Algemene nuusbrokkies Kleinadvertensies (Persoonlik ...brokkies.net/sites/default/files/Brokkies -...

Brokkies Afrikaanse e-nuusbrief van Kiwiland 16 Mei 2013

Kortpad na advertensies Algemene nuusbrokkies Gemeenskapsadvertensies Kleinadvertensies (Persoonlik) Kleinadvertensies (Besigheid) Werksgeleenthede Geestelike Pitkos Afrikaanse kerkdienste Landswye dagboek Riglyne vir adverteerders Kanselleer intekening / Unsubscribe

16 Mei 2013

(3/5)

Redakteursbrief

Lees die gawe nuus vir rugbymense wat ‘n Drienasiestryd tussen die ABs en die Bokke wil bywoon, en in ‘n groot blok van Bok-ondersteuners wil sit. Ja, ja, ek weet baie van julle het ‘n volledige ommekeer gedoen en is nou volledig All Black-ondersteuner, maar ek weet ook daar is baie ander wat nog groen bloed in hul are het.

Daar’s hartseer nuus uit Suid-Afrika vir boeremusiek-liefhebbers, en heelwat briewe van lesers wat op inhoud van verlede week se Brokkies reageer – onder andere ‘n paar interessante skrywes van mense wat ook ‘n opinie het oor die kredietkaart-kwessie wat Bittergal in sy nuwe geselsrubriek, ‘Klip-innie-bos’ aangeroer het.

Ek ervaar dat daar al meer mense inteken wat nie in Auckland woon nie, en ons kry al meer advertensies van mense elders in die land. Daar’s bv. een oor ‘n dans in Hamilton. Kyk ook onder ‘Skoonheid en Gesondheid’ vir ‘n nuwe.

Philip Langenhoven Redakteur (Skryf gerus aan my by [email protected])

Algemene nuusbrokkies

Terug na bo...

SSSAAAnnneeerrr dddrrraaaaaaiii rrruuugggbbbyyy---uuunnniiieee ssseee aaarrrmmm oooooorrr tttoooeeetttsss---bbbllloookkkbbbeeesssppprrreeekkkiiinnngggsss

mailto:[email protected]


Is die linkerkantste foto hoe dit binnekort op Eden Park kan lyk? Marius Koekemoer van Auckland het ‘n seldsame ding reggekry. Hy het die Nieu-Seelandse rugby-unie oorreed om ‘n blokbespreking te aanvaar vir 14 September se Drienasies-wedstryd tussen die Bokke en All Blacks op Eden Park. “En dit het my net vier jaar geneem om dit reg te kry”, sê hy. “Hulle was taai jong. Ek reël die afgelope vier jaar die blokbesprekings vir SuperRugby-wedstryde wanneer die Suid-Afrikaanse spanne in Nieu-Seeland speel. Dit was egter nog nooit vir toetswedstryde toegelaat dat groot groepe wat die besoekende spanne ondersteun, blokbesprekings van hierdie orde kan doen nie. Ek aanvaar dit was uit vrees vir hoe so ‘n magsblok mag handuit ruk wanneer die geesdrif ‘n bietjie hoog begin loop!” lag Marius. “Ek is bly om te sê dat ons Suid-Afrikaners se rekord van goeie gedrag en ordentlike geesdrif by wedstryde die rugbyunie help oortuig het om die uitsondering te maak. “Die kaartjies sal vir die South Stand Gold wees en daar sal slegs 500 beskikbaar gemaak word vir hierdie area. Ek wag nou net vir die unie se terugvoer oor presies watter blok ons kry, maar dit lyk of dit naby die middel mag wees. “As daar genoeg belangstelling is, kan ons dalk busse reel om mense van die North Shore af tot by die wedstryd te neem. En dalk is daar iemand wat vooraf ‘n groot braai wil reël, wie weet.” Marius stel mense nou reeds in kennis sodat almal wat graag deel wil vorm van so ‘n groep hierop voorbereid is. Hy sal mense deur Brokkies laat weet wanneer die besprekings oop is, maar dan moet hulle ‘vinnig spring’. Vir meer inligting, skryf vir Marius by [email protected] of skakel hom by 021 971 254.

Nico van Rensburg, boeremusiek-ikoon, oorlede

Sakkie Kotze, ‘n lid van die Direksie van die ATKV in Suid-Afrika, het die volgende brokkie geskryf: Nico van Rensburg, ’n jarelange vriend van die ATKV is op 12 Mei in die ouderdom van 76 jaar oorlede. Hy het ‘n lewenslange bydrae gelewer tot die bevordering van die Afrikaanse taal en kultuur d.m.v. sy voorliefde vir en meesterskap van boeremusiek. Hy het al as 16-jarige seun begin om boeremusiek aktief te bevorder. Hy was ‘n konsertinaspeler van formaat en het honderde pragtige melodieё komponeer en talle plate en CD’s die lig laat sien. Vier geslagte Van Rensburgmusikante is deel van die Boeremusieklegende: Oupa Nelie, Nico en sy seun Christo en kleinseun Janse. Die CD “Vier Van Rensburgs speel saam” is deur sy vrou Lydia saamgestel. Hy het twee keer die Boeremusiekkompetisie wat deur SAUK TV aangebied is, gewen. Nico is in 2000 met ‘n ATKV-oorkonde vereer vir sy jarelange bevordering van boeremusiek. Van sy jarelange vriende en ondersteuners sluit in bekende boeremusiekmusikante en Afrikaanse kultuurvriende soos Flippie van Vuuren, Ollie Viljoen, Paul Ferns, Theo Erasmus en Tinus Esterhuizen, ‘n afgetrede musiekregisseur van RSG.



Lesers reageer op Bittergal se bank-klagte Verlede week het ene Bittergal met die geselsrubriek ‘Klip-innie-bos’ begin. Sy mymeringe en jeremiades was gerig teenor die banke wat ongemerk ‘raak-tegnologie’ in almal se kredietkaarte ingebou het. Hy het dit nie so seer teen die tegnologie gehad nie, maar teen die feit dat hulle dit ongemerk gedoen het, nie met hom as kliënt daaroor gekommunikeer het nie, nie die inherente risiko’s uitgewys het nie, en toe hy versoek dat dit gede-aktiveer word, ingelig is dat dit nie gedoen kan word nie. Brokkies het reaksie van ‘n klompie lesers ontvang, en ek plaas graag ‘n paar daarvan.

Beste Bittergal ANZ voel niks vir ons nie. Die huishoudelike kliënt soos ek en jy maak minder as 20 persent van hulle besigheid uit. Ek dink ons het ‘n beter kans as ons iemand soos Fair Go betrokke kry. Cobus Janse van Vuuren Ashurst My liewe Bittergal Jy lê in die greep van die antichris, ou Bittergal. Jy skop verniet teen die prikkels. Kry solank jou hand skoon vir die 'chip' dan kan hulle dit nie steel nie. Iemand sal darem seker hond-se-gedagte kry as 'n ou daar inkom met 'n afgekapte hand? Willie Nel Te Awamutu Beste Bittergal Baie dankie vir die inligting. Ek hou nie daarvan nie, maar dit lyk nie of ons meer 'n keuse het nie. Ek was by die bank en gaan kla en voor ek nog behoorlik my klagte kan lê, word vir my gesê “Maar jy het 'n ander opsie. Keer terug na jou ‘cash flow’ card. Hulle luister nie eers behoorlik na mense nie. Alle kredietkaarte wat nou uitgereik word, gaan die chip in hê, met geen keuse aan ons nie. Ons bly hier en moet seker maak soos hulle sê. Die risiko is, jy moet maar jou kaart oppas, het sy verduidelik. Langs my het 'n ander paartjie ook gestaan en oor dieselfde ding gekla. Hulle het ook oorgegaan na ‘cash flow’. Marie de Walt Auckland

