De Sjter 1 versjleit RVU aafgeteikend; Auch driede en viefde winne!

Tinder-middig Gerard Martens druk bezoch; Bastiaan Muijtjens gesjtop mit

traine???

Veer hubbe un vriej rustig weekend achter de rugk mit os seniorenteams. De Sjter 2 en ozze

dames houwe helemoal niks te voetballe. Os driede en viefde mochten op zondig waal aan

de bak en deige dat veurtreffelijk. Ut viefde zat de lien van ut poasj-weekend door en noom

de punten mit oet Munstergelaen. En ut driede boekte heur tweede euverwinning van ’t

sezoen en haet inens oetzicht om van de letste plaatsj aaf te komme.

De veteranen, die veurige waek nog 8 reserves houwe, houwe dees waek maar nét genog

man en verloare verdeind van de Fortuna vets, mit sjmaakmaker én aansjtoand trainer

van 1 Jean Maes in de gelederen.

En os eesjte elftal tot sjlot boekte un aafgeteikende euverwinning op rode lantaarndrager

RVU en zat unne goeie sjtap richting de begeerde 3e plaatsj, die rech geef op noacompetitie-

voetbal.

Qua randjgebeure woar ’t aevenens un tamelijk rustig waekske. Es gevolg doavan dit keer

un ongebroekelijk beknopt versjlaag. Al zitte d’r zeer zeker waer get laezeswaardige

pareltjes bie. Neit te missen kost dus veur de rechtgeaarde Sjteindenaer.

Veer beginne dees waek bie ozze veteranen. Die houwe veurige waek hunne wedsjtried

gewonne, dankzij un ontzettend breije bank. Maar leifs 8 wisselsjpelers vergezelden coaches

Frens en Leon. Luxe veur de trainers, zouwse denke. Maar dat is geraekend boete de unieke

karakters binne dit team. Ut managen van al dees ego’s verg namelijk heel get van Frens en

Leon. Zo woar Gerard Martens veurige waek dermate ontevreje euver ziene wissel dat hae

in de rös mit zökke en sjoon begoosj te sjmiete en coach Leon besjuldigde van

vriendjespolitiek. Auch vedette Will Leurs leet noa aafloup in woord en gebaar zien

ongenoegen blieke euver de heum gegunde sjpeeltied én euver ’t commentaar dat hae

tiedes de wedsjtried houw motte incassere.

Coach Leon besjloot die onvrede neit te loate doorsuddere en sjprook zien netwerk aan om

un passende oplossing veur de ontevreje Gerard en Will te zuike. Achter de sjerme woort

nog effe penningmeister Jos Muris geconsulteerd, maar dae bleek vanwaege achtersjtallige

contributies neit bie machte om un financiële biedrage te leveren aan ’t terugk in lien kriege

van de ego’s van Gerard en Will. Auch de sociale kas van Mat Creemers booj gein soelaas.

De Noord Koreaanse nucleaire dreiging haet immers de aafgeloupe waeke geleid tot

Chinees protectionisme, wodoor de Yuan-Euro-wisselkoers flink in os noadeil is opgeloupe,

utgein d’r toe leidt dat de kostpries van de via Alibaba te besjtelle baby-blauwe

veteranenkostuums flink hoger geit oetvalle. In de veur heum kenmerkende totalitaire

leidersjaps-sjteit haet Mat Cremers doa op besjloate om dit begrotingstekort op te vulle

door unne greep in de sociale kas te doon.

De bekostiging van de therapie-sessie van Gerard en Will is kortom nog in nevelen gehuld,

maar ’t is waal dudelijk dat beide heren flink zeen opgeknapt van ’t bezuikske aan de

therapie-praktijk die heure naam toevalligerwies deilt mit de favoriete Thaise massage-

praktijk van Ron Marchall:

Daezelfde Will Leurs haet ’t euveriges maar druk mit de organisatie van un reünie op 6 mei

van ut befaamde café wo Will es resident DJ groot is gewoare. Op de groepsapp van de

veteranen woort geïnventariseerd wae, wievöäl kaarte wol hubbe. Wie Eddy Ubbink

aangoof dat hae sjlechs 1 kaart houfde, sjtelde Ron un begriepelijke vroag:

Auch grensrechter Willy de Worm leet de aafgeloupe waek flink van zich heure op de app.

