Autrici Carla Denicolò
Transcript of Autrici Carla Denicolò
1
L CORP
L COL
LA SPALES
L PIET
I BRAC
L VENTER
I COMEDONS
LA CONOIES
I UVES
LA MANS
I JENEIES
L CERVEL
DEL PE
LA CEVILES
I DEIC DI PIESC I PIESC
5
TEMP DE JIÈR CO LA NEIF
L pop de neif
Na net l'era vegnù n mont de neif.
Da doman i bec bie aiegres se à pissà de fèr n pop de
neif.
Per i eies i à durà doi toc de ciarbon, per l nès na ravasala,
n toch de papier checen per la bocia.
L'era massa bel!
De net l'é vegnù zis freit e Felize à tout na fascina de zecoi
e l'à fat fech apede l pop de neif per l sciudèr.
Indoman canche l'é ruà i etres bec, i à troà demò.....
6
BBBRRRRRR,,, BBBRRRRRR
L'é freit.
L neif e l gonfeda.
Felize se tira ite l e la
Ades l chier sia
- Olà sarèla pa mai ruèda? Vela ló, la é sot
Felize se tira ite la
L'é enjignà per jir a
Sia mère ge disc: - Coscita te te bagnarès! Tìrete ite ence
i e tòlete l'
Felize se peissa:
- Me cognosciarèi pa amò mie amisc regolà sù coscita?
7
L TEMP
Proone a endoinèr?
•Se l fèsc sù co la neif: ____________________________
•Canche la vegn jù, tu te arès l'ombrela: _____________
•La cour dut de bianch: ___________________________
•L vegn dò la pievia: ______________________________
•L’auza dut chel che l scontra: ______________________
•La cor tel ciel, la é biencia o grija: __________________
•L lumenea tel ciel: _______________________________
8
DIN DON
Din don l ciampanon
cater veies sun barcon,
una che fila, una che taa,
una che fèsc ciapìe de paa,
una che fèsc cortìe d’arjent
per ge taèr l cef al vent.
9
La neif
La neif la é fata de picoi fioches
de èga giacèda.
La neif vegn jù da la ....................
canche l'é ....................
L giacion
L giacion l’é n toch de giacia
fat da ................ che se à
giacià endèna che la gocèa
jù de cuert.
Jir coi schi
Jir coi schi vel dir sluzièr sù la
.................
I schi i é fac da doi brees co
la pontes utèdes en su.
10
Jir coi feres
Jir coi feres vel dir slaifernèr sù la
giacia; sotite i à na .............
de acèl.
L stroset
L stroset l’é de ................ con
doi lusieres per se dèr ciavai
su la ...............
L bob
L bob va più coran che l
stroset
e no se fera coi ............
13
CARNASCÈR TE FASCIA
Te ogne mascherèda o defilèda, coche carenea, no pel mai
mencèr l segnor de la compagnìa, l Laché, che tira sauc da
chiò a colavìa.
L mat l’é l Bufon, con matitèdes e strambarìes per duc.
Chi él che rua amò?
La vaces?
Ma dai!
L’é i Marascons e apede rodola l Paiazo.
15
JIA COL CARNASCÈR
Chi él che rua con sauc a fèr lèrga te anter la jent?
Chi él pa l mat de la compagnìa?
E la vaces? Ma dai, l’é ...
Vèlch matitèda da Bufon
Sauta en su Vela, vela
sauta en ju la befanela
l marameo che se lecia
fèsc cu-cu! fora la padela!
Ohh! Ohh!
L’era n’outa
Vela, vela Tone da Pera
chela che l strozeèa
veiata l cul per tera
co na gran e sia mère che
culata! la era mesa mata
Ohh! la ge concèa
la culata! Ohh!
17
CRA, CRA, CRA
Cra, cra, cra
la cornacia sun chel pra
che la prea la ciarità
ciarità no pel vegnir
la cornacia cogn morir.
