Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

GAS NEWS Agency : SASBooking :17th. April., 2017 to 17th. May., 2017delivery :29-09-2017 (FrI) Time :9AM-tillstockstOCK : 280/-rate:Rs. 700/-

HmasawnnaTharVol-32/339 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

THLArAm (sepTember) 29, 2017 zirTAwpni (fridAy)

NEWS TOMkiMcHANcHIN LAKTAWI

GAS NEWS Agency : KIM JOEBooking :29th. May, 2017 to 15th.June., 2017delivery :29-09-2017 (FrI) Time :9AM-tillstockSTOCK: 306(first come firse serve)

Symposium nei hun ding sawnhnaiCCpur : ‘Symposium on Hmar Bible Translation’ October 10, 2017 a nei din-ga ti chu remchangnawna a um leiin October 9, 2017 a nei lem dinga a hun sawnh-nai a nih tiin Secratary, Hmar Bible Translation Committee (HBTC) chun inhriettirna a siem.

Computer Skill test Oct. 4, 2017 ahimpHAL : Public Health Engineering Department (PHED), Manipur hnuoia thawk ding Office Assis-tant-cum-Computer Op-erator posts 20 lakna dinga

24/09/2017 a Written Test result chu 27/09/2017 khan insuo a nita a, candidates 105 an hlawtling. Candi-date hlawtlinghai ta dingin Computer Skill Test Oc-

tober 4, 2017 9:30 AM a inthawk State Academy of Training, Takyelpat hmuna nei ning a tih tiin PHED, Govt. of Manipur chun inhriettirna a siem.

Vangai range Biometric lakna Sept. 28 a inthawk

pHerzAwL: Pherzawl district sunga Vangai Range Sub-Division huopsunga Biometric lakna le Aadhar Generation chu September 28, 2017 a inthawk Octo-ber 28, 2017 inkar sung thaw ning a tih. Hi ding le inzawm hin MANITRON a inthawk technicians le SDO, Van-

gai Range team chun Sep-tember 27, 2017 khan Imphal-a inthawk Vangai Range an pan ta niin SDO, Vangai Range chun a hril. Biometric le Aadhar Generation thawna hi khuo Lal, VA, Kohran le civil society, schools le mitin thlawp dingin SDO/Vangai Range chun ngenna a siem.

Mi 7 in nomination an peklut tah

CCpur: October 17-19, 2017 inkar sunga Thanlon Sub-Division, Bukpi khuoa ‘Nam inpumkhatna” ti thu-pui hmanga Paite Tribe Council (PTC) GHQ As-sembly-cum- General Elec-tion hung um ding le inza-wmin mi 7 in nomination paper an peklut tah.

EBC khawmpuiCCpur: October 6-8, 2017 inkar sung khin EBC Lamka South Division chun EBCC Dorcas Veng, New Lamka hmunah “Diktatna a Kilamthakna” ti thupui hmangin khawmpui a vawi 11-na nei an tih. Khawm-pui sung Rev. Paukhan-mang Guite, Director of Ministries, EBC le Rev. V. Nenglian, D/S, LSD hai speaker in \hang an tih.

Zan 3 sung aw ding HSA Carnival \an

CCpur: October 3, 2017 nia HSA CCPur JHQ in HSA Day puithu taka hmang an tumna le inzaw-min HSA Day Celebration Committee hmalaknain zan 3 sung aw ding HSA Carnival-2017 chu Sep-tember 28, 2017 zan khan Tv. Eric Fimate, Secre-tary, HSA Sielmat Unit in Pathien kuoma \awng\ai-nain a hawng a. Hawng a ni zo hin \an nghal a nih. HSA Carnival hin hlut-sak a hlaw hle a, inchuklai, |halai, nu le pa le naupang tam takin an sîm tawl. Carnival hi Septem-ber 30, 2017 (Inrinni) zan

chen aw ding a ni a, hi hun sung hin inkhelna chi tum tum- thlalak print nghal thei dam, insukhlimna chi hran hran, coffee le a dang dang, FIFA 16 le Militia Tuornament hai um bawk a tih. HSA Day hmangna ding le inzawma fund raise na dinga hieng thil hi buotsai a nih. Carnival hlutsaktu hai po po HSA Day Cel-ebration Committee chun chanchinbu fethlengin lawmthu a hril a, a tawp chena hung hlutsak pei dingin mitin kuomah ngenna a siem bawk.

Motor eksiden-a hliem hai hung phurtlung

CCpur: September 27, 2017 Tipaimukh Road zuia Lamka-a inthawk Pamzal pana tlan Tata Pick-up motor MN02A 7424 Saihum le Santing inkara eksiden leia hliem mi 7 hai chu District Hos-pital phurtlung an nitah. Eksiden tlung hunk ha zan-tieng 3:30PM niin ei thu dawngna chun a hril. Hi motor eksiden leia hliem inrik zuol 4 hai chu Sept. 27, 2017 zan dar 9:00

khan Parbung-a inthawka hung passenger phur Pick up motor hmanga district hospital hung phurtlung an ni a, hliem dang mi 3 hai chu zanikhan PHC Thanlon Ambulance hmangin Lei-jangphai a inthawk District Hospital hung phurtlung nawk an nih. Hliem inrik zuol zani hmasa zana hung phurtlung hai chu- Tualzamuan (39) s/o P Lammang of Pamjal (V Munhoih, New Lamka

a um mek) ; Lalmuansang (20) s/o Ginthang of Pam-jal, (Zion Veng, Rengkaia um mek); Thianneikap (40) s/o (L) Letkhohau of Gouchinkhup Veng, New Lamka le Hoineimuang (18) d/o P. Tunkham of Pamjal (Zion Veng, Reng-kai-a um mek) hai an nih. Hi motor eksiden a thi BRTF hnuoia labour sin-thaw Zabir (45) BRTF han a ruong hi an buoipui a, zanikhan District Hospital-ah Dr Robert in a ruong hi Postmortem a thaw a, Sainoujang khuoa a ruong vuiliem ni dingin ei thu dawngna chun a hril. Motor neitu Tualza-muan chun, KTC electric post phunna dinga lampui an chona hmuna motor hi inletthlu niin a hril.

Jadonang Me-morial Football

Tournament impHAL : Zeliangrong Football Association (ZFA) huoihawtnain November 8, 2017 a inthawk THAU Sports Complex, Thang-meiband, Imphal West District-ah 11th Jadonang Memorial Football Tourna-ment, 2017 nei ning a tih. A hrat tak (winner team) in lawmmanin Rs. 1,00,000 le Trophy, Runner-up team in lawmman Rs. 50,000/- le Third place in lawmman Rs. 25,000/- dawng an tih. Thu chieng lem ZFA Head Office, Kakhulong, Paona Bazar, Imphal-ah hriet thei ning a tih. Entry form Sep-tember 30, 2017 a inthawk sem suok \an ning a tih.

Compound sung an in-thielfai tawl

CCpur: District Hospital, CCPur chun thienghlimna tiengpanga hma nasa ta-kin an lak zawm pei a, zani zingkar khan District Hospital administration in-rawinain hospital a thawk Doctors, Nurses le staff han social work neiin cam-pus sung inthielfaina sin an thaw.

District Hospital hi 71st Independence Day 2017 huna khan District Admin-istration hnuoia department tum tum faina tienga inel-naah pakhatna latu an nih. Chun, Employment Exchange staff hai khaw-min zanikhan social work neiin an office campus sung inthielfaina sin an thaw.

SP/CCPur hmang ding Bul-let Proof motor

CCpur: Superintendent of Police (SP), Churachan-dpur hmang ding Bullet proof Mahindra Scorpio chu September 25, 2017 khan Churachandpur hung phurtlung a ni ta a, motor hi SP/CCPur in a hmang mek. Bullet proof motor hi silai dang dang hieng AK, Baretta, LMGs, Hand Grenades le IEDs hai laka khawm him tawk dinga siem a ni a, a chung hi mi pakhat silai le ngir suok theina ding tawk hawng theia siem a ni bawk a nih.

Pieng Danglam Hai Ta Ding Scheme Thar Oct. ah Hlen Nîng A Tih: cMBeneficiaries 642 Hai Kuomah Loan Rs. 2.25 Crore Sem Suok A nih

impHAL: Chief Minister Mr N. Biren Singh, “Peo-ples’ Day” a mi pieng suol or pieng danglam pakhat ni tin fak ding hni dinga hung a hmua a mitthli le insawp nuk pa chun, piengkena ruol banlo, danglam taka pienghai sukhmasawnna dingin October chawlkâr hnina vela khin Scheme Thar a duong nîng a tih tiin a hril. Hi thu hi Manipur State Cooperative Bank Ltd (MSCBL)-in Old Secretar-iat, Imphal-a Manipur State Credit Linkage Program an neina huna a hril a ni a. Scheme Thar hnuoia hin pieng danglam han an busi-ness bul an \an theina dingin soft loan (interest tlâwm) pek an nih ding thu hrilin, piengkena ruol banlo tak takhai lem chu thla tina ‘sti-pend’ an hmu thei dan dinga siem a ni ding niin a hril. Chief Minister chun, hi Scheme thiltum tak chu, pieng danglam, khawtlâng, ram le hnam ta dinga mi

\angkai tak tak nih vehai ta dinga Corpus Fund a um theina ding le anni \hangpuina dingin bank, corporate house/company/agency, private organiza-tion, NGO le mimal, etc. hai theitawpa lo thlawpa lo \hangpui dingin seng din-gin a ngen tâwl. Hi thu le inzawm hin, Social Welfare Minis-ter Ms Nemcha Kipgen chun, sawrkârin thei tawpa \hangpui a nuoma chu du-thusama \hangpuina dingin

sum le pa a lan dai naw leiin tlâwm te te’n a awm takhai kuomah tlâwma za-wng lo pek an ni thu a hril. Program-a \hang ben-eficiary mi 642 hai kuomah loan a rêngin Rs. 2.25 crore a sem suok a nih. Ms Nemcha Kipgen chun, sum ngîrhmun hatsat lai taka ei sem a ni a. Chuleiin, Banks hai khawmin thung nâwkna ding kawn-gah \ha taka an thung theina dingin Recovery Officer hai sukhrât dingin an hriettir. Chief Minister Mr Bi-

ren Singh chun hung tlung ding November 21-a Sangai Festival ah Indian President Ramnath Kovind khawm a hung \hang ding niin a hril. Ei ram hmasâwnna ding chun Foreign Investment hai ei \ul a. Chuonga in-vestment hlâwk tak hung thaw nuomhai ngaidân, an Project Proposal hai ena hriltlângna ding hun Sangai Festival sung hin Develop-ment Summit khawm nei a ni ding thu a hril a. “Manipur chu buoina

state anga hriet a nih leiin, foreign investment \ha ta-kin an hung thaw ngam naw a. Chuleiin, mimal le pawl tukhawma hieng mihai an hung lut theina dingin, a chawkbuoi theina band/strike, in\huoihmang, in\hi\haina, etc. hmang ta ngai lo dingin a ngen tâwl. CM chun Sangai Festi-val sûnga hang ding Night Plaza, Governor In kawl lai a siem ding chu October 2 a inthawka hawng \an a ni ding thu a hril a. Hi hi Imphal Evening tia ko a nih ding niin a hril bawk. Environment Minister Th Shyamkumar le Social Welfare Minister Mr Nem-cha Kipgen hai chu Guest of Honour le Functional President-a hmang an nih a. Guest of Honour Mr Th Shaymkumar chun loanee hai chu a hun taka loan rul dingin a ngen tâwl a. A hun taka rul zoa a nêka tam khawm apply nawk pei thei a nizie a hrilfie tâwl. Night Plaza thuah sung tin

