NUMRI 1, Mars 2014

BORDI EDITORIALDr. Altin Idrizi / Msc. Arsim Berisha / Dr. Shpëtim Çerri

Xhensila Beqiri / Kristiana Zaçi / Vojsava Kotorribuletiniekonomik@gmail.com

Projekti FEKalçetoNë muajin Maj, Fakulteti Ekonomik organizon për studentët e këtij fakulteti kampionatin e parë te “Kalçetos”

Faqe 3

Projekti EuroWebNjë mundësi e shkëlqyer për studentët tanë

Projekti EUROWEB (European Research and Educational Collaboration with Western Balkans), i financuar nga Komisioni Europian, synon të krijojë një rrjet mobilitetesh akademike ndërmjet vendeve evropiane dhe vendeve të Ballkanit Perëndimor. Konsorciumi përbëhet nga 17 institucione të arsimit të lartë (9 nga Evropa dhe 8 nga Ballkani Perëndimor) dhe koordinohet nga Universiteti Malardalen, Suedi.

Faqe 4

NUMRI 2, Prill 2014

E-Learning

Teknologjia e informacionit ka përparuar me hapa të shpejtë, duke i mundësuar çdonjërit prej nesh të jetë në kontakt të vazhdueshëm...

Faqe 3

Seminar mbi Turizmin Malor

Ekipi i alpinizmit, skive dhe turizmit malor (AST Elbasani) në bashkëpunim me Fakultetin Ekonomik dhe Qeverinë Studentore, kanë organizuar një konferencë me studentët e degës Ekonomi-Turizëm...

Faqe 3

Fakulteti Ekonomik

Universiteti i Elbasanit “Aleksandër Xhuvani”, është një institucion publik mësimor-shkencor i Arsimit të Lartë, i krijuar me VKM Nr.414, datë 12.11.1991.

Gjatë muajit Prill, Fakulteti Ekono-mik ka planifikuar të organizojë “Ditët e Hapura”, duke prezantuar dhe infor-muar nxënësit e shkollave të mesme të Qarkut të Elbasanit me programet e ciklit të parë të studimeve që ofron ky fakultet. Projekti do të realizohet në dy faza: në fazën e parë do të jenë pedagogët e ketij fakulteti që do paraqesin pranë gjimnazeve të qytetit një panoramë të përgjithshme të degëvë të studimit të Fakultetit Ekonomik. Në fazën e dytë do të jenë nxënësit maturantë që do të vizitojnë nga afër ambjentet e Fakultetit duke u njohur më hollësisht mbi çdo degë të studimit, në mënyrë që të kenë të gjitha informacionet e nevojshme në përzgjedhjen e karrieres universitare.Në datat 2, 3, 4 Prill, një grup peda-gogësh të zgjedhur nga Këshilli i Fakultetit, vizituan në terren gjimnazet e qytetit duke bërë një prezantim pro-movues të Fakultetit Ekonomik si dhe degëve të studimit që ofron ky Fakultet. Nga takimet që u organizuan, u vu re një interesim i lartë i nxenësve maturantë, të cilët shprehen interes mbi degët e stu-dimeve, kurrikulën e lendëve te ndry-shme, stafin pedagogjik, infrastrukturën didaktike si dhe metodave të mësimdhë-nies në këtë Fakultet. Më datë 21 Prill ora 09:00 Fakulteti Ekonomik hap dyert për të gjithë mat-urantët e gjimnazeve të Qarkut të El-basanit, për t’u informuar më hollësisht mbi tetë degët e studimeve që ofron ky fakultet për vitin e ri akademik 2014-2015.

Faqe 2

Buletini i Fakultetit Ekonomik

Programet e studimit të Fakultetit Ekonomik

Bachelor me kohë të plotë Programet Master

Profesional

Shkencor

Bachelor me kohë të pjesshme

• ADMINISTRIM-BIZNES• FINANCË-KONTABILITET• EKONOMIA DHE E DREJTA• INFORMATIKE EKONOMIKE• EKONOMI TURIZMI• ADMINISTRIM BIZNESI DHE INXHINIERI• SHKENCA JURIDIKE NE BIZNES• SHKENCA JURIDIKE NE SEKTORIN PUBLIK

