2014ko Europako hauteskundeak

CMRE

Udalerrien eta eskualdeen Europarekin konprometitutako erakundea

Europako Udalerrien eta Eskualdeen Kontseilua (CMRE) Europako udalerri eta eskualdeetako administrazioen elkarterik zaharrena eta zabalena da 41 estatutako udalerri eta eskualdeetako agintaritzen elkarte nazionalak bildu eta, haien bidez, lurralde-maila guztiak −udalerrikoa, bitartekoa eta eskualdekoa− ordezkatzen dituen erakunde bakarra da. 1951n sortu zenetik, CMREk Europa batua, baketsua eta demokratikoa eraikitzea defendatzen du, tokiko autogobernuan, subsidiariotasun-printzipioaren errespetuan eta herritarren partaidetzan oinarrituta. Gure lana bi ardatz nagusiren inguruan egituratzen da: 1. Europako politika eta lege guztietan eragitea, udalerrietan eta eskualdeetan eragina duten

esparru guztietan. Europako legeriak hirietan, herrietan eta eskualdeetan ezartzen diren politiken %60ri baino gehiagori eragiten dio. CMREk kideekin batera jarduten du Europako politikak idazten direnean euren interesak kontuan har daitezen

Europako Batzordeko prozesu legegilearen hasierako faseetatik bertatik esku hartzen dugu, gero Europako Legebiltzarrak onartu beharko dituen emendakinak prestatuz.

2. Hitz egiteko eta lankidetzan aritzeko topagunea eskaintzea Europako udalerri eta

eskualdeetako agintaritzei, beraien elkarte nazional ordezkarien bidez. CMRE trukerako eta eztabaida politikorako eta teknikorako plataforma ere bada. Gure kideek eta udalerri eta eskualdeetako agintaritzek ezagutzak eta esperientziak partekatzen laguntzen dugu. Urtero-urtero, CMREk udalerri eta eskualdeetako administrazioentzat interesgarriak diren bilkura teknikoak, eztabaidak, biltzarrak eta mintegiak antolatzen ditu. CMRE, gainera, UCLG - United Cities and Local Governments (Hirietako eta Tokiko Gobernu Batuen Munduko Erakundearen) Europako sekzioa ere bada, eta bertan ordezkatzen ditugu, nazioarte-mailan, Europako udalerri eta eskualdeetako administrazioak.

1951an sortua 57 elkarte kide

41 estatu

150.000 udalerri eta eskualdetako agintaritza

Gure manifestua

Europako udalerri eta eskualdeetako agintaritzen elkarteek onartua. CMREko 57 sekzio eta elkarte kideetako ordezkariek aho batez onartu zuten manifestu hau Pragan, 2013ko abenduaren 3an. Udalerri eta eskualdeetako agintaritzen Elkarteak (EB):

Alemania German Association of CEMR (CMREren Alemaniako Elkartea) German Association of Cities (Alemaniako Hirien Elkartea) German Association of Towns and Municipalities (Alemaniako Hiri eta Udalerrien Elkartea) German County Association (Alemaniako Eskualdeen Elkartea)

Austria Austrian Association of Cities and Towns (Austriako Hiri eta Udalerrien Elkartea) Austrian Association of Municipalities (Austriako Udalerrien Elkartea)

Belgika Union of Belgian Cities and Municipalities (Belgikako Hiri eta Udalerrien Elkartea) Association of Flemish Cities and Municipalities (Flandriako Hiri eta Udalerrien Elkartea) Association of the City and the Municipalities of the Brussels-Capital Region (Brusela Hiriko eta Hiriburu-

Eskualdeko Udalerrien Elkartea) Union of Cities and Municipalities of Wallonia (Waloniako Hiri eta Udalerrien Elkartea)

Bulgaria National Association of Municipalities in the Republic of Bulgaria (Bulgariako Errepublikako Udalerrien

Elkarte Nazionala) Txipre Union of Cyprus Municipalities (Txipreko Udalerrien Elkartea)

Kroazia Croatian County Association (Kroaziako Eskualdeen Elkartea)

Danimarka Danish Regions (Danimarkako eskualdeak) Local Government Denmark (Danimarkako Toki Administrazioa)

Eslovakia Association of Towns and Communities of Slovakia (Eslovakiako Hiri eta Komunitateen Elkartea)

Eslovenia Association of Municipalities and Towns of Slovenia (Esloveniako Herrien eta Hirien Elkartea)

Espainia Espainiako Udalerrien eta Probintzien Federazioa

Estonia Association of Estonian Cities (Estoniako Hirien Elkartea) Association of Municipalities of Estonia (Estoniako Udalerrien Elkartea)

Finlandia

Association of Finnish Local and Regional Authorities (Finlandiako Tokiko eta Eskualdeetako Agintaritzen Elkartea)

Frantzia French Association of CEMR (CMREren Frantziako Elkartea)

Grezia Central Union of Municipalities of Greece (Greziako Udalerrien Batasun Zentrala)

Hungaria Partnership of Hungarian Local Government Associations (Hungariako Tokiko Gobernuen Elkarteen Sarea) Association of Hungarian Local Governments and Representatives (Hungariako Tokiko Administrazioen

eta Ordezkarien Elkartea) Hungarian National Association of Local Authorities (Hungariako Tokiko Agintaritzen Elkarte Nazionala)

Irlanda Institute of Public Administration (Administrazio Publikoaren Elkartea) Local Government Management Agency (Tokiko Gobernuak Kudeatzeko Erakundea)

Italia Italian Association of CEMR (CMREren Italiako Elkartea)

Letonia Latvian Association of Local and Regional Governments (Letoniako Tokiko eta Eskualdeetako Gobernuen

Elkartea) Lituania Association of Local Authorities in Lithuania (Lituaniako Tokiko Agintaritzen Elkartea)

Luxenburgo Association of Luxembourg Cities and Municipalities (Luxenburgoko Hiri eta Udalerrien Elkartea)

Malta Local Councils’ Association (Tokiko Kontseiluen Elkartea)

Herbehereak Association of Netherlands Municipalities (Herbehereetako Udalerrien Elkartea) Association of Provinces of the Netherlands (Herbehereetako Probintzien Elkartea)

Polonia Association of Polish Cities (Poloniako Hirien Elkartea) Association of Polish Counties (Poloniako Eskualdeen Elkartea)

Portugal National Association of Portuguese Municipalities (Portugaleko Udalerrien Elkarte Nazionala)

Erresuma Batua Local Government Association (Tokiko Administrazioen Elkartea) Convention of Scottish Local Authorities (Eskoziako Tokiko Agintaritzen Elkartea) Northern Ireland Local Government Association (Ipar Irlandako Tokiko Gobernuen Elkartea) Welsh Local Government Association (Galeseko Tokiko Administrazioen Elkartea)

Txekiar Errepublika Union of Towns and Municipalities of the Czech Republic (Txekiar Errepublikako Hiri eta Udalerrien Batasuna)

