Хөдөлмөрийн судалгааны институтын

Захирлын 2014 оны ... сарын .... өдрийн

..... дугаар тушаалын нэгдүгээр хавсралт

БОДЛОГО, АРГА ЗҮЙН ЗӨВЛӨЛИЙН АЖИЛЛАХ ЖУРАМ

Нэг. Нийтлэг үндэслэл

1.1 Арга зүйн зөвлөл /цаашид зөвлөл гэнэ/-ийн үндсэн зорилго нь “Хөдөлмөрийн

тухай хууль”, “Хөдөлмөр эрхлэлтийг дэмжих тухай хууль” , холбогдох бусад хууль

тогтоомж , олон улсын нийтлэг зарчим, аргачлалыг мөрдлөг болгон судалгаа,

шинжилгээний болон сургалтын ажлын хэрэгцээг тодорхойлох, арга зүй, мэдээлэл

цуглуулах арга хэлбэр, агуулга, мэдээлэл боловсруулалт, хяналтын системийг

боловсронгуй болгох, бодлогын хувилбаруудыг боловсруулах, судалгааны арга зүйг

олон улсын нийтлэг аргачлалд нийцүүлэхэд баримтлах бодлого, чиглэлийн талаар

шинжлэх ухааны үндэслэлтэй, бодит амьдралд нийцсэн мэргэжлийн дүгнэлт гаргахад

оршино.

1.2 Зөвлөл нь дарга, гишүүдээс бүрдэх ба нийт 9 хүний бүрэлдэхүүнтэй байна.

Зөвлөлийн нарийн бичгийн даргыг захирал томилно

1.3 Зөвлөлийн бүрэлдэхүүнд захиргааны албаны дарга, секторын эрхлэгч нар

болон

эрдэм шинжилгээний ажилтны төлөөллийг оруулсан байна.

1.4 Зөвлөлийг захирлын зөвлөлийн шийдвэрийг үндэслэн аль нэг секторын

эрхлэгч

даргалах ба дарга, гишүүдийг захирлын тушаалаар баталгаажуулна.

1.5 Зөвлөлийн хурлаар асуудлыг шинжлэх ухааны үндэслэлтэй байх зарчим,

мөрдөгдөж буй арга зүйд тулгуурлан нээлттэй хэлэлцэж, хуралдаанд оролцсон

гишүүдийн дийлэнхи, олонхийн саналаар шийдвэрлэнэ.

1.6 Зөвлөлийн хуралдаанаас шийдвэр гарах ба тус шийдвэр нь хуралдааны

тэмдэглэл байна.

Хоёр. Зөвлөлийн гишүүдэд тавигдах нийтлэг шаардлага

2.1 Эдийн засаг, статистик. социологи, математик загварчлал, хуулийн

мэргэжилтэй,

магистраас /магистрант/ доошгүй зэрэгтэй байна.

2.2 Судалгаа шинжилгээ сургалтын арга, арга зүй болон нийгэм эдийн засгийн

онолын

өндөр мэдлэгтэй байх.

2.3 Судалгаа, шинжилгээ, сургалтын ажлын туршлагатай, хамтын болон бие даан

гүйцэтгэсэн, гүйцэтгэж байгаа эрдэм шинжилгээний бүтээлтэй байх

2.4 Эрдэм шинжилгээний болон сургалтын байгууллага, их дээд сургууль,

судалгааны

байгууллагад ажилласан туршлагатай байх.

Гурав. Зөвлөлийн хүлээх үүрэг

3.1 Зөвлөл нь Хөдөлмөрийн судалгааны институтээс хийх судалгаа шинжилгээний

ажил, сургалтын хэрэгцээ, шаардлага, зарцуулах төсвийн тооцоо, аргачлал, арга зүй,

сургалтын хөтөлбөр модулийг тодорхойлох, судалгааны ажлын тайланд санал

зөвлөмж өгөх, судалгааны үр дүнд бодит дүгнэлт гаргах, бодлогын хувилбарууд

боловсруулах үүрэг хүлээнэ.

3.2 Судалгаа, шинжилгээний ажил болон сургалтын хэрэгцээ, шаардлага, төсвийн

тооцоог тодорхойлохдоо холбогдох секторуудаас урьдчилан санал, тайлбарыг авч

үндэслэл болгосон байна.

3.3 Зөвлөлийн дарга, нарийн бичгийн дарга гишүүд нь зөвлөлийн хуралд идэвх

санаачлагатай, санал дүгнэлт гаргаж, өөрийн биеэр заавал оролцоно.

3.4 Хурлыг зөвлөлийн дарга удирдана.