De doorgoans rustige (op ’t bedeesde aaf) Willy trok flink van laer euver politici,

immigranten, belastinge en vrouwluuj. Willem Thewissen hoalde ein positief punt oet al die

berichte van Willy. Ron Marchall maakde zich bezurg en deig un veursjtel:

Inmiddels woar ’t tied gewoare om ens te inventariseren of d’r voldoende sjpelers

besjikbaar woare veur de wedsjtried. Aanvankelijk zou taege RVU gesjpeeld waere, maar

omdat die de luuj neit biejein krege, regelde Willem Thewissen unne nuuje taegesjtenjer in

de vorm van de Fortuna veteranen. Fortuna-fan Marc Lacroix weigerde te sjpele taege zien

grote leifde en meldde zich aaf. Willem deig doa op aan wishful-thinking:

Taege zonne sjterke taegesjtenjer koom al sjnel de vroag of keeper Rudy Crutzen waer

besjikbaar woar. Coach Leon sjtelde de vroag taalkundig echter neit perfect en dan krigse in

os hooggesjoolde veteranenteam geliek commentaar van de veurzitter:

Nog veurdat Rudy houw kenne reagere, deig Ron un aanbod om ’t Rudy nóg get

aantrekkelijker te make om te komme:

Denny Vorstermans bleek neit besjikbaar te zeen omdat hae noa un concert van Iron

Maiden ging in ’t sjportpaleis in Antwerpen. En auch in dit geval bleek Ron waer geliek

bereid om zien deinste aan te beije:

Op zoaterdig verzamelden de veteranen zich rondj veier oer op ’t Hetjen. En doa bleek ’t un

drukte van jewelste te zeen. De ganse serre zoot bomme-vol, boete sjting unne barbecue,

op ’t graasveldj sjting un opbloaskusse veur de kinjer. De veteranen houwe gein flauw idee

wat dit allemoal te beteikene houw, totdat Willem Thewissen dudelijkheid koosj sjeppe.

Willem: “Dae Tinder-middig van Gerard Martens is druk bezoch.”

Wie Gerard vervolges zelf de kantine in koom, houw Willem nog unne gouwe tip veur ziene

naef.

Willem: “Gerard, zuik dich in de serre un vrouwmusj oet. Die numme ’t, zo te zeen, allemoal

neit zo nauw, want die hubbe allemoal unne kale, dikke man.”

Ron houw intusje nog un verkloaring veur ’t weinige loupwerk dat Will Leurs un waek eerder

houw verrich in de wedsjtried.

Ron: “Madame Toussauds haet veurige waek tiedes de wedsjtried un beeld van Will

gemaak.”

Willem: “Die van Fortuna zeije net nog dat ze ’t knap vonje dat eine van 68 nog

mitvoetbalt.”

Ron: “Nou ja, mitvoetballe. Veer kenne baeter unne pin door ‘m haer duuje, dan kenne veer

toafelvoetballe mit ‘m.”

De köp woorte vervolges ens geteld en toen bleek dat veer maar sjus 11 man houwe. Stef

zou waal nog noa komme. Erg krap dus. Sjus op dat moment koom ozze nuuje hoofdtrainer

Jean Maes binnewanjele om aan de zie van de Fortuna vets te goan voetballe. Roger

Daemen zoog kans om unne extra sjpeler te ritsele. Misha Dreessen zoog kans om zien

waekelijks terugkkerende oetdrukking d’r in te sjmiete.

Roger: “Jean, voetbal lekker mit os mit. Veer kenne nog waal eine gebroeke.”

Ron: “Joa Jean, angesj motte veer mit Leurs in de basis sjtarte.”

