FELLES ÅRSPLAN 2019-2020

Årsplan 2019/2020 Kommunale barnehagar i Skodje Side 2

Innhald

DEL 1 (felles) – Årsplan for kommunale barnehagar i Skodje 2019/20 .................................................. 3

ORGANISERING ................................................................................................................................. 4

VISJON OG VERDIGRUNNLAG I SKODJE KOMMUNE ................................................................... 4

VERDIGRUNNLAGET TIL BARNEHAGEN ............................................................................................ 5

LIVSMEISTRING OG HELSE I BARNEHAGEN ..................................................................................... 5

KOSTHALD ......................................................................................................................................... 6

DANNING GJENNOM OMSORG, LEIK OG LÆRING ....................................................................... 7

FAGOMRÅDA...................................................................................................................................... 8

Kunst, kultur og kreativitet ............................................................................................................... 8

Natur, miljø og teknikk ..................................................................................................................... 8

Etikk, religion og filosofi ................................................................................................................... 8

Nærmiljø og samfunn ...................................................................................................................... 8

Kommunikasjon, språk og tekst ....................................................................................................... 8

Kropp, rørsle, mat og helse ............................................................................................................. 8

Mengd, rom og form ........................................................................................................................ 9

BARNS MEDVERKNAD ...................................................................................................................... 9

RINGAR I VATN – FELLES PROSJEKTARBEID 2016-2019 ........................................................... 10

INKLUDERANDE BARNEHAGE OG SKULEMILJØ – FELLES PROSJEKTARBEID 2017-2019 ... 10

OPP OG FRAM – EIN NYSKAPANDE BARNEHAGESEKTOR 2019-2021 .................................... 11

SAMARBEIDSRUTINER FOR OVERGANG .................................................................................... 11

HEIM -BARNEHAGE ......................................................................................................................... 11

FORELDRESAMARBEID .................................................................................................................. 12

SAMARBEID MED ANDRE INSTANSAR ......................................................................................... 13

KVALITET OG KOMPETANSEUTVIKLING 2019-2020 ....................................................................... 13

Årsplan 2019/2020 Kommunale barnehagar i Skodje Side 3

DEL 1 (felles) – Årsplan for kommunale barnehagar i Skodje 2019/20 I Skodje kommune skal vi ha likeverdig og høg kvalitet i alle barnehagane. Alle barn i barnehage skal få delta aktivt i eit inkluderande fellesskap. Læring gjennom sosial kompetanse, omsorg og leik står sentralt. For å sikre høg og lik kvalitet på tilbodet som blir gitt i dei ulike barnehagane i Skodje kommune, er det utarbeidd ein felles årsplan som er utgangspunkt for drifta.

Alle barnehagar er gjennom barnehagelova pålagt å utarbeide ein årsplan. Årsplanen skal godkjennast av barnehagen sitt samarbeidsutval. Årsplanen skal gje oversikt over den pedagogiske verksemda, samtidig som den skal beskrive barnehagen sine satsingsområde. Personalet i barnehagen skal bruke årsplanen som eit arbeidsreiskap med tanke på planar og ulike tiltak som skal setjast i verk gjennom barnehageåret. Den skal også gi kommune og fylkesmann grunnlag til å føre tilsyn med at vi arbeider i tråd med lov og rammeplan.

Rammeplan for barnehagens innhald og oppgåver

Årsplan 2019/2020 Kommunale barnehagar i Skodje Side 4

ORGANISERING I august 2014 vart dei kommunale barnehagane i Skodje samla til ei felles eining, etter tidlegare å ha vore eigne einingar eller i felles eining med ein skule. I den nye eininga er banda mellom dei fire barnehagane tettare og sterkare enn tidlegare og vi har fleire felles arrangement og møter mellom personalgruppene.

Frå januar 2020 er Skodje ein del av den nye ,samanslåtte, Ålesund kommune. Då vil dei 23 kommunale barnehagane verte organisert i seks verksemder etter geografisk inndeling. Verksemd barnehagar Skodje/Ørskog vil då bestå av fem barnehagar; Stette, Valle, Prestemarka, Skodje og Årøyhaugen barnehage.

Årsplan 2019/2020 Kommunale barnehagar i Skodje Side 5

VISJON OG VERDIGRUNNLAG I SKODJE KOMMUNE

Skodje kommune – den gode bukommunen med mangfald, utfordringar og trivsel.