En ‘n kostelike rapport:

Beste Bittergal Na aanleiding van jou debuut jeremiade, waarvan ek, soos jy, slegs gedeeltelik bewus geword het deur die TV media, het ek my bank (ASB) gebel. Die telefoonbediendes daar is duidelik goed opgelei om my presiese vrae en bekommernisse te beantwoord, so gladdetong soos die houtjie van die galg. Hulle is opgelei in wat ek noem die Tevlon-benadering. (Hulle ken die antwoord nog voordat ek my beswaar genoem het.) Die opsomming van my navraag aan my bank: 1. Is MY VISA kaarte ook onderwerp aan hierdie ‘skandeer-sonder-vraag-of-identiteit” tegnologie? JA. 2. Het hulle my daarvan in kennis gestel? NEE 3. Dink hulle dat hulle my darem daarvan in kennis moes stel as ‘n kwessie van kliëntediens? NEE


4. Dink hulle nie dat dit ‘n enorme risiko vir my as kaarthouer is nie? NEE, INDIEN EK MY KAART VERLOOR, KAN ENIGE DIEF IN ELK GEVAL SOOS IN DIE “OU DAE” AAN-LYN MY KAART GEBRUIK TOTDAT AL MY KREDIET OPGEBRUIK IS. DIE RISIKO IS DUS DIESELFDE INDIEN MY VISA KAART GESTEEL OF VERLOOR WORD.

5. WIE gaan die risiko dra en my vergoed indien my VISA kaart gesteel word of deur my verplaas of verloor word? DIESELFDE AS IN DIE “OU” DAE – DIE EIENAAR VAN DIE KAART(E) MOET VERANTWOORDELIKHEID NEEM VIR SY VISA KAART(E) SOOS WAT NOG ALTYD MAAR DIE GEVAL WAS.

6. Het ek ‘n keuse om hierdie “blitsige $80 skandering” te deaktiveer op my VISA kaarte? NEE 7. Is daar enigsins ruimte vir onderhandeling of konsultasie om hierdie “blitsige fasiliteit” met my bank te

bespreek? NEE, WAT WIL EK BESPREEK? 8. Sal hierdie nuwe tegnologie nie die hekke nog wyer oopswaai vir opportunistiese diewe en sakkerollers

nie? NEE, NIE MEER AS WAT MAAR NOG ALTYD DIE GEVAL WAS NIE. Derhalwe moet ek met leedwese bekend maak dat jy probeer om ‘n windjie te laat teen die groot donderweer. Die skrif is aan die muur. Dit herinner my soveel aan Oom Pavlof se eksperimente. Dewald Kritzinger – Auckland (Brief heelwat verkort – Red)

‘Sweet and Sour’ bied ‘n gulde kans vir lekkerbek-bemarkers

Is jy lus vir a nuwe, genotvolle manier om ‘n inkomste te verdien? Hou jy van die buitelug en om met mense te werk? Sal jy daarvan hou om ‘n smaaklike, gewilde, kleurvolle produk te verkoop? Dan moet jy dalk oorweeg om jou eie klein besigheid met Sweet and Sour se produkte te begin. Dit bied jou die geleentheid om hierdie gewilde lekkergoedproduk by vlooimarkte, feeste, landbouskoue, skoolkermisse, en op verskeie ander maniere te verkoop. Hierdie lekkers is gewild onder alle ouderdomme, en veral weens die wye verskeidenheid vrugtegeure. Sweet and Sour-produkte bestaan uit lang, dik stringe lekkergoed, of soos party dit beskryf, ‘long length candy’. Daar is ‘n groot verskeidenheid geure, in soet en suur. Elke hap ontsluit die lekkergoedstring se heerlike smaak wat insluit cola, mango, aarbei en room, appel, borrelgom, rooi en swart licorice, litchi en druiwe - om net ‘n paar te noem. Al gevaar vir die nuwe verkoper is dat jy dalk al jou voorraad self mag opeet! Sweet and Sour is op soek na verkopers regoor die Noordeiland. Die invoerder en verpreider woon in Wellington. As jy belangstel, stuur ‘n e-pos aan Francis by [email protected] vir meer inligting.



Lesersreaksie op artikel ‘Het Afrikaners tolke nodig?’ Alex van Dam van Auckland het ‘n briefie geskryf na aanleiding van verlede week se artikel oor Margriet Theron en haar betrokkenheid by die Rotorua Multikulturele Raad, wat tans ‘n kursus vir tolke aanbied:

Beste Redakteur Ek hou van die geselsrubriek (Klip-innie-bos) wat Brokkies nou aanbied. Ek skryf egter na aanleiding van die artikel oor ‘tolke’. Ek wonder net hoeveel Brokkieslesers bewus is van die vertaaldiens wat deur die Dept Binnelandse Sake aangebied word. Hulle vertalers (waarvan ek een is) is geregistreer en hul vertalings word t.o.v. dokumente wat in hofsake, regsake en soortgelyke aksies benodig word, aanvaar. Elke dokument word eers aan `n vertaler gestuur en die vertaling gaan dan na `n onafhanklike hersiener vir kommentaar. Hulle besonderhede is: Translation Service, Dept Internal Affairs, 0800 TRANSLATE, e-pos [email protected] Adres: Level 13, 86 – 90 Lambton Quay, Wellington. Alex van Dam Auckland

Nog ‘n vriendelike briefie

Net 'n kort nota om dankie te sê vir Brokkies. Dit is werklik steeds 'n weeklikse hoogtepunt wanneer Brokkies in my inboks verskyn. Baie dankie vir al die harde werk wat in die agtergrond gebeur totdat Brokkies by ons land. Die nuwe formaat is pragtig! Riana da Silva Dunedin

Thys se Rugby-brokkies (Dankie tog! Thys Oosthuizen het ingewillig om voorlopig voort te gaan met hierdie rubriek.– Red) Vandag wil ek my innige sipatie met ons redakteur en sy Cheetah-span betoon [ - Red ]. Wie sou nou kon dink dat die orkaan van die Hurricanes die Cheetahs op Bloemfontein se hoëveld skoon van die veld sou waai? Dit was die groot verrassing van verlede week se wedstryde se uitslae. Miskien moet die redakteur, wat in die Wellington-kontrei woon, dit maar oorweeg om sy rugbylojaliteit te heroorweeg. Behalwe bogenoemde verrassing, het ons darem gedink dat die Highlanders die Kings sou klop, maar die Hurricanes is hierdie jaar ‘n groot verleentheid – amper soos ‘n broer in die tronk! JY is nog lief vir hom, maar praat nie baie oor hom nie. Om nou ‘n wenner vir vanjaar se kompetisie te voorspel, is ‘n waagstuk. Alles hang af van die oorblywende bepalings. Die spanne van die verskillende lande of konferensies, soos dit genoem word, speel nou teen mekaar. In Suid-Afrika lyk dit asof die Bulls gaan koning kraai. Met die Cheetahs se neerlaag verlede week en die Stormers en Sharks se onindrukwekkende veronings, lyk dit nie of hul posisie bedeig word nie. In Australië en Nieu-Seeland is die spanne egter baie gelyk en kan enigiets gebeur. Hierdie naweek se wedstryde My “picks” vir hierdie naweek se wedstryde is soos volg:



Hurricanes vs Chiefs Chiefs met 12 en minder Rebels vs Stormers Stormers met 13+ Force vs Sharks Sharks met 12 en minder Crusaders vs Blues Crusaders met 12 en minder Waratahs vs Brumbies Waratahs met 12 en minder Bulls vs Highlanders Bulls met 13+ Waratahs vs Stormers Waratahs met 12 en minder Cheetahs vs Reds Reds met 13+ Kry volledige uitslae, bepalings en puntestand van spanne hier.