Jean: “Nae, sorry jonges, ich hub mien woord gegaeve aan Fortuna.”

Misha: “Enne Jean? Wat is noe? D’r is toch nog gein woord gevalle?”

Effe noa vief oer woort d’r, onger leiding van sjeidsrechter Kraus aafgetrap. Noa un

kwarteier voetballe arriveerde einige reserve Stef op de bank en zoog de sjriever van dit

sjtuk de kans om zich mit un blessure te loate wissele. Fortuna sjting op dat moment al mit

0-1 veur en kreeg vlak noa de wissel tot euvermoat van ramp unne penantie, dae volges

minimaal eín bron zeer zeker geine penantie woar. Nog veur de rus leep de achtersjtandj

veur ozze vets op tot 0-3.

Vlak nóa de rus moosj auch Willem Thewissen zich loate wissele. Aangezeen d’r geine wissel

meer woar, noom Willem de fluit en ’t bezjweite shirt van sjeidsrechter Kraus euver en

noom letsgenuimde de rechsback-positie van Willem euver. Mit de twee zjwaakste sjakels

noe oet de ploug, begoosj ut geliek waer lekker te loupe bie De Sjter. Eesj woar ’t Roger

Daemen dae zich knap vriej dreijde en dae de 1-3 binnekrulde. Kort doanoa woar ut unne

briljante pass van Robert Kraus dae Stef in sjtoat sjtelde om de 2-3 te scoren. Coach Frens

duujde de ondanks un blessure fluitende Willem nog get wiejer in de put door euver ’t veldj

te roupe: “Klasse Kraus! Zo’n passes zeen veer normaal neit gewend van de rechsback-

plaatsj.”

Intusje meldde auch Ron Marchall dat hae get las kreeg van ’n boavebein. De gezellig vanaaf

de reservebank toekiekende Shauni Marchall zei ad rem: “zal ich dich effe massere, Ron?”

Un opmerking die zelfs de ummer sjpraakzame Ron sjtil kreeg. Al hoastte Shauni zich waal

om richting de sjriever van dit sjtuk te melje: “dat hauf neit in ’t versjlaag, he Rob.” Ich hub ’t

effe euverwoge Shauni, maar ich moosj un keuze make of ich dít weg zou loate of dat

oapelijke firte mit Devon. En toen hub ich maar veur dat letste gekoaze.

De wedsjtried eindigde in un 2-3 nederlaag veur ozze veteranen. Wie de teleursjtelling woar

aafgesjpuild ging de blik echter alwaer sjnel veuroet richting de reünie van DJ Will op 6 mei.

Willem Thewissen nump dae oavend zien Joyce mit en vonj ’t nog effe neudig om de angere

vets te loate weite wat ’n jongk blumke hae haet.

Willem: “Ich ben benuujd of Joyce dae oavend emes kent. Wie ich vruiger de letste keer doa

ben gewaes, moosj zie nog geboare waere.”

Ut letste memorabele beeld van de veteranen koom auch dees waek waer op naam van Ron

Marchall. Dae krig noa de wedsjtried ummer alle aandacht van de aanwezige

sjpelersvrouwen en dan is Ron auch niks te gek om de dames te pleasen. Veurige waek lete

de dames Ron un foto zeen van unne gesjpierde kael mit poasj-haas-oren, wo op Ron geliek

reep “dat ken ich auch… én ich durf auch nog mien poasj-eier te loate zeen.” Dees waek

hulde Ron zich in de jas van Resi Conjour zodat de dames un sjoon plaetje koosjte sjeite:

Sjnel door noa ut volgende team noe. De Sjter 2 houw dit weekend niks te voetballe maar

sjpeelde waal doordewaeks vriendsjappelijk taege RKDFC 1. Dat is de ploug die wurt

getraind door Jean Janssen, dae kommend sezoen De Sjter 2 onger zien hoede nump. Ozze

jonkies sjpeelden un heerlijke 1e helf en leidden hauvewaege terech mit 1-0. Noa de pauze

woar d’r effe un paar minute versjlapping en dae tied woort door RKDFC optimaal gebroek

om op unne 1-3 veursjprong te komme.