• EKONOMIA DHE E DREJTA NË SEKTORIN PUBLIK• FINANCË• KONTABILITET• MARKETING• ADMINISTRIM-BIZNES• INFORMATIKE EKONOMIKE

• MARKETING • MENAXHIM• DREJTIM BANKAR• KONTABILITET DHE AUDITIM• EKONOMIA DHE E DREJTA NË TREGJET NDËRKOMBËTARE

• ADMINISTRIM-BIZNES• FINANCË-KONTABILITET• EKONOMIA DHE E DREJTA• INFORMATIKE EKONOMIKE

Fakulteti EkonomikFAQE 2

Eksperienca 2002-2014

Universiteti i Elbasanit “Aleksandër Xhuvani”, është një institucion publik mësimor-shkencor i Arsimit të Lartë, i krijuar me VKM Nr.414, datë 12.11.1991. Fillimisht universiteti përbëhej nga tri Fakultete: 1.Fakulteti i Shkencave Sho-qërore 2.Fakulteti i Shkencave të Natyrës 3. Fakulteti i Ciklit të Ulët.Në vitin 1995, në Fakultetin e Shkencave të Natyrës, hapet dega Administrim-Biznes dhe në vitin 2001 hapet dega Financë-Kontabilitet. Këto degë çuan në hapjen e Fakultetit Ekonomik në vitin 2002, në të cilin u lëshuan diplomat e para me tituj: 1. Administrator biznesi, profili Special-ist Marketingu 2. Administrator biznesi, profili Menaxher Biznesi 3. Financë- Kontabilitet, profili Financier 4. Financë-Kontabilitet, profili Kontabilist.Kërkesa gjithnjë e në rritje për ndjekjen e studimeve të larta në fushën e ekonomisë

solli hap pas hapi zhvillimin e këtij fakulte-ti, hapjen e programeve të reja të studimit me kohë të plotë dhe të pjesshme, për të plotësuar nevojat e tregut të punës, për të kualifikuar e më pas diplomuar studentë si-pas profileve të studimeve në ekonomi. Në vitin akademik 2003-2004 në këtë fakultet hapen për herë të parë dy programe stu-dimi me kohë të pjesshme: “Administrim-Biznes” dhe “Financë-Kontabilitet”. Në vitin 2004 hapet programi i studimit me kohë të plotë “Ekonomia dhe e Drejta”, përmbajtja shkencore e të cilit vjen nga një gërshetim i shkencave ekonomike dhe ato juridike. Që prej vitit 2011 të diplo-muarve në këtë fakultet apo në fakultete të tjera të ngjashme me të u është ofruar mundësia e ndjekjes së studimeve të ciklit të dytë në “Master Profesional” dhe “Mas-ter i Shkencave”. Vit pas viti FE është pasuruar me programe të reja studimi, të

BACHELOR ME KOHË TË PLOTË

BACHELOR ME KOHË TË PJESSHME

MASTER PROFESIONAL ME KOHË TË PLOTË

MASTER I SHKENCAVE ME KOHË TË PLOTË

cilat ndihmojnë në formimin profesional e shkencor të studentëve. Vetëm në vitin akademik 2013-2014 janë hapur edhe dy programe të reja studimi të ciklit të parë me kohe të plotë në “Shkenca juridike në biznes” dhe “Shkenca juridike në sektorin publik”, një program bachelor me kohë të pjesshme në “Informatikë ekonomike”, si dhe një program në Master profesional në po të njëjtën fushë.Aktualisht Fakulteti Ekonomik, në tërësi ofron tetë programe studimi bachelor me kohë të plotë dhe katër programe të tilla me kohë të pjesshme. Sipas Ligjit të Ar-simit të Lartë në RSH numri i krediteve për secilin program studimi të ciklit të parë është 180. Programet e studimit në “Mas-ter i Shkencave” janë me 120 kredite dhe 90 kredite ato në “Master Profesional”. Studimet në “Master Profesional” u vijnë në ndihmë të gjithë studentëve të cilët kanë përfunduar ciklin e parë të studi-meve në arsimin e lartë. Periudha kohore për të marrë formimin e duhur në këtë program studimi është 1 vit akademik e gjysmë, duke përfshirë këtu edhe prak-

