Post on 21-Mar-2018
Kaundan
Editoryal: Sukton si Duterte sa iya wala gintuman nga mga promisa . . . . . . . . . . . . . . p.1
Maasin Police Station, ginreyd sang NPA . . . . p.3
4 armas nakumpiska sa agalon mayduta sa Capiz. . . . . . . . . . . . . . . . . . . . . . . .p.5
Engkwentro sa CAFGU sa Leon, Kahimuan sang 61st IB . . . . . . . . . . . . . . . . . . . . . . . . . . . . p.5
Pagpasibangud sa NPA nga protektor ni Prevendido, isa ka daku nga kabutigan . . . . .p.6
Masobra100 ka mangunguma, nagbenepisyo saBungkalan. . . . . . . . . . . . . . . . p.6
Duha ka adlaw nga transport strike sa Panay kag Guimaras, Madinalag-on . . . . . . . . . . . . . . .p.9
Problema sa serbisyo sa edukasyon . . . . . . . . .p.9
Protesta sa Adlaw sg Paltik nga kahilwayan . . .p.10
Alipalok . . . . . . . . . . . . . . . . . . . . . . . . . . . . . . . p.10 Medikal . . . . . . . . . . . . . . . . . . . . . . . . . . . . . . . p.11
Binalaybay, Caduy . . . . . . . . . . . . . . . . . . . . . . p.12
Tuig 40, Numero 6 Hiligaynon nga Edisyon Hunyo 2017
Editoryal
Sukton si Duterte sa iya wala gintuman
nga mga promisa
ini nga Hunyo 30, nagsukat na sa isa ka tuig ang
rehimeng Duterte. Sa isa ka tuig nga pagpungko
sa poder, padayon nga nagadominar sa sulod
sang iya gubyerno ang mga pwersa sang imperya-
lismong US kag dalagku nga kapitalista kag mga
asyendero. Makita nga ang mayor sini nga mga
polisiya sosyo-ekonomiko, pangsiguridad, kag
relasyon pangluwas pagpadayon gihapon sang daan
nga mga polisiya nga labi nga nagapalubha subong
sang krisis.
Napaslawan si Duterte nga patup-on ang iya
ginkalamayan nga mga pangako nga ipatuman ang
mga pagbag-o para sa mga pumuluyo. Sa tunga sang
nagalubha subong nga krisis, ginbunalan pa gid gani
sini sang kamot nga salsalon kag pasismo ang masa. Gindeklarar ang layi militar sa Mindanao nga
nagtarget indi lang sang grupong Maute kundi pati
sang NPA kag iban nga rebolusyonaryong pwersa.
Antes pa man, gindeklarar sang rehimeng Duterte ang
paglunsar sang “all-out war” sa bug-os nga pungsod
batuk sa rebolusyonaryong pwersa. May katalagman
pa nga ang layi militar ipatuman man sa bug-os nga
pungsod, ilabi na kon mag-igting ang armado kag indi
armado nga pagbato sang mga pumuluyo.
Ginahimo ini sang rehimen agud makapa-
dayon sa paghari kag serbihan ang interes sang mga
kapitalista kag asyendero kag dalagku nga dumu-
luong-kapitalista. Gani, dapat manabat gid si Duterte
sa nagapanukot nga pumuluyo sa iya pagpangindi sa
pagpatuman sang ila sandigan nga demanda para sa
basehan nga mga reporma pulitikal kag sosyo-
ekonomiko.
Sa pihak sang kuno maki-“wala” kag pagka-
“sosyalista” nga presidente, wala ini sang seryuso nga
polisiya sa pangpulitika kag sosyo-ekonomiko nga
mga reporma.
S
2 Daba-Daba, Hunyo 2017
Ini nga kahimtangan ginasalaming man sa
Panay. Maiwat ang palamugnan, wala gintapos ang
kontraktwalisasyon. Manubo ang suhol kag wala sang
kasiguruhan sa pagtrabaho ang mga mamumugon.
Ang mga drayber-opereytor ginapatay sa polisiya nga
jeepney phase-out pabor sa dalagku nga kapitalista.
Padayon ang pagpang-agaw sang kadutaan,
dislokasyon sang pumuluyo, kag padihut nga land-use
conversion bisan sa mga kadutaan nga nasakup sang
Certificate of Land Ownership Award (CLOA) agud
mapaboran ang mga kapitalista sa real estate kag mga
malls. Ginaduso naman ang pagmina kag ginbasura
ang nauna nga polisiya sa moratorium sa pagmina sa
Capiz.
Wala untat ang pagtaas sa presyo sang balak-
lon. Nagaluntad ang maanomalya nga pagdaku sang
balayran sa kuryente kag tubig. Kulang ang barato kag
may kalidad nga serbisyo sosyal sa ikaayong lawas
kag hospitalisasyon. Madamo sang mga istudyante
kag ginikanan nila ang ginapabug-atan sang mataas
nga balayran sa iskwelahan. Ang malain pa gid kay
ginapatuman ni Duterte ang pagpataas sang buhis nga
matam-an ang mga imol. Padayon sini nga ginalubong
sa dumuluong nga kautangan ang pungsod.
Ginpwesto ni Duterte sa yabi nga pusisyon sa
gubyerno ang halos 60 ka anay mga heneral kag
upisyal sang militar kag kapulisan. Ginasaligan niya
ang armado nga pwersa sang estado agud makapabilin
sa poder.
Ginlunsar niya ang kontra-druga nga kam-
panya sa Oplan Tokhang kag Oplan Double Barrel
Reloaded nga nagsakam sang linibo-libo ka mga imol.
Luwas sa pila ka pakitang-tao nga operasyon, wala
natandog ukon nadakup ang iban nga mga dalagku
nga druglord pareho kay Previndido sa Panay kag
iban nga kakunsabo niya nga ara sa militar kag
kapulisan mismo.
Ang kampanya kontra-druga, pagdeklarar sang
all-out war santu sa Oplan Kapayapaan, kag pagpa-
tuman sang layi militar sa Mindanao-- nagresulta
sang malaparan nga pagpangwasak kabuhian kag
propyedad kag pagkadula sang madamo nga kabuhi
sang inosente nga mga sibilyan. Malaparan ang pag-
lapas sa tawhanon nga kinamatarung kadungan sa
pagpasagsag sini sa manugpatay nga gawi sang mili-
tar, PNP kag pagtolerar sa mga armado nga goons sa
mga agalon nga mayduta.