På bakgrunn av visjonen som er uttrykt i kommuneplanen er det utarbeidd eit verdigrunnlag i Skodje kommune. Vi ønskjer at desse fire verdiane skal gjennomsyre all forvaltning og tenesteproduksjon:

TRIVSEL - For oss betyr dette at vi gir og får konstruktive tilbakemeldingar – at vi høyrer og ser kvarandre – at vi viser kvarandre respekt

IDENTITET - For oss betyr dette at vi tenkjer vi og vårt framfor eg og mitt – at vi snakkar med - og ikkje om kvarandre- at vi er lojale mot måla

TRYGGHEIT - For oss betyr dette at vi tydeleggjer måla – at vi er klare og konsekvente i ord og handling – at vi er opne og ærlege i vår kommunikasjon

ENTUSIASME - For oss betyr dette at vi viser engasjement, glede og humor – at vi spelar kvarandre gode – at vi jaktar på nye idear og tek i bruk ny kunnskap – at vi viser evne og vilje til fornying

VERDIGRUNNLAGET TIL BARNEHAGEN Barnehagen sitt verdigrunnlag skal formidlast, praktiserast og opplevast i alle delar av barnehagen sitt pedagogiske arbeid. Barnehagen skal i samarbeid og forståing med heimen ivareta barnas behov for omsorg og leik, og fremme læring og danning som grunnlag for allsidig utvikling.

Barnehagen skal bygge på grunnleggjande verdiar i kristen og humanistisk arv og tradisjon, slik som respekt for menneskeverdet og naturen, på åndsfridom, nestekjærleik, tilgiving, likeverd og solidaritet, verdiar som kommer til uttrykk i ulike religionar og livssyn og som er forankra i menneskerettane.

Alle barnehagar skal bygge på verdigrunnlaget som er fastsatt i barnehageloven og internasjonale konvensjonar som Norge har slutta seg til, som FNs konvensjon av 20. november 1989 om barnet sine rettigheter og ILO-konvensjonen nr. 169 om urfolk og stammefolk i sjølvstendige statar.

Å møte individets behov for omsorg, tryggleik, tilhøyrsle og anerkjenning og sikre at barna får ta del i og medverke i fellesskapet, er viktige verdiar som skal gjenspeglast i barnehagen. Barnehagen skal fremme demokrati, mangfald og gjensidig respekt, likestilling, berekraftig utvikling, livsmeistring og helse.

Alle dei fire kommunale barnehagane i Skodje har vi stort fokus på at verdigrunnlaget til barnehagen skal komme tydeleg fram i alt pedagogisk arbeid; - i planlegging, gjennomføring, dokumentasjon og vurdering.

LIVSMEISTRING OG HELSE I BARNEHAGEN Barnehagen skal vere helsefremmande og førebyggande og bidra til å utjamne sosiale forskjellar. Barna si fysiske og psykiske helse skal fremjast i barnehagen. Barnehagen skal bidra til barna sin trivsel, livsglede, meistring og kjensle av eigenverdi og førebygge krenkingar og mobbing. Om eit barn opplev krenkingar eller mobbing, må barnehagen handtere, stoppe og følge opp dette.

Barnehagen skal vere eit trygt og utfordrande sted der barna kan prøve ut ulike sider ved samspel, fellesskap og venskap. Barna skal få støtte i å møte motgang, handtere utfordringar og bli kjend med eigne og andre sine kjensler. Barna skal ha moglegheit til ro, kvile og avslapping i løpet av barnehagedagen.

Gjennom den daglege og nære kontakten med barna er barnehagen i ein sentral posisjon til å kunne observere og motteke informasjon om barnas omsorgs- og livssituasjon. Personalet skal ha eit bevisst forhold til at barn kan vere utsatt for omsorgssvikt, vold og seksuelle overgrep og vite korleis dette kan forebyggast og oppdagast. Personalet skal kjenne til opplysningsplikta til barnevernet, jf. Barnehageloven § 22.

Årsplan 2019/2020 Kommunale barnehagar i Skodje Side 6

Barnehagen skal arbeide for at barna:

Får ei positiv oppfatning av seg sjølv gjennom kroppsleg meistring

Skaffar seg gode erfaringar med korleis ein beherskar sin eigen kropp, grovmotorikk og finmotorikk, rytme og motorisk kjensleheit.

Gode erfaringar med friluftsliv og uteliv til ulike årstider

Utviklar glede ved å bruke naturen til utforsking og kroppslege utfordringar og får ei forståing av korleis ein brukar og samtidig tek vare på miljøet og naturen.

