim chye na hkap la kam sham ai lam grau hkum tsup ai hku, Yesu a chyeju tara hta chye na hkap la jai lang sa wa ra ga ai. Ahkyak ai gaw, htam shi gaw Karai Kasang hte seng ai ngu ai lam rai nna, Karai Kasang hte seng ai sasana magam bungli kaw jai lang na matu re. Kaji htum ai ni a matu ngu ai yaw shada ai lamhte tang du hkra asung jashawn jai lang ai hta "asak n-hkrung ai baw (gashd: modo, nawku jawng, hpung rung, hpung nta) ni gawgap ai hkan" mai jai lang ai. Dai hku jang lang yang shut ai n shut ai, mara lu ai, n lu ai ngu ai daw dan na matu gaw, myit masin hte she seng ai re. Rai tim, makam masham madang tsaw wa ai shaloi gaw dai zawn re ai lam a matu hta, htam shi san ngut ai hpang ngam ai htam 9 kaw na chyeju dum ai myit masin hte jaw bang ya chye wa ra ai. Htam shi alu hta jan nna chye jaw bang wa ra ai. Dai shaloi ga baw ginhka nna masat ai hku nna, htam shi hpe gaw gara ga baw a matu, htam 9 kaw na gaw gara ga baw a matu ngu ai hku, ginhka ai lam she grau jaw na re. Yesu jaw ai chyeju tara gaw yubak mara ngu ai hpe numbat langai madung dat ai n re. Tsaw ra myit hpe madung dat ai re. Tsaw ra myit grau galu kaba wa magang, chyeju dum ai myit masin hte grau grau K.K a sasana magam bungli a matu jaw bang jaw ya chye magang rai wa ai baw re. Sasan magam bungli (sh) Karai Kasang a mungdan gaw gap ai lam nga jang, masha mung lawm ai, jai lang na arung arai ni mung lawm ai re.