Fora bolas xaneiro 2015
-
Upload
manuel-perez-lorenzo -
Category
News & Politics
-
view
700 -
download
3
Transcript of Fora bolas xaneiro 2015
Liss, por qué un comerciante coma ti decide optar á alcaldía de Sada? Pertenzo a unha familia que abriu o seu primeiro comercio aquí en 1948 e, entre outras moitas cou‐sas, ensináronme que a loita no que un cree é o camiño para saír adiante. Todo isto lévame a asumir a responsabilidade e o compromi‐so de ser Alcalde de Sada con de‐terminación e entusiasmo porque son sadense de arriba a abaixo e dóeme a situación actual de Sada. É tempo de asumir retos e coller relevos, a nosa xeración ten a obriga de devolverlle á nosa vila a relevancia que merece. Sada é ónde vivimos e ten que ser onde poidamos traballar para vivir.
E por qué no BNG? Porque quero facer política para Sada dun novo xeito pero aprovei‐tando a experiencia de tantas per‐soas que o deron todo por Sada. Quero comezar un novo camiño. Unha nova etapa contando con todos os sadenses que, indepen‐dentemente de a quen votaran
noutras ocasións, amen a Sada e a Galicia coma min e queiran cam‐biar o seu pobo. Pero quero ta‐mén aproveitar as ensinanzas que nos deixaron xente como Manolo Crisanto, Abel López Soto e moi‐tos homes e mulleres que lle rou‐baban e rouban tempo ás súas familias e ao seu traballo en prol de acadar o mellor para Sada. Xente que nunca foi ao concello a lucrarse senón a traballar pola súa xente. Esa é a política que eu que‐ro facer e iso será o que faga a candidatura do BNG en Sada.
Como valoras estes anos de go‐berno do PP e do Sr. Anido? Nunca tivo Sada un alcalde que se preocupara tan pouco polo seu pobo. O PP só tivo un interese en Sada durante este mandato: que o BNG non gobernara para que puideran volver as políticas cadu‐cas, trasnoitadas e nocivas. E o Sr. Anido so tivo unha preocupación na alcaldía: facer carreira política persoal a conta de Sada. Estivo
sempre máis preocupado por fa‐cerlle a pelota aos seus xefes de Coruña que por defender os inte‐reses dos seus veciños. O PP tivo unha oportunidade úni‐ca nestes 4 anos: o PP gobernaba na Deputación, na Xunta e en Ma‐drid. Podía facer en Sada todo o que quixera e non fixo nada. Foron 4 anos de incompetencia e desgoberno. 4 anos perdidos polo capricho duns señores que seguen a pensar que o concello é propie‐dade particular deles. O PP e Sr. Anido levantaron un muro entre o concello e os veciños: enfrontá‐ronse ao sector educativo, ao sec‐tor pesqueiro, ao sector comercial e industrial e ao tecido asociativo. Déronlle as costas aos traballado‐res do Hotel, aos do Castro e in‐cluso aos do propio Concello… Agora Sada non sae na prensa máis que para ver como se man‐cha a imaxe do pobo con escán‐dalos continuos, entradas e saídas dos tribunais e un Alcalde de Sada
Xaneiro 2015 Voceiro do Bloque Nacionalista Galego de Sada
LISS BECERRA, CANDIDATO DO BNG Á ALCALDÍA
A nosa xeración ten a obriga de devolverlle á nosa vila a relevancia que merece. Sada é ónde vivimos e ten que ser onde poidamos traballar para vivir
www.blogoteca.com/bngsada [email protected]
BNG Sada @bngsada
Correo postal sen enderezo
O BNG xa ten candidato á alcaldía de Sada para as vindeiras Eleccións Municipais. En asemblea aberta foi elixido por unanimidade Liss Becerra. Diplomado en relacións públicas, técnico de formación e pro‐xectos e comerciante en Sada, é actualmente concelleiro do Grupo Municipal do BNG.
como líder en imputacións. Isto tense que acabar xa.
Cales son os teus proxectos para Sada? Quero unir ao pobo de Sada e re‐cuperar o prestixio do noso pobo na comarca e en Galicia. Vou contar con todos os que quei‐ran traballar por Sada. A candida‐tura do BNG non será unha candi‐datura de militantes do BNG. Será unha candidatura de unidade po‐pular cun equipo preparado para gobernar o concello desde o día seguinte ás eleccións. Temos ex‐periencia, coñecemento e ilusión para facelo.