Utviklar forståing og respekt for eigen og andre sin kropp og at alle er forskjellige

Får kunnskap om menneskjekroppen og forståing for betydinga av gode vaner og eit sunt kosthald.

Gjennom danning skal utvikle sjølvstendigheit og tryggleik på seg sjølv som individ og eigen personlege og kulturelle identitet

Personalet har ansvaret for at alle barn, uansett funksjonsnivå, alder, kjønn og familiebakgrunn får oppleve at dei sjølv og alle i gruppa er betydningsfulle personar i fellesskapet.

Alle barn skal ha minst ein ven.

KOSTHALD Norske barnehagar er ein viktig brikke i eit folkehelseperspektiv. Rammeplanen seier mykje om korleis vi skal arbeide for å sikre god fysisk og psykisk helse hjå barna. Eit sunt kosthald er ein del av dette arbeidet. Helsemyndigheitene har utvikla retningslinjer for mat i barnehagen og dei ser slik ut:

Barnehagen bør:

1. Leggje til rette for minimum to faste, ernæringsmessige fullverdige måltider kvar dag med medbrakt eller servert mat

2. Sette av god tid til kvart måltid, minimum 30 minuttar til å ete, slik at barna får i seg tilstrekkeleg med mat

3. Legge til rette for å kunne ete frukost for dei barna som ikkje har ete heime 4. Ha maksimum 3 timar mellom måltida. Nokre barn, spesielt dei yngste, kan trenge å ete oftare 5. Legge til rette for at vaksne tar aktivt del i måltidet og et saman med barna 6. Legge til rette for eit godt fungerande og triveleg måltidsmiljø 7. Syte for god hygiene før og under måltida og ved oppbevaring og tilreiing av mat 8. Ivareta måltida sin pedagogiske funksjon 9. Maten bør varierast over tid og gi varierte smaksopplevingar 10. Måltida bør settast saman av mat frå følgjande tre grupper:

Gruppe 1: Grovt brød, grove kornprodukt, poteter, ris, pasta etc. Gruppe 2: Grønsaker/frukt og bær Gruppe 3: Fisk, anna sjømat, kjøtt, ost, egg, erter, bønner, linser etc.

11. Plantemargarin og olje bør veljast framfor smør og smørblanda margarintypa 12. Drikke til maten bør vere skumma mjølk, ekstra lettmjølk eller lettmjølk 13. Vatn er tørstedrikk mellom måltida og bør også vere eit tilbod til måltida 14. Ein bør unngå mat og drikke med mykje tilsett sukker 15. Dei fleste markeringar og feiringar bør gjennomførast utan servering av søt og feit mat og søt

drikke. Sosial- og helsedirektoratet

Årsplan 2019/2020 Kommunale barnehagar i Skodje Side 7

DANNING GJENNOM OMSORG, LEIK OG LÆRING Danning er ein livslang prosess som mellom anna handlar om å utvikle evne til å reflektere over eigne handlingar og veremåtar. Danning skjer i samspel med omgjevnadene og er ein føresetnad for meiningsdanning, kritikk og demokrati. Danning er ein livslang prosess og er knytt til barn si deltaking og til demokrati. Danning handlar mellom anna om å utvikle evne til å reflektere over eigne handlingar og veremåtar. Gjennom gode danningsprosessar blir barn i stand til å handtere livet ved at dei utviklar evna til å vere prøvande og nysgjerrige på omverda og til å sjå seg sjølve som ein positiv medlem av eit større fellesskap. Danning er meir enn utvikling, meir enn læring, meir enn omsorg, meir enn oppseding og meir enn sosialisering. Samtidig rommar danning alt dette. Barn må få utfordringar, sjansen til å utvikle kunnskapar og ferdigheiter og støtte for å handle omsorgsfullt og gjere etisk grunngitte val. Gjennom danning legg ein grunnlaget for allsidig utvikling.

Barn har rett til omsorg og nærleik. For barnehagen er det ei primæroppgåve å gi omsorg og nærleik og sørgje for at barna ut frå alder og individuelle føresetnader blir møtte med lydhøyrheit, innleving og vilje til samspel. Barnehagen skal gi rom for barna til å utøve empati og omsorg i kvardagen.

Barn kan uttrykkje seg på mange måtar i leik, og leiken har ein sjølvskriven og viktig plass i barnehagen. Barnehagen skal bidra til den gode barndommen ved å gi alle barn høve til å leike. Leiken er viktig for at barna skal trivast, og er ei grunnleggjande livs- og læringsform.