Ang 3rd
ID kag tinawo sini sa 82nd
IB, kag
61stIB, kumpanya sang DRCs, mga paramilitar kag
PNP ang wala nag-untat sa pag-operasyon bisan pa
sadtong panahon sang ila ceasefire, asta nga gin-
mandu sang rehimeng Duterte ang all-out war.
Ginpatuman sang 61stIB ang indi deklarado nga layi
militar sa kabukiran kapin sa Brgy. Cabatangan, Lam-
bunao nga nagpa-ebakwet sa madamo nga mangu-
nguma kag Tumanduk.
Duhaka mangunguma ang pinatay sang 61stIB
sa Jebaca, Maayon, Capiz. May napatay man kag apat
ang pilason sa mga mangunguma nga nagakampuhan
sa Tan Estate sa Lutod-Lutod, Capiz nga ginpang-
luthang sang mga tinawo sang administrador samtang
ginalungay lang ini sang isa ka maniyuber platoon
sang PNP nga malapit sa lugar kag wala sang
ginhimo.
Wala untat ang pagpaniktik kag surbaylans sa
mga lideres kag aktibidad sang progresibo mga orga-
nisasyon. Patarasak nga ginpasakaan man sang kaso
ang inosente nga sibilyan nga ginasuspetsahan
nagreyd sa Maasin Police Station.
Lapnagon ang maitom nga propaganda sang
AFP kag PNP kontra sa NPA kag ginapahog ang
Panayanon sang terorismo kag kuno mga ISIS nga
nakaabot sa isla. Pero ini ginahimo para rasonan ang
ila pangpakugmat nga operasyon militar dala ang mga
armored personnel carrier (APC), pagpang-tsekpoynt
sa mga dalanon kag iban pa nga huol sa pumuluyo.
Masinulundon si Duterte sa kagustuhan sang
imperyalismong US kag nagapailu-ilu sa China kag
Russia. Ang all-out war sa Oplan Kapayapaan agud
“tapanon ang bukid” sa mga pagpangbomba kag
imposisyon sang layi militar sa Mindanao, nagasunod
sa polisiya sang US sa kontra-insurhensya. Gindekla-
rar ni Duterte ang kuno independyente nga polisiya
pangluwas paagi sa kontra-US nga pinamulong . Pero
pakita-kita lang niya ini agud makapalapit sa China
kag Russia sa pagpangutang kag pagpangayo sang
ayuda militar.
Tuso nga ginagamit sang rehimeng Duterte
ang peacetalks sa NDFP para pasurenderon ang rebo-
lusyonaryong pwersa. Ginapamilit sini ang pagpirma
sang NDFP sa walay-kutod nga bilatateral ceasefire
samtang nagapabugtoy sa pagsugot sa Comprehensive
Agreement on Socio-Economic Reforms (CASER).
Indi ini seryuso nga ugaton kag lubaron ang kaimulon
kag ang rason sang armado nga pagbato ang pumu-
luyo sa pungsod.
Sa tunga sining nagalubha pa gid nga krisis,
wala sang pilian ang mga pumuluyo kundi ang
3 Daba-Daba, Hunyo 2017
paglunsar sang mas mabaskog nga paghimakas sa ila
indi armado nga kahublagang masa kag sa armado nga
pagbato. Wala sila sang masaligan pa kundi ang kau-
galingon nga kusog kag pagpaninguha sa pagpasulong
sang tunay nga interes sa pungsodnon nga demo-
krasya. Isulong nila ang ila kahublagan anti-imper-
yalista, antipyudal kag antipasista.
May naangkon na nga ganar ang mga pumu-
luyo sa nagligad nga isa ka tuig nila nga paghimakas.
Ini pareho sa pag-okupar sang mga mangunguma sa
kadutaan, pagpataas sang pension sa SSS, kag iban pa.
Pero ini sa kaugalingon nga pagpanikasog kag sa
suporta sang mga progresibo sa sulod kag gwa sang
gubyerno.
Padayon nga sukton nila ang rehimeng Duterte
sa mga ginpromisa sini nga wala gintuman kag iduso
nila ang gilayon nga mga demanda sa trabaho kag
pagtapos na sang kontraktwalisasyon, pagpataas sang
suhol, pagtapos sang pagpanglanggab sang kadutaan
kag pagbungkag na sang mga asyenda kag
pagpanagtag sini sa mga walay duta nga mga
mangunguma kag mamumugon sa uma.
Idemanda sang mga pumuluyo ang pagpadaku
sa subsidyo agud makapadugang sang mga pang-
publiko nga ospital, pangpubliko nga iskwelahan,
programa sa libre nga pabalay kag pagtapos na sang
komersyalisasyon sa edukasyon, serbisyo sa ikaayong
lawas kag iban nga mga serbisyo sosyal. Kadungan
sini, pamatukan nila ang kontra-imol nga padihut sang
pagpamuhis kag iban nga mga polisiya nga naga-
pabug-at sa mga imol.
Ang NPA sa Panay padayon nga magatubong
sa pagpasulong sang armadong paghimakas sa bug-os
nga pungsod. Atubangon sang NPA upod ang
malapad nga baseng masa ang all-out war kag
padayon nga paslawon ini. Padayunon sang NPA sa
isla ang pag-agaw sang inisyatiba kag maglunsar sang
taktikal nga opensiba sa bug-os nga masarangan. Ini
agud silutan ang mga masupog nga taglapas sa
tawhanon nga kinamatarung, pangapinan ang interes
sang mga pumuluyo kag ibanse ang inaway banwa sa
mas mataas nga halintang.
Ang wala gintuman nga promisa ni Duterte sa
tunga sang nagalala nga krisis subong sa katilingban
magaresulta sang malapnagon nga diskontento sa mga
pumuluyo nga magalupok sa indi magdugay. Indi
maka-eskapo ang rehimeng Duterte sa pagtaob sang
paghimakas sang pumuluyo para sa kahilwayan kag
demokrasya.#
Maasin Police Station, ginreyd sang NPA
agasalamo ang balatyagon sang mga
Pulang Hukbo nga nag-usoy sang
karsadahon padu-long sa ila target sa
taktikal opensiba sadtong nagapaudtong-adlaw sang
Hunyo 18, 2017.
Mala-bangkiling ang balhas indi pa bangud
sang kulba kundi sang tuman nga kagin-ot samtang
nagapatabon sa trapal sa tunga sang nagatagiti nga init
para surpresahon ang Maasin Municipal Police
Station. Makahalawat-hawat ang gina-imagine namon
nga mga eksena samtang 45 minutos nga ginabyahe
ang dalanon”. Ini ang panaysayon sang isa ka Pulang
hangaway.