Hoewel ut tweede dus niks te voetballe houw, woare d’r toch waer volop mannen oet dit

team aanwezig in de kantine op zondig. Zo goof beveurbeeld Bart Linders uiteraard acte de

présence:

Auch Jari Knoops en Frank Haenraets woare aanwezig. Die twee échte clubluuj woare waer

ens bereid om ut driede oet te helpe. En auch keeper Bastiaan Muijtjens woar aanwezig.

Dae zoog d’r get angesj oet dit weekend. Sjus esof hae get minder ‘in shape’ woar. Dat idee

houwe in jeder geval de minimaal 25 luuj die ‘m in de kantine op zondig vroge of hae

gesjtop woar mit fitnesse. De achterin de kantine veulbeteikenend, lachend toekiekende

Willem Thewissen meldde allein: “Oet eige ervaring weit ich wat ’t deit mit ’t lichaam van

unne body-builder esse inens sjtops mit traine.”

Dan euver noa ut driede. Die moosjten thoes aantraeje Limbricht 2. En noa ’t veurige waek

taege Urmondia 2 behoalde punt, woar ’t zelfvertroewe van coach Gooren en zien mannen

veur aanvang groot. En dat bleek volkomme terech. Mit hulp van Frank Haenraets en Jari

Knoops versjloge ozze jonges de gasten oet Lömmerich mit 3-1. De doelpunten woare

aafkomstig van Mick Cremers, Maikel Melis en Rene Gooren. Of, wie Jari ze omsjreef:

Wiejere info euver de ongetwiefeld fabelachtige goal van Rene ontbrik, omdat Rene op dit

moment op vakansie in Griekenlandj is. De eesjte filmkes vanoet un Griekse karaoke-bar mit

unne valsj zingende Rene hubbe Sjtein inmiddels bereikt.

Van de zingende Rene goan veer door noa de mannen van 5. Die houwe, net zo wie de

veurige twee wedsjtrieje, waer get muijte gehad om un elftal op de bein te brenge. Mit dank

aan Bastiaan Muijtjens en Stefan Frissen houw men oeteindelijk toch 12 man besjikbaar. De

man in vorm, Mark Habets, woar veur unne keer neit aanwezig omdat hae mitdeig aan unne

hardloupwedsjtried in Remunj. Ziene ploeggenoot Ralph Doek woar doa neit zo euver te

sjpraeke:

Op ’t programma sjting unne oetwedsjtried taege SVM 4. Un ploug wotaege ozze mannen ut

ummer lestig hubbe en die auch nog ummer in de hauve finale van de baeker sjtoan. Unne

geduchte taegesjtenjer dus.

De opsjtelling zoog d’r es volgt oet:

Kis: Bastiaan

Achter: Frusj, Ivo, Mark J., Rickert

Midden: Tom/Devon, Patje, Doekie en Raoul

Veur: Noudje en Brahim

Ozze mannen begoosjte prima aan de wedsjtried, want d’r woort vol op geklatsj. Dat leidde

echter auch tot sjade want al noa 5 minute moosj men de einige wissel gebroeke. Devon

veel oet mit dezelfde turnblessure es Zlatan. Desondanks bleef men prima voetballe. Keeper

Bastiaan houfde zich amper in te sjpanne. En oeteindelijk koom men veur de rus zelfs op

veursjprong. Unne sjtaekbal op Tom woort door dem metein veurgezat en Noudje raakte de

bal (neit) verkeerd: door de henj van de keeper ongerkantj lat in de goal. 0-1 hoppa!!!

De tweede helf woar ’t sjpelbeeld utzelfde. Allein woorte sommige luuj get muig. De wout

van 5 (Raoul) zoot zelfs taege de krampgrens aan, ondanks ’t feit dat hae in de persoon van

Ralph Doek, emes naeve zich houw sjtoan dae al ’t loupwerk veur ‘m opknapde.