Årsplan 2019/2020 Kommunale barnehagar i Skodje Side 8

FAGOMRÅDA Rammeplanen har sju fagområde som barnehagen skal jobbe med. Eit fagområde vil sjeldan opptre åleine. Vi arbeider tverrfagleg, gjennom varierte prosessar og arbeidsmåtar. Det er viktig med progresjon, variasjon og tilrettelegging med tanke på barna sine ulike behov. Dei ulike faga vil gli over i kvarandre, og verte ein naturleg del av ei leikprega læring. Vi vil gjennom ulik dokumentasjon og vurdering vise korleis barna har fått varierte opplevingar med dei ulike faga.

Kunst, kultur og kreativitet

Fagområdet handlar mellom anna om opplevingar med uttrykksformer som kunst, teater, musikk og dans, litteratur og arkitektur. Og ikkje minst om barna sitt eige uttrykk. Opplevingar med kunst og kultur i barnehagen kan leggje grunnlag for tilhøyrsle, deltaking og eige skapande arbeid. I arbeid med fagområdet skal personalet stimulere nysgjerrigheit, utvide forståinga deira og bidra til undring, undersøkingar, utprøvingar og eksprimentering.

Natur, miljø og teknikk

Barna får høve til å eksperimentere, få kunnskap, innsikt og opplevingar gjennom naturen og nærmiljøet. Barna skal få erfaringar i korleis teknikk kan brukast i kvardagen og leiken.

Naturen gjev rom for eit mangfald av opplevingar og aktivitetar til alle årstider og i all slags ver. Naturen er ei kjelde til vakre opplevingar og gir inspirasjon til estetiske uttrykk. Vi er nysgjerrige og forskar på det vi oppdagar ute. Slik får vi stadig meir kunnskap om dyr, vekstar, naturfenomen og samspelet i naturen og mellom naturen og menneska.

Etikk, religion og filosofi

Dette er eit omfattande og viktig fagområde. Det handlar om korleis vi stiller (forheld) oss til kvarandre. Fagområdet ser særleg på barnehagen sitt samfunnsmandat og verdigrunnlag i eit samfunn som er prega av livssynsmangfald.

Barn undrar seg over mange tema, og gjerne det vi vaksne kallar eksistensielle spørsmål. I barnehagen gjev vi tid og rom til slike samtalar med barna. Respekten for liv er grunnleggjande og noko vi lærer barna. Vi ynskjer å bidra til respekt for alle menneske gjennom kjennskap til, kunnskap om og forståing for andre kulturar og religionar. I samtale med barna prøver vi å stille opne spørsmål, slik at barna sine eigne tankar og svar får plass. Slik er vi med å byggjer identitet og sjølvbiletet til kvart einskild barn, og gjev basis for gode verdiar og haldningar. Barna skal verte møtt av anerkjennande og respektfulle vaksne og den daglege omgangsforma skal bere preg av dette. Med dette meiner vi at barna da lærer seg og anerkjenne og respektere andre.

Nærmiljø og samfunn

Barns medverknad i kvardagslivet i barnehagen legg grunnlaget for vidare innsikt i og erfaring med å delta i eit demokratisk samfunn. Kulturelt mangfald, ulike levemåtar og forskjellige familieformer er ein del av fagområdet Å sjå seg sjølv i forhold til andre og i forhold til miljøet er ein viktig del av det å utvikle ein trygg identitet. Vi brukar lokalsamfunnet aktivt, og gjennom opplevingar og erfaringar i nærmiljøet skal barna få kjennskap til samfunnet rundt seg. Vi bruker brannstasjon, biblioteket, kommunehus, kyrkje, skule, andre barnehagar m.m.

Kommunikasjon, språk og tekst

Barnehagen skal arbeide bevisst med å støtte barna si språklege utvikling, og utvikle barna si evne til å kommunisere med andre på ein presis og variert måte. Gjennom språket gir barna uttrykk for tankar, kjensler og meiningar. Språket er identitetsdannande og barnehagen skal gi eit godt språkmiljø. Vi er opptekne av å ha eit rikt og godt språkmiljø med mykje bruk av snakkepakken, språksprell, høgtlesing og gode samtalar med barna. Lydar, rytme i språket, tal og bokstavar, tekst og bilete er døme på ulike måtar vi nærmar oss dette fagområdet på.