– a nuom taphawt – ta dingin, sun sin sâwl taka an thaw zo hnunga zan hun hlimum tak hâdam taka an hmang theina dinga buotsai a ni thu a hril. Ms Nemcha Kipgen chun, Cooperative Bank hai siem\hatna ding le tungding nâwkna ding proposal chu concerned ministry kuomah pek lut a nih tiin a hril a. MSCB hi Manipur pumpui ta dinga bank hai Nu a nina lai a um a. Nu a nina angin a nauhai hnesaw takin a enkawl ding a nih tiin Co-operative Bank nina le sin-thaw dan ding a hril. Tu taka Cooperative Bank sum ngîrhmun a \ha rak naw leiin, Bank chun thawktuhai chu taima taka recovery tieng sin thaw nguk dinga zirtîr le tir din-gin thuneituhai an fui. Hi ni hin Manipur State Coop-erative Bank ATM booth khawm MSCB Complex ah hawng a nih. MSCB Ltd chun Chief Minister Relief Fund ah Rs. 1 lakh a donate bawk.

Pre-Recruitment Training an neipuisenApATi: October 3-10, 2017 inkar sun-ga Leimakhong hmuna Army lakna (recruitment) hung um ding le inza-wmin Maram Battalion chun September 25, 2017 a inthawk khan Senapati District-a inthawk Army laknaa \hang dinga regis-tration thaw hai ta dingin Pre-recruitment training an huoihawt. Pre-recruitment training a hin Bn AOR fethlenga Online-a registration thaw mi 250 an um a, Septem-ber 26, 2017 khan written

exam nei a ni a, hi taka hin candidates 87 an \hang. Pre-recruitment training-a \hang hai hi an umna ding bakah an fak le dawn ding chen an pek a nih. Chun, Red Shield Division-a Senapati Bri-gade hnuoiah Tamenglong Battalion chun Model Residential School, Reng-pang hmunah Sept. 26, 2017 khan mini marathon an huoihawt bakah ‘PROJ UJALA’ hnuoiah Muktina village, Tamenglong dis-trict khaw mi hai kuomah solar lamps an sem bawk.

MLA Hai Kerosene Quota Bill Passed A Um Nawh: Karam ShyamimpHAL: Consumers Af-fairs, Food and PD minister Mr Karam Shyam chun, Manipur MLA hai ta dingin thla tin or kum tin Kerosene quota siena dinga Manipur State Assembly-in Bill a pass iengkhawm a um nawh tiin a hril. Hi thu hi Congress par-ty thupuongtu Joy Kisan-in MLA hai Kerosene quota chungchâng thua BJP sawrkâr a demna thu le inzawma Sanjenthong-a a chengnaina press confer-ence-a huna a hril a nih. “Political party \henkha-tin BJP sawrkâr an tumnahai chu bêlchieng dawl lo a nih” tiin a hril a. Sawrkar thar chun “Kerosene Reserve” a inthawkin MLA hai quota dingin a sukpung ta niin a hril. Thautui sukpawrchena veng thei a ni hnung lem chun mitin ta dinga indai tâwk tak

Kerosene pek suok (sem) zing a ni tah tiin a hril bawk. Tuta sawrkâr hin sawrkâr hmasa thla li (Dec. 2016, January – March 2107) ‘backlog’ khawm 12 KL bitukin sukfel ni tain a hril a. Thla tina 3KL pei ding a nih. State chanvo ding Kerosene hmu dan kawngah inkhuongruol lo takin ‘fluctuation’ um sienkhawm MLA hai ta ding chun intan lova supply vawng an nih. Minister chun SK Oil pek dawk dan chun

April-June 2016 ah 5561 KL (MLA hai ta dingin 2 KL), July-September 2016 ah 5292 KL (MLA tin 2 KL), April-June 2017 ah 4476 KL (MLA hai 2.5 KL seng), July-Sept. 2017 ah 4476 KL (MLA tin ta ding 2.5 KL niin a hril. Pu Karam Shyam chun, ei state ah LPG Ningol Chakkuoba sung a um zing theina dingin thuneituhai an cha a. Manipur-a LPG harsatna thuah indiknaw taka lo thaw rukhai chu in-dawi lo taka hrem nîng an

tih tiin a hril. Mipui consumer hai khawmin an subsidy ding an inhmang \an ta niin a hril a. A \ul chun CM râwn pum zingin Union Minister of Petroleum and Natural Gas kuomah an tlun el ding thu khawm a hril. A hril dan chun, tu tak hin ei state consumer mi 3, 60, 413 hai ta dingin subsidized LPG 14.2 Kg bur 51, 17, 864 a mamaw niin a hril. Amiruokchu, IOC chun April khan khan 2791.663 MT a mi pek a. May ah1377.214 MT, June ah 2092.76 MT, July ah 1398.13 MT, August ah 1663.7 MT le September 2017 ah 1147.98 MT niin a hril. Mipui harsatna phuhruk hi sawrkawr thiltum a ni a, a phuhruk ngei ding a nih tiin a hril.

impHAL: Lieutenant General Anil Chauhan, AVSM, SM, VSM, Gen-eral Officer Commanding 3 Corps chu Manipur-a ni 2 sung cham dingin Ma-

nipur-ah a hung inzin a. Zani hmasa zantieng khan Manipur Chief Minister N. Biren Singh inhmupuiin Durga Puja chibai a buk. Manipur CM an hmu-

GOC 3 Corps in Manipur CM an hmupuipui huna hin Assam Rifles Manipur chief General Vi-render Singh khawmin a zui. CM N. Biren Singh an hmupui huna hin Manipur security le Law and Order ngirhmun hai an hriltlang a. CM N. Biren chun Ma-nipur-a dan le thupek en-kawlna kawnga le inremna le muongna a um theina dinga Army hai sinthaw chu ropui a ti thu GOC kuomah a hril. Lt. General Anil Chauhan hi Septem-ber 28, 2017 a kha Manipur hungtlung a nih.

Yashwant Sinha in Demonetisation le GST leiin Economy a suksiet pha niin an tumnew deLHi: Tulaia India econo-my tlakhnuoi tieng a pan mek le inza-wmin senior BJP leader Mr Yashwant Sinha chun centre-a BJP sawrkar sawiselin, Finance ministry in Non-performing Assets (NPAs) chingfel theinaw lei a nih tiin an tum a, econ-omy tlakhnuoinaa hin sawrkar hmasa le Opposition Congress hai intumna ding a um nawh tiin a hril. Indian economy tlakhnuoi thua Mr Yashwant Sinha in BJP sawrkar an tumna thu zani hmasa article a ziek le inzawma inselna le BJP lead-er han an khingletna le inzawma hi thu hi zanita Mr Sinha in a hril nawk a ni a, Demonetisation le Goods

and Services Tax (GST) hmanga um hai chun Indian Economy tlakhnuoi naah maw nasa takin a phur a nih tiin

a hril bawk. India pawisa notes that leia econ-omy in a tuor mek lai GST hmang \ana hung um nawk leia ei economy in a thawhla pha a nih tiin Sinha chun a hril. Cashless economy chu a thlawp thu hril a, sienkhawm pawisa note that le inruola thaw zawm kha a fam-kim nawna a nih tiin a hril. Mr Sinha in Economy tlahn-uoi mek le inzawma Centre-a BJP sawrkar a sawiselna hi BJP \huoitu-hai chun an lak ursun hle a. Finance Minister Arun Jaitley chun Mr Sinha chu finance minister a ni laia record theinghila kum 80 hnunga sin zawng-tu tiin zanikhan a dawnlet.

Hmasawnna Thar2 THLArAm (sepTember) 29, 2017zirTAwpni (fridAy) ArTiCLe/HeALTH & empLOymenT news

Editorial Boardlalmalsawm sellate: Editor& Publisherroding l. sellate: Jt. Editor Joseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUIHmu theia fe loin, ringnain ei fe lem si a. Muong-takin ei um a nih, taksaa um lova Lalpa kuoma um ei nuom lem si a. Chuleiin um inla, um naw inla khawm, ama lawmzawng mi ni ei tum tlat hlak a nih. - 2 Korinth 5: 7-9