Errumania

Association of Romanian Communes (Errumaniako Erkidegoen Elkartea) Association of Romanian Communes (Errumaniako Hirien Elkartea) National Union of County Councils of Romania (Errumaniako Eskualde Kontseiluen Batasun Nazionala) Romanian Municipalities Association (Errumaniako Udalerrien Elkartea)

Suedia Swedish Association of Local Authorities and Regions (Suediako Udalerri eta Eskualdeetako Agintaritzen

Elkartea)

EBtik kanpoko udalerri eta eskualdeetako agintaritzen elkarteak: Association of Albanian Communes (Albaniako Erkidegoen Elkartea) Albanian Association of Municipalities (Udalerri Albaniarren Elkartea) Association of the Units of Local Self-Government of the Republic of Macedonia (Mazedoniako Errepublikako

Tokiko Autogobernurako Unitateen Elkartea) Association of Local Authorities of Republic of Srpska (Bosniako Serbiar Errepublikaren Tokiko Agintaritzen

Elkartea) Association of the Units of Local Self-Government of the Republic of Macedonia (Mazedoniako Errepublikako

Tokiko Autogobernurako Unitateen Elkartea) Association of Municipalities and Cities of the Federation of Bosnia and Herzegovina (Bosnia-Herzegovinako

Federazioko Udalerri eta Hirien Elkartea)

National Association of Local Authorities of Georgia (Georgiako Tokiko Agintaritzen Elkarte Nazionala)

Association of Local Authorities in Iceland (Islandiako Tokiko Agintaritzen Elkartea) Union of Local Authorities in Israel (Israelgo Tokiko Agintaritzen Batasuna) Congress of Local Authorities of Moldova (Moldaviako Tokiko Agintaritzen Kongresua) Union of Municipalities of Montenegro (Montenegroko Udalerrien Batasuna) Norwegian Association of Local and Regional Authorities (Norvegiako Udalerri eta Eskualdeetako Agintaritzen

Elkartea) Standing Conference of Towns and Municipalities of Serbia (Serbiako Hiri eta Udalerrien Batzorde Iraunkorra)

Swiss Association of CEMR (CMREren Suitzako Elkartea) Union of Municipalities of Turkey (Turkiako Udalerrien Batasuna) Association of Ukrainian Cities (Ukrainiako Hirien Elkartea) Ukrainian Association of District and Regional Councils (Ukrainiako Barruti eta Eskualde Kontseiluen Elkartea)

Mezu nagusiak

Europa biziberritzeko 9 mezu Gazteentzako enplegua lehenesten jarraitzea. Gazteak laneratzeko programa espezifiko eta

iragankorrak bultzatzea, batez ere “EU Starter” proposamenaren bidez. Hezkuntzaren eginkizuna balioztatzea eta berrikuntzan, I+Gn eta balio erantsi handiko sektoreetan inbertitzea. Manifestuaren 1. puntua, 11. orrialdea

Egiturazko fondoak nola gauzatzen diren zaintzea, lurralde-kohesioa hobetzeko eta, batez ere,

elkarte-printzipioa eta jokabide-kodea ezarriko direla bermatzeko. Subsidiariotasuneko printzipioa indartzea eta gobernuko maila desberdinetan horren aldeko kultura sortzea. Manifestuaren 2. puntua, 13. orrialdea

Arautze arinagoa eta soilagoa lehenestea, guztiek partekatutako helburuak ardatz hartuta eta ez hainbeste xedapen zehaztuegiak; bestetik, prozedura bizkorraren alde egiten denean, gardentasuna eskaintzea. Sarrera, 9. orrialdea

Subsidiariotasuneko eta proportzionaltasuneko printzipioak errespetatzea eta, halaber,

interes ekonomiko orokorreko zerbitzuak antolatzen direnean, estatuko, eskualdeetako eta udalerrietako agintaritzen irizpide zabala errespetatzea; ildo beretik, Europar Batasuneko gizarte-merkatuko ekonomiaren lehiakortasun-eskakizunen eta gizarte-eskakizunen artean oreka bilatzea. Manifestuaren 3. puntua, 14. orrialdea

Berotegi-efektuko gasen isuriak murrizteko helburu garrantzitsuak zehaztea, eta 2030a baino

lehen energia berriztagarriak eta energia-eraginkortasuna garatzea. EBko ekimen guztietan, mugikortasunaren esparruan udalerri eta eskualdeetako agintaritzen eskumenak errespetatzea, udalerriei eta eskualdeei mugikortasun iraunkorra bultzatzeko politikak ezartzen laguntzeko. Manifestuko 4. puntua, 16. orrialdea.

Europa Programaren aurrekontua handitzea, harik eta “hiritar bakoitzeko euro bat” sinbolikoa erdietsi arte, horrela, Europar Batasuneko herritarrek bere egin dezaten. Bazterkerian erortzeko arriskuan dauden pertsonak eta genero-berdintasunaren eta emigranteak gizarteratzearen aldeko ekimenak lehenestea. Bazterkeriaren aurka, eta bereziki ijito-komunitatearen bazterkeriaren aurka, udalerri eta eskualdeetako agintaritzek ematen duten erantzuna bultzatzea. Manifestuaren 5., 6. eta 7. puntuak, 18., 20. eta 21. orrialdeak

Europar Batasunaren integrazio eta legitimotasun demokratiko handiagoa

defendatzea, eta Europar Batasuneko Oinarrizko Legea idazteko konbentzioa proposatzea. Manifestuko 8. puntua, 22. orrialdea.

Europar Batasunaren zabalkundea bultzatzea, eta negoziazio-prozesuan udalerri eta eskualdeetako agintaritza guztien inplikazio handiagoa sustatzea. Manifestuaren 9. puntua, 23. orrialdea.

Ikuspegi integratu eta globalak bultzatzea, batez ere Hegoalde Globaleko kideekin, herri global

seguruagoa, barneratzaileagoa, baketsuagoa eta joriagoa lortzen laguntzeko. Manifestuaren 10. puntua, 24. orrialdea

SARRERA

2014ko maiatzean, Europako herritarrek hitzordua dute demokraziarekin

Europar Batasunean, Europako Legebiltzarra da herritarrek zuzenean aukeratzen duten instituzio bakarra. Europako Legebiltzarrak onartutako zuzentarauen %70 inguru toki- eta eskualde-mailan ezartzen da, bertan gauzatzen baita herritarrentzat funtsezkoak diren esfera publikoen eta zerbitzu garrantzitsuen multzo zabala. Halatan bada, 2014ko hauteskundeak gobernuko esferen eta herritarren artean Europako etorkizunari buruzko eztabaida sustatzeko aukera paregabea dira. CMREk prozesu horretan parte hartu behar du, udalerri eta eskualdeetako administrazioen erakunde handiena delako, bertan biltzen baitira Europar Batasuneko 100.000 toki- eta eskualde-agintaritzatik gora.

