Bu-ston: Chos-wbyung -...

01-Bu-ston.doc 1

Bu-ston: Chos-wbyung

I. | | bde bar gshegs pa’i bstan pa’i gsal byed chos kyi wbyung gnas gsung rab rin po che’i mdzod ces bya ba bzhugs so | | bcom ldan wdas sh’akya seng ge la phyag wtshal lo | | gang zhig thugs bskyed dge tshogs bdud rtsi’i zas can las byung brnag dka’i bzod pas gzi dpal wbar ba | | sku gsum mthar phyin rin chen rang bzhin dpag yas smon lam myur wgro bdun ldan gzung wdzin gos bral bas | | sgrib gnyis chu wdzin bral ba’i bya lam yangs par khrid cing wchar nub bgrod tshul sna tshogs gzhan don can | | dri med gsung zer tsha zer byed pa’i wod zer bye ba brgya phrag stong ldan phyogs wphros pa las | | rab byung sbyin dgra yid kyi srubs shing gtsug na zla ba log wdren skem byed mig stong wtsho byed sogs | | srid gsum wdi na ston par khas wche che bar mngon rlom wod ldan gza’ tshogs gzi brjid kun wjoms pa | | thub pa ser skya rkang mig pa dang rig byed gzhung wdzin nam mkha’i gos can tshu rol mdzes pa ba | | rgyas pa rnga bong grog mkhar ba sogs wbyung po’i bya tshogs wdren byed nyams byed rgyu ba kun gcod cing | | gang du shar bas blta bar wdod dang dri bsung don gnyer dbang po tshIm byed sbrang rtsi’i mchog wdod pa’i | | mngon mtho’i snod gyur nyan thos rang rgyal rgyal sras bung ba dregs pas myos pa’i dar dir sgrog nams la | | mtho ris ze wbru’i phreng ldan kha phye nyer zhi’i dri bsung phyogs bcur wphros pas myos pa’i rkang drug wkhrigs | | don gnyis mthar phyin kun mkhyen sbram rtsi kun nas skrun byed nam mkha’i nor bu rgyal ba rgyal cig | gang zhig wkhrul ba mtha’ dag spangs kyang rtag chad smra ba’i lta ba ngan pa gzhom pa dang | | bstod smad la sogs chos brgyad spangs kyang dkar phyogs lha rnams wphya ba spang bar bya ba dang | | rjes su chags pa mtha’ dag spangs kyang wgro la chags pas bstan pa yun du gnas bya’i phyir | | chos rnams rag gi yul las wdas kyang ngag gi phreng bas chos rnams sdud mdzad spyi bos mchod | | rgyal ba mchog gis mchog tu lung bstan bstan pa dar mdzad mdzad pa dri med mnga’ | | mnga’ bdag dam pa’i dam pa’i chos kun kun tu gzung phyir theg pa gsum gyi tshul | | tshul bzhin rab ston ston pa’i gsung rab rab tu gsal byed blo mchog mnga’ ba’i thugs | | thugs rjes dgongs wgrel wgrel bshad bshad pa ma nor ston pa wphags pa’i tshogs la’ang wdud | |

01-Bu-ston.doc 2

kun mkhyen rgyal ba’i gangs ri las wongs shing | | sdud byed dam pa’i gsung rgyun rab bltams pas | | wgrel bshad wdab stong ldan pas brgyan pa’i mtsho | | legs bsgyur lo paN skyes mchog gtsug gis mchod | | bslab gsum gser gyi dra bas legs g.yogs shing | | bsdu bzhi’i yan lag legs skyes mche ba brtan | | wchad rtsod rtsom pas phas rgol g.yul las rgyal | | lag ldan bod kyi mkhas mchog rnams la wdud | | gsung rab rin chen khams las legs grub cing | | rnam dpyod lta ba’i byin zas legs sbyangs te | | brda sprod tshig gi dar gyis rab brgyan nas | | bdag blo’i the tshom dra ba gcod mdzad pa’i | | ral gri rin chen lta bu’i bla ma’i tshogs | | yon tan khur gyis lci ba bcu phrag gnyis | | khyad par bka’ drin che ba’i slob dpon drug | rgyun du dad pa’i yid kyis skyabs su mchi | | ma ltar brtse ba’i bla mas legs bskyangs shing | | mi yi seng ge’i gsung rab padmo’i tshal | | me tog la dga’i bung ba ltar bsten pas | | mu mtha’ yas pa’i chos la blo gros rgyas | | de ltas bdag kyang sh’akya’i gsung rab mtsho | | gting mtha’ yas par brgal bar wdod pa yin | | de yi gting mtha’ rtogs par ma nus kyang | | ngo mtshar don gyi rin chen cis mi rnyed | | rnyed kyang dbul po’i lag gi rin chen ltar | | bdag gi legs bshad dri ma med pa wdi | | wgran wdod phrag dog sdang sems kyis ba sgribs nas | | gzur gnas yid ches gnas su su zhig len | | len pa med kyang dam chos bdud rtsi yis | | rang gi yid kyi zug rngu cis mi sel | | gal te wga’ zhig len na de dag gi | gdung ba’i rims nad wjoms par mi wgyur ram | | de phyir rang blo’i dbul ba bsal ba dang | | chos ldan don gnyer skye bo rnams la yang | | rgya chen chos kyi dga’ ston spel slad du | | gsung rab rin chen mdzod kyi sgo dbye’o | | wdi nas theg pa che chung sna tshogs kyi | | dgongs pa nor bu mchog dman sna tshogs wbyung | | de dag khyed la gegs med byin zin gyis | | dga’ ba’i yid kyis ci wdod blang bar gyis | | wdir bdag cag gi bla ma sh’akya’i rgyal po rdzu wphrul gyi rkang pa’i dpung tshogs yan lag bzhi dang ldan pas | | chu srin rgyal mtshan can gyi g.yul ngo pham par mdzad nas | bsdu ba bzhis gdul bya smin grol gyi zhing du bsdus nas | chos kyi wkhor lo ma lus pa rnam pa thams cad du bskor ba’i chos kyi rgyal po chen po de’i chos srid khyad par du wphags pa’i rgyal tshab chen po rnams kyis yang dag par legs par bskyangs pa’i srol bzang po wdi | lha dang bcas pa’i wgro ba mtha’ dag la phan pa dang bde ba’i gzhir gyur pa yin pas | de’i tshul gces par wdzin par rigs shing | de yang bshad sgrub gnyis las gzhan pa’i thabs kyis ma yin pa’i phyir dang | sgrub pa’ang wchad nyan sngon du wgro ba can yin pas | wchad nyan la wjug pa’i tshul nges par bya’o | |

01-Bu-ston.doc 3

wdi la bzhi ste | dam pa’i chos mnyan pa dang bshad pa’i phan yon rig par bya ba dang | gang mnyan pa dang bshad par bya ba’i chos ngos gzung ba dang | de la nyan bshad tshul ji ltar sgrub cing nyams su blang ba dang | bsgrub bya’i chos ji ltar byung ba’i tshul las | | dang po la | spyir dam pa’i chos nyan bshad kyi phan yon dang | khyad par theg pa chen po’i chos kyi nyan bshad kyi phan yon gnyis las | dang po la | mnyan pa dang | bshad pa dang | gnyis ka’i phan yon gsum gyi dang po ni | byang chub sems dpa’i sde snod las | | thos pas chos rnams shes par wgyur | | thos pas sdig las ldog par wgyur | | thos pas don med spong bar wgyur | | thos pas mya ngan wdas pa thob | | ces gsungs la | de’i don rnam bshad rigs par | de la rkang pa bzhi po wdis ni rim pa ltar phyi nang gi grub mtha’ shes pas blang dor gyi gnas shes pa dang | tshul khrims kyi bslab pa thob nas nyes spyod las ldog pa dang | sems kyi bslab pa thob nas don med pa’i wdod pa spong ba dang | shes rab kyi bslab pa thob nas de la brten nas zag zad mngon du byas te myang wdas thob pa de bzhi wam | yang dag pa’i lta ba rnyed pa dang | las dang nyon mongs dang | skye ba’i kun nas nyon mongs las brgal ba ste bzhi dang | chos wdus ba la dad pa rnyed pa dang | rab tu wbyung ba dang | dbang po’i sgo bsrungs pas wdod pa las wdod chags dang bral bas gnod pa spong ba dang | bden pa rtogs nas myang wdas thob pa ste | bzhi la bshad do | | rnam bshad rigs par | bcom ldan wdas kyis chos mnyan pa la phan yon lnga gsungs te | ma thos pa thos par wgyur ba dang | thos pa yongs su byang bar wgyur ba dang | som nyi spong ba dang | lta ba drang por byed pa dang | shes rab kyis tshig dang don zab mor rtogs par wgyur ba’o | | zhes so | | de’i don rgya cher thos pa dang | gsal zhing dri ma med par byed pa dang | nges pa wthob pa dang | yang dag par rtog pa dang | bden pa rtogs pa ste lnga’o | | dang po gnyis kyis thos pa’i shes rab yongs su dag | bar pa gnyis kyis bsam pa’i shes rab yongs su dag | thams sgom pa’i shes rab yongs su dag par wgyur bar bstan no | | yang dam pa’i chos mnyan pa la phan yon rnam pa lnga yod de | rnam par mi shes pa rnam par shes par byed pa dang | nyes par gzung ba wdor ba dang | the tshom zos pa nges par byed pa dang | nges par byas pa snying por byed pa dang | wphags pa’i shes rab kyi mig sbyong bar byed pa’o | | zhes so | | yang chus ni phan pa rnam pa lnga byed de | wbras thug po che la sogs pa sbang par bya ba rnams wbangs par byed pa dang | lus dang gos dang snod dag gi dri ma sel ba dang | sos ka’i lus kyi yongs su gdung ba sel ba dang | skom dad che ba zhi bar byed pa dang | rtsva dang wbru dang nags tshal bskyed cing wphel bar byed pa yin no | | de bzhin du sangs rgyas kyi gsung la dad pa bskyed pas | gdung ba’i rgyud wbangs par byed pa dang | wchal ba’i tshul khrims kyi dri ma sel ba dang | wdod pa’i yongs su gdung ba sel ba dang | yang wbyung ba’i srid pa’i skom pa zhi bar byed pa dang | byang chub kyi phyogs dang mthun pa’i yon tan gyi rtsa ba dang | wbru dang nags tshal bskyed cing wphel bar byed

01-Bu-ston.doc 4

pa yin no | | phan pa lnga po de yang dad pa rnyed pa dang | las dang bcas pa bslab pa gsum las brtsams pa rig par bya’o | | de lta bas na phan pa lnga po de wdod pas gus par sangs rgyas kyi gsung mnyan par bya’o | | mes bya ba bzhi byed de | bsreg pa dang | tshos par byed pa dang | dro bar byed pa dang | gsal bar byed pa’o | | de bzhin du sangs rgyas kyi gsung gi mes kyang rgyud smin pa rnams la nyon mongs pa rnams bsreg pa dang | rgyud ma smin pa rnams la dge ba’i rtsa ba rnams smin par byed pa dang | srid pa la mngon par dga’ ba rnams skyo bar byed pa’i phyir gdung bar byed pa dang | skyo bar gyur pa rnams dang the tshom zos pa dang lam ngan par zhugs pa rnams la lam dang lam ma yin pa yang dag par rab tu ston pa’i phyir gsal bar byed pa yin no | | de lta bas na gus pas chos mnyan par bya’o | | gzhi lnga dag gis wjug ngogs bde ba la brten par bya ste | dri ma med par bya ba’i phyir dang | tsha ba rab tu zhi bar bya ba’i phyir dang | skom pa rab tu zhi bar bya ba’i phyir dang | dga’ ba’i rtsed mo nyams su myong bar bya ba’i phyir dang | tshu rol gyi wgram nas pha rol gyi wgram du phyin par bya ba’i phyir dang | sangs rgyas kyi gsung wjug ngogs bde ba la’ang de bzhin te wchal ba’i tshul khrims kyi dri ma med par bya ba’i phyir dang | wdod pa’i yongs su gdung ba rab tu zhi bar bya ba’i phyir dang | yang wbyung ba’i srid pa zhi bar bya ba’i phyir dang | bsam gtam dang mngon par shes pa dang tshad med pa dang | rnam par thar pa la sogs pa yon tan khyad par can gyi dga’ ba’i rtsed mo nyams su myong bar bya ba’i phyir dang | tshogs nas gyi wgram wjig tshogs nas pha rol gyi wgram mya ngan las wdas par wgro bar bya ba’i phyir ro | | de lta bas na | wjug ngogs bde ba la brten pa’i yon tan wdod pa rnams kyis gus par sangs rgyas kyi gsung mnyan par bya’o | | zhes gsungs so | | gnyis pa la | ston pa sangs rgyas la mchod pa bla na med par wgyur ba dang | zang zing gi sbyin pa las mchog tu gyur cing | phan wdogs pa’i mchog yin pa dang | gzungs dang rig pa thob pa dang | bsod nams wphel bas byang chub thob pa dang bzhi’o | | dang po ni | ji skad du | gang la phan phyir nga yi chos | | tshul bzhin bstan pas mchod wgyur gyi | | me tog byug pa mar me yis | | rgyal ba yang dag mchod ma yin | | zhes so | | gnyis pa ni | byams pa seng ge sgra’i mdo las | gang gis gangg’a’i bye snyed sangs rgyas zhing | | rin chen bdun gyis yongs su bkang byas nas | | dga’ rab sems kyis rgyal la phul ba dang | | gang gis sems can gcig la tshigs bcad byin | | rin chen sbyin pa shin tu rgya che des | | tshigs bcad sbyin pa snying rjes bsgrubs de la | | char yang mi phod grangs su’ang ma yin na | |

01-Bu-ston.doc 7

bde dang yid bde byang chub de wtshang rgya | zhes pa la sogs pa phan yon mang po gsungs so | | gnyis pa theg chen gyi chos kyi bshad nyan gyi phan yon ni | | gzhi’i dus su theg dman gyi dge ba zil gyis gnon cing rigs gsos thebs pa dang | lam gyi dus su sgrib pa ma lus par spong bas bsod nams gzhan las lhag pa dang | wbras bu’i dus su rnam mkhyen thob par nges pa’o | | dang po ni | shes rab kyi pha rol tu phyin par | stong gsum gyi stong chen po’i wjig rten gyi khams kyi sems can de dag thams cad dgra bcom pa nyid thob par wgyur la | dgra bcom pa de dag gi sbyin pa las byung ba’i bsod nams bya ba’i dngos po dang tshul khrims las byung ba’i bsod nams bya ba’i dngos po dang | bsgoms pa las byung ba’i bsod nams bya ba’i dngos po gang yin pa de la kun dga’ po wdi ji snyam du sems | bsod nams kyi phung po de mang ba yin nas | gsol pa | bcom ldan wdas de ni mang lags so | | bde bar gshegs pa mang lags so | | bka’ stsal pa | kun dga’ po de bas kyang su zhig la | byang chub sems dpa’ sems dpa’ chen pos shes rab kyi pha rol tu phyin pa dang ldan pa’i chos tha na nyin gcig bton na | de bsod nams kyi phung po ches mang du skye’o | | zhes pa nas | kun dga’ po wdi ni byang chub sems dpa’ sems dpa’ chen po de’i chos kyi sbyin pa ste | nyan thos kyi theg pa ba thams cad dang | rang sangs rgyas kyi theg pa ba’i gang zag thams cad kyi dge ba’i rtsa ba thams cad zil gyis gnon pa’o | | zhes gsungs so | | gnyis pa ni | rgyud bla mar | gang zhig byang chub don du gnyer bas gser zhing nor bus spras pa ni | | sangs rgyas zhing rdul mnyam pa nyin re chos rgyal rnams la rtag wbul la | | gzhan gang wdi la tshig tsam thos nas kyang ni mos na ni | | sbyin pa las byung dge ba de las bsod nams ches mang thob par wgyur | | blo ldan gang zhig bla med byang chub wdod pas bskal pa du mar yang | | lus ngag yid ni wbad pa med par tshul khrims dri med srung byed la | | gzhan gang wdi las tshig tsam thos shing thos nas kyang ni mos na wdi | | tshul khrims las byung dge ba de las bsod nams ches mang thob par wgyur | | gang zhig wdi na srid pa gsum gyi nyon mongs me wjil bsam gtan ni | | lha dang tshang gnas mthar son rdzogs pa’i byang chub wpho med thabs sgom la | | gzhan gang wdi las tshig tsam thos shing thos nas kyang ni mos na wdi | | bsam gtan las byung dge ba de las bsod nams ches mang wthob par wgyur | | gang phyir sbyin pas longs spyod dag ni sgrub byed la | | khrims kyis mtho ris bsgoms pas nyon mongs spong byed la | | shes rab nyon mongs shes bya kun spong de yi phyir | | wdi mchog nyid de de yi rgyu ni wdi thos yin | | zhes so | | gsum pa ni | mdo sde rgyan las | gang zhig tshig gam don go nas | | tshigs bcad gnyis wdzin rab sbyong ba | | sems can blo ldan mchog de yis | | yon tan rnam bcu thob wgyur te | | khams ni zad par rtas pa dang | |