EditorialFak le dawn siemna hmun

Mihriem hriselna ding le dam sawt theina ding chun fak le dawn haiah fimkhur ding, fak ding inhnik le \ha hai fak le dawn ding a nih ti hai chu ei hriet seng. Amiruokchu, ei fak le dawn hai hi ei taksa ta dinga an miltawk le an buktawk ding a nih ti ruok chu ei la hriet \ha tawk naw niin an lang. Hi lei hin ei du hai chau ei fak \eu a, ei du naw thil, ei taksain a mamaw si hai ei fak ngai naw a, ei du zawnghai chau fak \awk le dawn \awk ei ching leiin ei hrisel ding angin ei hrisel thei naw niin an lang. Ei insumthei naw leiin fak lo ding, dawn lo ding, hawp lo ding le hmuom lo ding hai ei fak, ei dawn, ei hawpin ei hmuom hlak leiin natna chi tum tum ei invawi pha hlak. Hi lei hin fak le dawn kawngah hin fimkhur hle ding ei nih. Du zawng chau fa le dawn lova ei taksa ta dinga \ha, ei taksain a mamaw em em el, an hnik naw le ei du naw zawng hai khawm fa a, dawn hlak ding ei nih. Ei fak le dawn dinghai a fai le a thienghlim a \ul ang bawkin ei fak le dawn dinghai siemna hmun hai khawm a faiin a thienghlim bawk ding a nih. Sung-kuo tinin fak le dawn siemna hmun bik ei nei seng a, chu chu choka or busuongin ei tih. Tribal mihai hin ei fak le dawn siemna choka hi ei ngaipawimaw tawk naw niin an lang. Sungkuo \henkhat lem chun choka hi ui le ar siena, ei thil bal deu le an hnawk deu hai sienain ei hmang hlak. Hi hi bansan hmak ding a nih. Choka chu ei riekna pindan le ei common room hai ang thova ngaipawimaw a, sukfai hlak ding a nih. Hi thil hi hriselna ding chau a ni naw a, hma-sawnna le changkangna chi khat a nih. Churachandpur khawpui le a se vela cheng hai khawm hi kawng tum tumah ei hmasawnin ei chang-kang tawl ta hle a. Amiruokchu, fak le dawn siemna hmun chungthuah hin chu duthusam ei la ni nawh. Fak le dawn siemna le zawrna Hotel le Restaurant ei tihai khawm hi duthusama fai le thienghlim an la ni nawh. Fak le dawn siemna hmun a thienghlim tawk naw leiin Churachandpur Consumers’ Club (CCC) chun September 25, 2017 khan New Bazar, Thangzam Road, Churachandpur a Cine-View Res-taurant an khar pek ti thu kha ei hriet seng ring a um. Hi Hotel neitu hi Food Safety and Standard Wing, Churachandpur in fak le dawn siem dan le Hotel fai taka enkawl dinga warning vawihni lai an pek hnung khawma an thu hril ang a zui naw lei le a zawm chu-ong naw leia hi Hotel hi khara um a nih. Sawrkarin dan a siem dungzuiin Churachand-pur khawpui sunga bufakna hotel, Thingpui hotel, restaurant le riekna hotel hai chun Food Safety and Standard Wing a inthawk certificate an nei ding ti a nih. Amiruokchu, hiengang certificate la nei lo hi a tam lem an la niin an lang. Hi lei hin mawphurtu Food Safety and Standard Wing, Churachandpur in mipui hmakhuo ngainain hiengang certificate an nei thei sengna dingin hma hung la nasa nawk zuol sienla nuom a um. Hiengang Certificate neitlak lo hai chu an dawr khar pek pei sienla chu fak siemna hmun, hotel le restaurant thienghlim le faina kawngah hin nasa taka hma ei hung sawn pha ngei beisei a um. Hotel-hai chau ni lovin Churachandpur town sunga Sa zawrna hmun, Nga zawrna hmun, Hmeruo zawrna hmun le fak thei chi hran hran zawrna hmun hai khawm hi a fai tawk naw ti chu a hmutu seng ei nih. Hi kawngah khawm hin Churachandpur Con-sumers’ Club le Food Safety and Standard Wing, Churachandpur hai hi \hangruolin hma hung la hai sienla nuom a um. Fak thei le dawn thei thil hai lem hi chu haptakar tinin enfel thei hai sienla lawmum hleng a tih. Chun, khawtin le vengtinah sa hminsa zawrtu hai an tam hle a. Hieng sa hminsa zawrtuhai khawm hi an sa suong le an sa hminsa zawr hai hi mihriem hme ding le fak dingin a thienghlim tawk am ti enfel bawk hai sienla nuom a um. |henkhat chun sa \ha lo, a man tlawm an zawr hlak nia hril a nih. Ngaitha el lova enfel ngei chi a nih. Hiengang bawk hin bei siemna hmun le tui dawn ding siemna hmun hai khawm Food Safety and Standard Wing, Churachan-dpur hin hung enfel hai sienla mipui lawm hleng an tih. Food Safety and Standard Wing in dan le dun a siem zui lova thil thaw hi an um ringna a um thu hi hril rik a ni hlak. Tulai khawvel hi chu a tlin le tlak hai dam suokna le ngirsuokna a ni ta leiin, fak le dawn siemtuhai khawmin chu ngirhmuna um chu an thiltum a ni a \ul ta a nih.

sUKdIKnA (COrrIGendUM)Thuro Magazine Vol XIV Issue No 02 (April-June 2017)-a “MÂWLLAI NUN RAMA KHAN KÎR NAWK THEI CHANG SIEN AW” ti thupui hmanga ka thuziek, ph>k 12, para 3 tlar 5-na, ‘A bik takin Ror>ltuhai Bung 12 thu lek lem hi chu…’ ti kha suksuol pal a nih. “A bik takin Thuhriltuhai Bung 12 thu lem hi chu ….,” tia tiem lem ding a nih. Suksuol a nina chungch^ngah tiemtuhai mi ngaithiemna ka ng>n.

-H.zaneisang.Rengkai, Churachandpur: Phone 8962065735

InneInA JUBIlee le tHI CHenA rInGUMHAI CHAwIMAwInA

Hebrai 13: 4 Inneina hi mi po poin inzâ hai sienla, nupa khum khawm sukpawrche lovin um raw se; inditna suola tluhai le uirehai chu Pathienin an

chungthu a ngaituo ding a ni si a.

By- L. Remlien

nuhmei Pasal innei hi mihriem hringnuna dingin thil pawimaw tak anih a. Ieng dana innei khawm

nisienla ringumtaka a tawp chena inneihai hi inpak an um hle. Pathienin a zawm ta chu mihriemin the naw raw seh). Tulaihin Nuhmei Pasal innei ni mang si lo a, Ui le Ar ang el a, Nupa nun hmanghai hi Pathien theida zawng tak anih a. Sodom le Gommora Mei le Kât in Pathienin a hrem nasan khawm kha hur suolna lei anih. Tienlai khan Sex hmang pawrchena leiin VD natna (Dadu) hriet larin a um a, turuok hin chu a neka ṭibaium lem AIDS natna a um nawk tah a. Thil ṭhatak khawm hi hmangsuol (abuse) chun Bomb hrattak ang anih. Bible in Nuhmei Pasal bik nei hi a ṭha a tih a. A then tamtak chu Nuhmei/Pasal kut thliek khawp hiel an lo nei ta a. Rev. Dr. Vanlalnghaka thuhrilna a chun Rome nuhmeihai kha Nuhmei/Pasal inneina kawngah an lo lepler awm khawpel. Chupa ka nei kum, Chu nu ka nei kum tiin Kumhai kha an sui hlak. Tlangram lo neituhaiin kum an sui dan chun Vailammuol neikum, Rallawn Zau nei kum, Bebil muol neikum le dang dang hai hmangin a n sui a. Kei ruok chu ka nauhai pieng kum ka hang sui ve dan chun 1988 anthawka 1994 che kha midang dang Auto ka khal leiin, ka nauhai piengkum chu Zosanga Auto ka khal kuma pieng, Pu. Sankhawhmang Auto ka khal kuma pieng, Pu. Ramlawm Auto ka khal kuma pieng le Pu. N.Tuolien Auto khal kuma pieng tiin ka sui hlak. Ram changkang Europe le America hai innei dan hang sui inla. Kristien tha tamtak chu ringum taka thi chena innei um ngei an tih. Amiruokchu, Hollywood star le Celebrity hai khu a tamlem chu Contract basis a innei ni awm takin, hun sawtnawte hnungah anin ṭhe nawk a.. Hienglaizing hin Charity chungchangah ruok chu an hausak le khawm ning a ta, entawn ding tamtak ei nei. Anni angin hausain zalen bawk inla a hliek bik ninaw mei nih. Pu K.L Liana-in Manmasi Digest a inneina a ziek chungchang a chun- ṭum khat chu inneina ropuitakah ka thang ve a ruoi khawm ka kil ve nghe nghe. Hun sawtnawte hnungah Monu chu a zam tah dai a, an hang sui chun amanu chun nuhmei bawk ngaizawng alo nei lei ni awm a nih. Inneina Jubilee Silver/Golden/Diamond hmang tamtak an um a, ka umna khuo Rengkhawpui a ngei kawm Golden Jubilee hmang tamtak an um tah a. Ka thangvena ngei Pu. N.Tuolien hai nupa, Pu.

Gindong hai nupa, Pu. Tuolkhawhmang hai nupa, Pu. Ngaikhawsiem hai nupa, Pu C.K Thanga hai nupa le Pu. Chawnglur hai nupa inneina Golden Jubilee hi a ropui ka tih in, chawimawi anphu takzet. Mi pakhat lem chun a lei battu hai a ngaidam teu. Nupa inneina inṭhe theiloa mi tamtak ei umnasan chu nau le te lei dam, hnungkir dinga Mo le far/ṭa hai mitmei veng lei dam. Nuhmei ṭhenkhat lem chu an pasal hai zungawl vei anni lem chun an vuok an vuok hai kha, an pasal hai thi hnungin sawrkar sinthaw anni lem chun sungkuo inhnarumtakin an khawsa hlak. Pasal nekin nuhmei thatak; Pathien ṭi mi hai chun sungkuo anin din thei. Sap ram hai angin nuhmei hai hin sum tamtak hlawdawk ni inla chu nupa innei sawng hi khawvar tawma arasi ang deu hi ni tang ei tih. Tu ngei khawm hin hmeithai pasal neka khawsa thei an tam. Thu kharna: Sap ram tieng ei thlirin nuhmei thilthawtheina (women power) an sâng em em a, nuhmei haiin pasal thaw ang ang an thaw theia, vuongna an khal theia, hnuoi tienga tlan chi inlirthei hai po po khawm an khal thei ve vawng. Ei rama ngei khawm nuhmei hai hin pasal ang tlukin thawthei an hau. Exam result a suok chang khawm pasal nekin nuhmei an thaw ṭha lem hlak a hawi. Nuhmei zalenna sirdetuhai- Muslim rambung hai an zalen met met tah. Hi thu ziek ani lai mek khawm hin Saudi Arabia rama khawm nuhmei Car khal an phal tah. Nuhmei ṭha- Pu Thangsawihmang a ṭawng zuk haw vak ei tih. Thosilen hnuoi roreltu ṭha neitu hai chu kohran, khawtlang, politics ṭhuoitu ropui tak tak anni thei. Amiruokchu, a ṭha naw tienga an fe vai chun bomb hrattak ang anni tho. Tuta le nakie peiah nuhmei hai changkangna hmangsuolin pasal khawm inkhat pa ka nih tia inti thunei ei ni chun nupa innei sawng hi ei tam hmel naw ngei. Hieng hin zawna hang siem tah inla, kawppui nei tah hai po hi innei nawk ding nisienla chu ei kawppui hai bawk hi nei nawk nuom iengzam aw ei um ding chu! Khawvar tawm arasi ang bawk ni tawl ei tih. Chuleiin, nupa inremtaka um hi thil harsa ve tak ani a hla siemtu haiin an hril angin, ‘A laiah Isu’ a ṭhang chun nupa inremlo hi um ngai naw nih. Mitamtak contract basis a an innei laiin nuhmei pasal thina leia inṭhe tah hai chu thukhatah ngai ei ta. Inneina Jubilee thi chena innei hai hi chawimawi an phu takzet a nih.