Hauteskundeak iritsi diren garai honetan, Europak mehatxu eta zailtasun ugari ditu aurrean; horregatik, herritarrek Europar Batasunaren etorkizunean eragiteko funtsezko tresnatzat hartu behar dira. Lisboako Hitzarmena onartzearen ondorioz, Europako Legebiltzarrak eskumen berriak eskuratu ditu, Europako Batzordearen, Europar Batasuneko Kontseiluaren eta enparauen botereari aurre egiteko moduan. Europako Legebiltzarreko kideek, hautestontzien legitimazioarekin, pisu handiagoa izango dute Kontseiluak Batzordeko lehendakaria aukeratzen duenean, azken hautaketan parte hartu ahal izango dutelako. Talde politikoek lehen aldiz aurkeztuko dituzte Batzordeko lehendakaritzarako euren hautagaiak, hauteskundeak izan aurretik ere. Horri esker, ikusgarritasun handiagoa lortuko da eta Europako herritarrak euren erabakiaren garrantziaz jabetuko dira. Iritzi publikoan goraka doa euroeszeptizismoa eta Europaren bateratzearen aurkako jarrera. Horregatik, Europaren eta bertako herritarren arteko hitzordu demokratiko hori are garrantzitsuagoa da. Inoiz baino garrantzitsuagoa da hauteskunde hauek herritarrak mugiarazi eta Europako proiektuarekiko grina berritzeko balio izatea. Herritarrengandik hurbilen dauden erabakiguneek, hau da, udalerri eta eskualdeetako agintaritzek, oso eginkizun zehatza izan behar dute. Europar proiektua edukiz betetzeko helburuan lagundu nahi dugu, lurralde-dimentsioan txertatuko den hauteskunde-kanpaina baten bidez; izan ere, subsidiariotasun-printzipioaren ezarpenean zer hobetu dago oraindik. Kasu askotan, eskualdeetako legebiltzarrekin lankidetzan aritzeko egitura argia falta zaigu oraindik ere, eta denbora gutxi eskaintzen zaio subsidiariotasunaren kontrolari. Ildo beretik, eskualdeetako legebiltzarretan oraindik ez dugu eraiki tokiko agintaritzak kontuan hartuko dituen subsidiariotasunaren kulturarik, hainbat mailetan mekanismo zuzentzaileak izango dituen europar sistema taxutu ahal izateko.

Annemarie Jorritsma Almerko Alkate andrea, CMREko lehendakaria

Frédéric Vallier CMREko Idazkari Nagusia

Europan erabakiak hartzeko prozesuari dagokionez, ikusten dugu geroz eta gehiago jotzen dela “prozedura bizkorra” delakora (irakurketa bakarra Europako Legebiltzarrean), horrek dakarren gardentasun-galerarekin. CMREk dei egiten die Europako Legebiltzarreko diputatuei gardentasunaren eta eztabaida irekiaren alde egin dezaten irakurketa bakarreko prozedura aukeratzen dutenean.

Kasu batzuetan, Europako Batasunean ez da araudi zehatzegirik behar; guztiz bestela, araudi arin eta soilagoa falta dela antzematen da. Alor batzuetan, hala nola klima-aldaketaren eta integrazioaren alorretan, udalerri eta eskualdeetako agintaritzek ez dute euren eskumenei egoki aurre egin eta Europar Batasunaren zuzentarauak ezarri ahal izateko finantza-babesik. Hauteskunde hauen esparruan, CMREk, bera eratu zeneko balioekin bat, Europaren aldeko konpromisoa eta konfiantza adierazi nahi ditu, Europako udalerri eta eskualdeetako administrazioen eta euren elkarte nazionalen izenean.

Udalerri eta eskualdeetako agintaritzetatik hurbil egongo den Europaren alde gaude Europaren irudia ezin da urrun dagoen maila instituzionalarena izan, Estatu eta Gobernu buruen bileren eta instituzio teknokratikoen bidez azaltzen den instituzioaren irudia. Guztiz bestela, orotariko lurraldeekiko errespetua eta askatasuna adierazteko esparrua izan behar du. Tokiko demokraziaren, tokiko gobernantza demokratikoaren eta autogobernuaren printzipioekiko konpromiso berezia dugu, 1988ko Tokiko Autonomiaren Europako Gutuna ekarri zuen 1953ko Udal Askatasunen Europako Gutunaren printzipioekin eta izpirituarekin bat. Udalerri eta eskualdeetako administrazioek Europa gobernatzeko gainerako eragileek bezainbesteko garrantzia dutela barneratu behar dugu. Dagozkien lurraldeetan Europar Batasunaren politikak ezartzen laguntzen dute, batez ere garrantzi handiko hainbat alderditan, hala nola kohesioaren, gizarteratzearen, ingurumenaren edo klimaren alorretan. Lisboako Itunak udalerri eta eskualdeetako administrazioetara zabaldu du subsidiariotasunaren printzipioa, baina oraindik ere, Europar Batasuneko instituzioek ez dute onartzen Europaren garapenean egiten duten ezinbesteko lana.

Araudi arinagoa eta soilagoa bultzatzea eta xedapen zehatzegietan

zentratua egon beharrean, helburu erkideetan zentratuta egongo dena, eta gardentasun handiagoz jokatzea

prozedura bizkorra erabiltzen denean.

Naziotik beherako gobernuetako hautetsiak garen heinean, ziur gaude Europaren etorkizuneko garapen-ereduak krisi ekonomikoari eta sozialari heldu beharko diola, eta hori egiteko ezinbestekoa izango dela lurraldeak eta interesdun guztiak mobilizatzea: herritarrak, lider ekonomikoak, enpresariak, hezkuntza-komunitatea eta udalerri eta eskualdeetako administrazioak. Europar Batasunak alkateekin eta udalerri eta eskualdeetako liderrekin batera jardun behar du mobilizazioa hori sustatzen. Europa solidario indartsu eta batuaren alde egiten dugu. Solidaritatean, justizia sozialean eta kohesioan nahiz gizarte-merkatuko ekonomia lehiakorrean oinarrituko den Europar Batasunean sinesten dugu. Halere, ezinbestekoa da lehiakortasunaren alderdia eta alderdi soziala orekatzea, batez ere interes ekonomiko orokorreko zerbitzuei dagokienez. Batasun kohesionatua eta indartsua nahi dugu, herritarrengandik eta udalerri eta eskualdeetako agintaritzetatik hurbil egongo dena, Europako Batasunaren Itunaren 3. artikuluari jarraiki. Egoera ekonomiko eta sozial zail honetan oso erraza da isolamenduaren eta interes nazionalaren defentsaren tentazioan erortzea. Horregatik, lehen erronketako bat europarren arteko eztabaida eta

zabalkundea sustatzea izango da, europar proiektuaren funtsezko balioekin bat: giza duintasuna, demokrazia eta berdintasuna.

Zabalkundea, elkarrizketa eta aniztasunarekiko errespetua ere funtsezkoak dira, kontinentean bakeari eutsi nahi badiogu. Ez dugu ahantzi behar 2012an Bakearen Nobel Saria eskuratu zuen Europar Batasuna herrien arteko adiskidetzean oinarritu zela eta, zalantzarik gabe, itzelezko balioa duen ondarea dugula haren bidez.