01-Bu-ston.doc 9

gsung rab ni | rnam bshad rigs par | chos ni mdo la sogs pa ste | rigs pa ston pa’i don dang don phyin ci ma log par nges par wdzin pa’i don gyis so | | zhes so | | wbyung wgyur wdzin pa dang nges par bya dgos pa’i bya ba byed pas wdzin pa dang | yul dang rigs kyi spyod pa wdzin pas yul chos la sogs pa’o | | lam dang mya ngan las wdas pa dang bsod nams gsum ni | ltung ba las wdzin pas chos yin la | de la ngan wgror ltung ba las wdzin pa dang | wkhor bar ltung ba las wdzin pa gnyis so | | dang po ni | ched du brjod pa’i tshoms las | wjig rten wdi dang pha rol tu | | chos spyod pa ni bde bar nyal | | zhes pa lta bu las wbras la yid ches pa’i dad pas | wjig rten pa’i yang dag pa’i lta ba la brten nas | dge ba bcu spyod ba’am | wjig rten pa’i bsam gtan gzugs med kyi ting nge wdzin bsgoms pa lta bu | de dag gis ngan song du ltung ba las wdzin pa’i phyir chos zhes bya la | phyi ro la pa kha cig la’ang yod do | | wkhor bar ltung ba las wdzin pa ni | nang pa’i skyabs gnas te | wdod chags dang bral ba rnams kyi mchog chos zhes pa myang wdas dang | de thob byed lam bden wkhor dang bcas pa’o | | theg chen gyi lam dang myang wdas dang gsung rab ni theg dman du ltung ba las wdzin pa ste | rang bzhin med rtogs kyi shes rab dang brtse ba dang snying rje chen po sogs zung du wbrel bas srid zhir ltung ba las wdzin pa yin no | | bye brag tu dang pa’i chos kyi sgra don ni | dam pa rdzags pa’i sangs rgyas yin la | des bstan pa’i chos yin pas dam pa’i chos zhes sam | dam pa ni mchog tu gyur pa yin la chos kyang yin pas dam pa’i chos te gzhi mthun pa’o | | yang na skyes bu dam pas spyad par bya bas dam pa’i chos te | dge slong gi chos bzhi bzhin no | | gsum pa ni | wdir gtan la dbab par bya ba ni | bsod nams dang lam dang myang wdas brjod bya’i gtso bor byas la | gsung rab rjod byed du byas pa dam pa’i chos yin la | de’i mtshan nyid ni gang la dmigs na lus can rnams kyi sgrib pa zad pa’i thabs su wgyur ba ste | ji skad du sdug bsngal dag ni thams cad dang | | sgrib kun sel byed dam pa’i chos | | zhes gsungs so | | de la dbye na | rtogs pa’i chos dang lung gi chos gnyis te | mjod las | ston pa’i dam chos rnam gnyis te | | lung dang rtogs pa’i bdag nyid do | | zhes pas rtogs pa’i chos kyi mtshan nyid gang zhig gang gis | wdod chags dang bral ba ste | gang zhig gang gis chags zhes rgyad blar bshad do | | de la gang zhig wdod chags bral ba | | bden gnyis mtshan nyid can de chos | | chags bral nyid ni wgog pa dang | | lam gyi bden pa dag gis bsdus | | dang bral ba wgog bden dang | gang gis wdod chags dang bral byed lam bden gnyis las | wgog bden gyi mtshan nyid de bzhin nyid la dmigs pas gang du zag pa dang bcas pa’i dngos po wgags pa ste | kun btus su | de bzhin nyid la dmigs pas gang du zag pa dang bcas pa’i dngos po wgag pa de | wgog pa’i mtshan nyid do | | zhes so | | de yang slob mi slob kyi spangs pa dang | lhag med kyi myang wdas dang | theg chen lugs kyi sangs rgyas kyi chos sku’o | | lam bden gyi mtshan nyid zag med ye shes wkhor bcas wgog pa mngon du byed pa’i thabs te | mdzod du | zag med lam gyi bden pa dang | |

01-Bu-ston.doc 12

mthong ba’i chos nyid la bde ba la reg pa’i phyir wjam pa’o | | don bzang ba’i phyir yid du wong ba’o | | yi ge bzang ba’i phyir yid du wthad pa’o | | wjig rten las wdas pa bla na med pa’i rjes las thob pa’i phyir dag pa’o | | nyon mong pa’i bag la nyal gyi bag chags thams cad dang bral ba’i phyir dri ma med pa’o | | tshig dang yi ge rab tu grags pa’i phyir rab tu gsal ba’o | | mu stegs can blo gros ngan pa thams cad kyi lta ba rnam par wjoms pa’i stobs kyi yon tan dang ldan pa’i phyir snyan cing wjebs pa’o | | sgrub pas nges par wbyung ba dang ldan pa’i phyir mnyan par wos pa’o | | pha rol gyi rgol pa thams cad kyis mi brdzi ba’i phyir mi tshugs pa’o | | thams cad dga’ bar byed pa’i phyir snyan pa’o | | wdod chags la sogs pa’i gnyen po yin pa’i phyir dul ba’o | | bslab pa bca’ ba’i thabs bde ba’i phyir mi rtsub pa’o | | de las wdas nas nges par wbyung ba’i thabs yang dag par ston par mdzad pa’i phyir mi brling ba’o | | theg pa gsum char gyi wdul ba ston pa’i phyir rab tu dul ba’o | | rnam par g.yeng ba’i gnyen po’i phyir rna bar snyan pa’o | | ting nge wdzin bskyed pa’i phyir lus sim par byed pa’o | | lhag mthong gi rab tu dga’ ba bskyed par mdzad pa’i phyir sems sim par byed pa’o | | the tshom gcod par mdzad pa’i phyir snying dga’ bar byed pa’o | | log pa dang ma nges pa sel bar byed pa’i phyir dga’ ba dang bde ba skyed pa’o | | sgrub pa la wgyod pa med pa’i phyir yongs su gdung ba med pa’o | | thos pa las byung ba phun sum tshogs pa’i rten yin pa’i phyir kun shes par bya ba’o | | bsam pa las byung ba’i shes pa phun sum tshogs pa’i rten yin pa’i phyir rnam par rig par bya ba’o | | slob dpon gyi dpe mkhyud mi mnga’ bar chos ston par mdzad pa’i phyir rnam par gsal ba’o | | rang gi don rjes su thob pa rnams dga’ bar byed pa’i phyir dga’ bar byed pa’o | | rang gi don ma thob pa rnams kyis dga’ bar bya ba yin pa’i phyir mngon par dga’ bar bya ba’o | | bsam gyis mi khyab pa’i chos yang dag par ston par mdzad pa’i phyir kun shes pa’o | | bsam gyis mi khyab pa’i chos rnams yang dag par ston par mdzad pa’i phyir rnam par rig par bya ba’o | | tshad ma dang ni mi wgal ba’i phyir rigs pa’o | | gdul bya rnams la ji ltar rigs par ston par mdzad pa’i phyir wbrel ba’o | | don med mi gsung ba’i phyir zlos pa’i skyon med pa’o | | mu stegs can gyi tshogs thams cad skrag par mdzad pa’i phyir seng ge’i sgra’i shugs so | | gsung rgya che ba nyid kyi phyir glang po che’i sgra skad do | | zab pa nyid kyi phyir wbrug gi sgra dbyangs so | | gzung bar wos pa’i phyir dbang po’i sgra’o | | sgra dbyangs shing tu snyan pa’i phyir dri za’i klu dbyangs so | | rno ba dang wjig pa’i phyir ka la bid ka’i sgra dbyangs so | | thag ring du grag pa’i phyir tshangs pa’i sgra dbyangs bsgrags pa’o | | grub pa thams cad kyi sngon du wgro ba shis pa yin pa’i phyir shang shang te’u’i sgra dbyangs grag pa’o | | de la sgra smos pa ni | de dang de’i brda go bar byed pa’i don to | | dbyangs smos pa ni don ston pa’i mtshan nyid kyi sgra yin par go bar byed ba’i don to | | grags pa smos pa ni | sgra de dang de’i brda rjes su sgrog par byed pa’i don yin no | | wda’ bar bya ba ma yin pa’i phyir lha’i dbang po’i dbyangs ltar snyan pa’o | | bdud dang phyir rgol ba thams cad las rnam par rgyal ba’i sngon du wgro ba’i phyir rnga’i sgra’o | |

01-Bu-ston.doc 13

bstod pas kun nas nyon mongs pa mi mnga’ ba’i phyir ma khengs pa’o | smad pas zhum pa mi mnga’ ba’i phyir mi dma’ ba’o | | sgra’i bstan bcos thams cad la rnam pa thams cad kyi mtshan nyid kyis rjes su zhugs pa nyid yin pa’i phyir sgra thams cad kyi rjes su zhugs pa’o | | bsnyel te gsung ba mi mnga’ ba’i phyir zung chag pa med pa’o | | gdul bya rnams kyi bya ba dus thams cad du nye bar gnas par mdzad pa’i phyir ma tshang ba med pa’o | | rnyed pa dang bkur sti la mi brten pa’i phyir ma zhum pa’o | | bsnyengs pa dang bral ba’i phyir mi zhan pa’o | | skyo ba med pa’i phyir rab tu dga’ ba’o | | rig pa’i gnas thams cad la mkhas pa dang ldan pa’i phyir khyab pa’o | | sems can rnams kyi don thams cad rdzogs par mdzad pa’i phyir tha ba med pa’o | | rgyud chad pa med pa’i phyir rgyun chags pa’o | | rnam pa sna tshogs su nye bar gnas pa’i phyir brjid pa’o | | gsung gcig la sgra’i rnam pa du mar gnas pa’i phyir sgra thams cad rdzogs par byed pa’o | | gcig las don du ma’i rnam par rig nye bar gnas pa’i phyir dbang po thams cad tshim par byed pa’o | | ji ltar dam bcas pa bzhin du mdzad pa’i phyir ma smad pa’o | | thob pa’i dus su rab tu sbyor ba’i phyir mi wgyur ba’o | | tab tab por mi gsung ba’i phyir ma rtabs pa’o | | wkhor thag ring po dang nye bas mtshungs par thos pa’i phyir wkhor kun tu grags pa’o | | wjig rten pa’i don thams cad dpe’i chos su bsgyur ba’i phyir rnam pa thams cad kyi mchog dang ldan pa’o | | zhes wphags pa thogs med gsung ngo zhes nyi khri snang bar bshad do | | wgyur gzhan las tha ba med pa la chub pa zhes dang | brjod pa la wbel ba zhes wbyung zhing yan lag drug cu’i bshad pa ni | sa sde dang wbum tig dang mdo sde rgyan gyi wgrel pa dang rnam bshad rigs pa rnams mthun par snang ngo | | gsang ba bsam gyis mi khyab pa’i mdor gsung dbyangs yan lag drug cu rtsa bzhir mdzad de | wkhor kun tu grags pa’i rjes su wdod chags zhi bar byed ba dang | zhe sdang wdul ba dang | gti mug sel ba dang | bdud tshar gcod pa dang | zhes wbyung la | byams pas | yan lag drug cu bsam mi khyab | | ces wbyung zhing | wphags pa thogs med dang grol sde dang dbyig gnyen la sogs pa gsung rab la tshad mar gyur pa rnams kyis mdo de nyid las yan lag drug cur bshad ces wbyung bas tshig lhad bcug pa yin min dpyad par rigs so | | gsum pa dbye ba la drug ste | dus dang | brjod bya dang | rjod byed dang | gnyen po dang | gdul bya dang | bdag rkyen gyi sgo nas dbye ba’o | | dang po la | dus dang por gsungs pa bden pa bzhi’i chos kyi wkhor lo | bar du gsungs pa mtshan nyid med pa’i chos kyi wkhor lo | mtha’ mar gsungs pa don dam rnam par nges pa’i chos kyi wkhor lo ste gsum du dgongs pa nges wgrel du bshad do | | gnyis pa ni | ji skad du |

01-Bu-ston.doc 15

gang yi rangs nas brjod pa ste | dper na thub pas snod bcud kyi zhing sbyangs pa na | sangs rgyas bcom ldan wdas rnams kyis dul ba ni legs so zhi ba ni legs so zhes sogs gsungs pa lta bu’o | | gleng gzhi’i sde ni gang zag wga’ zhig gi ched du gsungs pa dang byung ba dang bcas pa’i bslab pa bcas pa gsungs pa ste | nor can la ma byin len gyi bslab pa bcos pa lta bu’o | | rtogs pa brjod pa’i sde ni | dpe dang bcas par gsungs pa ste | des don gsal bar byed pa’i phyir ro | | de lta bu byung ba’i sde ni | sngon gyi sbyor ba dang ldan pa ste | kem mo gau ta ma’i gtam rgyud lta bu’o | | skyes pa rabs kyi sde ni | byang chub sems dpe’i sbyod pa ston pa ste | thams cad sgrol gyi rnam thar lta bu’o | | shin tu rgyas pa’i sde ni | byang chub sems dpa’i sde snod dang ldan pa ste | sems can thams cad la phan pa dang bde ba’i gnas yin pa dang rgyas pa dang rgya che ba dang zab pa’i rnam par chos ston pa’i phyir ro | | sgrib pa thams cad rnam par wthag pas rnam par wthag pa zhes bya’o | | gzhan dang mtshungs pa med pas mtshungs bral zhes bya’o | | chen po bdun dang ldan pas theg pa chen po zhes bya’o | | rmad du byung ba’i sde ni | nyan thos dang byang sems dang sangs rgyas rnams kyi ngo mtshar rmad du byung ba’i chos bstan pa’o | | gtan la phab par bstan pa’i sde ni | gang du chos kyi mtshan nyid phyin ci ma log par bstan pas mdo la sogs pa’i don bshad pa’o | | bzhi pa ni | sde snod gsum ste | wdi la yan lag bcu gnyis sde snod gsum du bsdu ba dang | sde snod kyi nges tshig dang | sde snod gsum du wjog pa’i rgyu mtshan dang | sde snod so so’i nges tshig go | | dang po la | mdo sde dbyangs bsnyad lung bstan tshigs bcad ched brjod lnga nyan thos kyi mdo sde’i sde snod do | | gleng gzhi’i sde ni | byung ba bcas pa’i bslab pa gsungs pa wdul ba’i sde snod kyi gtso bo yin la | rtogs brjod de lta bu byung ba skyes rabs bsum ni | de’i wkhor yin pas de ltar bzhi ni wdul ba’i sde snod do | | shin tu rgyas pa’i sde | dang rmad du byung ba’i sde ni byang chub sems dpa’i mdo sde’i sde snod de | byang sems dang sangs rgyas de dag gi khyad par gyi mthu bsam gyis mi khyab cing rgya che ba’i khyad par dang ldan pa’i phyir rmad du byung ba yang byang sems kyi mdo sder bsdu’o | | gtan la phab par bstan pa’i sde ni | theg chen dang nyan thos gnyis ka’i mngon pa’i sde snod do | | sdud tshul wdi kun las btus kyi lugs yin no | | gzhan du gzhan bshad pa’ang yod do | | gnyis pa ni | saMskri ta la pi Ta ka zhis wbyung zhing | pa NDi ta zhes sgyur na gong bu’am bsdus pa ste | don mang po brjod byar bsdus pa’am shes bya thams cad brjod byar bsdus pas sde snod do | | yang na pi Ta ka zhes pa yul dpus kyi bre bo che’i ming yin la | bre bo che’i nang du bre’u chung mang po wdus pa bzhin du | wdi dag gi nang du brjod bya ba bslab bya mang po wdus pas sde snod do | | gsum pa ni |

