Ajuntament de Vielha e Mijaranmedia.seu-e.cat/acteca/2524300000/2015/dcb7cfe7-baa2-4a62-9ea7... ·...

Ajuntament de Vielha e Mijaran

Sarriulèra, 2 – 25530 VIELHA – Tel. 973640018 – Fax 973640537 – E-mail [email protected]

1

ACTA DERA SESSION DETH PLEN Identificacion dera session Numerò: 12/2015 Caractèr: Ordinària Data: 18 de noveme de 2015 Orari: 10:00 a 12:11 ores Lòc: Sala d’actes der Ajuntament de Vielha e Mijaran Assistenti President: Juan Antonio Serrano Iglesias Còssos: Grop Municipau d’Unitat d’Aran (UA): Jacinto Cuny Moga, María Vergés Pérez, Rufino Martinez Cau, Elena Vidal Díaz, Ramón González Pujol e Alberto López López Grop Municipau de Convergéncia Democratica Aranesa-Partit Nacionaliste Aranés (CDA-PNA): Alejandro Moga Vidal, Joan Pau Perdices Pla, Mª Luisa Estévez Sans, Agustín Calbetó Escrig, e Montserrat García Roca Grop Municipau de Ciutadans-Vielha (C’s): Javier Rivas Escamilla. Assistidi pera Secretària dera Corporacion Municipau Pilar Hervada Vidal, damb er objectiu de celebrar era session ordinària en prumèra convocatòria. Tanben assistís eth tècnic de comptabilitat: Xavier Nou Portoles. Orde deth dia:

1. Aprobacion actes sessions anteriors deth Plen. 2. Balhar compde des Decrèts der Alcalde. 3. Aprobacion iniciau deth Pressupòst, des Bases d'execucion deth Pressupòst e

dera Plantilha deth personau entar exercici 2016. 4. Expedient de dissolucion de Vielha Gestion SA. 5. Aprobacion convèni urbanistic de planejament àmbit PMU 2.1 de Vielha. 6. Aprobacion Mocion damb motiu deth 25 de noveme, Dia contra era violència de

genre. 7. Ahèrs d'urgéncia se n'i a. 8. Prècs e demanes.

1.- APROBACION ACTES SESSIONS ANTERIORS DETH PLEN.- Se dan per liejudes es Actes des sessions deth Plen deth dia:

23 de seteme de 2015 9 de noveme de 2015

eth brolhon des quaus sigueren liurats a toti es membres deth Consistòri e trapant-les conformes s’apròven per unanimitat des presenti. 2.- BALHAR COMPDE DES DECRÈTS DER ALCALDE.- Per part der Alcalde se da compde as Còssos, que se dan per assabentadi, des resolucions que seguissen:



2

Decrèt VIE/SEC/213/2015 – Autrejament de licéncia de tenencia e conduccion de cans potenciaument perilhosi. Decrèt VIE/SEC/214/2015 – Concession de targeta de parcatge entà persones damb discapacitats. Decrèt VIE/SEC/215/2015 – Autorizacion entà aucupar espai public. Decrèt VIE/SEC/216/2015 – Nomenament de directora substituta dera Escòla Mairau. Decrèt VIE/SEC/217/2015 – Concession de licéncies urbanistiques. Decrèt VIE/SEC/218/2015 – Concession de licéncies urbanistiques. Decrèt VIE/SEC/219/2015 – Autorizacion entà utilizar espaci public. Decrèt VIE/SEC/220/2015 – Convocatòria de session ordinària dera Junta de Govèrn Locau. Decrèt VIE/SEC/221/2015 – Autorizacion entà utilizar espaci public. Decrèt VIE/SEC/222/2015 – Concession de licéncies urbanistiques. Decrèt VIE/SEC/223/2015 – Constitucion de tribunau entà seleccion de personau temporau. Decrèt VIE/SEC/224/2015 – Convocatòria de session extraordinària dera Junta de Govèrn Locau. Decrèt VIE/SEC/225/2015 – Autorizacion entà utilizacion d’espaci public. Decrèt VIE/SEC/226/2015 – Autorizacion entà aucupar espai public. Decrèt VIE/SEC/227/2015 – Autorizacion entà aucupar espai public. Decrèt VIE/SEC/228/2015 – Autorizacion entara realizacion d’ua heira ena Sala Polivalenta. Decrèt VIE/SEC/229/2015 – Renovacion de targeta de parcatge entà persona damb discapacitat. Decrèt VIE/SEC/230/2015 – Convocatòria de Comission Insformatiues deth Plen. Decrèt VIE/SEC/231/2015 – Autorizacion entà utilizacion de locau public. Decrèt VIE/SEC/232/2015 – Tramitar baisha d’inscripcions en Padron d’Abitants. Decrèt VIE/SEC/233/2015 – Tramitar baisha d’inscripcions en Padron d’Abitants. Decrèt VIE/SEC/234/2015 – Admetre a tràmit reclamacion per danhs. Decrèt VIE/SEC/235/2015 – Convocar plen extraordinàri. Decrèt VIE/SEC/236/2015 – Convocatòria de session ordinària dera Junta de Govèrn Locau. Decrèt VIE/SEC/237/2015 – Autorizacion guals. Decrèt VIE/SEC/238/2015 – Convocatòria de Comission Informatiues deth Plen. Decrèt VIE/SEC/239/2015 – Autorizacion entà installar ua grua-torre d’òbra. Decrèt VIE/SEC/240/2015 – Convocatòria de Plen Ordinari. INTERVENCION Decrèt VIE/INT/67/2015 – Aprobacion concession d’estrea a trebalhador laborau. Decrèt VIE/INT/68/2015 – Aprobacion de gratificacion as Vigilants Municipau. Decrèt VIE/INT/69/2015 – Ordenar e aprovar pagament nòmina de Seguretat Sociau de seteme. Decrèt VIE/INT/70/2015 – Aprovar relacion de factures e documents de despenes num. 00034/2015 e 00035/2015. Decrèt VIE/INT/71/2015 – Ordenar pagament de relacions num. 00022/2015, 00023/2015 e 00007M-2015. Decrèt VIE/INT/72/2015 – Aprovar e ordenar pagament de liquidacion IRPF, IVA e Canon aigua 3au tr. 2015. Decrèt VIE/INT/73/2015 – Aprovar e ordenar pagament d’indemnizacion a trebalhador laborau. Decrèt VIE/INT/74/2015 - Aprobacion de gratificacion as Vigilants Municipau. Decrèt VIE/INT/75/2015 – Aprovar e ordenar pagament dera nomina e seguretat sociau octobre 2015.



3

Decrèt VIE/INT/76/2015 - Aprovar relacion de factures e documents de despenes num. 00036/2015 e 00037/2015. Decrèt VIE/INT/77/2015 – Ordenar pagament de relacions num. 00024/2015, 00025/2015 e 00009M-2015. Decrèt VIE/INT/78/2015- Iniciar expedient de suplement de crèdit. Decrèt VIE/INT/79/2015 – Elaborar pressupòst exercici 2016. Decrèt VIE/INT/80/2015 – Méter eth pressupòst entar exercici 2016 a informe d’intervencion.