Kropp, rørsle, mat og helse

Vaner og handlingsmønstre tek form allereie frå tidlig alder. Gode vaner som tileignast i barnehagealder kan vare livet ut. Barnehagen skal legge til rette for at alle barn kan oppleve glede ved å bevege seg, matglede, matkultur, mentalt og sosialt velvære og fysisk og psykisk helse. Barna skal inkluderast der dei kan få vere i bevegelse, leik og sosial samhandling og oppleve motivasjon og

Årsplan 2019/2020 Kommunale barnehagar i Skodje Side 9

meistring ut i frå eigen føresetnadar. Barnehagen skal bidra til at barn blir kjend med kroppen sin og utviklar medvit om eigne og andre sine grenser. Gjennom medverknad i mat- og måltidsaktiviteter skal barna motiverast til å spise sunn mat og få grunnleggande forståelse for korleis sunn mat kan bidra til god helse. Vi nyttar til dømes gymsal, dei ulike leikeplassane våre og naturområda i nærmiljøet. Vi har uteleik, turdagar, ski, ake og aktivitetsdagar kor barnehagen legg vekt på å gje barna varierte opplevingar med ulike årstider, natur og terreng. Barnehagen legg vekt på å servere sunne måltid. Dette inneber minst mogleg sukker i kosten. Vi har grovt brød og variert pålegg og varmmat med utgangspunkt i sunne råvarer.

Mengd, rom og form

Gjennom leik, kvardagsaktivitetar og eksperimentering skal barna få moglegheit til å utvikle den matematiske kompetansen sin. Vi vil skape eit miljø som set fokus på samanhengar, størrelse, form, system, sortering, matematisk samtale og refleksjon gjennom leikeprega læring. Barna tel, sorterer og orienterer seg naturleg i høve tal, former og rom på mange ulike måtar. Å telje kan vi gjere over alt, og former kan vi jakte på når som helst. Denne naturleg gryande matematiske interessa stimulerer vi dagleg ved å vere nysgjerrige saman ved barna.

BARNS MEDVERKNAD «De (barna) skal ha rett til medvirkning tilpasset alder og forutsetninger».

(Barnehageloven § 1 Formål, 2. ledd)

«Barn i barnehagen har rett til å gi uttrykk for sitt syn på barnehagens daglige verksemd. Barn skal jamnleg få mulighet til aktiv deltakelse i planlegging og vurdering av barnehagens virksomhet. Barnets synspunkter skal tillegges vekt i samsvar med dets alder og modenhet».

(Barnehagelova §3 Barns rett til medvirkning)

Vi vil at barna i barnehagen skal utvikle tru på eiga evne til å påverke sine omgjevnader på ein positiv måte, og meistre å delta i ei gruppe. Med dette meiner vi å kunne veksle mellom å leie og bli leia. Ta initiativ og det å kunne sleppe andre til, jobbe sjølvstendig og det å samarbeide med andre og å kjenne på gleda av å meistre og å glede seg over andre si meistring. Barnehagen som arena har gode tilhøve for å gje barna desse opplevingane. Å trene på å meistre relasjonar og samspel i barnehagen handlar om å utvikle evna til å meistre demokratiet.

Ansvaret for det som skjer i barnehagen ligg sjølvsagt hjå dei vaksne, ikkje barna. Uansett har barn rett til medverknad. Involvering og medverknad handlar i større grad om å bli sett og høyrt enn å få bestemme alt sjølv. Det handlar om å setje spor, erfare at ein kan påverke omgjevnadane sine gjennom demokratiske prinsipp og gjere noko med sin eigen situasjon. Dette er av verdi for barna både her og no, og som framtidige deltakarar i samfunnet.

Årsplan 2019/2020 Kommunale barnehagar i Skodje Side 10

RINGAR I VATN – FELLES PROSJEKTARBEID 2016-2019 Prosjektet vart avslutta i september 2019. Tema for det tre – årige prosjektet var barns psykiske og fysiske helse. Alle barns utviklingsområder heng nært saman med kvarandre, og barnehagen må ha både eit her-og-no perspektiv og eit framtidsperspektiv i sitt arbeid med barn sin fysiske og psykiske helse. «Barnehagane er i ei særstilling når det kjem til å førebygge helseproblem, fordi det er en arena kor barna er, kvar dag, det meste av dagen, over fleire år. Barnehagen har en unik muligheit til å legge til rette og arbeide for ei god psykisk og fysisk helse for barn. Visjonen for prosjektet; BARNEHAGANE I SKODJE SKAL BIDRA TIL Å SKAPE BALANSE I BARN SITT LIV.