Vertel ons van interessante plekke in Kiwiland Daar is so baie interessante plekke, staproetes, besienswaardighede of aktiwiteite in Nieu-Seeland en daar is baie lesers wat graag sulke inligting lees. Skryf gerus ‘n kort artikel oor jou interessante ondervindings hier in Kiwiland en stuur ‘n paar foto’s saam waaruit ons kan kies vir plasing. Stuur jou bydrae aan [email protected]

Het jy ‘n lekker storie of storie-idee? Brokkies dra graag artikels oor Suider-Afrikaanse immigrante se prestasies of belangstellings. Ons probeer ook stories van regoor Nieu-Seeland plaas, maar kan dit net doen as mense van hulle laat hoor. Almal word uitgenooi om jul vriende se prestasies, stokperdjies, seldsame beroepe en ander interessante nuus met ons te deel. Ons sal dan met daardie persone skakel en ‘n reëling vir ‘n onderhoud en artikel tref. Sulke verhale spoor ander lesers aan – veral as hulle ‘n bietjie moedeloos voel oor dinge soos aanpassing en werksoek. Skryf aan [email protected] en gebruik die opskrif (subject) ‘Storie-idee’ of ‘Storie vir plasing’. Skryf hom maar so goed jy dink; ons sal daarmee kan woeker.

Hoog en droog... Hulle sê ‘n man is dom as hy sy vrou kwaad maak, wel wetende dat sy opgelei is om ‘n ‘digger’ te gebruik. Kyk net... (Grappie ingestuur deur Marie Senekal)

Kommunikeer so met Brokkies Vir Advertensie-riglyne, stuur ‘n e-pos aan [email protected] Om ‘n e-pos aan ons te skryf: [email protected] Om op te hou om Brokkies te ontvang, stuur ‘n e-pos aan [email protected] met die woorde in die onderwerpslyn: “Verwyder adres asseblief”

http://www.superxv.com/table/







Gemeenskapsadvertensies

Terug na bo...

1. Daar word weer ‘n slag GEDANS in Hamilton! (1/4) Minette Murray skryf dat dit weer tyd is vir dans in Hamilton. Toegang: GRATIS (Wat ‘n winskoop!) Datum & tyd: Saterdag 1 Junie 2013 om 6.30nm. Plek: Puketaha Hall, Puketaha, Hamilton (langs Puketaha Primary School) Lekker ‘vetkoek en mince’ te koop teen slegs $5. Bring die hele gesin! Besoek ons op Facebook – ‘Hamilton Dans’ vir meer besonderhede. Of kontak vir Minette by 022 043 7121 of Justus by 021 173 6774 2. Hier is Afrikaanse jeugboeke binne maklike bereik (1/4) Hier’s ‘n webwerf wat slegs Afrikaanse kinder- en jeugboeke verkoop. Daar is meer as 500 titels wat volgens ouderdomme ingedeel is. Besoek www.pandaboeke.co.za 3. Enkellopendes in Auckland Die Enkellopendes in Auckland (Facebook groep link) nooi alle Afrikaanssprekende, enkellopendes bo die ouderdom van 30 om Maandag, 3 Junie (Queens B’day-naweek) om 12nm saam met ons te gaan paintball speel by Red Alert Paintball. Die wat nie wil speel nie kan net saam kom social! Ons het ‘n BBQ bespreek vir die middag vir ‘n ‘Boerewors Sizzle’. Elkeen betaal vir hom/haarself. Bespreek jou plek deur jou naam + Paintball te txt na 021 026 77408 of te epos na [email protected] voor 29 Mei 2013. KAMP TYD – Sneeu Sport(s) Ons beplan ons 1ste kamp vir enkellopendes regoor Nieu-Seeland vir die naweek van die 9-10 Augustus te Taylor Memorial Lodge. Koste $120 vir die naweek. Kan afbetaal word: $60 teen 10 Junie en $60 teen 10 Julie. Indien jy belangstel om saam in die sneeu te speel, kontak Belinda: 021 877 045 of [email protected] 4. TunaRadio saai wêreldwyd uit in Afrikaans – uit Wellington TunaRadio se leuse is "Vir Ons Mense, Met Ons Mense" en daarom kan ons lekker saamkuier met Pieter en sy span wat ons heeldag vermaak met Suid-Afrikaanse musiek en Afrikaanse geselsies oor alles en nog wat. Retha Kruger gesels in haar program Kos&Kerjater oor eet, drink en gesond leef, terwyl Pieter en Deon oor alles kuier, van Sport&Plesier en Taal&Kultuur tot Kort-Kort Stories en JeugJolle. Alana Bailey van AfriForum kuier ook saam met Pieter in ‘SA in 'n Minuut’ waar hulle hoogtepunte van die Suid-Afrikaanse week bespreek. Gaan kuier gerus by http://www.tunaradio.net en luister vanaf hulle Luisterblad vanwaar jy ook 'n versoek kan plaas vir jou gunsteling lied. Volg TunaRadio op Twitter @tunaradio, skryf aan hulle by [email protected] of gesels met hulle op Skype by tunaradio.net. 5. Nuwe varswater hengelklub gestig ‘n Groep oud-Suid-Afrikaners het die eerste Karp-hengelklub in Nieu-Seeland gestig. Daar bestaan heelwat ‘coarse fishing’-klubs, maar geen Karp-klub nie. Hul eerste kompetisie is Saterdag 9 Maart by Lake Whangape. Belangstellendes kan met Marius Koekemoer in verbinding tree by [email protected] vir meer inligting 6. Luister na Afrikaanse Radio-uitsendings in Auckland Die Protea-Uur word sedert Junie 2001 elke Sondag om 2.55 nm op 104.6 PlanetFM uitgesaai. Dit is 'n tweetalige tydskrifprogram en bestaan uit geselse, musiek, nuuswaardighede, ens. Die aanbieder is Jan Coetsee en hy verneem graag van gebeure en van ‘Oulanders’ wat as ateljeegas wil kom kuier en hul eie musiekkeuse uitsaai. Skryf aan Jan Coetsee by [email protected] 7. Afrikaanse Musiekprogram uit Australië oor Internet ‘n Afrikaanse musiekprogram word op Donderdagaande uit Bundaberg, Australië, deur Rochelle Nieuwenhuizen aangebied van 6 tot 8 nm Ausie- tyd - 2 ure na NS-tyd in die winter en 3 ure later in die somer. Skakel in by www.coralcoastradio.net.au. Stuur jou e-posadres aan Rochelle, dan laat sy jou weet wat gebeur in Afrikaans Sonder Grense. Haar e-posadres tuis is [email protected] en haar adres by die radiostasie terwyl sy uitsaai is [email protected]. Jy kan ook op Facebook by “Afrikaans Sonder Grense’ inteken.

http://www.pandaboeke.co.za/



http://www.tunaradio.net/


http://tunaradio.net/



http://www.coralcoastradio.net.au/




Kleinadvertensies (Persoonlik)

Terug na bo...