3.APROBACION INICIAU DETH PRESSUPÒST, DES BASES D'EXECUCION DETH PRESSUPÒST E DERA PLANTILHA DETH PERSONAU ENTAR EXERCICI 2016. Er Alcalde passe era paraula a Xavier Nou, tècnic de comptabilitat, entà qu’explique era prepausa deth pressupòst der exercici 2016 qu’ascendis a un totau de 4.978.029,87€ e qu’explique capitol per capitol deth pressupòst de despenes. A un increment deth 2.73% respecte ar an 2015. Destaque qu’eth capítol II de despenes corrents en bens e servicis s’a incrementat bastant respecte ar an 2015, un 10,38%, degut ath traspas de çò que i auie en Cap. IV des pressuòsti des ans anteriors dera transferéncia que s’hè a VIGESA e qu’ara passe a despena corrent, per aguest motiu de redusís eth Cap.IV. Ara seguida er Alcalde passe era paraula ath Còsso de Finances Rufino Martínez Cau, que ditz: que coma deja auràn vist eth pressupòst se botge en una limitacion que non ei auta qu’era madeisha foto fixa des darreri 7/8 ans des de qu’er Ajuntament deishe d’auer ingrèssi extraordinaris der ICIO a conseqüéncia dera crisis dera construccion. Limitada pes ingressi, eth mès important ei eth der IBI que represente casi eth 50% deth pressupòst. Non deishe d’èster ua recaptacion relatiuament petita, se podie auer incrementat era pression fiscau entà poder hèr mès inversions mès s’optat en aguesti darreri ans per ua politica de no increment des taxes. Eth pressupòst d’ingrèssi e eth de despenes estan totaument equilibrats mès damb ua conseqüénica, qu’era inversion non existís. Tostemp s’a demorat ara inversion damb ajuda externa, damb subvencions o dejar-la, coma en ans anteriors, mès modificacion deth pressupòst damb era liquidacion der an anterior damb càrrec ath romanent de tresaureria en cas de que se pogue produsir, coma dejà a passat en aguesti darreri ans. I a ua auta limitacion dera que tanben se parlarà en un aute punt der orden deth dia e que igualment a afectat as darreri pressupòsti, 15 o 20 ans, qu’era empresa VIGESA coma prestadora d’un servici public que contemple ua auferta non obligatòria, mès qu’aguest Ajuntament ven balhant de forma volentària e que nosati non èm dispausadi a rebaishar era sua qualitat e era sua extension. Per’mor d’açò s’a tanben previst eth servici qu’enquia’ra ven dan VIGESA en Palai de Gèu e qu’aguet Ajuntament vò contonhar balhant. Se passe ath Cap. II aguesta despena perque s’a de balhar ben per contractacion de servicis o de forma directa. En prumèra instància se colloque en Cap. II, perque se met contractar servicis de forma externa. Tot çò d’aute petites modificacions en diferentes partides. S’incremente era de torisme en 30.000€; 20.000€ entà ua etapa deth Tour de France damb un convèni de collaboracion damb eth Conselh Generau d’Aran e 10.000€ entà promocion toristica deth municipi. Destacar era creacion de dus places de vigilants municipaus mès ua partida entà seguretat privada, entà reforzar era vigilancia en determinats sectores e oraris e garantir er orden e conviuença ciutadana, entre es dues estam parlant d’un increment ath tor de 110.000 € en aguesta matèria. Ena madeisha linha qu’auem defenut aguesti darreri ans, creiguem que non se pòden aprovar ordenances se non se dispause de mieis entà hèr-les complir. Per aguest motiu ei totaument



4

necessàri auer un increment dera plantilha per’mor qu’er Alcalde pogue exercir era sua autoritat e evidement era fe publica l’an de dar es foncionaris. Cau persutar en erradicar es comportaments incivics e non se parle sonque deth trànsit, parli tanben des propietàris des cans, terraces, àmbit der òci, oraris, eca...... Senon auéssem era necessitat de presupostar aguestes partides des quaus è explicat aguest increment d’uns 300.000€ se poderien méter en inversions. Per un aute costat s’a hèt un esfòrç damb era partida de viaus, que tostemp a estat ua partida important en pressupòst, entà mielhorar e garantir era bona mobilitat entre veïculs e padanhs deth municipi. Era quantitat iniciau de 226.000€ s’a eth propòsit de complementar-la damb modificacions ath long der an 2016. Era situacion non deihse d’èster limitada peth pressupòst d’ingrèssi e moltes partides de despena corrent, se tratara de cumplir ara baisha, executant sonque es prioritas entà hèr complir es servicis bàsics e se poderien traspasar recorsi entre partides que hèsquen possible complir eth programa politic der equip de govèrn. Eth pressupòst ei equilibrat e garantize es servicis bàsics, era seguretat, era continuitat deth Palai de Gèu. Explique era voluntad dera externalizacion des servicis de jardineria e enlumenat públic per ua gestion mès eficaz e tanben eth manteniment der enlumenat e que se vòlen premanir es expedients. Non èm contenti damb era ridicula quantitat dera partida entà inversions que tostemp depenen des ajudes exteriors e en cas contrari tirar deth romanent deth pressupòst der an anterior. Sollicite eth supòrt des grups politics entara aprobacion deth pressupost. Er Alcalde passe era paraula as pòrtavotzi des auti Grops Municipaus: Javier Rivas Escamilla, Pòrtavotz deth Grop Municipau de C’s: manifeste qu’efectivament es ingrèssi que provien deth sector inmobiliari des de hè ans estan congeladi e segurament contunharan atau pendent cert temps, per çò que cau hèr eth pressupòst foncion d’aguesti ingrèssi constants entà calcular es despenes que podem assumir. Nostalgia d’ua partida d’invcersion. Er Ajuntament non a d’éster com un gestor d’ua comunetat de vesins, cau èster previsor e guardar més enlà, ath futor, entà non quedar-se paradi en temps; s’aguest an non se pòt degut ar ahèr de VIGESA demane qu’entà es pròplèu ans s’age en compde coma prioritat entath dia de deman. VIGESA ei entad aguest Ajuntament coma ua pèira ena sabata des de hè ans e que semble qu’ara cau resòlver d’ua forma mès o mens definitiua; ai un servici public imprescindible mès que perjudique eth pressupòst des de tostemp, creigui qu’ei un tèma complexe, complicat e greu, volem participar entà cercar gestors, inversors, ajudes. Sollicite que se hèsque ua comission especifica entà eth tema de VIGESA. Respecte as Vigilants: efectiuament se se hèn leis e ordenances cau exigir eth sòn compliment. Persute non sonque en numero de trebalhadors se non ena productivitat deth personau; non sonque que s’augmente senon que tanben que se mielhore eth servici, cau optimizar es recursi humans. Votarà favorablement, però demane enes pròplèu ans non desbrembar es inversions entà desvolupament e mielhora deth municipi non sonque entà mantier-lo. Ara seguida pren era paraula Alex Moga, Pòrtavotz deth Grop Municipau de CDA-PNA, que ditz que non podem partir d’un augment per’mor que mos trapam damb límits legislatius e mos trapam un aute an ath deuant d’uns pressupòsti enes qu’era inversion non existis. Se referís as increments des Cap. I de personau e Cap. II damb era prevision dera despena deth servici deth Palai de Gèu. Damb referéncia ad açò qu’a dit eth Còsso Rufino Martínez, non ei ua fòto fixa d’aguesti ans, per’mor que non i a partida de carga financera, ja qu’er Ajuntament non a préstecs, felizment entà nosati e molt positiu. Auem ua presion fiscau baisha, ei era situacion que s’a vengunt mantien entà benefici de totes es poches des vesins e contunhant balhant es servicis públics, politica que toti auem anat mantenguen. S’abantes ni



5

auie poca ara dejà non existis inversion. Per un aute costat an pres era decision de VIGESA que ja en parlaram en un aute punt. Eth pressupòst marque es prioritats der Equip de Govèrn, encara qu’eth marge non ei gran, si que i a ua priorizacion, garantir es servicis bàsics, e priorizar era seguretat per desús d’ues autes causes, incrementant eth personau e contractant seguretat privada, que ja veiram coma se gestione. Nosati en açò èm totaument en contra, nosati nom auéssem priorizat eth ahèr dera seguretat, ei vertat qu’ei ua deficiéncia mès non creiguem que sigue un problema, pesam que i a uns auti problemes per dessús dera seguretat. Respecte ara partida de viaus se quedarà cuert, serà necessari complementar-la enes modificaciones ath long der an. Eth pressupòst s’incremente quasi sonque entà seguretat, per’mor que per lo demès non i a moltes variacions, entara que si trapam bèra sorpresa ei en increment de 3.000€ ena partida d’estudis e trebalhs tècnics e no sabem que passarà damb era partida des quòtes urbanistiques deth PMU 2.2 de Vielha que trapam a fautar e era partida d’òrgans de govèrn s’incrementen es dietes en un 100%. Ei un pressupòst que de bèra manera non podem compartir perque trobam a faltar diferentes causes, per exemple era aplicacion dera Lei de Transparéncia, dera Lei de Simplificacion administratiua, entà eth compliment deth convèni collectiu, non sabem s’era recuperacion deth 50% dera paga extra der 2012, que non està includida iniciaument, està prevista entà bèra modificacion, nosati pensam qu’aurie d’éster includida. S’an eliminat ajudes as empreses, s’an baishat autes ajudes entà politiques comerciaus, eth convèni damb era Universitat de Lleida. En següent punt se parlarà de VIGESA. Nosati non èm d’acòrd ena sua disolucion. Era prevision que s’a hèt en capitol II non ei suficienta. Qui pagarà es préstecs de VIGESA a compdar de junh de 2016? Non i a partida entà hèr-se cargue d’açò. Ei un pressupòst que non ei menor, content decisions importantes, prevé era externalizacion deth manteniment der enllumenat públic, amendrís era despena corrent de jardineria. Lamentam qu’er increment deth Cap. I non sigue entà plans ocupacionaus que si que veiriem ben. Non son es nòsti pressupòsti e non votaram a favor. Eth Còsso Rufino Martínez ditz qu’enten ath Pòrtavotz de CDA que digue que non son es sòns pressupòsti des deth punt de vista politic. Mès li diderè que i a gen qu’en carrèr hè çò que li ven en gana e que n’ia auti, que son era majoria, eth 90%, que son es que patíssen es incivisme des auti e que dejà son cansadi e que pendent quate ans an estat tustant ena pòrta der Ajuntament cada dia entà que se complíssen es normatives municipaus, es ordenançes e es reglaments d’aucupacion dera via pública, entà que i age orden en carrer, aquerò que molti vesins reiteradament an estat reclamat e que Vòste non a pres cap decision perque quede mau tostemp hèr a complir es normatiues, politicament non ei rentable, e sencillament an ganat es eleccions en mai ua opcion politica qu’a decidit hèr respetar es ordenançes; aquero o derogar-les entà non hèr eth ridicul de non hèr-les a complir. Aguest equip a decidit hèr complir es ordenances. Vòste sap qu’er Ajuntament non a disponibilitat de personau enta hèr eth servici de seguretat. Eth personau non pòt complir damb era sua obligacion de hèr complir er orden public. L’ac auem dit en molti plens, en matèria de trànsit, en matèria d’incivisme, cans, usatges non permetudi en viadèr public, orden public nocturn, reiteradament Vòste non a hèt arren e per tot çò aguest Ajuntament a decidit qu’ aquerò ei ua prioritat municipau, perque ei era prioritat deth 95% dera poblacion que si complis es normes e que estan cansadi de qu’era resta non les complísque, e demane que se hèsquen complir. Ditz qu’era inversion ei menor. Es partides que Vosté ditz que son insuficients, creigui que son suficients. Sonque ena de viaus, que si qu’ei insuficient, més aguesta tostemp en serà, per’mor qu’es deficiéncies son enormes. Totes es autes que ditz que falten, transparéncies, e autes de tecnologia; creigui que i a ues autes prioritats ara de transparéncia, coma ei era