«Ringar i vatn» har hatt desse overordna måla:

Tilsette i barnehagane i Skodje skal ha god kunnskap om faktorar som påverkar utvikling av god psykisk og fysisk helse hos førskulebarn, og kunne omsette denne kunnskapen til en god og varig praksis.

Auka medvit om samanhengane mellom god fysisk helse og god psykisk helse, og kva konsekvensar dette får for pedagogisk praksis og utføring av arbeidet.

Sterkare tverrfagleg samarbeid som synleggjer barnehagane som ein ressurs og viktig arena i folkehelsearbeidet.

Endring av praksis på systemnivå for handtering av hjelpebehov for førskulebarn.

Alle tilsette i barnehagane i Skodje har vore aktive i prosjektet. Arbeidet skal munne ut i ein rapport frå heile prosjektperioden, der dei ulike tema vert belyst. Rapporten vert ferdigstilt hausten 2019 men ein kan førebels seie at prosjektet har hatt høg grad av måloppnåing.

INKLUDERANDE BARNEHAGE OG SKULEMILJØ – FELLES PROSJEKTARBEID 2017-2019

Forsking viser at mobbing er ei stor utfordring i Norge i dag. Gjennom det nasjonale kompetansehevingsprogrammet Inkluderande barnehage- og skulemiljø (IBSM) har tilsette i oppvekstsektoren i Skodje fått heva sin kompetanse i høve til å skape eit miljø som forebygger mobbing og krenkingar. Vidare har ein arbeidd med ulike verktøy for arbeidet med å avdekke mobbing og krenkingar , samt handtering når mobbing og krenkingar skjer. Vaksne har stor påverknad i barn og unge sitt liv gjennom kompetansen dei har og dei vala dei tek.

I satsninga har vi arbeidd i lærande nettverk. Dvs at vi har arbeidd i grupper, over tid, med å løyse oppgåver for å heve kompetansen. Gruppene har vore store og små, innan for den enkelte barnehage, på¨tversa v barnehagane og på tvers av barnehagar og skular.

For barnehagane har satsinga IBSM vore implementert i det treårige prosjektet «Ringar i vatn» I tilleg til lokalt arbeidd har grupper av tilsette delteke i ulike kompetansetiltak på nasjonalt og regionalt nivå.

Rapport frå arbeidet med IBSM vert ferdigstilt hausten 2019, men vi ser klare effekter av arbeidet , både ifht haldningar og kompetanse, men også i endra arbeidsmåtar i barnehagane. Kba\var barnehage har utarbeidd ein handlingsplan for korleis dei arbeider med forebygging, avdekking og handtering av mobbing og krenkingar.

Utdanningsdirektoratet sin informasjon om satsinga Inkluderande barnehage - og skulemiljø

Årsplan 2019/2020 Kommunale barnehagar i Skodje Side 11

OPP OG FRAM – EIN NYSKAPANDE BARNEHAGESEKTOR 2019-2021

Dei fem kommunane som skal slå seg saman til Nye Ålesund kommune gjorde i 2018 ein avtale om eit felles utviklingsarbeid: Opp og Fram- ein nyskapande barnehagesektor. Utviklingsarbeidet omfattar både barnehageadministrasjonen og alle dei om lag 1000 tilsette i private og kommunale barnehagar i dei fem kommunene.

Hovedmålet er å utvikle eit godt system for å drive barnehagebasert kompetanseutvikling i dei fem kommunene som ein skal vidareføre i den nye kommunen. Delmåla er: 1. Implementering av ny rammeplan gjennom barnehagebasert kompetanseutvikling. 2. Samarbeid og felleskap på myndighetsnivå og barnehagenivå. 3. Identitetsbygging i ny kommune.

Høgskulen i Volda er fagleg ansvarleg

Den enkelte barnehage vel eit overordna tema frå Rammeplanen og utarbeider ei problemstilling som dei arbeider etter i ein periode på om lag eitt år i gongen. I løpet av dei tre åra utviklingsarbeidet varer skal barnehagane ha vore innom tre av seks område. Kompetansehevinga veksler mellom fagsamlingar for alle tilsette, nettverksarbeid for barnehagane sine arbeidgrupper, samlingar for pedagogar og for styrarar. Største delen av arbeidet skjer likevel i den enkelte barnehage, der alle tilsette er involvert.