1. Amrita (NZ) – Byeboere van Rotorua – Kiwivrugte Bestuiwing (2/5/10)~6 Ons is op soek na Kiwivrugte bestuiwingskontrake vir die einde van die jaar in die gebiede tussen Waihi en Te Kaha. Vir meer inligting kontak Jimmy: 021 949 210 of [email protected] . Daar sal voorkeur-tariewe vir oud Suid-Afrikaners wees, asook gratis heuning vir boordeienaars. Dink asseblief ook of jy iemand anders ken wat dalk mag belangstel. 2. Plek in Vraghouer beskikbaar vanaf SA en Spitbraai te huur (3/5/10) P Daar is elke maand plek in ons vraghouer (‘container’) beskikbaar vanaf Jhb na Auckland vir mense wat ‘n paar meubelstukke of net ‘n paar kartonne wil oorbring. Die spitbraai draai elektries en braai met brikette of houtskool. Te huur teen $60 per geleentheid. Skakel Jaco Bosman by 09 476 7056 of 021 187 3045 of e-pos: [email protected]. 3. Het jy tyd vir korttermyn vrywillige werk? (2/3) 'n Christenorganisasie benodig dringend administratiewe hulp. Al wat jy nodig het is ‘n internetkonneksie en basiese kennis van Excel. Hulle soek ook mense wat foonoproepe kan maak vir 'n paar ure in die oggend. Onkostes sal gedek word. Kontak [email protected] vir meer inligting. 4. Gemeubileerde woonstel te huur in Glenfield (5/5) Ten volle gemeubileerde 2-slaapkamer woonstel in Glenfield te huur vir 4 maande (1 Julie tot 31 Oktober 2013) teen $350 per week, water en elektrisiteit ingesluit. Rig navrae aan Jan by 09 441 6902 of [email protected] 5. Inligting vir voornemende Immigrante na NS (1/5/10)~P Besoek www.fritzswart.co.nz en kliek op die skakel “Tips on Moving to NZ” vir waardevolle inligting en advies oor verhuising na Nieu-Seeland. Vir verdere navrae gebruik die “enquiry”-skakel of stuur ‘n e-pos aan Fritz Swart by [email protected] 6. Hell Bound-reeks jeugboeke met ‘n SA konneksie (1/5/10)~3 Beskikbaar in sagteband of e-boek formaat. Bestel joune vandag! Alwyn Pretorius is a year 8 student and SA immigrant finding his feet in a Brisbane school. He receives news that his father has been killed in SA. The family flies to SA for the funeral. Like many immigrants, he inhabits two worlds. Facebook keeps him in touch with his Ausie friends, while he faces situations that can never be posted on his wall. He meets a mysterious person and is propelled on a journey that takes him into the Kruger National Park. Read more: www.thehellboundseries.com NOTA: Kyk ook onder ‘Werkgeleenthede’, ‘Eiendomme te huur of te koop’ & ‘Akkommodasie’ vir relevante advertensies

Kleinadvertensies (Besigheid)

Terug na bo...

Klik op die besigheidstipe van jou keuse:

Algemeen Eiendomme Motors Skoonheid & Gesondheid Akkommodasie Finansiële dienste Professionele dienste Versekering Ambagsmanne / Kontrakteurs Meubels Rekenaardienste

Algemeen

Terug na besigheidstipes...

1 Fred’s Fine Foods – Landswyd bekend vir puik produkte! (1/5/10)~4 P Ons maak smullekker biltong, droëwors, boerewors, russians, viennas, melktert, beskuit en koeksisters en het ‘n groot verskeidenheid SA produkte. Kontak vir Aletta, Alida of Danie! Ons lewer produkte landwyd. Besoek ons te Unit H, 52 Oteha Valley Rd, Albany op die North Shore of skakel 09 475 5403. Nou ook by die Highlands Park winkelsentrum, 505 Pakuranga Rd waar Izak en Martie alles verkoop wat ons in Albany aanhou. Saterdae het hulle ook ‘n boereworsrol-stalletjie. Hul tel is: 537 1643. Besoek www.fredsfinefoods.co.nz.





http://www.fritzswart.co.nz/


http://www.thehellboundseries.com/

http://www.fredsfinefoods.co.nz/


2. SA Kaffee in Browns Bay het verhuis na nuwe perseel (2/5/10) P Die SA Kaffee het verskuif na ‘n groter winkel met meer parkering! Nou by The Original SA Shop 12 - 18 Inverness Rd, Browns Bay (H/V Glen Rd en Inverness Rd.) Groot voorraad SA-produkte soos biltong, boerewors, melktert, kruideniersware, lekkers en chips. Specials: Flings $3.99, Cheese curls $3.45, 3 Wonderbars vir $2 en Sally Williams nougat vir $2.30 en $4.60. Ons het die nuwe tydskrif Merise (in Afr en Engels) asook Pierre Spies se boek ‘More than rugby’. Bestel enigiets by 09 476 3414 of deur www.thesashop.co.nz. Ons koerier landwyd. 3 Suid Afrikaanse Winkels in Rosedale Road en Stanmore Bay (8/10/10)-P Die SA-winkels in Rosedale Rd en Stanmore Bay hou baie SA produkte aan soos biltong, boerewors, koeksisters, melktert en kruideniersware. ‘South African Kiwi’-gholfhemde nou beskikbaar. Groot verskeidenheid SA-CD’s, SA-wyne, SA-biere en ander drank! Besoek ons by 6c Rosedale Rd (net af van East Coast Rd) - tel 09 478 8016, of by 2B Arklow Lane, Stanmore Bay (draai regs op die bult na PlaceMakers op pad na die Pacific Plaza) tel 09 428 0850. 4. Safari Biltong - skakel net 0800 BILTONG (5/10/10) P Skakel 0800 BILTONG vir Nieu-Seeland se gunsteling biltong. Safari biltong is ook aan lyn beskikbaar. Ons versend daagliks en bied gratis aflewering vir bestellings van 1kg of meer (sien ons webblad http://www.safaribiltong.co.nz/ vir opsies). Baie billike pryse – sien ons webblad vir “specials”. Skakel [email protected] of 0800 BILTONG. Ons het nou ook ‘n kiosk te 83 Apollo Drive, Albany vir ons Auckland-kliënte.

Akkommodasie


1. Bellrock Lodge – Russell, Bay of Islands (5/5/10)~2 Besoek Bellrock Lodge in Russell vir ‘n onvergeetlike ondervinding met die beste uitsig in Russell. SKY, Wifi, lugreëling, aparte sitkamer vir gaste. Baie dinge om te doen. Qualmark 5-ster gradering. Besoek ons webtuiste www.russellbnb.co.nz vir baie meer inligting, skakel Peter of Lorraine by 09 403 7422 of stuur ‘n e-pos na [email protected].

Ambagsmense / Kontrakteurs


Geen advertensies hierdie week nie.

Eiendomme te huur of te koop



Finansiële dienste


1. Huiskoop is jou grootste finansiële besluit! (6/10/10) P Benodig jy 'n huislening teen die beste rentekoers? Ons huisfinansieringspesialiste kan help met die volgende vrae:

• Vir hoe groot lening kwalifiseer ek teen 'n mededingende rentekoers? • Kan ek my eiendom se waarde gebruik vir 'n deposito op 'n nuwe eiendom? (Groot belastingvoordeel) • Watter versekering het ek nodig?