Eskuz esku jardun behar dugu herritarren kezka legitimoei heltzeko, hazkunde iraunkorra eta bidezko garapena bultzatzeko gai izango den Europa indartsua eskatzen baitute. Gaur egungo egoeran, zerbitzu publikoen kalitatea bermatu eta langabeziaren, bereziki gazteen langabeziaren, aurka borrokatzeko politika erkideak sendotasunez ezartzea eskatzen du horrek. Horretarako, europar instituzio indartsu eta sendoak behar ditugu, aurrean ditugun arazoei aurre egiteko gai izango direnak. Estatu kideen interes nazionalak ordezkatuko dituen politika garatu beharrean, guztiona den benetako politika garatuko duen esparru instituzionala eduki behar dugu. Datorren Europako Legebiltzarrari eta bertako diputatuei kooperazioaren izpirituari eusteko eta, horretarako, guztion interesekoak diren gai hauei arreta egiteko deia egiten diegu:

“Herritarrek hazkunde iraunkorra eta bidezko garapena bultzatzeko gai izango den Europa indartsua eskatzen dute.”

1. Enplegua eta gizarte-lehentasunak

Europar Batasunean 5,7 milioi gazte langabe daude, eta kopuruak etengabe gora jarraitzen du. Ikuspegi politikotik, sozialetik eta ekonomikotik hondamendia da hori, eta ahal den modu guztietatik heldu behar zaio. Gazteen langabezia funtsezkoa da ekonomiaren berreskurapen iraunkorrerako, batez ere hurrengo belaunaldiaren eta Europaren beraren epe luzeko egonkortasun ekonomiko eta soziala bermatu nahi badugu. Eztabaida hori gogoeta politiko edo ideologiko guztien gainetik dago. Aldaketa demografikoaren ondorioz, etorkizunean gazteekiko gero eta mendekotasun handiagoa edukiko dugu eta, halere, egunen batean zuzendu beharko duten gizarte horrek orain baztertu egiten ditu. Hartara, datorren legealdian gazteen gizarteratzeari eta laneratzeari lehentasuna ematen jarraitzeko eskatzen diogu Europako Legebiltzarrari, kontuan hartuta berak hartuko dituen erabakiek eragin zuzena izango dutela udalerri eta eskualdeetako agintaritzek dagokien esparruan emango duten erantzunean. Udalerri eta eskualdeetako agintaritzak lehen lerroan daude langabeziaren aurkako borrokan eta langabeen gizarte-arretaren alorrean; funtsezko eginkizuna dute gazteak laneratzeko programen edo hezkuntza-sistemaren garapenean. Datorren Europako Legebiltzarrari dei egiten diogu gazteak laneratzeko programa espezifiko eta iragankorrak bultzatu ditzan, batez ere CMREren babesa duen "EU Starter” proposamenaren bidez.

Europan gertatzen ari den aldaketa demografikoak biztanleriaren zahartzea dakar. Aldaketa horren alderdi negatiboetara mugatu beharrean, Europako Legebiltzarrak ekonomiarako, hazkunderako eta iraunkortasunerako aukera bihurtzeko bere gaitasuna aprobetxatu behar du. Jarrera hori Europan belaunaldi-arteko elkartasuna sustatzeari hertsiki lotuta dago. Are gehiago, biztanleria-talde guztiek gizarteratzeko premia ere hor dago, eta krisi sozialean gauden honetan, azpimarratzeko kontua da hori. Gai hori batik bat ardura nazionala bada ere, Europako Legebiltzarrak eginkizun nagusia du udalerri eta eskualdeetako agintaritzek gizarteratzeari buruz duten iritzia Europako eztabaida guztietan ager dadin. Udalerri eta eskualdeetako agintaritzak zerbitzu hornitzaileak diren heinean, badute zer esanik, 17 milioi lagunetik gora hartzen dituztelako sektore publikoan. Zentzu horretan, lanaldiaren banaketari buruzko Zuzentaraua berrikusten denean, udalerri eta eskualdeetako agintaritzek euren funtsezko zerbitzu publikoetarako akordioak antolatzeko aukera izatea nahi luke CMREk.

Gazteentzako enplegua lehenesten jarraitzea.

Gazteak laneratzeko programa espezifiko eta iragankorrak bultzatzea, batez ere “EU Starter” proposamenaren bidez. Hezkuntzaren eginkizuna balioztatzea eta berrikuntzan, I+Gn eta balio erantsi handiko sektoreetan inbertitzea. Ildo beretik, erretiro-pentsioei buruzko Zuzentaraua berrikusten denean, udalerri eta eskualdeetako agintaritzek euren pentsio-plan publikoak antolatzeko eskubidea errespetatzea nahi luke CMREk, interes publikoaren eta euren langileen beharrizan espezifikoen mesederako. Halatan bada, Europar Legebiltzarrari dei egiten diogu legealdi berrian funtsezko mezu horiek azpimarra ditzan. Enpleguari lotutako gai guztiak mekanismo zehatzen bidez ebatzi behar dira, besteak beste toki-, eskualde-, nazio- eta Europa-mailako elkarrizketa sozialaren bidez. Gainera, hezkuntzaren eginkizuna indartu eta berrikuntzako, eta I+Gko eta balio erantsi handiko sektoreetako inbertsioa handitu beharra dago. Lisboako Itunean zehaztuta dagoen bezala, tresna horrek enplegu-politikako eragilerik garrantzitsuenen arteko elkarrizketa egituratua bultzatzen du: enplegatzaileak, sindikatuak eta gobernuak. Europako Legebiltzarra da herritar guztien ordezkaria eta, hartara, elkarrizketa soziala bultzatu behar du, horixe delako Europar Batasunean, estatuetan eta toki-mailan emaitza iraunkorrak lortzeko tresna. “Enpleguari lotutako gai guztiak mekanismo zehatzen bidez ebatzi behar dira, besteak beste toki-, eskualde-, nazio- eta Europa-mailako elkarrizketa sozialaren bidez.”