Samtang nagalinggi-linggi ang Elf truck, gina-
pagkit sa tagsa namon ka pamensaron ang natalana
nga huray sa kabilugan nga misyon. Kag labaw sa
tanan ginpalig-on ang determinasyon sang mga
Pulang Kumander kag Pulang hangaway nga
mapasiguro ang sekreto, surpresa kag kadasig sa pag-
“N
4 Daba-Daba, Hunyo 2017
atake agud gilayon makontrol ang wala gid nagalaum
nga kaaway.
Makakulunyag ang ginahandum nga kadalag-
an-- ang makontrol ang target nga wala sang lupok
kag maagaw ang tanan nga armas kag kagamitan
militar!
Alas 10:50 sang aga, nagpundo ang Elf truck
sa atubang sang Maasin Police Station. Madasig ang
alas sang mga hitabu. Daw nagakinirab lang nga mga
sintas sang pelikula.
Pagkita sang nagapadulong nga salakyan kag
pagkuha sang mandu sa kumand, nagdiretso sa police
station ang isa ka team sang NPA nga armado sang
malip-ot nga armas. Nagpakuno-kuno sila nga magpa-
blotter para gilayon makontrol ang front desk. Orga-
nisado, sunod-sunod nga naglinumpat ang nagapa-
tabon nga mga Pulang Hukbo kag madasig nga nag-
maniobra sa mansig-sektor.
Nagsinundanay nga nag-assault ang isa pa ka
yunit sang NPA nga armado sang nanari-sari nga high
powered firearms. Maabtik nga nasulod sa unang
minuto pa lang ang barracks sang pulis, radio room,
kusina, tower kag kwarter sang chief of police.
Sa tres asta singko (3-5) minutos nga kala-
wigon nakontrol nga wala sang lupok ang istasyon
sang Maasin-PNP. Matapos gindeklarar nga kontrol
na nagsugod ang search and cleaning operation.
Madinalag-on nga nakumpiska ang mga armas kag
iban pa nga kagamitan militar.
Sa gwa sang police station, nagtilindog ka-
angay sang nag-istatwa ang nakibot nga mga pumu-
luyo nga nakasaksi sang madasig nga paghumlad sang
mga blocking forces sang NPA sa nagkalain-lain nga
bahin sang banwa. Naurungan kag daw indi makapati.
Laum sang iban kaparte pa ato sang exercises nga
ginahimo sang pulis.
Apang matapos nahimas-himasan sang kakibot
nangin maisog nga mga ususiro. Indi pa maghalin
bisan ginahambalan na nga magpalayo. Sila pa ang
nagahambal nga mahapa lang sila enkaso may linu-
pok. Matawhay man nga nakontrol ang sitwasyon sa
tanan nga bahin sang blocking area.
Naglanog ang paghugyaw sang kadalag-an sa
taktikal nga opensiba sa mismo dughan sang pob-
lasyon sang Maasin.“Mabuhay ang NPA, Mabuhay
ang Partido Komunista, Mabuhay ang Rebolusyon!”
Nagasigabong nga singgitan sang mga Pulang
Hukbo. Ginkabit ang bandera sang NPA, palatandaan
nga sa bisan sa amo ka taktikal nga panahon
madinalag-on nga na-over run ang istasyon sang
kaaway sa banwa sang Maasin.
Sa nakapunsok nga pumuluyo sa mismo
udtong adlaw, nakit-an sang mga kaupod ang ila mga
yuhom, palatandaan sang kalipay. May ara nga
nagapangilay dungan patago nga pagkuom sang
kamot palatandaan nga may balatyagon nga patago
naga naga-upod sa pagsaulog sang kadalag-an.
Matapos ang byente (20) minutos nga pagtenir
sa sentrong banwa sang Maasin, hilway nga nagbiya
ang NPA bitbit ang 15 tanan ka armas nga nagalakip
sang 11 ka armalayt kag 4 sa short arms, ginatus-gatos
ka mga bala, handheld radio, kag iban pa nga gamit
militar. Ginsulod man anay nila sa lock-up cell ang
mga naka-duty nga kapulisan. Gindala sa pag-atras
bilang gate-away car ang back to back patrol sang
nasambit nga police station.
Balon ang kadalag-an nga nagdulot sang daku
nga tampa sa kaaway kag panibag-o nga inagihan,
liwat nga gin-usoy ang karsadahon. Kag sa ini nga
panahon wala na sang nakatabon nga trapal. Padayon
nga naglanog ang singgitan sa paghugyaw sang
kadalag-an tubtub sa ginsang-an sang dalan diin
ginlamon sang talon ang mga Pulang Hukbo.
Naalimunaw nga daw aso nga bisan ang ginatos ka
kaaway nga may balon nga tangke-de- gyera kag iban
pa nga sopistikado nga kagamitan napaslawan sa
pagbawi sang kadalag-an.
Pagkalipas sang panahon, gikan sa pag-inakop
sang matag-as nga kabukiran kag madamol nga
katalunan, nagbutwa ang NPA sa malapad kag
madalom nga baseng masa sang rebolusyon. Mainit
nga panginbulahan ang ginsumalang sang masa sa ila
hangaway kag upod nga naghugyaw sang kadalag-an.
Hugot nga ginsuportahan kag ginpangapinan batuk sa
kaaway bangud lubos ang ila pagpati nga ang NPA
amo tunay nga hangaway sang masa! #
5 Daba-Daba, Hunyo 2017
Agalon mayduta,
gindis-armahan sang NPA,
4 armas nakumpiska
inreyd sang isa yunit sang NPA sa idalum
sang Nonito Aguirre Sr. Command sa
Nasidlangan Panay ang compound nanday
Aurelio Longno kag iya anak nga si Boyet sa Brgy.
Sibariwan, Dumarao, alas 5:30 sang masirom, Hunyo
6, 2017.
Nakumpiska sa mag-amay ang apat tanan ka
mga armas nga ginalakipan sang isa (1) ka 9mm, isa
(1) ka .22 caliber magnum, isa (1) ka .38 caliber
pistol, isa (1) ka homemade shotgun kag mga bala.
Suno sa pahayag ni Rojo Silangan, tagpamaba
sang Nonito Aguirre Sr., Command, tikang ini sang
NPA para tapnaon si Aurelio Longno sa iya mapi-
guson kag pamanghimulos
nga pagkontrol sa mga
mangunguma kag pag-
pang-agaw sang duta gamit
ang nasambit nga mga
armas.
