ИЗВЕШТАЈ

Дата: 30-10-2015

До: Гордана Угриновска, одделенски раководител на Vб одд.

Изработил: Дејан Богојовски, Vб одд.

Предмет на извештај: Посета на Музејот во Битола и археолошкиот локалитет Хераклеја.

Посетата започна во девет часот. Најпрво бевме во Музејот во Битола. Таму имаше водич кој ни објаснуваше за сите експонати што ги видовме. Ја видовме собата каде што ги тренирале офицерите во периодот на Османлиското владеење. Во тоа време музејот бил офицерско училиште. Таму беа сместени различни видови грниња од античко време. Видовме макета на изгорено село, различни монети, столбови од Хераклеја, стрели, револвери, антички накит, Кратки и долги манлихери, сабји и Црешовото топче. Во другиот дел видовме: машки и женски народни носии, камерата на браќа Манаки, библија нож и пиштол со кој комитите полагале заклетва да се борат за ослободување на Македонија од Османлиите, митралези од двете светски војни, разни видови бомби и оружја и глаголицата испишана на камен. Влеговме во собата на Мустафа Кемал Ататурк, основоположникот на модерната турска држава. Во неа имаше: статуа од Ататурк неговата офицерска униформа и костум.

Најголем впечаток ми остави собата на Ататурк.

Во Хераклеја исто така имаше водич. Ние ја видовме собата на правдата, бањата, црквата и театарот. Ние научивме дека Битола ја викале Манастир. Така ја викале бидејќи таа имала многу цркви, дека старите градби ги оставале срушени и природата ги покривала. По извесно време над нив граделе нови градби. Хераклеја била разрушена од земјотрес. Затоа во неа изумреле сите жители.

Најголем впечаток ми остави театарот.