01-Bu-ston.doc 16

rgyu dgus sde snod gsum du bzhag ste | spang bya la ltos nas gsum dang | bslab bya la ltos nas gsum dang | shes bya la ltos nas gsum du bzhag pa’o | | dang po ni | nye ba’i nyon mongs pa the tshom gyi gnyen por mdo sde’i sde snod bzhag ste | gdul bya rnams kyi bden pa dang dkon mchog sogs la som nyi byung ba bcad pa’i ched du mdo’i sde la sogs pa bshad pa’i phyir ro | | nye ba’i nyon mongs pa mtha’ gnyis dang ldan pa’i gnyen por wdul ba’i sde snod bzhag ste | wdod pa bsod nyams kyi mtha’ chags shing zhen pas gsog wjog la spyod pa’i gnyen por gsog wjog cung zad tsam yang bkag cing | tshul khrims dag pas zhen med du lhag par rnyed na khang pa brtsegs pa lnga brgya pa’am | kha zas ro brgya pa’am | karSH pa ni brgya stong ri ba’i gos la sogs pa’ang gnang bas | ngal zhing dub pa’i mtha’ spong ba’o | | rang gi lta ba mchog tu wdzin pa’i nye nyon gyi gnyen por mngon pa’i sde snod bzhag ste | der chos kyi mtshan nyid rgya cher bstan pa’i phyir ro | | gnyis pa ni | bslab pa gsum brjod pa’i phyir mdo sde ste de las bslab pa gsum sa par brjod pas | gdul bya rnams bslab pa gsum la byang bar byed do | | tshul khrims dang sems kyi bslab pa bsgrub pa’i phyir wdul ba ste | so so thar pa’i sdom pa’i bslab pa la brten nas | dngos su tshul khrims yongs su sbyong zhing de dag pas wgyod pa med pa la sogs pa’i rim gyis sems mnyam par wjog pa’i phyir ro | | shes rab kyi bslab pa bsgrub pa’i phyir mngon pa ste | der chos rab tu rnam par wbyed pa’i thabs rgya cher bstan pa’i phyir ro | | gsum pa ni | chos dang don brjod pa’i phyir mdo sde ste | des tshig don la byang bar byed do | chos don mngon du bya ba’i gzhi’i gnas kyi phyir wdul ba ste | des wdul ba’i sde snod ni bslab pa sgrub pas rab tu phye bas tshul khrims dag pas ting nge wdzin skye | des nyon mongs pa wdul bas chos dang don mngon du byed do | | mngon pa la brten nas phan tshul wbel ba’i gtam gyis gtam la wbebs pa las gyur pa’i chos la rdzogs par longs spyod pas bde ba la reg par gnas par wgyur te der chos rnams kyi rang spyi’i mtshan nyid la sogs pa’i chos nyid la khyang par byed pa’i phyir ro | | de lta bu’i sde snod gsum la thos pa byas pas bag chags wjog go | bsams pas don rtogs par byed do | | bsgoms pas zhi gnas kyis sems kyi nyon mongs pa zhi bar byed la | lhag mthong gis chos nyid rab tu rtogs pas sa bon las grol bar byed do | | de dag la dgongs nas mdo sde rgyan nas | sde snod dag ni gsum maM gnyis kyang rung | | bsdus pa’i phyir te rgyu ni dgus wdod do | | de yi bag chags rtogs dang zhi ba dang | | rab tu rtogs pas rnam par grol bar byed | ces so | | bzhi pa ni | mdo sde rgyan nas | mdo dang chos mngon sadul ba dag | mdor na don ni rnam bzhir wdod | | blo dang ldan pas de shes nas | | nam pa thams cad mkhyen pa thob | | ces pas don zhes pa sgradon nam nges tshig yin gyi | mtshan nyid du wchad pa nor ba yin no | | blo dang ldan pa byang sems kyis sde snod gsum ma lus pa shes pas rnam mkhyen thob po | |

01-Bu-ston.doc 17

nyan thos tshigs bcad gcig gi don shes pas wbras bu wthob ste sh’a ri’i bu’am lam phran brtan bzhin no | | de la mdo’i saMskri ta la s’u tra zhes pa mgo smos par wgyur te | rgyal po’i khab na zhes pa lta bu gnas smos pa dang | sa’i mtshan nyid ni sra ba’o zhes pa lta bu mtshan nyid smos pa dang | chos kyi tshig smos pa dang | don smos pas mdo | de wdra’i tshogs su gyur pas sde’o | | gnas rnams dang ni mtshan nyid dang | | chos don smos phyir mdo yin no | | zhes so | | mngon pa la | saMskri ta la a bhi zhes ba’i a bhi mu khya zhes pa mngon du gyur pa ste | de kho na nyid mngon sum du gyur pas mngon pa ste | mngon pa mtshan nyid pa’o | | a bh’i kSHa na zhes pa yang yang ste phung khams skye mched rdzas yod btags yod la sogs sgo du ma nas yang yang ston pas mngon pa ste gzhung lugs so | | a bhi bhu zhes pa zil gnon te | de las chos rnams kyi rang dang spyi’i mtshan nyid ma lus pa shes pas wbel ba’i gtan la wbebs pas gzhan zil gyis gnon pa’am | smra ba ngan pa rnams zil gyis gnon pa’o | | a bhi sa ma ya zhes pa rtogs pa ste | shes bya ji snyed pa rdzas btags sogs rtogs pas mngon pa’o | | mngon du’i phyir dang yang yang phyir | | zil gnon rtogs phyir mngon pa’i chos | zhes so | | wdul ba la bi na ya zhes pa’i bi bi tti zhes pa rnam par ltung ba ste | ltung ba ston cing nges par byed pas wdul ba zhes pa la sogs pa’am | bi ni shtsa ya zhes pa rnam par nges pas wdul ba zhes sogs bzhi tshan gnyis gsungs te | ltung dang wbyung dang ldang ba dang | | nges par wbyung dang gang zag dang | | bcas pa dang ni rab dbye dang | | rnam par nges phyir wdul ba nyid | | ces so | | lnga pa ni | rgyan las | gnyis kyang rung zhes pas dman pa la mos pa la nyan thos kyi sde snod dang | rgya chen po la mos pa la theg pa chen po’i sde snod do | | theg pa che chung gi khyad par ni chen po bdun dang ldan pas sam | theg bsdus las | shes bya’i gnas dang mtshan nyid der wjug dang | de yi rgyu wbras de rab dbye ba dang | | bslab pa gsum dang de wbras spangs pa dang | | ye shes theg pa mchog gyur khyad par wphags | zhes pa ltar ro | | des na nyan thos kyi lugs kyi shin tu rgyas pa’i sde snod ni mdo sde le’u’i grangs shin tu mang zhing rgyas pa wdod do | | theg chen lugs kyi shin tu rgyas pa’i sde snod ni nges pa’i tshig gi tshul gyis theg pa rgyas pas na shin tu rgyas pa ste | stong phrag brgya pa la sogs pa dang ldan pas chos chen po dang | sems can thams cad kyi don gyi phyir rdzogs pa’i byang chub tu sems bskyed pas sems bskyed pa chen po dang | chos shin tu zab pa dang rgya che ba la mos pas mos pa che ba dang | bdag gzhan mnyam pa’i bsam pa thob pas bsam pa rgya chen po dang | sar chud nas skad cig re re la bsod nams dang ye shes kyi tshogs dpag tu med pa gsog pas tshogs chen po dang | bskal pa grangs med gsum du brtson pas dus chen po dang | sems can thams cad dang mi mnyam pa’i sangs rgyas kyi sku wgrub pas yang dag par wgrub pa chen po ste | chen po bdun dang ldan pas theg chen no | | mdo sde rgyan las chen po bdun wdi las cung zad mi wdra bar wbyung ngo | | yang dbang po rtul po rgyu la mos pas rgyu lam du byed pa la rgyu mtshan nyid kyi theg pa dang | rnon po wbras lhun grub la mos pa la wbras bu lam du byed pa wbras bu sngags kyi theg pa gnyis yin te | mdo sde gdams ngag wbogs pa’i rgyal po las | wjam dpal gyis | wdren pa’i theg pa gsum po dag |

01-Bu-ston.doc 18

bcom ldan nges par gsungs lags na | | rgya wbras lhun grub tu spyod cing | | sangs rgyas gzhan nas mi wtshol ba’i | | nges pa’i theg pa cis ma gsungs | | zhes zhus pa dang | rgyu la mos pa rgyu chos kyi | | wkhor lo rab tu bskor byas nas | | rdo rje theg pa’i nyi lam zhig | ma wongs dus na wbyung bar wgyur | zhes so | | sngags mtshan nyid kyi khyad par ni | slob dpon tri pi ta ka ma la’i tshul gsum gyi sgron me las | don gcig na’ang marmongs dang | | thabs mang dka’ ba med pa dang | | dbang po rnon po’i dbang byas pas | | sngags kyi theg pa khyad par wphags | zhes pas phyi’i thabs smad nas | nang ting nge wdzin gyi phyin drug sgrub pas thabs la ma rmongs pa dang | shin tu phra ba sems sems byung dang phra ba ngag ye ge dang | rags pa dang brten pa’i dkyil wkhor bsgom pa thugs gsung sku’i ting nge wdzin dang | yang dag pa’i don ston pas thabs mang ba dang | gdul bya gang wdod la sbyar nas wdod don thob par mdzad pa thabs sla ba phyag rgya la sogs pa ston pas dka’ ba med pa dang | dbang po rnon po yi bsgrub par bya ba dang | gzhan gyis byas na ngan wgror wgro ba’i las kyis kyang rnam par dag par wgyur ba bzhis khyad par wphags la | de’ang | warya de rigs wdzin pa’i sde snod ces sde snod bzhi par gsungs la | slob dpon sh’anti pas zab mo’i don bsdus te ston pas na mdo sde yin no gsung | slob dpon a bha y’a ka ra gubta ni bslab pa gsum ga ston pas sde snod gsum ga’o zhes bzhed do | | drug pa bdag rkyen gyi sgo nas dbye ba la gsum ste | zhal nas gsungs pa | byin gyis brlabs pa | rjes su gnang ba’i bka’o | | dang po ni | wphags pa sdud pa lta bu’o | | gnyis pa la gsum ste | sku dang gsung dang thugs kyis byin gyis brlabs pa gsum du brgyad stong wgrel par bshad do | | dang po ni | sa bcu pa’i mdo lda bu’o | | gnyis pa ni | ma skyes dgra’i wgyod pa bsal ba’i mdo lta bu’o | | gsum pa ni | kun tu bzang po’i spyod pa ston pa’i mdo lta bu’o | | mkhas pa wga’ zhig thugs kyis byin gyis brlabs pa la gsum du wbyed de | thugs ting nge wdzin gyis byin gyis brlabs pa dang | thugs thugs rjes byin gyis brlabs pa dang | thugs bden pa’i stobs kyis byin gyis brlabs pa’o | | dang po ni | shes rab snying po lta bu’o | | gnyis pa ni gnod sbyin la sogs pas smras pa’i sngags sangs rgyas kyis byin gyis brlabs pa lta bu’o | | gsum pa ni sangs rgyas kyi byin gyi brlabs kyis nam mkha’ dang wod zer dang rol mo las chos kyi sgra byung blta bu’o | | gsum pa ni | gleng gzhi dang mtshams sbyor dang | mthun wgyur yi rang rnams te | chos yang dag par sdud pa las | dge slong dag | wdi skad bdag gis thos pa zhes gyis la chos bsdu bar bya’o | | zhes dang | wbrel dang go rims kyang bstan par bya’o | | zhes rjes su gnang ba’i phyir ro | |

01-Bu-ston.doc 20

gnyis pa mngon rtogs rgyan lta bu | gsum pa mdo sde rgyan nam bslab btus lta bu’o | | gsum pa la gsum ste | shes bya ji snyed pa ston pa dang | ji lta ba ston pa dang | thar pa dang thams cad mkhyen pa ston pa dang gsum mo | | dang po la phal ba dang | khyad par can gnyis las | dang po ni | wjig rten lugs kyi bstan bcos dang brtag pa bco brgyad la sogs pa ste | shes rab brgya pa dang | skye bo gso thigs dang | tshigs su bcad pa’i mdzod la sogs pa ste | de dag kyang mngon mtho’i rgyu yin zhing | thar pa’i rten du wgro srid de | mi yi chos lugs legs spyad na | | lta yul bgrod pa thag mi ring | | lha dang mi yi them skas la | | wdzegs na thar pa gam na wdug ces shes rab brgya par wbyung bas so | | de’i phyogs mthun mi brtag pa rta brtag pa | glang po brtag pa la sogs pa rnams so | gnyis pa ni | gtso bo rig pa’i gnas kyi bstan bcos te | mdo sde rgyan nas | rig pa’i gnas lnga dag la brtson par ma byas par | | wphags mchog gis kyang thams cad mkhyen pa thob mi wgyur | | de lta bas na gzhan dag tshar bcad rjes gzung dang | | bdag nyid kun zhes bya ba phyir de la de brtson byed | ces pas gzhan tshar gcod pa gtan tshigs rig pa dang sgra rig pa gnyis | rjes su wdzin pa gso ba rig pa dang bzo rig pa gnyis | bdag nyid kun shes par byed pa nang rig pa’o | | gtan tshigs rig pa la mngon sum rang don rjes dpag gzhan don rjes dpag gzhan sel dpe ltag chod brtag pa ste | drug tu bsdus nas ston pa tshad ma’i mdo lta bu’am | da’i dgongs wgrel rab tu byed pa ste bdun lta bu’am | brtag pa sde bdun nam | grub pa sde brgyad dam | rjes wbrang bdun la sogs pa’o | | rab tu byed pa sde bdun ni | gtso bo lus lta bu’i bstan bcos gsum dang | gyes pa yan lag dang wdra pa’i bstan bcos bzhi’o | | dang po ni | dbang po rno wbring rtul gsum gyis yang dag pa’i shes pa bde blag tu rtogs pa’i thabs ston pa rigs thigs rnam nges rnam wgrel gsum mo | | kha che dzny’a na shr’i na ro | rnam nges tshad ma’i mdo’i dgongs wgrel du mi wdod kyang de yi lugs ni gsal bar bya | zhes wbyung zhing | slob dpon chos mchog gis mdo’i dgongs wgrel du mdzad pa nyid wthad do | | yan lag gi bstan bcos bzhi ni mngon sum le’u las wphros pa ni med | rang don rjes dpag las wphros pa gnyis te | phyogs chos khyab pa spyir gtan la wbebs pa gtan tshigs thigs pa dang | rtogs dka’ ba khyab pa’am brtag chos kyi wbrel ba gtan la wbebs pas wbrel ba brtag pa ste gnyis | gzhan don le’u las wphros pa rgol phyir rgol rtsod pa dang rgyal pham tshar gcad kyi gnas ston pa rtsod pa’i rigs pa dang | ngag las gzhan blo rtogs pa tha snyad du sems tsam la’ang mi wgal bar ston pa | rang lus blo sngon wgro ba yi | | bya ba mthong nas gzhan la de | | wdzin phyir gal te blo shes wgyur | | sems tsam la yang tshul wdi mtshungs | zhes ston pa rgyud gzhan grub pa dang bdun no | |