2. Lurralde-kohesioa

2014an, kohesio-politikak finantzaketa-aldi berri bati ekingo dio eta bertan udalerri eta eskualdeetako administrazioentzat oso garrantzitsua izango da araudi berriak ezartzea. Asko kezkatzen gaitu Estatu kideek zer neurritan ezarriko dituzten lurralde-tresna berriak eta, horien artean, komunitateko toki-garapena eta lurralde-inbertsio integratuak. Kezka handia eragiten digu, halaber, agintari nagusiek tresna berri horiek kudeatu, ezarri eta ebaluatzen dituztenean udalerri eta eskualdeetako agintaritzak kontuan hartuko ote dituzten. Kontuan hartzeko gaiak izango dira, adibidez, fondoak integratzea, muga administratiboez haragoko lankidetza garatzeko aukera eta ikuspegi sektorialak, batez ere landa- eta hiri-eremuen arteko asoziazioei dagokienez. Izan ere, eremu horiek bizi duten aldaketa dinamikoa muga administratiboez harago doa. Gure ustez, ikuspegi integratuek eta landa- nahiz hiri-eremuak hartzen dituzten area ekonomiko funtzionaletako gobernu-sistema eraginkorrek lurralde-kohesioa bultzatzen dute. Orobat, area funtzionaltzat jo daitezke elementu berriak ere, hala nola metropoli-areak sortzea eta udalerrien arteko lankidetza. Izan ere, Europar Batasunaren kohesio-politika berriak ikuspegi hori erabiltzea gomendatzen du garapen integratua sustatzeko neurrien kasuan. Hartara, hauteskundeen ondoren sortuko den Europako Legebiltzarrari dei egiten diogu arretaz zain dezan nola gauzatzen diren egiturazko fondoak, eta arreta berezia egin diezaion asoziazioaren printzipioa eta Jokabide Kodea erabiltzeari. Ildo beretik, dei egiten diogu udalerri eta eskualdeetako administrazioekin lankidetzan aritu dadila, Europako lurraldeek garapen iraunkorra izan dezaten.

Egiturazko fondoak nola gauzatzen diren zaintzea lurralde-kohesioa hobetzeko asmoz, eta batez ere elkarte-printzipioa eta jokabide-kodea ezarriko direla bermatzeko. Subsidiariotasun-printzipioa indartzea eta gobernuko mailetan horren aldeko kultura sortzea.

3. Zerbitzu publikoak Europako merkatu bakarrean

Europako merkatu bakarrak indarrean jarraitzen du eta aurreikusten denez, kontratazio publikoan eta estatuaren laguntzen alorrean Europak ezarriko duen araudiak, zerbitzuen garapenak eta merkataritza elektronikoak hazkunde ekonomikoa ekarriko dute. Araudi horiek udalerri eta eskualdeetako agintaritzetan eragiten dute, beraiek ere zerbitzu-hornitzaileak eta enplegatzaileak direlako, eta etengabe egokitu eta modernizatzen dituztelako zerbitzuak eta antolamendua, Europaren legeria eta eskakizunak kontuan hartuta. Nolanahi ere, kezkatuta gaude Europako legegileek interes ekonomiko orokorreko zerbitzuak arautzen dituztenean, ea nahikoa orekatuko ote duten interes orokorra eta interes ekonomikoa. Nolanahi ere, kezkatuta gaude Europako legegileek interes ekonomiko orokorreko zerbitzuak arautzen dituztenean, ea nahikoa orekatuko ote duten interes orokorra eta interes ekonomikoa. Era berean, ez dira nahikoa kontuan hartzen tokiko zerbitzu publikoaren ezaugarri propioak, ez eta herritarrei zerbitzatzeko helburua ere. Gure ustez, ez dira nahikoa kontuan hartzen subsidiariotasun- eta proportzionaltasun-printzipioak, Lisboako Itunak interes orokorreko zerbitzuei buruzko Protokoloan (26. zenbakidunean) jasotzen duen bezala. Izan ere, protokolo horietan udalerri eta eskualdeetako agintaritzei zerbitzu horiek antolatzeko irizpide zabala aitortzen zaie. Datorren Europar Legebiltzarrari dei egiten diogu Europako aniztasuna eta herritarrentzako zerbitzuak eskaintzean azaleratzen diren desberdintasun historiko, politiko eta kulturalak ere kontuan har ditzala. Europar Batasunaren itunen printzipioak errespetatzen badira, kontuak azaldu behar dizkieten herritarrek demokratikoki hautatu dituzten udalerri eta eskualdeetako administrazioek askatasunez antolatu beharko lituzkete euren zerbitzuak, euren herritarren interesen mesedetan. Europar Batasunaren arauketak benetan barne merkatuak itxuralda lezaketen zerbitzuetan zentratu beharko lirateke, eta eskuarki ez da halakorik gertatzen toki-mailan ematen diren zerbitzuekin.

Subsidiariotasuneko eta proportzionaltasuneko printzipioak errespetatzea eta, halaber, interes ekonomiko orokorreko zerbitzuak antolatzen direnean, nazioko, eskualdeetako eta udalerrietako agintaritzen irizpide zabala errespetatzea; ildo beretik, Europar Batasuneko gizarte-merkatuko ekonomiaren lehiakortasun-baldintzen eta gizarte-baldintzen artean oreka bilatzea.

Nazioarteko merkataritzako akordioei buruzko etorkizuneko negoziazioei dagokienez, CMREren ustez, kontratazio publikoari buruzko akordio orokorretan zehazten diren mugak zabaldu egin behar dira. Izan ere, akordio hori ez da urte luzetan aldatu. Arreta berezia eskaini behar zaio akordio horiek udalerri eta eskualdeetako autonomian izan lezaketen eraginari, ez ditzaten subsidiariotasuneko eta proportzionaltasuneko printzipioak urratu.

Interes publikoaren mesedetan, BEZari eta salbuespen fiskalei buruzko legeriak kontuan hartu behar ditu udalerri eta eskualdeetako agintaritzen premia bereziak, batez ere erakunde publikoen arteko lankidetzaren harira. Gainera, datuen babesa dela eta, CMREk uste du proposatutako erregelamentazioak herritarren eskubideak babestea eta Europan ekonomia digitala bultzatzea duela helburu. Nolanahi ere, udalerri eta eskualdeetako agintaritzei eta sektore pribatuari aitortuko zaizkion betebeharrak arau konplexuagoak hartuz bilatzen den gizarte-onuraren tamainakoak izaten jarraitzea nahi genuke. “Udalerri eta eskualdeetako agintaritzei eta sektore pribatuari aitortuko zaizkion betebeharrak arau konplexuagoak hartuz bilatzen den gizarte-onuraren tamainakoak izaten jarraitzea nahi genuke”.