Dugang pa sang
NPA, may impormasyon
sila nga ginahuptan ni
Longno ang mataas nga
kalibre sang armas sang isa
ka masupog nga katapo
sang sindikato nga
tumandok man sang Dumarao, Capiz.#
Engkwentro sa CAFGU
sa Lampaya, Leon, Iloilo
Kahimuan sang 61stIB/PA
abutigan sang 61st IB PA ang kuno eng-
kwentro sa tunga sang NPA kag mga CAFGU
sa Brgy Lampaya, Leon, Iloilo sadtong aga
sang Hunyo 20, 2017 duha ka adlaw lang matapos ang
madinalag-on nga reyd sang NPA sa Police Station
sang Maasin.
Sandig sa report sang mga yunit sang NPA nga
nagahulag sa erya sang Leon kag Alimodian, ang
bayluhanay sang luthang indi sa tunga sang NPA kag
CAFGU kundi sa tunga sang CAFGU kag tropa sang
61st IB PA nga kupog-kupog apang ginanerbyus man
nga naglagas sa yunit sang NPA nga nag-reyd sa
Maasin.
Klaro nga mis-encounter ini sa tunga sang
nagaoperasyon nga tropa sang 61st IB kag mga katapu
sang CAFGU sa Lampaya bangud sang kakulang sang
koordinasyon. Naghalin sa Brgy. Bucari, Leon ang 23
ka armi nga nagpanglaktod pakadto sa Lampaya antes
ang linupok. Ugaling bangud batasan na sang 61st IB
nga indi mag-ako sa publiko sang ila kapalpakan, gin-
paggwa na lang nga isa ini ka engkwentro sang
CAFGU kag NPA. Kag para lubos nga matago ang
pagkanerbyuso, gin-drama na gid sang maayo kag
linubid sang husto ang kamatuoran. Ginpagwa pa nga
modelo ang taga-Lampaya sa maisog nga pagbatu sa
NPA.
Sa pahayag ni Ka Julio Montana, tagpamaba
sang Coronacion Chiva “Waling-Waling”
Command sang NPA-Panay, nagasimpatiya sila
sa mga sibilyan nga tuman nga naapektuhan sang
kabuangan nga ini sang 61st IB. Madamo sang
mga residente ilabi na ang mga kababaihan kag
kabataan ang napilitan nga magbakwet bangud sa
sobra nga kahadlok. Wala sila naka-panyaga.
Napilitan nga untaton ang klase sa mga kabataan
sa mga katambi nga mga barangay kag bisan sa
bilog nga banwa sang Alimodian, Iloilo.
Gin-abisuhan man sang NPA ang mga
masa sa erya nga ginaatake sang 61st IB-3rd
ID
nga magbantay kag magpangapin sang kauga-
lingon. Masupog ang mga tropa nga ini sa pagpang-
luthang sa mga sibilyan. Ini pareho sa natabo kanday
Lorenzo Borres kag Ian Borres nga pinatay sang
61stIB sadtong Pebrero 24, 2017 sa Brgy Jebaca,
Maayon, Capiz.
Imbes silutan ang kriminal nga mga tropa,
ginpasibangdan pa ang mga biktima nga mga NPA sa
pihak sang panindugan ang mga kapamilya nila kag
mga upisyal sang barangay nga kabutigan ini. Ang
mas malain pa gid kay gin-promote pa sa mas mataas
nga pusisyon ang kumander sining berdugo nga
batalyon nga si Col. Leonardo Peña bilang pangaduha
nga kumander sang 301st Brigade, PA na nakabase sa
Dingle, Iloilo.
Ginapanawagan sang NPA-Panay sa malapad
nga pumuluyo nga pasabton ang 61st IB sa krimen nga
nahimo kag pabayron sang danyos sang natuga nga
kahalitan.#
G
K
6 Daba-Daba, Hunyo 2017
Pagpasibangud sa NPA nga protektor ni Prevendido,
isa ka daku nga kabutigan!
sa ka maitom nga propaganda batuk sa NPA kag
pagtabon sang ila kainutil sa pagsumpo sa iligal
nga druga. Ini ang sentro nga katuyuan sang
82nd
IB/PA, PNP-PRO-6 kag PDEA sa ila pagpalapnag
sang wala sang basehan nga istorya nga ang masupog
nga druglord nga si Richard Prevendido ginatago
kuno sang NPA.
Wala ini sang kinatuhay sa iban pa nga mga
kabutigan nga ginalibod sang AFP kag PNP para
takpan ang ila palpak na kampanyang kontra-druga,
nagalala mga kaso sang paglapas sa tawhanon nga
kinamatarung, kag pilit nga pagpatuman sang layi
militar sa iban pa nga bahin sang pungsod gamit ang
histerya nga “anti-terror” kag anti-Moro.
Gani sa pahayag sang Coronacion Chiva
“Waling-Waling” Command sang NPA-Panay, hugot
kag mabaskog nga ginakondenar sang NPA-Panay
ang ginpaggwa sa masmidya ni Police Director Tuzon
sang Iloilo Police Provincial Office (Iloilo PPO) nga
NPA kuno ang nagaprotehir sa bantug nga druglord
nga si Richard Prevendido, rason nga wala nila ini
gihapon nadakpan.
Malisyuso man si Vener Murga, Commanding
Officer sang 82nd IB PA nga magdeklarar nga
mahimo ara sa 1st District sang probinsya sang Iloilo
ang nasambit nga druglord.
NPA ang pinakamahapos nga dalat-ulan kag
balibad sa pagka-inutil kag kapalpakan nila nga
dakpon ang nasambit nga druglord nga mismo mga
mataas nga opisyal sang PNP ang protektor, kahimbon
ang armado nga grupo nga RPA-RBB.
Wala nagainakop ang NPA sa sin-o man kag
ano man nga mga sindikato kag mga kriminal! Wala
sini ginatugtan nga mangin sanktwaryo ang iya
organisasyon kag teritoryo sa sin-o man nga mga
sindikato. Ini bangud kontra kag makahalalit ini sa
matuod nga interes sang pumuluyo.
Tigaylo, ginalunsar man sang NPA ang
kaugalingon nga kontra-druga kag kontra-sindikato
nga kampanya halin pa sang una, sa sakup nga
teritoryo nga ginahulagan sa Panay.