01-Bu-ston.doc 21

de dag la sogs pa rtog ge’i bstan bcos rnams bod rnams mngon pa’i sde snod du smra ba ni mi wthad de | rtog ge gtan tshigs rigs pa’i bstan bcos yin la | mngon pa ni nang rig pa’i bstan bcos yin pa’i phyir ro | | rnam bshad rigs par | de yi phyir rtag rtog phyir dang | | sngon goms phyir sngon ma byas phyir | | lung la mi brten nyid phyir dang | | brtson phyir yid la byed phyir dang | | sngon phangs phyir dang yongs gzung phyir | | yongs su bya ba byas pa’i phyir | | rtog ge phun sum rnam lngar wdod | ces lung la mi brten par bshad pa’i phyir dang | mdo sde rgyan nas | rtog ge rten cing ma nges la | | ma khyab kun rdzob skyo ba can | | byis pa la ni brten par wdod | ces wbyung zhing | mngon pa ni ma mo yin pas de ltar wgal ba’i phyir ro | | tshad ma kun las btus par yang | tshad ma dang gzhal bya nye bar brjod pa nyid kyis mu stegs pa’i wdod pa snying po med pa’i phyir | der zhen pa rnams ldog pa’i don du wdi brtsams pa yin gyi | wdi tsam gyis de bzhin gshegs pa’i bstan pa la gzhug pa’i don du ni ma yin te | de’i chos ni rtog ge’i yul ma yin pa’i phyir ro | | ldog pa las ni ston pa’i chos nyid thos nas wbad pa med par rtogs par wgyur te | bar du ma bskal ba’i phyir ro | | zhes bya ba dang | de nyid las gang zhig rtog ge’i lam nas chos nyid la wkhrid na | | thub pa’i bstan las cher bsrings nyams par byas pa yin | | de lta na yang de bzhin gshegs pa’i chos mtshan nyid | | gal te gzhan du wgro na dpyad par bya ba’i rigs | | zhes wbyung bas so | | sgra rig pa’i bstan bcos ni | rang bzhin dang rkyen dang rnam wgyur gsum du bsdus nas ston pa la | sgra’i mdo yan lag dang bcas pa ste | rang bzhin ni byings dang ming | rkyen la byings las ming bsgrub pa byed ldan gyi rkyen | ming las ming gzhan sgrub pa de phan gyi rkyen | de la’ang spyi dang grangs med dang dngos po’i rkyen gsum mo | | byings las tshig bsgrub cing dus rnam par wbyed pa ting dang | ming las tshig bsgrub cing don rnam par wbyed pa su pa dang | rang bzhin dang rkyen gyi bar du gzhug pa a ga ma dang | byings gzhan du sgyur ba’i nyer sgyur rnams so | | nyer bsgyur ni rang bzhin du rigs so | | rnam wgyur ni mtshams sbyor la sogs pa’i dbang gis yi ge dbyi ba dang bsgyur ba la sogs dang tshig gi bsdu ba rnams so | | de dag gi sgra’i brjod bya bsdus pa’am | yang na mtshams sbyor dang ming dang kun bshad pa dang | krIt dang bzhis mdo’i don rtsa ba bstan la | byings nye bsgyur u Na la sogs yan lag ste | de dag gis wchad pa ka l’a pa lta bu’am | yi ge’i tshogs | ming gi tshogs | tshig gi tshogs gsum du bsdus nas wchad pa smra sgo lta bu rnams so | | de dag kyang so so yang dag par rig pa bzhi thob pa’i rgyur bslab par bya’i sde snod gsum gang yang min no | | de dag dang wbrel ba yi ge lce yang gi bye brag gi sbyor tshul dang | prat’a ra dgod pa ston pa sdeb sbyor gyi bstan bcos rin chen wbyung gnas lta bu dang | ming gi rnam grangs dang rtags gsum gyi dbye ba dang | ming gcig don mang po la wazug pa’i tshul la sogs pa ston pa mngon brjod kyi bstan bcos wchi med mdzod lta bu dang | snyan dngags kyi bstan bcos la snyan dngags kyi mtshan nyid dang snyan dngags kyi grub mtha’ wdod tshul mi wdra ba’i tshul dang | rgyan sum cu rtsa lnga dang | bya dka’ dang | gab tshig la sogs pa ston pa me long lta bu’am | de sbyar nas ston pa zlos gar la sogs pa’o | | snyan dngags la sogs pa wdi dag sgra’i yan lag gam | yang na rig byed kyi yan lag ste | wchi med mdzod las | snyan dngags nges brjod mchod sbyin te | |

01-Bu-ston.doc 23

bdun po de’i don bsdus pa bye brag tu bshad pa chen po | | de’i don bsdus pa mngon pa mdzod la sogs pa’o | | gnyis pa ni | lung gzhi bcu bdun rab byung gi gzhi dang por bstan | de nas rnam wbyed gnyis dang gzhi bcu drug bstan pa gzhir byas pa la | gzhung dam pa’i zhu ba wdul byed la sogs pa dang phran tshogs kyi skabs nas wbyung ba rnams ji ltar rigs par sbyar nas wchad pa mdo rtsa dang | rnam wbyed gzhir byas nas | gzhan ji ltar rigs par sbyar nas wchad pa me tog phreng rgyud dam | sum brgya pa lta bu’o | | gnyis pa bka’ bar pa’i dgongs wgrel la lta ba’i cha dang spyod pa’i cha gsal bar byed pa gnyis so | | dang po la | shing rta’i srol wbyed bzhir grags te | mdos dngos su brjod pa’i don na | snying po’i don ston pa dbu ma rig pa’i tshogs drug ste | chos thams cad rang bzhin stong pa nyid rten wbrel spros pa’i mtha’ dang bral bar ston pa stong nyid bdun cu pa | de las gzhan skye ba la sogs par bden pa wgog pa rtsa ba shes rab ste | gnyis po rtsa ba’am gtso bo’o | | de rigs pas sgrub pa rigs pa drug cu pa | de la gzhan gyis rtsod pa’i skyon spong ba rtsod pa bzlog pa | gzhan rtog ge pa dang rtsod pa’i tshul ston pa zhib mo rnam wthag | don dam par rab bzhin med kyang kun rdzob tu wjig rten gyi tha snyad wthad cing grub par ston pa tha snyad grub pa dang drug yin no zhes gsungs so | | shugs la bstan pa’i don nam mngon par rtogs pa’i don gtso bor ston pa mngon rtags rgyan te | rnam mkhyen lam shes gzhi shes te wjug yul mkhyen gsum | rnam kun mngon rdzogs dang rtse mo dang mthar gyis pa dang | skad cig ma ste wjug pa sbyor ba bzhi | zhugs wbras chos kyi sku ste brgyad du wdus par ston pa’o | | de dag gtso bo’i don sum cu rtsa gnyis su ston pa brgyad stong don bsdus te | de nyid las | rten dang dbang du bya ba dang | | las dang bsgom pa dang bcas dang | | rab dbye rtags dang ltung ba dang | | phan yon bcas par yang dag brjod | | ces pas rten ston pa sangs rgyas dang | dbang du bya ba wkhor dang | las yum la chos spyod bcus ji ltar spyod pa dang | sgom pa la dngos med dngos po sgro wdogs skur wdebs gcig dang tha dang ngo bo dang khyad par ming ji lta ba bzhin du don dang don ji lta ba bzhin du mid du rtog pa ste rnam g.yeng bcu’i gnyen por bsgom pa bcu dang | nang stong pa nyid nas dngos po med pa’i ngo bo nyid stong pa nyid kyi bar | rab tu dbye ba stong nyid bcu drug dang | rtags la bdud las kyi rtags dang phyir mi ldog gi rtags gnyis dang | sher phyin spangs na rnam smin ngan song du ltung ba dang | stong gsum la sogs pa rin po ches bkang nas sbyin pa byas pa bas sher phyin la spyad na bsod nams che ba la sogs pa’i phan yon dang so gnyis kyis thams cad bsdus shing de nyid dgos pa’i dbang gis zlas te bshad par wdod do | | sgo gsum rnam grangs bcu gcig tu bstan pa wbum tig ste de la rgyal ba’i yum thog mar gleng gzhis skabs phye nas gdul bya dbang po rnon po la | sh’a ri’i bu byang chub sems dpa’ chen po chos thams cad rnam pa thams cad du mngon par rdzogs par wtshang rgya bar wdod pas shes rab kyi pha rol tu phyin pa la brtson par bya’o | | zhes pa gang zag gang gis gang gi phyir du gang la bslab tshul bzhis don thams cad bsdus te bstan pa’i sgo de nas skabs dang po’i bar la wbring du bstan pa’i sgo | de nas mjug rdzogs kyi bar la rgyas par bstan pa’i sgo ste gsum mo | | rnam grangs bcu gcig ni dang po sh’a ri’i bu la bka’ stsal pa dang | de nas rab wbyor gyis bshad pa gcig dang | de nas brgya byin la bka’ stsal pa gnyis dang | rab wbyor la bka’ stsal pa bzhi dang | byams pa la bka’ stsal pa gnyis dang | kun dga’ bo la bka’ stsal nas yongs su gtad pa ste bcu gcig go | wdi daM SHTra se nas byas zer kyang dbyig gnyen gyi gzhung wgrel du rigs shing wdi dang brgyad stong don bsdus gnyis kyis sems tsam du bstan no | |

01-Bu-ston.doc 24

gnyis pa ni | bslab btus sam | mdo btus sam lta spyod zung wbrel du ston pa spyod wjug gam sgom rim rnam gsum la sogs pa’o | | gsum pa bka’ mtha’ ma’i dgongs wgrel la lta ba dang spyod pa’i cha gsal byed gnyis kyi | dang po ni wphags pa byams pas mdzad pa’i mdo sde rgyan | dbus dang mtha’ rnam wbyed chos dang chos nyid rnam wbyed | rgyud bla ma ste bzhi’i dang po gnyis mngon pa’i sde snod | tha’ ma gnyis mdo sde’i sde snod | mngon rtogs rgyan wdul ba’i sde snod ces kha cig wchad kyang shes byed ma mthong ngo | | mdo sde rgyan ni theg pa chen po’i chos thams cad don la bsdus te ston pa yin te | gser las brdungs byas wdra zhing pangma rgyas pa bzhin | | bkres pas nyen pa g.yos legs kha zas za ba wdra | | wphrin yig legs par thos wdra rin chen sgrom phye ltar | | chos de wdir bshad pas kyang dga’ ba’i mchog bskyed do | | zhes pa’i don bstan no | | dbus dang mtha’ rnam wbyed ni | mtha’ zhes pa yod med dam ltag chad kyi lta ba | dbus zhes pa de nyid spangs pa dbu ma’i lam | de dag rnam par wbyed pas na dbus mtha’ rnam wbyed ces bya la | de yang mtshan nyid sgrib pa de kho na | | gnyen po dang ni bsgom pa dang | | de yi gnas dang wbras bu thob | | theg pa bla na med pa yin | zhes don bdun gyis bstan pa yin no | | chos dang chos nyid rnam wbyed ni | chos zhes pa kun nas nyon mongs pa wkhor ba’i chos so | | chos nyid mya ngan las wdas pa’i chos de gnyis kyi rnam par dbye ba ston pas | chos dang chos nyid rnam wbyed ces bya’o | | rgyud bla ma ni theg pa chen po’i rgyud dam | rgyun chags pa’i chos rnams kyi bla ma ste | chos rnams kyi gong mar gyur pas de skad ces bya’o | | yang na ud ta ra ni phyi ma ste | theg pa chen po’i rgyud phyi ma’i dgongs pa wgrel pas de skad ces bya zhing de yang | dkon mchog gsum dang de’i khams dang wbras bu byang chub dang sangs rgyas kyi yon tan drug cu rtsa bzhi dang | wphrin las te bdun ston pa ste | sangs rgyas chos tshogs khams dang byang chub dang | | yon tan sangs rgyas phrin las tha ma ste | | bstan bcos kun gyi lus ni mdor bsdu na | | rdo rje yi ni gnas bdun wdi dag go | zhes so | | de’i steng du mngon rtogs rgyan bsnan pa la | byams pa’i chos lnga’o | | de’i rjes su wbrang ba wphags pa thog med kyis mdzad pa’i rgyas pa’i bstan bcos sa sde lnga dang | bsdus pa’i bstan bcos sdom rnam pa gnyis dang | dbyig gnyen gyis mdzad pa’i pra ka ra Na sde brgyad la sogs pa’o | | de la sa sde lnga ni rtsa ba lta bu | sa’i dngos gzhi ni sa bcu bdun du bsdus nas ston pa de de nyid las | sdom ni | rnam shes lnga dang ldan pa’i sa | | yid kyi sa dang gzhan gsum ste | | rtog dpyod bcas la sogs pa dang | | ting wdzin bcas dang ma yin dang | | sems yod pa dang sems med dang | | thos dang bsam dang sgom ldan dang | | de bzhin theg pa gsum ldan dang | | phung por bcas dang phung med gzhan | zhes so | | bcu bdun po de yang rten dang dpyod pa dang wbras bu gsum gyi dbang du mdzad nas bstan la | de la’ang gsum ste | rnam shes lnga ldan gyi sa dang yid kyi sa gnyis rten gyi rang bzhin no | |

01-Bu-ston.doc 25

rtog bcas dpyod bcas dang | rtog med dpyod bcas dang | rtag med dpyod med kyi sa ste | gsum rten gyi wjug tshul lo | | mnyam par bzhag ma bzhag dang | sems yod med kyi sa ste bzhi rten gyi gnas skabs so | | spyod pa’i dbang du byas pa thos bsam sgom gsum gyi sa gsum mo | | wbras bu la gnas skabs kyi wbras bu nyan sa byang sa rang sa gsum | mthar thug gi wbras bu phung po lhag bcas lhag med do | | de’i wgrel pa lta bu rnam par gtan la dbab par bsdu ba ste | sa’i dngos gzhi’i tshig don gnyis ka mu bzhi la sogs par gtan la dbab par bstan la | rang sangs rgyas kyi sa ma gtogs pa la bsdu ba gtan la dbab pa yod do | | de gnyis kyis gsung rab rnams kyi don bstan no | | gzhi bsdu ba ni sngar gyi gzhung de dag sde snod gsum du sdud tshul te | wdi’i mdor bstan du sde snod gsum ga bsdu ba smos nas rgyas bshad du mdo sde dang wdul ba bsdu ba gnyis las ma bshad pa ni | ma mo bsdu ba sa sde lnga po nyid yin pas logs su ma bshad de | thos pa’i sa gtan la dbab pa bsdu bar | de la ma mo bsdu ba ni sa bcu bdun dang bsdu ba bzhi’o | | zhes wbyung bas so | | rnam grangs bsdu ba ni | rdzod byed ming gi rnam grangs bstan pa’am | kun nas nyon mongs dang rnam byang gi rnam grangs bye brag tu wchad pa’o | | de gnyis gzhung ngo | | rnam par bshad pa’i sgo bsdu ba ni de dag wchad tshul ston pa ste | de ltar gsung rab kyi don dang gzhung dang bshad tshul gyi dbang gis sa sde lnga’o | | sdom rnam pa gnyis kyi theg pa thun mong gi sdom mngon pa kun las btus ni mtshan nyid kun las btus pa dang bden pa rnam nges | chos rnam nges | thob pa rnam nges | wbel gtam rnam nges te lngar bsdus nas ston pa’o | | theg pa chen po’i sdom theg chen bsdus pa ni | shes bya’i gnas la sogs pa don bcus theg chen bsdus nas ston pa’o | | dbyig gnyen gyi rab tu byed pa ste brgyad ni | chos thams cad sems tsam du ston pa sum cu pa | de rigs pas sgrub pa nyi shu pa | de’i gzhi phung po lnga wthad par ston pa phung po lnga pa | de ltar yin yang bshad nyan wthad par ston pa rnam bshad rigs pa | sgo gsum gyi las wthad par ston pa las grub pa’i rab tu byed pa ste rang rgyud du brtsams pa lnga | phyin drug sogs spyod pa rgya chen dang | rten wbrel bcu gnyis dang | mtshan nyid gsum wthad par ston pa mdo sde rgyan | rten wbrel gyi mdo | | dbus dang mtha’ rnam wbyed gsum gyi wgrel pa ste | gzhan wgrel du brtsams pa gsum ste brgyad do | | zhes gsungs so | | kha cig slob dpon wdis sa bcu pa’i wgrel pa la sogs pa mang du mdzad pas | sde brgyad nges pa med cing | byams pa dang wbrel ba’i chos nyi shu’i grangs nges med zer ro | grangs nges mdzad pa rnams ni sa sde lnga sdom gnyis byams chos lnga | rab tu byed pa sde brgyad de de dag la wdod do | | gnyis pa ni | sdom pa nyi shu pa la sogs pa’o | | lnga pa ni | bstan bcos kyi rigs bsdu na bka’ la mi brten pa dang | brten pa gnyis | brten pa la bka’ nyid la wgral par btab pa dang bka’i don rang rgyud du brtsams pa gnyis | dang po la’ang tshig don gnyis ka rgya char wgrel pa so so thar pa’i wgrel pa | bam po lnga bcu pa lta bu rgya cher wgrel | tshig gi cha spros pa dang bcas nas wchad pa ched du brjod pa’i tshoms kyi wgrel pa lta bu tshig gi wgrel pa | go dka’ ba’i don rnam par wbyed pa sdud wgrel gnyis lta bu dka’ wgrel | don gyi gtso bo bsdus nas ston pa sdud pa’i don bsdus dri med