Vir gratis advies skakel Richard en sy span by 09 479 8449 / 0800 112 300 of e-pos [email protected] vir 'n afspraak... jou tyd... jou plek, of kom drink 'n cappuccino by ons kantoor te 753 Beach Rd, Browns Bay. *Nuusflits - 95% huislenings nou weer beskikbaar - Skakel Richard vir inligting!

http://www.thesashop.co.nz/

http://www.safaribiltong.co.nz/


http://www.russellbnb.co.nz/




2. Hoe bring ek my SA Rand na Nieu-Seeland? (1/10/10) P Het jy iewers geld op belegging? Onseker oor hoe om dit oor te plaas? Mutual Financial Services in assosiasie met Rand ReUnite spesialiseer in geblokkeerde fondse soos uittree-annuïteite, pensioenfondse, aandele en erfgelde. Ook kontantoorplasings vanuit enige SA-handelsbank. Die SA Reserwebank staan dispensasie toe aan SA-residente en burgers om jaarlikse toelae te gebruik om rande oor te plaas. Registreer by http://www.randreunite.com/registration.php . Kontak Herman Roodt by 09 473 0880 (w), 021 736 030 of e-pos [email protected] of besoek www.mfs.net.nz 3. Is jy bekommerd oor jou geld wat nog in SA is? (4/5/10)~3 P Rand Reunite is ‘n plaaslike maatskappy wat SAners voorsien van praktiese en koste-effektiewe maniere om hulle te “reunite” met hul Rande! Ons spesialiseer in geblokkeerde fondse, soos uittree-annuïteite, pensioenfondse, aandele en erfgelde. Ons doen ook kontantoorplasings vanuit enige van die SA-handelsbanke. Rudi, AJ & Josh is persoonlik betrokke by die hele proses. Kontak ons via www.randreunite.com of besoek ons by 19 Como St, Takapuna, op Auckland se North Shore. 4. 'n Boer maak 'n aftreeplan (5/5/10)~2 P Dis onnodig om jou aftreebeleggings aan politieke, valuta en inflasie risiko’s bloot te stel terwyl jy in die buiteland woon. Verplaas nou jou SA-pensioenfonds, koop jou annuïteite af en maak ‘n intelligente belegging in Nieu-Seeland. Onthou – ver van jou goed is na aan jou skade! Byna 4000 SA ‘expats’ het al ons dienste gebruik. Vriendelik, maklik, koste-effektief, gewaarborg. Registreer sommer nou by http://cashkows.com/registe en neem beheer oor jou toekoms. Kontak ons: 09 925 0351 of [email protected]

Meubels



Motors


1. Motorherstelwerk-bestemming op die Shore (4/5/10) P Pit Stop Browns Bay is in Suid-Afrikaanse besit. Uitlaatstelsels, remme, suspensiewerk, skokbrekers, dienste, “cambelts”; koppellaars; “CV joints” en WOF-herstelwerk. Vir ‘n professionele, hartlike, waarde-vir-geld dienservaring sonder gelyke, in beide Afrikaans of Engels, kontak Duncan by 479 5311 / 479 5314 òf loer in te Beach Road 749, Browns Bay 2. Action Panelbeaters & Collision Repair Centre (5/5/10) P Insurance Recommended Structural Repair Centre. We are Collision Repair Association and MTA members. We use the 3 Dimensional Carbench Chassis repair systems and Panda Spraybooth and Bake ovens for the perfect finish. Free late model Courtesy cars available on insurance jobs. Contact Keith and Chantal van Rooy on 09 444 8851 or 021 461 686 or visit www.actionpanelbeaters.co.nz

Professionele dienste


1. Silver Fern Immigration Services (1/5/10) P Licensed Adviser Erica Nothnagel (no 200900330) and Arno Nothnagel (no 201001724) We offer professional immigration advice in English and Afrikaans on:

Skilled Migrant Category Work visas Study in NZ Business/Entrepreneur category Parent sponsorship Grandparent visas

http://www.randreunite.com/registration.php


http://www.mfs.net.nz/

http://www.randreunite.com/

http://cashkows.com/register


http://www.actionpanelbeaters.co.nz/


We are committed to your success. We offer interest free payment options. For a free assessment please visit www.silverfernimmigration.co.nz or email [email protected] or call us on 09 2777 848. 2. Immigration Services – Enzed Immigration (2/5/10) Contact Carlene du Toit (Licensed Immigration Adviser no 201101001) for your immigration needs. All classes of applications, free assessments (see www.immigration-nz.co.nz) and job search (conditions apply). Advice in English or Afrikaans. If you’re in Auckland, pop in. Services include certified translations, IELTS tuition, sourcing vital documents, assessment of overseas qualifications and obtaining NZ registration for designated professions. Email [email protected] or call 00 64 275 479 630 (M) / 00 64 9 410 4526 (W). 3. Christian Early Learning Centre – Albany and Helensville (13/25/10) Reach Forward Early Learning Centre (birth to 5 years old) – Our dedicated Christian teachers design amazing learning activities which help children grow to their full potential. Specialized transition to school programme. 20 ECE hour subsidy available. Teaching team speak Afrikaans, English and Korean. Contact Linda [email protected] or view our centres on www.reachforward.co.nz 4. Baker Law – Prokureurs North Shore en Howick (5/5/10) P Ons is die grootste Afrikaanse prokureursfirma in die land en help graag met ‘n wye verskeidenheid van sake. Ons het spesialiste in eiendommme, trusts en testamente, litigasie, besigheidsreg en arbeidsreg. Ons kantore is in Beach Rd, Mairangi Bay (ingang uit Hastings Rd, langs United Video), en in Uxbridge Rd, Howick (langs Ray White).Skakel ons by 09 476 8000 of e-pos na [email protected] 5 North Shore Immigration Services (1/5/10) P We have 3 licenced advisers and 3 support staff on the North Shore in Albany. We offer professional immigration advice in English, Afrikaans, Russian, Chinese & Romanian

• Skilled Migrant Category • Business/Entrepreneur category • Work visas • Study in NZ • Renewal of passports

In business for over 18 years. We offer free advice and assessments. Contact Simona [email protected] or Peter [email protected] or call 415 33 92 for an appointment. Visit www.nsis.co.nz 6. Regsadvies – Downie Stewart Lawyers (6/25/10) Op soek na ‘n prokureur wat jou verstaan? Eerste telefoon-konsultasie gratis vir Brokkieslesers. Kontak Pieter Brits by 021 990 711 of [email protected] of besoek ons webblad www.downiestewart.co.nz vir meer inligting. 7. Dental Practice on the North Shore (1/5/10)~0 P Sunset Dental Care, Unit 18 North Shore Medical Centre c/o Sunset & East Coast Rd. Dr Jonathan Franks BDS (Rand), ex-South African run & owned. New patients welcome. Special: Free examination for new patients Call 478 2112 or [email protected]

Rekenaardienste


1. PC Fixit Rekenaardienste (1/5/10) ~1 P Ons bou rekenaars volgens u vereistes, installeer netwerke, doen opgraderings en herstelwerk by u huis of kantoor regoor Auckland. Skakel Juanita of Philip Coetzee by 09 271 2441 of 0800PCFixit. e-pos: [email protected] 2. Computer Hospital Albany (1/5/10)~1 P Rekenaars en rekenaarnetwerke – verkope (nuut en gebruik), opgradering, herstelwerk, opleiding. Billike tariewe. Volle waarborg. “No fix no fee”. Regoor Auckland. IBM, Novell, Microsoft gesertifiseer. ”Data Recovery”, Microsoft, Linux, Firewalls, Mail Servers, Jetstream. www.computerhospital.co.nz. Skakel 09 478 0256 of kontak [email protected]. Nou by 35 Weetman Drive, Browns Bay

Skoonheid & Gesondheid


http://www.silverfernimmigration.co.nz/


http://www.immigration-nz.co.nz/



http://www.lifechildcare.co.nz/




http://www.nsis.co.nz/


http://www.downiestewart.co.nz/




http://www.computerhospital.co.nz/



1. Electro Muscle Stimulation treatments for Weight Loss & Toning (1/5/10)~4 Lose Weight & Tone down in as little as 4 weeks. Professional service in the comfort of our home in Albany. Other beauty services also available. Call Bianca on 950-6149 or 0279338358 for more info. 2. Annique Rooibos-gesondheid en Skoonheidsprodukte (6/6/10)~4-(2de) Op soek na skoonheids-, nael- en haarsalonne landwyd om Annique Rooibos Gesondheids- en Skoonheidsprodukte aan te hou. Stel jou kliënte bekend met hierdie betroubare reeks produkte wat oor meer as 30 jaar sulke wonderlike resultate behaal het! Verdien ook ‘n ekstra inkomste. Vir meer inligting, skakel asseblief vir Tracey Crosby by 09 420-4330, of e-pos [email protected] of besoek www.anniqueonline.co.nz.