Ginpamatud-an ini sa mga gintigayon na nga
kampanya kontra-druga sa Nasidlangan kag
Nabagatnan nga Panay. Ini pareho sa pagdis-arma sa
guban ni Darwin Celiz sa Cuartero, Capiz, kag
pinakaulihi sang mga Longno sa Dumarao nga may
ginakaptan nga armas sang mga sindikato; subong
man ang pagkabuyagyag sang mga tinawo kag upisyal
sang 82nd
IB nga imbolbado sa pagbaligya kag
paggamit sang makahalalit nga druga. Sustenido man
nga ginasulong sang NPA ang kampanya edukasyon
sa masa kontra sa makahalalit nga druga.
Gani, sa simple nga pagkahambal, kon wala
sang mga kahimbon nga mataas nga opisyal sa AFP,
PNP, PDEA kag mga kurap nga pulitiko, madugay na
nga nadakpan ining si Prevendido bangud imposible
siya nga pahanugutan sang NPA nga makapanago sa
kon diin man nga bahin sang base sini.#
Kampanya sang Masang Mangunguma
Masobra 100 mangunguma, nagbenepisyo sa bungkalan
asobra 100 ka mga mangunguma kag mga
mamumugon sa uma ang nagbenepisyo sa
una nga bungkalan nga natabo sa Sanson
Estate sa Sara, Iloilo. Ini nga bungkalan ginapursiger
sang mga mangunguma kag mamumugon sa uma sa
pag-pusisyon kag pagbungkal sa pagtalauma sang
kadutaan nga dapat magkadto sa ila.
Nag-umpisa ang bungkalan sa Sanson Estate
sadtong Hunyo 23, 2017. Ini matapos ang madamo
nga mga pagsinapol sa kubay sang mga mangunguma,
I
M
7 Daba-Daba, Hunyo 2017
mga dayalogo sa ila mga engkargado kag mga
kaathagan halin sa pagsulundan sa DAR.
Ang organisado nga kusog sang mga mangu-
nguma kag mga mamumugon sa uma sa Sanson Estate
ang kolektibo nga nagbungkal sang masobra pito kag
tunga ka ektaryas nga kabahin sang 700 ektaryas sang
kadutaan sang mga Sanson nga nagasakup sang halos
17 ka kabaranggayan sang Sara.
Naorganisa kag ginpangunahan sang Anak-
pawis kag organisasyon sang mga mangunguma nga
PAMANGGAS (Paghugpong sang mga Mangunguma
sa Panay kag Guimaras) ukon lokal nga tsapter sang
KMP (Kilusang Magbubukid ng Pilipinas), ang mga
mangunguma. Paagi sa ululupod nga kusog kag pag-
himakas madinalag-on nila nga natamnan sang kamo-
te, balinghoy, kag saging ang palibot nga lugar para
makapiyan-piyan sa gutom nga ila ginaantus subong.
Ginpahayag sang tagpamaba sang Anakpawis
Sara Chapter nga si Jerlyn Diane, nga halin pa sang
Septyembre sang nagligad nga tuig matapos ang pag-
instalar sang masobra 300 ka CLOA holders sa
Sanson Estate, sila bilang mga orihinal nga mga
mangunguma kag mamumugon sa uma ang gindis-og
sa duta nga ila ginatalauma sang masobra na 30 ka
tuig.
Ginpursiger sang mga orihinal nga mga
mangunguma kag mamumugon sa uma ang
pagbungkal sang duta bisan nga ginpahalin sila resulta
sang sala nga pagpatuman sang nagligad nga tinawo
sang DAR.
Masobra sa 300 ka CLOA holders ang gin-
instalar sa pihak sang pagpamatuk sang masobra 100
ka mga petisyuner. Ang sentral nga upisina sang DAR
ang magahimo pa sang tikang para sa paglakip sa ila
nga mga petisyuner nga makapanag-iya man sang
nasambit nga kadutaan.
Bangud sang korapsyon kag maniobra sang
lokal nga mga tinawo sang DAR kag agalon nga
mayduta, ginapasudlan sang iban nga mga mangu-
nguma ang Sanson Estate kag amo ang ginhatagan
sang CLOA. Ang mga orihinal nga mga mangunguma
kag mamumugon sa uma wala nakaagum sang CLOA.
Sadtong 1991 ang DAR nagsakup sang Sanson
Estate kag ginpaidalom sa programa sa reporma sa
duta. Ang mga tag-iya naman sang Sanson Estate
nagtumod sang ila kaugalingon nga ginakilala nga
mga benipisyaryo sa reporma sa duta. Apang matapos
ang duha ka tuig, ini sila nga mga mangunguma ang
wala nahatagan sang CLOA.
Suno pa sa tagpamaba sang Anakpawis Sara
Chapter, gusto nila kag ginapakigbatu ang hustisya.
Gani nga nagpursiger sila kag nagbungkalan agud
makita ang ila determinasyon, paghiliusa sa handum
nga magpauswag ang ila sitwasyon. Ginpanawagan
man nila sa DAR kag Secretary Mariano nga
padasigon ang pag-imbistiga sang kaso kag mabuligan
nga mapaalibyo man sila sa gutom.
Subong padayon nga nagadamo ang mga
mangunguma kag mamumugon sa uma ang
nagapasakup sa organisasyon kag nagalapad man ang
ila ginabungkal nga kadutaan.
100 mangunguma nagpiket
sa Barotac Nuevo, Iloilo
Sa kaangut nga balita, nagpiket ang
malapit 100 ka mga mangunguma-
petisyuner halin Hacienda Silay sa Brgy.
Igbong, kag Bardum Corporation sa Brgy.
Licuan -- tanan sa banwa sang Barotac
Nuevo, Iloilo agud ipaabot ang ila higut-
anon sa pagpatuman sang pagpanagtag sang
duta sa mga mangunguma sa nasambit nga
banwa.
Suno sa mga mangunguma-
petisyuner sa Hacienda Silay, ang ila lain-
buot amo kon ngaa wala sila mahatagan sang CLOA
nga sila mismo ang nagbakas nga mangin produktibo
ang nasambit nga asyenda? Ini matapos nila hawanan
ang mga katigbawanan kag kakahuyan para mapundar
ini bilang talamnan sa malapit 20 na katuig ang
nagligad.
Ginreklamo man ni Naida Britania, 62 anyos,
ang ila pagkapreso sang nagligad nga semana upod
ang isa pa nga si Roselyn Quiñones, isa man ka
mangunguma-petisyuner. Samtang na-gatrabaho sila
8 Daba-Daba, Hunyo 2017
sa ila talamnan ginsaruso sila sang iban nga mga
CLOA holders upod ang mga kapulisan.