tikën profesionale. Është e domosdoshme për çdo individ që punon në administratë publike apo biznes privat që të kualifiko-het dhe specializohet në sektorin e tij të punësimit. Master-i i Shkencave, ndryshe nga ai profesional, zgjat dy vite akademike dhe ndjekja e tij është e domosdoshme për të gjithë studentët që synojnë një karrierë ak-ademike dhe kërkojnë të ndjekin studimet e ciklit të tretë, të doktoratës. Deri në vitin 2007, periudha kohore për përfundimin e studimeve të ciklit të parë ka qenë katër vite akademike për të dyja format e stu-dimit, me kohë të plotë dhe të pjesshme. Nga viti 2008 e më tutje, me zbatimin e Procesit të Bolonjës në sistemin tonë arsi-mor, cikli kohor i studimeve për kohën e plotë u reduktua në tri vite akademike. Më poshtë po paraqesim disa të dhë-na statistikore mbi shifrat mesatare të regjistrimeve në pesë vitet e fundit, të dhëna që mund të krijojnë një panoramë të zhvillimit të këtij fakulteti dhe prirjes së studentëve në zgjedhjen e programeve të studimit:

Përgatiti Msc. Ina Sejdini

E-Learning Seminar mbi Turizmin Malor

Turneu “FE Kalçeto” Në muajin Maj - Qershor në ambjentet e kompleksit sportiv “Pepa”

FAQE 3

Dy fjalë

Kanë kaluar disa vite që nga koha kur unë isha studente e Fakultetit Ekonomik të Universitetit “A. Xhuvani” dhe sot ndihem shumë entuziaste që ky fakultet është zhvilluar me ritme të shpejta jo vetëm në infrastrukturë por edhe në kualifikimet e stafit akademik të cilin unë e falenderoj për përkushtimin dhe punën e tyre të vyer ndër vite. Gjithashtu, dua ti uroj punë të mbarë edhe Bu-letinit të FE. Ky është shkrimi im i parë dhe unë kam zgjedhur të ndaj me të gjithë studentët dhe stafin eksperiencën time të të mësuarit online falas me universitetet më të mira të botës dhe t’iu ftoj edhe juve të përfitoni nga kjo mundësi.

Teknologjia e informacionit ka përparuar me hapa të shpejtë, duke i mundësuar çdonjërit prej nesh të jetë në kontakt të va-zhdueshëm jo vetëm më miqtë dhe të afër-mit por në mënyrë specifike të jetë i infor-muar mbi çdo gjë që ndodh përreth nesh pavarësisht kufijve gjeografikë. Zhvillimi me hapa kaq të shpejtë dhe sofistikues i teknologjisë padiskutim që i hapi rrugën bërjes së biznesit online duke përfituar nga avantazhet që sjell kjo mënyrë e të bërit biznes. Një nga arritjet e mëdha të teknologjisë së informacionit është edhe revolucionarizimi i të mësuarit online. Kjo teknikë e mësimdhënies dhe e të nxënu-rit ka njohur një zhvillim shumë të madh në vendet perëndimore, Amerikë etj dhe është jo shumë e përhapur në vende të cilat kanë një infrastrukturë jo shumë të për-paruar por që është duke u zhvilluar dhe duke iu dhënë prioritet. Edhe në Shqipëri, procesi i mësimdhënies online mund të konsiderohet në hapat e tij të parë, por kjo nuk na pengon aspak që ne të përfitojmë nga eksperienca e vendeve të tjera. Edhe fokusi i këtij materiali është të in-formojë të gjithë studentët, se ekzistojnë një sërë universitetesh në të gjithë botën, të cilat ofrojnë kurse profesionale online pa pagesë pothuajse në të gjitha fushat si: financë, manaxhim, marketing, ekono-miks, statistikë, histori, arkeologji etj. Në këndvështrimin tim, kjo është një mundësi e artë për këdo që dëshiron të bëhet pjesë e një eksperience nga universitetet më të mira të botës dhe të vlerësohet më një cer-tifikatë në rast se e përmbyll me sukses një kurs të caktuar. Mund të përmend disa nga universitetet që ofrojnë këto kurse: Uni-versiteti i Londrës, Universiteti i Torontos, Universiteti i Washingtonit, Universiteti

“La Sapienza” i Romës, Universiteti i Am-sterdamit etj.Por cilat janë lehtësirat dhe përfitimet e frekuentimit të një kursi të tillë?