Army lakna ding Admit cardimpHAL : October 3 – 8, 2017 inkar sunga Leimakhong-a Army ding lakna hung um ding le inzawma Admit Card chu thawn dawk vawng a ni tah. Army Recruitment Ral-ly neina hmun ding tak hi Kendriya Vidyalaya Football Ground, Leimakhong ning a tih. Sipai intlarnaa \hang ding candidate-hai chu Online registration Admit Card, DEO/ZEO han Countersigned an thaw Class-8 marksheet le School Leaving Certificate, Class-X Admit Card & Marksheet, Class-XII Marksheet, PRC, domicile, tribe, caste certificate DC/ADC han an pek, Police Station/Gaon Boorah han Character Certificate an pek (issued within six months), NCC & Sports Certifi-cate (if applicable), Colour passport size thlalak copies 10 le a chunga lekha pawimaw chawi dinga tihai Xerox copy set hni seng chawi ding ti a nih. Churachandpur, Kamjong, pherzawl le ukhrul District a candidate-hai intlar ni ding chu October 3, 2017; bishnupur, Chandel, noney, Tamenglong le Teng-noupal District a candidate-hai intlar hun ni ding chu Oc-tober 4, 2017; Kakching le Thoubal District-hai October 5, 2017; Imphal East, Imphal West le Jiribam District hai October 6 le senapati le Kangpokpi District hai chu October 7, 2017 ning a tih. September 28, 2017 issue-a Assam Rifles Recruit-ment ti kha zieksuol pal a nih. Army Recruitment ti lem ding a nih.

ATM a Rs. 13.15 lakh inrutu hai man; Rs. 13.09 lakh hmukirbHOpAL: September 22-23, 2017 inkar zana ICICI Bank ATM a inthawk Rs. 13.15 lakh zet inrukhmang a nina le inzawma Police han an suizuinah pawisa inrutu hai hrietsuok le man an nitah. ATM rawktu hi tu midang ni loin 14th battal-ion Special Armed Force (SAF)-a police constable Pan Singh Gautam ( 22) le a ruolpa, ATM cash refill-ing company-a thawk Surjit Pavaiya (23) hai an nih.

Gautam le Surjit hai hi chintea inthawka ruol\ha lo ni hlak, Bhind hmuna Class VII chen lo inchuktlang an nih tiin Dy. Inspector Gen-

eral, Bhopal, Santosh Ku-mar Singh chun a hril. Thla tlawmte liemta khan Bhopal hmunah an inhmu nawk a, chu huna

Pavaiya chun Bank ATMs a pawisa thuntua \hang a ni thu Gautam kuomah a hril a. June thla khan Pavaiya hi cash management com-pany dangah an sawn nawk a, sienkhawm Piplani, Bhopal-a ICICI Bank ATM secret password a la hriet leia ATM a pawisa inruk-suok dan ding hi an ngaituo hnunga an inruk a nih. Police chun pawisa in-rukhmanga um Rs. 13.15 lakh laia Rs. 13.09 lakh an hmukir tah. (ENS)

Rijiju Meghalaya an zin dingJOwAi: Union Minister Kiren Rijiju chu Septem-ber 30, 2017 hin Megha-laya-a Nartiang hmunah Puja hmangnaa uop din-gin inzin a ta, khuollienin

\hang a tih. Nartiang hi Jaintia Hills a summer capital a ni a, Khasi village um hai laia Pnar hnam han Durga Puja an hmangna umsun a nih.

BHU nuhmei chief proctor hmasa tak dingin Prof Royana Singh ruotVArAnAsi: Banaras Hindu University (BHU) Vice Chancellor GC Tripa-thi chun BHU chief proctor dingin Prof Royana Singh a ruot. Prof. Royana Singh hi BHU nuhmei chief proc-tor hmasa tak ding a la nih. Prof Royana hi Institute of Medical Sciences a Anato-my department a mi a nih. Tulai hnaia BHU cam-

pus sunga buoina tlung lei khan BHU Chief Proc-tor ON Singh chun buoina suok thuah ama thiemnaw nia ngaiin inbanna a pek a, an ban hnung hin dean of students Prof. MK Singh chu Proctor sin lo chelsa dinga mawphurna pek a nih. BHU sunga buoina

tlung hi retire HC Judge suizui dinga order insuo a nita bakah University-a ‘earn while learn’ scheme hnuoiah physical educa-tion and sports department a nuhmei senior student hai women security personnel a ruot dingin Vice Chancel-lor chun thutlukna a lo siem ta a nih.

CRPF Jawan an khaihlumbAgHpAT: Uttar Pradesh-a Habibpur Nagla village a chun zanikhan CRPF jawan, Delhi-a posting mek, ni 20 sung chawl hmanga Ina fe Ra-vindra (31) chu an cheng-na insungah ama le ama an khaihlum.

Lekhaziek (suicide note) a maksan a chun a nuhmei leia hiengang thil a thaw niin a ziek a. Hi le inzawma Ravindra upa in complaint a peklut le inzawmin a nuhmei Ritu chu Police han an man. (PTI)

Dhinakaran ngenna EC in a hnawl

new deLHi: Bana um AIADMK leader TTV Dhinakaran in party sym-bol chungthua affidavit peklut theina hun ni 15 pe belsa dinga ngenna a siem chu Election Commission in a hnawl pek. AIADMK sunga buoina um leia Election Com-

mission in party symbol hmang thei lo dinga a hren-tangna le inzawma thut-lukna siem dingin October 6, 2017 khin hearing a um ding a nih. Hi le inzawm hin EC chun document pe-klut theina hun September 29, 2017 chen hun a hawng a nih.

Congress veteran leader ML Fotedar a thi

new deLHi: Congress veteran leader Makhan Lal Fotedar chu zanikhan Gu-rugram hmuna hospital-ah a thi. Mr Fotedar hi PM hlui Indira Gandhi le Rajiv Gan-dhi hai mi ringzo lo ni hlak, Kashmir mi a ni a, kum 1950s lai Jawaharlal Nehru

hun laia politics a lo lut \an a ni a, kum 1980 khan Indira Gandhi in political secretary-a a lo hmang a ni bakah a thi hnungin a naupa PM hlui Rajiv Gandhi in kum 3 sung political secre-tary-a a hung hmang zawm nawk, a hnunga cabinet minister-a hlangkai a nih.

Meth mum 800,000 leh Ro-hingya 3 \hangin mi 4 man

COx’s bAzAr: Ban-gladesh Police chun zani hmasa khan Myanmar-a inthawka Bangladesh-a lut tum Rohingya Muslim pasal 3 hai chu inruithei Methamphetamine mum 800,000 leh an man. Bangladesh Rapid Ac-tion Battalion (RAB) han Myanmar le Bangladesh inrina Naf vadung-a Nga-

manna Lawng-a chuong Bangladesh lut tum mi 4 hai an hrentang a, an thil phur an dapnaa Metham-phetamine mum hi an dap-dawk a nih. Mana um hai laia 3 hai chu Rohingya hnam an ni a, pakhat chu Bangladesh mi a nih tiin Major Ruhul Amin, RAB area com-mander chun a hril.

Disaster management thuah thukhata um a \ul thu a hril

new deLHi: Union Home Minister Rajnath Singh chun, khuo rel sietna le invengna (disaster man-agement and its prevention) chungchangah khawvel rambung tum tum hai chu thukhata um a \ul thu a hril. Hi thu hi zanita new Delhi hmuna National Disaster Management Au-thority (NDMA) champha

vawi 13-na hmang huna thu a hrilnaa a hril a nih. Tuilien leia harsatna hmasuon dingin inbiek-pawna mumal tak nei \ha a ti thu le rambung tin han vadung hai ngirhmun kimchang taka inpektuo \ha a ti thu hrilin, NDMA sinthaw chu inpakum a ti thu Rajnath Singh chun a hril.

Afghanistan Chief Exec-utive a hung inzin

new deLHi: Afghani-stan Chief Executive Dr Abdullah Abdullah chu India rama ni 3 sung cham dingin zanikhan India ram a hungtlung. Dr Abdullah hi zani hmasaa kha India ram hungtlung dinga ti a ni a, sienkhawm zani hma-saa Kabul Airport rocket hmanga kap a ni leia zanita hungtlung a nih.

Dr Abdullah hin zan-ikhan External Affairs Min-ister Ms Sushma Swaraj inhmupuiin an ram pahni hai nasa lema thawtlang dan ding hai an hriltlang. Dr Abudllah hin zani zantieng khan Prime Minister Narendra Modi khawm an hmupui bakah President Ram Nath Ko-vind khawm inhmupui a tih.

Kamal Nath in Jyotirad-itya Scindia a thlawp

bHOpAL: Madhya Pradesh-a Union Minister hlui Kamal Nath chun kum 2018 a Madhya Pradesh Assembly Election hung um dinga Mr Jyotiraditya Scindia chu Chief Ministe-rial candidate a ruot dingin rawtna a siem. Scindiaji le hin politics chau ni loin sungkuo ang khawma inlaichinna ng-het tak nei kan nih tiin Mr Natch chun a hril a, party chief ministerial candidate dinga ruot a hung ni le ama

inrawina hnuoia kum thara election hung um ding hi Congress in a hmasuon ngei ka beisei tiin Mr Natch chun Guna hmuna chanchinbu-mihai kuoma a hril.

Hmasawnna Thar3 THLArAm (sepTember) 29, 2017zirTAwpni (fridAy) nATiOnAL/inTernATiOnAL & AdVerTisemenT

LAKTAwi

COrreCtIOn OF dAte OF BIrtH I, Army No. 4363333Y Ex. Hav. Simon Lalramthlir have announced. That, when I published my son Mr Ebenezer Mang-minthang, his Date of Birth was written as 25th Novem-ber, 1999 instead of 25th November, 1998. Therefore, his correct date of birth would be 25th November, 1998.

sd/- simon LalramthlirArmy No. 4363333Y

Muolbem, Churachandpur, Manipur.