01-Bu-ston.doc 27

ma wdres pa ni gzhan dang thun mong ma yin pa’o | | yongs su rdzogs pa ni nyon mongs pa thams cad kyi gnyen po’i phyir ro | | yongs su dag pa ni rang gi sa pa’i nyon mongs pa las rnam par grol bas ngo bo nyid rnam par grol ba’o | | yongs su byang ba ni sa gzhan gyi nyon mongs kyi bag la nyal spangs pas rgyud rnam par grol ba’o | | de dag dang ldan pa ni dam pa’i chos su rtogs par bya’o | | mdor na sangs rgyas kyi bstan pa dam pa’i chos ni wphags pa’i bden pa’i mdo sde la wjug | nyon mongs pa wdul ba la snang | rten wbrel gyi chos nyid dang mi wgal ba zhig yin par theg pa thug mong ba’i lugs yin cing | theg chen gyi lugs kyi rgyud bla mar sngar bshad pa bzhin nam | mdo sde rgyan nas | dad dang dga’ dang blo rnams kyi | | rgyu phyir chos wdi dge ba yin | | don rnams gnyis ldan gzung sla dang | | yon tan bzhi can tshangs spyod ston | | gzhan dang thun mong ma yin ldan pa dang | | khams gsum nyon mongs rnam spong rdzogs byed dang | | ngo bo nyid dag dri ma dag pa ste | | tshangs spyod yon tan bzhi ldan yin par wdod | ces pa ltar ro | | theg chen thun mong min pa’i lugs kyi | ji skad du | stong nyid snying rje dbyer med pa | | gang la sems ni rab sgom byed | | de nyid sangs rgyas chos dang ni | | dge wdun gyi yang bstan pa’o | | zhes pas stong nyid snying rje’i snying po can sangs rgyas kyi bstan par bshad do | | de lta bu’i bstan pa bka’ wam bstan bcos khyad par can de yang tshig dang don gyis gnyis su dus te | mdo sde rgyan nas | ji ltar bsnams na rab dku la | | myangs na zhim pa’i sman bzhin du | | chos kyang de bzhin gnyis su gnas | | don dang yi ger shes par bya | | zhes gsungs so | | don phun sum tshogs pa tshangs spyod yon tan bzhi ldan la sogs pa’o | | yi ge phun sum tshogs pa ni mdo sde rgyan nas | bstan dang de bzhin bshad pa dang | | theg dang mthun dang bde ba dang | | grags pa dang ni ci rigs dang | | nges par wbyung dang mthun pa’i phyir | | de mdor sems dpa’ mchog rnams kyi | | yi ge phun tshogs yin zhes bya zhes so | | rnam par bshad pa bsdu ba las kyang | mdo sde’i lus ni rnam pa gnyis te | tshig wbru dang don to zhes so | | de la tshig wbru ni gnas yin la | don ni de la gnas pa yin par rig par bya’o | | de gnyis kas bsdus pa ni shes par bya ba yin no | | zhes pa dang | chos mchog chung ngur yang | rab tu byed pa’i lus ni rnam pa gnyis te | sgra dang don to | | zhes so | | des na bshad bya’i chos ni sangs rgyas kyis gsungs | sdud pa pos bsdus | mkhas grub rnams kyis bkral | lo paN skyes mchog rnams kyis bsgyur | bla ma brgyud pa’i man ngag dang lung dang ldan pa’i rgyud sde’am | mdo sde bka’ wam bstan bcos mdo sde mngon pa wdul ba’i sde snod gang yin pa wdi dang wdi wchad ces bya’o | | gnyis pa la | gang gis wchad pa slob dpon gyi mtshan nyid | |

01-Bu-ston.doc 29

yang na mdo sde rgyan nas | ngag tshig shin tu rigs pa dang | | bstan dang rnam wbyed the tshom gcod | | lan ma byed dang ldan pa ni | | mgo smos rnam spros go rnams la | | sangs rgyas rnams kyi bstan pa ni | | wkhor gsum gyis ni dag ste | | wdi ni nyes pa brgyad dag dang | | bral ba nyid du shes par bya | | le lo dang ni mi go dang | | skabs mi wbyed dang ma nges dang | | the tshom dag ni mi gcod dang | | de dang bral bar bstan mi byed | | skyo ba dang ni ser sna nyid | | wdi dag gtam gyi nyes par wdod | | de dag med phyir sangs rgyas kyi | | bshad pa bla na med par wgyur | | zhes | gtam gyi nyes pa brgyad dang bral bas wkhor gsum dag pa’i bshad pa’am | rnam bshad rigs par | brjod pa’i skyon bcu gcig gi gnyen por chos kyi gtam rnam pa nyi shu dang ldan par gsungs te | spyod lam mi sdug par wdug pas snod ma yin pa la brjod pa’i skyon gyi gnyen por nyan wdod pa nyid dang | bshad pa’i wos su gyur pa nyid du shes nas smra bas dus su smra ba’o | | bdag gi bshad nyan wdi lta bu la de ma tshang bas | snying po med cing lam du wgro bar ma mthong ngo | | brjod pa yongs su ma rdzogs pa’i skyon gyi gnyen por brnyas pa med par sgrim pas smra ba’o | | brjod pa bar chad pa’i skyon gyi gnyen por gsum ste | go rim du smra ba ste dus sngar bya ba sbyin pa la sogs pa dang yang dag phul gyi gtam las brtsams nas smra ba ste bstan pa’o | | mdo sde rnam par bshad pa las brtsams nas brgal ba’i tshig rgod smra ba mtshams sbyar bar smra ba’o | | rjes su mthun par smra ba ni wdri ba’i lan lung bstan pa las brtsams te mgo gcig tu lung bstan pa la sogs pa rnams la de bzhin du lung ston pa’o | | brjod pa go bar mi byed pa’i skyon gyi gnyen por gsum ste | dad pa can rnams la dga’ bar bya ba dang | sngar gnas pa dang zhe wgras pa rnams la wdod par bya ba dang | bar la gnas pa the tshom can rnams la mgu bar bya ba’o | | brjod pa mchod par mi wgyur ba’i skyon gyi gnyen por gnyis te | sdig pa’i las can spro ba bskyed pa’i wos ma yin pas spro ba mi bskyed pa dang | smad na snying na ru wong bas mi smad pa’o | | don wthad pa med par brjod pa’i skyon gyi gnyen por rigs pa ste | tshad ma dang mi wgal ba’o | | don zab mo’i spyod yul ma yin pa dbang po tha ma la zab mo brjod pa’i skyon gyi gnyen por wbrel ba ste snga phyi wbrel ba’o | | rnam par g.yengs nas brjod pa’i skyon gyi gnyen por ma wdres pa ste | gtam gzhan du wphro pa spangs pa’o | | don med pa brjod pa’i skyon gyi gnyen por chos dang ldan pa ste dge ba dang mthun pa’o | | mi wtshams par brjod pa’i skyon gyi gnyen por wkhor ji lta ba bzhin te gdul bya dang wtsham pa’o | | nyon mongs pa can gyi bsam pas brjod pa’i skyon gyi gnyen por lhag ma lnga’o | | nyon mongs pa can gyi bsam pa ni gsum ste | bdag bzang por yid ches par bya ba’i bsam pa dang | dad nas bkur sti byed par wdod pa’i bsam pa dang | phrag dog gi bsam pa’o | |

01-Bu-ston.doc 30

dang po ni gnyen por gsum ste | byams pa’i sems | phan pa’i sems snying brtse ba’i sems | gsum ni nyan pa po bde ba dang nyon mongs pa med pa dang | sdug bsngal med par smon pa gsum mam | dge ba dang mi dge ba la phyogs pa dang tha mal pa dag la byams sogs rim pa bzhin nam | mya ngan las wdas pa dang | de’i lam rtogs par bya ba dang | bshad pa’i don khong du chud pa’i bsam pas so | | gnyis pa’i gnyen por rnyed pa dang bkur sti dang tshigs su bcad pa la mi brten pa ste | de dag wdod pa spangs pa’o | | gsum pa’i gnyen por bdag la bstod par mi bya zhing | gzhan la smad par mi bya ba ste | phrag dog dang | bdag la lhag par yid ches par wdod pa spangs pa’o | | nyi shu po wdi’i lnga lnga rim pa bzhin | ji lta bur dang | gang gi don du dang | gang wdra ba’i dang | gang wdra bas gtam bya ba dang | yang gtam gyi sbyor ba dang | gtam gyi las dang | gtam gyi yon tan dang | smra ba po’i yon tan bstan cing skyon dang bral ba ni wchad byed la mkhas pa’o | | gsum ba ni | sgo gsum dge bas kun gyis bkur bar wos pas rang gi kun spyod la mkhas pa dang | gdul bya’i kun spyod la mkhas pa ni dbang po dang khams dang bag la nyal shes pas de dang mthun pa’i chos bstan pas don du wgyur gyi | sa’i snying po wkhol lo bcu par | byis pa dbang po zhan cing le lo zhan | | theg pa gnyis la nan tan mi byed par | | theg pa chen po’i wkhor lo ldan mi wgyur | | de ni rgya chen theg chen snod ma yin | zhes pa’am | de bzhin snod min nyan thos theg pa dag | theg chen bshad pa thos nas rmongs wgyur zhing | | chad par lta la ngan song ltung wgyur bas | | des na dbang po brtags te chos bstan to | | zhes gsungs shing | yang rgya chen chos kyi snod gyur pa | | dman pa’i chos la sbyar mi bya | | zhes pa dang | | dban la zab dang rgya che dang | zhes gsungs pas | snod kyi kun spyod dam mtshan nyid la mkhas dgos so | | gnyis pa la | rab sems can thabs cad byang chub chen po la gzhag wdod kyi snying rje | de med na gang wchad pa’i don de legs par shes shing phan wdod kyis zang zing la ltos med du wchad pa’i snying rje nges par dgos te | des rang gi bshad pa lam du wgyur ro | | mdo sde rgyan las | brtan pa rnams ni srog dang longs spyod tshegs chen rnyed cing snying po med pa dag | rab dga’i yid kyis sems can sdug bsngal rnams la sbyin rnams rgya chen rtag gtong ba | | chos yang skye dgu rnams la rnam pa kun tu phan byed tshags chen rnyed min zhing | | shin tu btang yang zad med wphel wgyur ba lta lan gcig ma yin smos ci dgos zhes so | | de lta min na chos wtshong ba’i nyes par wgyur te | wjam dpal rnam par wphrul ba’i mdo las chos ston kyang chos nyan pa rnams la snying rje chen po mi skyed pa ni bdud kyi las so zhes pa dang | mang du thos kyang gzhan gyis shes gyis dogs te chos la slob dpon gyis dpe mkhyud byed pa yang bdud kyi las so zhes pa dang | dgongs pa nges wgrel las | wdod phyir su dag dam chos ston byed pa | | de dag wdod pa btang ba phyir len te | | myos pa de dag thang med rin chen chos | | thob par gyur kyang sprang po rgyu bar byed | ces so | | gsum pa la |

01-Bu-ston.doc 35

bsgrub bya nyan pa po’i mtshan nyad bstan pa’o | | dang po la skyon bcu gsum dang | drug dang | gsum spong ba’o | | dang po ni | rnam bshad rigs par | skyon bcu gsum gyi gnyen por rnam pa bcu drug gis chos mnyan par gsungs shing | bcu gsum ni nang du yang dag par wjog pa’i tshe smra ba po la bdag nyid kyis bskyod pa dang | spyod lam mi sdug pa’i skyon dang | rigs mtho ba la sogs pa’i nga rgyal gyis wgying ba’i skyon dang | don du mi gnyer ba’i skyon dang | gzhan gyi phyogs byed pas snying na ba’i skyon dang | mchod par mi wgyur bas smra ba po rab tu mi wdzin pa’i skyon dang | sun ci phyin du brgal ba’i bsam pa’i skyon dang | chos dang chos smra ba la yon tan yid la mi byed pa’i phyir rim gro mi byed pa’i skyon dang | chos la tshog dang yi ge wbru ma wbrel ba’i chos smra ba la tshul khrims dang rigs dang byad gzugs dang tshig wbyin pa ma tshang ba la sogs pa’i skyon yid la byed pa’i phyir brnyas pa’i skyon dang | smod pa’i skyon dang | rnyed pa dang bkur sti wdod pa’i skyon dang | sems rnam par g.yengs pa dang gnyid rmugs kyis bsdus pas mi nyan pa’i skyon dang | dgongs pa dang chos nyid la phyin ci log tu rtog pas legs par yid la mi byed pa’i skyon dang | wdun pa dang wjug pa zhan pa nyid kyis rab tu yid la mi byed pa’i skyon no | | gnyis pa ni | rnam bshad rigs par | nga rgyal dang ni ma dad dang | | don du gnyer ba med nyid dang | | phyi rol rnam g.yeng nang bsdus dang | | skyo ba nyan pa’i dri ma yin | | zhes pa ltar ram | yang na las kyi skyon dang | mos pa med pa’i skyon dang | mchod par mi wgyur ba’i skyon dang | bsam pa’i skyon dang | mi mthun pa’i skyon dang | wdzin pa’i skyon no | | las kyi skyon la | lus kyi las spyod lam mi sdug pa dang | lus ngag gnyis ka’i las de gnyis kyis skul bar mi byed pa dang | yid kyi las nyan par mi wdod pa’o | | bsam pa’i skyon ni gzhan la klan ka btsal ba dang | wdi lta bu zhig tu rgol ba las thar par bya ba’i bsam pa’o | | mi mthun pa’i skyon lnga ste | chos la nges wbyin gyi lam min par go nas mi gus pa dang | tshig dang yi ge ma wbrel bas bsnyad pa dang | gang zag dang | tshul khrims dang | tshig wbyin pa’i skyon gyis gus pa med pa dang | rigs kyi skyon gyis brnyas pa’o | | khong du chud pa dang sgrub pa’i nus pa mi wbyung snyam pa bdag la brnyas pa’o | | wdzin pa’i skyon lnga ste | log par wdzin pa dang | don mi wdzin pa dang | tshig wbru mi wdzin pa dang | brda ma phrad par wdzin pa dang | ma lus par mi wdzin pa’o | | gsum pa la | dper na char bab kyang chu’i bya ba mi byed pa’i snod kyi skyon gsum wbyung ste | kha bub bam bcad pas mi wbab pa dang | mi gtsang bas bab kyang skyon can du wgyur ba dang | bu ga dang bcas pas bab kyang mi gnas pa’o | | de bzhin du chos kyi char bab kyang chos kyi chu’i bya ba mi byed pa’i skyon gsum ste | rnam g.yeng dang gnyid rmugs kyis mi nyan pas mi wbab pa dang | tshul bzhin yid la mi byed pas bab kyang skyon can du wgyur ba dang | dran pa brjed nges pa’i phyir mi gnas pa’o | |