6

seguretat. Nosati non negam era transparéncia que non sonque ei d’ara tanben se pòt referir a ans anteriors. Des ajudes as emprenedors, si que ei vertad que les auem suprimit; se revisam es ajudes que s’an vengut dan, segurament se mos queirie era cara de vergonha de bères ajudes que s’an dat entà ahèrs que non son d’emprenedoria ni de naua tecnología. Nosati mos estimam més dar ajudes puntuales quan siguen reaument de besonh, que non aguestes generique que s’an vengut degradant dera sua idea iniciau. En darrèr lòc se referís a VIGESA, ath tèma deth crèdit, que ja arribarà. Er Ajuntament s’aurà de hèr cargue des crèdits, mès tanben se parlarà de coma se constituïran aqueri crèdits sense cap de garantia de retornament d’aqueri crèdits. Se Vostè m’ac demane demanaram es responsabilitats societàries dera signatura des préstecs. Se non se ditz arren més er Ajuntament de Vielha e Mijaran se harà càrrec des crèdits entà que non i age problemes. Entar Ajuntament er an 2016 serà un an dificil, precisament perque aurà de hèr frente ad aguesta situacion. Tostemp er Ajuntament ha hèt er esfòrç entà garantir eth servici públic dera madeisha manèra que se dotèc a VIGESA en 2015 de la prevision entà garantir eth servici enquia junh de 2016 e dera madeisha manèra qu’en Cap. II d’aguesti pressupòsti se dòte de consignacion entà garantizar era contractacion deth servici a trauèrs dera externalizacion atau com deth subministre electric entà eth Palai. Tot açò non ei ua opcion politica, ei simplement se se vò èster ignorant deth compliment dera Lei; està de moda ara er incompliment des leis. Perque mos les a incomplit abantes en autes matèries coma era estabilitat o era amortizacion anticipada des crèdits? Ei tot un sinhau incoerent. Er esfòrç d’aguest Ajuntament va a éster eth compliment des sòns compromisi. Ad aguest govèrn li tòque hèr-se càrrec d’aguesta situacion lamentable. Enteni era sua posicion politica, més tecnicament eth pressupòst non diferis massa des anteriors. No mès d’un 5%, son casi ua eretat des sòns. Se pòt tardar ans en modificar era sinergia deth foncionament der Ajuntament, ei qüestion de molti pressupòsti entà her-los totaument diferenti. Per un aute costat díder ath Sr. Rivas que èm d’acòrd ena creacion d’ua Comission de VIGESA que ja ei prevista en acòrd que se debatirà dempús; respecte ara seguretat a tractat tanben un punt qu’interesse molt com ei era productivitat deth personau qu’auem. Necessitam mès efectius o es qu’auem non foncionen? En totes es administracions s’a cometut er error bàsic de qué se ua personan non trebalhe en compdes de méter orden, expedientar, eliminar eth problema, se contracte a ua auta entà que hèsque eth trebalh. Efetiuament se valorarà era productivitat de toti. Respecte as inversions, efectiuament s’an amendrit, an desapareishut moltes subvencions des qu’abantes dispausauem, per exemple PUOSC, qu’eth govèrn dera Generalitat de Catalunya a decidit suprimir entà ues autes finalitats. Haram tot çò possible entà auer inversions. Demanaràm totes es subvencions que se poguen cofinançar damb ues autes linhes. Tractar de suavar tostemp aguestes inversions que seran pensant en el futor deth municipi. En resum pensi qu’ei un pressupòst adaptat as besonhs e que molti vesins de Vielha arregradiran qu’era seguretat e hèr complir es normatives, ac arregrairan. Alex Moga ditz qu’en cap moment s’a deishat veir eth sòn posicionament. S’an dith paraules molt dures per part deth Còsso Rufino Martínez que non s’aurien de díder en un plen, sustot perque era legislatura pòt èster molt dura; a parlat de responsabilitat societàries. Aguest Ajuntament a estat exemplar en sòn foncionament, en sòn compliment. S’an podut comete errors, més damb era mielhor volentat, e tostemp s’a hèt damb era garantia des servicis jurídics. Vostès an ua linha de govèrn que respetam, pòt auer discrepancies més jamés amenazes. Jamés s’a metut en dubte era bona governança des membres dera Corporacion. Alex Moga sollicite que se retire çò que didec Rufino respecte ara responsabilitat societàries. Rufino ditz que non se pòt retirar ua amenaza que non i a agut.



7

Pren era paraula er Alcalde que manifeste qu’aguest ahèr s’a explicat per part des advocats redactors der informe a toti es Conselhers de VIGESA que i auec en aguesti darreri ans. Se les a explicat damb tranparència, facilitats. Arrès a dit que s’agen hèt cause mau intencionadament. Coma tostemp s’a d’anar toti amassa en aguest ahèr e atau se vò contonhar. Çò que tanpòc ei lògic ei que se hè ua amassada ací e en ues pògues ores ja se hè ua nòta en facebook que distorsione era informacion e que pòrt a confuner ara poblacion. Er Ajuntament vò eth consens en aquest tèma. Alex Moga: Lamenti frases d’aguest calibre. Per çò que tanh ad açò escrit en facebook Auem criticat era disolucion? i a agut bèra critica ad aguest Ajuntament? Er Alcalde enten que si mès prepause deishar eth tèma VIGESA per un aute punt. Deishem çò que s’a escrit, ben dit o non. Demane era paraula Joan Pau Perdices Pla, Còsso deth Grop Municipau de CDA-PNA, que ditz: pensi que cau parlar de VIGESA en aguesta casa, no en carrèr. Non çò d’acòrd en coma s’a hèt era informacion. Creigui qu’auem de recuperar era tranquilitat e debatir er ahèr de pòrtes entà laguens, entà trebalhar. Er Alcalde arregraís es sues paraules e s’accepte era prepausa. Se i a agut errors mos perdonam toti e comenzam a trebalhar toti amassa. Se lieg era prepausa d’acòrd: ANTECEDENTS Er Alcalde der Ajuntament a elaborat eth pressupòst entar exercici 2016. En data 10 de noveme era Interventora a emetut informes relatius as equilibris basics deth pressupòst e ath compliment des objectius qu’extablis era LOEPSF. En data 10 de noveme era Secretària a emetut informe sus eth procediment a seguir entara aprobacion deth pressupòst. En data 11 de noveme era Comission Informatiua d’Isenda a dictaminat favorablement er expedient deth pressupòst generau. HONAMENTS DE DRET Er article 165 deth Reiau decrèt legislatiu 2/2004, de 5 de març, peth quau s’apròve eth Tèxte Rehonot dera Lei reguladora des isendes locaus dispause qu’eth pressupòst complirà damb eth principi d’estabilitat e contierà per cadun des pressupòsti que lo compausen er estat de despenes, er estat d’ingrèssi e es bases d’execucion. Tanben hig que cadun des pressupòsti que compausen eth generau s’a d’elaborar sense dèficit iniciau. Er article 166 deth madeish RD relacione es annexi que calerà unir ad pressupòst generau. Er article 168 deth madeish RD regule eth procediment d’elaboraicon e aprobacion iniciau deth pressupòst. Er article 169 deth madeish RD regule era publicitat, era aprobacion definitiua e era entrada en vigor deth pressupòst.