NIA in J&K MLA thu in-dawn dingin a ko

srinAgAr: Jammu and Kashmir-a Indepen-dent MLA Sheikh Abdul Rashid, ‘Rashid Engineer’ tia hrietlar chu Kashmir phairuoma terror funding thila inrawlna neia intum-na le inzawmin October 3, 2017 khin National In-vestigation Agency (NIA) chun an hmaa inlang dingin zanikhan a ko. NIA in terror funding le inzawma thu indawn dinga politician an ko hmasa tak a nih. Terrorist group le sepa-ratist hai kuoma pawisa a rawlruk tia intumna le inza-wma man sumdawngtu Za-hoor Watali thu indawnna nei huna an puongnaah Rashid hming a hril sa le inzawma Rashid hi NIA

in thu indawn dinga an ko a nih. Rashid hi North Kash-mir-a Lagate A/C MLA a ni a, intuma a umna hi hnie-lin J&K Assembly Speaker chu hi thila inquiry thaw dingin a hril. Terror funding case a hin tuchenah NIA chun mi 10 an man ta a, hi lai hin Geelani makpa Altaf Ahmed Shah le Watali hai an \hang a nih. (PTI)

inHmun zAwrRengkai Vengthlang-ah sum mamawna leiin Inhmun zawr a ni a, a dit hai chun a hnuoia contact number-a hin thu chienglem kan thei ning a tih. Inhmun lien dan chu 40x80 a nih. A man chu in-biek dan izir ning a tih.

Contact no. 9856377455(29,31,1)

Inruithei kg. 15 leh mi 3 man

muzAffArnAgAr: Uttar Pradesh-a Delhi-Shamli highway-a chun zanikhan Police han pasal 3 hai chu inruithei kg. 15 leh an man. Mana um hai chu Soni, Suresh le Shakeel hai an ni a, Narcotic Drugs and Psychotropic Substances (ND&PS) Act hnuoiah case siemkhum an nih tiin Circle Officer Ashok Ku-mar chun a hril. (PTI)

Maharashtra civil hospital-ah naute

187 an thi tahmumbAi: Maharashtra-a Nashik district-a Civil Hos-pital-a chun tukum April thlaa inthawk tuchena hin naute 187 in thina an tuok tah. Naute hai hi ventilator facilities umnaw leia thi an nih. (ENS)

Customs han Rangkachak Rs. 11.40 core manhu ding an man

mumbAi: Customs of-ficial han September 28, 2017 khan nuhmei phei-kawk bawm (container) sunga thupruk Rangkachak kg. 38, Rs. 11.40 crore manhu zet dapdawkin an man. Dongri-based importer Al Reham Impex chun hi pheikawk bawm sunga thil um chu nuhmei han bar-throom sunga an bun chi slippers a ni thu le Thai-land-a inthawka an chawk niin a hril a. September 21, 2017 khan Indira Docks hung phurtlung a ni a, hi hnung hin Custom official hai enfel dingin Sewri

Timber Pont (examina-tion shed) tieng thawn a ni a. Department officials han ringhla leia pheikawk bawm \ha taka an enfel huna rangkachak thlang 38 zet slippers sunga thupruk hi an dapdawk ta a nih.

May thla khawm khan Directorate of Revenue Intelligence (DRI) chun Dubai-a inthawk Delhi sumdawngtu pakhat in a laklut rangkachak kg. 52, Rs. 15 lakh manhu ding zet an lo man ta a nih.

Defence Minister Srinagar le Si-

achen an zin ding

new deLHi: Defence Minister Ms Nirmala Sith-araman chu September 29, 2017 hin Srinagar an zin ding bakah September 30, 2017 hin Siachen an zin ding niin official thusuok chun a hril. Defence minister hi Jammu and Kashmir-a security ngirhmun enfel dinga inzin ding niin news agency report chun a hril a. A cham sungin senior commanders hai khawm inhmupui a tih. Ms Sitharaman in De-fence minister a ni hnunga tuta \um hi Srinagar an zin vawikhatna ding a nih.

IAF trainier air-craft a tla thla, thi

umlo

HyderAbAd: Zani zingkar khan Telangana-a Keesara village a chun Indi-an Air Force trainer aircraft Kiran chu tuoksiet tuokin a tla thla a, sienkhawm thi le hliemna tuok an um nawh. Trainee aircraft Kiran hi Hakimpet Air Force sta-tion, Hyderabad-a inthawk dan pangngai anga training-a vuongsuok le zani sun dar 11:45 vela kha tla thla a ni a, a tlak nasan suizui mek a nih.

BSF constable chawl hmang lai kaphlum

srinAgAr: Jammu and Kashmir-a Bandip-ore district-a chun Chawl (holiday) hmang dinga Ina fe BSF Constable Rameez Parray chu helpawl ni din-ga ringhla han zani hmasa khan Hajin-a an chengnai-na inthawk keidawkin an kaphlum. Helpawl 3-4 vel Mr Parray (33) Ina hin fein silaiin an kaphrut a, chu hnungin Parray hi Ina inthawk \huoisuoka an kaphlum niin J&K Direc-tor General of Police SP Vaid chun a hril a, silai kaphrut lei hin Parray sung-hai midang 3 in hliemna an tuok bawk niin a hril. Constable Rameez Ah-mad Parray hi 73th Battal-ion BSF a \hang lai a nih.

Tukum May thla khawm khan Kashmir Army officer Lieuten-ant Ummer Fayaz khawm chawl hmanga a sunghai inneina programme-a a \hangnaa helpawl han an lo kaphlum ta bakah June thla khan J&K Police-a Dy. Superintendent Mo-hammad Ayub Pandith chu Srinagar-a Jamia Masjid compound sungah mipuiin an lo vuokhlum ta bawk a nih. (ENS)

Rel eksiden sukbona dingin thaw dan thar

new deLHi: Rel eksiden tlung rawp hlaka inthawk himna dingin Rail-ways chun thaw dan thar hmang a ni ding thu Rail-way minister Piyush Goyal chun a hril. Hi dungzui hin tuta signalling system hmang mek chu - Train protec-tion and Warning System (TPWS), Warning System and MTRC, Mobile Train Radio Communication haia siem\hat le thlakthleng a ni ding thu le unmanned level crossings 50000 la

um hai sukbo a ni ding thu Mr Sinha chun zanita Ne Delhi hmuna MoS Manoj Sinha le Chairman, Rail-way Board Ashwini Lohani hai \hanga chanchinbumi-hai an hmupui huna a hril. Chun, security hrat lema thaw a ni theina dingin coaches le stations haiah CCTV cameras hai inbun a ni ding thu, RPF staff le TTEs hai chu langtlang lema thil thaw a ni theina dingin uniform mumal tak nei dinga inhriettir an ni thu a hril bawk. (AIR)

Kum 1 chuong hrentang Father Uz-hunnalil India ram a hungtlung

new deLHi: Kum khat le a chanve lai zet Yemen rama hrentanga um Kerala thiem-pu Father Tom Uzhunnalil chu tulai hnai khan insuo niin India ram a hungtlung nawk ta a, zanikhan Prime Minsiter Narendra Modi le External Affairs Minis-ter Ms Sushma Swaraj hai inhmupuiin insuo a ni theina dinga hma an lakpuina thu-ah lawmthu a hril. Yemen-a hrentang a ni-naa inthawk dam taka insuo a ni hnungin Vatican City-ah a chawlhadam a, zanikhan India ram a hungtlung ta a nih. Father Uzhunnalil hi March 4, 2016 a kha terror-ist han Aden an bei huna \huoihmanga um a nih. Father Uzhunnalil hin PM le EAM hai an hmu-

pui zoin umna Salesians Congregations-ah ni tlaw-mte hmang dingin Ben-galuru pan a ta, bishops’ conference-a \hangin a thil tuok hai report peng a ta, October 1, 2017 khin Ko-chi (Kerala) tlung a ta, hi taka inthawk an khuo Kot-tayam district-a Ramapuram pan a ta, an khuo mipui han lawmlutna puithu takin nei

an tih tiin Catholic Church thusuok chun a hril. Father Uzhunnalil hi Aden hmuna Old Age Home enkawltu Missionaries of Charity le thawtlang an ni a, a sin le inzawma Aden hmu-na a um laia terrorist han an \huoihmang, Oman sawrkar hmalakna hnuoia September 12, 2017 a kha insuo zalen a nih.

GOVernMent OF MAnIpUrOFFICe OF tHe sUB-dIVIsIOnAl OFFICer:

VAnGAI rAnGepHerZAwl dIstrICt

nOtICePatpuihmunthe25thSept.,2017

No.SDO(VNG)23/BM/Ent/17:IninvitingtotheNoticevide No.1/DC/PZL)/Esst/2016 dated 22/09/2017 from DeputyCommissioner,PherzawlonBiometriccaptur-ingandgenerationofAADHAR, in respectof VangaiRangeSub-Division,a teamof theundersignedstaffsand technicians fromManitron will leave for VangaiRangefromImphalon27./09/17andstartBiometriccapturingfrom28th.Sept.-till28thOct.,2017. WheareasthedetailsoftheScheduleprogrammes,Action-plan and centres identified has been distrib-utedandthesamecanbecollected fromtheunder-signedofficeonanyworkingdays. Therefore all the village Chief, Village Authoritymembers, community leaders, Church organisationand leaders, CivilSocieties,Schoolsandother insti-tuteandotherreligiousorganisationarerequestedtoco-operate for the smooth capturing of Biometric,sincetheexercisemaybethe last initiativesfromtheGovernmentforfullcoverage.

sd/- K.G. daigongSub-DivisionalOfficer,

vangai Range.

PM hlui Vajpayee hming vot-er list-ah umlo

LuCKnOw: Lucknow civic body voter list a chun India Prime Minister hlui Atal Bihari Vajpayee hming a um nawh. Atal Bihari Vajpayee hi Babu Banarasai Das Ward hnuoia Basmandi area-a

house number 92/98-1 a cheng a ni a, Lucknow Mu-nicipal Corporation (LMC) voter list a chun PM hlui Vajpayee hming hi a um tanaw a nih. Hun sawt tak hi hmuna a um tanaw lei ni dinga ring a nih.

Bengaluru Mayor dingin Sampath Raj bengALuru: Congress mi Mr Sampath Raj chu za-nikhan Bengaluru mayor 51-na dinga thlangtling a nih. Janata Dal (S) a inthawk councillor Padmavathi Nara-simhamurthi chu deputy mayor, Bruhat Bengaluru Mahanagara Palike (BBMP)

dinga thlangtling a ni bawk. Kum 47-a upa Sampath Raj hi Pulikeshinagar As-sembly constituency sunga Devarajeevana Halli ward Councillor a ni a, kum 2018 Assembly election hung um dinga a \hangkai hle dinga ngai a nih.

