Slide 1

Slide 2 Bible Illustrations have been used with permission from the Jungle Aviation and Radio facility Gospel Light Visual Media Services Audio Clips by Simeon Harry Working in conjunction with Michael Cordon of SIL. Slide 3 Mak Sapta 1 Ai Go Spik Po Yupla Trustori Slide 4 Dis stori i gudnius baut Zizas Krais Boi blo God. Diswan stat blo da stori. Slide 5 Aizaia em i wan spesil mesisman blo God Em bin raite distok ya wea God i bin spik. Slide 6 Bambai ai go sane man po teke nius blo mi po yupla. Ai go sane dat mesisman go pas bipo da BosLod go kam. Slide 7 Dem tok em go spik i go meke da wei redi po da Lod wase man i meke rod redi po wagabaut. Slide 8 Da man i go singaut lo prapa emptipleis po ol pipol. Yupla mas meke da wei redi po da Lod. Yupla meke at blo yupla redi po em. Slide 9 Orait, so dat mesisman blo God i bin kam. Slide 10 Neim blo em Zon. Zon bin go de wea prapa emptipleis. Slide 11 Em i baptaiz ol man ane em i spik po dempla diskain. Slide 12 Yupla mas libe ol dem nugudwei ane yupla mas baptaiz. Slide 13 Sole God go pogibe yupla po ol dem nugudting yupla bin mekem. Slide 14 ane em bin were leda belt ane em bin kaikai grasopa ane busani. Slide 15 Zon i bin spik gen diskain Ai baptaiz yupla wea wata, bat dat man i go baptaiz yupla wea da Oli Spirit. Slide 16 Da seimtaim nau Zizas i bin kam prom Nazaret, dat taun wea Galali. Wen Zizas bin kam po Zon em bin baptaiz Zizas de wea da Zordan Riba. Slide 17 Wen Zizas bin kamaut prom da wata em bin luk go antap da skai i bin open ane da Oli Spirit i bin kamdaun lo em wase dab. Slide 18 An em bin lisin bois blo God i bin tok po em diskain. Slide 19 Em spik, `Yu prapa boi blo mi ane ai prapa wande yu. Slide 20 Ai prapa api wanem yu mekem. Slide 21 Stretwei nau da Oli Spirit bin meke Zizas po go po prapa emptipleis. Slide 22 Zizas i bin de poti dei, ane Satana i bin trai po tempte em. Slide 23 Den King Erod bin spik ol amiman blo em po kese Zon. So dempla bin kese em, putem insaid zeil. Slide 24 Orait nadataim gen Zizas bin titse ol pipol lo da sanbis, klostu lo Leik Galali. Slide 25 An em bin tok po dem pipol prom da bot. Slide 26 Lisin ya yupla, I bin gad wanman, em i pama, em meke gadan. Slide 27 Ane em bin sake plenti sid wea da gadan. Slide 28 Sam sid bin poldaun wea busrod. Pizin bin kam ane kaikai da sid. Slide 29 Sam dem nada sid bin poldaun wea stonigraun. Ol bin bas kuikwan. Slide 30 Nada sid bin poldaun wea ol bainplant i bin krol, bat wen ol dem plant bin trai stat po gro dempla kan, bikoz dem bainplant bin skwize dempla. Slide 31 Slide 32 Ane sam dem nada sid bin poldaun wea gudgraun Slide 33 Ane ol bin sake plenti sid. Sam ed bin sake 30 sid, nada ed bin sake 60 sid. I stil gad mo ed sake 100 sid. Den Zizas i spik, Yupla lisin uda demwan i gad talinga ane yupla mas tingk nau. Slide 34 Slide 35 Zizas Bin Pil Nadakain Sore Po Dempla Slide 36 Wen i bin klostu po dak dem klostuman bin kam ane spik po Zizas. Slide 37 Ei Masta, I stat po dak nau ane dis wan em i emptipleis. Slide 38 No! Yupla gibe dempla kaikai. Zizas Bin Ansa Dempla Baigen Slide 39 Ei yupla gad eni kaikai? Yupla go paindaut nau. Slide 40 Mipla painde paib smolbred ane tu smolpis. Slide 41 Nau Zizas bin spik po dem klostuman po spik ol dem pipol, po splitap po smolmob ane sidaun daun wea da gras. Slide 42 Em bin luk go antap po eben. Em bin eso God po da kaikai. Slide 43 Den em bin gibem po dem klostuman blo em po seremaut wea ebriwan. Slide 44 Ebriwan bin kaikai ane ol bin belipul. Slide 45 Dem leptoba kaikai ol bin pulemap tuelb-basket Wea dat seimtaim nau 5000 man bin kaikai. Slide 46 Zizas em bin go emselp go antap dem il po prea. Zizas I Wagabaut Antap Wea Wata Slide 47 Naittaim nau, Zizas em i stil antap wea da il. Dem klostuman blo em insaid da bot rait midil wea da leik. Slide 48 Zizas bin luk dem klostuman blo em prapa adwok ol padel da bot gense da strong win ane big si. Slide 49 So em i wagabaut go ausaid po da bot bat em bin kip wagabaut po pase dempla. Slide 50 Dempla bin tingk em bin gos. Dempla bin ala prapa laudwan bikoz dempla nadakain akan. Slide 51 Zizas i spik po dempla diskain, I orait, diswan mi Zizas, Yupla nomo prait. Slide 52 Zizas em i wagabaut go ane zamp insaid da bot. Ane da win bin stap. Slide 53 Bat dem klostuman blo em bin prapa atzamp po luk da rapsi ane strongwin go daun. Slide 54 kut