In de 65e minuut chipte Patje de bal door op Noud aan de rechterkantj. Dae tikte de bal noa

Brahim, dae veur ’t eesj dit sezoen de bal ens neit eesj drie kere onger ziene vout

doorhoalde maar de bal inens doorsjpeelde noa links wo Doek koom aangedenderd. Dae

fakkelde neit lang en sjoot de bal degelijk hel via binnekantj poal in de lange houk: 0-2!!!!

De wedsjtried woar gesjpeeld. Drie punte in de pocket en waer lekker terugk op de 5e

plaatsj noa un goei reeks van 3 euverwinninge op riej. Zondig sjteit unne wedsjtried taege

koplouper Gelaen Zuid op ’t programma veur os jonges, die un poging goan doon om doa de

punte te sjtaele. Succes mannen!

En dat bringk os alwaer bie ut letste seniorenteam dat aafgeloupe weekend aan de bak

moosj, os eesjte. Die mannen hubbe nog maar un paar wedsjtrieje veur de boeg en hun

missie is dudelijk. Men wult per se de noacompetitie bereiken en doaveur is normaliter ut

vashaute van de 3e plaatsj op de ranglies voldoende. Men wit echter dat ’t nog sjpannend

zat zal waere aangezeen auch SHH en de buren GSV en Caesar nog aansjproak make op die

3e plaatsj. Ut woar dit weekend dus van belang om taege hekkesjleieter RVU de drie punte

in Sjtein te haute.

De ploug moosj dat doon zonger hoofdtraining Czornyj dae dit weekend zien joarlijkse werk-

verplichting in de vorm van unne oape daag op sjool houw. Hae woort op de bank vervange

door Rudy Crutzen. Coach Czornyj houw ziene vervanger de volgende opsjtelling

mitgegaeve:

Kis: Geoffrey

Achter: Timo, Guido C., Guido R. Paolo

Midden: Stan, Ricardo en Giel

Veur: Hassan, Bob en Thijs

Bank: Bastiaan, Mike, Marko en Sjoerd

Opvallende aafwezige woar Roel Heffels. Reporter Randy Wanten wis wat Roel mankeerde.

Wat de oorzaak van ’t mankement woar, wis Randy echter neit zeker:

Noadat sjpelerke van de waek Chanon Smeets de score houw geoapend, begoosjten de

plouge oet Sjtein en Rothem aan hunne belangrieke wedsjtried. RVU goof volle gaas, maar

toch woar ’t al noa 10 minute raak veur de gael-zjwarten. Ut woar Stan Goossens dae zien

ploug op unne 1-0 veursjprong brach. En ut doerde neit lang veurdat Ricardo Lucassen

vanaaf de sjtrafsjop-sjtip de veursjprong moch verdubbele: 2-0, noa un euvertreding op

Timo.

De wedsjtried leek al besjlis, maar ’t sierde RVU dat men bleef geluive in ’n resultaat.

Hauverwaege de 1e helf scoorden de gasten dan auch de aansjleitingstreffer: 2-1. Ozze

jonges lete echter geliek waer zeen wae de baetere ploug haet en noa 35 minute voetballe

woar ’t Thijs dae unne perfecte assist houw op Hassan, dae de 3-1 op ’t scorebord zat.

Inmiddels woar de rös aangebroake en vonj de trekking van de loaterie plaatsj. De fruitmanj

koom dees waek om un goei plaatsj terech, want de winnaar zal ’t fruit ongetwiefeld

kommend weekend deile mit zien teamgenoten, in plaatsj van de gebroekelijke gefrituurde

hepkes:

Noa de pauze ging de verhitte sjtried op ’t veldj door. RVU goof volle gaas in heur zoektocht

noa punten en De Sjter wis heur surplus aan kwaliteit geregeld om te zette in goei kansen.

Thijs woar vlak noa rus ’t kortste bie unne treffer, maar ziene knal eindigde op de lat.