01-Bu-ston.doc 37

su bstan pa bram ze zhig gis thos nas | gab ste wdug nas | rab tu byung pa tshul khrims nyams pa la sdug bsngal rnam pa bcu gnyis wbyung ngo | | zhes thos nas wchal ba’i tshul khrims bya ba la mngon du phyogs pa las log pa lta bu’o | | zhes gsungs so | | gzhan yang dge wdun bsrungs kyis chos bstan pa la drang srong rnams kyis phag nyan byas pas wbras bu thob pa yin no | | gsum pa ni | don mi go yang chos la dad nas mnyan na bsod nams che ste | ji skad du | brda mi phrad pas kyang sangs rgyas kyi gsung gus pas mnyan par bya ste | wdi ltar dad pa tsam gyis kyang nyan na bsod nams chen po nyid dang ldan pa dang | shes rab kyi khams rtas par wgyur na don rtogs pas lta smos kyang ci dgos te | ba lang rdzi dga’ bos sbal ba wkhar bas mnan pa’i rtogs pa brjod pa dper bya’o | | zhes pa dang | chos dga’ chu srin du gyur pa na sangs rgyas kyi sgra tsam zhig thos pa las sngon phyag wtshal tsam la goms pa’i phyir | kha btsums te wdug pa yin no | | de lta bas na cung zad cig thos pas kyang rgyu bsags pa rnams kyis dge ba rab tu rgyas pa’i phyir sangs rgyas kyi gsung mnyan pa la wbad pa dang ldan par bya’o | | zhes so | | gnyis pa ni | byang chub sems dpa’i sde snod las | | gang gis sems can dag wgyur ba’i | | rgyu gnyis dang ni rkyen gnyis te | | gzhan la rjes su mthun sgra dang | | nang du tshul bzhin lta ba’o | | zhes gsungs pas phyi’i rkyen dge ba’i bshes gnyen bsten cing wtsho ba’i yo byad bsags pa dang | nang gi mthun rkyen rna blags te mnyan cing | thos pa’i don bsam pa dang | mdo bstan bcos blta ba dang mkhas pa la dri bas bskyang bar bya zhing | des thos byung mthar phyin par wgyur zhing | de nas bsam sgom la wbad par bya’o | | rnam bshad rigs par | rdo thal gyi rdo mes bsregs chus wjig par byed pa dang wdra bar nyon mongs pa’i bag la nyal gyi rdo shes rab kyi mes yongs su bsregs pas ting nge wdzin gyi chus yongs su sbangs na wjig go | shes rab de’ang dam pa’i chos mnyan pa med par ni ma yin pas de lta bas na | gus pas chos mnyan par bya’o | | tshig gi khur thogs kyang don mngon par mi shes na de’i don mi wthob ste | khye’u’i mgul du gter gyi kha chems kyi yi ge btags pa dang wdra’o | | de lta bas na mang du thos pas kyang | don shes pa nyid du bya ba’i phyir mdo sde’i don mnyan pa la wbad pa dang ldan par bya’o | | me la tshe ba so sor mi rtog pa ni ma nyal zhes zer bzhin du chom po rnams kyis bcom mo | | de bzhin du sgra tsam la brtson pa’i mang du thos pa so sor mi rtog pa yang nyon mongs pa’i dgra rnams kyis wjoms so | | so sor rtog pa de yang don shes pa nyid med na med pas | de lta bas na | don bzung ba ni wbad pa dang ldan par bya’o | | de bzhin du rol mo mkhan rkun pos wjigs nas | mi nyal bar bya ba’i phyir glu len bzhin du bcom mo zhes bya ba yang dper brjod par bya’o | | ji ltar long ba mar me wdzin pa ni gzhan dag la phan par wgyur ba dang wdra bar | don mngon par mi shes pa’i thos pa wdzin pa yang de lta bu yin pas de lta bas na don shes pa nyid du bya ba’i phyir don mnyan pa la wbad par bya’o | | zhes so | |

01-Bu-ston.doc 39

de yang phal cher don med par ni zad par wgyur | | legs par gsungs pa’ang sa steng wga’ na lan wga’ zhig | u dum v’a ra’i me tog bzhin du snang ba yin | | zhes so | | gnyis pa ni | phar phyin drug ldan te | sgo gsum chos kyi phyir gtong ba dang | nyes spyod sdom zhing snod kyi skyon rnams spong ba dang | gnod pa bzod pa dang nyan pa la spro ba dang | sgra dang don la sems rtse gcig pa dang | rab rtogs pa lhag pa rnyed pa’am | wbring sgra’i rjes su wbrang pas wdzin skyong don la dpyod pa’o | | tha ma la tshad med do | | gsum pa rjes la | nongs pa bzod par gsol zhing dge ba bsngos la gtang rag gi phyag bya’o | | bzhi pa ni | de lta bu’i thos bsam lam du wgro ba la | tshul gnas thos dang bsam ldan pa | | sgom pa la ni rab tu sbyor | | zhes pas tshul khrims dag pa rten du dgos te | ting nge wdzin rgyal po las | ji snyed chos kyi rnam pas byang chub kyang | | thos pas rgyags shing tshul khrims mi srung na | | tshul khrims wchal ba ngan wgro de wgro ste | | de la thos pa mang pos bskyab mi nus | | zhes gsungs so | | mang thos tshul gnas kyang | bsam sgom dang wbrel dgos te | btsun pa chos la gnas pa’i dge slong zhes bya ba’i mdo las | sgom pa la ma brten par thos pa dang sems pa’i sbyor ba wba’ zhig gis kyang chos la gnas pa ma yin la | thos pa dang sems pa la ma brten par sgom pa la sbyor ba wba’ zhig gis kyang chos la gnas pa ma yin gyi | gnyis ka la brten te gnyis ka la gnas na chos la gnas pa yin no | | zhes gsungs so | | mdo sde rgyan las kyang | de ltar rnal wbyor can gyi bsgom pa gang yin de yang don med min | | de yang bde bar gshegs kyi bstan pa gang yin de yang don med min | | gal te thos pa tsam gyis don mthong wgyur na bsgom pa don med wgyur | | gal te ma thos par yang bsgom wjug wgyur na bstan pa don med wgyur | | zhes gsungs so | | des na thog mar sdug bsngal mang po’i gzhi’am rgyu wchal ba’i tshul khrims kyi gnyen por tshul khrims bsrung zhing | de nas nyon mongs pa rnam par sbyang ba la wbad par bya’o | | de’i rim pa ni zhi ba lhas | bzod bya thos pa btsal bar bya | | de nas nags su gnas par bya | | mnyam par gzhag la brtson bya zhing | | mi sdug la sogs bsgom par bya | | zhes so | | de la thog mar bzod pa dgos te | de med na skyo ba la ji mi snyam pa med pas thos pas mi wjug pas so | | thos pa med na nyon mongs spong ba’i bsam gtan gyi thabs mi shes pas thos pa btsal lo | | thos pas chos shes su zin kyang lang | long can du spyod na ting nge wdzin mi skye bas | chos dang mthun pa’i tshig gis smras gyur kyang | | khro dang zhe sdang yid mi ches pa dag | rab tu smras ste wdi ni byis pa’i chos | |

01-Bu-ston.doc 40

don de rnam par shes na yid mi rton | zhes zla ba sgron me las wbyung ba bzhin | rnyed bkur wdod sred byis pa dang wgrogs pa spangs te | nags na ri dvags bya rnams dang | | shing rnams mi snyan sgrog mi byed | | wgrogs na bde ba de dag dang | | nam zhig lhan cig gnas par wgyur | | zhes pa’i nags dben pa bstan no | | de nas rnam g.yeng spong ba la mi brtson na | mnyam par wjog par mi wgyur bas | mnyam gzhag la brtson dgos la | de’i bras bu nyon mongs pa sbyong ba yin pas | mi sdug pa la sogs pa bsgom par bya’o | | mang du thos kyang sgrub pa dang bral ba ni nyes pa chen po ste | drag shul can gyis zhus par | gal te thos pa dang ldan pa dal ba phun sum tshogs pa wdi rnyed nas | rnyed pa la sogs pa la chags pa’i sems mi sbyong na de ni lha dang bcas pa’i wjig rten la bslu ba gcig pur wgyur ro zhes pa dang | dkon brtsegs las kyang | wod srungs wdi lta ste | dper na mi la la zhig rgya mtsho’i chu chen pos khyer ba chus skom bzhin du wchi ba’i dus byed pa de bzhin du | wod srungs wdi la dge sbyong dang bram ze kha cig chos mang po bslabs te kun chub par byas kyang | wdod chags la sred pa mi sel | zhe sdang la sred pa mi sel | gti mug la sred pa mi sel ba de dag chos kyi rgya mtshos khyer la | nyon mongs pa’i skom pas wchi ba’i dus byed par wgyur te | ngan wgror wgro bar wgyur ro | | zhes so | | des na bdag lta bu kha bshad la song nas lag len med pa la snying po med pas | don sems shing lag len gal che ste | lhag pa’i bsam pa baskulb’i mdo las | thos pas rgyags nas gus par mi wgyur te | | rnam par wgyed pa’i smra ba rnams la chags | | brjod par wgyur zhing shes bzhin med par wgyur | | smra la dga’ ba’i nyes pa wdi dag go | nang gi sems las shin tu ring bar wgyur | | lus dang sems kyang rab sbyangs ma yin wgyur | | khengs pa dang ni mdud pa mang por wgyur | | smra la dga’ ba’i nyes pa wdi dag go | byis pa dam pa’i chos bsam rab tu nyams | | sems ni mi mnyen shin tu rtsub par wgyur | | zhi gnas lhag mthong dag dang rab tu ring | | smra la dga’ ba’i nyes pa wdi dag go | rtag tu bla ma dag la gus pa med | | sbags pa’i gtam dag la ni dga’ ba bskyed | | snying po med la gnas shing shes rab nyams | | smra la dga’ ba’i nyes pa wdi dag go | de ni lta tshogs rnams kyis mi bkur zhing | | de tshe de la’ang wdod pa mi bskyed la | | so so yang dag rig las nyams gyur te | | smra la dga’ ba’i nyes pa wdi dag go | | gang dag lus ni mngon sum mang yod pa | | mkhas pa de dag gis ni spyo bar wgyur | | de yi srog ni don med wgyur ba ste | | smra la dga’ ba’i nyes pa wdi dag go | bdag ni sgrub nyams da ni ci bya zhes | | wchi ba’i dus tshe byis pa mya ngan byed | | gting rnyed ma gyur shin tu sdug bsngal wgyur | | smra la dga’ ba’i nyes pa wdi dag go | rtsva bskyod bzhin du wgul zhing g.yo ba ste | |

01-Bu-ston.doc 42

khyad par bod yul du ji ltar byung tshul lo | | dang po la | spyir byang sems tshogs sam smon lam rdzogs pa dang | sangs rgyas kyi zhing dag pa dang | wdul bya dge ba’i rtsa ba smin pa na sangs rgyas wbyung ba yin zhing des dam pa’i chos ston pa yin la | wdi la gsum ste | spyir bskal pa gang la sangs rgyas byon tshul | khyad par bskal pa bzang po’i sangs rgyas wbyon tshul | khyad par mi mjed wjig rten du thub pa’i dbang po wbyon tshul lo | | dang po la | spyir bskal pa la sgron ma’i bskal pa dang mun pa’i bskal pa gnyis las sgron bskal la sangs rgyas wbyung gi mun bskal la sangs rgyas mi wbyung ngo | | sgron bskal bskal pa bzang po la sangs rgyas stong ngam stong dang lnga | de nas mun bskal bskal pa chen po drug cu | de nas sgron bskal bskal pa snyan pa chen po la sangs rgyas khri | de nas mun bskal khri wdas pa dang | bskal pa skar ma lta bu zhes bya ba’i sgron bskal la sangs rgyas brgyad khri | de nas mun bskal sum brgya | de nas sgron bskal yon tan bkod pa la sangs rgyas brgyad khri bzhi stong wbyung bar bskal bzang nas bshad do | | gnyis pa la gnyis te | snying rje pad ma dkar po’i rjes su wbrangs te sangs rgyas stong dang lnga wbyon tshul dang | gsang ba bsam gyi mi khyab pa la sogs pa’i rjes su wbrangs te sangs rgyas stong wbyon tshul lo | | dang po ni | sngon byung ba wdas pa’i dus na wjig rten gyi khams wdir | bskal pa chen po wdzin pa zhes bya ba la | gling bzhi pa wdi nyid du wkhor los sgyur ba’i rgyal po rtsibs kyi mu khyud ces bya ba byung ngo | | de la sras rgyal bu mig mi wdzum pa la sogs pa stong dang | rgyal phran brgyad khri bzhi stong dang bcas pa mnga’o | | de’i mdun na wdon gyi gtso bo bram ze rgya mtsho’i rdul zhes bya ba sras brgyad bcu dang | slob ma bram ze stong dang bcas pa yod do | | de’i sras bram ze rgyamtsho’i snying po zhes bya ba mngon par rdzogs par sangs rgyas pa’i mtshan rin chen snying po zhes bya bar gyur to | | de nas wkhor los bsgyur ba’i rgyal po rtsibs kyi mu khyud kyis zla ba gsum du sangs rgyas la bsnyen bkur byas so | | de nas de’i sras rgyal bu stong gis zla ba gsum gsum bsnyen bkur byas te | lo nyis brgya lnga bcu dang zla ba gsum wdas pa dang | yab bram ze rgya mtsho’i rdul gyis lo bdun du bsnyen bkur byas | chos mnyan nas rmi lam brtags pas | rgyal po rtsibs kyi mu khyud kyis srog chags mang po za ba dang | stag la sogs pa gcan gzan gdug pa can gyis | rgyal po de yang gsod par wgyur ba dang | blon po kha cig shing rta bde ba la zhon nas lam gol bar wdong ba la sogs pa rmis te | sangs rgyas la zhus pas | rgyal po rgyal srid la chags shing mi dge ba spyad pas ngan song dang wkhor bar lung bstan | blon po de dag nyan rang du lung bstan | gzhan mang po byang chub chen por wgyur ro | | zhes rmi ltas lung bstan no | |