South Korea-in Nuclear Bomb Ensinna Nei Nawk RingseOuL: US le South Korea military, North Korea chêt zie enthla zingtuhai chun North Korea hin vawi khat bek Nuclear Ralthuom le Missile hai a la ensin nawk an ring a. Hi thu le inzawm hin ni danga an inremna \hang lo, kum tâwp hma Christmas hma ngeiin North Korea le an inrinna lai ralthuom tam lem la sie lut/in\hut nawk an remtih niin official thusuok chun a hril. National Security adviser Chung Eui-yong chun, North Korea Communist Party anniversary ding le China Communist Party Congress ding inzawmin October 10 le 18 haia khin ‘inchophoawkna thil’ iemani tak North Korea in a thaw nawk ring a nih thu a hril a. Detail ruok chu a hril nawh. North Korea le South Korea indona hi ‘vangpala um thut thei zing’ niin South Korea ruling Democratic Party dan siemtu hotu Park Wan-ju chun a hril. “President (Moon) chun, US chun sipai hrâtna le dip-lomatic options a hrilmawi a. Anachu, South Korea chu indona ah lut thei nawk naw nih, abîkin a \henum North Korea leh tiin a hril” tia hrilin, North Korea le indo nawk chu a nuom tah naw niin a hril. Ralthuom tamlem sie ruok chu \ha a tih. Râlthuom tam lem sie lut sa ding hi ieng tak am ti hriet le puong a ni nawh a. Tu taka ramri hnaia an sie chu Defence Missile Sys-tem (THAAD) a nih, invêngna ding chau a nih. Tuta râlthuom an sie lut dinghai hi bei letna ding chi am invengna ding chi khawm hriet chieng a lan nawh. President Moon Jae-iin chun, “South

Korea ram sûnga Nuclear Bomb tâwl lut/um ding ti chu a mawi nawh. Tuta THAAD in\hut ding thu khawm hi \ha ka ti naw kha a nih a. Amiruokchu, North Korea a hung lien peia a lulul tlat sia a mi hung kap a mi hung kap leiin lo thei lova THAAD inthut a hung tul tah a nih. “Tukhawm hin North Korea hin a pro-gram (Nuclear râlthuom siem le US le a ruolhai do) chu a tawpsan chuong hmêl naw leiin hringna tamlem sanhim theina ding a ni leiin Nuclear Bomb le Missile \ha lem sie belsa hai khawm chu invêngna ding le inralringna dingin a pawimaw tah niin ka hriet” tiin a hril. THAAD in\huta um ringawt khawm hi China chun a lo theida hle a. China military radar hai a chawkbuoi (ding) leiin China invêngna a sukbuoi ding thu a hril a. South Korea chu hnukkir dingin a ngen a nih. THAAD radar hai hin China ram sung khawm an en thlak thei dinga nia an hriet lei a nih bawk. South Korea le US ruok chun ‘mani lo invêngna’ dinga an thaw niin an hril.

Myanmar ah Hindu Ruong 45 Hmu, Khuo Tamtak Raw Uty e b A w K y A , myAnmAr: Myanmar rama Rakhine s ta te a Rohingya Muslim helpâwl han August 25 a sipai an doa helna an siem a inthawka buoina chun hnam le hnam buoina tieng a kai pei ta ding niin an lang. Rohingya Muslim nuoi tel Bangladesh tieng an tlân hmang zing laiin an helpâwl hai chu Myanmar ram sûngah an la che nasa hle. Nilaini khan sawrkar chun, Hindu mi le sa 45, khuo pakhata khur pakhatah an rênga phumna an hmu thu puongin a lim an suklang a. Khuo tamtak Arakan Rohingya Salvation Army (ARSA) han an raw ut vawng nia hril lim suklang a nih bawk. Hi thu hin Buddhist hrâtna Myanmar-a Muslim le Buddhist hai kar thu a sukbuoi zuol peiin Sakhuo dang a kaisa pei ding niin an lang tiin Reuters chun a hril.Myanmar military hai chun media group (reporters) tamtak chu Rakhine state sûnga Muslim helpâwl haiin khuo an rawhai le mithi a tel tela an phumna hmunhai an inentir a. Mita hmutu, Bangladesh a Hindu ral \ia hung tlân kir vehai lo that an ni dan chenin an inhmutir

a nih. Hindu a telpuia that phumna hmun hi mita lo hmutu damsuok pakhatin sipaihai a hril niin an hril. “Khuohai chu raw vam vawng an nih a. Khawsunga pil a det nâwna deu hmunhai thlan khur thei ding ang vel kan zawng peinaa chun, pil inthawt deu hmun hi a lo um a. Chu chu kan hei cho chun mihriem thu rim a hung suok tah a. Chutaka inthawka kan hmu a nih, tiin a hril. Rakhine state-a buoina hi August 25 a Muslim helpâwl, Myanmar rama ram nina pek nuom lo sawrkârin a uksak nawa inh r i l , Bangladesh-a hmunpui khuor han, Myanmar army le police post 30 lai an run a, mi12 vel an thi a inthawka in\an a nih. Chu zo darkar tlâwmte

hnungah Arakan Rohingya Salvation Army (ARSA) helpawlhai an hung a. Ye Baw Kya, Hindu khuo ah hung lutin Hindu 100 vel an \huoi suok a. Lo zau tieng an fepui vawng a. Chem le tubo le silai an nei ang angin a telpuiin an kap hlum vawng tah a nih, tiin military thusuok chun a hril. Myanmar s ipa i ha i bei letna chun nasatakin Rohingya Muslim hai a suk ral\i ve nawk a. Raltlan 480, 000 chu Bangladesh tieng an kir a nih. UNO chun Myanmar sawrkâr chu ‘hna sukbo tum’ ang dâmin an tum nuom thuok thuok an tah. Myanmar sawrkar chun UNO intumna le Muslim helpawlhai intumna chu a hniel a. Sawrkar ta ding

chun Muslim helpâwl haiin hnuhma an nei a, hnam tlâwm lem Hindu hai khuo, an in le lohai an suksiet pek vawng ti fiena chu chieng taka hmu thei zing a nih tiin a hril. “Helpawlhai chetna hnuhma chu Ye Baw Kya khuoa in po po raw siet (invam) vawng le mithi ruong hmuhai hin a fie a nih” tiin a hril a. A hmuna va entu Social Welfare minister Win Myat Aye chun, “Hi hi chu tuolthatna râpthlâk le helna, rikrapa chetna (terrorism) a nih” tiin a hril. Hienglai zing hin ARSA hai chun civil mi hai thina thua chun inhnamhnawina an nei naw thu an lo hril ve.Muslim le Buddhist inbeina anga ngai Rakhine state a Hindu tlâwmte um haiin ieng leia an tuor bik el tah am ti hi a san hriet chu a lan tak khawp el. Mi tamtakin hril dan chi tum tumin an hril tâwl. Khawmi \henkhat chun Helpawlhai hin Hindu \henkhat chu sawrkâr tienga \hang angin an ngai a, an that el a nih, tin a hril. August tâwp tieng deu khan, Bangladesh-a Hindu nupui \henkhat Reuters in-terview-naa chun, an pasal dittakhai chu Rakhine Bud-

dhist han an that niin an hril a. Khaw hnungah, Muslim helpâwl han ‘Buddhist hai thaw’ ti ro an mi ti leiin kan ti taluoa ‘Buddhist hai thaw’ tiin khêl kan hril a nih, tiin an hril. Hieng nupui pathumhai hin August 25 zan khan, anni le Hindu mi 100 vel chu pasal hmai tuom, Muslim helpâwl han hmun pakhat, thlan lien deu hmunah an mi \huoi tiin an hril bawk. Muslim helpawlhai hin an hmai an inkhuma chu an \awngbau a inthawkin Ro-hingya Muslim an nih ti kan hriet thei tiin an hril bawk. “Mihai chu pakhat khatin an kut le kehai an khit a, an ring an at pei lai chu kan hmu vawng...an ring an tan zovin khur ah chun an thlak pei” tiin Bina Bala (22) chun a hril. Nuhmeihai chu Muslim Sakhuo an zui ding chun an hringna hla dinga an hril leia dam an nizie an hril bawk. Helpawlhai hin Hindu hai kuomah Identity Card pek an nih a Rohingya Muslim hai pek ve an ni naw hi an theida, chu leia lungsen an nih. “Hindu haiin I-Card an nei (bik) ding an nawh” tiin chu leia lungsen an nih, tiin an hril.

Japan ah October 22 ah Snap Poll Um Ding

TOKyO: Tulaia North Ko-rea thu le inzawma buoina le Japan khawm indona hmuna um el thei dinga a ngîr zing leiin sawrkâr hrat lem siem theina ding lampui ngaituoin, Prime Minister Shinzo Abe chun, sawrkarna cheltu a party Liberal Democratic Party( LDP) chun tuta nêka tam thlawptu (MP) a nei theina ding beiseinain October 22 ah Snap Poll nei a rawt a. Indo le buoi hunah bek an ram \hang tlang thei a beisei a, an party hrât zuol a beisei laiin a beisei naw angin thil a fe ding niin an lang tlat. Asan chu, Tokyo Governor Yuriko Koike indin thar political party “Party of Hope” chu ring

nêkin an hrât ding a hawi. Tuta selkaltu party Dem-ocratic Party chun Gov-ernor nu party-in hratna a chang theina dingin ama chu sira lo inhnawla lo um mei mei el dingin thutlukna a siem tlat leiin selkaltu le “Party of hope” an hung hrât chun ruling PM Abe ta dingin tling nâwkna chance a tlâwm ding a nih. Kum 2012 a inthawka sawrkarna chel PM Shinzo Abe chun, voter hai support tha lem hmuin Simple Ma-jority hmu an beisei a nih. Tu tak hin two-third major-ity neiin ‘super’ majority nei a nih. Party of Hope \huoitu Governor Koike chun ama ngeiin election an rawi

ding thu a puong leiin mi an phur a. TV presenter/anchorwomen, journalist le celebrity a ni leiin mipuiin an dit a nih. Opposition han anni chu ngîr lova Party of Hope hminga an MP hai khawm inngirtir vawng an tum bawk. Shinzo Abe ta dingin bei fet ngai a tih. PM Abe chun, “Hi elec-tion hi chu inbeina lientak le natak a ni ding a nih. Anachu, iengtinam thawin ei ram Japan ei hum ding, ei mipuihai him le muong taka an um theina dingin iengtinam ei kei \huoi ding, iengtinam ei ngîr ding tihai relna ding a nih leiin a pawimaw a nih” tiin a party mi le sahai a hril. Ningani khan hi thu a puong hma met hin oppo-sition member \henkhatin, buoina thu sosang lai taka PM-in ‘inthlang thut’ a hung rawt hi a tium taluo, sawrkâr nghet lo um thut theina a nih tiin Parliament inpui inhnuoi lem \hiek chu a remtih nawh a. Amiruok-chu, ruling an hne naw leiin ‘snap poll’ chu a tlu tah a nih.