Samtang sa Bardum sa Brgy, Licuan naman,
gindemanda sang mga mangunguma nga orihinal nga
administrador kag trabahante sa hasyenda sang tubo
nga ilakip ang ila mga ngalan bilang benepisyaryo kag
i-revalidate ang mga CLOA holders sa diin pila sa
mga ini indi man trabahante sa asyenda kag indi
mismo residente sang Brgy Licuan.
Sa pagpiket sang mga mangunguma-petis-
yuner, gin-atubang nila ang upisyal sang PARO (Pro-
vincial Agrarian Office) nga wala man nakasabat sa
demanda sang mga mangunguma. Ginpangayo sang
mga mangunguma sang Hda. Silay ang interbensyon
sang DAR bangud sang pagduging sang malapit 20 ka
katapo sang pulis kag militar sa ila lugar nga
nagapuyo sa mga balay sang pumuluyo kag wala sang
kortesiya sa ila barangay kapitan.
Mga mangunguma nagpamatuk
sa land-use conversion
Masobra 80 ka mga mangunguma ang
nagtipon halin sa mga kabaranggayan sang Pavia, Sta.
Barbara kag San Miguel, sa probinsya sang Iloilo
sadtong Hunyo 12. Ini agud kolektibo nila nga matun-
an ang ila kahimtangan kag sang mga kaangay nila
nga mangunguma sa iban pa nga bahin sang pungsod.
Nagtambong sa sini nga pagtililipon ang mga
agrarian reform beneficiaries(ARB) kag mga
apektado sang land-use conversion ukon pagkambyo-
gamit sang agrikultural nga kadutaan pakadto sa
residensyal ukon real estate agud makalikaw sa
reporma sa duta. Ini ang ginahimo subong sang mga
dalagku kapitalista sa real estate sa nasambit nga mga
kabanwahanan kakunsabo ang mga tag-iya nga mga
agalon nga mayduta.
Sa sini nga pagtilipon, madinalag-on nga
naghiliusa ang mga mangunguma sa pagpamatuk sang
wala hawid kag iligal nga kumbersyon sang mga
primera klase nga agrikultural nga kadutaan pakadto
sa gamit sang real estate. Nagakatabu ini bisan sa mga
kadutaan nga nasakop sang programa sa repormang
agraryo sang gubyerno, sa diin ang ini nga mga
kadutaan naaward sa mga mangunguma may CLOA
(Certificate of Land Ownership Award), CLT
(Certificate of Land Transfer) kag EP (Emancipation
Patent) na.
Ginpanawagan man sang mga mangunguma
nga untatan na ang land-use conversion sang mga duta
nga agrikultural, paghatag sang gubyerno sang
nagakaigo nga subsidyo sa mga mangunguma,
nagakaigo nga suporta kag serbisyo kaangay sang
libre nga irigasyon, ayuda sa panahon sang kalamidad,
kag pagpatuman ang tunay nga reporma sa duta.
Alyansa para sa pagsuporta sa mga mangunguma
Samtang sa Roxas City sa Capiz, masobra 100
ang nagtambong pagtukod sang isa ka alyansa
sadtong, para sa kawsa sang mga mangunguma nga
nagahimakas para sa reporma sa duta sadtong Hunyo
10. Ginhingadlan ini nga Solidarity of People’s
Advocates for Agrarian Reform.
Ang kahiwatan ginpangunahan sang Kahub-
lagan sang Mangunguma sa Capiz ukon KAMACA,
MASIPAG Visayas, Unyon ng mga Manggagawa sa
Agrikultura (UMA), kag Pamalakaya. Ginbuylugan
ini sang mga representante sang mga mangunguma
halin sa kabanwahanan sang Tapaz, Mambusao,
Ivisan, Dumarao, Cuartero, Maayon, Pontevedra,
Pres. Roxas, Pilar kag Roxas City.
Sa ila napirmahan nga
nga manipesto, ila gindeklarar
ang paghiliusa para itibong
ang matuod nga repormang
agraryo agud maangkon sang
mga mangunguma ang duta
nga ila ginabungkal. Nagapa-
nindugan ang alyansa nga
paagi sa tunay nga reporma sa
duta kag pungsodnon nga
industriyalisasyon, maangkon
ang kauswagan kag kalinu-
ngan sa pungsod.#
9 Daba-Daba, Hunyo 2017
Duha ka adlaw nga transport strike
sa Panay kag Guimaras, madinalag-on
adinalag-on ang ginlunsar nga duha ka
adlaw nga transport strike sadtong Hunyo 5
asta 6 sa isla sang Panay kag Guimaras. Ini
sa pagpanguna sang PISTON-Panay kag No to PUV
Phase-out Coalition.
Sa pagtasa sang alyansa nga No To PUV
Phaseout Coalition sa ginlunsar nga transport stike,
gamay ang mga pasahero ang makit-an sa mga ter-
minal sa duha ka adlaw bangud sang syento porsyento
(100%) nga pag-untat byahe sang public utility
jeepneys (PUJ) sa kaprobinsyahanan sang Guimaras,
Antique, kag Iloilo. Samtang nagaabot naman sa 96
porsyento (96%) nga nag-untat byahe ang mga
drayber-opereytor sa Capiz kag Aklan, kag 98
porsyento (98%) naman ang sa Iloilo City.
Suno sa Bayan-Panay, daku man ang nabulig
sang suporta sang publiko paagi sa indi na pagbyahe
kag pagkilala nila sa epekto sang programa nga
pagdula sang nahinambitan nga mga pangpubliko nga
salakyan.
Suno naman sa PISTON-Panay, mas malapad
ang nalab-ot nga paghiliusa sang mga drayber-
opereytor sa subong nga transport strike ikumpara
sadtong nagligad nga Pebrero. Ginasalaming ini sang
pag-upod sang iban pa gid nga mga asosasyon sang
mga drayber-opereytor.
Ang transport strike isa ka pagprotesta batuk
sa nagahana nga pagdula na sang mga pangpubliko
nga salakyan ilabi na ang jeepney nga nagalawig na
sang 15 anyos pataas. Ang pagdula sang nahinambitan
nga mga pangpubliko nga salakyan isa ka programa
nga magawasak kag magaagaw sang palangabuhian
sang mga drayber kag magagmay nga opereytor.