8

Er article 18.4 deth RD 8/2013, de 28 de junh, de mesures urgents contra era morositat des administracions publiques e de recolsament as entitats locaus damb problemes financers, dispause qu’es entitats locaus que non compden en sòn pressupòst damb un hons de contingéncia l’auràn de crear en sòn pressupòst corresponent a 2014 e successius, damb ua dotacion minima deth 0,50 per cent der impòrt des despenes non financeres, e atau aca auràn de hèr a constar en sòn plan d’ajustament. Lei Organica 2/2012, de 27 d’abriu, d’estabilitat pressupostària e sostenibilitat (LOEPSF). Orden Ministerial HAP/2015/2012, d’1 d’octobre, pera quau se desenvolupen es obligacions de subministrament d’informacion previstes ena LOEPSE (OM). Reiau Decrèt Legislatiu 2/2004, de 5 de març (TRLRHL) qu’apròve eth Tèxte Rehonot dera Lei reguladora des Isendes Locaus, en relacion damb eth Principi d’Estabilitat Pressupostària. Manual de calcul deth dèficit en comptabilitat nacionau adaptat as corporacions locaus, publicar pera Intervencion Generau d’Administracion der Estat, Ministerio de Economia y Hacienda. Guia entara determinacion dera Regla de Despena der article 12 dera LOEPSF entà corporacions locaus, 3au edicion. IGAE (12/03/2013). Reglament núm. 549/2013, deth Parlament Europeu e deth Conselh, de 21 de mai (DOCE.26-06-2013), qu’apròve eth SEC 2010. Manuau deth SEC 95 sus eth Dèficit Públic e eth Deute Públic, publicat per Eurostat. Reglament 2223/1996 deth Conselh dera Union Europea. Reglament 2516/2000, deth Conselh dera Union Europea. Ena tramitacion des pressupòsti s’an seguit es requisit exigits pera legislacion vigenta, e es pressupòsti des organísmes e empreses que l’integren les an prepausat prealablament es òrgans competents, cossent damb es sòns estatuts o ath document fondacionau. Era tramitacion e aprobacion deth pressupòst s’a de hèr cossent damb es articles articles 162 a 171 deth Reiau decrèt legislatiu 2/2004, de 5 de març, peth quau s’apròve eth Tèxte rehonot dera Lei reguladora des isendes locaus; e es articles 2 a 23 del RD 500/90 e es articles 11 e ss. dera Lei Orgànica 2/2012, de 27 d’abriu, d’estabilitat pressupostària e sostenibilitat financera. Se prepause era sua aprobacion ath Plen e per majoria absoluta, damb eth vòt a favor des sèt (7) Còssos deth Grop Municipau d’UA, e eth vòt (1) deth Còsso deth Grop Municipau de C’s, e era abstencion des cinc (5) Còssos deth Grop Municipau de CDA-PNA, s’acòrde: Prumèr.- Apròvar iniciaument eth pressupòst generau entar exercici 2016, d’acòrd damb er objectiu d’estabilitat pressupostària, era regla dera despena e er objectiu deth deute públic; eth quau, resumit per capítols, ei eth següent:



9

AJ UNTAMENT PRESSUPOST D'INGRESSOS

AJUN TAM ENT PRE SSUPOST DE D ESPESES

Capítol 1 2.869.541,76 Ca pítol 1 1.606.80 3,96Capítol 2 45.000,00 Ca pítol 2 3.083.77 9,41Capítol 3 807.342,47 Ca pítol 3 6.50 0,00Capítol 4 1.198.471,07 Ca pítol 4 260.94 6,50Capítol 5 54.674,57 Ca pítol 5 0,00Capítol 6 0,00 Ca pítol 6 17.00 0,00Capítol 7 0,00 Ca pítol 7 0,00Capítol 8 3.000,00 Ca pítol 8 3.00 0,00Capítol 9 0,00 Ca pítol 9 0,00

TOTAL 4.978.029,87 TOTAL 4.978.02 9,87 Dusau.- Vista era documentacion que s’acompanhe, aprovar eth tet dera despena non financera entar Ajuntament, per impòrt de 5.145.147,03 €, d’acòrd damb eth següent detalh:

Tresau.- Aprovar era plantilha de personau que s’a detalhat. Quatau.- Aprovar es basas d’execucion deth pressupòst generau. Cincau.- Expausar eth pressupòst ath públic per miei dera publicacion d’anonci en Butletín Oficiau dera Província e en taulèu d’anoncis dera corporacion pendent eth tèrme de quinze dies obrers, pendent eth quau es interessadi poderan presentar reclamacions. Siesau.- Era aprobacion iniciau deth pressupòst generau se considerarà definitiua se non se presentent reclamacions en contra pendent eth tèrme d’expausacion publica, e entrarà en vigor en exercici ath quau se referís, quan s’age complit çò que dispausen es articles 112.3 dera Lei 7/85 de 2 d’abriu, reguladora des basas de règim locau, e er article 169 deth Reiau decrèt legislatiu 2/2004, de 5 de març, peth quau s’apròve eth Tèxte rehonot dera Lei reguladora des isendes locaus.

4.EXPEDIENT DE DISSOLUCION DE VIELHA GESTION SA. Er Alcalde passe era paraula ath Còsso Rufino Martínez que respon ath Còsso Pau Perdices sus eth sòn comentàri en punt anterior relatiu ara reünion infirmativa sus VIGESA, se hèc en

A. CALCUL DEL SOSTRE DE DESPESA DEL PRESSUPOTCàlcul a partir de les dades de la previsió de la despesa del nou pressupost

Càlcul del sostre de despesa no financera del pressupostDespesa no

financeraCapítol 1 1.606.803,96Capítol 2 3.083.779,41

Capítol 3 - interessos del deute 6.500,00Capítol 4 260.946,50Capítol 5 0,00Capítol 6 17.000,00Capítol 7 0,00

Despesa no financera 4.975.029,87

Despesa computable liquidació 2015 + 1,8% 5.145.147,03Despesa computable pressupost 2016 4.975.029,87Interessos del deute 0,00marge compliment regla de la despesa 170.117,16

import màxim que pot augmentar el sostre de la despesa, sempre que hi hagi finançament 170.117,16