4. Klimaren aldaketa, trantsizio energetikoa eta iraunkortasuna

Baliabide naturalak babestea eta ekonomia zirkularra garatzea agintari publikoen ohiko erantzukizunak dira maila guztietan, sektore pribatua eta herritarren artean. Europako Batasunaren Ingurumen alorreko Zazpigarren Ekintza Egitasmoak Europako ingurumen-alorreko politiketarako hurrengo urteetarako esparru integrala eskaintzen du. Gainera, bereziki oinarrizko printzipio bi nabarmentzen ditu: "kutsatzaileak ordaindu behar du" printzipioa eta kutsadura iturburuan zuzentzeko printzipioa. CMREk etorkizuneko Europako Parlamentua gonbidatu nahi du Europako eta munduko etorkizuneko ingurumen-politikak printzipio hauetan oinarrituta daudela ziurtatzeko ahalegintzera, airearen kutsadurari buruzko Europako Batasuneko gaur egungo politika nahiz hondakinen legeria berrikustetik hasita. Azken gai honi buruz, Europako Parlamentua udal hondakinen helburu berrikusiak proportziozkoak eta benetakoak izan daitezela ziurtatzea eta behar den bezala sustatzea espero dugu, esate baterako, horiek gauzatzean atzeratuago dauden udalerriak lagunduta. Krisialdi ekonomikoa, lehiakortasuna mantentzea eta energia-horniduraren segurtasuna kezka garrantzitsuak dira erabaki politikoez arduratzen direnentzat eta enpresa pribatuentzat. Hala ere, hazkunde ekonomikoa eta ingurumenaren nahiz baliabideen babesa kontrajarritako helburuak ez direlakoan gaude. Tokiko eta eskualdeetako administrazioak dagoeneko klima eta iraunkortasun energetikoa babestera zuzendutako erabaki-multzo zabala ezartzen ari dira. Horien bitartez, hazkunde berdea sustatu eta lanpostuak sortzen dira, Alkateen Hitzarmenak erakutsi bezala. Ahaleginak handitzeko, administrazioek Europako Batasunetik zalantzarik gabeko seinale politikoak jaso behar dituzte. Europako Parlamentuari dei egiten diogu berotegi-efektuko gasen emisioak murrizteko eta energia berriztagarriak nahiz eraginkortasun energetikoa garatzeko 2030 baino lehen helburu handinahiak ezartzeko erabaki irmoa dutela erakustera. Esparru energetiko eta klimatiko berria egotea espero dugu, hari esker, udalerriek eta eskualdeek tokiko eta eskualdeko trantsizio energetikoaren potentziala osorik ustiatu dezaten, prozesu hori oztopatu ordez. Europak 2015ean Nazio Batuen aldaketa klimatikoari buruzko hitzaldia hartuko du.

Berotegi-efektuko gasen emisioak murrizteko helburu handinahiak ezartzea, eta

energia berriztagarriak nahiz eraginkortasun energetikoa 2030 baino lehen garatzea.

Mugikortasunari dagokionez, tokiko eta eskualdeetako agintarien eskumenak errespetatzea, EBko ekimen guztietan udalei eta eskualdeei mugikortasun iraunkorra sustatzera bideratutako politikak ezartzen laguntzeko.

Parisen egingo da eta azken aukera izango da gaiari buruzko nazioarteko akordio handinahia lortzeko. Herri-erakunde eta alderdi interesatu guztiek mobilizatu behar dute garapenari buruzko mundu osoko paradigma aldatzeari dagokionez, oinarriak ezartzeko aukera honetaz baliatzeko. Tokiko eta eskualdeko gobernuek berretsi zuten klima babesarekiko haien konpromisoa Aldaketa klimatikoari buruzko Alkate eta Liderren Naonedeko/Nanteseko Adierazpena, 2013ko irailean onartutakoa. Adierazpen honen bidez tokiko eta eskualdeko erabakiek orientabidea izango dute, Paris 2015 hitzorduari begira. Europako Parlamentua klimari buruzko nazioarteko hitzarmen integral eta handinahiaren aldeko borrokan aliatu bilakatzea espero dugu, itun haren bidez tokiko eta eskualdeko administrazioek arlo honetan lan egiteko aukera izan dezaten. Garraioa ekonomiarako eta gure lurraldeen arteko kohesiorako funtsezko elementua da, herritarrentzat bezala. Arlo honetan, Europako Batasunaren sostengua beti izan da ondo etorria berrikuntza sustatzeko eta garraiobide iraunkorrenak antolatzea sustatzeko. 2013ko abenduan hiriko mugikortasunari buruzko proposamen berriak argitaratu ziren. Europako Parlamentuak, lehenik eta behin, tokiko eta eskualdeetako agintaritzek arlo honetan dituzten eskumenak errespetatuko dituela eta udalerri nahiz eskualdeei mugikortasun iraunkorreko politikak ezartzeko eta horretarako behar diren baliabideak emango dizkiela espero dugu.

5. Europa herritarrekin

Tokiko eta eskualdeko agintariak herritarrengandik gertuen dagoen gobernu-esparrua dira. Horregatik erantzukizun berezia dute europar herritarrak ahalegin honetan inplikatzean. Batik bat, hirien arteko adiskidetze eta elkarteetan, tokiko eta eskualdeetako agintariek elkar ulertzearen eta guztion historia eraikitzearen alde zeregin garrantzitsua bete behar dute. Tokiko eta eskualdeetako agintariak, mugikortasuna, gazteen artean bizitokia trukatzea eta esperientziak bateratzea sustatzen duten ekimen ugariren iturburua dira. Ekimen horiek europar herritartasuna garatzeko ezinbesteko baliabideak dira. Hala ere, harrigarria da 2013an, Herritarren Europako Urtean, Europa herritarrekin programaren aurrekontua berriro murriztu izana. Krisi finantzario eta ekonomikoak herritarrak kaltetu ditu eta egoera honek Europako proiektuaren etorkizunari buruzko zalantzak eta galderak dakartza. Honenbestez, hurrengo legegintzaldiaren amaieran, Europa herritarrekin programarako Europako Batasunaren herritar bakoitzeko gutxienez euro bateko aurrekontu-saila babestea eskatu nahi diogu Parlamentuari. Bereziki ahaleginduko gara gizartetik baztertuta bizi diren herritarrengana ere heltzen. Hala, herritarrak eta Europako Batasunaren artean dagoen arrakala ixten lagundu eta herrien arteko elkartasun nahiz berdintasuna sustatuko genuke. Halaber, Europako Parlamenturako hautagaiei politika hori berrikustea eta hala behar duten programaren ildoei beharrezko baliabideak esleitzea eskatu nahi diegu. Orain arte adiskidetutako hiriei eta lankidetza teknikoari eskaini zaie lehentasuna, herritarren ageriko jardueren eta udalerri txikien kaltetan. Hala, Europako gobernuak baztertzen dituelako sentimendua handitu da.

Europa herritarrekin Programaren aurrekontua handitzea "herritar bakoitzeko euro bat" neurri sinbolikoraino, Europar Batasuneko herritartasunaz jabetzea sustatzeko asmoz, gehienbat baztertuta geratzeko arriskuan daudenak eta genero-berdintasunaren aldeko nahiz etorkinak gizarteratzeko ekimenak ardatz hartuta. Bazterkeriaren aurka eta, bereziki, ijito-komunitateak pairatzen duenaren aurka, udal eta eskualdeetako agintaritzen erantzuna bultzatzea. Tokiko eta eskualdeetako administrazioek lankidetza estua izan dute iraganean Europako Parlamentuarekin CMREren Sareko gure adiskideen bitartez. Europako Parlamentuaren parlamentari ugari tokiko eta eskualdeetako lider esperientziadunak dira eta udalerrietan, hirietan eta eskualdeetan aurre egin beharreko arazoak zein zereginak ezagutzen dituzte.

