Enkuentro World Youth Day Polonia 2016 ku e tema:

“Felis esnan ku tene mizerikòrdia ku otro hende, Dios lo tene mizerikòrdia ku nan. (Mateo 5:7)

“Blessed are the merciful, for they will be shown mercy” (Matthew 5:7)

World Youth Day ta un enkuentro kaminda hóbennan rònt mundu ta reuní pa topa ku Papa. E ta un

evento kaminda hóbennan por kompartí ku otro nan eksperenshanan i siñansanan Katoliko. Tambe

hóbennan ta desaroyá nan mes riba tur tereno, spesialmente riba e tereno spiritual. World Youth Day ta

keda tené kada 3 aña na un kontinente.

Mi tabatin e oportunidat di a partispa na World Youth Day Spain 2011 I World Youth Day Polonia 2016.

Tur dos tabata tin nan diferenshanan distinto for di otro, pero ta keda ku e aksento di reuni pa topa ku

Papa I komparti I konbibi ku otro eksperenshanan i siñansanan Katoliko di kada Pais

Na aña 2016 tambe Obispado di Willemstad a partisipá ku un delegashon pa representá Kòrsou. E

enkuentro a tuma lugá na Polonia di 17 juli pa 3 di ougùstùs 2016.

Obispado di Willemstad ta konsisti di seis pais (Korsou, Aruba, Boneiru, Sint Eustatius, Saba I Sint

Maarten)

Pabo por ta bon prepara pa e enkuentro aki, Obispado Di Willemstad ta kuminsa prepara un aña

adelanta pa ku esaki. Tur e partisipante nan tin ku bai formashonnan ku ta wordu tene na Korsou. Kada

Isla ta tene nan mes formashonan na nan respektivo Pais.

Meta di e formashonan ta pa e grupo risibi alimento spiritual, siña konose otro I bira un grupo uni pa

medio di e tareanan ku ta risibi durante e formashonnan.

Ehempel nan ta training nan fisiko, mental, spiritual I hopi mas ku lo bo enkontra kune na e tipo di

enkuentronan aki.

Door di e formashonan bo ta mira e frutanan. Na Polonia por ehempel, nos mester a kana sigur mas ku

40 kilometer pa nos yega nos sierto destinashonan.

E weer tabata kayente di manera ku bo mester bebe hopi awa. E idioma nos no ta kompronde I nan no

ta papia otro idioma pa nan por mustra nos unda nos tin ku bai. Tur kos bo mester hasi buska etc riba bo

mobiel.

Ta sali kas 7or di mainta I ta regresa bek 12 or of mas laat di anochi. Tin miones di hende ku ta hasi uzo

di trein bus etc kubo mester para komo grupo pabo por drenta huntu I keda huntu pabo por yega e

destinashon. Esakinan ta par di ehempel kubo ta hanja bo konfronta kune. Mas den mi parti di

eksperensha personal lo mi amplia riba esaki.

Biahe pa Polonia:

E grupo a sali 17 di yüli 2016 pa 15:00 or ku KL 734: yegada na hulanda 18 di yüli 2016 pa 07:00 or di

mainta: Yegada na Hulanda: Ida pa Katowice, Polonia ku bùs. 20 di yüli 2016: Yegada na Katowice pa

mas o ménos 14:30or.

E biahe ku bus lo ta aproksimadamente 22 ora. Konsiderando leinan vigente e kompania di bus ta obligá

di para despues di kada 4 ora konsekutivo ku el a kore. Pues pa e motibu aki nos lo hasi 4 parada di 45

minüt. E total di 22 ora ta inkluso e paradanan.

20 di yüli 2016- 25 di yüli 2016: Hospedahe na Katowice pa Dianan den Diósesis. E dianan den Diósesis,

nos a hospedá den e siudat di Tychy den Katowice, Polonia E dianan den e Diósesis ta ensera kubo tin

ku hasi trabou nan boluntario pa e famianan den e bario I prepara pa e gran siman na Kraków pa e WYD

Aki un resumen di loke nos ta a hasi entre 20 di yüli 2016- 25 di yüli 2016:

Prome dia: akomodashon den famianan/parokia i misa di apertura (arrival day), aki mi ta para ketu un

ratu kon bon e famianan a trata nos. Nan a ofrese nos nan kas I asepta nos komo un parti di nan famia.