01-Bu-ston.doc 43

de nas bram ze rgya mtsho’i rdul gyis rgyal po la | rgyal po chen po mir gyur pa yang rnyed par dka’ | sangs rgyas wjig rten du wbyung ba’ang rnyed par dka’ | dam pa’i chos nyan pa’ang rnyed par dka’ yis bla na med pa’i byang chub tu thugs skyed cig | ces bskul bas | rgyal po na re | kho bo bla na med pa’i byang chub tu sangs rgya bar mi wdod do | | zhes rgyu mtshan dang bcas pa smra zhing | sems bskyed du ma wdod pa la | bram zes lan gnyis lan gsum gyi bar du bskul bas | sangs rgyas pa’i sangs rgyas kyi zhing bzang po wbyung na bskyed do zhes khas blangs so | | de nas sangs rgyas rin chen snying pos me long bkod pa zhes bya ba’i ting nge wdzin la snyoms par zhugs nas sangs rgyas kyi zhing gi bkod pa bsam gyis mi khyab pa bstan nas | gang bzang ba la wdam du bcug bas | rgyal po’ang dad de rang gi sangs rgyas kyi zhing gzung ba’i phyir khab tu zhugs nas | skye bo’i wgrul bcad de sems par byed do | | de’i rgyal bu stong yang rang rang gi sangs rgyas kyi zhing gzung ba’i phyir | khang par zhugs te sems par byed do | | de’i bar la bram ze rgya mtsho’i rdul gyis srog chags mang po dge ba rgya chen po la bkod do | | de ltar lo bdun wdas pa dang | rgyal po wkhor bcas lhas bskul nas langs te | sangs rgyas kyi spyan sngar rang gi sangs rgyas kyi zhing bzung zhing sems bskyed pas | rgyal po chen po bde ba can gyi wjig rten du sangs rgyas tshe dpag med du lung bstan no | | bu thu bo mig mi wdzums ni tshe dpag med mya ngan las wdas nas srod la chos nub pa’i tho rangs mngon par rdzogs par sangs rgyas pa’i mtshan wod zer kun nas wphags pa dpal brtsegs kyi rgyal po zhes pa’o | | de mya ngan las wdas pa’i rjes su bu gnyis pa ni | mthu chen thob ste rab tu brtan pa yon tan nor bu brtsegs pa’i rgyal po zhes par lung bstan no | | bu gsum pa ni wjam dpal te | sangs rgyas kyi zhing dag pa rdul bral yang dag brtsegs su sangs rgyas kun tu gzigs su lung bstan no | | bu bzhi pa ni kun tu bzang por ro | | lnga pa ni padma dam par ro | | drug pa ni dbang sgyur dbang phyug rgyal por ro | | bdun pa ni snang ba rdul bral spos mtho dbang phyug rgyal por ro | | brgyad pa ni ye shes rdo rje rnam par bsgyings ba’i dbang phyug tu’o | | de nas bar skabs wdir srog chags khri sangs rgyas su lung bstan nas de nas bu dgu pa mi wkhrugs par lung bstan no | | bcu pa gser gyi me tog tu’o | | bcu gcig pa rgyal po’i zla bar ro | | de bzhin du rgyal bu stong tshang bar lung bstan no | | de nas rgyal phran brgyad khri bzhi stong dang | srog chags dung phyur phrag dgu dang bye ba phrag gnyis dang | de nas rgya mtsho’i rdul gyi sras brgyad cu dang | de nas bram ze rgya mtsho’i rdul gyi slob ma bram ze stong phrag gcig dang | de nas bram ze bye ba phrag gsum lung bstan pas rnam par gzigs dang | gtsug tor can dang | thams cad skyob kyi bar du wgyur ro | | de nas bram ze rig byed klog pa stong gi dang po lung bstan no | | de’i rjes la rig byed klog pa stong gi gnyis pa skar ma skyong ni bskal pa bzang po’i sangs rgyas dang po wkhor ba wjig go | gsum pa tam bu ru ni gser thub tu lung bstan | bzhi pa kun gyis srungs ni sangs rgyas wod srungs su’o | | lnga pa dri med wod ni byams pa’o | | de bzhin du dgu brgya dgu bcu go dgu’i bar du lung bstan no | | de nas bram ze rgya mtsho’i rdul gyis rig byed klog pa stong gi tha ma la zhing zung sems skyed cig ces bsgos pas | cung zad bsam long yod do zhes zer nas | de nas rgya mtsho’i rdul

01-Bu-ston.doc 44

gyi bsnyen bkur pa lngas | zhing bzung sems bskyed pas bskal pa bzang po’i sangs rgyas su lung bstan no | | de nas tha mas de bzhin gshegs pa rin chen snying po la bskal pa bzang po de la thub pa nyi ma du mchi par wgyur | | bka’ stsal pa | thub pa nyi ma stong dang bzhi wbyung bar wgyur ro | | gsol pa | thub pa nyi ma stong dang bzhi po de dag gi sku tshe’i tshid dang gdul bya la sogs pa ji tsam pa de tsam du gyur cig | smon lam btab pas | legs so gnang ste sangs rgyas gsal mdzad ces par lung bstan no | | de nas bram ze rgya mtsho’i rdul gyis dgongs par | rgyal po chen po la sogs pa srog chags mang pos sems bskyed cing sangs rgyas kyi zhing dag pa yang bzung zin gyis | da ni bdag gis sems bskyed par bya’o snyam du dgongs te | zhing ma dag pa mi mjed kyi zhing sems can ma rungs pa mi dge ba bcu tshang bar spyod pa | mtshams med pa lnga byed pa | shin tu gdul dka’ ba rnams la thugs rjes lhag par gzigs nas | smon lam chen po lnga brgya btab ste bden pa’i stobs brjod pas | sangs rgyas rin chen snying pos legs so gnang ste | byang chub sems dpa’ rnams kyi brtson wgrus brtsams pa ni bzhi ste | sangs rgyas kyi zhing ma dag par smon pa dang zhes pa la sogs pa dang | khyod ni pad ma dkar po lta bu’i byang chub sems dpa’o | | gzhan ni me tog lta bu’i byang chub sems dpa’o | | zhes bya ba la sogs pa bsngags pa bsam gyi mi khyab pa brjod de | bskal pa bzang po’i sangs rgyas bzhi pa sh’akya thub par lung bstan | phyogs bcu’i sangs rgyas thams cad kyis skyes bskur | lha dang mi’i skye dgu thams cad kyis mchod do | | de nas sangs rgyas rin chen snying po mya ngan las wdas nas | sku gdung gi mchod rten brtsigs te lo bye phrag sum cu rtsa drug tu mchod pa’ang byas so | | bram ze rgya mtsho’i rdul yang rab tu byung nas lo nyi khri’i bar du tshangs par spyod | | de ltar na bskal pa bzang po wdi la sangs rgyas stong dang lnga wbyung bar shes par bya’o | | gnyis pa ni | sngon byung ba wdas pa’i dus na bskal pa mdzes par snang ba la wjig rten gyi khams rnam par brgyan pa zhes bya bar | sangs rgyas yon tan mtha’ yas rin chen sna tshogs bkod pa’i rgyal po zhes bya ba byung ngo | | de’i tshe pho brang rnam par dag pa can du gling bzhi la dbang ba’i wkhor los bsgyur ba’i rgyal po yul wkhor bsrung zhes bya ba btsun mo bdun wbum dang sras stong du tshang ba yod do | | de’i tshe rgyal po des sangs rgyas dge slong gi dge wdun dang bcas pa la lo bye ba tshang bar bsnyen bkur te | dge slong re re la’ang g.yog gsum gsum phul lo | | de’i tshe rgyal bu de dag | sangs rgyas wbyung ba brgya lam rnyed par wgyur | | mir skye ba yang shin tu dka’ ba rnyed | | grogs po gang dag dad dang chos nyan pa | | wdi wdra bskal pa brgyar yang rnyed par dka’ | | zhes pa la sogs pa’i tshigs su bcad pa smra zhing | tsan dan sprul gyi snying po’i khang pa brtsegs pa’i nang du | rgyal po sras dang btsun mor bcas pa zhugs te | nam mkha’ la phyin te sangs rgyas kyi spyan sngar wkhod pa dang | bcom ldan wdas kyis rgyal po chen po dad pa ni yongs su mi nyams shing khyad par du wgro bar wgyur ba’o zhes pa la sogs pa’i chos bstan pa mnyan nas rang gi khyim du phyin pa dang | zla ba nya la bab pa dang | btsun mo ma smad pa’i pang bar khye’u chos sems dang | dpe me pa’i pang bar chos kyi blo gros gnyis rdzus te byung ngo | | de gnyis dang bcas te sangs rgyas la chos mnyan no | | de’i tshe rgyal po wdi snyam du | rgyal bu wdi thams cad byang chub tu zhugs pa sha stag yin na | gang thog mar sangs rgya brtag par bya’o snyam ste | gzhon nu de thams cad kyi ming bris nas rin po che sna bdun gyi bum par bcug ste | zhag bdun du mchod pa byas te | btsun

01-Bu-ston.doc 45

mo’i wkhor dang sras stong dang gzhon nu gnyis kyi mdun du nang mis bum pa’i nang nas ming rnams phyung ngo | | thog mar gzhon nu rnam par dag pa’i blo gros kyi ming byung bas | sa g.yos shing rol mo’i sgra byung ste | de ni wkhor ba wjig go | de nas gzhon nu rnam par rgyal ba’i sde gser thub bo | | dbang po zhi ba wod srungs so | | don thams cad du grub pa ni sh’akya thub pa’o | | ska rags can ni byams pa’o | | mchog gi blo gros ni seng ge’o | | glog gi lha ni tog ces bya ba’o | | bzang po ni me tog dam pa’o | | wod kyi dpal ni me tog go | rnam par snang ba’i pad ma ni skar rgyal lo | | dri ma med pa’i wod ni spyan legs so | | rdul med ni lag bzang ngo | | blo gros rgyal po ni wod do | | dge ba bkod pa’i rgyal po ni skar ma la dga’ ba’o | | phyogs wbyor pa ni mngon par wphags pa gshegs pa’o | | rnam par dag pa bkod pa’i rgyal po ni yon tan gyi mnga’ ba’o | | dpal sbas ni nor dpal lo | | lus shin tu rnam par wbyed pa ni ye shes wbyung gnas so | | drag shul can ni rin po che’i wbyung gnas so | | rin chen grags ni kun tu snang ba’o | | de bzhin du rgya cher byas te | bu stong gi nang nas gcig bzhag pa cod pan brgyan pa’i bar du byung ste | de ni sangs rgyas yon tan mtha’ yas grags pa’o | | de nas tha chung blo mtha’ yas kyi ming byung ba dang | snag gi gnyen mtshams dang spun rnams na re | bdag cag gis sems can thams cad smin par byas sangs rgyas kyi mdzad pa byas pa’i wog tu khyod kyis ci byar yod | ces spyos pa dang | des smras pa sangs rgyas chos rnams wdi dag nam mkha’ mtshungs shing wdra | | bdag gi yid la sems can zad pa med snyam bgyid | | tshul khrims kyis ni bdag gi smon lam wdir dag wgyur | | bdag gi smon lam ci wdrar thams cad wdir gson cig | khyed kyi tshe tshad ji tsam pa dang sdom pa dag | tshogs kyi rgyal po ji snyed de dag kun bsdoms pa | | thams cad bsdoms pa de snyed bdag gi tsher wgyur te | | bdag gi dge slong tshogs kyang de kun ma lus snyed ces pa la sogs pa smras te | de ni stong gi tha ma pa mos pa zhes bya bar wgyur te | sangs rgyas dgu brgya bcu go dgu’i tshe tshad dang nyan thos kyi dge wdun ji snyed pa de snyed du wgyur zhing | bdag nyid de ltar mos pas mos pa zhes bya ba’o | | de nas rgyal bu stong gis khye’u chos sems dang chos kyi blo gros la khyed gnyis smon lam ji ltar wdebs zhes dris pas | chos sems ni nga khyed thams cad kyi lag na rdo rjer gyur te | nang na spyod cing de bzhin gshegs pa’i gsang ba thams cad las phyi rol tu ma gyur la | phyi nang gi chos thams cad nyan mos rtogs par smon lam btab ste | de ni phyag na rdo rje ste | sangs rgyas stong gi bka’ sdud pa po yin cing | ma wongs pa na bskal pa rnam par sbyong ba zhes bya ba la | wjig rten gyi khams kun nas yongs su dag par sangs rgyas rdo rjes rnam par gnon par lung bstan no | | chos kyi blo gros kyis khyed thams cad la chos kyi wkhor lo bskor bar bskul bar gsol ba wdebs par smon lam btab ste | de ni tshangs pa gtsug phud can no | | yul wkhor srungs ni mar me mdzad do | |

01-Bu-ston.doc 46

des na sangs rgyas stong yin gyi stong rtsa gnyis zhes pa dang | phyag rdor mos pa’o zhes zer ba ni blun po’i kha la ma rgyug cig | wo na bskal pa bzang po zhes brjod pa ci zhe na | wjig rten wdi chus wjig pa’i tshe mtsho nas gser gyi pad ma stong byung bar gyur to | | de la lha rnams kyis brtags pas sangs rgyas stong wbyung ba’i ltas su shes te kye ma bskal pa wdi ni bzang po’o zhes brjod pas | bskal pa bzang po zhes grags par gyur to | | zhes snying rje chen po pad dkar las bshad la | ye shes rgyas pa’i mdo las | bskal pa bzang po’i ming bskal pa pad ma stong mthong zhes btags pa yod do | | de la sangs rgyas stong wbyung ba la gnas bskal gyi mar wgrib kyi brgyad khri pa nas brgya pa’i bar la wbyung ngo | | brgyad khri bas snga bar mi wbyung ste | skyo ba shas chung bas chos don du mi gnyer bas so | | brgya pa bas wphyi bar mi wbyung ste | tshe dang sems can dang nyon mongs pa dang | lta ba dang | dus kyi snyigs ma lnga bde bas so | | yar wphel la mi wbyung ste | mi dge ba ngang gis spong zhing | dngos po rnams wphel bas skyo ba mi skye bas so | | ji skad du | mar ni wgrib pa yi | | brgya yi bar la de dag wbyung | | zhes pas so | | de dag kyang bskal pa bzang po wdi’i rnam gzhag la dgongs kyi | thams cad du mi bsam ste | snying rje pad ma dkar por | wjig rten gyi khams mthe bong can na tshe lo bcu pa’i dus su mi mthe bong tsam gyi nang du sangs rgyas skar ma la dga’ ba zhes bya ba sku khru gang ba sor bdun gyi tshad tsam pa yod par bshad cing | brgyad khri bas snga ba’i sangs rgyas mang po bshad pas so | | wdi’i tshe lo bzhi khri’i dus su wkhor ba wjig | sum khri’i dus su gser thub | nyi khri’i dus su wod srungs | brgya pa’i dus su sh’akya thub pa | brgyad khri pa’i dus su byams pa wbyung ngo | | mdo bskal bzang du sangs rgyas re re’i yul dang rigs dang wod dang yab yum dang sras dang rim gro pa dang shes rab can dang | rdzu wphrul can gyi mchog gnyis dang | wkhor wdus pa dang | tshe tshad dang | bstan pa gnas pa’i tshad dang | sku gdung ste | mchog zung so sor bgrangs pa’i don bcu gsum bcu gsum gyis bstan cing | kha cig gis gdung smos te bcu bzhi’o | | wkhor wdus pa’ang kha cig la re re dang | kha cig la mang po dang sku gdung la rgyas par wgyur ba dang | ril po gcig tu wdug pa gnyis so | | ston pa wdi la dper brjod na | mchog tu dga’ ba’i rgyal po nga skye ba’i yul ni ser skya zhes bya’o | | rigs ni rgyal rigs so | | gdung ni go’u ta ma’o | | wod ni wdom gang ngo | | yab ni zas gtsang ma zhes bya’o | | yum ni sgyu wphrul zhes bya’o | | sras ni sgra gcan wdzin zhes bya’o | | rim gro pa ni kun dga’ bo zhes bya’o | | shes rab can rnams kyi mchog ni nye rgyal zhes bya’o | | rdzu wphrul can rnams kyi mchog ni pang nas skyes zhes bya’o | | wdus pa dang po la ni dge slong stong nyis brgya lnga bcu’o | | sku tshe’i tshad ni lo brgya’o | | dam pa’i chos ni lo lnga brgya’i bar du gnas so | | lo lnga brgya’i bar du ni dam pa’i chos ltar snang ngo | | sku gdung ni rgyas par wgyur ro | | zhes gsungs so | |

