УЛС ТӨР, ОЮУН САНААНЫ ШИНЭ ХАНДЛАГА

Улс төрийн тогтолцоонд гарсан өөрчлөлт

1990 он III сарын 13 нд АИХ- ын 11 дэх удаагийн VIII чуулганаар “МАХН- ыг төр, нийгмийг удирдан чиглүүлэгч хүч “ гэдэг заалтыг хүчингүй болгов.

Мөн онд хуралдсан АИХ-ын IX чуулган Үндсэн хуулийн нэмэлтийн хуулийг батлав.

Энэ хуулиар АИХ –аас гадна Улсын бага хурал болон Ерөнхийлөгчийн институтыг бий болгов.

Мөн “Улс төрийн намуудын тухай хууль” батлан гаргав.

Олон намын систем тогтов.

1990 оны VII сард олон намын тогтолцооны үндсэн дээр ардчилсан сонгууль явагдав.

1992 онд Монгол улсын шинэ үндсэн хуулийг батлав.

Уг Үндсэн хуулиар Монгол улс төрийн байгууламжийн хувьд нэгдмэл, төрийн хэлбэрийн хувьд парламентийн БНУ байхаар заав.

Хүмүүнлэг иргэний ардчилсан нийгмийг байгуулах зорилтыг тунхаглав.

Монгол улсын их хурал нь 4 жилийн хугацаагаар сонгогддог агаад хууль санаачилах, тогтоох, хэрэгжилтэд нь хяналт тавих үндсэн үүрэгтэй.

Монгол улсын төрийн тэргүүн нь Ерөнхийлөгч агаад монголын ард түмний эв нэгдлийг илэрхийлэгч байж, улсаа гадаад дотоодод төлөөлнө.

Гүйцэтгэх эрх мэдэл засгийн газарт байх ба засгийн газар нь танхимын зохион байгуулалтаар ажиллана.

Үндсэн хуулийн дээд хяналт бий болгож, үндсэн хуулийн цэцийг бий болгов.

Шүүх эрх мэдлийг шүүхийн байгууллагад олгожээ.

Улс төрийн салбарт нь нам төвтэй улс төрийн системээс төр төвтэй тогтолцоонд шилжив.

Овун санааны хүрээнд гарсан өөрчлөлт Үзэл суртлын

Монизмаас плюрализмд шилжсэн.

Боловсролын салбарт улсын монополь эрхийг задалж либеральчлах үйл ажиллагаа явагдаж эхлэв.

Суурь боловсролыг үнэ төлбөргүй олгож эхлэв.

Их, дээд сургуулиуд баклавр, магистр, докторын шаталсан сургалт явуулж эхлэв.

180 гаруй улсын ба хувийн их дээд сургуулиуд бий болов.

Дунд сургуулиуд сургалтын агуулга, арга зүй, технологийн шинэчлэл хийж эхлэв.

Шинжлэх ухааны байгууллагууд төслөөр санхүүжих зарчимд шилжив.

1990 оны хонхны баяр

Соёл урлаг, утга зохиолын салбар үзэл суртлын дарамтаас ангижирч, уран бүтээлчид чөлөөтэй сэтгэх, туурвих боломжтой болов.

Хэвлэл, мэдээллийн чөлөөт тогтолцоо бий болов.

Нийгмийн болон эрүүл мэндийн даатгалын шинэ систем бүрэлдэн тогтов.

Хүн амын эрүүл мэндийг хамгаалах шинэ тогтолцоо бий болов.