SOSTRE DE DESPESA DEL PRESSUPOST 5.145.147,03



10

tot convocar a toti es Còssos qu’auien format part deth Conselh d’Administracion e auien agut responsabilitats ena societat, non n’i auie cap que siguesse estranh que non auesse arren a veir damb er Ajuntament; se hèc damb era volentat de totau transparéncia sense ànim d’amagar arren. Tant Pau Perdices coma Alex Moga díden qu’es qu’auem de trebalhar èm es qu’actuaument èm membres, no es anteriors. Alex Moga ditz qu’eth consens se pren abantes qu’es decisions. Ei qüestion de formes, demostre era volentat d’informar non de voler un consens. Se mos amassam mieja ora abantes non vedem volentat de consens. Er Alcalde persute en qué se deishe de debatir çò que dejà ei passat, prepause contunhar entà deuant toti e que se s’a hèt bèra causa mau enes formes que se desbremben es malentenduts e hèscam punt de partida, tent era man entà començar de nau entre toti e tirar entà deuant era installacion. Rufino Martínez: explique era prepausa d’acòrd, explique es antecedents, en vertud dera Dispausacion Addicionau 9au dera Lei de Racionalizacion e Sostenibilidad dera Administracion Locau del 27 de deseme de 2013. Ei ua messura de caràcter legau, çò que se hè ei complir çò qu’establis era Lei. Eth Plen pren coneishement dera dissolucion “ex lege” a efectes deth dia 1 de deseme de 2015 e se faculte ar Alcalde entà instar ua asamblea extraòdinaria d’accionistes e eth Conselh d’Administracion entà que s’adòote er acòrd de dissolucion; era societat se liquide, cau nomentar un liquidador entà que mete en orden era societat, coma queden es obligacions devèrs es bancs, eth personau, es acreedors, es contractes damb tresaus, totes es decisions corresponentes e se faculte ar Alcalde entà se pòrten a bon tèrme es acòrds de caràcter executiu. Ei prevista era creacion d’ua Comission de Seguiment deth compliment de toti aguesti acòrds e ena quau s’anarà informant de tot çò que se vage hènt ath respecte. Er objèctiu der Ajuntament ei eth manteniment deth servici. Er Alcalde demane que profitan qu’eth Sr. Moga ei assessor dera Conselhera de Governacion se demane ara Generalitat de Catalunya que tanben s’implique damb era maxima ajuda possible entà solucionar eth tèma deth Palai de Gèu. Passe era paraula ath Sr. Alex Moga, Pòrtavotz deth Grop Municipau de CDA-PNA, que prumèr se dirigís a Rufino Martínez entà dider-li que non ve qu’era Dispausacion Addicionau 9au. dera LRSAL, sigue tan taxativa, an demanat a especialistes que non ac interpreten de forma tan literau coma ac explique er estudi jurídic. Ditz qu’espòrts e es installacions esportiues ei ua competéncia pròpia der Ajuntament, que se pòden gestionar de forma directa o indirecta coma quinsevolh servici public; se pòden crear òrgans intermèdi entara gestion deth servici e se pòden hèr aportacions ad aqueri òrgans o instorments de gestion tostemp que reünisquen toti e cadun des requisits e er Ajuntament complisque toti es ratios; regla de despena, estabilitat pressupostària, era lei de morositat. Era D.A 9.2 parle de desequilibri financer e era nòta informatiua deth MHAP de març de 2014 explique coma s’a d’entener eth desequilibri, coma dus exercicis d’explotacion negatius e VIGESA creiguem que non s’adapte ad aquera situacion. S’eth servici se hè directament calerà hèr un redimensionament deth pròpi Ajuntament. Non ei categoricament obligat eth compliment d’era LRSAL non la interpretam en aqueth sentit, qu’age en aguest cas ua disolucion ex lege. Nosati non ac complim respecte a VIGESA per’mor qu’entenem qu’èm en equilibri financer. Eth Còsso Rufino Martínez manifeste que se se vò hèr aquera interpretacion sus es aportacions der Ajuntament a VIGESA s’arribarie a un absurd; era filosofia dera LRSAL ei que tot eth sector public qu’ei subvencionat, sostengut pera Administracion Publica de forma



11

artificiau, per tant qu’age pertes, que i age desequilibri economic, a de desaparéisher, ac cau eliminar deth sector public entà que gesquen reaument es deficits des servicis publics. Çò que preten ei que gesquen totes aguestes societats, consòrcis, deficitàries e qu’amagauen era realitat economica. Es aportacions annaus a VIGESA mascarauen era situacion de dèficit dera societat. Eth Còsso Alex Moga persute qu’en èster competéncia pròpia pòt contunhar hent-se aportacions. Rufino Martínez explique qu’enes ans 2014 e 2015 injectar sòs ad aguesta societat, non implicau cap de responsabilitat formau més açò cambie totaument a compdar deth 1 de deseme de 2015, s’eth Plen acòrde aguestes aportacions ad aguesta societat en desequilibri poderia comportar ua responsabilitat per apliacion de diners publics de forma incorrecta, per’mor qu’ei dissòlta ex lege. Non meterie ad aguest Plen en aguesta responsabilitat. Finaument er Ajuntament contunharà gastant aguesti sòs d’ua forma diferenta. Més contunharà hènt era aportacion deth servici. En pressupòst der an 2016 s’a pressupòstat era madeisha quantitat entà prestar eth servici damb externalizacion. Er Alcalde pren era paraula e ditz que non vam ara a interpretar era lei; se debatirà tot çò quan se forme era Comission de Seguiment. Ara s’a adoptat aguesta prepausa perqué atau ac met en informe des avocats; dilhèu sigue era interpretacion mès restrictiva mès tanben ei era que mès tranquillitze a toti es que èm ací, as anteriors e as ciutadans. Ei era decicion mès prudenta entà toti. Passe era paraula a Javier Rivas, Còsso deth Grop Municipau de C’s, èm ath deuant d’un informe tecnic juridic que jo non sò expert ena matèria mès enteni çò que ditz; ei un informe encarregat per anterior equip de govèrn, que ditz çò que ditz; ei era lei e l’auem de complir. Non m’impòrte se VIGESA barre, çò que m’impòrte ei qu’eth servici contunhe. Trapi aguesta discusion esteril. ANTECEDENTS 1.- Eth Plen der Ajuntament de Vielha e Mijaran, en session extraordinària celebrada en data 30 de mai de 1994, prenec er acòrd de “formar part en la constitució d’una societat mercantil, de forma anònima, que gestionarà el Palau de Gel de Vielha i amb l’aportació de CINC MILIONS CENT MIL PESSETES (5.1000.000 de pessetes) per al capital social”. Ena aquera madeisha session plenaria sigueren aprovadi es Estatuts dera societat mercantil nomentada. 2.- Posteriorament, per miei d’escritura publica de data 15 de junh de 1994, damb era quau se protocollizèc es Estatuts nomentadi, autrejada ath deuant deth Notari de Vielha Sr. Vicente Simó Sevilla, damb numerò de protocòl 523, se fondèc e se constituïc formaument era societat anonima mecantiu, d’economia mixta, denominada “Vielha Gestión, Sociedad Anónima” (VIGESA), e que siguec inscrita en Registre Mercantil de Lleida en data 8 de junhsèga de 1994 (assentament num. 969, fòli 148, diari 28). 3.- Finaument, coma ei sabut, en session plenària de data 30 de junh de 1994, er Ajuntament de Vielha e Mijaran adjudiquèc era concession administratiua dera gestion e explotacion deth Palau de Gèu ara societat mercantiu VIGESA. Des d’alavetz, era societat mercantiu nomentada, participada per Ajuntament de Vielha e Mijaran, a vengut desvolopant era sua activitat, d’acòrd damb eth sòn objecte sociau e en vertut dera concession administrativa abantes nomentada. 4.- Atau es causes, era Lei 27/2013, de 27 de deseme, de Racionalizacion e Sostenibilitat dera Administracion Locau (LRSAL) a vengut a introdusir diuerses mesures de recionalizacion deth sector públic. En aguest sens, era Dispausacion Addicionau 9ª dera Lei 7/1985, de 2 d’abriu, Reguladora des Basas deth Règim Locau (LRBRL), modificada pera LRSAL, a introdusit diuerses normes puntoaus de redimensionament deth sector public locau e, entre d’autes, es que seguissen:



12

a. Er apartat 1èr proïbis as municipis, províncies e isles, atau coma as sòns organismes autònoms, qu’agen un plan econòmic-financèr o un plan d’ajustament era constitucion dirècta o indirècta de naui organismes o ara sua participacion enes madeishi, atau coma era realizacion d’aportacions patrimoniaus as sues entitats depenentes o era subscripcion d’ampliacions de capitau, tret, en aguest darrèr cas, qu’en exercici pressupostari immediat anterior auessen complit damb es objectius d’estabilitat, deute e eth sòn periòde miei de pagament non supère en 30 dies çò previst ena normativa de morositat.

b. Er apartat 2au. dispòse qu’es Entitats qu’ara entrada en vigor dera LRSAL desvolupen actiuetats economiques, siguen adscrites a efèctes deth Sistèma Europèu de Compdes a quinsevolh des Entitats Locaus der article 3.1 dera LRBRL – entre es que s’i tròben es municipis- o en quauque des sòns organismes autonoms e se tròben en situacion de desequilibri financèr, dispausaràn deth plaç de dus mèsi a compdar d’era entrada en vigor dera LRSAL entà aprovar, prealable informe der organ Interventor dera Entitat Locau, un Plan de correccion deth desequilibri. Ad aguesti efèctes, e coma part deth nomentat Plan de correccion, era Entitat Locau dera qu’en depengue poderà realizar aportacions patrimoniaus o subscríuer ampliacions de capitau des sues Entitats, sonque s’en exercici pressupostari immediatament anterior, era Entitat Locau auesse complit damb es objectius d’estabilitat pressupostària e deute public e eth sòn periode miei de pagament a proveïdors non superèsse en mès de 30 dies eth plaç maxim previst ena normatiua de morositat.

S’aguesta correccion non se complís a 31 e deseme de 2014, era Entitat Locau, en tèrme maxim des 6 mesi següenti, a compdar dera aprobacion des compdes annaus o dera liquidacion deth Pressupòst der exercici 2014 dera Entitat, segontes procedisque, dissolverà cad’ua des Entitats que contunhen en situacion de desequilibri. De non hè’c, aguestes Entitats quedaràn automaticament dissòlvudes eth dia 1 de deseme de 2015.