01-Bu-ston.doc 47

wo na sangs rgyas mos pa wbyon pa’i dus na | mi tshe lo dpag tu med pa thub par bshad pa dang wgal te | mi tshe lo brgyad khri bas snga bar mi wbyung bas so zhe na | bden te | de ni sangs rgyas kyi smon lam gyi stobs yin pas bsam gyi mi khyab bo | | yang sangs rgyas stong du nges na | brgyad stong par | dge slong khri bskal pa bzang po wdi la mngon par rdzogs par sangs rgya bar bshad pa dang wgal lo zhe na | bden te | bskal pa bzang po la sangs rgyas stong du grags pas de gtso bor smos kyi gzhan ma bkag go zhes wphags pa grol sde gsung ste | nyi khri snang bar grangs stong gi nges pa ni wjig rten gyi khams mi mjed du bskal pa bzang po la grangs stong du grags pa’i wdi nyid kyis thabs la mkhas pas gzhan bsgrub pa dang dgag pa med par shes par bya ba’i don du yin no | | zhes gsungs so | | yang na wjig rten wdi zhig pa’i rjes su wdir chags pa la sangs rgya ba wdir sangs rgya zhes dgongs te | bskal pa wdzin pa zhig pa’i shul du | wdir chags pa la wjig rten gyi khams wdir bskal pa chen po wdzin pa zhes wbyung ba bzhin no | | yang na stong ngam stong dang lnga bshad pa ni | sangs rgyas mdzad pa bcu gnyis wdir dngos su ston pa’i dbang du byas la | sangs rgyas mang po bshad pa ni de dag bskal pa bzang po’i ring la byang chub wthob pa’am | yang na sprul pa’i dbang du byas pa ste | bram ze khye’u bla ma nas sangs rgyas su bshad pa bzhin no | | de lta na’ang bstan pa gcig la ston pa gnyis su mi wgyur te | sangs rgyas zhes tshul bzung nas chos mi ston pas so | | bskal pa wdi la sngar sangs rgyas bzhi las ma song na | dus kyi wkhor lo las | bskal pa bzang po’i sangs rgyas rnam par gzigs la sogs pa sh’akya thub pa’i mthar thug pa’i de bzhin gshegs pa bdun zhes pa dang | wjig rten na’ang wdas pa’i sangs rgyas rabs bdun zhes grags pa dang wgal lo zhe na | skyon med de | zhing wdir byung ba’i sangs rgyas yin zhing wdas pa’ang yin pas de tsam la dgongs par zad do | | yang mdo tha dad nas sangs rgyas stong la mtshan mi mthun pa tog la rab gsal dang | mos pa la snang mdzad dam gsal mdzad ces wbyung ba ni | mtshan gyi rnam grangs yin la | wgal zhig wgyur khyad yin pas the tshom mi bya’o | | gsum pa la zhing wdi la mi mjed ces zer ba ni | mi mjed ni bzod pa’i ming ste nyon mongs pa dug gsum gyis mi wphrogs shing bzod la | de la sems bsran thub pas mi mjed de | snying rje pad dkar las | ci’i phyir wjig rten gyi khams de ni mi mjed ces bya zhe na | sems can de dag wdod chags la mi mjed pa dang | zhe sdang la mi mjed pa dang | gti mug la mi mjed pa dang | nyon mongs pa’i wching ba rnams la mi mjed pas de’i phyir wjig rten gyi khams de ni mi mjed ces bya’o | | wjig rten gyi khams mi mjed der bskal pa chen po bzang po zhes bya ba wbyung bar wgyur ro | | de ci’i phyir bzang po zhes bya zhe na | bskal pa chen po bzang po de la sems can wdod chags dang zhe sdang dang ti mug la spyod pa rnams kyi nang du rdzogs pa’i sangs rgyas bcom ldan wdas thugs rje chen po dang ldan pa stong wbyung bar wgyur ba’i phyir te | zhes gsungs so | | de yang zhing de’i byang sems rnams la de lta bu’i yon tan yod pas de’i ming gis btags pa’am | yang na sangs rgyas la bzod pa de mnga’ pas de’i ming gis batgss te | wjam dpal gyi sangs rgyas kyi zhing gi yon tan bkod pa bstan par | byang chub sems dpa’i theg pa ba sngon gyi rgyal ba la lhag par bya ba byas pa | dge ba’i rtsa ba rnams bskyed pa sangs rgyas brgya stong mang po la bsnyen bkur byas pa bzod pa dang dul ba dang des pa dang ldan pa dag yod de | de dag ni sems can thams cad kyis spyos bsdigs mtshon gyis btab kyang ji snyam mi mjed de wdod chags dang zhe sdang dang gti mug rnams kyis mi wphrog go | rigs kyi bu skyes bu dam pa de dag gi ming gis wjig rten gyi khams de mi mjed ces brjod do zhes gsungs so | | de bzhin du sangs rgyas kyi mtshan la gdags tshul yang gsungs so | |

01-Bu-ston.doc 48

de lta bu’i zhing wdir thub pa wbyon tshul la | slob dpon klu sgrub kyi mchod rten brgyad kyi bstod par | dang po byang chub mchog tu sems skyed de | | bskal pa grangs med gsum du tshogs bsags shing | | bar du gcod pa’i bdud bzhi wdzoms mdzad pa | | bcom ldan seng ge de la phyag wtshal lo | | zhes pas | dang por thugs bskyed tshul | bar du tshogs bsags tshul | mthar sangs rgyas tshul la lugs gnyis te | nyan thos kyi lugs dang | theg chen gyi lugs so | | dang po la gsum las | dang po sems bskyed tshul ni | sngon byung ba wdas pa’i dus su | gyal po gsal grags zhes bya ba zhig byung ngo | | de’i wkhor glang po che’i wdul sbyong shes pa zhig la glang po che zhig wdul sbyong byed du bcug pas | des glang po che’i wdul sbyong legs par byas te | gyal po la gsol ba dang | rgyal po na re | khrod shog gsungs nas khrid phyin pa dang rgyal pos zhon te phyin pas | glang po che ba glang mo wdod chags skyes pa’i dri tshor te | gtsang rong dang nags tshal thams cad la thogs pa med par rgyugs pas | rgyal po skrag ste glang rdzi la ci bya dris pa dang | glang rdzi na re | shing gi yal ga la wjus shig zer nas wjus so | | de nas lhung ste brgyal ba la | glang rdzis brgyal ba sangs par byas pa dang | rgyal po khros te glang po che ma thul bzhin du thul zer ba wdi btson rar chug cig zer ba dang | glang rdzis smras pa | bdag gis glang po che’i lus thul yang sems ma thul ba lags so zhes smras so | | rgyal po na re | khyod kyis lus thul ba’i rgyu mtshan ci yod | des smras pa | da zhag bdun nas glang po che log nas wbyung | de nas shes par wgyur ro zhes smras nas | zhag bdun lon pa na glang po che byung ba la lcags kyi tho lum bsregs te rab tu wbar ba mdun du bzhag nas glang rdzi des kha kha zhes brjod pa dang | glang po che de mi bzod bzhin du za bar rtsom mo | | de rgyal po la bstan te | bdag gis wdi’i sems ma thul lo zhes smras pas | rgyal po yid ches te | sems skyed cing smon lam btab pa | sbyin pa wdi yis sh’akya’i rigs skyes te | | yon tan rigs rus mnyam pa’i sangs rgyas nyid gyur te | | tshangs pa’i bar gyi nyam thag wching ba rnams | | zhi ba rgya chen wjigs med sgrol bar shog | ces smon lam btab ste sems bskyed do | | gnyis pa ni | de nas bzung ste sangs rgyas yul wkhor skyong gi bar sangs rgyas bdun khri lnga stong bsnyen bkur zhing bskal pa grangs med par tshogs bsags te grangs med dang po rdzogs te | lung las | sangs rgyas sh’akya thub pa nas | | wdren pa yul wkhor skyong gi bar | | bdun khri lnga stong tshang ba yi | | sangs rgyas rnams ni ngas mchod do | | zhes so | | de nas sangs rgyas legs mdzad nas bzung ste | dbang po rgyal mtshan gyi bar bdun khri drug stong bsnyen bkur zhing grangs med gnyis pa rdzogs par byas so | | lung las | sangs rgyas legs mdzad nas bzung ste | | dbang po rgyal mtshan thub pa’i bar | | bdun khri drug stong tshang ba yi | | sangs rgyas rnams ni ngas mchod do | | zhes so | |

01-Bu-ston.doc 49

de nas mar me mdzad nas | wod srungs kyi bar bdun khri bdun stong bsnyen bkur zhing grangs med gsum pa rdzogs par byas te | lung las | sangs rgyas mar med mdzad nas ni | | sangs rgyas wod srungs bar dag tu | | bdun khri bdun stong tshang ba yi | | sangs rgyas rnams ni ngas mchod do | | zhes so | | mdzod nas | rin chen gtsug tor can yan chad kyis grangs med dang po rdzogs so | | de nas mar me mdzad yan chad kyis gnyis pa rdzogs so | | de nas rnam par gzigs yan chad kyis gsum pa rdzogs par bshad do | | rnam gzigs mar me rin chen gtsug | grangs med gsum gyi tha mar byung | | dang po sh’akya thub pa yin | | zhes so | | de nas bskal pa chen po brgyar | mtshan bzang po’i rgyu sgrub par byed pa la | byang chub sems dpa’ nges gnas zhes bya ba zer ba yin no | | de nas bskal ba brgya lus pa sangs rgyas skar rgyal la zhag bdun du tshigs bcad gcig gis bskor ba bar ma chad par byas pa’i brtson wgrus kyis bskal pa chen po dgu’i tshogs wdums te | de nas bskal pa chen po dgu bcu rtsa gcig wdas pa na grong khyer nyer ldan du sangs rgyas wod srungs byon pa’i tshe bram ze khye’u bla mar gyur pa yan chad kyis mtshan gyi rgyu rdzogs so | | de nas dam pa tog dkar tu wkhrungs pa la sogs pa’i mdzad pa bcu gnyis kyi tshul zhib tu | lung dang | mngon par wbyung ba’i mdo las shes par bya zhing | khyad chos | ston dang bse ru byang chub par | | bsam gtan mtha’ brten gcig la kun | | zhes pas so so’i skye bo grangs med gsum du thar pa cha mthun bsags pa gcig gis srod la bdud btul | gung la bsam gtan bzhi pa’i dngos gzhi la brten nas sbyor lam yan chad rgyud la bskyed nas | tho rangs skya rengs wchar ka’i skad cig gcig yan chad la phyin drug rdzogs te | ji skad du | kun la thams cad snying rje bas | | sbyin par byed pas sbyin pa rdzogs | | chags bcas yan lag bcad kyang ni | | mi wkhrugs bzod dang tshul khrims kyi | | skar rgyal bstod pas brtson wgrus kyi | | de ma thag la ting wdzin blo | | zhes pas phyin drug rdzogs te sangs rgyas te | chos dang gzugs sku’i bdag nyid can du gyur nas | kun shes nas rab bzang gi bar la chos kyi wkhor lo bskor te | lhag med du mya ngan las wdas par wdod do | | gnyis pa thag chen gyi lugs la gsum ste | dang po byang chub mchog tu sems bskyed tshul | bar du bskal pa grangs med par tshogs bsags tshul mthar bdud bzhi bcom nas sangs rgyas tshul lo | | dang po la sems bskyed kyi ngo bo | rgyu phan yon | dbye ba ji ltar bskyed pa’i tshul dang lnga’o | | dang po ni |

01-Bu-ston.doc 51

bsdu ba rnam par gtan la dbab par ni bcu gsungs te | sems bskyed pa ni rnam pa bcu ste | wdi lta ste | yang dag par blangs pa brda las byung ba dang chos nyid kyis thob pa dang | ma nges pa dang | nges pa dang | yongs su ma dag pa dang | yongs su dag pa dang | stobs chung ba dang | stobs dang ldan pa dang | wbras bu yongs su ma grub pa dang | wbras bu yongs su grub pa’o | | de la yang dag par blangs pa brda las byung pa ni | byang chub sems dpa’ yang dag pa nyid du skyon med pa la ma zhugs pa thams cad kyi’o | | de la chos nyid kyis thob pa ni byang chub sems dpa’ yang dag pa nyid du skyon med pa la zhugs pa rnams dang | nyan thos byang chub tu yongs su bsdos pa rnams kyi’o | | ma nges pa ni de’i rigs can ma yin pa rnams dang de’i rigs can sems bskyed pa las phyir bzlog pa’i chos can rnams kyi gang yin pa’o | | sems bskyed pa nges pa ni de las bzlog pa las rig par bya’o | | de la yongs su ma dag pa ni wdi ltar wdi na la la gzhan gyi rjes su zhugs pa’am | rgyal pos wjigs pa’am | rkun pos wjigs pa’am | wdzin khris wjigs pa’am | chu klung gis wjigs pa’am | wtsho ba’i phyir ram | rnyed pa dang bkur sti’i phyir ram | kha gsag dang gzhogs slongs kyi phyir nges par ma brtags yongs su ma brtags par gzu lums su sems skyed par byed pa dang | de lta bu dang mthun par sems skyed par byed pa gang yin pa de ni yongs su ma dag pa yin par rig par bya’o | | yongs su dag pa ni de las bzlog pa las rig par bya’o | | de la stobs chung ba ni wdi ltar wdi na byang chub sems dpa’ la la sems bskyed pa las wdod chags dang zhe ldang dang gti mug gi kun nas dkris pa dag gis zil gyis gnon par byed cing | yang dag pa’i sgrub pa las yongs su nyams par byas nas | log pa’i sgrub pa la kun tu sbyor bar byed pa’o | | stobs dang ldan pa ni de las ldog pa las rig par bya’o | | de la wbras bu yongs su ma grub pa ni mos pas spyod pa’i sa nas bzung ste sa bcu pa’i bar gyi’o | | de la wbras bu yongs su grub pa ni de bzhin gshegs pa’i sa las te | bcom ldan wdas kyis nga ni dka’ ba spyod pa de las thar cing bdag nyid kyi yang dag pa’i smon lam dang byang chub dam pa yang thob pa yin no | | zhes ji skad du gsungs pa lta bu’o zhes gsungs so | | lnga pa ni snying rje pad dkar nas bram ze rgya mtsho’i rdul gyis sems dang po bskyed par bshad do | | bskal bzangs su | nga ni sngon tshe dman par gyur pa’i tshe | | de bzhin gshegs pa sh’akya thub de la | | wjams gang zhig ni dbul bar byas nas kyang | | dang po byang chub tu ni sems bskyed do | | zhes gsungs la | drin lan bsabs pa ltar na | ston pa wdi sngon rigs la gnas pa’i dus na las kyi nus pas dmyal ba’i lcags bsregs kyi sa gzhi la shing rta wdren pa’i gyad cig tu skyes so | | de’i tshe zla bo stobs chung ba la srungs ma a vang gis yang yang bsnun pas shin tu brtse ba skyes te | de’i rkyen gyis byang chub tu sems bskyed do | | de nas a vang la wdi la snying rje’i sems cung zad skyed cig ces smras pas | de rab tu khros nas mdung rtse gsum pa bsnun pas tshe’i dus byas te | me’i shing rta wdren pa’i dmyal ba las thar te | bskal pa brgyad kyi sdig pa byang bar gyur to | zhes wbyung la | phung po gsum pa ltar na | ston pa wdi tshong dpon gyi bu mngon dgar gyur pa na | de bzhin gshegs pa mdzes chen la dang por sems bskyed par bshad do | | yang na rdza mkhan gyi khye’u snang byed du gyur pa’i tshe | de bzhin gshegs pa sh’akya thub pa chen po la kham pa’i bum pa gcig wgron bu lnga mchil lham zung gcig gdugs gcig rnams phul te | de bzhin gshegs pa khyed sku ci wdra dang | | wkhor dang sku tshe’i tshad dang zhing khams dang | | de bzhin mtshan mchog bzang po ci wdra ba | |

01-Bu-ston.doc 55

Bu-ston: Chos-wbyung -...

Documents

Transcript of Bu-ston: Chos-wbyung -...