SAMARBEIDSRUTINER FOR OVERGANG HEIM -BARNEHAGE

Barnehagen er ein institusjon for omsorg, danning, leik og læring, og den skal bidra til ein god start på livet og livslang læring. I samarbeid med foreldre skal barnehagen leggje til rette for at barnet skal få ein trygg og god start på barnehagelivet. Når barnet kjenner seg trygg, vil det lettare ha fokus på utforsking, leik og læring. Livet består av mange overgangar, men nokre er større og meir krevjande enn andre. Det å starte i barnehagen er ei stor omvelting for både born og foreldre. Overgangar er naudsynte og kan opplevast meiningsfulle, men det krev at endringa er mest mogleg «forståeleg». For barnet inneber dette ei oppleving av samanheng mellom heim og barnehage. Det må skapast kontakt og forbinding frå det kjente til det ukjente, og dei vaksne skal vere bindeledd og skape heilheit. Dette er for øvrig viktige faktorar også når born skal skifte avdeling/ gruppe innad i barnehagen.

«Rammeplan for barnehagen» (2017) fastslår at barnehagen skal

Tilpasse rutinar og organisere tid og rom slik at barnet får tid til å bli kjent, etablere relasjonar og knyte seg til personalet og til andre barn

Personalet skal sørgje for tett oppfølging den første tida, slik at barnet kan oppleve tilhøyrsle og føle at det er trygt å leike, utforske og lære.

Personalet skal også sørgje for at barn og foreldre får tid og rom til å bli kjende med andre barn og anna personale når eit barn byter avdeling innad i barnehagen.

Det er utarbeidd eigne samarbeidsrutiner for overgang heim-barnehage i Skodje kommune

Årsplan 2019/2020 Kommunale barnehagar i Skodje Side 12

FORELDRESAMARBEID Dei kommunale barnehagane Skodje legg vekt på at føresette skal bli møtt med respekt og oppleve at dei blir sett og høyrd, både i dei korte hektiske stundene ved levering og henting men også i andre meir planlagde stunder som foreldresamtalar, møter, sosiale stunder i regi av barnehagen. Heim og barnehage gir barna to ulike arenaer til å vekse og utvikle seg i. Det er foreldra som har ansvaret for barna si oppseding og danning. Det prinsippet er nedfelt i barnekonvensjonen og i barnelova 8. april 1981 nr. 7. Barnehagen skal representere eit kompletterande miljø til heimen. Barnehagen må vise respekt for ulike familieformer.

Det inneber regelmessig kontakt der informasjon knytt til barnet sin trivsel og utvikling og barnehagens pedagogiske verksemd skal drøftast. Samarbeidet skal gi muligheit til å bygge ein nødvendig, gjensidig forståing for dei dilemma som kan oppstå når omsynet til eit einskild barn må sjåast i forhold til barnegruppa. Personalet må arbeide for å finne balansen mellom respekt for foreldra si prioritering og ivareta barns rettigheiter og grunnleggjande fellesverdiar som barnehagen er forplikta på.

I praksis betyr det:

At både foreldre og tilsette er raskt ute med å ta kontakt med kvarandre dersom noko er uklårt. Ingen sak er for lita til å ta kontakt.

Barnet sitt beste er prinsippet for alt samarbeid.

Korleis vaksne omtalar kvarandre, er mot kvarandre i daglege møter, er med på å skape trygge eller utrygge rammer for barn. Dersom ein som tilsett eller som foreldre ynskjer å ta opp saker av negativ art, bør barna skjermast for dialogen. Då avtaler vi ein samtale.

Ta opp ting der dei høyrer heime. Negativ omtale av barnehagen i sosiale media løyser ingenting.

Vårt samarbeid om barna har både ei formell og ei uformell side. Alle foreldra i barnehagen (barnehagens foreldreråd), vel representantar til FAU, som skal fremje fellesinteressene til foreldra og bidra til eit godt samarbeidsmiljø heim – barnehage. FAU har uttalerett vedrørande saker som er viktige for foreldra sitt tilhøve til barnehagen. Samarbeidsutvalet (SU)er satt saman av foreldre, tilsette og eigar. Skodje kommune har utarbeidd eit informasjonsskriv om arbeidet i samarbeidsorgana FAU og SU.

Ressursside: http://www.fubhg.no/

Foreldreutvalet for barnehagar- nasjonalt organ, har mykje informasjon som kan vere nyttig både for de som foreldre men også for tilsette i barnehagen. Dette er ei svært god brosjyre om samarbeid som barnehagetilsette skal jobbe ut i frå i kvardagen.