Versekering


1. Fritz Swart vir al jou versekeringsbehoeftes en meer (1/5/10)~0 P Fritz Swart het meer as 25 jaar ervaring in die versekeringswese. Nuwe NZ lewens-, mediese, kar- en huisversekering teen lae premies. Advies en inligting oor jou SA-polisse. Ook huisverbande en gratis NZ testamente vir kliënte. Skakel 09 473 5210 of 021 183 8936 alle ure. E-pos: [email protected] en webblad 2 Uitree-annuïteite in SA mag nou voorwaardelik afgekoop word (1/5/10)~0 P Indien u oor Permanente Verblyfreg of Nieu-Seelandse burgerskap beskik, mag u moontlik u uitree-annuïteite in SA afkoop, selfs al is u jonger as 55 jaar. Vir verdere inligting, stuur asseblief ‘n e-pos aan Fritz Swart ([email protected]) 3. Nuut in Nieu-Seeland? (15/26/10) P Kontak FINCARE. Ons bied lewens-, mediese en korttermynversekering, asook hulp met huisverband aansoeke. Gratis hulp met met die afkoop van uittree-annuïteite en raad oor wat om te doen met jou SA polisse vir ons kliënte. Skakel 09 963 6291 of 021 472 444 of e-pos [email protected]. Ons webblad is www.fincare.co.nz. en kyk gerus na ons facebook – Fincare. 4. Hoeveel lewensdekking het ek regtig nodig? (9/10/10) ~1 P Doen self die berekening en bepaal hoeveel lewensdekking jy nodig het. Kliek asseblief op die volgende skakel daarvoor: http://www.mfs.net.nz/lifecalc.htm. Ons kan jou ook hiermee help indien jy onseker is. PROBEER ONS! Skakel Herman Roodt van Mutual Financial Services Ltd by 09 473 0880 (w), 021 736 030 (s) of e-pos

Werksgeleenthede

Terug na bo...

1. Telefoonbemarker (3/4) Het jy ‘n paar uur per week om afsprake te maak met mense wie se name ons verskaf? Doen dit vanuit jou huis op tye wat jou pas, en verdien ‘n goeie inkomste. Ondervinding nie nodig nie, maar sal ‘n aanwins wees. Gebaseer in Auckland maar poste landswyd. Kontak Bernard of Michelle de Wet: [email protected] of werk 09 963 6291. 2. Au Pair/Huishoudster/Nanny benodig in Hamilton (3/2) Kom word deel van ons gesin. Profesionele egpaar benodig 'n au pair/’nanny’ (80%) / huishoudster (20%) vir ons liewe knapie. Is jy 'n Afrikaanssprekende Christen dame met 'n dinamiese, opgewekte, gesellige & geduldige persoonlikheid? Het jy 'n flukse en aktiewe lewensstyl? Is jy vaardig met kinders? Nie-roker? Bestuurslisensie? Bereid om ook na-ure te werk? Ons sal graag van jou wil hoor. Beskikbaar vanaf Julie 2013. Kan inwoon. Skakel Andries by 021 172 5171 3. Loopbaan as versekeringsmakelaar (2/4) Het jy ‘n loopbaan in versekering oorweeg? Dis ‘n lonende en bevredigende beroep. Ondervinding nie nodig nie; opleiding word verskaf. Bankmakelaars welkom! Jy beheer jou verdienste, en jou werktyd is vloeibaar. ‘n Bogemiddelde inkomste in die 1ste jaar is moontlik, met jaarlikse groei. Gebaseer in Auckland maar kan landswyd werk. Kontak Herman Roodt by [email protected] of (w) 09 473 0880.


http://www.anniqueonline.co.nz/




http://www.fincare.co.nz/

http://www.mfs.net.nz/lifecalc.htm




Afrikaanse kerkdienste

Terug na bo...

Geestelike Pitkos Terug na bo... Ons het ongelukkig geen ‘Pitkos’ vir die afgelope twee weke ontvang nie. Hou dop, dalk is daar volgende week weer een... Kerkdienste 1. Erediens te ASHBURTON: Afrikaanse Christen Kerk van Nieu-Seeland Elke derde Sondag van die maand om 3:00 nm in die Evangelical Presbyterian Church, 63 Princess Street, Ashburton. Die Leraar is ds Andre Strauss van Christchurch. Elke ander Sondag sal daar 'n diens wees wat gelei word deur Willem Ferreira. Na die diens word saamgekuier oor ‘n koppie koffie/tee. Skakel ds Andre Strauss by 021 134 4383 of [email protected] of Willem Ferreira by 027 766 3890, 03 327 3326 of [email protected] vir meer inligting. 2. Erediens op North Shore: Afrikaanse Christen Kerk van NS (AUCKLAND-gemeente) Om 10:00 vm in die Rothesay Bay Ratepayers Association se saal op die hoek van Beulah Avenue en Rothesay Bay Road. (1 Beaulah Avenue). Besoek ons vir 'n gewyde Afrikaanse erediens en kuier na die diens lekker saam. Kategese vind na die erediens plaas vir alle ouderdomme. Die Leraar is Ds Tinus Riekert. Sy e-posadres is [email protected] en sy telefoonnommer is 09 476 9965. Besoek gerus die gemeente se webblad www.ackauckland.co.nz vir meer inligting 3 Erediens te CHRISTCHURCH: Afrikaanse Christen Kerk van Nieu-Seeland Afrikaanse eredienste elke Sondag om 9:30 vm. Al die eredienste word tydelik in die kerkgebou van die Sewendedag Adventiste wat op die hoek van Breens Road en Bonita Place geleë is, gehou. Die prediker is ds Andre Strauss. Na die diens kuier ons saam om 'n koppie koffie/tee. Skakel ds Strauss by 03 323 8561(h) of e-pos na [email protected] vir meer besonderhede. 4. Feesdienste van Doxa Deo Auckland Ons Feesdienste op die North Shore word elke Sondag om 09:00 vm by AUT se A A-gebou te 90 Akoranga Drive, Northcote, gehou. Tydens die oggenddiens word die kinders ook bedien op hulle vlak. Jongmense en tieners kom Woensdae om 7:00 nm byeen by die Presbiteriaanse kerk te 539 Albany Highway op die North Shore. Besoek gerus ons webblad www.doxadeo.co.nz vir meer besonderhede oor wat die gemeente jou bied. Enige navrae kan gerig word aan Marinda by [email protected] of skakel Karel Botha by 022 601 3397 of 09 414 1181 (Kerkkantoor). Almal is baie welkom! 5. Erediens te Greymouth: Afrikaanse Christen Kerk van Nieu-Seeland Elke laaste Sondag van die maand om 5:00 nm in die Baptiste Kerk, 76 High Street Greymouth. Bybelstudies vind weekliks plaas op Woensdae om 7:00 nm. Almal is hartlik welkom. Vir inligting oor gemeentelike aktiwiteite skakel gerus ds Andrè Strauss by of 021 134 4383 of stuur ’n e-pos aan [email protected] 6. Erediens te HAMILTON: Afrikaanse Christen Kerk van NS Afrikaanse eredienste elke Sondag om 9:00 vm in die Auditorium van die St Paul's Methodist Church 62 London Steet, Hamilton (agter die kerkgebou; parkering en ingang vanaf Harwood Street). ‘n Volledige geloofsonderrig-program word aangebied vir kinders, voorskools tot belydenisklas. Tee/koffie word na die tyd bedien. Skakel ds Johan Hendricks by 07 855 3329 of [email protected]. Almal is baie welkom. 7. Erediens in TE AWAMUTU - ‘n Bediening van die ACK, Hamilton Elke Sondag van die maand om 6:00 nm vind daar ‘n erediens plaas in die Presbiteriaanse Kerk, Mutustraat, -Te Awamutu. Die dienste word gelei deur Sharlene Nel en Ds Johan Hendricks. Skakel Sharlene Nel by 07 870 4909 of [email protected] vir meer inligting. 8. Wyksdiens in WAIKATO DISTRIK: Afrikaanse Christen Kerk van NS, Hamilton Die erediens vir Hamilton se landelike gebied vind elke Sondag van die maand om 11:30 vm in die kerkie op die hoek van State Highway 27 en Diagonal Street plaas en word gelei deur Ds Johan Hendricks. Dit is ongeveer