L CROT E LA BOLP
Su n ram de n èlber l’era n crot con n toch de formai tel
bech. La bolp, famèda l l’à vedù.
Chesta à tacà a ge ciacolèr sù.
Per ge fèr sentir sia bela ousc, l crot à molà jù l formai.
La bolp la l’à ciapà.Coran coran, la é jita a se l magnèr.
L crot l’é restà con tant de bech avert.
19
CO PODESSE PA DEPENJER L’ÈLBER DE L’AISCIUDA?
AMÒ MIEC SE DOURE LA FORFESC, LA COLA E L PAPIER
DA COLOR.
20
AISCIUDA
L’é aisciuda, l soreie lumenea più ciaut.
La neif deslabeea, se sent l gocèr de l’èga.
Te pra ciuta l’erba, la mirandoles e la ciufagnes.
Ence i renoi i é vegnui de retorn a chierir la veia coa e bie
contenc i sgola inant e endò tel ciel bel brun.
Te l’aria se sent i cighes e la grignèdes di bec, che bie
aiegres fèsc damat defora.
23
PÈSCA
Encoloresc l dessegn aldò di colores scric sotite.
1 = VERT 5 = RESA
2 = CHECEN 6 = POMARANC
3 = ŚAL 7 = ROSOL
4 = MARON 8 = BIANCH
BONA
PÈSCA!!
24
PÈSCA, TEMP DE PECHENÈDES
Ence aldidanché, l’é l’usanza de pechenèr.
Co se fèjel pa a pechenèr?
A pechenèr besegna esser de doi. Se pechenea de spiz e
de cuf.
Fenesc de encolorir. DE SPIZ
DE CUF
25
LA PIEVIA
Va debel la tel ciel.
L taca a . La doventa scialdi
de più.
Ensema a la se veit e se sent
I vèrda fora per la .
L lascia sù de , ciuta l anter
la . Se veit l’ .
I tol l e i va defora a jièr.
27
LA FAMILIA
Te noscia familia
sion de cater: gé
Felize, mia sor
Gretele, nosc
père e noscia
mère.
Nosc père laora
desche canzelist
de comun; noscia
mère fèsc la chinzidier e la laora demò inantmesdì.
Duc ensema se troon sora desch dal mesdì e da sera.
Dò cena, noscia mère ne enjigna duta la massarìes per l dì
dò, endèna nos ge conton chel che aon fat a scola.
Nosc père e noscia mère, canche i
pel i jia con nos.
Vèlch outa, da sera, i va stroz e nos
stajon co la giava.
A nos ne sà bel, jache la ne conta de
bela contìes.
28
Scrif apede la fegura.
Met adum co na friza
La mère Lo zio
L père Il nonno
La giava Il fratello
L giaf La mamma
L bèrba I cugini
L’ameda La sorella
I jormegn La nonna
L fra La zia
La sor Il papà
29
LA PICIOLA DE PAS OMBRETA
N’outa tinsom la val de Contrin, japede la Marmolèda l’era n ciastel.
Chiò stajea na beza de inom Conturina, sia maerigna e sia fies.
Conturina la era bela e valenta, sia sores enveze les era burtes e envidiouses e
canche les podea les ge fajea n muie de despec.
La ousc che Conturina la era valenta e n muie bela se aea sparpagnà te duta la
val. I vegnìa da ogne vers a veder chesta beza, enveze a sia sores nesciugn ge
vardèa. L temp passèa e la maerigna e sia fies doventèa de dì en dì semper più
gelouses de Conturina.
Fin canche na bela dì la maerigna à chiamà na strìa e la l’à fata menèr demez.
Chesta burta strìa no se à fat preèr doi outes e la dì dò, da doman bonora, la se
à tout Conturina e la l’à trapinèda sunsora l pas de Ombreta, sconeta ite te
zeche cougol.
Se nesciugn l’aessa chierida, la fossa doventèda de mèrmol.
L temp passèa e nesciugn aea mai sentù i lamenc de Conturina.