• Së pari është shumë e rëndësishme të theksohet se këto kurse ofrohen nga universitetet më të mira të botës pa as-një lloj detyrimi financiar (falas);• Ju mund të zgjidhni vëtë kohën më të përshtatshme të frekuentimit të këtyre kurseve;• Ju keni mundësi që të downlodoni tekste ndërkombëtare mësimore ose materiale të tjera të nevojshme për kry-erjen e kursit falas;• Për përgatitjen e kursit ju duhen vetëm 4–5 orë përgatitje në javë;• Në rast se kursi përmbyllet me sukses (merr të paktën 70–80% të pikëve), universitetet përkatëse ju pa-jisin me një çertifikatë me emrin dhe mbiemrin tuaj, llojin e kursit të ndjekur, firmën e instruktorëve dhe padiskutim me logon e universitetit;• Në rast se merr të paktën 90% të pikëve, universitetet përkatëse ju pajisin me një çertifikatë speciale e cila është e verifikueshme online. Njëkohësisht këto çertifikata janë një burim me vlerë edhe për CV–të tuaja.

Më poshtë paraqiten edhe mostra të çer-tifikatavë që mund të përfitohen në rast se kursi mbyllet me sukses. Ndërkohë, nëse dëshironi më shumë informacion mbi to mund të vizitoni adresën:

http://help.coursera.org/customer/portal/articles/1164817-what-are-the-differenc-es-between-a-statement-of-accomplish-ment-and-a-verified-certificate-

Për të gjithë të interesuarit, ju ftoj të vizitoni faqen zyrtare www.coursera.org/courses Në këtë website do të gjeni të gjithë in-formacionin e nevojshëm se si proçedohet, cilat janë datat e frekuentimit të secilit kurs dhe informacione mbi mënyrat e vlerësimit apo zhvillimin e procesit të mesimdhënies.

I uroj suksese të gjthë atyre që dëshirojnë të përjetojnë një ekspëriencë të re dhe të pasurojnë e zhvillojnë më tej dijet e tyre.Gjithashtu, meqenë se kanë mbetur edhe pak jave nga mbyllja e këtij viti akademik, i uroj të gjithë studentëve shumë suksese në arritjen e objektivave të tyre.

Përgatiti: MsC. Xhensila Abazi

Ekipi i alpinizmit, skive dhe turizmit malor (AST Elbasani) në bashkëpunim me Fakultetin Ekonomik dhe Qeverinë Studentore, kanë organizuar një takim me studentët e degës Ekonomi-Turizëm. Qëllimi i këtij takimi ishte promovimi i resurseve turistike të qarkut të Elbasanit dhe aktiviteteve sportive e kulturore që zhvillon ekipi i Alpinizmit. Gjithashtu qëllim kyç i takimit ishte zgjimi i interesit të studentëve për t’u bërë pjesë e këtyre ak-tiviteve dhe njëkohësisht mundësia që ata të bëjnë praktikë në terren si udhëheqës të grupeve turistike. Trajneri dhe Kryetari i Shoqatës së Alpinizmit në Elbasan, Artur Guni ka prezantuar aktivitetet e shoqatës dhe njëkohësisht u ka bërë thirrje stu-dentëve të bashkohen me këtë ekip. Sipas Gunit aktivizimi në ekipin e Alpinizmit, i jep mundësi studentëve të njohin më nga afër resurset turistike, gjë e cila do ti ndi-hmojë ata në të ardhmen për t’u punësuar në agjensi turistike. Guni ka treguar mbi historikun, qëllimin dhe aktivitetet e or-ganizuara deri më sot nga ekipi i alpin-izmit në Elbasan. Si një ndër ekipet më të organizuara dhe me një pjesëmarrje të

Në muajin Maj, Fakulteti Ekonomik organizon për studentët e këtij fakulteti kampi-onatin e parë të “Kalçetos”. Ky projekt është një risi për jetën studentore në këtë fakultet, ku studentët e të gjitha degëve të studimit do të ndeshen midis tyre për fitimin e titullit kampion për këtë vit akademik. Ndeshjet do të zhvillohen pranë Kompleksit Sportiv “Pepa” gjatë muajit Maj sipas programit të miratuar nga Komiteti Organizativ. Pro-gramin e ndeshjeve e gjeni të afishuar në ambjentet e Fakultetit.Ftohen të gjithë studentet e Fakultetit Ekonomik, që dëshirojnë të marrin pjesë në këtë aktivitet sportiv të regjistrohen në skuadrat e degëve të tyre. Afati i fundit i regjistrimit është data 30 Prill.