Hmasawnna Thar4 EntErtainmEnt / SportSTHLArAm (sepTember) 29, 2017zirTAwpni (fridAy)

UEFA Champions League :

Basel, Mancheter United, Celtic, PSG, Chelsea le Barcelona an hratmAnCHesTer : Nilaini zan champions league inkhel Group A, B, C le D haiin an nei a. Group A-a um Basel chun Benefica an lo mikhuol a, goal 5 tawp lo inbain point pathum an lo hlawsuok. Basel ta dinga goal thuntuhai chu Michael Lang (2`), Dimitri Oberlin(20` & 69`), Ricky Van(60`) le Blas Riveros (76`) hai an nih. Benefica hai an hrat naw naksapah minute 62 naah an player Andre Almeidi chun red card a hmu bawk. Manchester United chu CSKA Moscow tieng an hang inzin a. Goal 4 tawp thunin 4-1 in hnena an hang chang. Minute 4 na chauah United ta dingin Romelu Lukaku chun goal hmasa a thun nghal a. Minute 19 naah United chun pen-alty hmuin, Anthony Mar-tial chun a thun a. Minute 27 naah Romelu Lukaku bawkin goal dang a thunsa nawk a, minute 57 naah Henrik Mkhitarayan chun United goal 4-na a thun

nawk a. Hun bo tawm min-ute 90 naah CSKA chun Konstantin hmangin conso-lation goal pakhat an thuna chu an ta dingin umzie a um ta nawh. Group B-a um An-derlecht chun Celtic an mikhuol a, 0-3 tawpin an tlawm lem. Celtic ta dinga goal thuntuhai chu Leigh Griffiths(38`), Patrick Roberts(50`) le Scott Sin-clair(90`) hai an nih. Paris St. Germain chun Bayern Munich hai goal thum tawpin anni khelmuo-lah an lo hne bawk PSG ta dinga goal thuntuhai chu Daniel Alves(2`), Edin-son Cavani(31`) le Ney-mar(63`) hai an nih.

Group C-a um Atletico Madrid chun Chelsea an mikhuol a, Chelsea chu vangneithlak takin 2-1 in an hrat lem. Hi inkhela hin minute 40 naah Madrid tieng chun penalty an hmu a, chu chu Antoine Griez-mann chun a thun a, second half minute 60 na le 90 na haiah Alvaro morato le Mi-chy Matchuayi haiin goal khat ve ve an thun leiin Chelsea chu an hrat lem ta a nih. Group D-a um Italian champion Juventus chun Olympiakos an mikhuol a, 2-0 in an lo hne. Juven-tus ta dingin Gonzalo Hi-guan(69`) le Mario madzu-kic(80`) haiin goal khat ve

ve an thun. A tawp takah Sporting CP chun Barcelona an lo mikhuol a. Vangneithlak takin Barcelona hai 0-1 in an hrat lem hlau. Hi an hratna goal hi Sporting CP player Sebastian Coates-in anni goal tienga a thun pal a nih.TAbLeGroup APos. Team Pld. GD Pts1. Man. Utd 2 6 62. Basel 2 2 33. CSKA 2 -2 34. Benefica 2 -6 0Group B Pos. Team Pld. GD Pts1. PSG 2 8 62. Bayern 2 0 33. Celtic 2 -2 34. Anderlecht 2 -6 0Group CPos Team Pld. GD Pts1. Chelsea 2 7 62. Roma 2 1 43. Atl. Madrid 2 -1 14. FK Qarabag 2 -7 0Group dPos. Team Pld. GD Pts1. Barca 2 4 62. Sporting 2 0 33. Juventus 2 -1 34. Olympiakos 2 -3 0

FIFA Under 17 World cup thlirlawkna – 2new deLHi : FIFA Under 17 World Cup hi Nigeria haiin an lak rawn tak ta a, tuta champion lai mek khawm an ni nghe nghe. Anni hin vawinga an lak ta a, pahnina khawm vawithum an ni ta bawk. Brazil hai hi hi tournament-a hlawtling tak dawttu an ni mek a, vawithum title an lak tah bakah pahnina khawm vawihni an lak ta bawk. Ghana le Mexico haiin vawihni ve ve an lak ta bawk. Tukuma FIFA Under 17 World Cup, India’n a mikhuol ding hi stadium paruka inkhel ning a tih. Chuonghai chu a hnuoia-hai khu an nih. 1. Salt Lake Stadium, Kolkata, Mi-hriem keng zat – 85,000

2. Jawaharlal Nehru Stadium, Kochi, mihriem keng zat - 41,000

3. Jawaharlal Nehru Stadium, New Delhi, mihriem keng zat - 58,000

4. DY Patil Stadium, Navi Mumbai, mihriem keng zat - 45,000

5. Indira Gandhi Athletic Stadium, Guwa-hati, mihriem keng zat - 23,000

6. Fatorda Stadium, Margao, mihriem keng zat - 16,000

England Championship :

Sheffield United chun Wolverhampton an hne

birmingHAm : Nilaini zan England Championship inkhel pahni a um a. Shef-field United chun Wolver-hampton hai mikhuolin 2-0 in an lo hne a, pahnina an inhlangkai. Hi inkhela hin

mikhuol team Wolves play-er Conor Coady chun min-ute 15 na chauah red card a hmu nghal a. Chu chu hmang \angkaiin Sheffield United chun minute 39 naah Leaon Clarke hman-

gin goal an thun a. Minute 58 naah Leon Clarke bawk chun goal dang a thunsa nawk a, Wolves ta ding chun beisei a um ta nawh. An tlawm lem thawhlain point pakhat khawm hlaw lovin an inlawi a nih. Inkhel dangah Birming-ham City chun Sheffield Wednesday an mikhuol ve a. Goal khat ngawiin an lo hne. Birmingham hai hratna goal thuntu chu Isaac Vassel a nih. Ama hin minute 76 naa hi goal hi a thun a nih.

Eden Hazard le inkhel-kawp

an hawi : Al-varo Morato

Nilaini zana Chelsea haiin Atletico Madrid an hne zana hnena goal thuntu Alvaro Morato goal thun kha Eden Hazard siempek (set-up) a nih a. Kha le inzawm khan Morato chun Eden Hazard le inkhel kawp inhawi a ti thu a hril. Ama chun Chelsea siemtu tak chu Hazard hi a ni thu a hril bawk. Morata hin Real Madrid-a inthawk Chelsea a zawma inthawk season a \an \ha hle a. Tu chen hin goal 7 tawp a thun tah a. Hieng anga season a \an \hat hi Morato chun Eden Hazard z^r lieu lieu niin a hril ve tlat. Ama chun, ‘Eden le inkhel tlang hi an hawiin inkhel a suk-awlsam hle a. Ama hi khawvel player \ha tak pawla tiem thei ve a ni a. Ama le inkhel kawp theia ka um hi ka lawm hle a nih,’ tiin Chelsea official

website kuomah a hril.

Malaysia-in A Mihai North Korea Inzin A KhapKuALA Lumpur: Ma-laysia sawrkar chun a ram mi le sahai chu tukhawm North Korea inzin lo dingin a khap. North Korea-in Nuclear bomb a siem lei le Missile a ensinna thu le inzawma UNO le US le ruol han an rekbetna thu le inzawmin indona suok thut thei zing a ni leiin thu nawk um hma po chu inzin khapna dan hi a um ding niin foreign ministry thusuok chun a hril. Hi travel ban hin Malaysia le North Korea hai Asian Cup qualifying football match, Pyongyang ah October 5-a an khêl ding a chawkbuoi el thei a nih. Security thil leiin hi match hi thawk hni \hul a lo ni tah. Malaysia Football Associa-tion chun hi thu le inzawma thusuok chu inrawn hnungin suksuok nîng a tih tiin a hril. North Korea-in nuclear bomb a test a, missile a kap suok a kap suok hlak bâkah, US chu ‘raw vam vawng dinga’ a vau a vau a, North Korea chu tukhawma dang thei lo dinga an hrilna le a \awng chaponahai po po chu khawvel sukderthawngtu nia an hriet leiin Kuwait le Mexi-co hai khawmin North Korea le inzawmna dit ta lovin an

palai (ambassador) hai ve ve an lo ko kir tah bawk. July thlaa inthawk khan North Korea chun a Nuclear Bomb siem sukhratin Mis-sile a ensin a sukzing bawk a. September 3 khan Hy-drogen Bomb siem zovin hlâwtling takin a ensin tah niin a puong a. September thla bawkin ICBM (America khawmuolpui kap phâk) siem zo tahin an hril bawk leiin UNO in a hrem a nih. Tu kum February laia North Korea President un-aupa (half brother) airport laia that a nina thu le inza-wm khan, Malaysia le North Korea inlaichinna se met sienkhawm, khawvêla ram-bung hai lai chu North Korea ruol\ha umsun tah a nih. March thla khan infepaw an inkhap tuo ve vea chu in-biekrema hlîp a nih a. Tuhin Nuclear Bomb lei le khawvel nu le pa UNO thurêl dungzuia N. Korea hrem mek a ni leiin Malaysia chun ama le inza-wmna nei a nuom ta naw a nih. North Korea hi thil phier ruk thiem tak a nih a. Febru-ary thlaa Kim Jong-un unau-pa Malaysia airport-a thatna khawm kha Kim Jong-un le

sûnghai hming inlang thak lo dinga phierruk a nih. Kha thina thua khan mak takin Vietnam nunghâk le Indone-sia nunghâk pakhat inrawlna neia hril an ni dai a nih. Kim Jong-un hai sûngkuo hi a pu a inthawka inlal an ni ta a. A piengpui ni chie lo unau, inlalna inchupui thei ding anga a ngai hai chu a hre hmang pei hlak a nih, spy le enthlatu (intelligence mi le sahai khawm)

dist. First division Football league

sept. 28, 2017 result12.30: ZOFC-1 TUFC-0

2:30PM: GSC-4 MSYC-0sept. 29, 2017 Fixture12:30: SMYC v/s ZFC2:30PM: YCP v/s ZFC

Playboy Magazine Hmusuoktu Hugh Hefner (91) A ThiLOs AngeLes: Pasal haiin an tlaipui em em magazine inlâr tak, pasal suklâwmna ding hrim le an inhnelpu dinga siem Playboy magazine hmusuoktu le neitu Hugh Hefner chu kum 91 mi ni tain Nilaini (September 27) khan a thi tiin a magazine Playboy Enterprise chun a puong. Playboy Enterprise hril dan chun, Hugh Hefner hi hun sawt tak upa natnain a na tah a. A chêngna in Playboy Mansion, Beverly Hills ah enkawl a nih a. Tar natnaa thi a nih. Hugh hin 1953 khan nunhmei saruoka inpholangna (thlalâk) dan thar a hung ser suoka. Sawrkarin a phal naw tak, a khap nene hmur le zamaw (hmatieng) hai inlang si lo (thup) puma nuhmei piengzie hmu theina dinga saruok thlalâk a hung pholang \anna chun America ngaidân a hung thlak danglam vawng a nih. Hugh Hefner hi journalist a nih el bâkah businessman ropui tak a nih a, management le marketing a thiem leia hlâwtling a ni tak. Nunghak model tamtak a siem lien ta bawk a. Chuonga nunghâk a siemlien le a suklungawi hai vek hmang chun pasal (market) tamtak a suklungawi thei bawk a, a self-promotion thiemna chun a lalram Empire chu a bawl a nih.