Batez ere, URBAN taldeartekoaren lankidetza eta tokiko zein eskualdeetako agintariekin eta elkarte garrantzitsuekin harremanak edukitzeaz arduratzen den bere lehendakariordearen jarduera baloratzen ditugu. Tokiko eta eskualdeetako administrazioen lider gisa, hirien eta eskualdeen artean elkarrengandik ikastea errazten duten elkartrukerako programak sustatzen ditugu; INTERREG eta Erasmus programak indartu eta zabaldu behar dira tokiko eta eskualdeetako ordezkarientzat.

6. Berdintasunaren Europa Emakume eta gizonen arteko berdintasuna demokrazia guztien oinarrizko balioa eta gure gizartea garatzeko faktorea da. Azken hamarkadetan izandako aurrerapenak gorabehera, asko dira bete gabeko erronkak; adibidez, emakumezkoek jarraitzen dute gizonezkoek baino diru gutxiago irabazten, erabakimena duten postuetan gutxiago ordezkatuta daude eta etxeko lan ez ordainduaren zama handiagoa bere gain hartzen dute. Tokiko eta eskualdeetako eragile gisa, emakumeen eta gizonen arteko berdintasuna sustatzeko funtsezko betebeharra daukagu. CMREk tokiko eta eskualdeetako agintariei generoen arteko berdintasunarekin jendaurrean konpromisoa hartzeko aukera eskaini die, 2006an aurkeztutako Tokiko bizitzan emakume eta gizonen arteko berdintasunerako Europako Gutuna izenpetzearen bidez. Gutun honetan gizon eta emakumeen arteko berdintasunerako funtsezko printzipio eta balioak azaltzeaz gain, gaiaren konplexutasuna islatzen du. Horretarako, adibideak eskaintzen ditu tokiko eta eskualdeetako agintarien eskumenen barruan berdintasuna sustatzeko. 29 herrialdetako tokiko eta eskualdeetako ia 1.400 agintarik izenpetu dute Gutuna. Lanaren jarraipena egiteko, CMREk Gutunaren ezarpena zaintzeko behatokia sortu du. Tokiko eta eskualdeetako agintariek berdintasunaren alorreko esperientziak elkar trukatzeko plataforma bat bultzatzea funtsezkoa da, arlo honetako ekimenari eutsi ahal izateko. Europako Batasunak garapen adimentsu, iraunkor eta abegikorrari buruz dituen helburuak lortzeko, ezinbestekoa da generoen arteko berdintasunari lotutako gaiei lehentasuna ematea, eskubideen berdintasuna aitortzearen alde borrokatzea eta herritar guztiak Europako etorkizunaren eraikuntzan inplikatzera bideratutako ahaleginak handitzea. Etorkizuneko Europako Parlamentua arlo honetako iraunkortasunaren aldeko ekimenak sustatzera gonbidatu nahi dugu, esate baterako, genero alorreko gaiak txertatuta. Gainera, tokiko zein eskualdeetako agintariei berdintasuna lortzen laguntzea eskatu nahi diegu, generoagatiko bazterketaren kontra borrokatzera zuzendutako lege arloko erantzunak. “Etorkizuneko Europako Parlamentua gonbidatu nahi dugu tokiko eta eskualdeetako agintariei laguntzera, generoagatiko bazterketaren kontra borrokatzera zuzendutako lege arloko erantzunak sustatuta.”

7. Aniztasunaren eta integrazioaren Europa

Etorkinen integrazioa batik bat tokiko eremuan ekin zaion erronka da, hau da, herrietan eta hirietan. Gobernu-esfera desberdinen koordinazio egokia ezinbestekoa da atzerritarrak behar den bezala integratu edo gizarteratzeko; hala ere, tokiko agintariek sarritan ez dute baliabiderik. Europako Legebiltzarraren etorkizuneko parlamentariei dei egiten diegu tokiko eta eskualdeetako agintariekin lankidetza estuan jardutera, honako gai honi ikuspegi orokorraz aurre egitera zuzendutako politika egokiak ezarri ditzaten. Europako Batasunaren herritartasunak babestutako komunitate batzuk erasoak pairatu dituzte eta ibiltzeko askatasuna itunetan jasotako oinarrizko eskubidea den arren, zalantzan jarri dute. Hala, ikuspegi berria eduki behar dugu ijito-komunitatearen integrazioari egokiro ekiteko, Europako Batasunaren neurriko programan abian jarrita. Sarritan, agintariek ez dute behar besteko baliabiderik integrazioa orokorrean kudeatzeko, eta Europako Batasunekoak ez diren herrialdeetatik etorritako pertsonak haien eskubideak errespetatuak ez diren atxilotze-zentroetan espetxeratu edo erbesteratzen dituzte edo jatorrizkoa ez den beste herrialde batzuetan harrapatuta geratzen dira, bizimodu hobea lortzeagatik soilik. Beraz, Europako Legebiltzarraren etorkizuneko parlamentariei dei hau luzatu nahi diegu: krisialdi ekonomikoaren erruz azken urteetan herrialde ugaritan sortu diren ikuspegi populista eta xenofoboen kontra borrokatu dezaten. Europako Legebiltzarraren etorkizuneko kideei herrialde askotan azken urteotan sortu diren ikuspegi populista eta xenofoboen aurka borrokatu dezaten.

8. Itunen Europa Gero eta argiago dago Europak aurre egin beharreko krisia finantzen, ekonomiaren eta gizartearen arloei ez ezik, bere oinarrizko balioei dagokiela. Europako proiektuari buruzko herritarren konbentzimendua ahuldu da; jendeak ez du erakunde demokratikoetan gehiago sinesten eta gobernu-maila guztietan demokrazia ordezkatzailean izandako konfiantza txikitu da. Europako herritarrak interes nazional egoisten aurkako guda galtzen ari dira. Europako Batasuna kontinentean mende luzeetan izandako gerrei amaiera emateko sortu zen baina, orain, nazionalismo politikoaren eta protekzionismo ekonomikoaren berpizkundearen biktima bilakatzeko arriskua dauka. Krisia Europako Batasunaren oreka instituzionala zaharkituta utzi du; orain aurrera egin nahi badu, bere itunak berriro osatu behar dira. Europa batua eduki nahi duten tokiko eta eskualdeetako administrazioek etorkizuneko Europako Legebiltzarraren kideei dei egiten diete oinarritik abiarazitako estrategia gorakorra ezarri dezaten, Europako Batasunaren integrazio eta zilegitasun demokratikoa sustatu ditzaten, EBko sortzaileetariko bat den Altiero Spinellik adierazi zuen bezala eta Spinelli Taldeak Parlamentuan garatutakoaren arabera. Etorkizuneko Europako Legebiltzarra Europako Batasunaren Oinarrizko Legea idazteko Konbentzioa bati ekitera gonbidatu nahi dugu. Lege horren bitartez, herri-erakundeen arteko oreka berria ezarri behar izango litzateke, betiere europar herritarren ordezkaritza handiagoan oinarrituta eta Estatu kideek errespetatuta. Lege berria Europa Batzordearen benetako ahalmen eta eskumenetan, gobernu-maila guztien arteko lankidetzan eta Europako herrien arteko batasun handiagoa gogoko duten Estatu kideen arteko integrazio ekonomiko, fiskal eta politiko handiagoan oinarritu behar izango litzateke.