Ndeshjet do të zhvillohen nga 60 min, za-konisht ditëve të Premte sipas programit (që mund të ketë edhe ndryshime për ar-syse klimaterike apo objektive).

lartë të pjesëtarëve në rang kombëtar, ekipi elbasanas ka bërë të mundur shpalosjen e mundësive për promovimin e zonave turistike malore, nëpërmjet aktiviteteve sportive. Elbasani falë pozitës gjeografike dhe shtrijes në disnivele hipsometrike, ka mundësi të pamasë për zhvillimin e turizmit malor, por njëkohësisht edhe të promovimit të Trashëgimisë Kulturore dhe Historike që kanë mjaft zona të këtij qarku. Në fjalën e tij Dekani i Fakultetit Ekono-mik Altin Idrizi u shpreh se studentët duhet të bëhen pjesë e aktiviteteve sportive dhe të mos mbeten në ambientet e fakultetit. Ai shtoi se në të ardhmen ky fakultet do të vijojë organizimin e takimeve të tilla.Takimi ka zgjuar interesin e studentëve, ku këta të fundit me anë të pyetjeve janë njohur më në detaj mbi akivitetet që or-ganizon ky ekip dhe njëkohësisht interesi i tyre për t’u bërë pjesë e tij. Në takim është prezantuar edhe një reportazh me bukuritë natyrore të qarkut të Elbasanit dhe mundësitë e zhvillimit malor në këto zona.

Përgatiti Julian Hoxhaj

GRUPI A1. Financë - Kontabilitet 2. Administrim - Biznes3. Shkencat Juridike në Biznes 4. Informatika Ekonomike

GRUPI B1. Ekonomia dhe e Drejta 2. Adm. Biznes dhe Inxhinieri3. Ekonomi Turizëm 4. Shkenca Juridike në Adm. Publike

Kalendari- Muaji Maj në datat 2, 9, 16, 23, 30- Finalja 30 Maj- Orari do të jetë rreth orës 10:00

Përgatiti ProjektinMsC. Arsim Berisha

FAQE 4

Projekti EUROWEBNjë mundësi e shkëlqyer për studentët tanë

Projekti EUROWEB (European Research and Educational Collaboration with Western Balkans), i financuar nga Komisioni Europian, synon të krijojë një rrjet mobilitetesh akademike ndërmjet vendeve evropiane dhe vendeve të Ballkanit Perëndimor. Konsorciumi përbëhet nga 17 institucione të arsimit të lartë (9 nga Evropa dhe 8 nga Ballkani Perën-dimor) dhe koordinohet nga Universiteti Malardalen, Suedi.

Me një financim prej gati 4 milionë eurosh, projekti EUROWEB do të krijojë mundësi që më shumë se 200 studentë/pedagogë nga universitete të Ballkanit Perëndimor të kryejnë një pjesë të studimeve të tyre në një nga institucionet partnere të BE. Shkëmbimi i personelit, njohurive dhe kompetencave në fusha të shumta të shkencës dhe teknologjisë nga konsorciumi pritet të ketë ndikim pozitiv dhe afatgjatë në zhvillimin e qëndrueshëm social - ekonomik të vendeve të Ballkanit Perëndimor.

Studentët që marrin pjesë në këtë program pritet të jenë promotorë të ardhshëm të zhvillimit industrial dhe përsosmërisë kërkimore në kontekstin global. Projekti EUROWEB ka për qëllim të pajisë studentët me njohuri në fushat shkencore dhe teknologjike, duke u bazuar në pjesën teorike dhe përvojën praktike me një perspektivë ndërkombëtare, dhe përgatitjen e tyre për të marrë pjesë në hartimin dhe menaxhimin e sistemeve të mëdha dhe komplekse infrastrukturore (duke përfshirë sistemet e software –intensive). Qëllimi i projektit është gjithashtu të forcojë rrjetin akademik të mobiliteteve ndërmjet vendeve të BE-së dhe vendeve të Ballkanit Perëndimor, për të arritur përsosmëri në kërkimin shken-cor dhe edukim, me një fokusim të veçantë në fushën e teknologjisë së informacionit dhe inxhinierisë në kontekstin global.

