AYLLUQ RURUN

Aylluq rurun mizk'i mikhuy

weqeq yakunwan qaspasqa,

sirk'a yawarwan qespisqa.

Qanpin sut'i nanay purin,

llaqta aylluq para weqen!.

Ay apullay!... Pachamama

wañuq sonqo rikch'arichiq,

Qoyllurpa akchin murk'iriq

Atipachiy kay kallpa ñawita

willkasqa sonqo yurinanpaq.

Ischhuq schhullan waynakuna

wayrariqtin ch'usaq tukuq,

toqachuq sonqon sipaskuna

raurariqtin q'osñi tukuq,

qhaswa chawpipi muhuchakuq

mukmu t'ika qholla mikhuy.

Aylluq rurun wayna, sipas.

Maymi waylluq sonqoikichis?

Ay urpillay ch'usaq q'esa !

qaynamanta wañuyman karqan,

mana q'oyti sonqo runakunata

rikuspa, llakipi kawsanaypa.

Phutiq mukmu, misk'i mikhuy

pantay ñanpa t'ikrachasqan,

q'achu ch'uñuta millakuspa,

qholla mut'ita qonqay atiq.

Manachu ñawiykita kichariwaq

llaqtaq sonqonpi k'anchaspa

wiñay kusikuy llanllananpaq,

Ari,... Cheqaqta chaywanqa,

achhanqaraymi suni waytanman,

pachak waranqa phanchiyninpi

mana hayk'aq yawarta waqaspa.

Aylluq rurun mizk'i mikhuy!..