Na bela dì l’é passà aló sotite n sudà che l l’à veduda: l’à fat dut l possibol per la
librèr, ma no l’é stat nia da fèr, jache l’era jà passà set egn e ela oramai la era
doventèda de mèrmol.
Ma descheche i conta amò aldidanché, da doman canche spizolea soreie dedò la
crepes se pel sentir sia ousc e si lamenc.
30
Met adum co na friza e descancela che che no à nia a che
fèr co la contìa.
CONTURINA
MONTS CIASTEL
SORES
MAERIGNA
SUDÀ
SCHIERATOLA STRÌA
31
NA BEZA MATEONA
Gretele l’é na beza feruscola e mateona: la scomenza a jièr
con gust jà da doman bonora.
Endèna che la disna lat e toc de pan la i met sun scuierin e
la i fèsc sutèr te chichera.
L’é dut che spriza stroz! Su
la plus, su la toaa ...
“Stùrtela de jièr e stùdiete!”
ge ciga sia mère.
Ti domesdì de soreie, canche la pel jir defora, Gretele jia
bolentiera.
La cor inant e endò, la
va su la sliziadoa, su la
tinton, vèlch outa co la
roda.
E se rua si amisc?
Ence a fazolet, a
giatacatorbola, a
sconeta.
“Che bel, massa bel!
Aboncont se doman l
pief jie daìte co la popa o leje n bel liber...”
32
SE CONTON FORA
Canche i jia a giatacatorbola o a la sconeta, zachei cogn
stèr sot.
Per no beghèr i bec fèsc la conta:
“Pan un, pan doi, pan trei, pan cater, pan cinch, pan sie,
pan set, pan ot, pan cot, fora tu.”
E coscita fin canche i é fora duc n resta demò un, che cogn
stèr sot per prum.
33
A jièr a fazolet i cogn fèr la squadres.
Na dì Gretele à dombrà ben diesc bec, donca cinch da una
e cinch da l’autra.
A la fin, la squadra de Gretele à vent.
Canche te te matees te pes durèr ence de etres naìnes,
desche chestes.
Picol ucel
Picol ucel
che te vegnes dal mèr
cotanta piumes
te ves pa portèr?
N veste portèr vintetrei?
Un, doi, trei…
Strìa da molin
Strìa da Molin
no me vegnir vejin
senó te tae
n pin e te
strope l ciamin.
35
CO PODESSE PA DEPENJER L’ÈLBER DE L’ISTÀ?
AMÒ MIEC SE DOURE LA FORFESC, LA COLA E L PAPIER
DA COLOR.
36
FENESC LA SCOLA
L’é jugn e la scola la é dò a fenir.
Felize e Gretele conta...
“L’auter dì sion jic a la festa di èlbres, olache aon empiantà
èlbres, jià, marenà polenta, liènies e formai.
L’é stat na
fortuna che l
temp à tegnù.
Doman jiron al
mèr con duta la
familia.
Canche vegnaron dal
mèr jiron mingol te
nodadoa, te la cèsa di
libres, sa mont, fora
per l bosch...
Ciao, se vedon a
n’autra più bela!”
38
ÓPELE, ÓPELE CAVALIER
Ópele, ópele cavalier, duta la popes te n carnier,
l carnier l’é desmentià duta la popes forin pra; forin pra l’é na levina
duta la popes sa molina, sa molina no ge sà bel duta la popes te fornel,
te fornel les se bruja, duta la popes te na buja te na buja les se n disc
duta la popes sun paradis, sun paradis les sgola,
duta la popes les va a scola, a scola les lec e les scrif duta la popes a dormir
a dormir les se endormenza duta la popes a fèr polenta,
la polenta la ge sà bona, duta la popes les sona,
les sona la zitra e l violin duta la popes ju per ciamin
ju per ciamin les se enfrojigna duta la popes te na crigna
te la crigna l’é la mufa duta la popes les sent puza da la puza les sauta fora
duta la popes les scoa...