Årsplan 2019/2020 Kommunale barnehagar i Skodje Side 13

SAMARBEID MED ANDRE INSTANSAR Barnehagane har eit nært samarbeid med andre einingar. Dei mest sentrale er Storfjorden PPT, Helsestasjonen, Storfjorden barnevern og grunnskulane.

Det er utarbeidd eigne samarbeidsrutiner for overgang barnehage-skule i Skodje kommune

KVALITET OG KOMPETANSEUTVIKLING 2019-2020 Kvalitetsutvikling i barnehagen er eit arbeid som aldri tek slutt. Vi må stadig gjere oss nye tankar og vurderingar om korleis vi kan utvikle samspelet mellom personalet, barn og foreldre. Det er i dette samspelet kvaliteten kjem til syne. Vi har dei siste åra fokusert på medverknad og involvering. Dette synet på barn, som likeverdige partar, med rett til å bli sett, høyrt og tekne på alvor, skal gjennomsyre alt arbeid i barnehagen. I følge Barnehagelova § 24 har barnehageeigar (Skodje kommune for vår del) plikt til å legge til rette for øvingsopplæring for studentar som tar førskulelærarutdanning. Styrar og pedagogisk leiar har vidare plikt til å rettleie studentar i øvingsopplæringa.

Generell kompetanseheving innan førskulepedagogikk

Ta imot studentar frå høgskulen

Elevar frå vidaregåande skular

Intern fagopplæring gjennom studiedagar og personalmøter

Legge til rette for utdanning til barnehagelærar

Legge til rette for utdanning til fagarbeidar

Legge til rette for vidare- og etterutdanning i pedagogiske fag

Rettleiing Rettleiing av nyutdanna pedagogar i kommunalt nettverk

Fokus på leiarrolle slik at personalet skal kunne skape og lede eit godt arbeids og læringsmiljø.

Barns fysiske og psykiske helse

Overordna mål:

Tilsette i barnehagane i Skodje skal ha god kunnskap om faktorar som påverkar utvikling av god psykisk og fysisk helse hos førskulebarn, og kunne omsette denne kunnskapen til en god og varig praksis.

Auka medvit om samanhengane mellom god fysisk helse og god psykisk helse, og kva konsekvensar dette får for pedagogisk praksis og utføring av arbeidet.

Sterkare tverrfagleg samarbeid som synleggjer barnehagane som ein ressurs og viktig arena i folkehelsearbeidet.

Endring av praksis på systemnivå for handtering av hjelpebehov for førskulebarn.

Inkluderande barnehage- og skulemiljø

Overordna mål:

Auka kunnskap og kompetanse for alle som arbeider med barn og unge kring førebygging, avdekking, handtering og oppfølging av mobbing og andre krenkingar

Årsplan 2019/2020 Kommunale barnehagar i Skodje Side 14

Sterkare tverrfagleg samarbeid mellom skule og barnehage, PPT, barnevern, helsetenesta og foreldre med fokus på å skape eit inkluderande oppvekstmiljø for barn og unge

Styrke barn og unge sin kompetanse i å skape inkluderande miljø

Arbeide for å utvikle eit systematisk og målretta samarbeid om gode barnehage- og skulemiljø

Vidareutvikle eigen praksis i kvar einskild barnehage og skule, samt på eigarnivå.

Auka regelverkskompetanse for handtering av mobbing og andre krenkingar barn og unge utsetjast for i barnehage og skule

Utvikling av gode lærande nettverk, samt gode modellar og samhandlingsformer for kompetanseutvikling i organisasjonen

Vidareføring av kunnskap og erfaringar til ny og varig «beste praksis» som skal gjelde for alle tilsette

Breiare involvering av elevråd, ungdomsråd og Ungdom med MOT

Utarbeiding av ein handlingsplan for korleis vi skal arbeide med å skape eit inkluderande miljø i den enkelte barnehage.

Opp og Fram – ein nyskapande barnehagesektor

Implementering av ny rammeplan for innhaldet og arbeidet i barnehage

Barnehageåret 2019-20 har barnehagane valt fagtema Overgangar og Mangfald

Samarbeidsrutiner for overgang heim –barnehagen

Overordna mål:

Born og foreldre skal oppleve overgangen frå heim til barnehage som trygg og god

Borna skal oppleve samanheng mellom heim og barnehage

Barn og foreldre skal få tid og rom til å bli kjende med andre barn og anna personale når dei byter barnegruppe

Å skape gode føresetnader for det enkelte barn sin trivsel, utvikling og læring.