• Household wares• Porcelain• Glassware

PETRIT HASEKIUmanager

Adresa: L. “Skënderbej”, pranë autostradës, Elbasan, Albania

e-mail: phasekiu@yahoo.com

Universitetet partnere që formojnë konsorciumin janë:Universitete të vendeve të BE-sëMälardalen University, Suedi (Koordinatori)Universita degli Studi dell’Aquila, ItaliVU University Amsterdam, HollandëUniversität Paderborn, GjermaniÅbo Akademi University, FinlandëSofia University St. Kliment Ohridski, BullgariPolitehnica University Bucharest, RumaniUniversity of Westminster, Mbretëria e BashkuarUniversitat de les Illes Balears, SpanjëUniversitete të vendeve të Balkanit PerëndimorUniversity of Sarajevo, Bosnja dhe HercegovinaUniversity of Niš, SerbiSs. Cyril and Methodius University – Shkup, MaqedoniUniversity of Mostar, Bosnja dhe HercegovinaUniversity of Banja Luka, Bosnja dhe HercegovinaUniversity of Belgrade, SerbiUniversity Mediterranean Podgorica, Mal i ZiUniversity of Elbasan “Aleksandër Xhuvani”, Shqipëri

Ky projekt ka filluar që në vitin 2011 dhe thirrja e parë për aplikim u zhvillua gjatë periud-hës dhjetor 2011 – shkurt 2012. Në këtë thirrje aplikuan gjithsej 19 studentë dhe nga këta 7 studentë nga universiteti ynë fituan të drejtën për të shkuar për një vit akademik (10 muaj) në një nga universitetet partnere të vendeve të BE-së dhe më konkretisht:

Po në këtë thirrje shpallen fitues edhe 2 studentë nga Universiteti Politeknik i Tiranës, të cilët fitojnë të drejtën për të vazhduar studimet Master për një periudhë 22 mujore në Mälardalen University në Suedi.

Gjatë periudhës Dhjetor 2012-Shkurt 2013 zhvillohet thirja e dytë për aplikime ku ap-likojnë gjithsej 29 studentë nga Universiteti i Elbasanit dhe nga këta 16 studentë fitojnë të drejtën e bursës. Dy prej tyre, të cilët fituan të drejtën për një mobilitet prej 10 muajsh në Mälardalen University në Suedi, nuk arritën të pranoheshin ne atë universitet për shkak se nuk zotëronin një çertifikatë me nivelin e duhur të Gjuhës Angleze. Studentët e tjerë, të cilët aktualisht ndodhen jashtë shtetit për një vit studim, janë:

Gjatë periudhës 16 Maj – 15 Qershor 2013 u zhvillua dhe thirrja e tretë për aplikim dhe në këtë thirrje pjesmarrja e studentëve ishte më e vogël, vetëm 7 studentë arritën të bënin apli-kime të plota dhe nga këta 4 studentë fituan të drejtën për mobilitet dhe më konkretisht:

Ndërsa gjatë periudhës 18 Nëntor 2013 – 31 Janar 2014 u zhvillua dhe raundi i katërt i apli-kimeve ku morën pjesë 25 studentë me aplikime të plota dhe nga këta u miratuan për mobi-litet 13 studentë ndërsa 2 të tjerë janë në listën reservë. Studentët që kanë fituar të drejtën e studimit për 1 vit jashtë shtetit duke filluar nga 1 shatori i vitit 2014 janë:

Aktualisht po zhvillohet dhe raundi i pestë dhe i fundit i aplikimeve dhe data e fundit për aplikim është 25 prill 2014. Ky do të jetë dhe raundi i fundit i përzgjedhjes së studentëve. Për çdo informacion apo ndihmesë në proçesin e aplikimit kontaktoni me personin e kontaktit për Universitetin e Elbasanit dhe për të gjithë Shqipërinë në këtë projekt Dr. Altin Idrizin (Fakulteti Ekonomik, zyra 201). Vlen të përmendet këtu që të gjithë studentët që kanë aplikuar në këtë projekt kanë qenë studentët me rezultatet më të larta nga studimi i tyre në Fakultetin tonë dhe në Fakultetin e Shkencave të Natyrës. Momentalisht Fakulteti Ekonomik ka aplikuar dhe në 4 projekte të tjera Erasmus Mundus dhe shpresojmë të marrim pjesë në sa më shumë projekte të tilla, të cilat përveç impaktit shumë pozitiv që kanë mbi jetën studentore dhe akademike të studentëve fitues, kanë një rëndësi shumë të madhe edhe për promovimin dhe njohjen sa më të gjerë të Fakultetit, por edhe të vetë Universitetit të Elbasanit, në Shqipëri dhe në botë.

Përgatiti Dr. Altin Idrizi

FAQE 4