Hugh Hefner thina hi mi tamtakin an sun a. Abikin a naupa, a ai awtu ding, tuta Playboy Enterprise a Chief Creative Officer sin chel mek Cooper Hefner chun a pa a sun thu a puong a. A pa khan ‘freedom of speech” le ‘human rights’ a ngaisang a, abîkin ‘sexual freedom’. Kha lei khan tamtak theida le hnam a kaia chu tamtak ditsak le inza, hmangai a kai bawk a nih tiin a hril. Hugh Hefner hin a thi hma a la hrât deu lai 2013 khan, AFP le interview an neina ah, “danglam zung zung khawvêlah abikin sexual values

inthleng zung zungna khawvêla mi positive impact, a thazawnga vântlâng ngaidân le nundân, infetirtu mi pakhat anga hriet nisien a nuom thu a hril. Chun, Hollywood a nunghâk hmêl\ha 1962 kuma thi Marilyn Monroe an phumna Westwood Memorial Park, Los Angles ah, 1992 kuma $75, 000 (Rs.48 lakh vel) a an chawkna hmun ngeia phûm a ni ding a nih, tiin The Hollywood Reporter chun a hril. Hefner hi April 9, 1926 khan Chicago, Illinois, USA ah a pieng

a. Kum 1953 a inthawka pasal magazine bik ding Playboy a siem suoka inthawk khan vawi khat khawm châwl um lovin, indar lien pei lemin millionaire a kai a nih. Playboy magazine issue hmasatak chu December, 1953 khan a cover ah Marilyn Monroe inchuon a nih a. Hit a kaia an sut po po copy 50, 000 zawr vawng a nih. January 1954 a inthawka copy sukpungin a suksuok pei a, a style hmang chu nunghâk hmêl\ha tak tak (model le actress) hai cover a hmanga a sunga thlalâk nal tak tak le thu tlâwmte ziek a nih. Kum hnina chenah a latu (subscriber) million sari an hung um hman a nih. Marilyn Monroe kha a hming tak chu Jeane Mortenson a nih a, 1926 kuma pieng a nih. Film bâkah Playboy magazine pholangna hai leia inlâr a nih a. Drug overdose leia a thi chena khan chu a film siemin $ 200 million a lam suok hman a nih. Khang lai huna ding chun a mei mei naw hle. Kha laia chêng khat chu tulai za khat ang nîng a tih. Hugh Hefner hi a nuhmei Chrystal, a nauhai Cooper, David, Marston le a naunuhmei Chrystal hai a thisan a nih. Chrystal hma hin nuhmei tamtak a lo nei tah bawk a. Hollywood ah chu nuhmei nei râwn taka hriet a nih.

Leonardo DiCaprio le Martin Scorsese Han Film TharLos AngLes: Oscar winning actor Leonardo DiCaprio le director Martin Scorsese hai chun US President hlui la naupangtak, kum 42 chauva President kai Theodore Roosevelt a chanchin (life history – biopic) film siem an tum tiin Deadline chun a ziek. DiCaprio le Martin hin Academy Award dawng film tamtak an siem dun tah hlak. Kum 42-a upa tlangvâl Leonardo DiCaprio hin President Theodore Roo-sevelt lem a chang bâkah a film Para-mount Picture hi Jennifer Davisson le a production company Appian Way-in an produce bawk ding a nih. Production-a hin Scorsese le Emma Koskoff ta Silkelia Production hai khawm Chuck Pacheco leh thang bawk an tih. Scott Boom-in a chanchin (drama) hi ziek a ta. A merica President la nau-pangtak Teddy tia ko lar, environment, conservation le reserve tieng inhnik, national park le forests tamtak bawltu, kum 42 mi Roosevelt lem chu environ-ment le climate change inhnik ve bawk kum 42 mi tho DiCaprio-in a chang ding a nih. Roosevelt hi US President William McKinley 1901-a kap hlum a ni khan President a hung nih.

Hi film hi Leonardo’n a khatin lo siem a tum taa chu a \hul nawk a. Tuhin Martin leh an siem ding a nih. An pahni hin film \ha tak tak Shutter Island, Gangs of New York, The Avia-tor le The Departed hai an siem tah a. Martin-in Academy Award (Direct-ing) a dawng nghe nghe bawk. Emmy Award, Golden Globe le Grammy

Award hai chen khawm an dawng a nih. Leonardo film pakhat Martin di-rect bawk “The Wolf of Wall Street” (2013) lem khan chun $ 400 million a hmu phâk a nih. Scorsese film sum hui lut rawntak a la nih. Academy Award nomination 5 a nei a, BAFTA ah 4 le Golden Globe ah pahni nominated a nih bawk. DiCaprio-in Golden Globe ah Best Actor-Motion Picture Musical or Comedy a dawng bawk. Hi bâka hin chanchin tak tak pahni dang an buoipui bawk. Pakhat chu “The Devil In The White City” ti, tuolthattu pakhat a mi that dinghai a ‘Murder Castle’ a thlem lut pei chanchin a nih a. Pakhat dang chu “Killers of the Flower Moon” ti, Red Indian hnam pakhat Osage hai rama thautui an hmu suok laia intuolthatna hai a nih. FBI pieng \anna le thubuoi lien an sui \anna a nih. Leonardo film nuhnungtak chu “The Revenant” ti a nih a. Climate Change chungchang thu le Red Indian hnam hai le inzawm bawk, mihriemna tieng thil a nih a, Oscar Award a dawng nghe nghe.

Kourtney Naupai Pholang Thuah Kim Kardashian LungsenLOs AngeLes: Zani lai khan a sangnu naupangtak Kylie Jenner (20) in mihâng rapper a ngaizawngpa Travis Scot leh nau an pai ti chanchin a hriet leiin a tap hlawl a. Law ngaina um lo leia a pawm thiem el a \ul leia a pawm thiem tum mek thu a hril zo charin a sangnu dang Khloe Kardashian (33) in ama neka naupang a ngaizawngpna mihâng Basketball player Tristan Thompson (26) leh nau an pai ti thu a hriet nawk chun \ap ta nêkin a thu puongsuoktu, an TV show Keeping Up With The Kardashian producer Jeff Jenkins chungah Kim Kardashian (36) chu a lung a sen hle ta thung. Hi thu le inzawm hin an sûngin iengkhawm thu an hril naw thu hrilin, “Keini le sinthaw tlang ni sia kan chanchin kimchang hre chieng lova thu chieng anga hril hlaktuhai hi, keini tienga \hang am mi dotu? Abikin, ieng thu khawm kan hril naw laia kan chanchin an pholang el hlak hi!” tiin Jenkins chunga a lungawinaw thu a hril. Kim Kardashian lungsenna hi, Jenkins-in Khloe Kardashian kuomah Tristan nau pahnina ding ‘thla li’ lai naute, a pai leia a lâwmpui thu Instagram-a a post a hmu a inthawk a nih. Khloe naupai hi Kardashian sûngkuo inrai pathumna a ni tah, an la pung pei. Jenkins hi Kardashian sûngkuo leh 2007 a inthawka kha sin thaw tah an nih. A sang chintak Kylie (20) chun thla thum vel a pai tah a, tuhin Kourtney (nau pahni nei tah) in thla li vel a pai nawk a. Chun, ama Kim khawm Kenye West le an nau pathumna ding midang an inpaitir mek bawk. Kim naute hi January-a pieng beisei a nih a. Kylie le Khloe hai chu February vela pieng beisei an nih. Khloe Kardashian nau pai thu hin tamtak chu a surprise a nih. Amiruokchu, nau a pai ti an hriet

chun an lâwmpui seng, magazine hai chenin. Khloe khawmin a ngaizawngpa Cleveland Cavaliers (team) a thang Tristan leh an hlim em em a, an inhmangai em em niin a hril. Khloe hin mi dang leh nau pahni a nei tah a, Tristan khawmin Jordan Craig leh nau pakhat Prince a nei bawk. Tu kum bul tieng deuva KUWTK TV program an nei tum khan, Beverly Hills a daktor chun nau pai thuah problem a nei el thei leiin a thei chun an hnu tieng nêkin an hmatienga pai tha lem dinga a advice thu a hrilpek niin a hril. June khawm khan, kum 33 a tling lawmnain, Tristan le an thlalâk post-in “Dad+Mom” tiin a ziek. Khloe chun, an pa Tristan hin nau panga-paruk vel a nei nuom niin a hrila. Ama khawm a nu Caitlyn Jenner angin nau tam deu nei a nuom thu a hril. Khloe le Tristan hi September 2016 a inthawka inzui tan an nih a. Hi hma hin Khloe chu mihâng player tho Lamar Odom leh 2009 khan an lo

innei tah a, Omar drug thaw leiin 2013 khan an in\he nawk a. Khloe-in an nau pahnihai a enkawl tah a nih. California state dan ah chu nupa kum 3 an innei tah chun dan ang takin an inthe nawk thei a. Hmangaina bo remchangna leia innei nuomhai ta ding khawmin a remchâng leiin eini laia ‘broken family’ ei ti ang hi an tam em em a. Anni ruok chun, an ti ve nawh a. Naufahra ah khawm an ngai bawk nawh. Nupa innei le in\he chu Breakfast ang choa an nei a nih ti inla suol tam kher naw nih.

HM inbikrukna dapdawk

JAmmu: Jammu and Kashmir-a Doda district-a chun security forces han Hizbul Mujahideen terror-ist hai inbikrukna hmun an dapdawk a, ralthuom tam tak an man. Ralhuom an dapdawk le man hai lai AK-47 as-sault rifles, Chinese Pistols, grenades, Rocket Propelled Grenade mu, Under Barrel Grenade Launchers, AK-47 mu 323 hai a \hangsa. Security forces han Thana-a Dessa area sung ramhnuoia dappui an thaw-naa an inbikrukna puk (cave) hi an dapdawk a nih.