Aguesta situacion de desequilibri financèr se referirà, entàs Entitats qu’agen era consideracion d’Administracion Publica a efèctes deth Sistèma Europèu de Compdes, ath sòn besonh de finançament en tèrmes deth Sistèma Europèu de Compdes, mentres qu’entara rèsta d’Entitats s’entenerà coma era situacion de desequilibri financèr manifestada ena existéncia de resultats negatius d’explotacion en dus exercicis compdables consecutius.

c. Er apartat 3au. conten era proïbicion de qu’es organismes, entitats, societats, consòrcis, fondacions, unitats e d’auti ens que siguen adscrits, venculats o siguen dependenti, as efèctes deth Sistèma Europèu de Compdes, de quinsevolh des Entitats Locaus der article 3.1 dera LRBRL o de quauque des sòns organismes autonòms poguen constituïr, participar ena constitucion n’aquerir naui Ens de quisevolh tipologia.



13

d. Er apartat 4au. contemple era adscripcion, dissolucion o venda de participacions publiques des organismes, entitats, societats, consòrcis, fondacions, unitats e d’auti ens qu’ara entrada en vigor era LRSAL non siguen en situacion de superavit, equilibri o resultats positius d’explotacion e que siguen contròtladi, exclusiuament o non, per unitats adscrites, venculades o depenentes, a efèctes deth Sistèma Europèu de Compdes, de quinsevolha des Entitats Locaus der article 3.1 dera LRBRL o de quauqu’un des sòns organismes autonòms.

5.- Actuauments, era socitat mercantil VIGESA se tròbe en supòsit previst ara Disposicion Addicionau 9a.2 dera LRBRL, e degut ara sua situacion de desquilibri en relacion damb era estabilitat pressupostària legaument exigida, non corregida prealablament, era societat s’a de dissòlver, de non hè’c, s’entenerà dissòlta automaticament a data d’1 de deseme de 2015. Auent en compde tot çò anterior, er Alcalde – President der Ajuntament de Vielha e Mijaran, en vertut des facultats que li son reconeishudes, adrèce ath Plen era següenta prepausa de dissolucion dera mercantiu. E es presenti, per majoria absoluta, damb eth vòt a favor des sèt (7) Còssos deth Grop Municipau d’UA, e eth vòt (1) deth Còsso deth Grop Municipau de C’s, e era abstencion des cinc (5) Còssos deth Grop Municipau de CDA-PNA, acòrden: Prumèr.- PRÉNER CONEISHEMENT dera dissolucion, damb efèctes a 1 de deseme de 2015, dera societat mercantiu “Vielha Gestion S.A.”(VIGESA), participada majoritàriament per Ajuntament de Vielha e Mijaran, dissolucion que se produsis per efècte “ex lege” en vertut dera Disòsicion Addicionau 9ª dera Lei 7/1985, de 2 d’abriu, Reguladora des Basas deth Règim Locau (LRBRL), modificada pera Lei 27/2013, de 27 de deseme, de Racionalizacion e Sostenibilitat dera Administracion Locau (LRSAL). Dusau.- FACULTAR ar Alcalde-President der Ajuntament, en qualitat d’Alcalde- President e, ath sòn torn, de membre deth Conselh d’Administracion dera societat mercantila “Vielha Gestion, S.A.” (VIGESA) entà instar era convocatòria d’ua Session Extraordinària deth Conselh d’Administracion nomentat e d’ua Junta Extraordinària d’Accionistes, que, en tot balhar compliment as Estatuts Sociaus, age per objècte exposar eth contengut des presenti Acòrds; instar era declaracion formau dera dissolucion dera societat mercantila atau coma der inici deth procés de liquidacion dera societat, damb eth corresponent nomenament de Liquidador o Liquidadors ad aguesti efèctes, e tostemp en compliment des Estatuts Sociaus e dera legislacion aplicabla; e préner toti es acòrds de besonh en orde a liquidar era societat, en tot mantier, enquià que non s’apròve era liquidacion dera societat e per rasons d’interès public, era prestancion deth servici public objècte dera concession administratiua dera gestion e explotacion deth Palai de Gèu; adjudicada ara societat mercantila “Vielha Gestion S.A.” (VIGESA) en session plenària de data 30 de junh de 1994. Tot çò d’abantes sense perjudici que, n’interin enquià que non se liquide era societat, s’extingisque era concession administratiua, s’apròve er establiment deth servici public esportiu que se volgue amiar a tèrme enes installacions deth Palai de Gèu e s’articulen es mecanismes que se considèren de besonh entà contunhar dant aguest servici public, ja sigue mejançant gestion dirècta o indirècta. Tresau.- FACULTAR, ar Alcalde-President der Ajuntament, ena sua qualitat d’Alcalde –President e, ath sòn torn, de membre deth Conselh d’Administracion dera societat mercantila



14

“Vielha Gestion S.A.” (VIGESA) entà votar en representacion der Ajuntament de Vielha e Mijaran laguens deth Conselh d’Administracion e dera Junta Extraordinària d’Accioniste que se celèbre en vertut dera implementacion der Acòrd Dusau precedent, de forma favorabla a toti e cad’un des punts dera Orde deth dia qu’an estat referidi en nomentat acòrd Dusau anterior, en orde a artènher era liquidacion dera societat, en compliment dera vigenta legislacion aplicabla en matèria de racionalizacion e sostenibilitat dera Administracion local. Quatau.- NOMENTAR ua Comission municipau de Seguiment deth compliment d’aguesti acòrds e deth procés de liquidacion dera societat mercantila”Vielha Gestion S.A.” , qu’estarà constituïda per Alcalde- President, per un Còsso de cada Grop Municipau dera Corporacion, pera Secretària – Interventora municipau atau coma per actuau Gerent dera societat mercantila “Vielha Gestion S.A.”, entà que pogue informar puntuaument ath Plen d’aguestes actuacions. Cincau.- ORDENAR as actuaus representants dera societat mercantila “Vielha Gestion S.A.” atau coma ath Liquidador o Liquidadors que se nomenten, a mantier puntuaument informat ar Ajuntament de Vielha e Mijaran, a trauèrs dera Comision municipal de Seguiment, establida en anterior Acòrd Quatau, de toti e cadun des acòrds e actuacions que s’amien tà deuant en orden a declarar era dissolucion formau dera societat e actuar-ne era dissolucion, prealabla ara tramitatacion corresponenta. Siesau.- NOTIFICAR aguesti acòrds ara Societat Mercantila “Vielha Gestión S.A.” (VIGESA), atau coma a toti aqueri as que’n siguen accionistes; en tot balhar coneishement ara Intervencion municipau der Ajuntament de Vielha e Mijaran, as efèctes de besonh. Setau.- PUBLICAR aquest acòrd en Boletín Oficial del Estado (BOE), en Diari Oficial de la Generalitat de Catalunya (DOGC), atau coma en Butlletí Oficial de la Província de Lleida (BOP Lleida), atau coma en dus (2) des diaris de major circulacion en ambit provinciau. E comunicà’c ad aqueri Registres publics e Administracions supra-municipaus que corresponguen.

5.APROBACION CONVÈNI URBANISTIC DE PLANEJAMENT ÀMBIT PMU 2.1 DE VIELHA.- Eth Pòrtavotz deth Grop Municipau d’UA, Rufino Martínez Cau explique era prepausa d’acòrd, es antecedents toti les coneishen, inclòs mielhor que nosati; era negociacion deth convèni ja estaue encarrilada des de hè temps damb era part afectada, es Sres. Garcés, e fin finau s’arribe a ua sollucion que garantize era legalitat entà endús parts. Explique es compromíssi qu’accepte er Ajuntament en tèma dera vialitat publica que non afecte entà arren ara mobilitat deth sector, e tanben es compromíssi des interessadi complidi coma era vinculacion des places de parcatge ar otel prepausada des de hè ans, beneficie a toti. Se legalize era activitat der otel qu’enquia’ra s’a exercit sense licéncia. Se regularizen aguestes deficiéncies que s’an hèt ath long d’aguesti darreri ans. E s’esviten es possibles conseqüéncies que se poderien auer per çò que tanh ara responsabilitat patrimoniau sollicitada pera part actora en un contenciós administratiu. Pren era paraula eth Còsso Joan Pau Perdices Pla, deth Grop Municipau de CDA-PNA, que compartís çò qu’a dit Rufino Martínez, se resòlgue era situacion urbanistica que siguec desagradable per’mor qu’arrés a agut mala fe. Ei un convèni favorable entath pòble e favorable entàs particulars.