Tur dia ku nos tin ku bai segun e programa asigna, e famia tabata prepara nos kosnan di kome kwal ta

hopi pa nada no falta nos I ora nos bini bek trobe nos tin ku sinta na mesa pa nos kome komo famia. Tin

dia nos ta asina yen ku nos ta bisa nan ku nos no kier kome, pero ora bo mira ku kwantu amor nan a

hasie, nos ta bisa nan ku nos ta yen pero nos ta kome algu I sinta interkambia ku otro kon e dia a bai. Di

dos dia: desayuno den famianan/parokia (deanery meeting). Aki nos a wordu introdusi ofisialmente na e

famianan I despues nos a hasi un misa bai lunch huntu bishita e siudat, hasi un obra di miserikòrdia,

evangelisá, evento kultural/ deporte, sine religioso I despues regresá na kas di famia.

Di tres dia: nos a desayuna den famianan/parokia (sigthseeing), bai misa, lùnch bishita un siudat i

museonan, hasi un obra di miserikòrdia, evangelisá, dia den silensio i adorashon di e Sakramentu

Bendishoná den misanan I despues regresá na kas di famia. Di kwater dia: desayuno den

famianan/parokia (meeting of all groups Mount Carmel) tur grupo ta topa den “Cathedral and the Shrine

of Our Lady of Piekary.” Durante di esaki ta bishita Basílika I e imágen di “Our Lady of Piekary” sigui pa

katisashi di Papa Juan Pablo II segun e gruponan repartí pa idioma.

Di sinku dia Inisio di konsierto I presentashon di komunidatnan internashonal – un tèst di fe (Elijah – e

profeta komo kandela) skapulario di Our Lady - an attempt to hope Fire Divine Mercy - an attempt to love

(God is rich in mercy) ,Misa, sena Konsierto, orashon I dibertishon final I trep bek pa Parokia

Di seis dia den e parokia: desayuno den famianan (Day in Parish) Misa Dia di komunidat komienso di e

enkuentronan ku orashon presentashon di e siudatnan bishitante den region – kanto di e himno ofisial di

WYD 2016 final ku un orashon di klousura. Anochi den parokia. (hóbennan di e diferente partinan di

mundu ta presentá nan pais, nan kultura, nan kustumbernan.

Sena di despedida

Djaluna 25 di yüli 2016: desayuno den famianan (departure day). Aki nos a hasi un misa I nos tur a sinta

komo famia hutu den Misa I einan ora misa a kaba nos a bai despedi di nos resektivo famianan pa nos

sigi ku e mishon pa Kraków.

Korto deskripshon Kraków:

Ban deskubrí Kraków Bou di e rúbrika aki nos ta duna dos dato interesante di Polonia. Kuminda di

Polonia tin bon smak i ta poko pika. Nan ta gusta karni espesialmente karni di porko, galiña i “beef”

kombiná ku vegetalnan di invierno manera kolo. Nan ta gusta pasta i cornflakes. Kushina di Polonia ta

“hartig” i ta usa hopi krema i webu.

E religion mas dominante bou di e poblashon di Polonia ta Katóliko, 90% di e poblashon. 2% di e

poblashon ta ateista, 2 % ta otro religion, 1 % ta ortodokso, 3 % ta agnostiko.Promé ku Holokousto e

poblashon tabata katóliko, protestant, hudiu i kristian ortodokso. Despues di Holokousto Polonia a bira

abrumador katóliko.

Durante di e WYD, dia 25 di yüli 2 di ougùstùs 2016, nos lo hospedá den e Kraków.

Aki un dekripshon di loke tur nos ta risibi na e siman di 26 juli 2016 pa 3 di ougùstùs 2016

Pakete peregrino . E pakete ta bin den tres diferente kolo esta blou, kòrá i hel i ta konsistí di: - Un pas

peregrino - Un “rugzak” - Un rosario di armbant pa resa e rosario di Dibino Miserikòrdia - Un shal

multiuso - Un poncho pa si áwaseru kai - Un guia pa peregrino - Un guia di Kraków - Un buki di orashon

Hesus mi ta konfia den Bo, un buki ekstraordinario tokante di Dibino Miserikòrdia i - Bònnan pa kuminda

pa lùnch i sena

Bònnan di kuminda Durante di WYD lo usa e bònnan di kuminda den 2000 restorant i bar

partisipantenan. Tur lugá partisipante lo tin un poster A3 riba kual nan ta indiká ku nan ta tuma bon i kiko

por haña ku e bònnan aki. Desayuno lo ser sirbi den serkania di kaminda ta hospedá. Den e pakete

peregrino lo tin diferente tipo di bon.

Pas peregrino Ku e pas peregrino por hasi uso grátis di transportashon públiko. E pas ta bálido di dia 25

di yüli 2016 pa dia 2 di ougùstùs 2016. E transporte públiko ta konsistí di transportashon di siudat ku ta

basa riba bus, trein i tram.