http://www.ackauckland.co.nz/


http://www.doxadeo.co.nz/






halfpad tussen Morrinsville (Tutuanui) en Matamata op State Highway 27. Geloofsonderrig word aangebied. Skakel ds Johan Hendricks by 07 855 3329 of 021 233 1785 of [email protected] vir meer inligting 9. Gewyde eredienste in HAWKES BAY - Afrikaanse Gereformeerde Kerk te Clive Afrikaanse eredienste om 6:00 nm in die St Francis Parish, Ferry Road, Clive. Besoek ons vir 'n gewyde Afrikaanse erediens en kuier na die diens lekker saam. Kategese na afloop van die erediens. DVD-dienste uit die Hervormde Kerk, Warmbad gelei deur Ds C Liebenberg word gebeeldsend. Dr Stan Theron sal die eredienste op 31 Maart (Paasfees) en Sondag 28 April waarneem. Skakel Hennie Strijdom by 027 510 7550 of e-pos na [email protected] vir meer inligting. 10. Erediens te HOWICK-gemeente in AUCKLAND: Afrikaanse Christen Kerk van N S Erediens elke Sondag om 9:30 vm in die skoolsaal van Lady Star of the Sea Skool, 14 Oakridge Way, North Park. Daar is ook ‘n jeugdiens om 7:00 nm by dieselfde lokaal wat deur Annericke Leonard in Engels gelei word. Ons missie: Ons is ‘n gemeente wat leef as liefdevolle ligdraers vir ons stad en sy mense. Ons wil hê dat mense ons moet ervaar as biddende dissipels wat onsself gee as lewende offers, onvoorwaardelik liefdevol is, feesvierend uit God se genade leef, absoluut vertrou op die Here en sterk en vasberade in Christus leef. Besoek gerus die webblad www.ackhowick.co.nz vir meer inligting. Die leraar is ds Freek Terblanché en kan geskakel word by 09 550 6450 en 021 756 077 of per e-pos by [email protected] 11. Eredienste te NAPIER: Hawkes Bay-gemeente van die ACK van NS Afrikaanse eredienste elke Sondag om 10:00 vm gedurende die winter en 8:50 vm gedurende die somer. Die verandering is gekoppel aan dagligbesparing. Elke Sondag voor die erediens is daar gebedsbediening om 8:30 vm gedurende die somer. Ons kinderbediening (5-12 jaar) vind gedurende die erediens plaas. Ons het ook 'n jeugbediening vir hoërskooljeug (13-17 jaar) wat Sondagoggende direk na die erediens om 10:00 vm plaasvind. Die adres waar ons eredienste hou is EIT (Eastern Institute of Technology) Campus, Lecture Theater 1, Gloucester Sreet, Taradale, Napier. Meer inligting, insluitende 'n roetekaart, kan verkry word op ons webblad www.ackhawkesbay.co.nz of deur Ds Derik Kotze te skakel by 06 929 0154 / 021 242 2025 of [email protected]. Na die afloop van die erediens kuier ons almal lekker saam met ‘n koppie koffie/tee 12. Erediens op North Shore: Afrikaanse Christen Kerk van NS (NORTH SHORE-gemeente) Erediens elke Sondag om 09:30 vm in die gebou van die Seventh-Day Adventist Church te 40 Bronzewing Terrace, Unsworth Heights. Ons Visie–Slagspreuk “Ons geloofsfamilie is jubelende draers van Jesus se liefde en lig”. Ons wil ‘n warm tuiste met liefde en aanvaarding bied en erkenning gee aan verskillende generasies en elkeen se unieke styl van aanbidding en belewing van God. Besoek www.acknorthshore.co.nz vir meer inligting of e-pos na [email protected] Die Leraar is Ds Danie Marais, 14 Fitzwilliam Drive, Torbay, North shore, Auckland, 09 473 5320 en 021 556 853 of e-pos [email protected] 13. Afrikaanse Kerkdienste in PARNELL - Auckland Afrikaans Community Church Elke Sondag om 09:30 vm te 27 Glanville Terrace, Parnell. Navrae kan gerig word aan Louis Fourie, voormalige predikant van die Ned Geref Kerk in SA en die ACK van NS. Skakel: 0210 272 6270 of e-pos na [email protected]. Louis se adres is 32 Kentigern Close, Pakuranga, Auckland 14 Erediens te PUKEKOHE: Afrikaanse Christenkerk van Nieu Seeland Erediens elke Sondagaand om 7:00 nm in die gebou van die Reformed Church, op die hoek van Seddon- & Victoriastraat. Navrae kan gerig word aan Ds Freek Terblanche by [email protected] 15. Eredienste te ROTORUA: Afrikaanse Christen Kerk van NS (ROTORUA-gemeente) Eredienste vind elke Sondag om 6:00 nm (Somertyd) en 5:00 nm (Wintertyd) plaas in die kerkgebou van die Seventh-Day Adventist Church, 311 Fenton straat, Rotorua. Die eredienste word deur Ds. Riaan Rossouw gelei. Die gemeente bied ‘n volledige geloofsonderig-program vir die kinders aan (voorskools tot belydenisklas), daar is omgeegroepe, gemeentebybelstudie en ‘n gebedsgroep en ‘n saamkuier geleentheid na afloop van die diens. Skakel die kerkkantoor by 07 348 4875 (h) of 022 345 4775 (s) (Irma van Niekerk) of Ds. Riaan Rossouw by 07 345 7958 (h) of 027 566 5458 (s) of e-pos na [email protected] vir nadere besonderhede. Gaan kyk gerus na ons webwerf www.ackrotorua.co.nz. Let wel: die winter- en somertye word bepaal deur “Daylight Saving”. 16 Afrikaanse kerkdienste in TARANAKI Elke Sondag om 10:00 vm in die kerk op die terrein van die Taranaki Pioneer Village, net suid van Stratford op SH3. Navrae kan gerig word aan Francois Bredenkamp by 06 759 6951 (h) of 021 147 3674 Vir die jongste inligting besoek www.taranakichristen.blogspot.com 17. Afrikaanse kerkdiens te TAUPO Kerkdiens om 7:00 nm in die St Paul's Union kerk, h/v Rifle Range en Tamamutu Street, elke 3e Donderdag van die maand. Die prediker is Dr Jaco Reyneke. Na die diens word daar lekker gekuier met ‘n koppie koffie of tee en lekker