Sa pagdula sang daan nga dyipney, islan ini
sang mga Electric-Jeepney kag EURO4 Compliant
Jeepneys nga nagabalor P1.2milyon kada yunit.
Ipaidalom ang mga ini sa isa ka fleet management nga
pribado nga ginapanag-iyahan sang dalagku nga
kapitalista kag sila ang makabenipisyo diri.
Panawagan sang PISTON sa gilayon amo ang
ayuda sa rehabilitasyon sang mga daan na nga mga
dyipney nga dapat ipatuman sang gubyerno imbes nga
pagdula sini. Sa pangmalawigan, ang pungsudnon nga
industriyalisasyon, ang pagtukod sang mga industriya
sang salsalon ang makasabat sa pagdebelopar sang
sistema sang transportasyon sang Pilipinas. Ini
kadungan sa libre nga panagtag sang duta sa mga
mangunguma paagi bilang sabat sa malaparan nga
kaimulon.#
Problema sa serbisyo sa edukasyon
nga ginaabaga sang mga istudyante kag ginikanan
ang nagligad nga Hunyo 5, nagbukas na ang
klase. Ginaatubang gihapon sang mga kabataan
kag ginikanan ang problema sang kakulangon
sang mga hulot-klasehan, mga pulungkuan, mga libro
kag iban nga kagamitan sa pangpubliko nga mga
iskwelahan. Pati mga ginikanan ginahingalitan pa sa
mga brigada-iskwela.
Sa bug-os nga pungsod, ang Department of
Education (DepEd) nagpahayag nga 66,000 ka hulot-
klasehan ang kulang sadtong 2016. Halos katunga pa
lang ang ila nasabat sini nga 2017. Suno sa Alliance
of Concerned Teachers (ACT), kulang man ang
DepEd sang mga 235 ka milyon nga mga gamit pang-
instruksyon, masobra 2 ka million ka pulungkuan, kag
66, 492 ka lamesa.
Amo man ini nga mga problema ang nagsu-
gata sa masobra isa ka milyon ka mga istudyante sa
Western Visayas sa pagbukas sang klase sini nga
Hunyo. Bangud sa kakulangon sang hulot-klasehan,
may mga iskwelahan sa hayskol nga nagaumpisa sa
M
S
10 Daba-Daba, Hunyo 2017
pagklase sa alas 6 sang aga kada adlaw para malagas
ang pagklase sa iban nga grado.
Sa pahayag sang Kabataan Partylist, resulta ini
sang pagpabaya sang gubyerno kag DepEd sini sa
pagsabat sang madugay na nga problema sa edu-
kasyon sa pungsod nga mas ginpalala sang pag-
patuman sang K-12 program.
Dugang pa sang Kabataan Partylist-Western
Visayas, naglab-ot sa halos 40 porsyento sang gina-
lauman nga numero sang makaiskwela ang wala pa
makapa-enrol bangud nangin rekisito sang tagsa ka
mga iskwelahan nga magpanukot sang mga alamutan
ukon kautangan sang mga istudyante antes sila
makapa-enrol. Baliskad ini sa direktiba sang DepEd
nga nagadumili sa mga iskwelahan nga mangulekta
sang balayran halin sa mga istudyante sa hayskol kag
elementarya. Ginpakamalaut ini sang KABATAAN
Partylist kag ANAKBAYAN.
Sang Setyembre 2, 2016, nagpaggwa ang
DepEd ang Memorandum No. 143, series of 2016 nga
boluntaryo ang bayran sang mga kabataan kag gini-
kanan ang mga alamutan sa Parents Teachers Associa-
tion (PTA), Red Cross, kag balayran sa publikasyon.
Ginapanawagan sang Kabataan Partylist ang
pagpadayon sang paglunsar sang mga dalagkuan nga
paghulag sa pagpresyur sa gubyerno nga lubaron ang
basehan nga problema sa edukasyon kaangay sang
pagtaas sang mga balayran kag para ibasura ang K-12
program nga nagresulta sa indi makapadayon sang
mga duha ka milyon kag tungan ka mga estudyante sa
bilog nga pungsod.#
Protesta saAdlaw sang paltik nga kahilwayan
inlunsar sang progresibo nga mga grupo sa
Iloilo City sa pagpanguna sang Panay
Alliance Karapatan ang protesta batuk sa layi
militar sa Mindanao, terorismo, kag pagpasilabot sang
imperyalismong US sa okasyon sang ika-119 nga
paltik nga Philippine Independence Day sadtong
Hunyo 12.
Suno sa Panay Alliance Karapatan, wala sang
tunay nga kahilwayan, wala sang tunay nga pagbag-o
sa idalum sang gubyernong Duterte. Ini bangud
padayon nga nagakagha ang pumuluyo sa kaimulon
kag malapnagon ang paglapas sang tawhanon nga
kinamatarung.
Ginpakamalaut man sang mga progresibo nga
grupo ang terorista nga pagpang-atake sa Marawi
City. Apang mabaskug nga ginapamatukan ang
pagpatuman sang Martial Law bangud napamatud-an
nga indi ini solusyon kundi labi lamang nga nagpalala
sang kahalitan kag pagpanglapas sang kinamatarung
ilabi na sa mga sibilyan.
Mabaskog man nga nagapaandam ang
progresibo nga mga grupo kay Pres. Duterte nga indi
magpaganoy sa mga utok-pulbura nga mga gabinete
sini pareho kay Sec. Delfin Lorenzana sang Depart-
ment of National Defense (DND) kag General Eduar-
do Año nga amo ang nagapangsulsol pabor sa interes
sang imperyalistang US.
Gindemanda naman sang Promotion of Church
People’s Response (PCPR) ang pagpauntat na sang
patarasak nga pagpangbomba sang AFP sa Marawi
kag pagpangdakup sang mga lider aktibista. Ginpana-
wagan man sang mga relihiyusong sektor ang paghil-
way kay Obispo Carlo Morales, kag iban pa nga mga
detenido pulitikal.Naghiwat sang prayer vigil kag
candle lighting ang grupo antes nagtakop ang
nasambit nga kahiwatan. #
Alipalok
inkakibot gid sang nagaharing sahi kag militar ang
pagka-over run sang Maasin Municipal Police
Station sang Hunyo 18. Indi na basta lang
mahinabunan sang ila tiko nga propaganda nga maluya kag
kontrolado na ang NPA sa Panay. Halin sa paghikay sobra
naman nga ginpahog ang ila kaugalingon. Kuno pila ka
banwa ang sunod nga salakayon. Nagkinaran-karan ang
PNP sa pagdepensa sang ila mga istasyon. Hantal-hantal
ang sandbags bilang trensera. Gani daw masal-an nga
NFA warehouse na ang PNP Stations ukon indi gani
nagabaligya na bugas ang pulis.