Doanoa woar ’t in de 60e minuut de beurt aan RVU om ’t doel onger vuur te numme. Noa

unne ongelukkige handsbal ging de bal op de sjtip. Geoffrey toonde echter ens te meer aan

dat ’t mit zien reflexen waal goud zit door de bal prima te sjtoppe.

De besjlissing veel oeteindelijk in de 70e minuut en ’t recept woar ’t zelfde es veur de rus: de

assist woar van Thijs en Hassan zat, mit ziene 2e van de middig, os jonges op unne 4-1

veursjprong. Neit lang doanoa woar ’t de beurt aan Thijs om es aafmaker te fungeren en hae

brach de 5-1 op de borden. Dat woar geliek ’t letste wapenfeit dat veer veurluipig van Thijs

zulle zeen, want noa ’n vraem besjlissing van de sjeidsrechter leidde ’t cynische applausje

van Thijs tot zien 2e gael kaert van de middig. Es gevolg van un sjorsing zal hae noe 2

wedsjtrieje motte misse. Zunj!

Oeteindelijk wis invaller Mike Haberland tóch nog veur unne positieve aafsjleiter te zurge

door de eindsjtandj op 6-1 te bepalen. Un klinkende euverwinning veur os eesjte elftal en

unne goeie sjtart van de eindsjprint in deze competitie. Unne eindsjprint dae via Caesar,

Scharn en Eijsden hoapelijk leidt tot ’t realiseren van ’n noacompetitieplaatsj. Dat zal,

gezeen de taegesjtenjers, nog lestig zat waere. Maar ein dingk is zeker: ut levert auch nog

gegarandeerd drie wedsjtrieje op die éch urges om goan. Te beginne mit de kraker

kommende zondig in Baek taege Caesar. Clashes die zich ummer kenmerken door vöäl

passie van beide kantje.

En dan zeen veer alwaer aan ’t eind gekomme van dit versjlaag. De aafsjleiter is ditmoal

ingeruump veur unne jong dae op un kanjtelpunt is aanbelandj in zien laeve. Keuzes die hae

noe maak, zulle bepalend zeen veur de res van zien laeve. Ut betruf unne échte clubman.

Emes dae ummer aanwezig is op traininge van de selectie. Dae bereid is om auch legere

elftalle oet te helpe. Dae goud ligk in de groep. En dae zelfs onlangs bie de jeugd traininge is

goan gaeve. Kortom, emes dae veer nog héél lang veur os vereiniging wulle behaute.

Sjterker nog: unne jong dae hoapelijk noa un succesvolle carriere bie de selectie en leger

elftalle, auch geweun lekker tot in lengte van dagen blif doorvoetballe bie de veteranen.

Deze jong is al genuimp in dit versjlaag. Want aafgeloupe zondig woare d’r in de kantine

unne houp luuj die zich druk maakten om ‘m. It ‘r nog waal gezondj? Woarom is hae gesjtop

mit fitnesse? Veer hubbe ’t natuurlijk euver Bastiaan Muijtjens.

En kiek Bastiaan. Veer weite dat veer bie de leger elftalle en zeker auch bie de veteranen,

luuj in allerlei soorten en moate hubbe rondjloupe. En veer hubbe ze allemoal aeve gaer.

Maar in dien geval zeen veer dich toch lever de kommende 30 joar in de aafgetrainde

voetsjporen traeje van dien grote idool, Willem “The Body” Thewissen, dan in de voetsjpore

van al dae vergoane glorie dae wiejer nog bie os rondjlup. Dus dasse op de foto wurs

vasgelag terwielse noa de wedsjtried baedels om diene wedsjtriedpremie, dat venje veer

gaar neit erg. Maar zurg noe esteblijf dasse mit dae premie dien abonnement bie de fitness-

sjool waer verlengs. Dan krig Willem Thewissen in de toekomst auch neit sjnel meer 25 luuj

in de kantine zo gek om dich te vroage ofse gesjtop bes mit traine. Vöäl wiesheid

toegewunsj, klasbak!

Pes volgende waek.

Rob Sjulpe