3.5 Зөвлөлийн дарга нь гишүүдийн гаргасан санал, дүгнэлтэд үндэслэн тухайн

асуудал тус бүрээр хэлэлцэх эсэх, хойшлуулах, зөвлөмж болгон хэрэгжүүлэх,захирлын

зөвлөлд хэлэлцүүлэх зэргийг эцэслэн шийдвэрлэнэ.

3.6 Зөвлөлийн нарийн бичгийн дарга нь хэлэлцэх асуудлын төлөвлөгөө,

танилцуулга,

гарах шийдвэр зэрэг баримт бичгийн боловсруулалтын чанар иж бүрдэлд хяналт

тавьж, зөвлөлийн даргын шийдвэрийн дагуу хурлын товыг тогтоон, хэлэлцэх асуудлаар

бусад байгууллагаас оролцох ажилтан, албан тушаалтнуудад зар хүргэж хурлын

бэлтгэлийг бүрэн хангах үүрэгтэй.

3.7 Зөвлөлийн гишүүдэд хэлэлцэх асуудлыг хурлаас ажлын 3-аас доошгүй ажлын

өдрийн өмнө албан ёсоор хүргүүлэх ба зөвлөлийн гишүүн алба, секторуудаас ирүүлсэн

хэлэлцэх асуудалтай нэг бүрчлэн танилцаж саналаа ажлын 2 өдөрт багтаан урьдчилан

өгсөн байна.

3.8 Зөвлөлийн хурлаар хэлэлцүүлэх асуудлыг тухайн алба нэгжийн хурлаар

хэлэлцэж

холбогдох санал, бусад материалыг хавсаргасан байна. Материалын иж бүрдэлд

нарийн бичгийн дарга хяналт тавина.

3.9 Зөвлөлийн үйл ажиллагаатай холбоотой бичиг баримтыг нарийн бичгийн дарга

хариуцан иж бүрдлийг ханган архивт хүлээлгэн өгнө.

Дөрөв. Хурлын дэг

4.1 Зөвлөлийн хурлыг Зөвлөлийн дарга шаардлагатай үед захирал зарлан

хуралдуулна.

4.2 Яам, агентлаг бусад байгууллагатай хамтран боловсруулан хэлэлцүүлж буй

асуудлыг шийдвэрлэхэд тухайн байгууллагын эрх бүхий төлөөллийг зайлшгүй

байлцуулна.

4.3 Зөвлөлийн хурлаас гарах санал дүгнэлт, шийдвэр нь хурлын тэмдэглэл байна

4.4 Тэмдэглэлд зөвлөлийн дарга, нарийн бичгийн дарга гарын үсэг зурж

баталгаажуулна.

4.5 Хурлын тэмдэглэлд хурал зохион байгуулсан байр, эхэлсэн дууссан хугацаа,

оролцсон гишүүд, асуулт хариулт асуудал тус бүрээр, гаргасан санал шүүмж, гарах

шийдвэрийн төсөлд өгсөн санал зэргийг тусгасан байна.

Тав. Зөвлөлийн гишүүний урамшуулал

5.1 Зөвлөлийн гишүүд болон дарга, нарийн бичгийн даргын зөвлөлийн үйл

ажиллагаанд оролцсон байдлыг харгалзан сар бүр урамшуулал олгоно. Зөвлөлийн үйл

ажиллагааны зардал, урамшууллын хэмжээг захирлын зөвлөлөөр хэлэлцэж,

Хөдөлмөрийн судалгааны институтын захирлын тушаалаар тогтооно.

5.2 Зөвлөлийн үйл ажиллагаанд идэвх санаачлагатай оролцож, оновчтой санал,

санаачлага гаргасан, дүгнэлт гарган оролцсон гишүүдийг хагас, бүтэн жилийн шагнал

урамшуулалд тодорхойлох, зөвлөлд гүйцэтгэсэн ажлын үр дүнг улирлын цалингийн

урамшуулал олгоход харгалзан үзэх зэргээр урамшуулна..

5.3 Зөвлөлийн гишүүдийн урамшуулалд шаардагдах хөрөнгийг Хөдөлмөр

эрхлэлтийг дэмжих сангийн төсөвт тусган хэрэгжүүлнэ.

Зургаа. Хариуцлага

6.1 Зөвлөлийн хурлыг шалтгаангүйгээр тасалсан, энэхүү журмаар хүлээсэн үүргээ

биелүүлээгүй, байгууллагын дотоод журам зөрчсөн дарга, нарийн бичгийн дарга,

гишүүдэд байгууллагын дотоод журам болон холбогдох хууль тогтоомжийн дагуу

хариуцлага тооцно.

-----------------000----------------