Valuta ku por usa na Polonia jama złoty (PLN), esei ta uniko medio ku ta huza pa paga kune. Nan den

Europa, pero nan medio di paga no ta euro pero manera menshona złoty.

Aki un resumen di loke nos ta a hasi entre 26 di yüli 2016- 2 di ougùstùs 2016:

Na Krakow nos mester volg un schedule di un siman. Adhunto e schedule

Aki nan trobe nos a bai keda na kas di famia, prome nos tabata pa bai wordu aloka na un skol, pero pa

Grasia di Dios nos a haña famia nan kompromete ku a tuma nos den nan kas.

Aki nan nos mester a bai segun e schedule ku tin asigna pa tur preregrino. Ta miles I miles di preregrino

ta bai topa I eksperensha e grandes di nos Dios.

Loke a resalta na e kasnan di famia ta kon nan a tuma nos komo nan yunan. Nos tabata 9 hende

homber. Un famia a tuma nos tur 9 hende homber den su kas. Awor ta bini e parti mas ku e konmove nos

mas. E meneer ku su kasa a bai drumi den nan sala I a duna nos nan kamber nan pa nos drumi den dje.

Segun e skema nos a yega dia 26 di juli na Kraków nos no por a yega na e misa di apertura door ku nos

a perde dos partisipante I nos a keda warda nan, pero nan a yega sana I salvo bek.

E sigiente dia 27 juli nos a keda den nos bario mes I a partisipa na e Katekesis nan.

28 juli nos a bai e youth festival aki e eksperensha tabata tremendo, tur kontinente a topa otro I a

interkambia nan eksperensha.

29 juli nos a keda den nos bario I partisipa aktivamente. 30 di juli nos a bai e kaminda di krus ku a wordu

tene I aki tambe e eksperensha tabata tremendo, kantamentu I kon nos ta biba ku loke Dios a hasi pa

nos muri pa nos pikanan pa nos ta salba.

31 di juli e gran dia I parti final nos a bai keda drumi riba un veld grandi ku a akapara 2 mion peregrino.

Aki nan ta tende vigilia I na final e misa pa klousura e World Youth Day 2016 I na final ta anunsia e Pais

organisado.

E pais organisado a sali Panama 2019.

Eksperensha personal

Echt eta un eksprensha kumi no por ekspresa kon bon e tabata. Famia nan ta tuma bo echt komo

nan yu. Nan ta biba kubo den tur loke tin di schedule pabo bai. Nan ta hiba bo trese bo te

kaminda nan por. Bo no ta sinti falta di nada.

Komo Yu Di Korsou eta poko difisil pa tuma un hende den bo kas, pero aki nan e hendenan ta

hasi manera ta un famia bo ta di nan. Bo mag di hasi loke bo kier, nan ta mira bo komo parti di

famia. Tabata tin hopi lagrima ora di bai laga e famia nan pa sigi pa nos mishon. Pero al final nos

kada unu a kompronde otro I nos tin kontakto ku otro te ku awe.

E dianan largu den trein, kana, juda otro kombibi I kon e famia nan ta anda ku nos ta mustra bo

kon komo persona tin ku atende ku otro I sa di stima otro.

Na final semper lo mi keda korda e ekspreshon ku un partispante afrikano a bisami na Spaña

2011 i mi a eksprenshe na Polonia 2016 tambe.

Ela yega serka mi I ela bisami di kwa pais mi ta I mi a bise mi ta di Korsou ela bisami eta di

Afrika etc. I na final e di kumi, bo sa “ E enkuentro aki te uniko enkeuntro ku henter mundu

Katoliko ta topa Otro sin eksepshon” ela bisami esaki den e konteksto ku mundial di futbol tin 32

pais ku ta partispa na mundial, no ta tur pais por partispa na e mundial aki. Pero nos komo

Katoliko tur hoben ta topa otro rond parti di mundu. Nunka mas mi a lubida esaki.

Algun Potret I video di World Youth Day

Nos delegashon na Thychy, Polonia pa Days in Dioseses.

https://www.facebook.com/1613793728888449/videos/1743738489227305/

na kaminda pa polonia

https://www.facebook.com/1613793728888449/videos/1743735225894298/

Nos delegashon na Thychy, Polonia pa Days in Dioseses.

https://www.facebook.com/1613793728888449/videos/1743738489227305/

na kaminda pa polonia

https://www.facebook.com/1613793728888449/videos/1743735225894298/