Integrazio eta zilegitasun demokratiko handiagoa babestea Europako Batasunean eta Europako Batasunaren Oinarrizko Legearen Konbentzio bat egiten hastea.

9. Handitutako Europa 2004an eta 2007an Europako Batasuna bosgarren aldiz handitu ondoren, hainbat herrialdek EBren kide izateko interesa azaldu zuten. Kroazia 2013ko uztailaren 1ean kidetu zen; Serbia, Mazedoniako Jugoslaviako Aurreko Errepublika eta Montenegro hautagai ofizialak dira, Turkia bezalakoxeak. Egon daitezkeen beste hautagai batzuk Albania, Bosnia- Herzegovina eta Kosovo dira (Nazio Batuen Segurtasun Kontseiluaren 1244. Ebazpenaren arabera). Islandia oraindik hautagaia da, negoziazioak oraingoz etenda dauden arren. Herrialde hauetako herritarrek kontinentea batzearen aldeko iritzia etengabe adierazten dute, egonkortasun handiagoa eta oparotasun iraunkorra eskainiko lituzkeela uste dutelako. Haiek eskaini diezaiokete Europako proiektuari orain gutxien daukana: Europa batuaren eta integrazio handiagoaren aldeko fedea. Atxikitzeko prozesua, batik bat, Europako Batasunaren sistema juridiko nazionalen harmonizazioa eta atxikitzeko baldintzen negoziazioa tokiko eta eskualdetako administrazioentzat interesekoak diren arloz arloko hainbat gaiz osatuta dago. Hauek Europako Batasunaren legeriaren zati handia gauzatu behar dute, batik bat, hurrengo alorretan: erosketa publikoa, eskualdeen garapena, garraioa, ingurumena, energia, hezkuntza, gizarte-politika eta enplegua. Tokiko eta eskualdeetako administrazioek zeregin aktibo eta onartua eduki nahi dute Europako mailako anitzeko gobernatzeko eraren sisteman; hala ere, erreforma integralei ekin eta Europako Batasunari atxikitzeko prestatu behar dute. Atxiki baino lehen, herrialde hautagaien zaintzari atentzio handiagoa eskaintzeak ondorengo integrazioa lagunduko luke; bestalde, estatu-mailaren azpiko gobernuen finkapenak eta herrialde hautagaien deszentralizazio handiagoak Europako Batasunaren etorkizuneko kideen funtsezko egonkortasuna sustatuko luke, gizarte, politika eta ekonomiaren alorretan. Europako Legebiltzarrari dei egiten diegu Europako Batasunaren hedapena sustatzen jarraitzeko eta atxikitzeko prozesuan gobernantza-maila guztien inplikazio sakonagoa sustatzeko, baita tokiko eta eskualdeetako administrazioena ere. Atxikimendurako prest egoteak eta negoziatzeko prozesuan inplikatzea aparteko aukera osatzen dute etorkizuneko Europa egonkor eta kohesionatua eraikitzeko, bere erroak tokiko gobernu demokratikoan murgilduta.

Hedapena sustatzea Europar Batasunaren zabalkundea bultzatzea, eta negoziazio-prozesuan udalerri eta eskualdeetako agintaritza guztien inplikazio handiagoa sustatzea.

© C

onse

jo d

e M

unic

ipio

s y

Regi

ones

de

Euro

pa (C

MRE

)

10. Elkartasunaren eta nazioarteko lankidetzaren Europa

Europako herritarrek gero eta zabalagoa den nazioarteko komunitatea osatzen dute. Horretan, bake, segurtasun, askatasun, justizia eta elkartasunaren balioak oraindik ez dira gauzatu. Urte askotan, tokiko eta eskualdeetako administrazioek eta elkarteek nahiz sareek ideia hauen zabalkundean lagundu dute. Garapenaren eta lankidetzaren arloan lan egiten duten tokiko eta eskualdeetako agintarien ahotsa den PLATFORMAren presioari esker, beraiek buru izan dituen garapenerako lankidetzaren balioa indartu zen 2013an kidetutako herrialdeetako tokiko agintariak gaitzeari buruzko komunikazio bat argitaratuta eta lankidetza deszentralizatuari buruzko Europako Parlamentuaren txosten berria onartuta. Hurrengo bost urteetan, komunikazioaren eta txostenaren ondorioak zein gomendioak behar den bezala ezartzea izango da ardatza. Etorkizuneko Europako Parlamentuak aliatua izaten jarraitzea espero dugu, tokiko eta eskualdeetako Ipar eta Hegoaldeko administrazioek modu efikazagoan mundu ziurragoa, abegikorragoa, baketsuagoa eta oparoagoa sortzen lagundu dezaten. Zehatz-mehatz, 2015ean nazioarteko elkartasunean eta garapenerako lankidetzan inflexio-puntua ezarriko da; urte horretan munduko esparru berria onartuko da, izan ere, horretan oinarrituko dira pobrezia ezabatzeko eta garapen iraunkorra sustatzeko etorkizuneko estrategiak. Herriak, hiriak, probintziak eta eskualdeak 2030. urterako guztiontzako bizimodu duinaren muina dira, batik bat, eskainitako oinarrizko zerbitzuen bidez. Ondorioz, zure iritzia kontuan hartu behar izango da esparru hori onartzeari dagokionez. Arrazoi beragatik, programa eraldatzailea onartzea nahi dugu, garapenerako laguntzaren eta asistentziaren ohiko kontzeptua gainditzeko eta helburu zein tresna integralagoak sartzeko. Europako tokiko eta eskualdeetako administrazioek dagoeneko hartu dituzte garapen abegikor eta iraunkorrago batera zuzendutako ikuspegi integratuak. Europako Parlamentuari dei egiten diogu mundu-mailako ikuspegi integratu horiek laguntzen eta sustatzen jarraitu dezaten, batik bat Hegoalde Globalari lotutako lankidetzaren alorrean.

Ikuspegi integratu eta globalak sustatzea, batik bat, Hegoalde Globalean kidetu direnekin lankidetzan, guztion herrixka global ziur, abegikor, baketsu eta oparoagoa sustatzeari begira.

www.ccre.org

© Can Stock Photo Inc. / Kudryashka

Argitalpen honek egilearen iritziak baino ez ditu biltzen. Europako Batzordeak ez du bere gain hartzen beste inork bere edukiaz egin dezakeen erabil

Manifestua zure hizkuntzan

Manifiestua alemanez, gaztelaniaz, frantsesez, ingelesez, italieraz eta polonieraz kontsultatu daiteke

hurrengo helbidean:

www.ccre.org

(Library / Policy positions erlaitzean) Europa Herritarrekin

Europa herritarrekin programaren laguntza ekonomikoaz