O primeiro e fundamental é de‐volverlle Sada aos sadenses. To‐das e todos somos necesarios pa‐ra crear a Sada do Futuro, sen mi‐rar carnés. Temos que escoitar e aprender do tecido Asociativo, do mundo do Deporte, da xente da Cultura… xentes de Sada que que‐ren ao seu pobo coma nós. A miña obriga como Alcalde será atraer inversión para Sada para xerar emprego. Temos que recupe‐rar o papel de Sada como líder na comarca das Mariñas dentro dun proxecto que atraia potenciais clientes para o comercio local. Te‐mos un contorno natural privilexia‐do que ten que xerar empregos para a hostalería e os servizos. Te‐mos unhas infraestruturas portua‐rias fabulosas pero desaproveita‐das que hai que por en valor para a industria do mar e a turística. Quero un Concello solidario que se preocupe dos que máis sofren e revitalizaremos os servizos so‐ciais municipais para atender aos que máis o precisan.
Estou convencido de que todo é posible en Sada se somos capaces de deixar atrás, dunha vez por todas, as ferramentas vellas e inú‐tiles que nos lastraron ata agora.
Por último, para que as veciñas e veciños saiban algo máis de ti, como te describirías a ti mesmo? Cando vou polo mundo e me pre‐guntan de ónde son digo: ‐"De Mondego‐". Estou orgulloso de ser de sadense e quero moito a esta terra. Non me sinto un político “profe‐sional”. Son un comerciante fillo de mecánico fresador e tendeira. Neto e bisneto de sadenses ós que lles tocou emigrar, que coñe‐ceron os rigores da vida e que me ensinaron que o máis importante é escoitar aos que saben. Encánta‐me conversar e escoitar. Defendo sempre aquilo no que creo. Creo en Sada e nas xentes de Sada, po‐lo que estou convencido de que chegan tempos novos e apaixo‐nantes para todos.
Creo en Sada e nas xentes de Sada, polo que estou convencido de que chegan tempos novos e apaixonantes para todos.
actividade do BNG de Sada
O 7 de novembro inauguramos o noso novo local, en Avda. República Arxentina nº 33. Un novo espazo para o traballo diario, aberto a todos os veciños e veciñas.
inauguración do novo local
asembleas abertas Desde o mes de novembro estamos a levar a cabo una serie de Asembleas Abertas para a confección participati‐va do programa electoral. As xuntanzas, nas que están a participar asociacións e particulares, xiran en torno a ca‐da área do programa: cultura e xuventude, medio am‐biente, educación, servizos sociais, promoción económi‐ca, deportes, etc. Coas Asociacións de Veciños manteran‐se reunións na rolda de visitas ás parroquias que se inicia‐rá en breve. O candidato á Alcaldía Liss Becerra considera este proceso "fundamental para establecer unhas canles de comunicación coas veciñas e vecinos de Sada para que a maioría cidadá atope interlocutores no goberno que escoiten, comprendan e solucionen os seus problemas".
En xaneiro de 2013 desprendíase unha ladeira que inutilizaba un dos carrís de entrada e saída de Sada na Avda. República Arxentina. Unha obra que non chegou a custar 200.000 € e que sen embargo tardou en executarse dous anos. O Alcalde anun‐ciou que se ía pilotar esa zona, anunciou escaleiras de baixada á zona da praia... Mentiras que el mesmo ía anunciando de ma‐neira irresponsable, mentres a cidadanía padecía as incomodi‐dades provocadas polo retraso inxustificado das actuacións. Neste mes de xaneiro deu a coñecer o remate das obras cando aínda estaban os camións concluíndo o que ao final se reduciu a unha simple “escollera” feita en menos de dous meses. Outro exemplo da inoperancia do Alcalde e da Xunta, que castigaron a Sada cun carril da AC‐164 inoperativo durante máis de 700 días.
Dous anos para arranxar unha ladeira
O BNG presentou o pasado novembro unha iniciativa para ins‐talar con carácter urxente un columpio adaptado no parque do paseo marítimo, por ser un dos máis accesibles e máis usados, ademais de promover un plan de adecuación doutros parques. Fixémolo porque tiñamos constancia de que unha nai dun neno con dificultades de mobilidade levaba tempo solicitando ele‐mentos adaptados para o seu fillo e o Alcalde non só non daba solución, senón que facía comentarios fóra de lugar, tal como denunciou a nai nos medios de comunicación. Porque consideramos necesario que se coloquen elementos adaptados para que as nenas e nenos con dificultades de mobili‐dade tamén poidan disfrutar dos parques públicos, foi polo que presentamos esa iniciativa que foi aprobada por unanimidade. Pese a todo, a día de hoxe, o Alcalde nada fixo, así que seguiremos insistindo para que cumpra os acordos e, en todo caso, anuncia‐mos que será un dos nosos compromisos se despois de maio os sadenses nos seguen dando a confianza para gobernar Sada.
O columpio adaptado segue sen colocar