http://www.ackhowick.co.nz/


http://www.ackhawkesbay.co.nz/


http://www.acknorthshore.co.nz/






http://www.ackrotorua.co.nz/

http://www.taranakichristen.blogspot.com/


eetgoed. Alle belangstellendes is welkom. Vir meer besonderhede, of om die datum en tyd van die diens te bevestig, skakel Ursula of Gerhard by 07 378 8126 of e-pos na [email protected]. 18. Afrikaanse Eredienste te TAURANGA Die Afrikaanse Christen Kerk van Nieu-Seeland se Tauranga-gemeente het elke Sondag ‘n erediens in die St Enoch's Presbiteriaanse Kerk te 134 Sixteenth Avenue. Dr. Jaco Reyneke lei die eredienste. Wintertyd 5:00 nm en Somertyd 6:00 nm. Let wel: Die winter- en somertye word bepaal deur “Daylight Saving”. Skakel asb vir Jaco by 07 574 3371 / 027 325 9003 vir meer inligting 19. Eredienste in WELLINGTON: Afrikaanse Christen Kerk van Nieu-Seeland Die ACK Wellington is ‘n geloofsfamilie wat weekliks ontmoet rondom die Woord. Ons nooi u almal vriendelik uit na ons eredienste

• elke Sondagoggend om 10:00 vm in die Plunketgebou, 19 Rotoiti Road, Johnsonville • elke 3e Sondag van die maand om 6:00 nm by Waikanae Uniting Parish, Ngapaki Street, Waikanae

. Meer inligting kan verkry word van • Ds Mariaan Schutte by 021 0818 2629 of 04 461 6344 of per e-pos by [email protected] of • Dries Gerryts by 021 879 423 of 04 477 4451 of per e-pos by [email protected]

20. Eredienste te Churton, WELLINGTON ‘His Family’ hou elke Sondag om 9:45 vm tweetalige familie-byeenkomste by die Amesbury skoolsaal, 48 Amesbury Drive, Churton Park, Wellington. ‘n Familie Bybelstudie begin reeds om 9:00 vm in dieselfde gebou. Besoek gerus ons webblad www.HisFamilynz.org vir meer inligting. Enige navrae kan aan Jaco Rheeder gerig word by [email protected] of by 04 478 5152 / 027 236 5569. Almal is baie welkom! 21. Afrikaanse kerkdienste te WHANGAREI Erediens elke Sondagoggend om 9:30 vm in die Kamo War Memorial Hall, h/v Grant en Boswell Street, Kamo. Dr Gert Volschenk lei die dienste en navrae kan gerig word aan Gert Volschenk by 09 438 4455 of 022 652 2044 (na-ure) en e-pos [email protected]. Na afloop van die diens word daar lekker saamgekuier oor ‘n koppie tee/koffie 22. Afrikaanse preke op INTERNET

1. Besoek die webblad van die Afrikaanse Christen Kerk van Nieu-Seeland, Hamilton-gemeente, by www.ackhamilton.co.nz en luister na Afrikaanse preke deur Ds Johan Hendricks en ander predikers. Die preke kan ook afgelaai word. Kies uit ’n verskeidenheid preke wat gereeld opdateer word. Luister gerus en stuur die webadres na ander Afrikaanse Christene in Nieu-Seeland wat nie naby 'n Afrikaanse bediening is nie

2. Besoek die webblad van die Afrikaanse Christen Kerk van Nieu-Seeland, Christchurch-gemeente, by www.ackchristchurch.co.nz en luister.na Afrikaanse preke deur Ds Tienie Bekker van die Afrikaanse Christen Kerk van Nieu-Seeland se Christchurch-gemeente. Luister gerus en stuur die webadres na ander Afrikaanse Christene in Nieu-Seeland wat nie naby 'n Afrikaanse bediening is nie

3. Besoek die webblad van die Afrikaanse Christen Kerk van Nieu-Seeland, Howick-gemeente, by www.ackhowick.co.nz en luister.na Afrikaanse preke deur Ds Freek Terblanche van die Afrikaanse Christen Kerk van Nieu-Seeland se Howick-gemeente. Luister gerus en stuur die webadres na ander Afrikaanse Christene in Nieu-Seeland wat nie naby 'n Afrikaanse bediening is nie

4. Besoek die webblad van die Afrikaanse Christen Kerk van Nieu-Seeland, Wellington-gemeente, by http://www.ackwellington.co.nz en luister.na Afrikaanse preke deur Ds Mariaan Scutte van die Afrikaanse Christen Kerk van Nieu-Seeland se Wellington-gemeente. Luister gerus en stuur die webadres na ander Afrikaanse Christene in Nieu-Seeland wat nie naby 'n Afrikaanse bediening is nie

Landswye dagboek

Terug na bo...

Dagboek: AUCKLAND SUPER CITY Besoek: http://www.guidetoauckland.co.nz/?gclid=CIrMp5jX4qUCFQIBbAodgyVYFg vir aktiwiteite Dagboek: WELLINGTON Besoek: http://www.feelinggreat.co.nz/ vir aktiwiteite Dagboek: HAMILTON Besoek: http://www.hamiltonevents.co.nz/vir aktiwiteite Dagboek: CHRISTCHURCH




http://www.hisfamilynz.org/



http://www.ackhamilton.co.nz/

http://www.ackchristchurch.co.nz/

http://www.ackhowick.co.nz/

http://www.ackwellington.co.nz/

http://www.guidetoauckland.co.nz/?gclid=CIrMp5jX4qUCFQIBbAodgyVYFg

http://www.feelinggreat.co.nz/

http://www.hamiltonevents.co.nz/vir


Besoek: http://www.bethere.org.nz/ vir aktiwiteite Dagboek: HAWKES BAY Besoek: http://www.hawkesbaynz.com vir aktiwiteite in Hawkes Bay Dagboek: ROTORUA Besoek: http://www.rotoruanz.com/events/ vir aktiwiteite in Rotorua Dagboek: TAURANGA Besoek http://events.tauranga.gBuskingovt.nz/ vir aktiwiteite. Dagboek: WHAKATANE Besoek: http://www.whakatane.com/eventslist.html vir aktiwiteite

Riglyne vir adverteerders

Terug na bo...

Nuwe riglyne word tans ontwikkel.

Kanselleer intekening / UNSUBSCRIBE

Terug na bo...

Indien jy jou Brokkies nie meer wil ontvang nie, stuur asseblief ‘n e-pos na [email protected] met vermelding van jou e-posadres, asook die versoek ‘Verwyder asb. my adres’ in die onderwerpslyn. If you would like to unsubscribe, please send an email to [email protected], with the following request in the subject line: ‘Please unsubscribe me’. Remember to mention your email address in the body of the email.

http://www.bethere.org.nz/

http://www.hawkesbaynz.com/

http://www.rotoruanz.com/events/

http://events.tauranga.govt.nz/

http://www.whakatane.com/eventslist.html



Algemene nuusbrokkies Kleinadvertensies (Persoonlik ...brokkies.net/sites/default/files/Brokkies -...

Documents

Transcript of Algemene nuusbrokkies Kleinadvertensies (Persoonlik ...brokkies.net/sites/default/files/Brokkies -...