15

Ara seguida pren era paraula Javier Rivas Escamilla deth Grop Municipau deth C’s: ei d’còrd en que se resòlgue per miei d’un pacte un problema antic, enquistat. Dam çò que sigue solucionar sense anar ara via judiciau i èm d’acòrd. Antecedents: En data 29-04-1987 s’aprovèc definitiuament eth Plan Especiau de Reforma Interior Coto Março, subsector 2.1, que dejà ère definit enes Normes Subsidiaries e Complentaràries de Planejament dera Val d’Aran (NSCP) aprovades en an 1982. Mès era ordenacion prevista en agues PERI siguec significativament alterada pera Resolucion deth Conseller de Politica Territorial i Obres Públiques de data 27 de mai de 1988 qu’estimaue en part un recors d’Alzada interpausat contra era aprobacion definitiua deth PERI, en tot crear-se un nau Estudi de Volumetria.

En data 18 de mai de 1995 era Comission d’Urbanisme dera Val d’Aran apròve definitiuament eth PERI COTO MARÇO-Subsector 2., deth quau er Ajuntament tramite ua modificacion de normes, era 51, aprovada definitiuament pera Comission Territoriau d’Urbanisme dera Val d’Aran en data1 d’abriu de 2009.

Aguesta modificacion genere tres àmbits diferenciats laguen deth PERI COTO MARÇO, eth PMU 2.1, eth PMU 2.2, e d’autes zònes dejà consolidades.

En desenvolupament dera Modificacion puntuau num. 51 des NSCP dera Val d’Aran, era Comission Territoriau d’Urbanisme dera Val d’Aran en data16 de març de 2012, aprovèc eth Pla de Millora Urbana PMU 2.1.

Contra er anterior Acòrd es senhors Aurelio Garcés Sesé e María Jesús Sesé Casanovas meteren un recors contenciós-administratiu, peth motiu qu’er àmbit deth PMU 2.1, actualement e en contra ad açò qu’arremasse eth planejament generau, non permet es usatges otelers, afecte a ua part dera finca urbana coma de sistèma viari e elimine tota possibilitat d’usatge de viuenda ena finca dera sua propietat.

Vist er interès d’aguest Ajuntament de regularizar es usatges admetudi en àmbit deth PMU 2.1 de Vielha en consonancia damb çò que dispause eth planejament generau vigent, damb er interès public e damb era realitat existents, e en tant no se hèsque efectiua ua modificacion deth planejament e per’mor de balhar ua solucion provisionau ara problemática qu’afecte ara propietat des senhors Aurelio Garcés Sesé e María Jesús Sesé Casanovas, acorden era signatura d’un convèni.

Vist er Informe Jurídic e era Prepausa de Resolucion de data 29 d’octobre de 2015 e er Informe Tècnic de data 29 d’octobre de 2015.

Vist er informe favorable dera Comission Informatiua d’Urbanisme, Governacion, Òbres e Servicis e Entitats Municipaus Descentralizades de data 11 de noveme de 2015,

Se prepause era sua aprobacion ath Plen que per unanimitat, damb eth vòt a favor des tretze (13) membres que formen era Corporacion Municipau, s’acòrde:

PRUMÈR.- Aprovar eth Convèni Urbanístic de Planejament relatiu ar àmbit deth Plan de mielhora Urbana 2.1 de Vielha damb er objècte de regularizar es usatges admetudi en àmbit deth PMU 2.1 de Vielha en consonància damb çò que dispause eth planejament generau



16

vigent, damb er interès public concurrent damb eth manteniment dera activitat otelera en nomentat àmbit e damb era realitat existent en aguest emplaçament, atau coma desafectar ua part dera finca localizada en carrèr Sarriulèra num. 5, qu’er actuau planejament classifique coma de sistèma viari locau, e a signar entre aguest Ajuntament e es senhors Aurelio Garcés Sesé e María Jesús Sesé Casanovas, era vigéncia deth quau serà enquia que siguen totaument completades es determinacions inclodides en madeish.

DUSAU: Méter eth tèxte deth Convèni Urbanistic a informacion publica pendent eth tèrme d’un mes, per miei d’anonci en taulèu d’edictes e sedença electronica der Ajuntament, e en Butletín Oficiu dera Província de Lleida; pendent aguest tèrme se poderan presentar es allegacion, suggeriment e observacion que se creiguen de besonh. Se pendent eth tèrme d’expausacion publica deth madeish non se presenten allegacions, eth convèni debierà aprovat definitiuament.

TRESAU: Facultar ath titolar dera Alcaldia, en exercici des sues atribucions coma representant legau dera Corporacion, entà subscriuer aguest Convèni.

QUATAU: Notificar e citar as parts otorgants ara signatura deth Convèni Urbanistic, ena data que se convengue entad aguest efecte.

CINCAU: Enviar ua còpia ath Departament de Política Territorial i Obres Públiques entara sua inclosion ena seccion de convènis urbanistics der instorment de divulgacion telematica deth planejament urbanistic dera Generalitat de Catalunya.

6.- APROBACION MOCION DAMB MOTIU DETH 25 DE NOVEME. DIA CONTRA ERA VIOLÈNCIA DE GENRE.- Er Alcalde passe era paraula ara Còsso Maria Vergés, Còsso d’Accion Sociau e Ciutadania. Qu’explique era Mocion que s’a inclodit per resons de calendari ja qu’eth pròplèu dia 25 de noveme se celebre eth Dia contra era violéncia de genre. Ei ua Mocion que torne a méter ath dessús dera taula eth problema dera violència de genre en España qu’aguest an pòrte dejà mès mòrts qu’es qu’ocasione eth terrorisme. Aguest an a estat molt tragic per çò que tanh ara violéncia de genre. Se lieg per part de María Vergés es acòrds que se prepausen ena Mocion. Pren era paraula eth Còsso Javier Rivas, qu’afirme èster d’acòrd damb tot çò que ditz era mocion. Eth Portavòtz deth Grop Municipau de CDA-PNA, Alex Moga, manifeste eth sòn acòrd e ditz que calerie enviar era mocion as estudis e ar Institut emtà qu’es alumnes prenguen conciéncia deth besonh d’erradicar aguest problema. Mocion: Era violéncia de genre non ei un problèma qu'afècte ar encastre privat. Ath contrari, se manifèste coma eth simbèu mès brutau dera desigualtat existenta er era nòsta societat, desigualtat basada enes encara arraïtzadi valors patriarcaus dera societat. Se tracte d'ua violéncia que se dirigís as hemnes peth solet hèt d’estar-ne, per èster considerades pes sòns agressors possessions pròpries sense es drets minims d’igualtat, libertat, respècte e capacitat de decision. Damb aguesta conviccion neishec era lei Organica 1/2004 de Mesures d'Emparament Integrau contra era Violéncia de Genre. Ua lei arreconeishuda e tanben premiada coma ua des melhors leis de luta contra era violéncia cap as hemnes e qu'establís un