* * *
Ginlubid tudo sang 61st IB PA ang kamatuoran
sang natabu nga engkwentro sa Brgy. Lampaya, Leon,
Iloilo. Ginsustenir gid nila ang kabutigan nga NPA kag
Tanod sang Lampaya ang nag- engkwentro. Pati na ang
probinsyal gobernador gin-ulamid pa nila sa ila drama.
Naghatag ang Provincial Peace and Order Council sang
plaque sa mga Tanod nga maisog nagbatu.
G
G
11 Daba-Daba, Hunyo 2017
Naham-ot naman ang masa sa kabukiran sang
Leon. Bistado nila nga halin pa sa Brgy. Bucari ang 23 ka
tropa sang 61st IB PA nagpanglaktod sa Brgy. Tunguan
antes naglinupok. Patay-patay man kadlaw ang NPA.
Imbes maglagas naggumon-gumon sila sa pagbalay drama
nga maghinabon sang ila kapalpakan.
* * *
Kilat kadasig magpasaka kaso ang PRO-6 sa kuno
identified gid nga upod sa nagreyd nga yunit sang NPA sa
PNP station sang Maasin. Sus ah! Daw sa piho gid si
MarlonTayaba. Makaluluoy ang mga inosente nga sibilyan
nga nadalasa sang ila poor intelligence kag pinulis nga
sistema.
Indi katingalahan nga damu ang agrabyado sa pulis
kag nangin intel network sang NPA indi lang sa Maasin.
Kag indi man makatilingala kon madamu na nga PNP
stations sa pungsod ang madinalag-on nga nasalakay sang
NPA kag magadamu pa sa palaabuton.#
Medikal Herbal nga bulong sa Lan-ag
a panahon sang tig-ululan, indi malikawan nga
magduging ang lan-ag kag iban pa nga fungal
nga impeksyon. Ini nagatubo sa tiil, kapin pa sa
tunga sang mga tudlo, nagakatol, nagapamanit kag
pwede magtuga sang pilas. May pila ka tanom sa aton
palibot nga pwede naton magamit para mabulong ini.
Ang palotsina isa ka tanom nga may kataason
sang 1-3 ka metro. Daw pareho sang bayabas ang
dahon, may dako nga dilaw ukon yellow nga bulak
kag bunga.
Ini mabulong sa mga impeksyon sa panit pareho sang
lan-ag, an-an, bun-i, alipunga kag kurikong.
Magkuha sang husto lang kadamuon nga
preska nga dahon sang palotsina. Pugaon asta nga
maggwa ang duga kag ipahid sa panit 1-2 ka beses sa
1 ka adlaw.
Pwede man ini himuon nga ointment. Kolek-
tahon ang dahon sang palotsina antes maluto ang
bunga. Hugasan ini sang maayo kag kuhaon ang mga
dunot nga parte.
Hiwa-hiwaon ang dahon kag pamalhon pama-
agi sa pagsab-it sini sa isa ka mahangin pero maharon
nga lugar (air-dry). Pwede nga natuhog ukon nasulod
sa isa ka suludlan nga madasig masudlan sang hangin
pareho sang screen bag. Pwede man ibutang sa iba-
baw sang screen. Indi pag-idirekta bulad sa init sang
adlaw ang dahon.
Para mag-obra nga ointment, initon ang dahon
sa lana para makahimo sang duga ukon oil extract (1-
2 ka bahin sang tanom sa 4 ka bahin sang lana).
Isimpon ang 2 ka bahin sini kag 1 ka bahin sang gin-
tunaw nga kandila nga puti ukon petroleum jelly.
Samuon, isaylo sa matinlo nga bulutangan kag
pabugnawon.
Ang ahos
pwede man mabu-
long sa an-an. Ki-
hadon ang liso pa-
balabag kag ipahid
sa apektado nga
bahin, 2-3 beses
kada adlaw.
Ang manunggal, isa ka balagon nga may
magaras nga lawas kag may dahon na korte kasing-
kasing. Ini mabulong sa kurikong kag iban pa nga
fungal nga impeksyon. Gamiton ang preska nga bala-
gon kag kuhaon ang duga. Ipahid sa apektado nga
lugar maluwas lang sa guya.
Antes ida-
pat ang mga na-
sambit nga tanom
sa apektado nga
parte, ipahid anay
sa normal kag
gamay nga bahin
sang panit kag
bantayan kon may
reaksyon pareho
sang pagpala-
mula, palangatol
kag pagkahapdi.
Indi pag-
segihon ang pagdapat sang bulong kon may negatibo
nga reaksyon. #
S
12 Daba-Daba, Hunyo 2017
Binalaybay
Ang mga Hilikuton
Ang mga hilikuton nga aton ginatungdan
Obrahon naton sa kutob-masarangan
Ang tagsa-tagsa himuon naton nga inspirasyon
Gani indi gid magkataka sa mga pagtuon.
Ginasulong naton ang armadong paghimakas
Para sa pumuluyo, masang anakbalhas
Para sa inaway banwa kita magtodo-kamas
Agud ang lebel sang rebolusyon mapataas.
Pasangkaron naton ang pamensaron
Sa nagakatabo sa katilingban naton
Pwersa sang pumuluyo padayon organisahon
Sa labi nga pagsulong sang rebolusyon.
Mga pamatan-on aton gid buyukon
Paintindihon kag hatagan sang edukasyon
Kag sa kusog sang hukbo sila rekrutahon
Sa lubos-panahon nga pagpasakop sa rebolusyon.
Sa patag awayan magpabaskogkag magpadamo
Mga pigos tuburan nga kusogsang pumuluyo
Sainaway banwakahilwayan ang aton tuyo
Walay pang-alang-alang, pat-ud ang kadalag-an!
-- Rica Manlaw
Caduy
Sa sentrong banwa sang Maasin, Iloilo Hunyo 18, 2017:
Madinalag-on nga na-reyd ang istasyon sang pulis.
Naglanog ang singgitan sang NPA: sa punsok sang pumu-luyo may mga balatyagon nga sekreto nagahugyaw, nagakuom sang kamot, palatandaan sang pag-upod sa kadalag-an!
Mabuhay ang NPA!