17

sòlid e complèt marc legau entara prevencion, emparament, persecucion e condemna dera violéncia per part deth companh excompanh sentimentau. En octobre de 2014, España recebec en Ginèbra ua des mencions d'aunor deth Prèmi de Politiques de Futuro (Future PolicyAward 2014), qu’es institucions ONU Women, World Future Council e era Union Interparlamentària concedíssen as melhors leis politiques deth mon qu’agen coma objectiu acabar damb era violéncia exercida contra es hemnes e mainades Es Tres institucions an considerat qu'era legislacion espanhòla, en concrèt era Lei Organica de Mesures de Proteccion Integrau contra era Violéncia de Genre, ei ua des mès importantes e eficaces normes entà combàter e erradica era violéncia sexista en tot eth mon. Ua violéncia que califiquen coma ua des formes mès generalizades d'abusi contra es drets umans. Maugrat açò, es hemnes contunhen en tot patir violéncia de genre, e eth nombre d'assassinats se manten es chifres escandaloses. Enes darrèri mesi, era violéncia de genre a acabat damb era vida de hemnes e menors, en tot commocionar a tota era societat. Auem patit un repunt d'assassinats masclistes, en tot convertir er estiu de 2015 er un periòde tragic, en quau s'a contabilizat eth major nombre d'assassinats dempús de 2010. E non cau desbrembar qu’eth nòste municipi viuec tanben aguest drama d’apròp en 2011. Aguesta ei ua violéncia deuant dera que non podem, ne volem, demorar impassibles. Era igualtat d’oportunitats e drets entre hemnes e òmes son un principi fonamentau. Eth reconeishement que hè era Constitucion de 1978 d'España coma un Estat sociau e democratic de Dret que defen coma valors superiores deth sòn ordenament juridic era libertat, era justícia, era igualtat e eth pluralisme politic an de tradusir-se ena plea consideracion des hemnes coma subjèctes de drets de ciutadania. A despièch d’açò, era ciutadania des hemnes encara non ei assolidada e soent se tròbe eth dubte. Deuant d'açò, ei de besonh refortir e promòir es mecanismes que la garantisquen e l'aluenhen der anar e vier des conjontures politiques. Ua societat decenta exigís auançar cap a ua societat segura e liura de violéncia de genre, que garantisque ua responsa efectiva as hemnes que sofrissen violéncia atau coma as sòns hilhs e hilhes en tot generar e en tot aufrir es mecanismes de besonh entà artenhé'c. Era situacion de violéncia que sofrissen es hemnes mos exigís auançar cap eth compliment deth convèni d’Estambul, ratificat per Espanha e qu'abòrde de manèra integrau era violéncia contra es hemnes. Mos exigís un gran acòrd per ua societat segura e liura de violéncia contra es hemnes qu'implique a tota era societat e es poders publics entà lutar de toti es encastres estant contra era Violéncia de Genre, que non pèrde esfòrci, mieis e recorsi. Totun, malerosament, es actuaus politiques d’austeritat e er efècte des retalhades publiques, autant a nivèu der Estat coma dera pròpria Generalitat, son en tot provocar eth desmatelament dera luta contra era violéncia de genre ath temps qu’ataquen es sues bases ideologiques, legaus e simboliques. En aguesta madeisha linha, cau rebrembar qu’era Lei Reforma Locau, a qualificat coma impròpries es competéncies qu’es Ajuntaments e es Entitats Locaus exercien en igualtat e violéncia de genre, en tot aluenhar atau es servicis publics dera atencion as hemnes. Per tot açò, e pr’amor qu’era tolerància zèro ara violéncia contra es hemnes a d’èster ua valor dera societat en sòn ensem, era presenta mocion sollicite ara Generalitat e ar Estat hèr ua apòsta clara pera Tolerància Zèro sus era violéncia contra es hemnes e prepause es acòrds que seguíssen.

Se prepause era sua aprobacion ath Plen que per unanimitat, damb eth vòt a favor des tretze (13) membres que formen era Corporacion Municipau, s’acòrde:



18

Prumèr – Instar as govèrns der l’Estat e ara Generalitat de Catalonha en encastre des sues competéncies, a incrementar recorsi, servicis e pressupòsti entà combàter era violéncia masclista eth toti es nivèus institucionaus, tanben en mon locau, en tot auer present qu'era dura e longa crisi que patim a metut fòrça hemnes es situacions d’extrèma vulnerabilitat. Dusau – Instar a totes es administracions publiques a refortilhar es campanhes de sensibilizacion contra era violéncia de genre e enfortir era deteccion e eth supòrt as hemnes victimes e as sòns hilhs e hilhes e d’auti menors ath sòn cargue. Tresau - Reclamar ath govèrn der Estat eth desplegament e aplicacion dera Lei de Mesures d'emparament integrau contra era violéncia de genre atau coma era activació de forma permanenta deth Plan Nacionau de Sensibilizacion e Prevencion dera Violéncia de Genre. Quatau – Reclamar ara Generalitat de Catalonha eth desplegament totau dera Lei entara eradicacion dera violéncia contra es hemnes en tot arténher eth compromís de finalizacion deth desplegament deth hilat de recorsi entà poder hèr front ara recuperacion des victimes de violéncia masclista, atau coma hèr efectiu eth hons entà corbir es impagaments de pensions. Cincau – Hèr arribar aguesti acòrds ara Secretaria d’Estat de Servicis Sociaus e Igualtat, ath Departament de Benestar e Familha e ar Institut Catalan dera Hemna (ICD).

7.AHÈRS D'URGÉNCIA SE N'I A.-

Non n’i a cap.

8.PRÈCS E DEMANES.- En prumèr lòc pren era paraula er Alcalde que manifeste que vò hèr ua condemna en nombre de tota era Corporacion Municipau des atentats de Paris. E en dusau lòc arregradir era man tenguda que i a agut auè en aguest Plen sus eth tèma de VIGESA e desiri que mantengam aguesta linha de bona comprenénça institucionau entà tirar entà deuant er ahèr qu’auem dessús dera taula. Pren era paraula Alex Moga, Pòrtavotz deth Grop Municipau de CDA-PNA, que ditz que mos somam ara condemna des atentats de Paris. Més vò reflexionar que damb era responsa que dam non sollucionaram arren. Serie bon que portèssem un expert entà parlar sus er Estat Islamic. Basicament perquè ei ua question que mos afectarà e que non sabem era dimension que pòt préner. Per çò que tanh a VIGESA procuraram hèster tostemp ara nautada coma auem hèt tostemp damb es auti ahèrs importants; met a dispausacion der Alcalde era sua collaboracion. Vò hèr ues demanes: 1ª.- Èm coneishedors de que se convocarà eth Conselh d’Alcaldes, demani qu’era oposicion age un representant quan se constituísque de nau. 2ª.- Es Paradors Nacionaus an acabat er ERE e er ERTE; semble que s’a dat de baisha er ERE però s’a mantengut er ERTE, qu’ei eth barrament temporau, mès damb era particularidad de que i a Paradors as que tanpòc les a afectat er ERTE. Demane qu’er Alcalde sollicite ara Presidenta des Paradors que se restablísque era normalitat entà qu’atau es trebalhadors restablisquen tanbem era sua normalitat, que son es que se vederen greument afectadi pes retalhades, acomiats e reduccion de jornades.



19

Ara seguida pren era paraula Javier Rivas, Grop Municipau deth C’s, que dirigís un comentari damb respete a Alex Moga sus es atentats de Paris, non ei moment de híger arren, tot s’a de hèr en silenci e en privat. Alex Moga li respont que çò qu’a dit ei justament eth contrari de çò qu’a volut díder; sonque se referie ara magnitud. Demane era paraula Joan Pau Perdices, Còsso de CDA-PNA, que demane quina ei era avaloracion que hè er Equip de Govèrn dera tempsada d’estiu deth tèma deth controtle des terrasses e quina ei era posicion entà fotures campanhes. E en dusau lòc un prèc sus era Ordenança Fiscau, era taxa de 600 € per abitatge toristic. En un an e miei sense auer de méter multes s’an regulat 398 abitatges. Ei ua bona formula, eth reste d’ajuntaments o non croben, o croben ua mieja de 100 € coma Naut Aran. Pensi qu’ei bon entara economia deth pòble que gesquen aguesti abitatges e que compòrte un controtle sus eth sector. Li respon er Alcalde, respecte ath controtle des terrasses, era sensacion per part des Vigilants Municipaus e es Mossos d’Esquadra, ei qu’era majoria des establiments an complit damb era normatiua. Inclús, normaument, s’an arremassat es taules e cagires, en generau a foncionat sense majors problemes; dilhèu béth un puntuaument, coma passe en totes es cuitats detm mon. As que non an complit se les a iniciat expedient administratiu. Respecte ara taxa per abitatge d’ús toristic, li demane açò a ua persona qu’a lutat molt en aguest ahèr. Non podem comparar auti Ajuntaments damb çò que passe en Vielha o en Aran. En Vielha i a mès places des que se desitjaríen. S’a d’avalorar qu’es propietaris des abitatges d’ús toristic pagan ua taxa de 600€ non se les exigis més condicions que auer ua cedula de abitabilitat; non se les exigis mesures de seguretat, gessuda d’incendis, o ues autes condicions que si qu’an de complir es cases ruraus e es otels o apartaments toristics. Les calerie demanar es madeishes condicions qu’era resta des establiments regladi. Sonque se metec entà que gessessen entà crobar era taxa toristica. Joan Pau Perdices ditz qu’eth còst dera taxa ei excesiu entàth còst deth servici que da er Ajuntament entà aguesta inscripcion e demane que se complísque era normativa fiscau. Er Alcalde conteste que sonque tractam de complir era Lei e tractam de suplir aguesta manca de sensibilitat que i a agut damb aguest sector. Er Alcalde lhèue era session, dera quau, coma secretària, esteni aguesta acta. Era Secretària Er Alcalde

Ajuntament de Vielha e Mijaranmedia.seu-e.cat/acteca/2524300000/2015/dcb7cfe7-baa2-4a62-9ea7... ·...

Documents

Transcript of Ajuntament de Vielha e Mijaranmedia.seu-e.cat/acteca/2524300000/2015/dcb7cfe7-baa2-4a62-9ea7... ·...